Uttara-khaṇḍa · Chapter 36
Sourceनारद उवाच- कीदृशी स्यान्महादेव पक्षवर्द्धनिसंज्ञका । यया वै कृतया जंतुर्महपापात्प्रमुच्यते १। श्रीमहादेव उवाच- अमा वा यदि वा पूर्णा संपूर्णा जायते तदा । भूत्वा वै नाडिकाषष्ठिर्जायते प्रतिपद्दिने । अश्वमेधायुतैस्तुल्या सा भवेत्पक्षवर्द्धिनी २। नारद उवाच- पूजाविधिं तु पृच्छामि सांप्रतं देवसत्तम । यत्कृते तु महादेव महाफलमवाप्नुयात् ३। महादेव उवाच- पूजाविधिं प्रवक्ष्यामि सांप्रतं द्विजनंदन । पूजिते चार्चिते विष्णौ फलं प्राप्नोत्यसंशयः ४। येन पूजाविधानेन तुष्टिं प्राप्नोति माधवः । अव्रणं जलपूर्णं च कुंभं चंदनचर्चितम् ५। पंचरत्नसमायुक्तं पुष्पमालाभिवेष्टितम् । स्थाप्यं ताम्रमयं पात्रं सगोधूमं घटोपरि ६। सौवर्णं कारयेद्देवं माससंज्ञाभिनामकम् । पंचामृतेन विधिना स्नपनं सुमनोरमम् ७। कारयेद्देवदेवेशं जगन्नाथं जगत्पतिम् । विलेपनं तु कर्त्तव्यं कुंकुमागरुचंदनैः ८। वस्त्रयुग्मं च दातव्यं छत्रोपानहसंयुतम् । पूजयेद्देवताधीशं कुंभपात्रोपरिस्थितम् ९। पद्मनाभाय वै पादौ जानुनी विश्वमूर्त्तये । ऊरू वै ज्ञानगम्याय कटी दानप्रदाय च १०। उदरं विश्वनाथाय हृदयं श्रीधराय च । कंठं कौस्तुभकंठाय बाहू क्षत्रांतकारिणे ११। ललाटं व्योममूर्ध्ने तु शिरो वै सर्वरूपिणे । स्वनाम्ना चैव कमलां सर्वांगीं दिव्यरूपिणीम् १२। एवं विधिवत्संपूज्य ततोऽर्घं दापयेत्सुधीः । नालिकेरेण शुभ्रेण देवदेवस्य चक्रिणः १३। अनेनैवार्घदानेन संपूर्णं जायते व्रतम् । संसारार्णवमग्नं मां समुद्धर जगत्पते १४। त्वमीशः सर्वलोकानां त्वं साक्षाच्च जगत्पतिः । गृहाणार्घं मया दत्तं पद्मनाभ नमोस्तु ते १५। नैवेद्यानि सुहृद्यानि षड्रसानि विशेषतः । देयानि तु विशेषेण केशवाय सुभक्तितः १६। नागपत्रं सकर्पूरं दद्याद्देवस्य भक्तितः । घृतेन दीपकं कुर्यात्तिलतैलेन वा पुनः १७। कृत्वा सम्यग्विधानेन गुरोः पूजां प्रकारयेत् । वस्त्राणि चैव चोष्णीषं कंचुकं च प्रदापयेत् १८। दक्षिणां च यथाशक्त्या गुरुवे संप्रदापयेत् । भोजनं चैव तांबूलं दत्त्वा चार्घं प्रदापयेत् १९। स्ववित्तस्यानुमानेन यथाशक्त्या तु निर्द्धनैः । कार्या सम्यक्प्रयत्नेन द्वादशी पक्षवर्द्धिनी २०। ततो जागरणं कुर्याद्गीतनृत्यसमन्वितम् । पुराणपाठसहितं हास्याह्लादसमन्वितम् २१। स्तुवंति च प्रशंसंति जागरं चक्रपाणिनः । नित्योत्सवो भवेत्तेषां गृहे वै दशजन्मसु २२। अतो धन्यतमा चेयं कर्त्तव्या पक्षवर्द्धनी । कृत्वा तु सकलं पुण्यं फलं प्राप्नोत्यसंशयम् २३। पक्षवर्द्धनी माहात्म्यं ये शृण्वंति मनीषिणः । तैः कृतं सत्कृतं सर्वं यावदाभूतसंप्लवम् २४। पंचाग्निसाधने पुण्यं यच्च स्यात्तीर्थसाधने । तत्पुण्यं समवाप्नोति विष्णोर्जागरकारणात् २५। पक्षवर्द्धनिका पुण्या पवित्रा पापनाशिनी । उपवासकृता विप्र हत्याकोटिविनाशिनी २६। वसिष्ठेन कृता पूर्वं भारद्वाजेन वै मुने । ध्रुवेण चांबरीषेण कृतेयं विष्णुवल्लभा २७। इयं काशीसमा पुण्या इयं वै द्वारका समा । उपोषिता च भक्तेन वांछितं च ददात्यसौ २८। इयं धन्या धन्यतमा हत्यायुतविनाशिनी । कर्त्तव्या तु विशेषेण वैष्णवैर्ज्ञानतत्परैः २९। अहो सर्वेश्वरो देवः संसेव्यो व्रततत्परैः । किमन्यद्बहुनोक्तेन कर्तव्यं व्रतमुत्तमम् ३०। यथा च वर्द्धते चंद्रः सिते पक्षे विशेषतः । तथा वै वर्द्धते भक्त कारणात्पक्षवर्द्धिनी ३१। सूर्योदये यथा ध्वांतं नश्यते तत्क्षणादपि । तथाघं नाशमाप्नोति करणात्पक्षवर्द्धिनी ३२। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमापतिनारदसंवादे पक्षवर्द्धनी एकादशीमाहात्म्यंनाम षट्त्रिंशोऽध्यायः ३६।
nārada uvāca- kīdṛśī syānmahādeva pakṣavarddhanisaṃjñakā | yayā vai kṛtayā jaṃturmahapāpātpramucyate 1| śrīmahādeva uvāca- amā vā yadi vā pūrṇā saṃpūrṇā jāyate tadā | bhūtvā vai nāḍikāṣaṣṭhirjāyate pratipaddine | aśvamedhāyutaistulyā sā bhavetpakṣavarddhinī 2| nārada uvāca- pūjāvidhiṃ tu pṛcchāmi sāṃprataṃ devasattama | yatkṛte tu mahādeva mahāphalamavāpnuyāt 3| mahādeva uvāca- pūjāvidhiṃ pravakṣyāmi sāṃprataṃ dvijanaṃdana | pūjite cārcite viṣṇau phalaṃ prāpnotyasaṃśayaḥ 4| yena pūjāvidhānena tuṣṭiṃ prāpnoti mādhavaḥ | avraṇaṃ jalapūrṇaṃ ca kuṃbhaṃ caṃdanacarcitam 5| paṃcaratnasamāyuktaṃ puṣpamālābhiveṣṭitam | sthāpyaṃ tāmramayaṃ pātraṃ sagodhūmaṃ ghaṭopari 6| sauvarṇaṃ kārayeddevaṃ māsasaṃjñābhināmakam | paṃcāmṛtena vidhinā snapanaṃ sumanoramam 7| kārayeddevadeveśaṃ jagannāthaṃ jagatpatim | vilepanaṃ tu karttavyaṃ kuṃkumāgarucaṃdanaiḥ 8| vastrayugmaṃ ca dātavyaṃ chatropānahasaṃyutam | pūjayeddevatādhīśaṃ kuṃbhapātroparisthitam 9| padmanābhāya vai pādau jānunī viśvamūrttaye | ūrū vai jñānagamyāya kaṭī dānapradāya ca 10| udaraṃ viśvanāthāya hṛdayaṃ śrīdharāya ca | kaṃṭhaṃ kaustubhakaṃṭhāya bāhū kṣatrāṃtakāriṇe 11| lalāṭaṃ vyomamūrdhne tu śiro vai sarvarūpiṇe | svanāmnā caiva kamalāṃ sarvāṃgīṃ divyarūpiṇīm 12| evaṃ vidhivatsaṃpūjya tato'rghaṃ dāpayetsudhīḥ | nālikereṇa śubhreṇa devadevasya cakriṇaḥ 13| anenaivārghadānena saṃpūrṇaṃ jāyate vratam | saṃsārārṇavamagnaṃ māṃ samuddhara jagatpate 14| tvamīśaḥ sarvalokānāṃ tvaṃ sākṣācca jagatpatiḥ | gṛhāṇārghaṃ mayā dattaṃ padmanābha namostu te 15| naivedyāni suhṛdyāni ṣaḍrasāni viśeṣataḥ | deyāni tu viśeṣeṇa keśavāya subhaktitaḥ 16| nāgapatraṃ sakarpūraṃ dadyāddevasya bhaktitaḥ | ghṛtena dīpakaṃ kuryāttilatailena vā punaḥ 17| kṛtvā samyagvidhānena guroḥ pūjāṃ prakārayet | vastrāṇi caiva coṣṇīṣaṃ kaṃcukaṃ ca pradāpayet 18| dakṣiṇāṃ ca yathāśaktyā guruve saṃpradāpayet | bhojanaṃ caiva tāṃbūlaṃ dattvā cārghaṃ pradāpayet 19| svavittasyānumānena yathāśaktyā tu nirddhanaiḥ | kāryā samyakprayatnena dvādaśī pakṣavarddhinī 20| tato jāgaraṇaṃ kuryādgītanṛtyasamanvitam | purāṇapāṭhasahitaṃ hāsyāhlādasamanvitam 21| stuvaṃti ca praśaṃsaṃti jāgaraṃ cakrapāṇinaḥ | nityotsavo bhavetteṣāṃ gṛhe vai daśajanmasu 22| ato dhanyatamā ceyaṃ karttavyā pakṣavarddhanī | kṛtvā tu sakalaṃ puṇyaṃ phalaṃ prāpnotyasaṃśayam 23| pakṣavarddhanī māhātmyaṃ ye śṛṇvaṃti manīṣiṇaḥ | taiḥ kṛtaṃ satkṛtaṃ sarvaṃ yāvadābhūtasaṃplavam 24| paṃcāgnisādhane puṇyaṃ yacca syāttīrthasādhane | tatpuṇyaṃ samavāpnoti viṣṇorjāgarakāraṇāt 25| pakṣavarddhanikā puṇyā pavitrā pāpanāśinī | upavāsakṛtā vipra hatyākoṭivināśinī 26| vasiṣṭhena kṛtā pūrvaṃ bhāradvājena vai mune | dhruveṇa cāṃbarīṣeṇa kṛteyaṃ viṣṇuvallabhā 27| iyaṃ kāśīsamā puṇyā iyaṃ vai dvārakā samā | upoṣitā ca bhaktena vāṃchitaṃ ca dadātyasau 28| iyaṃ dhanyā dhanyatamā hatyāyutavināśinī | karttavyā tu viśeṣeṇa vaiṣṇavairjñānatatparaiḥ 29| aho sarveśvaro devaḥ saṃsevyo vratatatparaiḥ | kimanyadbahunoktena kartavyaṃ vratamuttamam 30| yathā ca varddhate caṃdraḥ site pakṣe viśeṣataḥ | tathā vai varddhate bhakta kāraṇātpakṣavarddhinī 31| sūryodaye yathā dhvāṃtaṃ naśyate tatkṣaṇādapi | tathāghaṃ nāśamāpnoti karaṇātpakṣavarddhinī 32| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde pakṣavarddhanī ekādaśīmāhātmyaṃnāma ṣaṭtriṃśo'dhyāyaḥ 36|
English translation
Nārada said :
1. O Mahādeva , of what type is (the vow) called Pakṣavardhinī, having observed which a being is free from a great sin?
Śrī Mahādeva said :
2. That would be Pakṣavardhinī, equal to myriads of horse-sacrifices, when either the new-moon day or the full-moon day is complete (i.e. lasts for the entire day and night) with sixty ghaṭikās and prolongs on the day of pratipad (i.e. the first day of a fortnight).
Nārada said :
3. O Mahādeva, now I am asking about the manner of the worship, having done which a man would obtain great fruit.
Mahādeva said :
4-12. O son of a brāhmaṇa , I shall now tell the manner of the worship. There is no doubt that a man gets the fruit when Viṣṇu is worshipped and adored, since by the performance of worship Viṣṇu is pleased. He should put a pitcher, which has no scratch, which is full of water, which is smeared with sandal, which contains five gems, which is wrapped with garlands of flowers. On the pitcher he should place a vessel containing wheat. (The image of) the deity should be made of gold and should be named after the month. He should nicely bathe (the image of) the god of gods, Jagannātha , the lord of the world, with pañcāmṛta according to the (proper) rite. It should be besmeared with saffron, agaru and sandal. He should offer a pair of garments along with an umbrella and sandals. He should worship the (image of the) lord of deities kept in the vessel on the pitcher. (Touching) the feet (he should say, ‘My homage) to Padmanābha ’. (Touching) the knees (he should say, ‘My homage) to Viśvamūrti’. (Touching) the thighs (he should say, ‘My homage) to Jñānagamya (i.e. one who is reached through knowledge). (Touching) the waist (he should say, ‘My homage) to Jñānaprada (i.e. one who gives knowledge). (Touching) the belly (he should say, ‘My homage) to Viśvanātha ’. (Touching) the heart (he should say, ‘My homage) to Śrīdhara . (Touching) the throat (he should say, ‘My homage) to Kaustubhakaṇṭha’. (Touching) the arms (he should say, ‘My homage) to Kṣatrāntakārin (i.e. one who destroyed the kṣatriyas )’. (Touching) the forehead (he should say, ‘My homage) to Vyomamūrdhan (i.e. one who has his head in the sky)’. (Touching) the head (he should say, ‘My homage) to Sarvarūpin (i.e. of a universal form)’. He should also utter his name (and worship) Lakṣmī full of all limbs and of a divine form.
13-19. The wise one should thus duly worship and then should offer materials of worship along with a white coconut to the Disc-holder, the god of gods. The vow becomes complete by means of this offering. (He should pray to the deity as:) ‘O lord of the world, lift me who am drowned in the ocean of the worldly existence. You are the lord of all the worlds. You are actually the lord of the world. Accept the respectful offering offered by me. Salutation to you, O Padmanābha’. Offerings of pleasant food, especially those having (all) the six flavours should be very devoutly offered to Viṣṇu. He should devoutly offer the nāga -leaf along with camphor to the god. He should fill the lamp with ghee or with sesamum-oil. Doing (these) properly he should (duly) worship the preceptor. He should cause to be offered (i.e. should offer him) garments, a turban and a dress. He should cause to be given (i.e. should give) the preceptor a present according to his capacity. Having given (him) food and tāmbūla he should cause to be given (i.e. should give) him a respectful offering.
20-32. The Dvādaśi (called) Pakṣavardhinī should be observed by the poor while keeping in view the estimate of their wealth and according to their capacity. It should be carefully and properly observed. Then he should keep awake by singing, dancing, the recitation of a Purāṇa and laughter and mirth. They praise and command the keeping awake (in honour) of the Disc-holder (i.e. Viṣṇu). For ten existences an every day festival would take place in their houses. Therefore, a man should observe this most virtuous Pakṣavardhinī. Having done (i.e. had) all religious merit, he undoubtedly obtains(its) fruits. Those wise men who have listened to the greatness of Pakṣavardhinī, have done meritorious deeds till the final destruction of the world. A man obtains that religious merit which he (would) obtain by practising the Pañcāgnisādhana or by visiting sacred places, by keeping awake (in honour) of Viṣṇu. The Pakṣavardhinī is virtuous, pure, and destroys sins. When a fast is observed on the day (of Pakṣavardhinī) it destroys (the sin due to) crores of brāhmaṇa-murders. It was, O sage, formerly observed by Vasiṣṭha , so also by Bhāradvāja ; this one, dear to Viṣṇu, was observed by Dhruva and Ambarīṣa . It is virtuous like Kāśī . It is like Dvārakā . When a devotee fasts on this day, it gives him his desired object. It is blessed, most blessed. It destroys (the sin of) a myriad of murders. It should be especially observed by those who are devoted to knowledge. O god, lord of all should be served by all who are intent upon (observing) the vow. As the moon waxes, especially in the bright half, the Pakṣavardhinī waxes for the devotee (of Viṣṇu). As darkness goes away at sunrise, the sin of a man on observing (the vow of) Pakṣavardhinī perishes.
Complete chapter-aligned witnesses. Sanskrit Wikisource page 44615, revision 336359 (2022-04-21T09:20:07Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365613.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.