Bhūmi-khaṇḍa · Chapter 75
Sourceसुकर्मोवाच- विष्णुं कृष्णं हरिं रामं मुकुंदं मधुसूदनम् । नारायणं विष्णुरूपं नारसिंहं तमच्युतम् १। केशवं पद्मनाभं च वासुदेवं च वामनम् । वाराहं कमठं मत्स्यं हृषीकेशं सुराधिपम् २। विश्वेशं विश्वरूपं च अनंतमनघं शुचिम् । पुरुषं पुष्कराक्षं च श्रीधरं श्रीपतिं हरिम् ३। श्रीनिवासं पीतवासं माधवं मोक्षदं प्रभुम् । इत्येवं हि समुच्चारं नामभिर्मानवाः सदा ४। प्रकुर्वंति नराः सर्वे बालवृद्धाः कुमारिकाः । स्त्रियो हरिं सुगायंति गृहकर्मरताः सदा ५। आसने शयने याने ध्याने वचसि माधवम् । क्रीडमानास्तथा बाला गोविंदं प्रणमंति ते ६। दिवारात्रौ सुमधुरं ब्रुवंति हरिनाम च । विष्णूच्चारो हि सर्वत्र श्रूयते द्विजसत्तम ७। वैष्णवेन प्रभावेण मर्त्या वर्तंति भूतले । प्रासादकलशाग्रेषु देवतायतनेषु च ८। यथा सूर्यस्य बिंबानि तथा चक्राणि भांति च । वैकुंठे दृश्यते भावस्तद्भावं जगतीतले ९। तेन राज्ञा कृतं विप्र पुण्यं चापि महात्मना । विष्णुलोकस्य समतां तथानीतं महीतलम् १०। नहुषस्यापि पुत्रेण वैष्णवेन ययातिना । उभयोर्लोकयोर्भावमेकीभूतं महीतलम् ११। भूतलस्यापि विष्णोश्च अंतरं नैव दृश्यते । विष्णूच्चारं तु वैकुंठे यथा कुर्वंति वैष्णवाः १२। भूतले तादृशोच्चारं प्रकुर्वंति च मानवाः । उभयोर्लोकयोर्विप्र एकभावः प्रदृश्यते १३। जरारोगभयं नास्ति मृत्युहीना नरा बभुः । दानभोगप्रभावश्च अधिको दृश्यते भुवि १४। पुत्राणां तु सुखं पुण्यमधिकं पौत्रजं नराः । प्रभुंजंति सुखेनापि मानवा भुवि सत्तम १५। विष्णोः प्रसाददानेन उपदेशेन तस्य च । सर्वव्याधिविनिर्मुक्ता मानवा वैष्णवाः सदा १६। स्वर्गलोकप्रभावो हि कृतो राज्ञा महीतले । पंचविंशप्रमाणेन वर्षाणि नृपसत्तम १७। गदैर्हीना नराः सर्वे ज्ञानध्यानपरायणाः । यज्ञदानपराः सर्वे दयाभावाश्च मानवाः १८। उपकाररताः पुण्या धन्यास्ते कीर्तिभाजनाः । सर्वे धर्मपरा विप्र विष्णुध्यानपरायणाः १९। राज्ञा तेनोपदिष्टास्ते संजाता वैष्णवा भुवि । विष्णुरुवाच- श्रूयतां नृपशार्दूल चरित्रं तस्य भूपतेः २०। सर्वधर्मपरो नित्यं विष्णुभक्तश्च नाहुषिः । अब्दानां तत्र लक्षं हि तस्याप्येवं गतं भुवि २१। नूतनो दृश्यते कायः पंचविंशाब्दिको यथा । पंचविंशाब्दिको भाति रूपेण वयसा तदा २२। प्रबलः प्रौढिसंपन्नः प्रसादात्तस्य चक्रिणः । मानुषा भुवमास्थाय यमं नैव प्रयांति ते २३। रागद्वेषविनिर्मुक्ताः क्लेशपाशविवर्जिताः । सुखिनो दानपुण्यैश्च सर्वधर्मपरायणाः २४। विस्तारं तेजनाः सर्वे संतत्यापि गता नृप । यथा दूर्वावटाश्चैव विस्तारं यांति भूतले २५। यथा ते मानवाः सर्वे पुत्रपौत्रैः प्रविस्तृताः । मृत्युदोषविहीनास्ते चिरं जीवंति वै जनाः २६। स्थिरकायाश्च सुखिनो जरारोगविवर्जिताः । पंचविंशाब्दिकाः सर्वे नरा दृश्यंति भूतले २७। सत्याचारपराः सर्वे विष्णुध्यानपरायणाः । एवं सर्वे च मर्त्यास्ते प्रसादात्तस्य चक्रिणः २८। संजाता मानवाः सर्वे दानभोगपरायणाः । मृतो न श्रूयते लोके मर्त्यः कोपि नरोत्तम २९। शोकं नैव प्रपश्यंति दोषं नैव प्रयांति ते । यद्रूपं स्वर्गलोकस्य तद्रूपं भूतलस्य च ३०। संजातं मानवश्रेष्ठ प्रसादात्तस्य चक्रिणः । विभ्रष्टा यमदूतास्ते विष्णुदूतैश्च ताडिताः ३१। रुदमाना गताः सर्वे धर्मराजं परस्परम् । तत्सर्वं कथितं दूतैश्चेष्टितं भूपतेस्तु तैः ३२। अमृत्युभूतलं जातं दानभोगेन भास्करे । नहुषस्यात्मजेनापि कृतं देवययातिना ३३। विष्णुभक्तेन पुण्येन स्वर्गरूपं प्रदर्शितम् । एवमाकर्णितं सर्वं धर्मराजेन वै तदा ३४। धर्मराजस्तदा तत्र दूतेभ्यः श्रुतविस्तरः । चिंतयामास सर्वार्थं श्रुत्वैवंनृपचेष्टितम् ३५। इति श्रीपद्मपुराणे भूमिखंडे वेनोपाख्याने मातापितृतीर्थवर्णने ययातिचरित्रे पंचसप्ततितमोऽध्यायः ७५।
sukarmovāca- viṣṇuṃ kṛṣṇaṃ hariṃ rāmaṃ mukuṃdaṃ madhusūdanam | nārāyaṇaṃ viṣṇurūpaṃ nārasiṃhaṃ tamacyutam 1| keśavaṃ padmanābhaṃ ca vāsudevaṃ ca vāmanam | vārāhaṃ kamaṭhaṃ matsyaṃ hṛṣīkeśaṃ surādhipam 2| viśveśaṃ viśvarūpaṃ ca anaṃtamanaghaṃ śucim | puruṣaṃ puṣkarākṣaṃ ca śrīdharaṃ śrīpatiṃ harim 3| śrīnivāsaṃ pītavāsaṃ mādhavaṃ mokṣadaṃ prabhum | ityevaṃ hi samuccāraṃ nāmabhirmānavāḥ sadā 4| prakurvaṃti narāḥ sarve bālavṛddhāḥ kumārikāḥ | striyo hariṃ sugāyaṃti gṛhakarmaratāḥ sadā 5| āsane śayane yāne dhyāne vacasi mādhavam | krīḍamānāstathā bālā goviṃdaṃ praṇamaṃti te 6| divārātrau sumadhuraṃ bruvaṃti harināma ca | viṣṇūccāro hi sarvatra śrūyate dvijasattama 7| vaiṣṇavena prabhāveṇa martyā vartaṃti bhūtale | prāsādakalaśāgreṣu devatāyataneṣu ca 8| yathā sūryasya biṃbāni tathā cakrāṇi bhāṃti ca | vaikuṃṭhe dṛśyate bhāvastadbhāvaṃ jagatītale 9| tena rājñā kṛtaṃ vipra puṇyaṃ cāpi mahātmanā | viṣṇulokasya samatāṃ tathānītaṃ mahītalam 10| nahuṣasyāpi putreṇa vaiṣṇavena yayātinā | ubhayorlokayorbhāvamekībhūtaṃ mahītalam 11| bhūtalasyāpi viṣṇośca aṃtaraṃ naiva dṛśyate | viṣṇūccāraṃ tu vaikuṃṭhe yathā kurvaṃti vaiṣṇavāḥ 12| bhūtale tādṛśoccāraṃ prakurvaṃti ca mānavāḥ | ubhayorlokayorvipra ekabhāvaḥ pradṛśyate 13| jarārogabhayaṃ nāsti mṛtyuhīnā narā babhuḥ | dānabhogaprabhāvaśca adhiko dṛśyate bhuvi 14| putrāṇāṃ tu sukhaṃ puṇyamadhikaṃ pautrajaṃ narāḥ | prabhuṃjaṃti sukhenāpi mānavā bhuvi sattama 15| viṣṇoḥ prasādadānena upadeśena tasya ca | sarvavyādhivinirmuktā mānavā vaiṣṇavāḥ sadā 16| svargalokaprabhāvo hi kṛto rājñā mahītale | paṃcaviṃśapramāṇena varṣāṇi nṛpasattama 17| gadairhīnā narāḥ sarve jñānadhyānaparāyaṇāḥ | yajñadānaparāḥ sarve dayābhāvāśca mānavāḥ 18| upakāraratāḥ puṇyā dhanyāste kīrtibhājanāḥ | sarve dharmaparā vipra viṣṇudhyānaparāyaṇāḥ 19| rājñā tenopadiṣṭāste saṃjātā vaiṣṇavā bhuvi | viṣṇuruvāca- śrūyatāṃ nṛpaśārdūla caritraṃ tasya bhūpateḥ 20| sarvadharmaparo nityaṃ viṣṇubhaktaśca nāhuṣiḥ | abdānāṃ tatra lakṣaṃ hi tasyāpyevaṃ gataṃ bhuvi 21| nūtano dṛśyate kāyaḥ paṃcaviṃśābdiko yathā | paṃcaviṃśābdiko bhāti rūpeṇa vayasā tadā 22| prabalaḥ prauḍhisaṃpannaḥ prasādāttasya cakriṇaḥ | mānuṣā bhuvamāsthāya yamaṃ naiva prayāṃti te 23| rāgadveṣavinirmuktāḥ kleśapāśavivarjitāḥ | sukhino dānapuṇyaiśca sarvadharmaparāyaṇāḥ 24| vistāraṃ tejanāḥ sarve saṃtatyāpi gatā nṛpa | yathā dūrvāvaṭāścaiva vistāraṃ yāṃti bhūtale 25| yathā te mānavāḥ sarve putrapautraiḥ pravistṛtāḥ | mṛtyudoṣavihīnāste ciraṃ jīvaṃti vai janāḥ 26| sthirakāyāśca sukhino jarārogavivarjitāḥ | paṃcaviṃśābdikāḥ sarve narā dṛśyaṃti bhūtale 27| satyācāraparāḥ sarve viṣṇudhyānaparāyaṇāḥ | evaṃ sarve ca martyāste prasādāttasya cakriṇaḥ 28| saṃjātā mānavāḥ sarve dānabhogaparāyaṇāḥ | mṛto na śrūyate loke martyaḥ kopi narottama 29| śokaṃ naiva prapaśyaṃti doṣaṃ naiva prayāṃti te | yadrūpaṃ svargalokasya tadrūpaṃ bhūtalasya ca 30| saṃjātaṃ mānavaśreṣṭha prasādāttasya cakriṇaḥ | vibhraṣṭā yamadūtāste viṣṇudūtaiśca tāḍitāḥ 31| rudamānā gatāḥ sarve dharmarājaṃ parasparam | tatsarvaṃ kathitaṃ dūtaiśceṣṭitaṃ bhūpatestu taiḥ 32| amṛtyubhūtalaṃ jātaṃ dānabhogena bhāskare | nahuṣasyātmajenāpi kṛtaṃ devayayātinā 33| viṣṇubhaktena puṇyena svargarūpaṃ pradarśitam | evamākarṇitaṃ sarvaṃ dharmarājena vai tadā 34| dharmarājastadā tatra dūtebhyaḥ śrutavistaraḥ | ciṃtayāmāsa sarvārthaṃ śrutvaivaṃnṛpaceṣṭitam 35| iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāticaritre paṃcasaptatitamo'dhyāyaḥ 75|
English translation
Sukarman said :
1-6. All men, children, old people, unmarried girls always uttered names (i.e. recited the various names of Viṣṇu like) Viṣṇu, Kṛṣṇa , Hari , Rāma , Mukunda , Madhusūdaṇa, Nārāyaṇa of the form of Viṣṇu, Narasiṃha , Acyuta , Keśava , Padmanābha , Vāsudeva , Vāmana , Varāha , Kamaṭha , Matsya , Hṛṣīkeśa , Surādhipa, Viśveśa , Viśvarūpa , Ananta , Anagha , Śuci , Puruṣa , Puṣkarākṣa , Śrīdhara , Śrīpati , Hari, Śrīnivāsa , Pītavāsa (i.e. clad in a yellow garment), Mādhava , Mokṣada (i.e. giver of salvation) and Prabhu . Women, engaged in domestic work always profusely sang (i.e. recited the names of) Hari, Mādhava, (so also when they were seated) on a seat, (when they were lying) in bed, (while they were going) in a vehicle and in meditation. Similarly children (while) playiṇg saluted Govinda (i.e. Viṣṇu).
7-16. Day and nigḥt they uttered the very sweet name of Viṣṇu. O best brāhmaṇa , everywhere the utterance (of the name) of Viṣṇu was heard. Human beings lived on the earth (only) through the power of Viṣṇu. Discs (of Viṣṇu) shoṇe as the (reflections of the). discs of the suṇ shine on the tops of the pitchers of palaces and temples. That condition which was seen in Vaikuṇṭha was seen oṇ the earth. That noble king, Nahuṣa ’s son Yayāti , performed (acts of) merit, and made the earth resemble Viṣṇu’s heaven. The appearance of both the worlds (being similar) the earth had become one (with Viṣṇu’s heaven). No difference between the earth aṇd Viṣṇu’s heaveṇ was noticed. As the devotees ofViṣṇu uttered the names of Viṣṇu in Vaikuṇṭha, like that (i.e. in the same way) men uttered Viṣṇu’s names on the earth. O brāhmaṇa, identity between the two worlds was noticed. There was no fear from old age and diseases. People were free from death. On the earth greater grandeur of charity and enjoyment was seen. O best one, men happily enjoyed greater pleasure of (i.e. from) soṇs aṇd grand-sons. All the human beings—Viṣṇu’s devotees—were always free from all diseases due to the gift of Viṣṇu’s grace (which they received) and his instruction.
17-20a. The king brought about the grandeur of heaven on the earth. O best king, the years were of the extent of twenty-five (i.e. were very long). All men were free from diseases and were iṇtent upon (getting) knowledge and meditation. All men were solely absorbed in (performing) sacrifices, and (giving) gifts, and all were kind. They were engaged iṇ obliging (others); those meritorious men, repositories of fame, were blessed. O brāhmaṇa, all men were solely devoted to religion and were solely absorbed in meditation. Instructed by that king, they became devoted to Viṣṇu on the earth.
Viṣṇu said :
20b-28a. O best king, listen to the account of that king. That son of Nahuṣa was always absorbed in all (deeds of) merit and a devotee of Viṣṇu. In this way he passed a lakh of years on the earth. His. body endowed with maturity, appeared to be twenty-five years old by means of his (handsome) form. Those men (i.e. his subjects), having resorted to (i.e. living on) the earth, do not at all go to Yama . O king, all people free from attachment and hatred, bereft of the noose of suffering, happy on account of the merit (obtained) by (giving) gifts, and solely devoted to all religious deeds, always expanded (i.e. their number grew) with regard to progeny also. As the dūrvā (grass) and the bunyan trees spread on the earth, in the same way all those men expanded (i.e. grew in number) by means of sons and grandsons. Those men, free from the blemish of death, lived long. All (those) men with strong bodies, free from old age and diseases and (therefore) happy, were seen to be twenty-five years old (i.e. very young) on the earth. All were devoted to good conduct and absorbed in meditation on Viṣṇu.
28b-34a. Thus all mortals—all human beings—had become solely devoted to (giving) gifts and enjoyments, due to the grace of that disc-holder (i.e. Viṣṇu). O best man, no human being was heard to be dead. They did not see (i.e. meet with) grief, nor did. they go to (i.e. have) blemish. O best of men, due to the favour of that disc-holder, the nature of the world had become just like that which was the nature of heaven. The messengers of Yama, beaten by Viṣṇu’s messengers, disappeared. All of them, weeping with one another, went to Dharmarāja (i.e. Yama). The messengers told (Yama) all that the king (i.e. Yayāti) had done. (They said to Yama): “O Sun’s son; due to (giving of) gifts and enjoyment the earth has become deathless. O god, Yayāti, the son of Nahuṣa, did it. That meritorious devotee of Viṣṇu, demonstrated the nature of heaven (on the earth).”
34b-35. At that time Dharmarāja heard all this. Then Dharmarāja, having heard in detail the activities of the king, considered the entire fact.
Complete chapter-aligned witnesses. Sanskrit Wikisource page 14621, revision 335534 (2022-04-10T13:03:04Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365167.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.