Svarga-khaṇḍa · Chapter 24
Sourceयुधिष्ठिर उवाच-। अथान्यानि तु तीर्थानि वसिष्ठोक्तानि मे वद । श्रुत्वा यानि च पापानि विलयं यांति नारद १। नारद उवाच-। शृणुष्वात्र हि तीर्थानि वसिष्ठोक्तानि पार्थिव । दक्षिणं सिंधुमासाद्य ब्रह्मचारी जितेंद्रियः २। अग्निष्टोममवाप्नोति विमानं चाधिरोहति । चर्मण्वतीं समासाद्य नियतो नियताशनः ३। रंतिदेवाभ्यनुज्ञातो अग्निष्टोमफलं लभेत् । ततो गच्छेत धर्मज्ञ हिमवत्सुतमर्बुदम् ४। पृथिव्या यत्र वै छिद्रं पूर्वमासीद्युधिष्ठिर । तत्राश्रमो वसिष्ठस्य त्रिषु लोकेषु विश्रुतं ५। तत्रोष्य रजनीमेकां गोसहस्रफलं लभेत् । पिंगातीर्थमुपस्पृश्य ब्रह्मचारी नराधिप ६। कपिलानां नरव्याघ्र शतस्य फलमाप्नुयात् । ततो गच्छेत धर्मज्ञ प्रभासं लोकविश्रुतम् ७। यत्र सन्निहितो नित्यं स्वयमेव हुताशनः । देवतानां मुखं वीर अनलोऽनिलसारथिः ८। तस्मिंस्तीर्थवरे स्नात्वा शुचिः प्रयतमानसः । अग्निष्टोमातिरात्राभ्यां फलं प्राप्नोति मानवः ९। ततो गत्वा सरस्वत्याः सागरस्य च संगमम् । गोसहस्रफलं प्राप्य स्वर्गलोके महीयते १०। दीप्यमानोऽग्निवन्नित्यं प्रभया भरतर्षभ । तीर्थे सलिलराजस्य स्नात्वा प्रयतमानसः ११। त्रिरात्रमुषितस्तत्र तर्पयेत्पितृदेवताः । विराजति यथा सोमो वाजिमेधं च विंदति १२। वरदानं ततो गच्छेत्तीर्थं भरतसत्तम । विष्णोर्दुर्वाससा यत्र वरो दत्तो युधिष्ठिर १३। वरदाने नरः स्नात्वा गोसहस्रफलं लभेत् । ततो द्वारवतीं गच्छेन्नियतो नियताशनः १४। पिंडारके नरः स्नात्वा लभेद्बहुसुवर्णकम् १५। तस्मिंस्तीर्थे महाराज पद्मलक्षणलक्षिताः । अद्यापि मुद्रा दृश्यंते तदद्भुतमरिंदम १६। त्रिशूलांकानि पद्मानि दृश्यंते कुरुनंदन । महादेवस्य सान्निध्यं तत्रैव भरतर्षभ १७। सागरस्य च सिंधोश्च संगमं प्राप्य भारत । तीर्थे सलिलराजस्य स्नात्वा प्रयतमानसः १८। तर्पयित्वा पितॄन्देवानृषींश्च भरतर्षभ । प्राप्नोति वारुणं लोकं दीप्यमानः स्वतेजसा १९। शंकुकर्णेश्वरं देवमर्चयित्वा युधिष्ठिर । अश्वमेधं दशगुणं प्रवदंति मनीषिणः २०। प्रदक्षिणमुपावृत्य गच्छेत भरतर्षभ । तीर्थं कुरुवरश्रेष्ठ त्रिषु लोकेषु विश्रुतम् २१। तिमीति नाम्ना विख्यातं सर्वपापप्रमोचनम् । यत्र शक्रादयो देवा उपासंते महेश्वरम् २२। तत्र स्नात्वार्चयित्वा च रुद्रं देवगणैर्वृतम् । जन्मप्रभृति पापानि कृतानि नुदते नरः २३। तिमिरत्र नरश्रेष्ठ सर्वदेवैरभिष्टुतः । तत्र स्नात्वा नरश्रेष्ठ हयमेधमवाप्नुयात् २४। जित्वा तत्र महाप्राज्ञ विष्णुना दितिनंदनम् । पुरा शौचं कृतं राजन्हत्वा दैवतकंटकान् २५। ततो गच्छेत धर्मज्ञ वसुधारामभिष्टुताम् । गमनादेव तस्यां हि हयमेधमवाप्नुयात् २६। स्नात्वा कुरुवरश्रेष्ठ प्रयतात्मा तु मानवः । तर्पयित्वा पितॄन्देवान्विष्णुलोके महीयते २७। तीर्थं चापि परं तत्र वसूनां भरतर्षभ । तत्र स्नात्वा च पीत्वा च वसूनां संमतो भवेत् २८। सिंधुतममिति ख्यातं सर्वपापप्रणाशनम् । तत्र स्नात्वा नरश्रेष्ठ लभेद्बहुसुवर्णकम् २९। ब्रह्मतुंगं समासाद्य शुचिः प्रयतमानसः । ब्रह्मलोकमवाप्नोति सुकृती विरजा नरः ३०। कुमारिकाणां शक्रस्य तीर्थं सिद्धनिषेवितम् । तत्र स्नात्वा नरश्रेष्ठ शक्रलोकमवाप्नुयात् ३१। रेणुकायाश्च तत्रैव तीर्थं देवनिषेवितम् । स्नात्वा तत्र भवेद्विप्रो विमलश्चंद्रमा इव ३२। अथ पंचनदं गत्वा नियतो नियताशनः । पंचयज्ञानवाप्नोति क्रमशो ये तु कीर्तिताः ३३। ततो गच्छेत धर्मज्ञ भीमायाः स्थानमुत्तमम् । तत्र स्नात्वा न योन्यां वै नरो भरतसत्तम ३४। देव्याः पुत्रो भवेद्राजन्तत्र कुंडलविग्रहः । गवां शतसहस्रस्य फलं चैवाप्नुयान्महत् ३५। गिरिकुंजं समासाद्य त्रिषु लोकेषु विश्रुतम् । पितामहं नमस्कृत्य गोसहस्रफलं लभेत् ३६। ततो गच्छेत धर्मज्ञ विमलं तीर्थमुत्तमम् । अद्यापि यत्र दृश्यंते मत्स्याः सौवर्णराजताः ३७। तत्र स्नात्वा नरश्रेष्ठ वाजपेयमवाप्नुयात् । सर्वपापविशुद्धात्मा गच्छेत्परमिकां गतिम् ३८।
yudhiṣṭhira uvāca-| athānyāni tu tīrthāni vasiṣṭhoktāni me vada | śrutvā yāni ca pāpāni vilayaṃ yāṃti nārada 1| nārada uvāca-| śṛṇuṣvātra hi tīrthāni vasiṣṭhoktāni pārthiva | dakṣiṇaṃ siṃdhumāsādya brahmacārī jiteṃdriyaḥ 2| agniṣṭomamavāpnoti vimānaṃ cādhirohati | carmaṇvatīṃ samāsādya niyato niyatāśanaḥ 3| raṃtidevābhyanujñāto agniṣṭomaphalaṃ labhet | tato gaccheta dharmajña himavatsutamarbudam 4| pṛthivyā yatra vai chidraṃ pūrvamāsīdyudhiṣṭhira | tatrāśramo vasiṣṭhasya triṣu lokeṣu viśrutaṃ 5| tatroṣya rajanīmekāṃ gosahasraphalaṃ labhet | piṃgātīrthamupaspṛśya brahmacārī narādhipa 6| kapilānāṃ naravyāghra śatasya phalamāpnuyāt | tato gaccheta dharmajña prabhāsaṃ lokaviśrutam 7| yatra sannihito nityaṃ svayameva hutāśanaḥ | devatānāṃ mukhaṃ vīra analo'nilasārathiḥ 8| tasmiṃstīrthavare snātvā śuciḥ prayatamānasaḥ | agniṣṭomātirātrābhyāṃ phalaṃ prāpnoti mānavaḥ 9| tato gatvā sarasvatyāḥ sāgarasya ca saṃgamam | gosahasraphalaṃ prāpya svargaloke mahīyate 10| dīpyamāno'gnivannityaṃ prabhayā bharatarṣabha | tīrthe salilarājasya snātvā prayatamānasaḥ 11| trirātramuṣitastatra tarpayetpitṛdevatāḥ | virājati yathā somo vājimedhaṃ ca viṃdati 12| varadānaṃ tato gacchettīrthaṃ bharatasattama | viṣṇordurvāsasā yatra varo datto yudhiṣṭhira 13| varadāne naraḥ snātvā gosahasraphalaṃ labhet | tato dvāravatīṃ gacchenniyato niyatāśanaḥ 14| piṃḍārake naraḥ snātvā labhedbahusuvarṇakam 15| tasmiṃstīrthe mahārāja padmalakṣaṇalakṣitāḥ | adyāpi mudrā dṛśyaṃte tadadbhutamariṃdama 16| triśūlāṃkāni padmāni dṛśyaṃte kurunaṃdana | mahādevasya sānnidhyaṃ tatraiva bharatarṣabha 17| sāgarasya ca siṃdhośca saṃgamaṃ prāpya bhārata | tīrthe salilarājasya snātvā prayatamānasaḥ 18| tarpayitvā pitṝndevānṛṣīṃśca bharatarṣabha | prāpnoti vāruṇaṃ lokaṃ dīpyamānaḥ svatejasā 19| śaṃkukarṇeśvaraṃ devamarcayitvā yudhiṣṭhira | aśvamedhaṃ daśaguṇaṃ pravadaṃti manīṣiṇaḥ 20| pradakṣiṇamupāvṛtya gaccheta bharatarṣabha | tīrthaṃ kuruvaraśreṣṭha triṣu lokeṣu viśrutam 21| timīti nāmnā vikhyātaṃ sarvapāpapramocanam | yatra śakrādayo devā upāsaṃte maheśvaram 22| tatra snātvārcayitvā ca rudraṃ devagaṇairvṛtam | janmaprabhṛti pāpāni kṛtāni nudate naraḥ 23| timiratra naraśreṣṭha sarvadevairabhiṣṭutaḥ | tatra snātvā naraśreṣṭha hayamedhamavāpnuyāt 24| jitvā tatra mahāprājña viṣṇunā ditinaṃdanam | purā śaucaṃ kṛtaṃ rājanhatvā daivatakaṃṭakān 25| tato gaccheta dharmajña vasudhārāmabhiṣṭutām | gamanādeva tasyāṃ hi hayamedhamavāpnuyāt 26| snātvā kuruvaraśreṣṭha prayatātmā tu mānavaḥ | tarpayitvā pitṝndevānviṣṇuloke mahīyate 27| tīrthaṃ cāpi paraṃ tatra vasūnāṃ bharatarṣabha | tatra snātvā ca pītvā ca vasūnāṃ saṃmato bhavet 28| siṃdhutamamiti khyātaṃ sarvapāpapraṇāśanam | tatra snātvā naraśreṣṭha labhedbahusuvarṇakam 29| brahmatuṃgaṃ samāsādya śuciḥ prayatamānasaḥ | brahmalokamavāpnoti sukṛtī virajā naraḥ 30| kumārikāṇāṃ śakrasya tīrthaṃ siddhaniṣevitam | tatra snātvā naraśreṣṭha śakralokamavāpnuyāt 31| reṇukāyāśca tatraiva tīrthaṃ devaniṣevitam | snātvā tatra bhavedvipro vimalaścaṃdramā iva 32| atha paṃcanadaṃ gatvā niyato niyatāśanaḥ | paṃcayajñānavāpnoti kramaśo ye tu kīrtitāḥ 33| tato gaccheta dharmajña bhīmāyāḥ sthānamuttamam | tatra snātvā na yonyāṃ vai naro bharatasattama 34| devyāḥ putro bhavedrājantatra kuṃḍalavigrahaḥ | gavāṃ śatasahasrasya phalaṃ caivāpnuyānmahat 35| girikuṃjaṃ samāsādya triṣu lokeṣu viśrutam | pitāmahaṃ namaskṛtya gosahasraphalaṃ labhet 36| tato gaccheta dharmajña vimalaṃ tīrthamuttamam | adyāpi yatra dṛśyaṃte matsyāḥ sauvarṇarājatāḥ 37| tatra snātvā naraśreṣṭha vājapeyamavāpnuyāt | sarvapāpaviśuddhātmā gacchetparamikāṃ gatim 38|
English translation
Yudhiṣṭhira said :
1. Now tell me about other holy places described by Vasiṣṭha , on hearing about which sins perish, O Nārada .
Nārada said :
2-6a. O king, now hear about the holy places described by Vasiṣṭha. A self-restrained man, with his senses controlled, obtains (the fruit of) the Agniṣṭoma sacrifice on reaching the southern sea and gets into an aeroplane. A restrained man, having controlled his diet, having reached Carmaṇvatī , and being allowed by Rantideva , would obtain the fruit of (having performed) the Agniṣṭoma sacrifice. Then, O righteous one, he should go to Arbuda (i.e. mountain Abu), the son of Himālaya , where, O Yudhiṣṭhira , there was formerly a fissure in the earth. There is the hermitage of Vasiṣṭha, well-known in the three worlds. Having lived there for a night, he would obtain the fruit of (having given away) a thousand cows (to a brāhmaṇa ).
6b-9. O king, a restrained man, having bathed at Piṅgatīrtha , would obtain the fruit of (having donated) a hundred tawny cows (to a brāhmaṇa). Thence he should go to (the holy place) called Prabhāsa which is well-known in the world, O pious one; there Fire himself is always present. O hero, Fire, with Wind as his charioteer, is the mouth of the deities. A man, being pure and having controlled his mind, gets on bathing there the fruit of the Agniṣṭoma [1] and the Atirātra [2] (sacrifices).
10-12. Going from there to the confluence of Sarasvatī and the ocean, he, having obtained the fruit of (having donated) a thousand cows, is honoured in heaven. O best among the Bharatas , always shining like fire by means of his lustre, he, with his mind controlled, should bathe in the holy place of the king of waters; and living there for three nights, he should offer oblations to the deities in the form of the manes. He shines like Soma , and obtains (the fruit of) a horse-sacrifice.
13-14a. O best among the Bharatas, O Yudhiṣṭhira, thence he should go to the sacred place called Varadāna where Durvā -sas granted a boon to Viṣṇu . A man having bathed at Varadāna, gets the fruit of (having donated) a thousand cows (to a brāhmaṇa).
14b. Then being restrained and controlled in diet, he should go to Dvārāvatī .
15. A man having bathed at Piṇḍāraka would obtain much gold.
16-20. O you who restrain your enemies, at that holy place, O great king, even now coins marked with lotuses are seen. That is a wonder. O you descendant of Kuru , lotuses marked with tridents are seen. O best among the Bharatas, Mahādeva also dwells there. O you descendant of Bharata , having reached the confluence of the ocean and Sindhu , and having, with a controlled mind, bathed there, and offered oblations to manes, gods and sages, he obtains, shining with his own lustre, Varuṇa ’s heaven. O Yudhiṣṭhira, the wise say that having worshipped god Śaṅku -karṇeśvara, he gets ten times the merit obtained by (the performance of) a horse sacrifice.
21-25. Turning to the right, O best among the Bharatas, O best among the Kurus , he should go to the holy place, well known in thethree worlds, named Timi which frees (one) from all sins and where gods like Śakra and others worship Maheśvara . A man having bathed there and having worshipped Rudra , surrounded by hosts of gods, is freed from the sins committed from his birth. O best among men, here is Timi, praised by all gods. O best among men, having bathed there, he would obtain the fruit of (having performed) a horse sacrifice. O very wise one, formerly Viṣṇu conquered there Diti ’s son and, O king, made it pure by killing the nuisance (i.e. demons) to gods.
26-28. Thence, O you pious one, he should go to Vasudhārā praised (by all); by just going there, he would obtain the fruit of (having performed) a horse sacrifice. A man having bathed there and with his mind controlled, should, O best among the Kurus, offer oblations to manes and gods. He is honoured in Viṣṇu’s heaven. O best among the Bharatas there is also a great holy place of the Vasus . Having bathed there, and drunk (water from the place) a man is liked by the Vasus.
29. (Then there is) a holy place known as Sindhutama which destroys all sins. O best man, having bathed there (a man) would get much gold.
30-31. Being pure and with his mind controlled, he of good acts and free from passion, obtains (i.e. goes to) Brahmā ’s world, on reaching Brahmatuṅga . For the maidens the holy place of Śakra is resorted to by siddhas . Having bathed there, O best of men, he would obtain (i.e. go to) Indra ’s heaven.
32-33. There only is the holy place of (i.e. sacred to) Reṇukā . A brāhmaṇa having bathed there would be pure like the moon. Then, being restrained and having controlled his food he, after going to Pañcanada , obtains (i.e. performs) the five sacrifices which have been described in a sequence.
34-38. Thence, O pious one, he should go to the best place of (i.e. sacred to) Bhīma . Having bathed there a man does not go into a womb (i.e. is not reborn). He would be the son of a goddess. There is Kuṇḍalavigraha. (There) he would get the great fruit of (having donated) a hundred thousand cows. Having reached Girikuñja, well-known in the three worlds, and having saluted the Grandsire (there), he would obtain the fruit (of having given away) a thousand cows (to a brāhmaṇa). O righteous one, from there he should go to the excellent holy place (called) Vimala , where even now golden and silver fish are seen. O best of men, having bathed there, he would obtain the fruit of (having performed) a Vājapeya sacrifice; and with his soul purified of all sins he would get the highest position.
[1]: [1] : Agniṣṭoma: Name of a protracted sacrificial rite extending over several days in spring and forming an essential part of the Jyotiṣṭoma sacrifice.
[2]: [2] : Atirātra: An optional part of Jyotiṣṭoma sacrifice.
Complete chapter-aligned witnesses. Sanskrit Wikisource page 14486, revision 365524 (2023-01-18T10:35:54Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365243.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.