Uttara-khaṇḍa · Chapter 159
Sourceमहादेव उवाच। तस्माद्दूरतरे देवि सिद्धक्षेत्रमनुत्तमम् । अनिरुद्धो वृतः पूर्वं उषार्थे चित्रलेखया १। नीतो बाणासुरपुरं तिष्ठति स्म गृहे पुरा । पाशैर्बाणैश्च संरुद्धः कोटराक्षीमथास्मरत् २। साक्षाद्या वैष्णवी शक्तिः सदा रक्षण तत्परा । सेयं देवी नदीतीरे कृष्णेनात्र प्रतिष्ठिता ३। जित्वा बाणासुरं संख्ये द्वारकां प्रतिगच्छता । अनिरुद्धस्य स्तोत्रेण साक्षात्सांनिध्यमागता ४। तत्र तीर्थे नरः स्नात्वा वर्षमेकं प्रयत्नतः । कोटराक्षीमुखं दृष्ट्वा लक्ष्मीमाप्नोति पुष्कलाम् ५। सिद्धतीर्थे नरः स्नात्वा दृष्ट्वा कोटरवासिनीम् । सिंहयुक्तेन यानेन रुद्रलोके महीयते ६। यस्यां वै स्मरणादेव मुक्तः सोऽपि वरानने । अतोयेऽत्र प्रगच्छंति ते नरा मुक्तिभागिनः ७। तत्र गत्वा विशेषेण स्नानं कृत्वा तु पार्वति । कोटराक्ष्यास्ततः स्तोत्रं पठेद्वै बुद्धिपूर्वकम् ८। कोटराक्षी विश्वरूपा महामाया बलाधिका । त्रिपुरा त्रिपुरघ्नी च शिवा वै शिवरूपिणी ९। कन्या सारस्वती प्रोक्ता दुर्गा दुर्गतिहारिणी । भैरवी भैरवाक्षी च लक्ष्मी देवी जनप्रिया १०। एतानि बहुधोक्तानि नामानि च सुरेश्वरि । ये पठंति नरश्रेष्ठास्ते यांति शिवसन्निधौ ११। अनिरुद्धकृतं स्तोत्रं ये जपंति मनीषिणः । मुच्यंते कष्टबंधात्ते सत्यंसत्यं वरानने १२। तीर्थानां परमं तीर्थं कोटरानिर्मितं भुवि । दर्शनादेव नश्यंति पापानां राशयस्तथा १३।
mahādeva uvāca| tasmāddūratare devi siddhakṣetramanuttamam | aniruddho vṛtaḥ pūrvaṃ uṣārthe citralekhayā 1| nīto bāṇāsurapuraṃ tiṣṭhati sma gṛhe purā | pāśairbāṇaiśca saṃruddhaḥ koṭarākṣīmathāsmarat 2| sākṣādyā vaiṣṇavī śaktiḥ sadā rakṣaṇa tatparā | seyaṃ devī nadītīre kṛṣṇenātra pratiṣṭhitā 3| jitvā bāṇāsuraṃ saṃkhye dvārakāṃ pratigacchatā | aniruddhasya stotreṇa sākṣātsāṃnidhyamāgatā 4| tatra tīrthe naraḥ snātvā varṣamekaṃ prayatnataḥ | koṭarākṣīmukhaṃ dṛṣṭvā lakṣmīmāpnoti puṣkalām 5| siddhatīrthe naraḥ snātvā dṛṣṭvā koṭaravāsinīm | siṃhayuktena yānena rudraloke mahīyate 6| yasyāṃ vai smaraṇādeva muktaḥ so'pi varānane | atoye'tra pragacchaṃti te narā muktibhāginaḥ 7| tatra gatvā viśeṣeṇa snānaṃ kṛtvā tu pārvati | koṭarākṣyāstataḥ stotraṃ paṭhedvai buddhipūrvakam 8| koṭarākṣī viśvarūpā mahāmāyā balādhikā | tripurā tripuraghnī ca śivā vai śivarūpiṇī 9| kanyā sārasvatī proktā durgā durgatihāriṇī | bhairavī bhairavākṣī ca lakṣmī devī janapriyā 10| etāni bahudhoktāni nāmāni ca sureśvari | ye paṭhaṃti naraśreṣṭhāste yāṃti śivasannidhau 11| aniruddhakṛtaṃ stotraṃ ye japaṃti manīṣiṇaḥ | mucyaṃte kaṣṭabaṃdhātte satyaṃsatyaṃ varānane 12| tīrthānāṃ paramaṃ tīrthaṃ koṭarānirmitaṃ bhuvi | darśanādeva naśyaṃti pāpānāṃ rāśayastathā 13|
English translation
Mahādeva said :
1-13. A little away from it is the excellent Siddhakṣetra , O goddess. Formerly Aniruddha was chosen by Citralekhā for Uṣā. He was taken to Bāṇāsura ’s city formerly and he stayed in his (i.e. Bāṇāsura’s) house. Checked by nooses and arrows, he then remembered Koṭarākṣī. She is actually the power of Viṣṇu , always engaged in protecting (the devotees). Kṛṣṇa installed (the image of) this goddess here on the bank of the river. Due to the hymn of Aniruddha, returning to Dvārakā , after having vanquished Bāṇāsura in a battle, she actually came near (him). A man having carefully bathed for one year at that holy place, and having seen Koṭarākṣī’s face, obtains much wealth. A man bathing at Siddha-tīrtha , and seeing (the goddess) living at Koṭara , is honoured in Rudra ’s heaven (after being taken) in a vehicle of (i.e. to which) lions (are yoked). O beautiful lady, even by remembering her, he too is freed. Therefore, those men who go here, enjoy salvation. A man, after having gone there, should especially bathe, and should deliberately recite the hymn of Koṭarākṣī, O Pārvatī . Koṭarākṣī has a universal form. She has great divine power. She is superior in strength. She in Tripurā , is the destroyer of Tripura ; is Śiva and of the form of Śiva. She is said to be the daughter of Sarasvatī . She is Durgā . She removes misery. She is Bhairavī , Bhairavākṣī, and Lakṣmī , to whom the people (i.e. devotees) of the goddess are dear, O Chief goddess. Thus various names (of her) are mentioned. Those who recite them go near Śiva. O beautiful lady, those wise men who mutter the hymn composed by Aniruddha, get freed from troublesome bondage. This is the truth, and the (only) truth. The holy place fashioned by Koṭara on the earth is best among holy places. Merely on seeing it the heaps of sins (of a man) perish.
Complete chapter-aligned witnesses. Sanskrit Wikisource page 31424, revision 336583 (2022-04-25T00:40:49Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365738.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.