Svarga-khaṇḍa · Chapter 12
Sourceवसिष्ठ उवाच- प्रदक्षिणमुपावृत्तो जंबूमार्गे समाविशेत् । जंबूमार्गं समाविश्य पितृदेवर्षिपूजितम् १। अश्वमेधमवाप्नोति विष्णुलोकं च गच्छति । तत्रोष्य रजनीः पंच षष्ठकालेश्नुवन्नरः २। न दुर्गतिमवाप्नोति सिद्धिं चाप्नोत्यनुत्तमाम् । जंबुमार्गादुपावृत्तो गच्छेत्तु दुलिकाश्रमम् ३। न दुर्गतिमवाप्नोति स्वर्गलोके च पूज्यते । अगस्त्याश्रममासाद्य पितृदेवार्चने रतः ४। त्रिरात्रोपोषितो राजन्नग्निष्टोमफलं लभेत् । शाकवृत्तिः फलैर्वापि कौमारं विंदते परम् ५। कन्याश्रमं समासाद्य श्रीपुष्टं लोकपूजितम् । धर्मारण्यं हि तत्पुण्यमाद्यं च पार्थिवर्षभ ६। यत्र प्रविष्टमात्रो वै पापेभ्यो विप्रमुच्यते । अर्चयित्वा पितॄन्देवान्प्रयतो नियताशनः ७। सर्वकामसमृद्धस्य यज्ञस्य फलमश्नुते । प्रादक्षिण्यं ततः कृत्वा ययातिपतनं व्रजेत् ८। हयमेधस्य यज्ञस्य फलमाप्नोति तत्र वै । महाकालमतो गच्छेन्नियतो नियताशनः ९। कोटितीर्थमुपस्पृश्य हयमेधफलं लभेत् । ततो गच्छेत धर्मज्ञ स्थानं तीर्थमुमापतेः १०। नाम्ना भद्रवटं नाम त्रिषु लोकेषु विश्रुतम् । तत्राभिगम्य चेशानं गोसहस्रफलं लभेत् ११। महादेवप्रसादाच्च गाणपत्यमवाप्नुयात् । समृद्धमसपत्नं तु श्रियायुक्तं नरोत्तम १२। नर्मदां तु समासाद्य नदीं त्रैलोक्यविश्रुताम् । तर्पयित्वा पितॄन्देवानग्निष्टोमफलं लभेत् १३। इति श्रीपाद्मे महापुराणे स्वर्गखंडे द्वादशोऽध्यायः १२
vasiṣṭha uvāca- pradakṣiṇamupāvṛtto jaṃbūmārge samāviśet | jaṃbūmārgaṃ samāviśya pitṛdevarṣipūjitam 1| aśvamedhamavāpnoti viṣṇulokaṃ ca gacchati | tatroṣya rajanīḥ paṃca ṣaṣṭhakāleśnuvannaraḥ 2| na durgatimavāpnoti siddhiṃ cāpnotyanuttamām | jaṃbumārgādupāvṛtto gacchettu dulikāśramam 3| na durgatimavāpnoti svargaloke ca pūjyate | agastyāśramamāsādya pitṛdevārcane rataḥ 4| trirātropoṣito rājannagniṣṭomaphalaṃ labhet | śākavṛttiḥ phalairvāpi kaumāraṃ viṃdate param 5| kanyāśramaṃ samāsādya śrīpuṣṭaṃ lokapūjitam | dharmāraṇyaṃ hi tatpuṇyamādyaṃ ca pārthivarṣabha 6| yatra praviṣṭamātro vai pāpebhyo vipramucyate | arcayitvā pitṝndevānprayato niyatāśanaḥ 7| sarvakāmasamṛddhasya yajñasya phalamaśnute | prādakṣiṇyaṃ tataḥ kṛtvā yayātipatanaṃ vrajet 8| hayamedhasya yajñasya phalamāpnoti tatra vai | mahākālamato gacchenniyato niyatāśanaḥ 9| koṭitīrthamupaspṛśya hayamedhaphalaṃ labhet | tato gaccheta dharmajña sthānaṃ tīrthamumāpateḥ 10| nāmnā bhadravaṭaṃ nāma triṣu lokeṣu viśrutam | tatrābhigamya ceśānaṃ gosahasraphalaṃ labhet 11| mahādevaprasādācca gāṇapatyamavāpnuyāt | samṛddhamasapatnaṃ tu śriyāyuktaṃ narottama 12| narmadāṃ tu samāsādya nadīṃ trailokyaviśrutām | tarpayitvā pitṝndevānagniṣṭomaphalaṃ labhet 13| iti śrīpādme mahāpurāṇe svargakhaṃḍe dvādaśo'dhyāyaḥ 12
English translation
Vasiṣṭha said :
1-8. Turning round and moving to the right, he would approach the way to Jambu . Approaching the path of Jambu, adored by manes, gods and sages, he obtains (the fruit of) Aśvamedha and goes to Viṣṇu ’s world. A man going (from there) after having stayed there for five or six nights, does not meet with ill luck, but obtains best success. Returning from Jambumārga, he should go to Dulikāśrama. He does not meet with indigence and is honoured in heaven. O king, he who engaged in worshipping the forefathers and gods observes a fast for three nights after reaching the hermitage of Agastya , would obtain the fruit of (having performed) an Agniṣṭoma sacrifice. By subsisting on vegetables or fruits he obtains the fruit of youthfulness; after reaching Kanyāśrama nourished with glory and revered by people, he is free from his sins the moment he enters it, since, O king, it is a meritorious and the best sacred grove. Being controlled and having limited food, he, after having worshipped his forefathers and deities, gets the fruit of a sacrifice full of (i.e. that satisfies) all desires. Having turned to the right, he would then go to Yayātipatana .
9-11. There he obtains the fruit of a horse sacrifice. Being restrained and having controlled his diet, from here he should go to Mahākāla . After having bathed in Koṭitīrtha he would obtain the fruit of a horse sacrifice. Then, O you righteous one, he should go to the holy place, the abode of the lord of Umā (i.e. Pārvatī ). It is known as Bhadravata , and is well known in the three worlds. Having approached Śiva there he would obtain the fruit of (a present of) a thousand cows.
12-13. O best man, by Mahādeva ’s (i.e. Śiva’s) grace he would obtain the leadership which is fruitful and without a rival. Having reached Narmada , well-known in the three worlds, and having offered oblations to his forefathers and gods (there) he would obtain the fruit of an Agniṣṭoma sacrifice.
Complete chapter-aligned witnesses. Sanskrit Wikisource page 41554, revision 401297 (2024-03-27T04:27:23Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365231.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.