Sṛṣṭi-khaṇḍa · Chapter 61
Sourceएकषष्टितमोऽध्यायः 1.61 द्विजाऊचुः- तुलसीपुष्पमाहात्म्यं श्रुतं त्वत्तो हरेः शुभम्। तस्या स्तोत्रं कृतं पुण्यं श्रोतुमिच्छामहे वयम् १। व्यास उवाच- पुरा स्कंदपुराणे च यन्मया कीर्तितं द्विजाः। कथयामि पुराणं च पुरतो मोक्षहेतवे २। शतानंद मुनेः शिष्याः सर्वे ते संशितव्रताः। प्रणिपत्य गुरुं विप्राः पप्रच्छुः पुण्यतो हितम् ३। पूर्वं ब्रह्ममुखान्नाथ यच्छ्रुतं तुलसीस्तवम्। तद्वयं श्रोतुमिच्छामस्त्वत्तो ब्रह्मविदांवर ४। शतानंद उवाच- नामोच्चारे कृते तस्याः प्रीणात्यसुरदर्पहा। पापानि विलयं यांति पुण्यं भवति चाक्षयम् ५। सा कथं तुलसी लोकैः पूज्यते वंद्यते नहि। दर्शनादेव यस्यास्तु दानं कोटिगवां भवेत् ६। धन्यास्ते मानवा लोके यद्गृहे विद्यते कलौ। सालग्रामशिलार्थं तु तुलसी प्रत्यहं क्षितौ ७। तुलसीं ये विचिन्वंति धन्यास्ते करपल्लवाः। केशवार्थं कलौ ये च रोपयंतीह भूतले ८। किं करिष्यति संरुष्टो यमोपि सह किंकरैः। तुलसीदलेन देवेशः पूजितो येन दुःखहा ९। तीर्थयात्रादिगमनैः फलैः सिध्यति किन्नरः। स्नाने दाने तथा ध्याने प्राशने केशवार्चने १०। तुलसी दहते पापं कीर्तने रोपणे कलौ। तुलस्यमृतजन्मासि सदा त्वं केशवप्रिये ११। केशवार्थं चिनोमि त्वां वरदा भव शोभने। त्वदंगसंभवैर्नित्यं पूजयामि यथाहरिम् १२। तथा कुरु पवित्रांगि कलौ मलविनाशिनि। मंत्रेणानेन यः कुर्याद्विचित्य तुलसीदलम् १३। पूजनं वासुदेवस्य लक्षकोटिगुणं भवेत्। प्रभावं तव देवेशि गायंति सुरसत्तमाः १४। मुनयः सिद्धगंधर्वाः पाताले नागराट्स्वयम्। न ते प्रभावं जानंति देवताः केशवादृते १५। गुणानां परिमाणं तु कल्पकोटिशतैरपि। कृष्णानंदात्समुद्भूता क्षीरोदमथनोद्यमे १६। उत्तमांगे पुरा येन तुलसी विष्णुना धृता। प्राप्यैतानि त्वया देवि विष्णोरंगानि सर्वशः १७। पवित्रता त्वया प्राप्ता तुलसीं त्वां नमाम्यहम्। त्वदंगसंभवैः पत्रैः पूजयामि यथा हरिम् १८। तथा कुरुष्व मेऽविघ्नं यतो यामि परां गतिम्। रोपिता गोमतीतीरे स्वयं कृष्णेन पालिता १९। जगद्धिताय तुलसी गोपीनां हितहेतवे। वृंदावने विचरता सेविता विष्णुना स्वयम् २०। गोकुलस्य विवृद्ध्यर्थं कंसस्य निधनाय च। वसिष्ठवचनात्पूर्वं रामेण सरयूतटे २१। राक्षसानां वधार्थाय रोपिता त्वं जगत्प्रिये। रोपिता तपसो वृद्ध्यै तुलसीं त्वां नमाम्यहम् २२। वियोगे वासुदेवस्य ध्यात्वा त्वां जनकात्मजा। अशोकवनमध्ये तु प्रियेण सह संगता २३। शङ्करार्थं पुरा देवि पार्वत्या त्वं हिमालये। रोपिता तपसो वृद्ध्यै तुलसीं त्वां नमाम्यहम् २४। सर्वाभिर्देवपत्नीभिः किन्नरैश्चापि नंदने। दुःस्वप्ननाशनार्थाय सेविता त्वं नमोस्तु ते २५। धर्मारण्ये गयायां च सेविता पितृभिः स्वयम्। सेविता तुलसी पुण्या आत्मनो हितमिच्छता २६। रोपिता रामचंद्रेण सेविता लक्ष्मणेन च। पालिता सीतया भक्त्या तुलसी दंडके वने २७। त्रैलोक्यव्यापिनी गंगा यथा शास्त्रेषु गीयते। तथैव तुलसी देवी दृश्यते सचराचरे २८। ऋश्यमूके च वसता कपिराजेन सेविता। तुलसी वालिनाशाय तारासंगम हेतवे २९। प्रणम्य तुलसीदेवीं सागरोत्क्रमणं कृतम्। कृतकार्यः प्रहृष्टश्च हनूमान्पुनरागतः ३०। तुलसीग्रहणं कृत्वा विमुक्तो याति पातकैः। अथवा मुनिशार्दूल ब्रह्महत्यां व्यपोहति ३१। तुलसीपत्रगलितं यस्तोयं शिरसा वहेत्। गंगास्नानमवाप्नोति दशधेनुफलप्रदम् ३२। प्रसीद देवि देवेशि प्रसीद हरिवल्लभे। क्षीरोदमथनोद्भूते तुलसि त्वां नमाम्यहम् ३३। द्वादश्यां जागरे रात्रौ यः पठेत्तुलसीस्तवम्। द्वात्रिंशदपराधांश्च क्षमते तस्य केशवः ३४। यत्पापं यौवने बाल्ये कौमारे वार्द्धके कृतम्। तत्सर्वं विलयं याति तुलसीस्तव पाठतः ३५। प्रीतिमायाति देवेशस्तुष्टो लक्ष्मीं प्रयच्छति। कुरुते शत्रुनाशं च सुखं विद्यां प्रयच्छति३६। तुलसीनाममात्रेण देवा यच्छंति वांछितम्। गर्ह्याणमपि देवेशो मुक्तिं यच्छति देहिनाम् ३७। तुलसी स्तवसंतुष्टा सुखं वृद्धिं ददाति च। उद्गतं हेलया विद्धि पापं यमपथे स्थितम् ३८। यस्मिन्गृहे च लिखितो विद्यते तुलसीस्तवः। नाशुभं विद्यते तस्य शुभमाप्नोति निश्चितम् ३९। सर्वं च मंगलं तस्य नास्ति किंचिदमंगलम्। सुभिक्षं सर्वदा तस्य धनं धान्यं च पुष्कलम् ४०। निश्चला केशवे भक्तिर्न वियोगश्च वैष्णवैः। जीवति व्याधिनिर्मुक्तो नाधर्मे जायते मतिः ४१। द्वादश्यां जागरे रात्रौ यः पठेत्तुलसीस्तवम्। तीर्थकोटिसहस्रैस्तु यत्फलं लक्षकोटिभिः ४२। तत्फलं समवाप्नोति पठित्वा तुलसीस्तवम् ४३। इति श्रीपाद्मपुराणे प्रथमे सृष्टिखंडे तुलसीस्तवमाहात्म्यं नामैकषष्टितमोऽध्यायः ६१।
ekaṣaṣṭitamo'dhyāyaḥ 1.61 dvijāūcuḥ- tulasīpuṣpamāhātmyaṃ śrutaṃ tvatto hareḥ śubham| tasyā stotraṃ kṛtaṃ puṇyaṃ śrotumicchāmahe vayam 1| vyāsa uvāca- purā skaṃdapurāṇe ca yanmayā kīrtitaṃ dvijāḥ| kathayāmi purāṇaṃ ca purato mokṣahetave 2| śatānaṃda muneḥ śiṣyāḥ sarve te saṃśitavratāḥ| praṇipatya guruṃ viprāḥ papracchuḥ puṇyato hitam 3| pūrvaṃ brahmamukhānnātha yacchrutaṃ tulasīstavam| tadvayaṃ śrotumicchāmastvatto brahmavidāṃvara 4| śatānaṃda uvāca- nāmoccāre kṛte tasyāḥ prīṇātyasuradarpahā| pāpāni vilayaṃ yāṃti puṇyaṃ bhavati cākṣayam 5| sā kathaṃ tulasī lokaiḥ pūjyate vaṃdyate nahi| darśanādeva yasyāstu dānaṃ koṭigavāṃ bhavet 6| dhanyāste mānavā loke yadgṛhe vidyate kalau| sālagrāmaśilārthaṃ tu tulasī pratyahaṃ kṣitau 7| tulasīṃ ye vicinvaṃti dhanyāste karapallavāḥ| keśavārthaṃ kalau ye ca ropayaṃtīha bhūtale 8| kiṃ kariṣyati saṃruṣṭo yamopi saha kiṃkaraiḥ| tulasīdalena deveśaḥ pūjito yena duḥkhahā 9| tīrthayātrādigamanaiḥ phalaiḥ sidhyati kinnaraḥ| snāne dāne tathā dhyāne prāśane keśavārcane 10| tulasī dahate pāpaṃ kīrtane ropaṇe kalau| tulasyamṛtajanmāsi sadā tvaṃ keśavapriye 11| keśavārthaṃ cinomi tvāṃ varadā bhava śobhane| tvadaṃgasaṃbhavairnityaṃ pūjayāmi yathāharim 12| tathā kuru pavitrāṃgi kalau malavināśini| maṃtreṇānena yaḥ kuryādvicitya tulasīdalam 13| pūjanaṃ vāsudevasya lakṣakoṭiguṇaṃ bhavet| prabhāvaṃ tava deveśi gāyaṃti surasattamāḥ 14| munayaḥ siddhagaṃdharvāḥ pātāle nāgarāṭsvayam| na te prabhāvaṃ jānaṃti devatāḥ keśavādṛte 15| guṇānāṃ parimāṇaṃ tu kalpakoṭiśatairapi| kṛṣṇānaṃdātsamudbhūtā kṣīrodamathanodyame 16| uttamāṃge purā yena tulasī viṣṇunā dhṛtā| prāpyaitāni tvayā devi viṣṇoraṃgāni sarvaśaḥ 17| pavitratā tvayā prāptā tulasīṃ tvāṃ namāmyaham| tvadaṃgasaṃbhavaiḥ patraiḥ pūjayāmi yathā harim 18| tathā kuruṣva me'vighnaṃ yato yāmi parāṃ gatim| ropitā gomatītīre svayaṃ kṛṣṇena pālitā 19| jagaddhitāya tulasī gopīnāṃ hitahetave| vṛṃdāvane vicaratā sevitā viṣṇunā svayam 20| gokulasya vivṛddhyarthaṃ kaṃsasya nidhanāya ca| vasiṣṭhavacanātpūrvaṃ rāmeṇa sarayūtaṭe 21| rākṣasānāṃ vadhārthāya ropitā tvaṃ jagatpriye| ropitā tapaso vṛddhyai tulasīṃ tvāṃ namāmyaham 22| viyoge vāsudevasya dhyātvā tvāṃ janakātmajā| aśokavanamadhye tu priyeṇa saha saṃgatā 23| śaṅkarārthaṃ purā devi pārvatyā tvaṃ himālaye| ropitā tapaso vṛddhyai tulasīṃ tvāṃ namāmyaham 24| sarvābhirdevapatnībhiḥ kinnaraiścāpi naṃdane| duḥsvapnanāśanārthāya sevitā tvaṃ namostu te 25| dharmāraṇye gayāyāṃ ca sevitā pitṛbhiḥ svayam| sevitā tulasī puṇyā ātmano hitamicchatā 26| ropitā rāmacaṃdreṇa sevitā lakṣmaṇena ca| pālitā sītayā bhaktyā tulasī daṃḍake vane 27| trailokyavyāpinī gaṃgā yathā śāstreṣu gīyate| tathaiva tulasī devī dṛśyate sacarācare 28| ṛśyamūke ca vasatā kapirājena sevitā| tulasī vālināśāya tārāsaṃgama hetave 29| praṇamya tulasīdevīṃ sāgarotkramaṇaṃ kṛtam| kṛtakāryaḥ prahṛṣṭaśca hanūmānpunarāgataḥ 30| tulasīgrahaṇaṃ kṛtvā vimukto yāti pātakaiḥ| athavā muniśārdūla brahmahatyāṃ vyapohati 31| tulasīpatragalitaṃ yastoyaṃ śirasā vahet| gaṃgāsnānamavāpnoti daśadhenuphalapradam 32| prasīda devi deveśi prasīda harivallabhe| kṣīrodamathanodbhūte tulasi tvāṃ namāmyaham 33| dvādaśyāṃ jāgare rātrau yaḥ paṭhettulasīstavam| dvātriṃśadaparādhāṃśca kṣamate tasya keśavaḥ 34| yatpāpaṃ yauvane bālye kaumāre vārddhake kṛtam| tatsarvaṃ vilayaṃ yāti tulasīstava pāṭhataḥ 35| prītimāyāti deveśastuṣṭo lakṣmīṃ prayacchati| kurute śatrunāśaṃ ca sukhaṃ vidyāṃ prayacchati36| tulasīnāmamātreṇa devā yacchaṃti vāṃchitam| garhyāṇamapi deveśo muktiṃ yacchati dehinām 37| tulasī stavasaṃtuṣṭā sukhaṃ vṛddhiṃ dadāti ca| udgataṃ helayā viddhi pāpaṃ yamapathe sthitam 38| yasmingṛhe ca likhito vidyate tulasīstavaḥ| nāśubhaṃ vidyate tasya śubhamāpnoti niścitam 39| sarvaṃ ca maṃgalaṃ tasya nāsti kiṃcidamaṃgalam| subhikṣaṃ sarvadā tasya dhanaṃ dhānyaṃ ca puṣkalam 40| niścalā keśave bhaktirna viyogaśca vaiṣṇavaiḥ| jīvati vyādhinirmukto nādharme jāyate matiḥ 41| dvādaśyāṃ jāgare rātrau yaḥ paṭhettulasīstavam| tīrthakoṭisahasraistu yatphalaṃ lakṣakoṭibhiḥ 42| tatphalaṃ samavāpnoti paṭhitvā tulasīstavam 43| iti śrīpādmapurāṇe prathame sṛṣṭikhaṃḍe tulasīstavamāhātmyaṃ nāmaikaṣaṣṭitamo'dhyāyaḥ 61|
English translation
The brāhmaṇas said :
1. We have heard from you the greatness of the Tulasī blossom, auspicious to Viṣṇu . We (now) desire to hear the auspicious hymn of praise composed in her (i.e.Tulasī’s) honour.
Vyāsa said :
2-4. O brāhmaṇas , I shall tell you that Purāṇa (i.e. old account) which I narrated in the Skanda Purāṇa , for (obtaining) liberation. All the disciples of the sage Śatānanda who had fulfilled their vows, having saluted their preceptor asked him what was helpful to religious merit, O brāhmaṇas. (They said to Śatānanda:) “O lord, O best of brāhmaṇas, we desired to hear from you the glorification of Tulasī, which you had formerly heard from the mouth of Brahmā .”
Śatānanda said :
5-7. He who killed (i.e. destroyed) the pride of the demons is pleased and there is inexhaustible religious merit. How is it that, that Tulasī, by the mere sight of which one gets (the merit of) the gift of a crore of cows, is not worshipped and revered by people? In this world those men, in whose house there exists, in this Kali age, Tulasī for the daily (worship) of the Śālagrāma stone, are lucky.
8. Those tender hands which gather Tulasī leaves and those that plant (the plant of) Tulasī for Viṣṇu, are lucky on the earth in the Kali age.
9. What would even angry Yama , with his servants, do (to him) who has worshipped, with the Tulasī leaf the lord of gods, the destroyer of misery.
10-11. What does a man accomplish by the fruits of undertaking pilgrimages to sacred places etc.? In the Kali age, Tulasī burns (a man’s) sin, when used at the time of bathing, giving gifts, meditation, eating, worshipping Viṣṇu, narrating (the account of) and planting Tulasī.
12-13. “O Tulasī, you are born immortal; O you, who are always dear to Viṣṇu, I am looking out for you for Viṣṇu; O you virtuous one, be a granter of boons. O you of a pure form, do that by which I shall daily worship Viṣṇu with (leaves etc.) produced from your body; O you, who destroy the dirt (i.e. the sin) in the Kali age.”
14. That worship of Viṣṇu, which a man does after collecting Tulasī leaves, with (the recital of) this sacred prayer is a lakh crore times meritorious.
15-33. “O supreme goddess, the best gods sing your glory. Sages, Siddhas , Gandharvas and the lord of serpents [1] himself in Pātāla [2] , except Viṣṇu do not understand your glory and the measure of your qualities even after hundreds of crores of kalpas . You came up from the joy of Viṣṇu at the time of the exertion of the churning of the milky ocean. Since formerly Viṣṇu held Tulasī on his head, you became pure (due to your) having fully reached i.e. touched the limbs of Viṣṇu; I salute you, Tulasī. Since I worship with your off shoots, therefore make me void of difficulties (i.e. remove all my difficulties) (so that) I shall reach the highest position. You were planted on the Gomatī bank and were looked after by Kṛṣṇa himself. Viṣṇu himself moving in Vṛandāvana, served Tulasī for the good of the world and of the Gopīs (i.e. the cowherdesses), for the progress of Gokula (i.e. the village where Kṛṣṇa was brought up) and for Kaṃsa ’s death. O you who are dear to the world, formerly, at the behest of Vasiṣṭha , Rāma planted you on the bank of Sarayū for killing the demons. You are planted for the progress in penance; I bow to you, Tulasī: The daughter of Janaka (i.e. Sītā ), when she was separated from Vāsudeva (i.e. Rāma), meditated upon you in the Aśoka garden (in Laṅkā ), and was united with her dear one (i.e. Rāma). Formerly, Pārvatī planted you on the Himālaya , for increasing (the merit of) her penance, in order to secure Śaṅkara (as her husband). O you, who delight (others), you were waited upon by all the wives of gods and Kinnaras for the destruction of evil dreams. My salutation to you. The manes themselves served the auspicious Tulasī in Dharmāraṇya and Gayā . Rāma, desiring his good, planted Tulasī in the Daṇḍaka forest; Lakṣmaṇa waited upon her; and Sitā devoutly protected her. As Gaṅgā , pervading the three worlds, is glorified in the sacred texts, so also Tulasī is seen (to be glorified) in (the world of) the mobile and immobile. The lord of the monkeys (i.e. Sugrīva ), while living on the Ṛṣyamūka (mountain) served Tulasī for destroying Vālin , and for being united with Tārā (i.e. the wife of Vālin). Having saluted goddess Tulasī, Hanūmān acrossed the sea and came back delighted, after having carried out his mission. Putting on (the leaf etc. of) Tulasī, a man being free from his sins goes (to Viṣṇu’s heaven), or else, O best of sages, he removes (i.e. is free from the sin of) the murder of a brāhmaṇa . He who would have on his head the water trickling from a lotus-leaf, has (by that) obtained a bath in Ganges and it gives fruit equal (to the gift of) ten cows. O goddess Tulasī, O best among the deities, O you dear to Viṣṇu, O you who have sprung up from (i.e. due to) the churning of the milky ocean, be pleased; I salute you.”
34. Viṣṇu pardons thirty-two faults of him who, keeping awake on the twelfth day (of the fortnight) would recite the hymn of praise of Tulasī.
35. By the recital of the hymn of praise of Tulasī, all the sin committed during youth, childhood, adolescent stage, (and) old age, perishes.
36. The lord of gods is pleased; and being pleased he gives prosperity; he destroys (the man’s) enemy and grants him happiness and knowledge.
37. Even by merely (uttering) the name of Tulasī, gods give (a person) his desired object. The lord gives salvation even to censurable persons.
38. Tulasī, pleased by (her) praise, gives happiness and prosperity. Know that even a sinner who is on the path of Yama, easily goes up (to salvation).
39-40. He in whose house the hymn of praise of Tulasī is kept in a written form, has nothing inauspicious and certainly gets every auspicious (thing); and he has every propitious object and has nothing that is unpropitious. He always has abundant supply of food, and has ample wealth and corn.
41-43. He has firm devotion for Viṣṇu, and does not get separated from the devotees of Viṣṇu. He lives free from diseases (i.e. lives a healthy life) and has no mind for irreligious conduct. He, who would recite the praise of Tulasī on the twelfth day of a fortnight by keeping awake, gets by reciting the praise of Tulasī, the fruit which (is obtained) by (visiting) thousands of crores of sacred places.
[1]: [1] : Nāgarāja—An epithet of Śeṣa.
[2]: [2] : Pātāla—The last of the seven regions or worlds under the earth, said to be peopled by Nāgas.
Complete chapter-aligned witnesses. Sanskrit Wikisource page 14063, revision 334581 (2022-04-06T08:23:51Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364184.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.