Uttara-khaṇḍa · Chapter 44
Sourceयुधिष्ठिर उवाच- फाल्गुनस्यासिते पक्षे किंनामैकादशीभवेत् । कथयस्व प्रसादेन वासुदेव ममाग्रतः १। श्रीकृष्ण उवाच- नारदः परिपप्रच्छ ब्रह्माणं कमलासनम् । फाल्गुनस्यासिते पक्षे विजयानाम नामतः । तस्याः पुण्यं द्विजश्रेष्ठ कथयस्व प्रसादतः २। ब्रह्मोवाच- शृणु नारद वक्ष्यामि कथां पापहराम्पराम् । यन्न कस्यचिदाख्यातं मयैतद्विजयाव्रतम् ३। पुरातनं व्रतं ह्येतत्पवित्रं पापनाशनम् । जयं ददाति विजया नृपाणां वै न संशयः ४। पुरा रामो वनं यातो वर्षाण्येव चतुर्दश । न्यवसत्पंचवट्यां तु सहसीतः सलक्ष्मणः ५। तत्रैव वसतस्तस्य रामस्य विजयात्मनः । रावणेन हृता लौल्याद्भार्या सीता यशस्विनी ६। तेन दुःखेन रामोऽपि मोहमभ्यागतस्तदा । भ्रमन्जटायुषमथो ददर्श विगतायुषम् ७। कबंधो निहतः पश्चाद्भ्रमतारण्यमध्यतः । सुग्रीवेण समं तस्य सखित्वं समपद्यत ८। वानराणामनीकानि रामार्थंसंगतानि च । ततो हनुमता दृष्टा लंकोद्याने तु जानकी ९। रामसंज्ञापनं तस्यै दत्तं कर्म महत्कृतम् । पुनः समेत्य रामेण सर्वं तत्र निवेदितम् १०। अथ श्रुत्वा रामचंद्रो वाक्यं चैव हनूमतः । सुग्रीवानुमतेनैव प्रस्थानं समरोचयत् ११। सौमित्रेकेन पुण्येन तीर्यते वरुणालयः । अगाधो नितरामेष यादोभिश्च समाकुलः । उपायं नैव पश्यामि येनासौ सुतरो भवेत् १२। लक्ष्मण उवाच- आदिदेवस्त्वमेवासि पुराणपुरुषोत्तमः । बकदाल्भ्यो मुनिश्चात्र वर्तते द्वीपमध्यतः १३। अस्मात्स्थानाद्योजनार्द्धमाश्रमस्तस्य राघव । अन्ये च ब्राह्मणास्तत्र बहवो रघुनंदन १४। तं पृच्छ गत्वा राजेंद्र पुराणमृषिपुंगवम् । इति वाक्यं ततः श्रुत्वा लक्ष्मणस्यातिशोभनम् १५। जगाम राघवो द्रष्टुं बकदाल्भ्यं महामुनिम् । प्रणनाम मुनिं मूर्ध्ना रामो विष्णुमिवामरः १६। ज्ञात्वा मुनिस्ततो रामं पुराणं पुरुषोत्तमम् । केनापि कारणेनैव प्रविष्टो मानुषीं तनुम् १७। उवाच स ऋषिस्तुष्टः कुतो राम तवागमः १८। राम उवाच- त्वत्प्रसादादहं विप्र तीरं नदनदीपतेः । आगतोऽस्मि ससैन्योऽत्र लंकां जेतुं सराक्षसाम् १९। भवतश्चानुकूलत्वात्तीर्यतेऽब्धिर्यथा मया । तमुपायं वद मुने प्रसादं कुरु सांप्रतम् २०। एतस्मात्कारणादेव द्रष्टुं त्वाहमिहागतः । रामस्य वचनं श्रुत्वा बकदाल्भ्यो महामुनिः २१। उवाच सुप्रसन्नात्मा रामं राजीवलोचनम् । कर्तव्यमद्य ते राम व्रतानां व्रतमुत्तमम् २२। कृतेन येन सहसा विजयस्ते भविष्यति । लंकां जित्वा राक्षसांश्च स्वच्छां कीर्तिमवाप्स्यसि २३। एकाग्रमानसो भूत्वा व्रतमेतत्समाचर । फाल्गुनस्यासिते पक्षे विजयैकादशी भवेत् २४। तस्या व्रतेन हे राम विजयस्ते भविष्यति । निःसंशयं समुद्रं त्वं तरिष्यसि सवानरः २५। विधिस्तु श्रूयतां राजन्व्रतस्यास्य फलप्रदः । दशम्यां दिवसे प्राप्ते कुंभमेकं तु कारयेत् २६। हैमं वा राजतं वापि ताम्रं वाप्यथ मृन्मयम् । स्थापयेच्छोभितं चैव जलपूर्णं सपल्लवम् २७। सप्तधान्यान्यधस्तस्य यवानुपरि विन्यसेत् । तस्योपरि न्यसेद्देवं हैमं नारायणं प्रभुम् २८। एकादशीदिने प्राप्ते प्रातः स्नानं समाचरेत् । निश्चलं स्थापयेत्कुंभं कंठमाल्यानुलेपनैः २९। पूगीफलैर्नालिकेरैः पूजयेच्च विशेषतः । गंधैर्धूपैश्चदीपैश्च नैवेद्यैर्विविधैरपि ३०। कुंभाग्रे तद्दिनं राम नीयते सत्कथादिभिः । रात्रौ जागरणं चैव तस्याग्रे कारयेद्बुधः ३१। प्रकाशयेद्घृतदीपमखंडव्रतहेतवे । द्वादशीदिवसे प्राप्ते मार्तंडस्योदये सति ३२। नीत्वा कुंभं जलोद्देशे नद्याः प्रस्रवणे तथा । तडागे स्थापयित्वा तं पूजयित्वा यथाविधि ३३। दद्यात्सदेवं तं कुंभं ब्राह्मणे वेदपारगे । कुंभेन सह राजेंद्र महादानानि दापयेत् ३४। अनेनविधिना राम यूथपैः सह संगतः । कुरु व्रतं प्रयत्नेन विजयस्ते भविष्यति ३५। इति श्रुत्वा ततो रामो यथोक्तमकरोत्तदा । कृते व्रते स विजयी बभूव रघुनंदनः ३६। प्राप्ता सीता जिता लंका पौलस्त्यो निहतो रणे । अनेनविधिना पुत्र ये कुर्वंति नरा व्रतम् ३७। इहलोकजयप्राप्तिः परलोकस्तथाक्षयः । एतस्मात्कारणात्पुत्र कर्तव्यं विजयाव्रतम् ३८। विजयायाश्च माहात्म्यं सर्वकिल्बिषनाशनम् । पठनाच्छ्रवणाच्चैव वाजपेयफलं लभेत् ३९। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे फाल्गुनकृष्णाविजयामाहात्म्यंनाम चतुश्चत्वारिंशोऽध्यायः ४४।
yudhiṣṭhira uvāca- phālgunasyāsite pakṣe kiṃnāmaikādaśībhavet | kathayasva prasādena vāsudeva mamāgrataḥ 1| śrīkṛṣṇa uvāca- nāradaḥ paripapraccha brahmāṇaṃ kamalāsanam | phālgunasyāsite pakṣe vijayānāma nāmataḥ | tasyāḥ puṇyaṃ dvijaśreṣṭha kathayasva prasādataḥ 2| brahmovāca- śṛṇu nārada vakṣyāmi kathāṃ pāpaharāmparām | yanna kasyacidākhyātaṃ mayaitadvijayāvratam 3| purātanaṃ vrataṃ hyetatpavitraṃ pāpanāśanam | jayaṃ dadāti vijayā nṛpāṇāṃ vai na saṃśayaḥ 4| purā rāmo vanaṃ yāto varṣāṇyeva caturdaśa | nyavasatpaṃcavaṭyāṃ tu sahasītaḥ salakṣmaṇaḥ 5| tatraiva vasatastasya rāmasya vijayātmanaḥ | rāvaṇena hṛtā laulyādbhāryā sītā yaśasvinī 6| tena duḥkhena rāmo'pi mohamabhyāgatastadā | bhramanjaṭāyuṣamatho dadarśa vigatāyuṣam 7| kabaṃdho nihataḥ paścādbhramatāraṇyamadhyataḥ | sugrīveṇa samaṃ tasya sakhitvaṃ samapadyata 8| vānarāṇāmanīkāni rāmārthaṃsaṃgatāni ca | tato hanumatā dṛṣṭā laṃkodyāne tu jānakī 9| rāmasaṃjñāpanaṃ tasyai dattaṃ karma mahatkṛtam | punaḥ sametya rāmeṇa sarvaṃ tatra niveditam 10| atha śrutvā rāmacaṃdro vākyaṃ caiva hanūmataḥ | sugrīvānumatenaiva prasthānaṃ samarocayat 11| saumitrekena puṇyena tīryate varuṇālayaḥ | agādho nitarāmeṣa yādobhiśca samākulaḥ | upāyaṃ naiva paśyāmi yenāsau sutaro bhavet 12| lakṣmaṇa uvāca- ādidevastvamevāsi purāṇapuruṣottamaḥ | bakadālbhyo muniścātra vartate dvīpamadhyataḥ 13| asmātsthānādyojanārddhamāśramastasya rāghava | anye ca brāhmaṇāstatra bahavo raghunaṃdana 14| taṃ pṛccha gatvā rājeṃdra purāṇamṛṣipuṃgavam | iti vākyaṃ tataḥ śrutvā lakṣmaṇasyātiśobhanam 15| jagāma rāghavo draṣṭuṃ bakadālbhyaṃ mahāmunim | praṇanāma muniṃ mūrdhnā rāmo viṣṇumivāmaraḥ 16| jñātvā munistato rāmaṃ purāṇaṃ puruṣottamam | kenāpi kāraṇenaiva praviṣṭo mānuṣīṃ tanum 17| uvāca sa ṛṣistuṣṭaḥ kuto rāma tavāgamaḥ 18| rāma uvāca- tvatprasādādahaṃ vipra tīraṃ nadanadīpateḥ | āgato'smi sasainyo'tra laṃkāṃ jetuṃ sarākṣasām 19| bhavataścānukūlatvāttīryate'bdhiryathā mayā | tamupāyaṃ vada mune prasādaṃ kuru sāṃpratam 20| etasmātkāraṇādeva draṣṭuṃ tvāhamihāgataḥ | rāmasya vacanaṃ śrutvā bakadālbhyo mahāmuniḥ 21| uvāca suprasannātmā rāmaṃ rājīvalocanam | kartavyamadya te rāma vratānāṃ vratamuttamam 22| kṛtena yena sahasā vijayaste bhaviṣyati | laṃkāṃ jitvā rākṣasāṃśca svacchāṃ kīrtimavāpsyasi 23| ekāgramānaso bhūtvā vratametatsamācara | phālgunasyāsite pakṣe vijayaikādaśī bhavet 24| tasyā vratena he rāma vijayaste bhaviṣyati | niḥsaṃśayaṃ samudraṃ tvaṃ tariṣyasi savānaraḥ 25| vidhistu śrūyatāṃ rājanvratasyāsya phalapradaḥ | daśamyāṃ divase prāpte kuṃbhamekaṃ tu kārayet 26| haimaṃ vā rājataṃ vāpi tāmraṃ vāpyatha mṛnmayam | sthāpayecchobhitaṃ caiva jalapūrṇaṃ sapallavam 27| saptadhānyānyadhastasya yavānupari vinyaset | tasyopari nyaseddevaṃ haimaṃ nārāyaṇaṃ prabhum 28| ekādaśīdine prāpte prātaḥ snānaṃ samācaret | niścalaṃ sthāpayetkuṃbhaṃ kaṃṭhamālyānulepanaiḥ 29| pūgīphalairnālikeraiḥ pūjayecca viśeṣataḥ | gaṃdhairdhūpaiścadīpaiśca naivedyairvividhairapi 30| kuṃbhāgre taddinaṃ rāma nīyate satkathādibhiḥ | rātrau jāgaraṇaṃ caiva tasyāgre kārayedbudhaḥ 31| prakāśayedghṛtadīpamakhaṃḍavratahetave | dvādaśīdivase prāpte mārtaṃḍasyodaye sati 32| nītvā kuṃbhaṃ jaloddeśe nadyāḥ prasravaṇe tathā | taḍāge sthāpayitvā taṃ pūjayitvā yathāvidhi 33| dadyātsadevaṃ taṃ kuṃbhaṃ brāhmaṇe vedapārage | kuṃbhena saha rājeṃdra mahādānāni dāpayet 34| anenavidhinā rāma yūthapaiḥ saha saṃgataḥ | kuru vrataṃ prayatnena vijayaste bhaviṣyati 35| iti śrutvā tato rāmo yathoktamakarottadā | kṛte vrate sa vijayī babhūva raghunaṃdanaḥ 36| prāptā sītā jitā laṃkā paulastyo nihato raṇe | anenavidhinā putra ye kurvaṃti narā vratam 37| ihalokajayaprāptiḥ paralokastathākṣayaḥ | etasmātkāraṇātputra kartavyaṃ vijayāvratam 38| vijayāyāśca māhātmyaṃ sarvakilbiṣanāśanam | paṭhanācchravaṇāccaiva vājapeyaphalaṃ labhet 39| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe phālgunakṛṣṇāvijayāmāhātmyaṃnāma catuścatvāriṃśo'dhyāyaḥ 44|
English translation
Yudhiṣṭhira said :
1. What is the name of the Ekādaśī that would fall (i.e. falls) in the dark half of Phālguna ? O Vāsudeva , favour me and tell it to me.
Śrīkṛṣṇa said :
2. Nārada asked the lotus-seated Brahma : “O best of brāhmaṇas , favour me, and tell me about the religious merit due to the observance of the Vijayā Ekādaśī that would fall (i.e. that falls) in the dark half of Phālguna.
Brahmā said :
3-12. O Nārada, listen; I shall tell (you) a great account that removes sins. I have not narrated to anyone this Vijayā-vow which is ancient, pure, and which removes sins. There is no doubt that Vijayā gives victory to the kings. Formerly, Rāma went to the forest and lived in Pañcavaṭī for fourteen years with Sītā and Lakṣmaṇa . The glorious wife, Sītā, of Rāma of a victorious nature, who lived there was kidnapped by Rāvaṇa through lustfulness. Due to that grief even Rāma was embarassed, and (while) wandering he saw Jaṭāyus who was dead. Then he, wandering in the forest, killed Kabandha . (Then) his friendship with Sugrīva took place. The forces of the monkeys came together for Rāma. Then Sītā was seen in the ( Aśoka ) garden of Laṅkā by Hanūmat. He gave her the token of Rāma and performed a great feat. Then again having come back to Rāma, he told him the entire (account). Then Rāma, having heard the words of Hanūmat, was pleased to (take out) a march (against Rāvaṇa) with Sugrīva’s consent. (He said to Lakṣmaṇa:) “O Saumitra, due to which religious merit this very unfathomable abode of Varuṇa (i.e. the ocean) full of aquatic animals, can be crossed? I do not see a means with which this (ocean) can be crossed easily.”
Lakṣmaṇa said :
13-18. You alone are the first god, and the ancient, best man. In this island lives the sage Bakadālbhya. O Rāghava , his hermitage is at a distance of half a yojana from this place. O son (i.e. descendant) of Raghu , there are many other brāhmaṇas also. O best king, having gone (there), ask the best sage.
Having heard these extremely good words of Lakṣmaṇa, Rāma went to see that great sage Bakadālbhya. With his head (bent down) he saluted the sage, as a god (salutes) Viṣṇu . Then hat sage having recognized that ancient best man who had entered the human body for some reason, was pleased, and said, “O Rāma what for have you come?”
Rāma said :
19-24. O brāhmaṇa , by your favour I have come along with the army to this shore of the ocean to conquer Laṅkā along with the demons. O sage, be favourable and tell me the means by which I shall cross the ocean. Now be pleased. O god, for this reason only I have come to see you.
Having heard the words of Rāma, the great sage Bakadālbhya, with his mind very much pleased, said to the lotus-eyed Rāma: “O Rāma, today you should observe the best among vows, having observed which you will be mightily victorious. Having conquered Laṅkā and the demons, you will obtain pure fame. Being concentrated in mind, observe this vow. The Vijayā Ekādaśī would fall in the dark half of the month of Phālguna.
25-35. O Rāma, by (the observance of) that vow you will get victory. You will, along with the monkeys, undoubtedly cross the ocean. O king, listen to the manner of this vow (i.e. in which the vow should be observed), which is fruitful. When the tenth day has arrived a man should cause to get fashioned a pitcher. He should place this decorated pitcher made of gold, silver, copper or clay and filled with water and with sprouts. He should put under it seven (kinds of) grains, and barley upon it. On it he should place the golden (image of) the lord Nārāyaṇa . When the eleventh day comes, he should bathe in the morning. Along with a wreath round the neck and unguents he should keep it (the pitcher) steady. He should worship it especially with betel nuts and coconuts, so also with sandal, incense, lights and various offerings of eatables. O Rāma, the day is passed in front of it with (i.e. in narrating) good tales. A wise man should also keep awake at night in front of it. For the continuous observance of the vow he should light a lamp of ghee . When the twelfth day comes, on the rise of the sun he should take the jar to the region of water and place it in a river or into a stream and should worship it duly. He should give that jar to a brāhmaṇa who has mastered the Vedas . O lord of kings, he should cause to give (i.e. he should give) the great gifts ( Mahādānas ) along with the jar (to a brāhmaṇa). O Rāma, observe along with the chiefs of troops carefully the vow in this manner. You will be victorious.”
36-39. Having heard like this, that Rāma did as he was told. When the son (i.e. descendant) of Raghu (i.e. Rāma) observed that vow, he became victorious. He got (back) Sītā. He conquered Laṅkā, killed Rāvaṇa in the battle. O son, those men who observe the vow in this manner, get success in this world, and get the inexhaustible other world (i.e. they live permanently in heaven). For this reason, O son, the vow of Vijayā should be observed. The greatness of Vijayā destroys all sins. A man by reciting (about) or listening (to this vow) would obtain the fruit of the performance of the Vājapeya sacrifice.
Complete chapter-aligned witnesses. Sanskrit Wikisource page 42586, revision 336425 (2022-04-21T18:06:12Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365621.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.