Bhūmi-khaṇḍa · Chapter 63
Sourceसुकर्मोवाच- तयोश्चापि द्विजश्रेष्ठ मातापित्रोश्च स्नातयोः । पुत्रस्यापि हि सर्वांगे पतंत्यंबुकणा यदा १। सर्वतीर्थसमं स्नानं पुत्रस्यापि सुजायते । पतितं विकलं वृद्धमशक्तं सर्वकर्मसु २। व्याधितं कुष्ठिनं तातं मातरं च तथाविधाम् । उपाचरति यः पुत्रस्तस्य पुण्यं वदाम्यहम् ३। विष्णुस्तस्य प्रसन्नात्मा जायते नात्र संशयः । प्रयाति वैष्णवं लोकं यदप्राप्यं हि योगिभिः ४। पितरौ विकलौ दीनौ वृद्धावेतौ गुरू सुतः । महागदेन संप्राप्तौ परित्यजति पापधीः ५। पुत्रो नरकमाप्नोति दारुणं कृमिसंकुलम् । वृद्धाभ्यां च समाहूतो गुरूभ्यामिह सांप्रतम् ६। न प्रयाति सुतो भूत्वा तस्य पापं वदाम्यहम् । विष्ठाशी जायते मूढो ग्रामघ्रोणी न संशयः ७। यावज्जन्मसहस्रं तु पुनः श्वा चाभिजायते । पुत्रगेहेस्थितौ वृद्धौ माता च जनकस्तथा ८। अभोजयित्वा तावन्नं स्वयमत्ति च यः सुतः । मूत्रं विष्ठां स भुंजीत यावज्जन्मसहस्रकम् ९। कृष्णसर्पो भवेत्पापी यावज्जन्मशतद्वयम् । मातरंपितरं वृद्धमवज्ञाय प्रवर्त्तते १०। ग्राहोपि जायते दुष्टो जन्मकोटिशतैरपि । तावेतौ कुत्सते पुत्रः कटुकैर्वचनैरपि ११। स च पापी भवेद्व्याघ्रः पश्चादृक्षः प्रजायते । मातरंपितरं पुत्रो यो न मन्येत दुष्टधीः १२। कुंभीपाके वसेत्तावद्यावद्युगसहस्रकम् । नास्ति मातृसमं तीर्थं पुत्राणां च पितुः समम् १३। तारणाय हितायैव इहैव च परत्र च । तस्मादहं महाप्राज्ञ पितृदेवं प्रपूजये १४। मातृदेवं सर्वदेव योगयोगी तथाभवम् । मातृपितृप्रसादेन संजातं ज्ञानमुत्तमम् १५। त्रिलोकीयं समस्ता तु संयाता मम वश्यताम् । अर्वाचीनगतिं जाने देवस्यास्य महात्मनः १६। वासुदेवस्य तस्यैव पराचीनां महामते । सर्वं ज्ञानं समुद्भूतं पितृमातृप्रसादतः १७। को न पूजयते विद्वान्पितरं मातरं तथा । सांगोपांगैरधीतैस्तैः श्रुतिशास्त्रसमन्वितैः १८। वेदैरपि च किं विप्रा पिता येन न पूजितः । माता न पूजिता येन तस्य वेदा निरर्थकाः १९। यज्ञैश्च तपसा विप्र किं दानैः किं च पूजनैः । प्रयाति तस्य वैफल्यं न माता येन पूजिता २०। न पिता पूजितो येन जीवमानो गृहे स्थितः । एष पुत्रस्य वै धर्मस्तथा तीर्थं नरेष्विह २१। एष पुत्रस्य वै मोक्षस्तथा जन्मफलं शुभम् । एष पुत्रस्य वै यज्ञो दानमेव न संशयः २२। पितरं पूजयेन्नित्यं भक्त्या भावेन तत्परः । तस्य जातं समस्तं तद्यदुक्तं पूर्वमेव हि २३। दानस्यापि फलं तेन तीर्थस्यापि न संशयः । यज्ञस्यापि फलं प्राप्तं माता येनाप्युपासिता २४। पिता येन सुभक्त्या च नित्यमेवाप्युपासितः । तस्य सर्वा सुसंसिद्धा यज्ञाद्याः पुण्यदाः क्रियाः २५। एतदर्थं समाज्ञातं धर्मशास्त्रं श्रुतं मया । पितृभक्तिपरो नित्यं भवेत्पुत्रो हि पिप्पल २६। तुष्टे पितरि संप्राप्तं यदुराज्ञा पुरा सुखम् । रुष्टे पितरि च प्राप्तं महत्पापं पुरा शृणु २७। रुरुणा पौरवेणापि पित्रा शप्तेन भूतले । एवं ज्ञानं मया चाप्तं द्वावेतौ यदुपासितौ २८। एतयोश्च प्रसादेन प्राप्तं फलमनुत्तमम् २९। इति श्रीपद्मपुराणे भूमिखंडे वेनोपाख्याने मातापितृतीर्थ-माहात्म्ये त्रिषष्टितमोऽध्यायः ६३ ।
sukarmovāca- tayoścāpi dvijaśreṣṭha mātāpitrośca snātayoḥ | putrasyāpi hi sarvāṃge pataṃtyaṃbukaṇā yadā 1| sarvatīrthasamaṃ snānaṃ putrasyāpi sujāyate | patitaṃ vikalaṃ vṛddhamaśaktaṃ sarvakarmasu 2| vyādhitaṃ kuṣṭhinaṃ tātaṃ mātaraṃ ca tathāvidhām | upācarati yaḥ putrastasya puṇyaṃ vadāmyaham 3| viṣṇustasya prasannātmā jāyate nātra saṃśayaḥ | prayāti vaiṣṇavaṃ lokaṃ yadaprāpyaṃ hi yogibhiḥ 4| pitarau vikalau dīnau vṛddhāvetau gurū sutaḥ | mahāgadena saṃprāptau parityajati pāpadhīḥ 5| putro narakamāpnoti dāruṇaṃ kṛmisaṃkulam | vṛddhābhyāṃ ca samāhūto gurūbhyāmiha sāṃpratam 6| na prayāti suto bhūtvā tasya pāpaṃ vadāmyaham | viṣṭhāśī jāyate mūḍho grāmaghroṇī na saṃśayaḥ 7| yāvajjanmasahasraṃ tu punaḥ śvā cābhijāyate | putragehesthitau vṛddhau mātā ca janakastathā 8| abhojayitvā tāvannaṃ svayamatti ca yaḥ sutaḥ | mūtraṃ viṣṭhāṃ sa bhuṃjīta yāvajjanmasahasrakam 9| kṛṣṇasarpo bhavetpāpī yāvajjanmaśatadvayam | mātaraṃpitaraṃ vṛddhamavajñāya pravarttate 10| grāhopi jāyate duṣṭo janmakoṭiśatairapi | tāvetau kutsate putraḥ kaṭukairvacanairapi 11| sa ca pāpī bhavedvyāghraḥ paścādṛkṣaḥ prajāyate | mātaraṃpitaraṃ putro yo na manyeta duṣṭadhīḥ 12| kuṃbhīpāke vasettāvadyāvadyugasahasrakam | nāsti mātṛsamaṃ tīrthaṃ putrāṇāṃ ca pituḥ samam 13| tāraṇāya hitāyaiva ihaiva ca paratra ca | tasmādahaṃ mahāprājña pitṛdevaṃ prapūjaye 14| mātṛdevaṃ sarvadeva yogayogī tathābhavam | mātṛpitṛprasādena saṃjātaṃ jñānamuttamam 15| trilokīyaṃ samastā tu saṃyātā mama vaśyatām | arvācīnagatiṃ jāne devasyāsya mahātmanaḥ 16| vāsudevasya tasyaiva parācīnāṃ mahāmate | sarvaṃ jñānaṃ samudbhūtaṃ pitṛmātṛprasādataḥ 17| ko na pūjayate vidvānpitaraṃ mātaraṃ tathā | sāṃgopāṃgairadhītaistaiḥ śrutiśāstrasamanvitaiḥ 18| vedairapi ca kiṃ viprā pitā yena na pūjitaḥ | mātā na pūjitā yena tasya vedā nirarthakāḥ 19| yajñaiśca tapasā vipra kiṃ dānaiḥ kiṃ ca pūjanaiḥ | prayāti tasya vaiphalyaṃ na mātā yena pūjitā 20| na pitā pūjito yena jīvamāno gṛhe sthitaḥ | eṣa putrasya vai dharmastathā tīrthaṃ nareṣviha 21| eṣa putrasya vai mokṣastathā janmaphalaṃ śubham | eṣa putrasya vai yajño dānameva na saṃśayaḥ 22| pitaraṃ pūjayennityaṃ bhaktyā bhāvena tatparaḥ | tasya jātaṃ samastaṃ tadyaduktaṃ pūrvameva hi 23| dānasyāpi phalaṃ tena tīrthasyāpi na saṃśayaḥ | yajñasyāpi phalaṃ prāptaṃ mātā yenāpyupāsitā 24| pitā yena subhaktyā ca nityamevāpyupāsitaḥ | tasya sarvā susaṃsiddhā yajñādyāḥ puṇyadāḥ kriyāḥ 25| etadarthaṃ samājñātaṃ dharmaśāstraṃ śrutaṃ mayā | pitṛbhaktiparo nityaṃ bhavetputro hi pippala 26| tuṣṭe pitari saṃprāptaṃ yadurājñā purā sukham | ruṣṭe pitari ca prāptaṃ mahatpāpaṃ purā śṛṇu 27| ruruṇā pauraveṇāpi pitrā śaptena bhūtale | evaṃ jñānaṃ mayā cāptaṃ dvāvetau yadupāsitau 28| etayośca prasādena prāptaṃ phalamanuttamam 29| iti śrīpadmapurāṇe bhūmikhaṃḍe venopākhyāne mātāpitṛtīrtha-māhātmye triṣaṣṭitamo'dhyāyaḥ 63 |
English translation
Sukarman said :
1-6a. O best brāhmaṇa , the son properly gets (the religious merit of) a bath similar to the one in all the holy places when the drops of water, (falling from the bodies) of the mother and the father who have bathed, fall on the entire body of the son. I shall (now) tell you about the religious merit of the son who serves his father who is fallen, who is maimed, who is old, who is weak (in doing) all acts, who is ill, who is suffering from leprosy, and also his mother like that (i.e. in such a condition). There is no doubt that Viṣṇu has his mind pleased with him. He goes to Viṣṇu’s heaven, unobtainable by (even) the meditating saints. That son of a sinful mind who abandons his parents who are maimed, helpless, old, or are suffering from a serious disease, obtains (i.e. goes to) a terrible hell, full of worms.
6b-22. I shall now tell you about the sin of (i.e. committed by) a son, who, when called by his old parents, does not go (to them). There is no doubt that the fool becomes the eater of feces and a village-pig; and then again he is born as a dog for (the next) thousand existences. That son, who, without feeding his old mother and father living in his house, himself eats (i.e. eats alone), would eat (i.e. drink) urine, (and eat) feces for a thousand existences. The sinner would be (born) as a black serpent for two hundred existences. He, the sinner, who goes forward by neglecting his old mother or father, is born as a shark for crores of existences. That sinful son, who censures them with bitter words, would be (born as) a tiger and then would be born as a bear. That wicked-minded son who would not worship his mother or father would dwell in (the hell called) Kumbhīpāka for as long as a (period covered by) a thousand yugas . For a son there is no other holy place, that would emancipate him and would cause his well-being here and in the next world, like his mother or like his father. Therefore, O you very intelligent one, I worship the deity in the form of my father (and) the deity in the form of my mother. I have by that become a devotee devoted to all gods. Excellent knowledge is produced (in me) due to the grace of my mother and father. Which wise man does not worship his mother or father? O brāhmaṇa, what is the use of his having studied the Vedas , with the Aṅgas and the Upāṅgas , and along with scriptures and (other) branches of knowledge, who has not honoured his father? The Vedas are useless for him who has not honoured his mother. Also, O brāhmaṇa, what is the use of sacrifices, penance, (giving) gifts and worships (of deities)? (All this) becomes fruitless (in the case) of him, who, while living (as a householder) in his house, has not worshipped his mother and has not worshipped his father. This (i.e. honouring his parents) alone is the duty of a son; this (alone) is a holy place among (i.e. for) men. This alone is the final beatitude of a son; similarly (this alone) is the auspicious fruit of his existence. This (alone) is the sacrifice of (i.e. performed by) a son. There is no doubt about it.
23-29. Intent on worshipping the father (and the mother, a son) who everyday devoutly worships his father (and mother), has all that has been said before. He, who has worshipped his mother also, has undoubtedly obtained the fruit of giving gifts, or of (visiting) a holy place, or of (performing) a sacrifice. All the acts giving merit, like sacrifices etc., are well accomplished by him who has everyday worshipped his father with good (i.e. great) devotion. For this only I have studied and learnt the science of religious merit. O Pippala , a son should always be intensely devoted to his father. Formerly, king Yadu obtained happiness when his father was pleased; (and) listen, how formerly when the father was angry, Ruru , a Paurava (king), obtained great sin on the earth, when cursed by his father. When I served these two (i.e. my parents) I got knowledge like this. By the grace of these I obtained an excellent fruit.
Complete chapter-aligned witnesses. Sanskrit Wikisource page 14828, revision 335508 (2022-04-10T07:10:35Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364270.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.