Svarga-khaṇḍa · Chapter 62
Sourceसूत उवाच- एवं यन्महिमा लोके लोकनिस्तारकारणम् । तस्य विष्णोः परेशस्य नानाविग्रहधारिणः १। एकं पुराणं रूपं वै तत्र पाद्मं परं महत् । ब्राह्मं मूर्धा हरेरेव हृदयं पद्मसंज्ञितम् २। वैष्णवं दक्षिणो बाहुः शैवं वामो महेशितुः । ऊरू भागवतं प्रोक्तं नाभिः स्यान्नारदीयकम् ३। मार्कंडेयं च दक्षांघ्रिर्वामो ह्याग्नेयमुच्यते । भविष्यं दक्षिणो जानुर्विष्णोरेव महात्मनः ४। ब्रह्मवैवर्तसंज्ञं तु वामजानुरुदाहृतः । लैंगं ह गुल्फकं दक्षं वाराहं वामगुल्फकम् ५। स्कांदं पुराणं लोमानि त्वगस्य वामनं स्मृतम् । कौर्मं पृष्ठं समाख्यातं मात्स्यं मेदः प्रकीर्तितम् ६। मज्जा तु गारुडं प्रोक्तं ब्रह्मांडमस्थि गीयते । एवमेवाभवद्विष्णुः पुराणावयवो हरिः ७। हृदयं तत्र वै पाद्मं यच्छ्रुत्वामृतमश्नुते । पाद्ममेतत्पुराणं तु स्वयं देवोभवद्धरिः ८। यस्यैकाध्यायमध्याप्य सर्वैः पापैः प्रमुच्यते । तत्रादिमं स्वर्गमिदं सर्वपाद्मफलप्रदम् ९। स्वर्गखंडं समाकर्ण्य महापातकिनोपि ये । मुच्यंते तेपि पापेभ्यस्त्वचो जीर्णाद्यथोरगाः १०। अपि चेत्सुदुराचारः सर्वधर्म्मबहिष्कृतः । आदिस्वर्गं समाकर्ण्य यत्फलं समवाप्नुयात् ११। आदिस्वर्गमिदं श्रुत्वा तत्फलं लभते नरः । माघेमासे प्रयागे तु स्नात्वा प्रतिदिनं नरः १२। यथा पापात्प्रमुच्येत तथा हि श्रवणाद्भवेत् । दत्ता तेन स्वर्णतुला दत्ता चैव धराखिला १३। कृतं वितरणं तेन द्ररिद्रे यत्कृतमृणम् । हरेर्नामसहस्राणि पठितानि ह्यभीक्ष्णशः १४। सर्वेवे दास्तथाधीतास्तत्तत्कर्मकृतं तथा । अध्यापकाश्च बहवः स्थापिता वृत्तिदानतः १५। अभयं भयलोकेभ्यो दत्तं तेन तथा द्विजाः । गुणवंतो ज्ञानवंतो धर्मवंतोनुमानिताः १६। मेषकर्कटयोर्मध्ये तोयं दत्तं सुशीतलम् । ब्राह्मणार्थे गवार्थे च प्राणास्त्यक्ताश्च तेन हि १७। अन्यानि च सुकर्माणि कृतानि तेन धीमता । येनादिखंडं सदसि श्रुतं संश्रावितं तथा १८। स्वर्गखंडं समाधीत्य नानाभोगान्समश्नुते । अंतःपुरगनारीणां सुखसुप्तः प्रबुध्यते १९। किंकिणीरवसन्नादैस्तथा मधुरभाषणैः । इंद्रस्यार्धासनं भुंक्ते इंद्रलोके वसेच्चिरम् २०। ततः सूर्यस्य भवनं चंद्रलोकं ततो व्रजेत् । सप्तर्षिभवने भोगान्भुक्त्वा याति ततो ध्रुवम् २१। ततश्च ब्रह्मणो लोकं प्राप्य तेजोमयं वपुः । तत्रैव ज्ञानमासाद्य निर्वाणं परमृच्छति २२। सद्भिः सह वसेद्धीमान्सत्तीर्थे स्नानमाचरेत् । कुर्यादेव सदालापं सच्छास्त्रं शृणुयान्नरः २३। तत्र पाद्मं महाशास्त्रं सर्वाम्नायफलप्रदम् । स्वर्गखंडं च तन्मध्ये महापुण्यफलप्रदम् २४। भजध्वं गोविंदं नमत हरिमेकं सुरवरं गमिष्यध्वं लोकानतिविमलभोगानतितराम् । शृणुध्वं हे लोका वदत हरिनामैकमतुलं यदीच्छावीचीनां सुखतरणमिष्टानि लभत २५। इति श्रीपाद्मे महापुराणे स्वर्गखंडे द्विषष्टितमोऽध्यायः ६२।
sūta uvāca- evaṃ yanmahimā loke lokanistārakāraṇam | tasya viṣṇoḥ pareśasya nānāvigrahadhāriṇaḥ 1| ekaṃ purāṇaṃ rūpaṃ vai tatra pādmaṃ paraṃ mahat | brāhmaṃ mūrdhā harereva hṛdayaṃ padmasaṃjñitam 2| vaiṣṇavaṃ dakṣiṇo bāhuḥ śaivaṃ vāmo maheśituḥ | ūrū bhāgavataṃ proktaṃ nābhiḥ syānnāradīyakam 3| mārkaṃḍeyaṃ ca dakṣāṃghrirvāmo hyāgneyamucyate | bhaviṣyaṃ dakṣiṇo jānurviṣṇoreva mahātmanaḥ 4| brahmavaivartasaṃjñaṃ tu vāmajānurudāhṛtaḥ | laiṃgaṃ ha gulphakaṃ dakṣaṃ vārāhaṃ vāmagulphakam 5| skāṃdaṃ purāṇaṃ lomāni tvagasya vāmanaṃ smṛtam | kaurmaṃ pṛṣṭhaṃ samākhyātaṃ mātsyaṃ medaḥ prakīrtitam 6| majjā tu gāruḍaṃ proktaṃ brahmāṃḍamasthi gīyate | evamevābhavadviṣṇuḥ purāṇāvayavo hariḥ 7| hṛdayaṃ tatra vai pādmaṃ yacchrutvāmṛtamaśnute | pādmametatpurāṇaṃ tu svayaṃ devobhavaddhariḥ 8| yasyaikādhyāyamadhyāpya sarvaiḥ pāpaiḥ pramucyate | tatrādimaṃ svargamidaṃ sarvapādmaphalapradam 9| svargakhaṃḍaṃ samākarṇya mahāpātakinopi ye | mucyaṃte tepi pāpebhyastvaco jīrṇādyathoragāḥ 10| api cetsudurācāraḥ sarvadharmmabahiṣkṛtaḥ | ādisvargaṃ samākarṇya yatphalaṃ samavāpnuyāt 11| ādisvargamidaṃ śrutvā tatphalaṃ labhate naraḥ | māghemāse prayāge tu snātvā pratidinaṃ naraḥ 12| yathā pāpātpramucyeta tathā hi śravaṇādbhavet | dattā tena svarṇatulā dattā caiva dharākhilā 13| kṛtaṃ vitaraṇaṃ tena draridre yatkṛtamṛṇam | harernāmasahasrāṇi paṭhitāni hyabhīkṣṇaśaḥ 14| sarveve dāstathādhītāstattatkarmakṛtaṃ tathā | adhyāpakāśca bahavaḥ sthāpitā vṛttidānataḥ 15| abhayaṃ bhayalokebhyo dattaṃ tena tathā dvijāḥ | guṇavaṃto jñānavaṃto dharmavaṃtonumānitāḥ 16| meṣakarkaṭayormadhye toyaṃ dattaṃ suśītalam | brāhmaṇārthe gavārthe ca prāṇāstyaktāśca tena hi 17| anyāni ca sukarmāṇi kṛtāni tena dhīmatā | yenādikhaṃḍaṃ sadasi śrutaṃ saṃśrāvitaṃ tathā 18| svargakhaṃḍaṃ samādhītya nānābhogānsamaśnute | aṃtaḥpuraganārīṇāṃ sukhasuptaḥ prabudhyate 19| kiṃkiṇīravasannādaistathā madhurabhāṣaṇaiḥ | iṃdrasyārdhāsanaṃ bhuṃkte iṃdraloke vasecciram 20| tataḥ sūryasya bhavanaṃ caṃdralokaṃ tato vrajet | saptarṣibhavane bhogānbhuktvā yāti tato dhruvam 21| tataśca brahmaṇo lokaṃ prāpya tejomayaṃ vapuḥ | tatraiva jñānamāsādya nirvāṇaṃ paramṛcchati 22| sadbhiḥ saha vaseddhīmānsattīrthe snānamācaret | kuryādeva sadālāpaṃ sacchāstraṃ śṛṇuyānnaraḥ 23| tatra pādmaṃ mahāśāstraṃ sarvāmnāyaphalapradam | svargakhaṃḍaṃ ca tanmadhye mahāpuṇyaphalapradam 24| bhajadhvaṃ goviṃdaṃ namata harimekaṃ suravaraṃ gamiṣyadhvaṃ lokānativimalabhogānatitarām | śṛṇudhvaṃ he lokā vadata harināmaikamatulaṃ yadīcchāvīcīnāṃ sukhataraṇamiṣṭāni labhata 25| iti śrīpādme mahāpurāṇe svargakhaṃḍe dviṣaṣṭitamo'dhyāyaḥ 62|
English translation
Sūta said :
1-8a. Thus is the greatness of that highest lord Viṣṇu , taking up many forms, (Viṣṇu—) who is the cause of complete liberation in the world. One of the forms is the great Padma ( Purāṇa ). The Brahma ( Purāṇa ) is the head of Viṣṇu only. His heart is called Padma . The Viṣṇu ( Purāṇa ) is his right arm. The Śaiva ( Purāṇa ) is the left arm of the great lord. The Bhāgavata ( Purāṇa ) is said to be his thighs. The Nāradīya ( Purāṇa ) is his navel. The Mārkaṇḍeya ( Purāṇa ) is his right foot; the Agni ( Purāṇa ) is said to be (his) left foot. The Bhaviṣya ( Purāṇa ) is the right knee of the magnanimous Viṣṇu only. The (Purāṇa) called Brahmavaivarta is said to be his left knee. The Liṅga ( Purāṇa ) is said to be the right ankle and the Varāha is the left ankle. The Skanda Purāṇa is the hair, and the Vāmana (Purāṇa ) is said to be his skin. The Kūrma ( Purāṇa ) is said to be his back; the Matsya is said to his fat. The Garuḍa ( Purāṇa ) is said to be his marrow; the Brahmāṇḍa is said to be his bone(s). Thus Viṣṇu was having the Purāṇas as parts of his body. Padma there (i.e. in the body) is the heart, having heard which a man obtains nectar (i.e. immortality).
8b-9. God Viṣṇu himself became (i.e. turned himself into) this Padma Puraṇa , having taught one chapter of which a man is freed from all sins. There (i.e. of the Padma Purāṇa ) this Svargakhaṇḍa gives the fruit of the entire Padma . Having heard the Svargakhaṇḍa even those who are great sinners are freed from sins as the serpents are free from their skins.
10-18. A man who hears this first (or best) Svargakhaṇḍa gets the same fruit even if he is extremely wicked and expelled from all religions. As a man having bathed at Prayāga in the month of Māgha is free from sins, similarly he would be free from sins by hearing (the Adi Svargakhaṇḍa ). He who has heard, and made (others) hear this Ādikhaṇḍa has given gold (equal to his own) weight, and has given the entire earth. He has given a gift to a poor man of the debt which he incurred; he has repeatedly recited the thousands of the names of Viṣṇu; he has studied all the Vedas , and has similarly performed all rites; he has settled teachers by giving them livelihood. O brāhmaṇas , he has also granted fearlessness to the people that were frightened; he has sought the consent of the virtuous, wise and pious persons. He has given very cold (water) between (i.e. during the period between) the sign of Aries and the sign of Cancer; he has also cast his life for brāhmaṇas and cows; He, the wise one, has also performed other good deeds.
19-25. Having well studied (i.e. if he studies well) the Svargakhaṇḍa , he obtains many pleasures. He, who has slept well, is awakened by women in his harem, by means of good (i.e. sweet) sounds of small bells and with sweet words. He enjoys half of Indra ’s seat and would live for a long time in Indra’s heaven. From there he would go to the Sun’s abode and then to the world of the Moon. Then enjoying pleasures in the abode of the Seven Sages, he goes to Dhruva , thence to Brahma’s world, and obtains a lustrous body. Having secured knowledge there only, he goes to (i.e. obtains) salvation. The wise one would live with the good, and would bathe at a holy place. The man would talk pious words and would listen to holy texts. (Among them) Padma (i.e. the Padma Purāṇa ) is a great holy text, and gives the fruit of all the Vedas. In it Svargakhaṇḍa gives great religious merit. O people, if you want to cross easily the waves of longings, then resort to Viṣṇu, salute Viṣṇu, the only excellent god; you will go to worlds of very pure pleasures. Listen and utter the incomparable name of Viṣṇu. Obtain your desired object s.
Complete chapter-aligned witnesses. Sanskrit Wikisource page 43448, revision 335755 (2022-04-14T10:22:07Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365281.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.