Brahma-khaṇḍa · Chapter 17
Sourceशौनक उवाच। विष्णुपादोदकस्यापि माहात्म्यं पापनाशनम् । कथयस्व महाप्राज्ञ समूलं मे कृपार्णव १। सूत उवाच। समस्तपातकध्वंसि विष्णुपादोदकं शुभम् । कणमात्रं वहेद्यस्तु सर्वतीर्थफलं लभेत् २। विष्णुपादोदकं ब्रह्मन्स्पर्शतः पापनाशनम् । अकालमरणं नास्ति गंगास्नानफलं लभेत् ३। विष्णुपादोदकं पापी यः पिबेत्तस्य किल्बिषम् । शरीरस्थं क्षयं याति कृतं ब्रह्मन्न संशयः ४। तुलसीपर्णसंयुक्तं विष्णुपादोदकं द्विज । यो वहेच्छिरसा भक्त्या चांते याति हरेर्गृहम् ५। मेरुतुल्यसुवर्णानि दत्त्वा यत्फलमाप्यते । हरिपादोदकं स्पृष्ट्वा प्राप्यते तत्फलं नरैः ६। धेनुकोटिसहस्राणि यत्फलं लभते नरैः । दत्वा पादोदकं स्पृष्ट्वा तत्फलं प्राप्यते ध्रुवम् ७। यज्ञकोटिसहस्राणि कृत्वा यत्फलमाप्यते । हरिपादोदकं स्पृष्ट्वा तस्मात्कोटिगुणं नरैः ८। कोटिकन्याप्रदानेन यत्फलं लभ्यते जनैः । विष्णुपादोदकं स्पृष्ट्वा फलं तस्माद्द्विजाधिकम् ९। दंतिकोटिप्रदानेन सप्तिकोटिप्रदानतः । यत्फलं लभते मर्त्यः स्पृष्ट्वा पादोदकं हरेः १०। दत्वा मर्त्यः सप्तद्वीपां ससस्यां यत्फलं लभेत् । विष्णुपादोदकं स्पृष्ट्वा तस्माद्विप्राधिकं लभेत् ११। शृणु विप्र प्रवक्ष्यामि संक्षेपेणाधिकं किमु । विष्णुपादोदकं स्पृष्ट्वा पापी याति हरेर्गृहम् १२। शौनक उवाच। स्पृष्ट्वा पीत्वा पुरा केन प्राणिना प्रापि वै गृहम् । कथयस्व हरेः सूत मम त्वं चानुकंपया १३। सूत उवाच। पुरा त्रेतायुगे पापी नाम्ना विप्रः सुदर्शनः । जनार्द्दनदिने नित्यमश्नीयात्स द्विजोत्तम १४। शास्त्रनिंदाकरो नित्यं व्रतनिंदाकरः सदा । असावन्यं न जानाति केवलं स्वोदरं विना १५। एकदा प्राप्तकालस्तु निधनं प्राप्तवान्द्विज । यमदूताः समायाता बद्ध्वा नीतो यमालयम् १६। तं दृष्ट्वा यमुनाभ्राता पप्रच्छ सचिवं रुषा । भोऽमात्य चास्य यत्पुण्यं पापं वद समूलतः १७। असौ विप्रो महापापी क्रूरकर्म्मेव दृश्यते १८। चित्रगुप्त उवाच। आकर्णय चास्य पापं पुण्यं नास्त्यणुमात्रकम् । वासरेऽपि हरेर्नित्यमकरोद्भोजनं विभो १९। वासरे कमलाभर्तुश्चाश्नीयाद्यो नराधमः । पुरीषं सोऽश्नीयाद्राजन्निरयं याति दारुणम् २०। मन्वंतरशतं देहि स्थानं तु निरयेऽप्यमुम् । ग्रामक्रोडस्य योनौ हि ततो जन्म भविष्यति २१। सूत उवाच। यमाज्ञया ततो विप्र तस्य दूतैर्भयंकरैः । पातितस्तु पुरीषे वै मन्वंतरशताधिकम् २२। ततो मुक्तोऽभवच्चासौ पृथिव्यां ग्रामसूकरः । चिरं नरकमश्नीयाद्धरिवासरभोजनात् २३। ततो विप्र प्राप्तकालः पंचत्वं स जगाम ह । काकयोनौ पुनर्जन्म लेभेऽसौ विड्भुजः सदा २४। एकस्मिन्दिवसे विप्र श्रीहरेश्चरणोदकम् । द्वारदेशेस्थितं पीत्वा सर्वपापविवर्जितः २५। तस्मिन्नेव दिने काकः पतितः शबरस्य च । काले मृत्युदशां प्राप्तो व्याधेन वायसोपि च २६। आगते स्यंदने दिव्ये राजहंसयुते शुभे । आरुह्य बलिभुग्विप्र ययौ स हरिमंदिरम् २७। पादोदकस्य माहात्म्यं कथितं पापनाशनम् । यः शृणोति नरः पापी तस्य पापं विनश्यति २८। इति श्रीपाद्मे महापुराणे ब्रह्मखंडे सूतशौनकसंवादे चरणोदकमाहात्म्ये सप्तदशोऽध्यायः १७।
śaunaka uvāca| viṣṇupādodakasyāpi māhātmyaṃ pāpanāśanam | kathayasva mahāprājña samūlaṃ me kṛpārṇava 1| sūta uvāca| samastapātakadhvaṃsi viṣṇupādodakaṃ śubham | kaṇamātraṃ vahedyastu sarvatīrthaphalaṃ labhet 2| viṣṇupādodakaṃ brahmansparśataḥ pāpanāśanam | akālamaraṇaṃ nāsti gaṃgāsnānaphalaṃ labhet 3| viṣṇupādodakaṃ pāpī yaḥ pibettasya kilbiṣam | śarīrasthaṃ kṣayaṃ yāti kṛtaṃ brahmanna saṃśayaḥ 4| tulasīparṇasaṃyuktaṃ viṣṇupādodakaṃ dvija | yo vahecchirasā bhaktyā cāṃte yāti harergṛham 5| merutulyasuvarṇāni dattvā yatphalamāpyate | haripādodakaṃ spṛṣṭvā prāpyate tatphalaṃ naraiḥ 6| dhenukoṭisahasrāṇi yatphalaṃ labhate naraiḥ | datvā pādodakaṃ spṛṣṭvā tatphalaṃ prāpyate dhruvam 7| yajñakoṭisahasrāṇi kṛtvā yatphalamāpyate | haripādodakaṃ spṛṣṭvā tasmātkoṭiguṇaṃ naraiḥ 8| koṭikanyāpradānena yatphalaṃ labhyate janaiḥ | viṣṇupādodakaṃ spṛṣṭvā phalaṃ tasmāddvijādhikam 9| daṃtikoṭipradānena saptikoṭipradānataḥ | yatphalaṃ labhate martyaḥ spṛṣṭvā pādodakaṃ hareḥ 10| datvā martyaḥ saptadvīpāṃ sasasyāṃ yatphalaṃ labhet | viṣṇupādodakaṃ spṛṣṭvā tasmādviprādhikaṃ labhet 11| śṛṇu vipra pravakṣyāmi saṃkṣepeṇādhikaṃ kimu | viṣṇupādodakaṃ spṛṣṭvā pāpī yāti harergṛham 12| śaunaka uvāca| spṛṣṭvā pītvā purā kena prāṇinā prāpi vai gṛham | kathayasva hareḥ sūta mama tvaṃ cānukaṃpayā 13| sūta uvāca| purā tretāyuge pāpī nāmnā vipraḥ sudarśanaḥ | janārddanadine nityamaśnīyātsa dvijottama 14| śāstraniṃdākaro nityaṃ vrataniṃdākaraḥ sadā | asāvanyaṃ na jānāti kevalaṃ svodaraṃ vinā 15| ekadā prāptakālastu nidhanaṃ prāptavāndvija | yamadūtāḥ samāyātā baddhvā nīto yamālayam 16| taṃ dṛṣṭvā yamunābhrātā papraccha sacivaṃ ruṣā | bho'mātya cāsya yatpuṇyaṃ pāpaṃ vada samūlataḥ 17| asau vipro mahāpāpī krūrakarmmeva dṛśyate 18| citragupta uvāca| ākarṇaya cāsya pāpaṃ puṇyaṃ nāstyaṇumātrakam | vāsare'pi harernityamakarodbhojanaṃ vibho 19| vāsare kamalābhartuścāśnīyādyo narādhamaḥ | purīṣaṃ so'śnīyādrājannirayaṃ yāti dāruṇam 20| manvaṃtaraśataṃ dehi sthānaṃ tu niraye'pyamum | grāmakroḍasya yonau hi tato janma bhaviṣyati 21| sūta uvāca| yamājñayā tato vipra tasya dūtairbhayaṃkaraiḥ | pātitastu purīṣe vai manvaṃtaraśatādhikam 22| tato mukto'bhavaccāsau pṛthivyāṃ grāmasūkaraḥ | ciraṃ narakamaśnīyāddharivāsarabhojanāt 23| tato vipra prāptakālaḥ paṃcatvaṃ sa jagāma ha | kākayonau punarjanma lebhe'sau viḍbhujaḥ sadā 24| ekasmindivase vipra śrīhareścaraṇodakam | dvāradeśesthitaṃ pītvā sarvapāpavivarjitaḥ 25| tasminneva dine kākaḥ patitaḥ śabarasya ca | kāle mṛtyudaśāṃ prāpto vyādhena vāyasopi ca 26| āgate syaṃdane divye rājahaṃsayute śubhe | āruhya balibhugvipra yayau sa harimaṃdiram 27| pādodakasya māhātmyaṃ kathitaṃ pāpanāśanam | yaḥ śṛṇoti naraḥ pāpī tasya pāpaṃ vinaśyati 28| iti śrīpādme mahāpurāṇe brahmakhaṃḍe sūtaśaunakasaṃvāde caraṇodakamāhātmye saptadaśo'dhyāyaḥ 17|
English translation
Śaunaka said :
1. O you ocean of compassion, O you very wise one, tell me from the beginning the greatness of the water (flowing) from Viṣṇu ’s feet, which destroys sins.
Sūta said :
2-11. The water (flowing) from the feet of Viṣṇu destroys all sins and is auspicious. He who would carry (even) a drop of it, would obtain the fruit of (visiting) all the holy places. O brāhmaṇa , the water (flowing) from Viṣṇu’s feet destroys the sin of him who touches it; he does not meet with an untimely death and would obtain the fruit of a bath in Gaṅgā . O brāhmaṇa, there is no doubt that the sin in the body of the sinner who would drink the water (flowing) from the feet of Viṣṇu, would perish. That man who would devoutly carry on his head the water (flowing) from Viṣṇu’s feet along with a Tulasī -leaf in the end goes to Viṣṇu’s abode. Men obtain that fruit by touching the water (flowing) from Viṣṇu’s feet, which is obtained by giving (pieces of) gold resembling Meru . That fruit is surely obtained by offering water to Viṣṇu’s feet and touching the water (flowing) from Viṣṇu’s feet, which is obtained by (offering) thousands of crores of cows. The fruit that is obtained by touching the water (flowing) from Viṣṇu’s feet, is crores of times greater than the fruit which is obtained by performing thousands of crores of sacrifices. O brāhmaṇa, the fruit (obtained) by touching the water (flowing) from Viṣṇu’s feet is greater than the fruit got by men by giving a crore of virgins (in marriage to worthy grooms). That fruit which a man obtains by giving a crore of elephants or by giving a crore of horses is obtained by a man by touching the water (flowing) from the feet of Viṣṇu. O brāhmaṇa, a man would get a larger fruit by touching the water (flowing) from Viṣṇu’s feet, than that which he would obtain by giving (the earth) with the seven islands along with crops (growing on it).
12. O brāhmaṇa, listen, I shall tell you in brief. (What is the use of) telling more? By touching the water (flowing) from Viṣṇu’s feet, a sinner goes to Viṣṇu’s house.
Śaunaka said :
13. O Sūta , kindly tell me which creature formerly reached Viṣṇu’s abode by touching and drinking the water flowing from Viṣṇu’s feet.
Sūta said :
14-18. Formerly in Tretāyuga there was a sinful brāhmaṇa by name Sudarśana . O best brāhmaṇa, on the day of (i.e. sacred to) Viṣṇu he would always eat (food, i.e. would not observe a fast). He always censured the sacred texts and always condemned the vows. Except his own belly he did not recognise anything else. O brāhmaṇa, when once the time of his death arrived, he died. The messengers of Yama came (to his place), and binding him they took him to Yama’s abode. Seeing him, the brother of Yamunā (i.e. Yama) angrily asked his minister: “O minister, tell (me) from the root (i.e. from the beginning) what his merit is and what his sin is. This brāhmaṇa seems to be a great sinner and a man of cruel acts”.
Citragupta said :
19-21. Listen to his sins(s). He has no merit even of the size of an atom (to his credit). O lord, even on the day of (i. e. sacred to) Viṣṇu, he always used to eat (food). O king, that mean man who would eat on the day of (i.e. sacred to) the lord of Kamalā (i.e. on the day sacred to viṣṇu), would eat feces and goes to a fearful hell. Give him a place in a hell for a hundred periods of Manu . Then he will be born in the stock of a śūdra .
Sūta said :
22-28. O brāhmaṇa, then, by Yama’s order his terrible messengers threw him into feces (where he remained) for more than a hundred ages of Manu. Freed from there he became (i.e. was born as) a village-pig on the earth. For a long time he would remain in hell due to his having eaten food on the day of (i.e. sacred to) Viṣṇu. Then, O brāhmaṇa, the time of his death arrived, and he died. He obtained a birth (i.e., was born) in the stock of crow and always ate feces. O brāhmaṇa, one day this crow of a śabara drank the water, after the śabara’s death, (flowing) from Viṣṇu’s feet and remaining (i.e. collected) at the door (of the temple) and being killed by a hunter, fell (dead) on the same day. He, the eater of offerings, got into a divine, auspicious chariot to which royal swans were yoked, and went to Viṣṇu’s abode. (I have) told you the greatness of the water (flowing) from (Viṣṇu’s) feet. The sin of a s inful man who listens to it, perishes.
Complete chapter-aligned witnesses. Sanskrit Wikisource page 43547, revision 335805 (2022-04-15T08:53:57Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365301.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.