Bhūmi-khaṇḍa · Chapter 107
Sourceकुंजल उवाच- अथासौ नारदः स्वर्गादायुराजानमागतः । आगत्य कथयामास कस्माद्राजन्प्रशोचसे १। पुत्रापहरणं तेऽद्य क्षेमं जातं महामते । देवादीनां महाराज एवं ज्ञात्वा तु मा शुचः २। सर्वज्ञः सगुणो भूत्वा सर्वविज्ञानसंयुतः । सर्वकलाभिसंपूर्ण आगमिष्यति ते सुतः ३। येनाप्यपहृतस्तेऽद्य बालो देवगुणोपमः । आत्मगेहे महाराज कालो नीतो न संशयः ४। तस्याप्यंतं स वै कर्त्ता महावीर्यो महाबलः । स त्वामभ्येष्यते भूप शिवस्य सुतया सह ५। इंद्रोपेंद्रसमः पुत्रो भविष्यति स्वतेजसा । इंद्रत्वं भोक्ष्यते सोऽपि निजैश्च पुण्यकर्मभिः ६। एवमाभाष्य राजानमायुं देवर्षिसत्तमः । जगाम सहसा तस्य पश्यतः सानुगस्य ह ७। गते तस्मिन्महाभागे नारदे देवसंमिते । आयुरागत्य तां राज्ञीं तत्सर्वं विन्यवेदयत् ८। दत्तात्रेयेण यो दत्तः पुत्रो देववरोत्तमः । स वै राज्ञि कुशल्यास्ते विष्णोश्चैव प्रसादतः ९। येनाप्यसौ हृतः पुत्रः सगुणो मे वरानने । शिरस्तस्य गृहीत्वा तु पुनरेवागमिष्यति १०। इत्याह नारदो भद्रे मा कृथाः शोकमेव च । त्यज चैनं महामोहं कार्यधर्मविनाशनम् ११। भर्तुर्वाक्यं निशम्यैवं राज्ञी इंदुमती ततः । हर्षेणापि समाविष्टा पुत्रस्यागमनं प्रति १२। यथोक्तं देवऋषिणा तत्तथैव भविष्यति । दत्तात्रेयेण मे दत्तस्तनपो ह्यजरामरः १३। भविष्यति न संदेहः प्रतिभात्येनमेव हि । इत्येवं चिंतयित्वा तु ननाम द्विजपुंगवम् १४। नमोस्तु तस्मै परिसिद्धिदाय अत्रेः सुपुत्राय महात्मने च । यस्य प्रसादेन मया सुपुत्रः प्राप्तः सुधीरः सुगुणः सुपुण्यः १५। एवमुक्त्वा तु सा देवी विरराम सुदुःखिता । आगमिष्यंतमाज्ञाय नहुषं तनयं पुनः १६। इति श्रीपद्मपुराणे भूमिखंडे वेनोपाख्याने गुरुतीर्थमाहात्म्ये च्यवनचरित्रे नाहुषाख्याने सप्तोत्तरशततमोऽध्यायः १०७।
kuṃjala uvāca- athāsau nāradaḥ svargādāyurājānamāgataḥ | āgatya kathayāmāsa kasmādrājanpraśocase 1| putrāpaharaṇaṃ te'dya kṣemaṃ jātaṃ mahāmate | devādīnāṃ mahārāja evaṃ jñātvā tu mā śucaḥ 2| sarvajñaḥ saguṇo bhūtvā sarvavijñānasaṃyutaḥ | sarvakalābhisaṃpūrṇa āgamiṣyati te sutaḥ 3| yenāpyapahṛtaste'dya bālo devaguṇopamaḥ | ātmagehe mahārāja kālo nīto na saṃśayaḥ 4| tasyāpyaṃtaṃ sa vai karttā mahāvīryo mahābalaḥ | sa tvāmabhyeṣyate bhūpa śivasya sutayā saha 5| iṃdropeṃdrasamaḥ putro bhaviṣyati svatejasā | iṃdratvaṃ bhokṣyate so'pi nijaiśca puṇyakarmabhiḥ 6| evamābhāṣya rājānamāyuṃ devarṣisattamaḥ | jagāma sahasā tasya paśyataḥ sānugasya ha 7| gate tasminmahābhāge nārade devasaṃmite | āyurāgatya tāṃ rājñīṃ tatsarvaṃ vinyavedayat 8| dattātreyeṇa yo dattaḥ putro devavarottamaḥ | sa vai rājñi kuśalyāste viṣṇoścaiva prasādataḥ 9| yenāpyasau hṛtaḥ putraḥ saguṇo me varānane | śirastasya gṛhītvā tu punarevāgamiṣyati 10| ityāha nārado bhadre mā kṛthāḥ śokameva ca | tyaja cainaṃ mahāmohaṃ kāryadharmavināśanam 11| bharturvākyaṃ niśamyaivaṃ rājñī iṃdumatī tataḥ | harṣeṇāpi samāviṣṭā putrasyāgamanaṃ prati 12| yathoktaṃ devaṛṣiṇā tattathaiva bhaviṣyati | dattātreyeṇa me dattastanapo hyajarāmaraḥ 13| bhaviṣyati na saṃdehaḥ pratibhātyenameva hi | ityevaṃ ciṃtayitvā tu nanāma dvijapuṃgavam 14| namostu tasmai parisiddhidāya atreḥ suputrāya mahātmane ca | yasya prasādena mayā suputraḥ prāptaḥ sudhīraḥ suguṇaḥ supuṇyaḥ 15| evamuktvā tu sā devī virarāma suduḥkhitā | āgamiṣyaṃtamājñāya nahuṣaṃ tanayaṃ punaḥ 16| iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre nāhuṣākhyāne saptottaraśatatamo'dhyāyaḥ 107|
English translation
Kuñjala said :
1-2. Then that Nārada came from heaven to king Āyu. Having come he said to him: “O king, why are you bewailing? O great king, O very intelligent one, knowing that the kidnapping of your son is beneficial to gods and others, do not bewail.
3-4. Being omniscient, virtuous, and equipped with all worldly knowledge, and full of (i.e. endowed with) all arts, your son wilt come (back). O great king, he who has taken away the boy, having virtues like those of a god, to his house, has certainly taken Death.
5. He, of a great valour and might, will bring about his end. O king, along with Śiva ’s daughter he will come to you.
6. Due to his own lustre the son will be like Indra and Viṣṇu . Due to his righteous acts he will enjoy the position of Indra.”
7. Speaking like this to king Āyu that best divine sage suddenly left as the king with his servants was seeing.
8. When that holy Nārada, resembling a god, had gone, Āyu came to that queen and told her all that (Nārada had said).
9-15. (He said:) “O queen, due to Viṣṇu’s grace, Dattātreya gave you, the auspicious one, a son, (like) the best god. O you of an excellent face (i.e. O you beautiful one), my virtuous son will again come back, taking (with him) the head of that one who has kidnapped him. Nārada told (me) like this. O good one, do not grieve; and give up this great delusion of your mind which destroys the (fruit of the) good works that ought to be done.” Hearing the words of her husband, queen Indumatī , was full of joy (due) to the (assurance of the) coming of her son. ‘It shall be as is told by the divine sage. Dattātreya has given me the son, who will be ageless and immortal. There is no doubt about it. It appears to me like this about him.’ Thinking like this, she saluted the best brāhmaṇa . “My salutation to that noble son of Atri , the giver of great prosperity, by whose grace I obtained a very wise, very virtuous and very meritorious son.”
16. Speaking like this, that respectable lady, who was very much afflicted, knowing that son Nahuṣa would come back, ceased (speaking).
Complete chapter-aligned witnesses. Sanskrit Wikisource page 43145, revision 335630 (2022-04-12T03:45:48Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365200.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.