Pātāla-khaṇḍa · Chapter 51
Sourceशेष उवाच। तच्छ्रुत्वा भाषितं तस्य सुरथस्यांगदाननात् । सज्जीभूता रणे सर्वे रथस्था रणकोविदाः १। पटहानां निनादोऽभूद्भेरीनादस्तथैव च । वीराणां गर्जनानादाः प्रादुर्भूता रणांगणे २। रथचीत्कारशब्देन गजानां बृंहितेन च । व्याप्तं तत्सकलं विश्वं दिवं यातो महारवः ३। रणोत्साहेन संयुक्ता वीरा रणविशारदाः । कुर्वंति विविधान्नादान्कातरस्य भयंकरान् ४। एवं कोलाहले वृत्ते सुरथो नाम भूमिपः । स्वसुतैः सैनिकैश्चाथ वृतः प्रायाद्रणांगणे ५। गजैरथैर्हयैः पत्तिव्रजैः पूर्णां तु मेदिनीम् । कुर्वन्समुद्रइव तां प्लावयन्ददृशे भटैः ६। शंखनादेन संघुष्टं जयनादैस्तथैव च । वीक्ष्य तं प्रधनोद्युक्तं सुमतिं प्राह भूमिपः ७। शत्रुघ्न उवाच। एष राजा समायातो महासैन्यपरीवृतः । अत्र यत्कृत्यमस्माकं तद्वदस्व महामते ८। सुमतिरुवाच। योद्धव्यमत्र बहुभिर्वीरै रणविशारदैः । पुष्कलादिभिरत्युग्रैः सर्वशस्त्रास्त्रकोविदैः ९। राज्ञा सह समीरस्य पुत्रः परमशौर्यवान् । युद्धं करोतु सुबलः परयुद्धविशारदः १०। शेष उवाच। इति ब्रूते महामात्यो यावत्तावन्नृपात्मजाः । रणांगणे धनूंष्यद्धा स्फारयामासुरुद्धताः ११। तान्वीक्ष्य योधाः सुबलाः पुष्कलाद्या रणोत्कटाः । अभिजग्मुः स्यंदनैः स्वैर्धनुर्बाणकरा मताः १२। चंपकेन महावीरः पुष्कलः परमास्त्रवित् । द्वैरथेनैव युयुधे महावीरेण शालिना १३। मोहकं योधयामास जानकिः स कुशध्वजः । रिपुंजयेन विमलो दुर्वारेण सुबाहुकः १४। प्रतापिना प्रतापाग्र्यो बलमोदेन चांगदः । हर्यक्षेण नीलरत्नः सहदेवेन सत्यवान् १५। राजा वीरमणिर्भूरि देवेन युयुधे बली । असुतापेन चोग्राश्वो युयुधे बलसंयुतः १६। द्वैरथं तु महद्युद्धमकुर्वन्युद्धकोविदाः । सर्वे शस्त्रास्त्रकुशलाः सर्वे युद्धविशारदाः १७। एवं प्रवृत्ते संग्रामे सुरथस्य सुतैस्तदा । अत्यंतं कदनं तत्र बभूव मुनिसत्तम १८। पुष्कलश्चंपकं प्राह किं नामासि नृपात्मज । धन्योसि यो मया सार्धं रणमध्यमुपेयिवान् १९। इदानीं तिष्ठ किं यासि कथं ते जीवितं भवेत् । एहि युद्धं मया सार्धं सर्वशस्त्रास्त्रकोविद २०। इत्यभिव्याहृतं तस्य श्रुत्वा राजात्मजो बली । जगाद पुष्कलं वीरो मेघगंभीरया गिरा २१। चंपक उवाच। न नाम्ना न कुलेनेदं युद्धमत्र भविष्यति । तथापि तव वक्ष्येऽहं स्वनामबलपूर्वकम् २२। मम माता राघवेशो मत्पिता राघवः स्मृतः । मम बंधू रामचंद्र स्वःजनो मम राघवः २३। मन्नाम रामदासश्च सदा रामस्य सेवकः । तारयिष्यति मां युद्धे रामो भक्तकृपाकरः २४। लोकानां मतमास्थाय प्रब्रवीमि तवाधुना । सुरथस्य सुतश्चाहं माता वीरवतीमम २५। मन्नामयो मधौ सर्वाञ्छोभनान्विदधाति वै । मधुपायंरसावा संत्यजंति मधुमोहिताः २६। वर्णेन स्वर्णसदृशो मध्ये लिंगवपुर्धरः । तदाख्ययाभिधां वीर जानीहि मम मोहिनीम् २७। युध्यस्व बाणैः प्रधनेन को जेतुं हि मां क्षमः । इदानीं दर्शयिष्यामि स्वपराक्रममद्भुतम् २८। शेष उवाच। इति श्रुत्वा महद्वाक्यं पुष्कलो हृदि तोषितः । तं दुर्जयं मन्यमानः शरान्मुंचन्रणेऽभवत् २९। शरसंघं प्रमुंचंतं कोटिधा पुष्कलं ययौ । चंपकः कोपसंयुक्तो धनुः सज्यमथाकरोत् ३०। मुमोच निशितान्बाणान्वैरिवृंदविदारणान् । स्वनामचिह्नितान्स्वर्णपुंखभागसमन्वितान् ३१। तांश्चिच्छेद महावीरः पुष्कलः प्रधनांगणे । शरांधकारं सर्वत्र मुंचन्बाणाञ्छिलाशितान् ३२। स्वबाणच्छेदनं दृष्ट्वा कृतं वीरेण चंपकः । आह्वयामास बलिनं पुष्कलं कोपपूरितः ३३। मा प्रयाहि रणं त्यक्त्वेति ब्रुवन्समरे पुनः । पुष्कलं हृदये बाणैर्विव्याध दशभिस्त्वरन् ३४। ते बाणाः पुष्कलस्याहो हृदये तीव्रवेगिनः । आगत्य सुभृशं लग्नाः शोणितं पपुरूर्जितम् ३५। तैर्बाणैर्व्यथितो वीरः शरान्पंच समाददे । सुतीक्ष्णाग्रान्महाकोपाद्वारयन्पर्वतानिव ३६। ते बाणास्तस्य बाणाश्च परस्परमथोर्जिताः । आकाशे रचिताश्छिन्नाः शतधा राजसूनुना ३७। छित्त्वा बाणान्सुतीक्ष्णाग्रान्सुरथांगोद्भवो बली । बाणाञ्छतं समाधत्त पुष्कलं ताडितुं हृदि ३८। ते बाणाः शतधाच्छिन्नाः पुष्कलेन महात्मना । अपतन्समरोपांते शरवेगप्रपीडिताः ३९। तदा तत्सुमहत्कर्म दृष्ट्वा राज्ञः सुतो बली । सहस्रेण शराणां च ताडयन्वक्षसि स्फुटम् ४०। तानप्याशु प्रचिच्छेद पुष्कलः परमास्त्रवित् । पुनरप्याशु स्वे चापे समाधत्तायुतं शरान् ४१। तानप्याशु प्रचिच्छेद पुष्कलः परमास्त्रवित् । ततोऽत्यतं प्रकुपितः शरवृष्टिमथाकरोत् ४२। शरवृष्टिं समायांतीं मत्वा चंपक वीरहा । साधुसाधुप्रशंसंतं पुष्कलं समताडयत् ४३। पुष्कलश्चंपकं दृष्ट्वा महावीर्यसमन्वितम् । ब्रह्मणोऽस्त्रसमाधत्त स्वे चापे सर्वशस्त्रवित् ४४। तेन मुक्तं महाशस्त्रं प्रजज्वाल दिशो दश । खं रोदसी व्याप्य विश्वं प्रलयं कर्तुमुद्यतम् ४५। चंपको मुक्तमस्त्रं तद्दृष्ट्वा सर्वास्त्रकोविदः । तत्संहर्तुं तदेवास्त्रं मुमोच रिपुमुद्यतम् ४६। द्वयोरेकतमं तेजः प्रलयं मेनिरे जनाः । संजहार तदास्त्रास्त्रमेकीभूतं परास्त्रकम् ४७। तत्कर्मचाद्भुतं दृष्ट्वा पुष्कलस्तिष्ठतिष्ठ च । ब्रुवञ्छरानमोघांस्तु चंपकं स क्रुधाहनत् ४८। चंपकस्ताञ्छरान्मुक्तानगणय्य महामनाः । रामास्त्रं प्रमुमोचाथ पुष्कलं प्रति दारुणम् ४९। तन्मुक्तमस्त्रमालोक्य चंपकेन महात्मना । छेत्तुं यावन्मनश्चक्रे तावद्ग्रस्तः शरेण सः ५०। बद्धश्चंपकवीरेण रथे स्वे स्थापितः पुनः । पुरं प्रेषयितुं तावन्मनश्चक्रे महामनाः ५१। हाहाकारो महानासीद्बद्धे पुष्कलसंज्ञिके । शत्रुघ्नं प्रययुर्योधाः पलायनपरायणाः ५२। भग्नांस्तान्वीक्ष्य शत्रुघ्नो हनूमंतमुवाच ह । केन वीरेण मे भग्नं बलं वीरैरलंकृतम् ५३। तदोवाच महीनाथ पुष्कलं परवीरहा । बद्ध्वा नयति वीरोऽसौ चंपकः स्वपदोद्धुरः ५४। तस्येदृग्वाक्यमाकर्ण्य शत्रुघ्नः कोपसंयुतः । उवाच पवनोद्भूतं मोचयाशु नृपात्मजात् ५५। महाबलः सुतश्चास्य बद्ध्वा यः पुष्कलं भटम् । तस्मान्मोचय वीराग्र्य कथं तिष्ठसि चाहवे ५६। एतद्वाक्यं समाकर्ण्य हनूमानोमिति ब्रुवन् । जगाम तं मोचयितुं पुष्कलं चंपकाद्भटात् ५७। हनूमंतमथालोक्य तं मोचयितुमागतम् । बाणैः शतैश्च साहस्रैर्जघान परकोपनः ५८। बाणांस्तान्स बभंजाशु मुक्तांस्तेन महात्मना । पुनरप्येनमेवाशु बाणान्मुंचन्महानभूत् ५९। तान्सर्वांश्चूर्णयामास नाराचान्वैरिमोचितान् । शालं करे समाधृत्य जघान नृपनंदनम् ६०। शालं तेन विनिर्मुक्तं तिलशः कृतवान्बली । गजो हनूमता मुक्तो नृपनंदन मस्तके ६१। सोऽप्याहतश्चंपकेन मृतो भूमौ पपातसः । शिलाः संमोचयामास हनूमान्परमास्त्रवित् ६२। चंपकस्ताः शिलाः सर्वाः क्षणाच्चूर्णितवान्भृशम् । बाणयंत्रिकया ब्रह्मन्महच्चित्रमभूदिदम् ६३। स्वमुक्तास्ताः शिलाः सर्वाश्चूर्णिता वीक्ष्य मारुतिः । चुकोप हृदयेऽत्यतं बहुवीर्यमिति स्मरन् ६४। आगत्य च करे धृत्वा नभस्युत्पतितः कपिः । तावद्ययौ नेत्रपथादुपरि क्षिप्रवेगवान् ६५। चंपकस्तं हनूमंतं युयुधे नभसि स्थितः । बाहुयुद्धेन महता ताडितः कपिपुंगवः ६६। चुकोप मानसे वीरो गर्वपर्वतदारुणः । पदा धृत्वा चंपकं तं ताडयामास भूतले ६७। ताडितोऽसौ कपींद्रेण क्षणादुत्थाय वेगवान् । हनूमंतं तु लांगूले धृत्वा बभ्राम सर्वतः ६८। कपींद्रस्तद्बलं वीक्ष्य हसन्पादेऽग्रहीत्पुनः । भ्रामयित्वा शतगुणं गजोपस्थे ह्यपातयत् ६९। पपात भूमौ सुबलो राजसूनुः स चंपकः । मूर्च्छितो वीरभूषाढ्यमलंकुर्वन्रणांगणम् ७०। तदा हाहेति वै लोकाश्चुक्रुशुश्चंपकानुगाः । पुष्कलं मोचयामास बद्धं चंपकपाशतः ७१।
śeṣa uvāca| tacchrutvā bhāṣitaṃ tasya surathasyāṃgadānanāt | sajjībhūtā raṇe sarve rathasthā raṇakovidāḥ 1| paṭahānāṃ ninādo'bhūdbherīnādastathaiva ca | vīrāṇāṃ garjanānādāḥ prādurbhūtā raṇāṃgaṇe 2| rathacītkāraśabdena gajānāṃ bṛṃhitena ca | vyāptaṃ tatsakalaṃ viśvaṃ divaṃ yāto mahāravaḥ 3| raṇotsāhena saṃyuktā vīrā raṇaviśāradāḥ | kurvaṃti vividhānnādānkātarasya bhayaṃkarān 4| evaṃ kolāhale vṛtte suratho nāma bhūmipaḥ | svasutaiḥ sainikaiścātha vṛtaḥ prāyādraṇāṃgaṇe 5| gajairathairhayaiḥ pattivrajaiḥ pūrṇāṃ tu medinīm | kurvansamudraiva tāṃ plāvayandadṛśe bhaṭaiḥ 6| śaṃkhanādena saṃghuṣṭaṃ jayanādaistathaiva ca | vīkṣya taṃ pradhanodyuktaṃ sumatiṃ prāha bhūmipaḥ 7| śatrughna uvāca| eṣa rājā samāyāto mahāsainyaparīvṛtaḥ | atra yatkṛtyamasmākaṃ tadvadasva mahāmate 8| sumatiruvāca| yoddhavyamatra bahubhirvīrai raṇaviśāradaiḥ | puṣkalādibhiratyugraiḥ sarvaśastrāstrakovidaiḥ 9| rājñā saha samīrasya putraḥ paramaśauryavān | yuddhaṃ karotu subalaḥ parayuddhaviśāradaḥ 10| śeṣa uvāca| iti brūte mahāmātyo yāvattāvannṛpātmajāḥ | raṇāṃgaṇe dhanūṃṣyaddhā sphārayāmāsuruddhatāḥ 11| tānvīkṣya yodhāḥ subalāḥ puṣkalādyā raṇotkaṭāḥ | abhijagmuḥ syaṃdanaiḥ svairdhanurbāṇakarā matāḥ 12| caṃpakena mahāvīraḥ puṣkalaḥ paramāstravit | dvairathenaiva yuyudhe mahāvīreṇa śālinā 13| mohakaṃ yodhayāmāsa jānakiḥ sa kuśadhvajaḥ | ripuṃjayena vimalo durvāreṇa subāhukaḥ 14| pratāpinā pratāpāgryo balamodena cāṃgadaḥ | haryakṣeṇa nīlaratnaḥ sahadevena satyavān 15| rājā vīramaṇirbhūri devena yuyudhe balī | asutāpena cogrāśvo yuyudhe balasaṃyutaḥ 16| dvairathaṃ tu mahadyuddhamakurvanyuddhakovidāḥ | sarve śastrāstrakuśalāḥ sarve yuddhaviśāradāḥ 17| evaṃ pravṛtte saṃgrāme surathasya sutaistadā | atyaṃtaṃ kadanaṃ tatra babhūva munisattama 18| puṣkalaścaṃpakaṃ prāha kiṃ nāmāsi nṛpātmaja | dhanyosi yo mayā sārdhaṃ raṇamadhyamupeyivān 19| idānīṃ tiṣṭha kiṃ yāsi kathaṃ te jīvitaṃ bhavet | ehi yuddhaṃ mayā sārdhaṃ sarvaśastrāstrakovida 20| ityabhivyāhṛtaṃ tasya śrutvā rājātmajo balī | jagāda puṣkalaṃ vīro meghagaṃbhīrayā girā 21| caṃpaka uvāca| na nāmnā na kulenedaṃ yuddhamatra bhaviṣyati | tathāpi tava vakṣye'haṃ svanāmabalapūrvakam 22| mama mātā rāghaveśo matpitā rāghavaḥ smṛtaḥ | mama baṃdhū rāmacaṃdra svaḥjano mama rāghavaḥ 23| mannāma rāmadāsaśca sadā rāmasya sevakaḥ | tārayiṣyati māṃ yuddhe rāmo bhaktakṛpākaraḥ 24| lokānāṃ matamāsthāya prabravīmi tavādhunā | surathasya sutaścāhaṃ mātā vīravatīmama 25| mannāmayo madhau sarvāñchobhanānvidadhāti vai | madhupāyaṃrasāvā saṃtyajaṃti madhumohitāḥ 26| varṇena svarṇasadṛśo madhye liṃgavapurdharaḥ | tadākhyayābhidhāṃ vīra jānīhi mama mohinīm 27| yudhyasva bāṇaiḥ pradhanena ko jetuṃ hi māṃ kṣamaḥ | idānīṃ darśayiṣyāmi svaparākramamadbhutam 28| śeṣa uvāca| iti śrutvā mahadvākyaṃ puṣkalo hṛdi toṣitaḥ | taṃ durjayaṃ manyamānaḥ śarānmuṃcanraṇe'bhavat 29| śarasaṃghaṃ pramuṃcaṃtaṃ koṭidhā puṣkalaṃ yayau | caṃpakaḥ kopasaṃyukto dhanuḥ sajyamathākarot 30| mumoca niśitānbāṇānvairivṛṃdavidāraṇān | svanāmacihnitānsvarṇapuṃkhabhāgasamanvitān 31| tāṃściccheda mahāvīraḥ puṣkalaḥ pradhanāṃgaṇe | śarāṃdhakāraṃ sarvatra muṃcanbāṇāñchilāśitān 32| svabāṇacchedanaṃ dṛṣṭvā kṛtaṃ vīreṇa caṃpakaḥ | āhvayāmāsa balinaṃ puṣkalaṃ kopapūritaḥ 33| mā prayāhi raṇaṃ tyaktveti bruvansamare punaḥ | puṣkalaṃ hṛdaye bāṇairvivyādha daśabhistvaran 34| te bāṇāḥ puṣkalasyāho hṛdaye tīvraveginaḥ | āgatya subhṛśaṃ lagnāḥ śoṇitaṃ papurūrjitam 35| tairbāṇairvyathito vīraḥ śarānpaṃca samādade | sutīkṣṇāgrānmahākopādvārayanparvatāniva 36| te bāṇāstasya bāṇāśca parasparamathorjitāḥ | ākāśe racitāśchinnāḥ śatadhā rājasūnunā 37| chittvā bāṇānsutīkṣṇāgrānsurathāṃgodbhavo balī | bāṇāñchataṃ samādhatta puṣkalaṃ tāḍituṃ hṛdi 38| te bāṇāḥ śatadhācchinnāḥ puṣkalena mahātmanā | apatansamaropāṃte śaravegaprapīḍitāḥ 39| tadā tatsumahatkarma dṛṣṭvā rājñaḥ suto balī | sahasreṇa śarāṇāṃ ca tāḍayanvakṣasi sphuṭam 40| tānapyāśu praciccheda puṣkalaḥ paramāstravit | punarapyāśu sve cāpe samādhattāyutaṃ śarān 41| tānapyāśu praciccheda puṣkalaḥ paramāstravit | tato'tyataṃ prakupitaḥ śaravṛṣṭimathākarot 42| śaravṛṣṭiṃ samāyāṃtīṃ matvā caṃpaka vīrahā | sādhusādhupraśaṃsaṃtaṃ puṣkalaṃ samatāḍayat 43| puṣkalaścaṃpakaṃ dṛṣṭvā mahāvīryasamanvitam | brahmaṇo'strasamādhatta sve cāpe sarvaśastravit 44| tena muktaṃ mahāśastraṃ prajajvāla diśo daśa | khaṃ rodasī vyāpya viśvaṃ pralayaṃ kartumudyatam 45| caṃpako muktamastraṃ taddṛṣṭvā sarvāstrakovidaḥ | tatsaṃhartuṃ tadevāstraṃ mumoca ripumudyatam 46| dvayorekatamaṃ tejaḥ pralayaṃ menire janāḥ | saṃjahāra tadāstrāstramekībhūtaṃ parāstrakam 47| tatkarmacādbhutaṃ dṛṣṭvā puṣkalastiṣṭhatiṣṭha ca | bruvañcharānamoghāṃstu caṃpakaṃ sa krudhāhanat 48| caṃpakastāñcharānmuktānagaṇayya mahāmanāḥ | rāmāstraṃ pramumocātha puṣkalaṃ prati dāruṇam 49| tanmuktamastramālokya caṃpakena mahātmanā | chettuṃ yāvanmanaścakre tāvadgrastaḥ śareṇa saḥ 50| baddhaścaṃpakavīreṇa rathe sve sthāpitaḥ punaḥ | puraṃ preṣayituṃ tāvanmanaścakre mahāmanāḥ 51| hāhākāro mahānāsīdbaddhe puṣkalasaṃjñike | śatrughnaṃ prayayuryodhāḥ palāyanaparāyaṇāḥ 52| bhagnāṃstānvīkṣya śatrughno hanūmaṃtamuvāca ha | kena vīreṇa me bhagnaṃ balaṃ vīrairalaṃkṛtam 53| tadovāca mahīnātha puṣkalaṃ paravīrahā | baddhvā nayati vīro'sau caṃpakaḥ svapadoddhuraḥ 54| tasyedṛgvākyamākarṇya śatrughnaḥ kopasaṃyutaḥ | uvāca pavanodbhūtaṃ mocayāśu nṛpātmajāt 55| mahābalaḥ sutaścāsya baddhvā yaḥ puṣkalaṃ bhaṭam | tasmānmocaya vīrāgrya kathaṃ tiṣṭhasi cāhave 56| etadvākyaṃ samākarṇya hanūmānomiti bruvan | jagāma taṃ mocayituṃ puṣkalaṃ caṃpakādbhaṭāt 57| hanūmaṃtamathālokya taṃ mocayitumāgatam | bāṇaiḥ śataiśca sāhasrairjaghāna parakopanaḥ 58| bāṇāṃstānsa babhaṃjāśu muktāṃstena mahātmanā | punarapyenamevāśu bāṇānmuṃcanmahānabhūt 59| tānsarvāṃścūrṇayāmāsa nārācānvairimocitān | śālaṃ kare samādhṛtya jaghāna nṛpanaṃdanam 60| śālaṃ tena vinirmuktaṃ tilaśaḥ kṛtavānbalī | gajo hanūmatā mukto nṛpanaṃdana mastake 61| so'pyāhataścaṃpakena mṛto bhūmau papātasaḥ | śilāḥ saṃmocayāmāsa hanūmānparamāstravit 62| caṃpakastāḥ śilāḥ sarvāḥ kṣaṇāccūrṇitavānbhṛśam | bāṇayaṃtrikayā brahmanmahaccitramabhūdidam 63| svamuktāstāḥ śilāḥ sarvāścūrṇitā vīkṣya mārutiḥ | cukopa hṛdaye'tyataṃ bahuvīryamiti smaran 64| āgatya ca kare dhṛtvā nabhasyutpatitaḥ kapiḥ | tāvadyayau netrapathādupari kṣipravegavān 65| caṃpakastaṃ hanūmaṃtaṃ yuyudhe nabhasi sthitaḥ | bāhuyuddhena mahatā tāḍitaḥ kapipuṃgavaḥ 66| cukopa mānase vīro garvaparvatadāruṇaḥ | padā dhṛtvā caṃpakaṃ taṃ tāḍayāmāsa bhūtale 67| tāḍito'sau kapīṃdreṇa kṣaṇādutthāya vegavān | hanūmaṃtaṃ tu lāṃgūle dhṛtvā babhrāma sarvataḥ 68| kapīṃdrastadbalaṃ vīkṣya hasanpāde'grahītpunaḥ | bhrāmayitvā śataguṇaṃ gajopasthe hyapātayat 69| papāta bhūmau subalo rājasūnuḥ sa caṃpakaḥ | mūrcchito vīrabhūṣāḍhyamalaṃkurvanraṇāṃgaṇam 70| tadā hāheti vai lokāścukruśuścaṃpakānugāḥ | puṣkalaṃ mocayāmāsa baddhaṃ caṃpakapāśataḥ 71|
English translation
Śeṣa said :
1-7. On hearing the words of Suratha from the mouth of (i.e. through) Aṅgada all (the soldiers) proficient in fighting and seated in their chariots became ready (to fight). There was the sound of the war-drums, so also of kettle-drums. On the battlefield the sounds of the roars of the soldiers arose. All the world was full of the sounds of the chariots and the trumpets of the elephants. The great sound (even) reached the sky. The soldiers skilled in fighting and full of enthusiasm for fighting made various sounds which scared the timid ones. When such a din took place, the king named Suratha surrounded by his sons and soldiers went to the battlefield. Pervading fully the earth with elephants, chariots, horses and hosts of foot-soldiers, and inundating it as the ocean (inundates it), he was seen with (or by) soldiers. Seeing that army resounding with the sounds of conches and also with cries of victory, and ready to fight, the king said to Sumati .
Śatrughna said :
8. The king surrounded with a huge army has come. O you very intelligent one, tell (me) what we should do now.
Sumati said :
9-10. Now many very fierce warriors like Puṣkala skilled in fighting and proficient in (the use of) all weapons and missiles, should fight. The very strong, very brave son of Samīra (i.e. of Vāyu , viz. Hanūmat), very proficient in fighting, should fight with king (Suratha).
Śeṣa said :
11-18. When the great minister was speaking like this, the haughty sons of the king indeed stretched their bows on the battlefield. Seeing them, the very strong, respected soldiers like Puṣkala who were furious in battles and who had bows and arrows in their hands and who were seated in their chariots, went (to fight). The great warrior Puṣkala knowing the (use of) great missiles, fought in a single combat in chariots with Campaka protected by a great hero. That Kuśadhvaja , son of Janaka , fought with Mohaka . Vimala (fought) with Ripuñjaya , Subāhuka with Durvāra . Pratāpāgrya (fought with) Pratāpin, and Aṅgada with Balamoda. Nīlaratna fought with Haryakṣa , and Satyavān with Sahadeva . The powerful kingVīramaṇi fought with Bhūrideva. Ugrāśva, endowed with might, fought with Asutāpa. (Those warriors) skilled in fighting, fought a great single combat in chariots. All of them were skilled in (the use of) weapons and missiles and were proficient in fighting. O best sage, when the fight with Suratha’s sons thus started, there took place great destruction.
19-21. Puṣkala said to Campaka: “O prince, what is your name? You who have come (to fight) with me in the battlefield, are lucky. Now wait; why do you go? How would you live (now)? O you proficient in (the use of) all weapons and missiles, come to fight with me.” Hearing these words of(i.e. spoken by) him the mighty son of the king said to Puṣkala with a tone grave like the (thundering of) the clouds:
Campaka said :
22-25a. Fight here will not take place with (i.e. depending upon) name or family. Yet I shall tell you my name preceded by (i.e. with) my might. My mother is lord Rāghava ; my father is said to be Rāghava. My brother is Rāmacandra ; and my kinsman is Rāghava (i.e. Rāma ). My name is Rāmadāsa (i.e. Rāma’s servant). I am ever Rāma’s servant. Rāma who favours his devotees, will save me in the battle. Yet following the belief of the people (i.e. convention) I shall now describe (myself) to you.
25b-28. I am Suratha’s son; and Vīravatī is my mother. My name is that (i.e. Campaka) which makes all lovely in the spring season. The bees attracted by honey abandon the abode of my juice drunk in the spring. In complexion I resemble gold. I have a mark in the centre. O hero, know me as having the attractive name which is the name (of that tree). Fight with me with arrows. Nobody is able to conquer me in a battle. I shall now show you my wonderful valour.
Śeṣa said :
29-31. Hearing these great (i.e. important) words Puṣkala was glad in heart. Taking him to be difficult to be conquered he discharged arrows in the battle. He went (i.e. marched against) Puṣkala who was discharging arrows in crores. (And) then Campaka, full of anger, made his bow ready. He discharged sharp arrows which destroyed the hosts of enemies, which were marked by his name, and which had golden-feathered ends.
32-37. The great hero Puṣkala discharging arrows sharpened on (whet-) stones and causing darkness everywhere with arrows, cut off those (arrows) on the battlefield. Seeing his arrows being cut off by the hero, Campaka, full of anger, challenged the mighty Puṣkala. Saying “Leaving the battlefield, do not go (away)” he again quickly pierced Puṣkala at his chest with ten arrows. Those arrows of a sharp speed came and stuck very much (i.e. very deep) into the chest of Puṣkala, and quaffed the powerful blood. Afflicted by those arrows the hero too, through great anger, took five arrows, holding them like mountains. These powerful arrows, and the arrows of him, arranged in the sky, were cut off in a hundred ways by the king’s son.
38-41. The mighty son of Suratha having cut off the very sharp arrows, took up a hundred arrows and struck Puṣkala on the chest. Those arrows cut off into a hundred ways by the magnanimous Puṣkala and opposed by the speed of (his) arrows fell in the vicinity of the battlefield. Seeing that very great feat the mighty son of the king clearly struck him on his chest with a thousand arrows.
42-44. Puṣkala knowing (the use of) great missiles, quickly cut them off too; but he again immediately fixed a myriad arrows on his own bow. Puṣkala knowing (the use of) great missiles cut them off too. Then being very angry he sent a shower of arrows. Perceiving that shower of arrows (coming to him), the destroyer of heroes, viz. Campaka, praising Puṣkala (with the words) “Well (done), well (done)”, struck him. Seeing Campaka possessing great valour Puṣkala who knew (the use of) all weapons, fixed the missile of (i.e. presided over by) Brahma on his bow.
45-48. The great missile discharged by him set ablaze the ten directions; and having pervaded the sky, the heaven and the earth, it was on the point of causing universal destruction. Campaka, proficient in (the use of) all missiles, seeing that missile discharged, discharged the same missile to kill his active enemy. People looked upon one of the two lustres as the final destruction of the world. The best missile united with the other one, destroyed it. Seeing that wonderful feat, Puṣkala saying, “Wait, wait”, angrily struck Campaka with infallible arrows.
49-52. The magnanimous Campaka not caring for the arrows discharged (by Puṣkala), discharged the terrible missile called Rāmāstra towards Puṣkala. When he saw the missile discharged by the noble Campaka, and decided to cut it off, he was struck by an arrow. He was bound by the brave Campaka and was again put into his own chariot. The noble-minded one decided to send him to the city. When he named Puṣkala was bound there was great wailing. The warriors intent on fleeing, went to Śatrughna .
53-56. Seeing them routed, Śatrughna said to Hanūmat: “Which hero has completely defeated my army adorned with heroes?” O king, then he said: “This hero Campaka, firm in his position, is taking (away) the hero after tying him up.” Hearing such (i.e. these) words of him, Śatrughna full of anger, said to Vāyu’s son (i.e. Hanūmat): “Quickly free (him) from the king’s son (i.e. Campaka) who, the very mighty one, has tied up (our) warrior Puṣkala, O best among the heroes, free him (i.e. Puṣkala) from him (i.e. Campaka). How do you delay in the battle?”
57-67a. Hearing these words, and saying “Yes”, Hanūmat went to free Puṣkala from the hero Campaka. Seeing Hanūmat to have come to free him he, the very angry one, struck him with hundreds and thousands of arrows. He broke the arrows discharged by the noble one (i.e. Campaka). The mighty one was again quickly discharging arrows at him. He pounded all those arrows discharged by the enemy. Taking a śāla (tree) in his hand he struck the king’s son (with it). The strong one made the śāla discharged by him like (i.e. of the size of) sesamum-seeds. Hanūmat discharged an elephant on the head of the prince. He too was struck by Campaka, so he died and fell on the ground. Hanūmat knowing (the use of) great missiles, discharged rocks. By means of a mechanism controlling arrows Campaka greatly pounded all the rocks; O brāhmaṇa , it was a great wonder. Seeing that all the rocks discharged by him were pounded, Hanūmat thinking that he was very powerful, was very much angry at heart. The monkey (i.e. Hanūmat), seized him in his hand, and jumped into the sky. Campaka fought with that Hanūmat. The best monkey was very much beaten by him in a close fight. The hero, terrible on account of a mountain of (i.e. great) pride, was angry in his mind.
67b-71. Seizing Campaka by his foot, he dashed him on the ground. Struck by the lord of monkeys, the speedy one got up in a moment and seizing Hanūmat by his tail whirled him round. The lord of the monkeys seeing his power and laughing again seized him by his foot. Having whirled him for a hundred times he dropped him on the haunch of an elephant. That Campaka, the son of the king, fell on the ground. Adorning the battlefield rich due to being embellished by heroes, he fainted. At that time the men, the followers of Campaka, wailed. (Hanūmat) freed Puṣkala who was tied up from the noose of Campaka.
Complete chapter-aligned witnesses. Sanskrit Wikisource page 25327, revision 335983 (2022-04-17T11:17:40Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365362.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.