Pātāla-khaṇḍa · Chapter 24
Sourceशेष उवाच। शत्रुघ्नस्तु क्रुधाविष्टो दंतान्दंतैर्विनिष्पिषन् । हस्तौ धुन्वंल्लेलिहानमधरं जिह्वया सकृत् १। पुनः पुनस्तान्पप्रच्छ केनाश्वो नीयते मम । प्रतापाग्र्यः केन जितः सर्वशूरशिरोमणिः २। सेवकास्ते तदा प्रोचुर्दमनोनाम शत्रुहन् । सुबाहुजः प्रतापाग्र्यं जितवान्हयमाहरत् ३। इति श्रुत्वा हयं नीतं दमनेन स्ववैरिणा । आजगाम स वेगेन यत्राभूद्रणमंडलम् ४। तत्रापश्यत्स शत्रुघ्नो गजान्दीर्णकपोलकान् । पर्वतानिव रक्तोदे मज्जमानान्मदोद्धतान् ५। हयास्तत्र निजारोहकर्तृभिः सहिताः क्षताः । मृता वीरेण ददृशे शत्रुघ्नेन सुकोपिना ६। नरान्रथान्गजान्भग्नान्वीक्षमाणः स शत्रुहा । अतीव चुक्रुधे यद्वत्प्रलये प्रलयार्णवः ७। पुरतो दमनं वीक्ष्य हयनेतारमुद्भटम् । प्रतापाग्र्यस्य जेतारं तृणीकृत्य निजं बलम् ८। तदा राजा प्रत्युवाच योधान्कोपाकुलेक्षणः । कोऽसौ दमन जेताऽत्र सर्वशस्त्रास्त्रधारकः ९। यो वै राजसुतं वीरं रणकर्मविशारदम् । जेष्यत्यस्त्रेण निर्भीतः सज्जीभूतो भवत्वयम् १०। इति वाक्यं समाकर्ण्य पुष्कलः परवीरहा । दमनं जेतुमुद्युक्तो जगाद वचनं त्विदम् ११। स्वामिन्क्वायं दमनकः क्व तेऽपरिमितं बलम् । जेष्येऽहं त्वत्प्रतापेन गच्छाम्येष महामते १२। सेवके मयि युद्धाय स्थिते कैर्नीयते हयः । रघुनाथप्रतापोऽयं सर्वं कृत्यं करिष्यति १३। स्वामिञ्छृणु प्रतिज्ञां मे तव मोदप्रदायिनीम् । विजेष्ये दमनं युद्धे रणकर्मविचक्षणम् १४। रामचंद्रपदांभोजमध्वास्वादवियोगिनाम् । यदघं तु भवेत्तन्मे दमनं न जयेयदि १५। पुत्रो यो मातृपादान्यत्तीर्थं मत्वा तया सह । विरुद्ध्येत्तत्तमो मह्यं न जयेदमनं यदि १६। अद्य मद्बाणनिर्भिन्न महोरस्को नृपांगजः । अलंकरोतु प्रधने भूतलं शयनेन हि १७। शेष उवाच। इति प्रतिज्ञामाकर्ण्य पुष्कलस्य रघूद्वहः । जहर्ष चित्ते तेजस्वी निदिदेश रणं प्रति १८। आज्ञप्तोऽसौ ययौ सैन्यैर्बहुभिः परिवारितः । यत्रास्ते दमनो राजपुत्रः शूरकुलोद्भवः १९। दमनोऽपि तमाज्ञाय ह्यागतं रणमंडले । प्रत्युज्जगाम वीराग्र्यः स्वसैन्यपरिवारितः २०। अन्योन्यं तौ संमिलितौ रथस्थौ रथशोभिनौ । समरे शक्रदैत्यौ किं युद्धार्थं रणमागतौ २१। उवाच पुष्कलस्तं वै राजपुत्रं महाबलम् । राजपुत्र दमनक मां जानीहि समागतम् २२। स प्रतिज्ञं तु युद्धाय भरतात्मजमुद्भटम् । पुष्कलेन स्वनाम्ना च लक्षितं विद्धिसत्तम २३। रघुनाथपदांभोज नित्यसेवामधुव्रतम् । त्वां जेष्ये शस्त्रसंघेनसज्जीभव महामते २४। इति वाक्यं समाकर्ण्य दमनः परवीरहा । प्रत्युवाच हसन्वाग्मी निर्भयोद्दृष्टविक्रमः २५। सुबाहुपुत्रं दमनं पितृभक्ति हृताघकम् । विद्धि मामश्वनेतारं शत्रुघ्नस्य महीपतेः २६। जयो दैवविसृष्टोऽयं यस्य चालंकरिष्यति । स प्राप्नोति निरीक्षस्व बलं मे रणमूर्धनि २७। इत्युक्त्वा स शरं चापं विधायाकर्णपूरितम् । मुमोच बाणान्निशितान्वैरिप्राणापहारिणः २८। ते बाणास्त्वाविलीभूताश्छादयामासुरंबरम् । सूर्यभानुप्रभा यत्र बाणच्छायानिवारिता २९। गजानां कटभित्त्योघे लग्ना सायकसंततिः । अलंकरोति धातूनां रागा इव विचित्रिताः ३०। पतितास्तत्र दृश्यंते नरा वाहा गजा रथाः । शरव्रातेन नृपतेः सुतेन परिताडिताः ३१। तद्विक्रांतं समालोक्य पुष्कलः परवीरहा । शराणां छायया व्याप्तं रणमंडलमीक्ष्य च ३२। शरासने समाधत्त बाणं वह्न्यभिमंत्रितम् । आचम्य सम्यग्विधिवन्मोचयामास सायकम् ३३। ततोऽग्निप्रादुरभवत्तत्र संग्राममूर्धनि । ज्वालाभिर्विलिहन्व्योम प्रलयाग्निरिवोत्थितः ३४। ततोऽस्य सैन्यं निर्दग्धं त्रासं प्राप्तं रणांगणे । पलायनपरं जातं वह्निज्वालाभिपीडितम् ३५। छत्राणि तु प्रदग्धानि चंद्राकाराणि धन्विनाम् । दृश्यंते जातरूपाभ कांतिधारीणि तत्र ह ३६। हया दग्धाः पलायंते केसरेषु च वैरिणाम् । रथा अपि गता दाहं सुकूबरसमन्विताः ३७। मणिमाणिक्यरत्नानि वहंतः करभास्ततः । पलायंते दहनभू ज्वालामालाभिपीडिताः ३८। कुत्रचिद्दंतिनो नष्टाः कुत्रचिद्धयसादिनः । कुत्रचित्पत्तयो नष्टा वह्निदग्धकलेवराः ३९। शराः सर्वे नृपसुतप्रमुक्ताः प्रलयं गताः । आशुशुक्षणिकीलाभिर्भस्मीभूताः समंततः ४०। तदा स्वसैन्ये दग्धे च दमनो रोषपूरितः । सर्वास्त्रवित्तच्छांत्यर्थं वारुणास्त्रमथा ददे ४१। वारुणं वह्निशांत्यर्थं मुक्तं तेन महीभृता । आप्लावयद्बलं तस्य रथवाजिसमाकुलम् ४२। रथा विप्लावितास्तोये दृश्यंते परिपंथिनाम् । गजाश्चापि परिप्लुष्टाः स्वीयाः शांतिमुपागताः ४३। वह्निश्च शांतिमगमदग्न्यस्त्र परिमोचितः । शांतिमाप बलं स्वीयं वह्निज्वालाभिपीडितम् ४४। कंपिताः शीततोयेन सीत्कुर्वंति च वैरिणः । करकावृष्टिभिः क्षिप्ता वायुना च प्रपीडिताः ४५। तदा स्वबलमालोक्य तोयपूरेण पीडितम् । कंपितं क्षुभितं नष्टं वारुणेन विनिर्हृतम् ४६। तदातिकोपताम्राक्षः पुष्कलो भरतात्मजः । वायव्यास्त्रं समाधत्त धनुष्येकं महाशरम् ४७। ततो वायुर्महानासीद्वायव्यास्त्रप्रचोदितः । नाशयामास वेगेन घनानीकमुपस्थितम् ४८। वायुना स्फालिता नागाः परस्परसमाहताः । अश्वाश्च संहतान्योन्यं स्वस्वारोहसमन्विताः ४९। नराः प्रभंजनोद्धूता मुक्तकेशा निरोजसः । पतंतोऽत्र समीक्ष्यंते वेताला इव भूगताः ५०। वायुना स्वबलं सर्वं परिभूतं विलोक्य सः । राजपुत्रः पर्वतास्त्रं धनुष्येवं समादधे ५१। तदा तु पर्वताः पेतुर्मस्तकोपरि युध्यताम् । वायुः संच्छादितस्तैस्तु न प्रचक्राम कुत्रचित् ५२। पुष्कलो वज्रसंज्ञं तु समाधत्त शरासने । वज्रेण कृत्तास्ते सर्वे जाताश्च तिलशः क्षणात् ५३। वज्रं नगान्रजः शेषान्कृत्वा बाणाभिमंत्रितम् । राजपुत्रोरसि प्रोच्चैः पपात स्वनवद्भृशम् ५४। सत्वाकुलितचेतस्को हृदि विद्धः क्षतो भृशम् । विव्यथे बलवान्वीरः कश्मलं परमाप सः ५५। तं वै कश्मलितं दृष्ट्वा सारथिर्नयकोविदः । अपोवाह रणात्तस्मात्क्रोशमात्रं नरेंद्रजम् ५६। ततो योधा राजसूनोः प्रणष्टाः प्रपलायिताः । गत्वा पुरीं समाचख्युः कश्मलस्थं नृपात्मजम् ५७। पुष्कलो जयमाप्यैवं रणमूर्धनि धर्मवित् । न प्रहर्तुं पुनः शक्तो रघुनाथवचः स्मरन् ५८। ततो दुंदुभिनिर्घोषो जयशब्दो महानभूत् । साधुसाध्विति वाचश्च प्रावर्तंत मनोहराः ५९। हर्षं प्राप स शत्रुघ्नो जयिनं वीक्ष्य पुष्कलम् । प्रशशंस सुमत्यादि मंत्रिभिः परिवारितः ६०। इति श्रीपद्मपुराणे पातालखंडे शेषवात्स्यायनसंवादे रामाश्वमेधे पुष्कलविजयोनाम चतुर्विंशतितमोऽध्यायः २४ ।
śeṣa uvāca| śatrughnastu krudhāviṣṭo daṃtāndaṃtairviniṣpiṣan | hastau dhunvaṃllelihānamadharaṃ jihvayā sakṛt 1| punaḥ punastānpapraccha kenāśvo nīyate mama | pratāpāgryaḥ kena jitaḥ sarvaśūraśiromaṇiḥ 2| sevakāste tadā procurdamanonāma śatruhan | subāhujaḥ pratāpāgryaṃ jitavānhayamāharat 3| iti śrutvā hayaṃ nītaṃ damanena svavairiṇā | ājagāma sa vegena yatrābhūdraṇamaṃḍalam 4| tatrāpaśyatsa śatrughno gajāndīrṇakapolakān | parvatāniva raktode majjamānānmadoddhatān 5| hayāstatra nijārohakartṛbhiḥ sahitāḥ kṣatāḥ | mṛtā vīreṇa dadṛśe śatrughnena sukopinā 6| narānrathāngajānbhagnānvīkṣamāṇaḥ sa śatruhā | atīva cukrudhe yadvatpralaye pralayārṇavaḥ 7| purato damanaṃ vīkṣya hayanetāramudbhaṭam | pratāpāgryasya jetāraṃ tṛṇīkṛtya nijaṃ balam 8| tadā rājā pratyuvāca yodhānkopākulekṣaṇaḥ | ko'sau damana jetā'tra sarvaśastrāstradhārakaḥ 9| yo vai rājasutaṃ vīraṃ raṇakarmaviśāradam | jeṣyatyastreṇa nirbhītaḥ sajjībhūto bhavatvayam 10| iti vākyaṃ samākarṇya puṣkalaḥ paravīrahā | damanaṃ jetumudyukto jagāda vacanaṃ tvidam 11| svāminkvāyaṃ damanakaḥ kva te'parimitaṃ balam | jeṣye'haṃ tvatpratāpena gacchāmyeṣa mahāmate 12| sevake mayi yuddhāya sthite kairnīyate hayaḥ | raghunāthapratāpo'yaṃ sarvaṃ kṛtyaṃ kariṣyati 13| svāmiñchṛṇu pratijñāṃ me tava modapradāyinīm | vijeṣye damanaṃ yuddhe raṇakarmavicakṣaṇam 14| rāmacaṃdrapadāṃbhojamadhvāsvādaviyoginām | yadaghaṃ tu bhavettanme damanaṃ na jayeyadi 15| putro yo mātṛpādānyattīrthaṃ matvā tayā saha | viruddhyettattamo mahyaṃ na jayedamanaṃ yadi 16| adya madbāṇanirbhinna mahorasko nṛpāṃgajaḥ | alaṃkarotu pradhane bhūtalaṃ śayanena hi 17| śeṣa uvāca| iti pratijñāmākarṇya puṣkalasya raghūdvahaḥ | jaharṣa citte tejasvī nidideśa raṇaṃ prati 18| ājñapto'sau yayau sainyairbahubhiḥ parivāritaḥ | yatrāste damano rājaputraḥ śūrakulodbhavaḥ 19| damano'pi tamājñāya hyāgataṃ raṇamaṃḍale | pratyujjagāma vīrāgryaḥ svasainyaparivāritaḥ 20| anyonyaṃ tau saṃmilitau rathasthau rathaśobhinau | samare śakradaityau kiṃ yuddhārthaṃ raṇamāgatau 21| uvāca puṣkalastaṃ vai rājaputraṃ mahābalam | rājaputra damanaka māṃ jānīhi samāgatam 22| sa pratijñaṃ tu yuddhāya bharatātmajamudbhaṭam | puṣkalena svanāmnā ca lakṣitaṃ viddhisattama 23| raghunāthapadāṃbhoja nityasevāmadhuvratam | tvāṃ jeṣye śastrasaṃghenasajjībhava mahāmate 24| iti vākyaṃ samākarṇya damanaḥ paravīrahā | pratyuvāca hasanvāgmī nirbhayoddṛṣṭavikramaḥ 25| subāhuputraṃ damanaṃ pitṛbhakti hṛtāghakam | viddhi māmaśvanetāraṃ śatrughnasya mahīpateḥ 26| jayo daivavisṛṣṭo'yaṃ yasya cālaṃkariṣyati | sa prāpnoti nirīkṣasva balaṃ me raṇamūrdhani 27| ityuktvā sa śaraṃ cāpaṃ vidhāyākarṇapūritam | mumoca bāṇānniśitānvairiprāṇāpahāriṇaḥ 28| te bāṇāstvāvilībhūtāśchādayāmāsuraṃbaram | sūryabhānuprabhā yatra bāṇacchāyānivāritā 29| gajānāṃ kaṭabhittyoghe lagnā sāyakasaṃtatiḥ | alaṃkaroti dhātūnāṃ rāgā iva vicitritāḥ 30| patitāstatra dṛśyaṃte narā vāhā gajā rathāḥ | śaravrātena nṛpateḥ sutena paritāḍitāḥ 31| tadvikrāṃtaṃ samālokya puṣkalaḥ paravīrahā | śarāṇāṃ chāyayā vyāptaṃ raṇamaṃḍalamīkṣya ca 32| śarāsane samādhatta bāṇaṃ vahnyabhimaṃtritam | ācamya samyagvidhivanmocayāmāsa sāyakam 33| tato'gniprādurabhavattatra saṃgrāmamūrdhani | jvālābhirvilihanvyoma pralayāgnirivotthitaḥ 34| tato'sya sainyaṃ nirdagdhaṃ trāsaṃ prāptaṃ raṇāṃgaṇe | palāyanaparaṃ jātaṃ vahnijvālābhipīḍitam 35| chatrāṇi tu pradagdhāni caṃdrākārāṇi dhanvinām | dṛśyaṃte jātarūpābha kāṃtidhārīṇi tatra ha 36| hayā dagdhāḥ palāyaṃte kesareṣu ca vairiṇām | rathā api gatā dāhaṃ sukūbarasamanvitāḥ 37| maṇimāṇikyaratnāni vahaṃtaḥ karabhāstataḥ | palāyaṃte dahanabhū jvālāmālābhipīḍitāḥ 38| kutraciddaṃtino naṣṭāḥ kutraciddhayasādinaḥ | kutracitpattayo naṣṭā vahnidagdhakalevarāḥ 39| śarāḥ sarve nṛpasutapramuktāḥ pralayaṃ gatāḥ | āśuśukṣaṇikīlābhirbhasmībhūtāḥ samaṃtataḥ 40| tadā svasainye dagdhe ca damano roṣapūritaḥ | sarvāstravittacchāṃtyarthaṃ vāruṇāstramathā dade 41| vāruṇaṃ vahniśāṃtyarthaṃ muktaṃ tena mahībhṛtā | āplāvayadbalaṃ tasya rathavājisamākulam 42| rathā viplāvitāstoye dṛśyaṃte paripaṃthinām | gajāścāpi paripluṣṭāḥ svīyāḥ śāṃtimupāgatāḥ 43| vahniśca śāṃtimagamadagnyastra parimocitaḥ | śāṃtimāpa balaṃ svīyaṃ vahnijvālābhipīḍitam 44| kaṃpitāḥ śītatoyena sītkurvaṃti ca vairiṇaḥ | karakāvṛṣṭibhiḥ kṣiptā vāyunā ca prapīḍitāḥ 45| tadā svabalamālokya toyapūreṇa pīḍitam | kaṃpitaṃ kṣubhitaṃ naṣṭaṃ vāruṇena vinirhṛtam 46| tadātikopatāmrākṣaḥ puṣkalo bharatātmajaḥ | vāyavyāstraṃ samādhatta dhanuṣyekaṃ mahāśaram 47| tato vāyurmahānāsīdvāyavyāstrapracoditaḥ | nāśayāmāsa vegena ghanānīkamupasthitam 48| vāyunā sphālitā nāgāḥ parasparasamāhatāḥ | aśvāśca saṃhatānyonyaṃ svasvārohasamanvitāḥ 49| narāḥ prabhaṃjanoddhūtā muktakeśā nirojasaḥ | pataṃto'tra samīkṣyaṃte vetālā iva bhūgatāḥ 50| vāyunā svabalaṃ sarvaṃ paribhūtaṃ vilokya saḥ | rājaputraḥ parvatāstraṃ dhanuṣyevaṃ samādadhe 51| tadā tu parvatāḥ peturmastakopari yudhyatām | vāyuḥ saṃcchāditastaistu na pracakrāma kutracit 52| puṣkalo vajrasaṃjñaṃ tu samādhatta śarāsane | vajreṇa kṛttāste sarve jātāśca tilaśaḥ kṣaṇāt 53| vajraṃ nagānrajaḥ śeṣānkṛtvā bāṇābhimaṃtritam | rājaputrorasi proccaiḥ papāta svanavadbhṛśam 54| satvākulitacetasko hṛdi viddhaḥ kṣato bhṛśam | vivyathe balavānvīraḥ kaśmalaṃ paramāpa saḥ 55| taṃ vai kaśmalitaṃ dṛṣṭvā sārathirnayakovidaḥ | apovāha raṇāttasmātkrośamātraṃ nareṃdrajam 56| tato yodhā rājasūnoḥ praṇaṣṭāḥ prapalāyitāḥ | gatvā purīṃ samācakhyuḥ kaśmalasthaṃ nṛpātmajam 57| puṣkalo jayamāpyaivaṃ raṇamūrdhani dharmavit | na prahartuṃ punaḥ śakto raghunāthavacaḥ smaran 58| tato duṃdubhinirghoṣo jayaśabdo mahānabhūt | sādhusādhviti vācaśca prāvartaṃta manoharāḥ 59| harṣaṃ prāpa sa śatrughno jayinaṃ vīkṣya puṣkalam | praśaśaṃsa sumatyādi maṃtribhiḥ parivāritaḥ 60| iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe puṣkalavijayonāma caturviṃśatitamo'dhyāyaḥ 24 |
English translation
Śeṣa said :
1-3. Śatrughna who was overpowered with anger, was grinding his teeth, shaking his hands, repeatedly licking his lip with his tongue, again and again asked them: “Who has taken (away) my horse? Who has vanquished Pratāpāgrya, the crest-jewel of all the heroes?” Then the servants said: “ Damana , Subāhu ’s son, and the killer of his enemies, conquered Pratāpāgrya and has taken aways the horse.”
4-10. Hearing this, viz. that his enemy Damana had taken (away) the horse, he speedily came to (the spot) where the battle had taken place. There Śatrughna saw (his) elephants that were (once) haughty due to rut, with their cheeks torn and merging in the water (i.e. pool) of blood. That very angry, brave Śatrughna saw his horses wounded and dead along with their riders. That killer of the enemies seeing his men, chariots and elephants completely vanquished was extremely angry as the ocean at the time of final deluge (is agitated). Seeing before him that preeminent Damana who had, after belittling his army, taken away the horse and had vanquished Pratāpāgrya, the king, with his eyes full of anger, said to his warriors: “Who is here (among the warriors) that would conquer Damana, wielding all (kinds of) weapons and missiles, and who, being fearless, will vanquish with a missile the brave prince skilled in fighting?”
11-17. Hearing these words, ( Bharata ’s son) Puṣkala , the killer of (his) enemies, ready to conquer Damana, said these words: “O lord where is this Damanaka , and where is your unlimited army? (i.e. what a great disparity is there between the two?) Due to your valour I shall conquer (him); O highly intelligent one, here I go. When I the servant, remain (here) to fight (with the enemy), who will take (away) the horse? This valour of Raghunātha will do every act. O lord, listen to my solemn declaration which will give you joy. In the battle I shall conquer Damana skilled in fight. If I would not conquer Damana, let me incur that sin incurred by those who are deprived of the tasting of the honey from the lotuses in the form of the feet of Rāmacandra . I would have that sin which that son who (first) looking upon his mother’s feet as a holy place (later) goes against her, if I do not conquer Damana. Today let the king’s son (i.e. Damana), with his huge chest pierced by my arrow, adorn the earth by his lying (there) in the battle.”
Śeṣa said :
18-24. Having heard this solemn declaration of Puṣkala, (Śatrughna) perpetuating the family of Raghu , was glad at heart; and the brilliant one ordered (him) to fight. Being ordered (by Śatrughna), he (i.e. Puṣkala) surrounded by a large army went there where the prince Damana, born in the family of the brave, stood. Knowing him to have come to the battlefield, the best among the heroes, surrounded by his army, went forth to him. The two seated in their chariots and looking graceful in them, encountered each other (and looked as if) Indra and a demon had come to the battlefield to fight. Puṣkala said to that very mighty prince: “O prince Damana, know me to be the mighty son of Bharata, and to have come to fight (with you) with (i.e. after having made) a solemn declaration; and O best one, know me to be known by the name Puṣkala and having the sweet vow of always serving the feet of Raghunātha. O you very intelligent one, I shall conquer you by means of a multitude of weapons. Be ready (to fight with) me).”
25-28. Having heard these words, Damana, the killer of enemies, an orator, fearless and one whose valour was noticed, laughed and replied: “Know me to be Damana, Subāhu’s son, with my sin removed due to my devotion to my father, and to have taken (away) the horse of king Śatrughna. Victory is brought about by destiny. He whom destiny adorns, will have it. Observe my might in the battle.” Speaking in this way, he fixed an arrow on his bow, stretched it up to his ear, and discharged sharp arrows that took away his enemies’ life.
29-31. The arrows, getting darkish, covered the sky where the brilliance of the sun’s rays was put off by the shadow of the arrows. The line of arrows that had stuck to the wall-like temples of the elephants adorned (them) like variegated colours of minerals. Men, horses, elephants and chariots, struck by the volley of arrows of (i.e. discharged by) the king, were seen to have fallen there.
32-39. Puṣkala, the killer of the enemies, having seen his valour and having seen the battlefield covered with the shadow of arrows fixed an arrow accompanied with hymns sacred to Agni on his bow. Having sipped water according to the proper rite, he discharged the arrow. Then there on the battlefield fire appeared. Touching the sky with its flames it rose like the fire at the time of the deluge. Then his army was tormented and was frightened on the battlefield. Being oppressed by the flames of fire, it took to heels. The (crescent) moon-like umbrellas of the archers were burnt and appeared to have the lustre of silver. The enemies’ horses, burnt at their (i.e. with their) manes (burnt), ran away. The chariots also, along with good drivers’ seats, were burnt. Camels, carrying gems like rubies, and troubled by series of flames as in a crematory, ran (away). At some places elephants died; at some place riders of horses perished; at places footsoldiers with their bodies burnt by fire perished.
40-45. All the arrows discharged by the prince perished. They were reduced to ashes by the arrows (discharged with the accompaniment) of (hymns sacred to) fire. Then, Damana, knowing the use of all missiles, with his mind full of anger, took the missile called Varuṇa , when his army was (thus) burnt. He discharged the missile (to the accompaniment) of (hymns sacred to) Varuṇa to pacify the fire. It submerged all his army full of chariots and horses. The chariots of the enemies were seen to be submerged in the water. Elephants also were inundated. His own (elephants) had become calm. The fire that was discharged through the ‘fire-missile’ had died. His own army, oppressed by the flames of fire, became peaceful. The enemies trembled and made sounds by drawing in breath due to the cold water, and struck by shower of hail and troubled by wind.
46-52. Then seeing his own army troubled by flood of water, and shaken, agitated, fled and removed by the Varuṇa (missile), Bharata’s son Puṣkala, with his eyes red due to great anger, fixed a great arrow, the ‘wind-missile’ on his bow. Then there was great (i.e. strong) wind propelled by the wind-missile. It speedily, destroyed the dense army that was present there. The serpents shaken by the wind struct one another. The horses also along with their riders struck one another. Men shaken up by the wind, had their hair loose, were lustreless, and were seen to be falling like vampires that had come to the earth. The prince, seeing that his army was overpowered by wind on all sides, fixed the ‘mountain-missile’ on his bow. Then mountains fell on the heads of those who were fighting. They covered the wind; and it did not stir anywhere.
53-60. Puṣkala fixed (the arrow) called Vajra on his bow. Those (enemies) cut off by Vajra in a moment became reduced to the size of sesamum-seeds. (That missile called) Vajra reducing mountains to particles, and with its shafts accompanied by a hymn, heavily fell, with a loud sound on the chest of the prince. He the strong hero, with his mind confounded and struck on the chest and heavily wounded was pained and was very much dejected. The prudent charioteer, seeing the prince dejected in mind, took him away from there to a distance of a krośa . Then the prince’s warriors fled and ran away. Having gone to the city, they told (people there) about the prince being in a state of dejection of mind. The righteous Puṣkala having thus secured victory in the battle and remembering the words of Rāma was not able to (i.e. did not) strike again. Then there was the loud sound of the large kettledrums. There was a huge cry of victory. Charming words like ‘Well (done), Well (done)’ proceeded there. Seeing Puṣkala victorious that Śatrughna was glad. Surrounded by ministers like Sumati , he praised (Puṣkala).
Complete chapter-aligned witnesses. Sanskrit Wikisource page 43679, revision 335921 (2022-04-16T15:08:09Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365335.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.