Bhūmi-khaṇḍa · Chapter 119
Sourceएकोनविंशत्यधिकशततमोऽध्यायः । कपिंजल उवाच- यस्याः प्रहसनात्तात सुहृद्यानि भवंति वै । पुष्पाणि दिव्यगंधीनि दुर्लभानि सुरासुरैः १। कस्मात्तु देवताः सर्वाः प्रवांछंति महामते । शंकरः सुखमायाति हास्यपुष्पैः सुपूजितः २। को गुणस्तस्य पुष्पस्य तन्मे कथय विस्तरात् । कामोदा सा भवेत्का तु कस्य पुत्री वरांगना ३। हास्यात्तस्या महाभाग सुपुष्पाणि भवंति च । को गुणस्तत्कथां ब्रूहि सकलां विस्तरेण च ४। कुंजल उवाच- पुरा देवैर्महादैत्यैः कृत्वा सौहार्दमुत्तमम् । ममंथुः सागरं क्षीरममृतार्थं समुद्यताः ५। मथनाद्देवदैत्यानां कन्यारत्नचतुष्टयम् । वरुणेन दर्शितं पूर्वं सोमेनैव तथा पुनः ६। पश्चात्संदर्शितं पुण्यममृतं कलशे स्थितम् । कन्या चतुष्टयं पूर्वं देवानां हितमिच्छति ७। सुलक्ष्मीर्नाम सा चैका द्वितीया वारुणी तथा । ज्येष्ठा नाम तथा ख्याता कामोदान्या प्रचक्षते ८। तासां मध्ये वरा श्रेष्ठा पूर्वं जाता महामते । तस्माज्ज्येष्ठेति विख्याता लोके पूज्या सदैव हि ९। वारुणीपानरूपा च पयःफेनसमुद्भवा । अमृतस्य तरंगाच्च कामोदाख्या बभूव ह १०। सोमो राजा तथा लक्ष्मीर्जज्ञाते अमृतादपि । त्रैलोक्यभूषणः सोमः संजातः शंकरप्रियः ११। मृत्युरोगहरा जाता सुराणां वारुणी तथा । ज्येष्ठासु पुण्यदा जाता लोकानां हितमिच्छताम् १२। अमृतादुत्थिता देवी कामोदा नाम पुण्यदा । विष्णोः प्रीत्यै भविष्ये तु वृक्षरूपं प्रयास्यति १३। विष्णुप्रीतिकरी सा तु भविष्यति सदैव हि । तुलसी नाम सा पुण्या भविष्यति न संशयः १४। तया सह जगन्नाथो रमिष्यति न संशयः । तुलस्याः पत्रमेकं यो नीत्वा कृष्णाय दास्यति १५। मेने तस्योपकाराणां किमस्मै च ददाम्यहम् । इत्येवं चिंतयेन्नित्यं तस्य प्रीतिकरो भवेत् १६। एवं कामोद नामासौ पूर्वं जाता समुद्रजा । यदा सा हसते देवी हर्षगद्गदभाषिणी १७। सौहृद्यानि सुगंधीनि मुखात्तस्याः पतंति वै । अम्लानानि सुपुष्पाणि यो गृह्णाति समुद्यतः १८। पूजयेच्छंकरं देवं ब्रह्माणं माधवं तथा । तस्य देवाः प्रतुष्यंति यदिच्छति ददंति तत् १९। रोदित्येषा यदा सा च केन दुःखेन दुःखिता । नेत्राश्रुभ्यो हि तस्यास्तु प्रभवंति पतंति च २०। तानि चैव महाभाग हृद्यानि सुमहांति च । सौरभेण विना तैस्तु यः पूजयति शंकरम् २१। तस्य दुःखं च संतापो जायते नात्र संशयः । पुष्पैस्तु तादृशैर्देवान्सकृदर्चति पापधीः २२। तस्य दुःखं प्रकुर्वंति देवास्तत्र न संशयः । एतत्ते सर्वमाख्यातं कामोदाख्यानमुत्तमम् २३। अथ कृष्णो विचिंत्यैव दृष्ट्वा विक्रमसाहसम् । विहुंडस्यापि पापस्य उद्यमं साहसं तदा २४। नारदं प्रेषयामास मोहयैनं दुरासदम् । नारदस्त्वथ संश्रुत्य वाक्यं विष्णोर्महात्मनः २५। गच्छमानं दुरात्मानं कामोदां प्रति दानवम् । गत्वा तमाह दैत्येंद्रं नारदः प्रहसन्निव २६। क्व यासि त्वं च दैत्येंद्र सत्वरं च समातुरः । सांप्रतं केन कार्येण कस्यार्थं केन नोदितः २७। ब्रह्मात्मजं नमस्कृत्य प्रत्युवाच कृतांजलि । कामोदपुष्पार्थमहं प्रस्थितो द्विजसत्तम २८। तमुवाच स धर्मात्मा पुष्पैः किं ते प्रयोजनम् । विप्रवर्यं पुनः प्राह कार्यकारणमात्मनः २९। नंदनस्य वनोद्देशे काचिन्नारी वरानना । तस्या दर्शनमात्रेण गतोऽहं कामवश्यताम् ३०। तया प्रोक्तोऽस्मि विप्रेंद्र पुष्पैः कामोदसंभवैः । पूजयस्व महादेवं पुष्पैस्तु सप्तकोटिभिः ३१। ततस्ते सुप्रिया भार्या भविष्यामि न संशयः । तदर्थे प्रस्थितोऽस्म्यद्य कामोदाख्यं पुरं प्रति ३२। तामहं कामयिष्यामि सिंधुजां शुणु सांप्रतम् । मनोल्लासैर्महाहासैर्हासयिष्याम्यहं पुनः ३३। प्रीता सती महाभागा हसिष्यति पुनः पुनः । तद्धास्यं गद्गदं विप्र मम कार्यप्रवर्द्धनम् ३४। तस्माद्धास्यात्पतिष्यंति दिव्यानि कुसुमानि च । तैस्तु देवमुमाकांतं पूजयिष्यामि सांप्रतम् ३५। तेन पूजाप्रदानेन तुष्टो दास्यति मे फलम् । ईश्वरः सर्वभूतेशः शंकरो लोकभावनः ३६। नारद उवाच- तत्र दैत्य न गंतव्यं कामोदाख्ये पुरोत्तमे । विष्णुरस्ति सुमेधावी सर्वदैत्यक्षयावहः ३७। येनोपायेन पुष्पाणि कामोदाख्यानि दानव । तव हस्ते प्रयास्यंति तमुपायं वदाम्यहम् ३८। गंगातोयेषु दिव्यानि पतिष्यंति न संशयः । वाहितानि जलैर्दिव्यैरागमिष्यंति सांप्रतम् ३९। तानि त्वं तु प्रतिगृहाण सुहृद्यानि महांति च । गृहीत्वा तानि पुष्पाणि साधयस्व मनीप्सितम् ४०। नारदो दानवश्रेष्ठं मोहयित्वा ततः पुनः । ततश्च स तु धर्मात्मा चिंतयामास वै पुनः ४१। कथमश्रूणि सा मुंचेत्केनोपायेन दुःखिता । चिंतयानस्य तस्यैवं क्षणं वै नारदस्य च ४२। ततो बुद्धिः समुत्पन्ना कामोदाख्यं पुरं गतः ४३। इति श्रीपद्मपुराणे भूमिखंडे वेनोपाख्याने गुरुतीर्थमाहात्म्ये च्यवनचरित्रे कामोदाख्याने एकोनविंशत्यधिकशततमोऽध्यायः ११९।
ekonaviṃśatyadhikaśatatamo'dhyāyaḥ | kapiṃjala uvāca- yasyāḥ prahasanāttāta suhṛdyāni bhavaṃti vai | puṣpāṇi divyagaṃdhīni durlabhāni surāsuraiḥ 1| kasmāttu devatāḥ sarvāḥ pravāṃchaṃti mahāmate | śaṃkaraḥ sukhamāyāti hāsyapuṣpaiḥ supūjitaḥ 2| ko guṇastasya puṣpasya tanme kathaya vistarāt | kāmodā sā bhavetkā tu kasya putrī varāṃganā 3| hāsyāttasyā mahābhāga supuṣpāṇi bhavaṃti ca | ko guṇastatkathāṃ brūhi sakalāṃ vistareṇa ca 4| kuṃjala uvāca- purā devairmahādaityaiḥ kṛtvā sauhārdamuttamam | mamaṃthuḥ sāgaraṃ kṣīramamṛtārthaṃ samudyatāḥ 5| mathanāddevadaityānāṃ kanyāratnacatuṣṭayam | varuṇena darśitaṃ pūrvaṃ somenaiva tathā punaḥ 6| paścātsaṃdarśitaṃ puṇyamamṛtaṃ kalaśe sthitam | kanyā catuṣṭayaṃ pūrvaṃ devānāṃ hitamicchati 7| sulakṣmīrnāma sā caikā dvitīyā vāruṇī tathā | jyeṣṭhā nāma tathā khyātā kāmodānyā pracakṣate 8| tāsāṃ madhye varā śreṣṭhā pūrvaṃ jātā mahāmate | tasmājjyeṣṭheti vikhyātā loke pūjyā sadaiva hi 9| vāruṇīpānarūpā ca payaḥphenasamudbhavā | amṛtasya taraṃgācca kāmodākhyā babhūva ha 10| somo rājā tathā lakṣmīrjajñāte amṛtādapi | trailokyabhūṣaṇaḥ somaḥ saṃjātaḥ śaṃkarapriyaḥ 11| mṛtyurogaharā jātā surāṇāṃ vāruṇī tathā | jyeṣṭhāsu puṇyadā jātā lokānāṃ hitamicchatām 12| amṛtādutthitā devī kāmodā nāma puṇyadā | viṣṇoḥ prītyai bhaviṣye tu vṛkṣarūpaṃ prayāsyati 13| viṣṇuprītikarī sā tu bhaviṣyati sadaiva hi | tulasī nāma sā puṇyā bhaviṣyati na saṃśayaḥ 14| tayā saha jagannātho ramiṣyati na saṃśayaḥ | tulasyāḥ patramekaṃ yo nītvā kṛṣṇāya dāsyati 15| mene tasyopakārāṇāṃ kimasmai ca dadāmyaham | ityevaṃ ciṃtayennityaṃ tasya prītikaro bhavet 16| evaṃ kāmoda nāmāsau pūrvaṃ jātā samudrajā | yadā sā hasate devī harṣagadgadabhāṣiṇī 17| sauhṛdyāni sugaṃdhīni mukhāttasyāḥ pataṃti vai | amlānāni supuṣpāṇi yo gṛhṇāti samudyataḥ 18| pūjayecchaṃkaraṃ devaṃ brahmāṇaṃ mādhavaṃ tathā | tasya devāḥ pratuṣyaṃti yadicchati dadaṃti tat 19| rodityeṣā yadā sā ca kena duḥkhena duḥkhitā | netrāśrubhyo hi tasyāstu prabhavaṃti pataṃti ca 20| tāni caiva mahābhāga hṛdyāni sumahāṃti ca | saurabheṇa vinā taistu yaḥ pūjayati śaṃkaram 21| tasya duḥkhaṃ ca saṃtāpo jāyate nātra saṃśayaḥ | puṣpaistu tādṛśairdevānsakṛdarcati pāpadhīḥ 22| tasya duḥkhaṃ prakurvaṃti devāstatra na saṃśayaḥ | etatte sarvamākhyātaṃ kāmodākhyānamuttamam 23| atha kṛṣṇo viciṃtyaiva dṛṣṭvā vikramasāhasam | vihuṃḍasyāpi pāpasya udyamaṃ sāhasaṃ tadā 24| nāradaṃ preṣayāmāsa mohayainaṃ durāsadam | nāradastvatha saṃśrutya vākyaṃ viṣṇormahātmanaḥ 25| gacchamānaṃ durātmānaṃ kāmodāṃ prati dānavam | gatvā tamāha daityeṃdraṃ nāradaḥ prahasanniva 26| kva yāsi tvaṃ ca daityeṃdra satvaraṃ ca samāturaḥ | sāṃprataṃ kena kāryeṇa kasyārthaṃ kena noditaḥ 27| brahmātmajaṃ namaskṛtya pratyuvāca kṛtāṃjali | kāmodapuṣpārthamahaṃ prasthito dvijasattama 28| tamuvāca sa dharmātmā puṣpaiḥ kiṃ te prayojanam | vipravaryaṃ punaḥ prāha kāryakāraṇamātmanaḥ 29| naṃdanasya vanoddeśe kācinnārī varānanā | tasyā darśanamātreṇa gato'haṃ kāmavaśyatām 30| tayā prokto'smi vipreṃdra puṣpaiḥ kāmodasaṃbhavaiḥ | pūjayasva mahādevaṃ puṣpaistu saptakoṭibhiḥ 31| tataste supriyā bhāryā bhaviṣyāmi na saṃśayaḥ | tadarthe prasthito'smyadya kāmodākhyaṃ puraṃ prati 32| tāmahaṃ kāmayiṣyāmi siṃdhujāṃ śuṇu sāṃpratam | manollāsairmahāhāsairhāsayiṣyāmyahaṃ punaḥ 33| prītā satī mahābhāgā hasiṣyati punaḥ punaḥ | taddhāsyaṃ gadgadaṃ vipra mama kāryapravarddhanam 34| tasmāddhāsyātpatiṣyaṃti divyāni kusumāni ca | taistu devamumākāṃtaṃ pūjayiṣyāmi sāṃpratam 35| tena pūjāpradānena tuṣṭo dāsyati me phalam | īśvaraḥ sarvabhūteśaḥ śaṃkaro lokabhāvanaḥ 36| nārada uvāca- tatra daitya na gaṃtavyaṃ kāmodākhye purottame | viṣṇurasti sumedhāvī sarvadaityakṣayāvahaḥ 37| yenopāyena puṣpāṇi kāmodākhyāni dānava | tava haste prayāsyaṃti tamupāyaṃ vadāmyaham 38| gaṃgātoyeṣu divyāni patiṣyaṃti na saṃśayaḥ | vāhitāni jalairdivyairāgamiṣyaṃti sāṃpratam 39| tāni tvaṃ tu pratigṛhāṇa suhṛdyāni mahāṃti ca | gṛhītvā tāni puṣpāṇi sādhayasva manīpsitam 40| nārado dānavaśreṣṭhaṃ mohayitvā tataḥ punaḥ | tataśca sa tu dharmātmā ciṃtayāmāsa vai punaḥ 41| kathamaśrūṇi sā muṃcetkenopāyena duḥkhitā | ciṃtayānasya tasyaivaṃ kṣaṇaṃ vai nāradasya ca 42| tato buddhiḥ samutpannā kāmodākhyaṃ puraṃ gataḥ 43| iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre kāmodākhyāne ekonaviṃśatyadhikaśatatamo'dhyāyaḥ 119|
English translation
Kapiñjala said :
1-4. O father, from her laughter are produced very charming, divinely fragrant flowers, difficult to be obtained (even) by gods and demons; but, O you very intelligent one, why do all
deities long for them? Śiva is pleased when he is well-worshipped with the flowers (produced) from her laughter. Tell me in detail as to what merit the flower possesses. Who would be (i.e. is) that Kāmodā ? Whose daughter is that excellent lady? (Tell me how) from her laughter good flowers are produced. Tell me about the merit. Tell me in detail her complete story.
Kuñjala said :
5-16. Formerly gods and great demons formed a great friendship and eager for (obtaining) nectar, they churned the milky ocean. Due to the churning done by the gods and demons four maiden-gems (came out), whom Varuṇa first pointed out and again Soma also. Then the nectar-containing pitcher was pointed out. The ancient group of the four maidens desired the well-being of the gods. The first one was Sulakṣmī by name. The second was Vāruṇī . (The third) was known as Jyeṣṭhā . The other one was called Kāmodā. Among them the excellent and best one was produced first. Therefore, O very intelligent one, she is known as Jyeṣṭhā, and is always worshipped in the world. Vāruṇī is of the form of a drink, and has come up from the foam of water. The one called Kāmodā, has come up from the ripple of the nectar. King Soma (i.e. the Moon) and Lakṣmī similarly sprang from the nectar. Soma became the ornament of the three worlds and dear to Śiva. Similarly Vāruṇī became the remover of death and disease among the gods. Jyeṣṭhā gave great merit to people desiring well-being. The goddess Kāmodā, giver of merit, sprang from the nectar. In the future she will have the form of a tree for the love of Viṣṇu . She will always delight Viṣṇu. She, the auspicious one, will be certainly (known) by the name Tulasī . There is no doubt that the lord of the world (i.e. Viṣṇu) will dally with her. Kṛṣṇa regards the obligations of him who takes (just) one Tulasī-leaf and offers it to Kṛṣṇa, who thinking, ‘What should I give him?’ becomes dear to him.
17-23. Thus this one named Kāmodā, formerly sprang up from the ocean. When the goddess, speaking in a faltering way due to joy laughs, charming, fragrant flowers fall from her mouth. He who, a diligent one, takes fresh, good flowers and would worship Śiva, Brahmā and Viṣṇu (with them), has gods pleased with him, and they give him whatever he desires. When she, grieved due to some misery, weaps, tears are produced in her eyes and they fall from them. O glorious one, they are also (turned into) charming, large flowers (but) without fragrance. He who worships Śiva with them, has sorrow and tormentation. There is no doubt about this. There is no doubt that gods give misery to that wicked-minded one who (even) once worships gods with such flowers. I have told you this excellent account of Kāmodā.
24-26. Then Kṛṣṇa thought after seeing the valour and cruelty of Vihuṇḍa , the exertion and violence of the sinner, and sent Nārada (to him telling Nārada): “Delude this irresistible one.” Hearing the words of that magnanimous Viṣṇu, Nārada went to that wicked lord of demons, who was going to Kāmodā, and with a smile, said to him:
27-28. “O lord of demons, where are you, (so) eager, now going hurriedly and for what work? For whose work (are you going)? Who has prompted you?” Having saluted Nārada, the son of Brahmā, with the palms of his hands folded, he replied; “O best brāhmaṇa , I have set out for Kāmodā-flowers.”
29-36. The pious one (i.e. Nārada) said to him: “What purpose will the flowers serve for you?” He again told the best brāhmaṇa the reason for his act. “In the region of the Nadana-grove, there is an excellent lady. On seeing her I am influenced by (the passion of) love. O best brāhmaṇa, she told me: ‘With seven crores of flowers growing in Kāmodā, worship Śiva. Then I shall be your very dear wife. There is no doubt about this.’ For that I am today proceeding to the city called Kāmodā. Listen, now I am longing for her, born from the ocean. I shall make her laugh with loud laughters delighting the mind. The illustrious one, being pleased will repeatedly laugḥ. Her faltering laughter will augment my undertaking, O brāhmaṇa. From that laughter divine flowers will fall (down). With them I shall properly worship (Śiva) the lord of Umā. Śiva, the lord, the controller of all beings and the creator of the world being pleased by that offering of worship will give me (its) fruit.”
Nārada said :
37-43. O demon, you should not go to that best city called Kāmodā. The very intelligent Viṣṇu, the destroyer of all demons stays there. O demon, I shall tell you about the way by which the flowers called Kāmodā will fall into your hand. There is no doubt that the divine flowers will fall into the water of the Ganges . Being drifted by the divine water (of the Ganges) they will come (to you) immediately. You (please) take those very charming and large (flowers). Taking those flowers you accomplish what is desired by your mind.
That pious Nārada, having (thus) deluded that best demon, again thought to himself: ‘Being grieved in what way will she shed tears?’ When Nārada was thinking like this, that moment an idea struck him, and he went to the city of Kāmodā.
Complete chapter-aligned witnesses. Sanskrit Wikisource page 14065, revision 335688 (2022-04-12T19:10:21Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365212.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.