Uttara-khaṇḍa · Chapter 138
Sourceमहादेव उवाच। गणतीर्थं ततो गच्छेत्तीर्थयात्रापरायणः । त्रिविष्टपमिति प्रोक्तं गणैस्तु चंदना तटे १। त्रिविष्टपे नरः स्नात्वा पूर्णमास्यां समाहितः । संशयो नात्र कर्त्तव्यो मुच्यते ब्रह्महत्यया २। चतुरो वार्षिकान्मासान्स्थितिर्यस्य त्रिविष्टपे । सोऽपि पुण्यो महाभागे रुद्रलोके महीयते ३। गणतीर्थे नरः स्नात्वा कृष्णाष्टम्यामुपोषितः । बकुलासंगमे स्नात्वा स्वर्गं गच्छति मानवः ४। तस्मिंस्तीर्थे नरः स्नात्वा बकुलेशं विलोक्य च । गणेश्वरप्रसादेन गाणपत्यमवाप्नुयात् ५। इदं पवित्रं परमं पुण्यायुष्यविवर्द्धनम् । श्रुत्वा तु लभते पुण्यं गंगास्नानसमं नरः ६। अत्र स्थित्वा निराहारो जितेंद्रिय समाहितः । जपत्येवं परं देवं गणेश्वरं मनोरमम् ७। संप्राप्नोत्यखिलान्भोगान्सत्यं सत्यं वरानने । अत्र राजा सोमवंशी विश्वदत्तः स वीर्यवान् ८। तेन तपो महत्तप्तं बहुकालं सुरेश्वरि । गाणपत्यं तदा प्राप्तं श्रीगणेशप्रसादतः ९। वसिष्ठो वामदेवश्च होडः कौशीतको मुनिः । भरद्वाजोंगिराश्चैव विश्वामित्रोऽथ वामनः १०। एते वै मुनयः सर्वे पुण्यरूपा महेश्वरि । नित्यं सेवां प्रकुर्वंति श्रीगणेशप्रसादतः ११। अपुत्रो लभते पुत्रान्निर्द्धनो लभते धनम् । अविद्यो लभते विद्यां मोक्षार्थी मोक्षमाप्नुयात् १२। किमन्यद्बहुनोक्तेन भूयोभूयो वरानने । योऽत्र स्नानं प्रकुर्वीत पूजनं वा करोति च १३। सर्वपापविनिर्मुक्तो याति विष्णोः परं पदम् । शिवाय विष्णुरूपाय विष्णवे शिवरूपिणे १४। नांतरं देवि पश्यामि श्रीविष्णोश्च प्रसादतः १५। इति श्रीपाद्मे महापुराणे पंचपंचात्साहस्र्यां संहितायामुत्तरखण्डे उमामहेश्वरसंवादे बकुलासंगमे गणतीर्थं नामाष्टत्रिंशाधिकशततमोऽध्यायः१३८।
mahādeva uvāca| gaṇatīrthaṃ tato gacchettīrthayātrāparāyaṇaḥ | triviṣṭapamiti proktaṃ gaṇaistu caṃdanā taṭe 1| triviṣṭape naraḥ snātvā pūrṇamāsyāṃ samāhitaḥ | saṃśayo nātra karttavyo mucyate brahmahatyayā 2| caturo vārṣikānmāsānsthitiryasya triviṣṭape | so'pi puṇyo mahābhāge rudraloke mahīyate 3| gaṇatīrthe naraḥ snātvā kṛṣṇāṣṭamyāmupoṣitaḥ | bakulāsaṃgame snātvā svargaṃ gacchati mānavaḥ 4| tasmiṃstīrthe naraḥ snātvā bakuleśaṃ vilokya ca | gaṇeśvaraprasādena gāṇapatyamavāpnuyāt 5| idaṃ pavitraṃ paramaṃ puṇyāyuṣyavivarddhanam | śrutvā tu labhate puṇyaṃ gaṃgāsnānasamaṃ naraḥ 6| atra sthitvā nirāhāro jiteṃdriya samāhitaḥ | japatyevaṃ paraṃ devaṃ gaṇeśvaraṃ manoramam 7| saṃprāpnotyakhilānbhogānsatyaṃ satyaṃ varānane | atra rājā somavaṃśī viśvadattaḥ sa vīryavān 8| tena tapo mahattaptaṃ bahukālaṃ sureśvari | gāṇapatyaṃ tadā prāptaṃ śrīgaṇeśaprasādataḥ 9| vasiṣṭho vāmadevaśca hoḍaḥ kauśītako muniḥ | bharadvājoṃgirāścaiva viśvāmitro'tha vāmanaḥ 10| ete vai munayaḥ sarve puṇyarūpā maheśvari | nityaṃ sevāṃ prakurvaṃti śrīgaṇeśaprasādataḥ 11| aputro labhate putrānnirddhano labhate dhanam | avidyo labhate vidyāṃ mokṣārthī mokṣamāpnuyāt 12| kimanyadbahunoktena bhūyobhūyo varānane | yo'tra snānaṃ prakurvīta pūjanaṃ vā karoti ca 13| sarvapāpavinirmukto yāti viṣṇoḥ paraṃ padam | śivāya viṣṇurūpāya viṣṇave śivarūpiṇe 14| nāṃtaraṃ devi paśyāmi śrīviṣṇośca prasādataḥ 15| iti śrīpādme mahāpurāṇe paṃcapaṃcātsāhasryāṃ saṃhitāyāmuttarakhaṇḍe umāmaheśvarasaṃvāde bakulāsaṃgame gaṇatīrthaṃ nāmāṣṭatriṃśādhikaśatatamo'dhyāyaḥ138|
English translation
Mahādeva said :
1-15. One intent on a pilgrimage to holy places, should then go to Gaṇatīrtha . It is called Triviṣṭapa by Śiva ’s attendants and is on the bank of Candanā . A man bathing on the full-moon day at Triviṣṭapa, and being composed, is freed from (the sin of) the murder of a brāhmaṇa . No doubt should be entertained about this. He too, the noble and meritorious one, who stays at Triviṣṭapa during the four months of the rainy season, is also honoured in Rudra ’s world. A man, having bathed at Gaṇatīrtha and fasted on the Aṣṭamī (day), and having bathed at the confluence of Bakulā, goes to heaven. A man, having bathed at that holy place and having seen Bakuleśa, would obtain the position of the chief of Śiva’s attendants due to the grace of the lord of Śiva’s attendants. A man hearing (about) this which is pure, very meritorious, increasing religious merit and (span of) life, obtains religious merit equal to (that obtained from) a bath in Gaṅgā . Having stayed here, a man, observing a fast, with his senses controlled and composed, who thus mutters the names of the charming lord of Śiva’s attendants, obtains all pleasures. This is the truth and the (only) truth, O you of a beautiful face. (There was) the powerful king, Viśvadatta , of the lunar dynasty. He practised penance here for a long time, O chief goddess. Then due to Śrī Gaṇeśa ’s grace he obtained the position of the chief of Śiva’s attendants. All the meritorious sages like Vasiṣṭha , Vāmadeva , Hoḍa, Kauśītaka, Bharadvāja . Aṅgiras , Viśvāmitra and Vāmana , everyday serve (the lord) due to Gaṇeśa’s grace, O great goddess. A sonless man obtains sons, a poor man gets wealth, an ignorant man obtains knowledge, and a man desiring salvation would obtain salvation. O you beautiful lady, what is the use of repeatedly talking profusely about any other thing? He who would bathe here and offer worship, is freed from all sins, and goes to the highest position of Viṣṇu , (and reaches) Śiva of the form of Viṣṇu, and Viṣṇu of the form of Śiva. Due to Viṣṇu’s grace, O goddess, I do not see any difference (between the two of us).
Complete chapter-aligned witnesses. Sanskrit Wikisource page 44880, revision 334393 (2022-04-02T23:45:02Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365717.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.