Bhūmi-khaṇḍa · Chapter 69
Sourceमातलिरुवाच- अथ धर्माः शिवेनोक्ताः शिवधर्मागमोत्तमाः । ज्ञेया बहुविधास्ते च कर्मयोगप्रभेदतः १। हिंसादिदोषनिर्मुक्ताः क्लेशायासविवर्जिताः । सर्वभूतहिताः शुद्धाः सूक्ष्मायासा महत्फलाः २। अनंतशाखाकलिताः शिवमूलैकसंश्रिताः । ज्ञानध्यानसुपुष्पाढ्याः शिवधर्माः सनातनाः ३। धारयंति शिवं यस्माद्धार्यते शिवभाषितैः । शिवधर्माः स्मृतास्तस्मात्संसारार्णवतारकाः ४। तथाऽहि सा क्षमा सत्यं ह्रीः श्रद्धेन्द्रियसंयमः । दानमिज्यातपोदानं दशकं धर्मसाधनम् ५। अथ व्यस्तैः समस्तैर्वा शिवधर्मैरनुष्ठितैः । शिवैकरस्य संप्राप्तैर्गतिरेकैव कल्पिता ६। यथा भूः सर्वभूतानां स्थानं साधारणं स्मृतम् । तत्तथा शिवभक्तानां तुल्यं शिवपुरंस्मृतम् ७। यथेह सर्वभूतानां भोगाः सातिशयाः स्मृताः । नानापुण्यविशेषेण भोगाः शिवपुरे तथा ८। शुभाशुभफलं चापि भुज्यते सर्वदेहिभिः । शिवधर्मस्य चैकस्य फलं तत्रोपभुज्यते ९। यस्य यादृग्भवेत्पुण्यं श्रद्धापात्रविशेषतः । भोगाः शिवपुरे तस्य ज्ञेयाः सातिशयाः शुभाः १०। स्थानप्राप्तिः परं तुल्या भोगाः शांतिमयाः स्थिताः । कुर्यात्पुण्यं महत्तस्मान्महाभोगजिगीषया ११। सर्वातिशयमेवैकं भावितं च सुरोत्तमैः । आत्मभोगाधिपत्यं स्याच्छिवः सर्वजगत्पतिः १२। केचित्तत्रैव मुच्यंते ज्ञानयोगरता नराः । आवर्तंते पुनश्चान्ये संसारे भोगतत्पराः १३। तस्माद्विमुक्तिमिच्छंस्तु भोगासक्तिं च वर्जयेत् । विरक्तः शांतचित्तात्मा शिवज्ञानमवाप्नुयात् १४। ये चापीशान्यहृदया यजंतीशं प्रसंगतः । तेषामपि ददातीशः स्थानं भावानुरूपतः १५। तत्रार्चयंति ये रुद्रं सकृदुच्छिन्नकल्मषाः । तेषां पिशाचलोकेषु भोगानीशः प्रयच्छति १६। संतप्ता दुःखभारेण म्रियंते सर्वदेहिनः । अन्नदः पुण्यदः प्रोक्तः प्राणदश्चापि सर्वदः १७। तस्मादन्नप्रदानेन सर्वदानफलं लभेत् । त्रैलोक्ये यानि रत्नानि भोगस्त्रीवाहनानि च १८। अन्नदानप्रदः सर्वमिहामुत्र फलं लभेत् । यस्यान्नपानपुष्टांगः कुरुते पुण्यसंचयम् १९। अन्नप्रदातुस्तस्यार्धं कर्तुश्चार्धं न संशयः । धर्मार्थकाममोक्षाणां देहः परमसाधनम् २०। स्थितिस्तस्यान्नपानाभ्यामतस्तत्सर्वसाधनम् । अन्नं प्रजापतिः साक्षादन्नं विष्णुः शिवः स्वयम् २१। तस्मादन्नसमं दानं न भूतं न भविष्यति । त्रयाणामपि लोकानामुदकं जीवनं स्मृतम् २२। पवित्रमुदकं दिव्यं शुद्धं सर्वरसायनम् । अन्नपानाश्व गो वस्त्र शय्या सूत्रासनानि च २३। प्रेतलोके प्रशस्तानि दानान्यष्टौ विशेषतः । एवं दानविशेषेण धर्मराजपुरं नरः २४। यस्माद्याति सुखेनैव तस्माद्धर्मं समाचरेत् । ये पुनः क्रूरकर्माणः पापादानविवर्जिताः २५। भुंजते दारुणं दुःखं नरके नृपनंदन । तथा सुखं प्रभुंजंति दानकर्तार एव तु २६। तेषां तु संभवेत्सौख्यं कर्मयोगरतात्मनाम् । अप्रमेयगुणैर्दिव्यैर्विमानैः सर्वकामकैः २७। असंख्यैस्तत्पुरं व्याप्तं प्राणिनामुपकारकैः । सहस्रसोमदिव्यं वा सूर्यतेजः समप्रभम् २८। रुद्रलोकमिति प्रोक्तमशेषगुणसंयुतम् । सर्वेषां शिवभक्तानां तत्पुरं परिकीर्तितम् २९। रुद्रक्षेत्रे मृतानां च जंगमस्थावरात्मनाम् । अप्येकदिवसं भक्त्या यः पूजयति शंकरम् ३०। सोपि याति शिवस्थानं किं पुनर्बहुशोर्चयन् । वैष्णवा विष्णुभक्ताश्च विष्णुध्यानपरायणाः ३१। तेपि गच्छंति वैकुंठे समीपं देवचक्रिणः । ब्रह्मवादी च धर्मात्मा ब्रह्मलोकं प्रयाति सः ३२। पुण्यकर्ता सुपुण्येन पुण्यलोकं प्रयाति च । तस्मादीशे सदा भक्तिं भावयेदात्मनात्मनि ३३। हरौ वापि महाराज युक्तात्मा ज्ञानवान्स्वयम् । तस्मात्सर्वविचारेण भावदोषविचारतः ३४। एवं विष्णुप्रभावेण विशिष्टेनापि कर्मणा । नरः स्थानमवाप्येतदेशभावानुरूपतः ३५। इत्येतदपरं प्रोक्तं श्रीमच्छिवपुरं महत् । देहिनां कर्मनिष्ठानां पुनरावर्त्तकं स्मृतम् ३६। ऊर्ध्वं शिवपुराज्ज्ञेयं वैष्णवं लोकमुत्तमम् । वैष्णवा मानवा यांति विष्णुध्यानपरायणाः ३७। ब्राह्मणा ब्रह्मलोकं तु सदाचारा नरोत्तमाः । प्रयांति यज्विनः सर्वे पुरीं तां तत्त्वकोविदाः ३८। ऐंद्रं लोकं तथा यांति क्षत्रिया युद्धशालिनः । अन्ये च पुण्यकर्त्तारः पुण्यलोकान्प्रयांति ते ३९। इति श्रीपद्मपुराणे भूमिखंडे वेनोपाख्याने पितृतीर्थे ययातिचरिते एकोनसप्ततितमोऽध्यायः ६९।
mātaliruvāca- atha dharmāḥ śivenoktāḥ śivadharmāgamottamāḥ | jñeyā bahuvidhāste ca karmayogaprabhedataḥ 1| hiṃsādidoṣanirmuktāḥ kleśāyāsavivarjitāḥ | sarvabhūtahitāḥ śuddhāḥ sūkṣmāyāsā mahatphalāḥ 2| anaṃtaśākhākalitāḥ śivamūlaikasaṃśritāḥ | jñānadhyānasupuṣpāḍhyāḥ śivadharmāḥ sanātanāḥ 3| dhārayaṃti śivaṃ yasmāddhāryate śivabhāṣitaiḥ | śivadharmāḥ smṛtāstasmātsaṃsārārṇavatārakāḥ 4| tathā'hi sā kṣamā satyaṃ hrīḥ śraddhendriyasaṃyamaḥ | dānamijyātapodānaṃ daśakaṃ dharmasādhanam 5| atha vyastaiḥ samastairvā śivadharmairanuṣṭhitaiḥ | śivaikarasya saṃprāptairgatirekaiva kalpitā 6| yathā bhūḥ sarvabhūtānāṃ sthānaṃ sādhāraṇaṃ smṛtam | tattathā śivabhaktānāṃ tulyaṃ śivapuraṃsmṛtam 7| yatheha sarvabhūtānāṃ bhogāḥ sātiśayāḥ smṛtāḥ | nānāpuṇyaviśeṣeṇa bhogāḥ śivapure tathā 8| śubhāśubhaphalaṃ cāpi bhujyate sarvadehibhiḥ | śivadharmasya caikasya phalaṃ tatropabhujyate 9| yasya yādṛgbhavetpuṇyaṃ śraddhāpātraviśeṣataḥ | bhogāḥ śivapure tasya jñeyāḥ sātiśayāḥ śubhāḥ 10| sthānaprāptiḥ paraṃ tulyā bhogāḥ śāṃtimayāḥ sthitāḥ | kuryātpuṇyaṃ mahattasmānmahābhogajigīṣayā 11| sarvātiśayamevaikaṃ bhāvitaṃ ca surottamaiḥ | ātmabhogādhipatyaṃ syācchivaḥ sarvajagatpatiḥ 12| kecittatraiva mucyaṃte jñānayogaratā narāḥ | āvartaṃte punaścānye saṃsāre bhogatatparāḥ 13| tasmādvimuktimicchaṃstu bhogāsaktiṃ ca varjayet | viraktaḥ śāṃtacittātmā śivajñānamavāpnuyāt 14| ye cāpīśānyahṛdayā yajaṃtīśaṃ prasaṃgataḥ | teṣāmapi dadātīśaḥ sthānaṃ bhāvānurūpataḥ 15| tatrārcayaṃti ye rudraṃ sakṛducchinnakalmaṣāḥ | teṣāṃ piśācalokeṣu bhogānīśaḥ prayacchati 16| saṃtaptā duḥkhabhāreṇa mriyaṃte sarvadehinaḥ | annadaḥ puṇyadaḥ proktaḥ prāṇadaścāpi sarvadaḥ 17| tasmādannapradānena sarvadānaphalaṃ labhet | trailokye yāni ratnāni bhogastrīvāhanāni ca 18| annadānapradaḥ sarvamihāmutra phalaṃ labhet | yasyānnapānapuṣṭāṃgaḥ kurute puṇyasaṃcayam 19| annapradātustasyārdhaṃ kartuścārdhaṃ na saṃśayaḥ | dharmārthakāmamokṣāṇāṃ dehaḥ paramasādhanam 20| sthitistasyānnapānābhyāmatastatsarvasādhanam | annaṃ prajāpatiḥ sākṣādannaṃ viṣṇuḥ śivaḥ svayam 21| tasmādannasamaṃ dānaṃ na bhūtaṃ na bhaviṣyati | trayāṇāmapi lokānāmudakaṃ jīvanaṃ smṛtam 22| pavitramudakaṃ divyaṃ śuddhaṃ sarvarasāyanam | annapānāśva go vastra śayyā sūtrāsanāni ca 23| pretaloke praśastāni dānānyaṣṭau viśeṣataḥ | evaṃ dānaviśeṣeṇa dharmarājapuraṃ naraḥ 24| yasmādyāti sukhenaiva tasmāddharmaṃ samācaret | ye punaḥ krūrakarmāṇaḥ pāpādānavivarjitāḥ 25| bhuṃjate dāruṇaṃ duḥkhaṃ narake nṛpanaṃdana | tathā sukhaṃ prabhuṃjaṃti dānakartāra eva tu 26| teṣāṃ tu saṃbhavetsaukhyaṃ karmayogaratātmanām | aprameyaguṇairdivyairvimānaiḥ sarvakāmakaiḥ 27| asaṃkhyaistatpuraṃ vyāptaṃ prāṇināmupakārakaiḥ | sahasrasomadivyaṃ vā sūryatejaḥ samaprabham 28| rudralokamiti proktamaśeṣaguṇasaṃyutam | sarveṣāṃ śivabhaktānāṃ tatpuraṃ parikīrtitam 29| rudrakṣetre mṛtānāṃ ca jaṃgamasthāvarātmanām | apyekadivasaṃ bhaktyā yaḥ pūjayati śaṃkaram 30| sopi yāti śivasthānaṃ kiṃ punarbahuśorcayan | vaiṣṇavā viṣṇubhaktāśca viṣṇudhyānaparāyaṇāḥ 31| tepi gacchaṃti vaikuṃṭhe samīpaṃ devacakriṇaḥ | brahmavādī ca dharmātmā brahmalokaṃ prayāti saḥ 32| puṇyakartā supuṇyena puṇyalokaṃ prayāti ca | tasmādīśe sadā bhaktiṃ bhāvayedātmanātmani 33| harau vāpi mahārāja yuktātmā jñānavānsvayam | tasmātsarvavicāreṇa bhāvadoṣavicārataḥ 34| evaṃ viṣṇuprabhāveṇa viśiṣṭenāpi karmaṇā | naraḥ sthānamavāpyetadeśabhāvānurūpataḥ 35| ityetadaparaṃ proktaṃ śrīmacchivapuraṃ mahat | dehināṃ karmaniṣṭhānāṃ punarāvarttakaṃ smṛtam 36| ūrdhvaṃ śivapurājjñeyaṃ vaiṣṇavaṃ lokamuttamam | vaiṣṇavā mānavā yāṃti viṣṇudhyānaparāyaṇāḥ 37| brāhmaṇā brahmalokaṃ tu sadācārā narottamāḥ | prayāṃti yajvinaḥ sarve purīṃ tāṃ tattvakovidāḥ 38| aiṃdraṃ lokaṃ tathā yāṃti kṣatriyā yuddhaśālinaḥ | anye ca puṇyakarttāraḥ puṇyalokānprayāṃti te 39| iti śrīpadmapurāṇe bhūmikhaṃḍe venopākhyāne pitṛtīrthe yayāticarite ekonasaptatitamo'dhyāyaḥ 69|
English translation
Mātali said :
1-4. Acts of righteousness have been told by Śiva (in) the excellent scriptures of the Śiva cult. Due to the difference in the manner of performance of acts they should be known to be many. The ancient acts as (told) by Śiva are free from blemishes like harming (others), are without suffering and exertion, are beneficial to all beings, are pure, involve little effort and give great fruit. They have many branches, but resort to (i.e. are supported by) the root (in the form) of Śiva. They have good flowers like knowledge and meditation. Since they sustain Śiva and are supported by the sayings of Śiva, they that help (human beings) to cross the ocean of the worldly existence, are known to be acts (liked) by Śiva.
5. Thus the ten, viz. harmlessness, forbearance, truth, sense of shame, faith, control of senses, charity, sacrifice, penance and gifts, are the means of (acquiring) righteousness.
6. The acts which are laid down by Śiva, and which have obtained identity with Śiva, when performed singly or collectively result in one course only.
7-11 a. As the earth is said to be a common place for all beings, in the same way the city of Śiva is (said be a common place) for all the devotees of Śiva. As here (i.e. on the earth) enjoyments for all beings are said to be abundant, in the same way they are said to be many in Śiva’s city, due to the preeminence of various (kinds) of religious merit. As even the good or bad fruit (of their acts) is enjoyed by all human beings, the fruit of the acts (enjoined) by Śiva is religious merit. One gets excellent, good enjoyments in Śiva’s city, especially according to his faith, in accordance with his religious merit. He gets an (excellent) place, his undisturbed enjoyments are comparable to final beatitude.
11b-13. Therefore, to win great enjoyments one should do great meritorious acts. There would be (i.e. he would have) supremacy (i.e. control) over his own enjoyments, which alone is honoured by best gods as superior to everything. Some men engrossed in the pursuit of knowledge become free there only. Others intent on enjoying pleasures again come back to the mundane existence.
14. Therefore, he who desires salvation should give up attachment to enjoyments. He, being detached, and with his mind and heart tranquil, would obtain the knowledge of Śiva.
15-17a. To them also, who have set their heart on the lord (i.e. Śiva), and who perform sacrifices through devotion to him, the lord gives positions according to their nature. To them also who, with their sins destroyed, worship Rudra (even) once, the lord gives enjoyments in the worlds of goblins. All beings die (as a result of being) tormented by the burden of grief.
17b-22a. He who gives food is said to be the giver of religious merit, the giver of life and the giver of everything. Therefore, by giving food, one would get the fruit of giving everything. He who gives food (would obtain) all the gems, enjoyments, women and vehicles that there are in the three worlds, and would get the entire fruit (of giving food) here (i.e. in this world) and in the next world. There is no doubt that half of the collection of the (deeds of) religious merit which one who is nourished by the food and drink of a giver has, goes to the giver of the food, and half to the one (i.e. the receiver of the food and drink) doing the meritorious acts. The body is a great means of piety, material welfare and salvation. It is maintained by means of food and drink. Therefore it is the means of (obtaining) everything. Food is actually the creator, it is Viṣṇu himself, Śiva himself. Therefore, a gift like that of food was never there, nor will ever be there.
22b-24a. Water is said to be the life of all the three worlds. Water is purifying, divine, pure and is the elixir for all. Especially in the world of the departed spirits these eight gifts are commended: food, drink, horse, cow, garment, bed, thread and seat.
24b-26a. Since due to (these) special gifts a man happily goes to the city of Dharmarāja (i.e. Yama ), therefore one should perform acts of charity. O prince, those again who do cruel deeds and are bereft of (i.e. have not given) gifts, experience terrible grief in hell.
26b-33a. Similarly the givers of gifts enjoy pleasures (in heaven). Happiness would be (coming) to them whose minds are engrossed in doing the deeds enjoined on them. That city is full of innumerable, excellent, divine aeroplanes, fulfilling all desires, and serving beings. That is called Rudra’s heaven; it is bright like the lustre of a thousand moons, or lustrous like the sun. It is endowed with all excellences. The city is said to belong to all Śiva-devotees, and also to the mobile and the immobile who die in the place sacred to Rudra. Even he who worships Śiva even for a day, goes to Śiva’s place. What to speak of him who worships him many times! The followers and devotees of Viṣṇu, intent on meditating on Viṣṇu, also go to Vaikuṇṭha in the vicinity of the god who holds the disc. He, the righteous-minded one, who talks about (i.e. praises) Brahmā , goes to Brahmā’s world. The doer of acts of religious merit goes to a holy world.
33b-39. Therefore, one, who has knowledge and a devoted mind, should oneself create in one’s heart devotion for the lord (i.e. Śiva) or for Viṣṇu, O great king. With full consideration and taking into account the weak point of (one’s) disposition, one would, in this way, through the grace of Viṣṇu, and in accordance with one’s deeds, obtain a position suitable to one’s disposition. Thus is said to be the great and excellent city of Śiva; it is said to be returning the human beings, intent on performing their deeds, to the world. Above the city of Śiva excellent heaven of Viṣṇu should be known (to exist). All men intent upon meditating on Viṣṇu, go (to it). Brāhmaṇas , best men of excellent character go to Brahmā’s heaven. All the sacrificers, knowing the first principle, go to that city. Similarly, kṣatriyas who fight, go to Indra ’s heaven; and others who perform acts of religious merit, go to meritorious worlds.
Complete chapter-aligned witnesses. Sanskrit Wikisource page 14622, revision 335514 (2022-04-10T07:20:41Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365161.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.