Kriyāyogasāra-khaṇḍa · Chapter 1
Sourceलक्ष्मीनाथपदारविंदयुगलं । ब्रह्मेश्वराद्यामरश्रेणीनम्रशिरोलिरोलिमा अमलं। वंदामहे संततम् । भक्त्या योगिमनस्तडागसुषमासंदोहपुष्यत्तमं गङ्गाम्भोमकरं दविन्दुनिकरं संसारदुःखापहम् १। यो मूर्तीर्बहुधा विधाय भगवान्रक्षन्नशेषं जगद्यत्पादार्चनतत्परा न हि पुनर्मज्जंति विश्वार्णवे । सर्वप्राणिहृदंबुजेषु वसतिर्यस्य प्रभोः संततं रम्यक्रोडवपुर्धराय हरये देवाय तस्मै नमः २। वेदेभ्य उद्धृत्य समस्तधर्मान्योऽयं पुराणेषु जगाद देवः । व्यासस्वरूपेण जगद्धिताय वंदेतमेतं कमला समेतम् ३। एकदा मुनयः सर्वे सर्वलोकहितैषिणः । सुरम्ये नैमिषारण्ये गोष्ठींचक्रुर्मनोरमाम् ४। तत्रांतरे महातेजा व्यासशिष्यो महायशाः । सूतः शिष्यगणैर्युक्तः समायातो हरिं स्मरन् ५। तमायांतं समालोक्य सूतं शास्त्रार्थपारगम् । नेमुः सर्वे समुत्थाय शौनकाद्यास्तपोधनाः ६। सोऽपि तान्सहसा भक्त्या मुनीन्परमवैष्णवान् । ननाम दंडवद्भूमौ सर्वधर्मविदांवरः ७। वरासने महाबुद्धिस्तैर्द्दत्ते मुनिसत्तमैः । उवास ह मुनिर्मध्ये सर्वैः शिष्यगणैर्वृतः ८। तत्रोपविष्टं तं सूतं शौनको मुनिसत्तमः । बद्धाञ्जलिरिमां वाचमुवाच विनयान्वितः ९। शौनक उवाच- महर्षे सूत सर्वज्ञ कलिकाले समागते । केनोपायेन भगवन्भूरिभक्तिर्भवेन्नृणाम् १०। कलौ सर्वे भविष्यंति पापकर्मरता जनाः । वेदविद्याविहीनाश्च तेषां श्रेयः कथं भवेत् ११। कलावन्नगताः प्राणा लोकाः स्वल्पायुषस्तथा । निर्धनाश्च भविष्यंति नानादुःखप्रपीडिताः १२। प्रयाससाध्यं सुकृतं शास्त्रेषु क्रियते द्विज । तस्मात्केऽपि करिष्यंति कलौ न सुकृतं जनाः १३। सुकृतेषु विनष्टेषु प्रवृत्ते पापकर्मणि । सवंशाः प्रलयं सर्वे गमिष्यंति दुराशयाः १४। स्वल्पश्रमैरल्पवित्तैरल्पकालैश्च सत्तम । यथा भवेन्महापुण्यं तद्वै कथय सूतज १५। यस्योपदेशतः पुण्यं पापं वा कुर्वते जनाः । स तद्भागी भवेन्मर्त्य इति शास्त्रेषु निश्चितम् १६। पुण्योपदेशः सदयः कैतवैश्च विवर्जितः । पापमार्गविरोधी च चत्वारः केशवोपमाः १७। ज्ञानं संप्राप्य संसारे यः परेभ्यो न यच्छति । ज्ञानरूपी हरिस्तस्मै प्रसन्न इव नेक्षते १८। ज्ञानरत्नैश्च रत्नैश्च परसंतोषकृन्नरः । स ज्ञेयः सुमतिर्नूनं नररूपधरो हरिः १९। त्वमेव मुनिशार्दूल वेदवेदाङ्गपारगः । त्वदृते न हि वक्ताऽन्यो यतस्त्वं व्यासशासितः २०। सूत उवाच- धन्योऽसि त्वं मुनिश्रेष्ठ त्वमेव वैष्णवाग्रणीः । यतः समस्तलोकानां हितं वाञ्छसि सर्वदा २१। शृणु शौनक वक्ष्यामि यत्त्वया श्रोतुमिच्छितम् । सर्वलोकहितार्थाय वैष्णवानां विशेषतः २२। पृष्टो जैमिनिना सर्वं यदुवाच शृणुष्व तत् । महर्षिर्जैमिनिर्नाम योगाभ्यासरतः सदा २३। प्रणम्य शिरसा व्यासं पप्रच्छ मुनिसत्तमः । जैमिनिरुवाच- भगवन्सर्वधर्मज्ञ व्यास सत्यवती सुत २४। कलौ कस्माद्भवेन्मोक्षस्तन्ममाचक्ष्व मूलतः । सूत उवाच- जैमिनेर्वचनं श्रुत्वा व्यासः संतुष्टमानसः २५। प्रारेभे मुनिशार्दूल कथां मंगलसंयुताम् । व्यास उवाच- जैमिने मुनिशार्दूल धन्योऽसि त्वं महामते २६। नारायणकथां श्रोतुं यतो वांछसि सर्वदा । सत्कथाश्रवणे बुद्धिर्यस्य यस्य प्रवर्तते २७। तस्य तस्य भवेज्ज्ञानं ज्ञानं मोक्षप्रदं विदुः। न वैष्णवकथा यस्मै रोचते पापिने भुवि २८। वृथैव सृष्ट्वा विधिना भूमिर्भारवती कृता । कथायै जगती वक्तुं श्लाघ्यते वैष्णवैर्जनैः २९। तां मिथ्यामिव यो वक्ति स ज्ञेयः पापिनां वरः । यस्मिन्दिने मुनिश्रेष्ठ श्रूयते न हरेः कथा ३०। तद्दिनं दुर्दिनं मन्ये घनच्छन्नं न दुर्दिनम् । यत्र यत्र महीभागे वैष्णवी वर्तते कथा ३१। सांनिध्यं तत्र भगवान्न जहाति कदाचन । यो वैष्णवकथारम्भे विघ्नकृन्मानवो भवेत् ३२। तमेव शप्त्वा भगवान्दैवतैः सह गच्छति । प्रभावं वासुदेवस्य श्रुत्वा हृष्यंति ये जनाः ३३। ज्ञेयास्त एव देवांशाः पूज्या दृश्याश्च सत्तमाः । नारायणप्रभावं ये श्रुत्वा चोपहसंति वै ३४। ते विज्ञेया दानवांशा नरा नरकभागिनः । तत्र तीर्थानि सर्वाणि गङ्गादीनि द्विजोत्तम ३५। देवर्षयश्च देवाश्च मुनयश्च तपोधनाः । शृण्वतां लोकसंघानां पापव्याधिविनाशनी ३६। नारायणकथा यत्र वर्तते प्रतिवासरम् । मुने क्रियायोगसारं बह्वर्थं पापनाशनम् ३७। नारायणकथोपेतं सेतिहासं निशामय ३८। इति श्रीपाद्मे महापुराणे क्रियायोगसारे जैमिनिव्याससंवादे प्रथमोऽध्यायः १ ।
lakṣmīnāthapadāraviṃdayugalaṃ | brahmeśvarādyāmaraśreṇīnamraśirolirolimā amalaṃ| vaṃdāmahe saṃtatam | bhaktyā yogimanastaḍāgasuṣamāsaṃdohapuṣyattamaṃ gaṅgāmbhomakaraṃ davindunikaraṃ saṃsāraduḥkhāpaham 1| yo mūrtīrbahudhā vidhāya bhagavānrakṣannaśeṣaṃ jagadyatpādārcanatatparā na hi punarmajjaṃti viśvārṇave | sarvaprāṇihṛdaṃbujeṣu vasatiryasya prabhoḥ saṃtataṃ ramyakroḍavapurdharāya haraye devāya tasmai namaḥ 2| vedebhya uddhṛtya samastadharmānyo'yaṃ purāṇeṣu jagāda devaḥ | vyāsasvarūpeṇa jagaddhitāya vaṃdetametaṃ kamalā sametam 3| ekadā munayaḥ sarve sarvalokahitaiṣiṇaḥ | suramye naimiṣāraṇye goṣṭhīṃcakrurmanoramām 4| tatrāṃtare mahātejā vyāsaśiṣyo mahāyaśāḥ | sūtaḥ śiṣyagaṇairyuktaḥ samāyāto hariṃ smaran 5| tamāyāṃtaṃ samālokya sūtaṃ śāstrārthapāragam | nemuḥ sarve samutthāya śaunakādyāstapodhanāḥ 6| so'pi tānsahasā bhaktyā munīnparamavaiṣṇavān | nanāma daṃḍavadbhūmau sarvadharmavidāṃvaraḥ 7| varāsane mahābuddhistairddatte munisattamaiḥ | uvāsa ha munirmadhye sarvaiḥ śiṣyagaṇairvṛtaḥ 8| tatropaviṣṭaṃ taṃ sūtaṃ śaunako munisattamaḥ | baddhāñjalirimāṃ vācamuvāca vinayānvitaḥ 9| śaunaka uvāca- maharṣe sūta sarvajña kalikāle samāgate | kenopāyena bhagavanbhūribhaktirbhavennṛṇām 10| kalau sarve bhaviṣyaṃti pāpakarmaratā janāḥ | vedavidyāvihīnāśca teṣāṃ śreyaḥ kathaṃ bhavet 11| kalāvannagatāḥ prāṇā lokāḥ svalpāyuṣastathā | nirdhanāśca bhaviṣyaṃti nānāduḥkhaprapīḍitāḥ 12| prayāsasādhyaṃ sukṛtaṃ śāstreṣu kriyate dvija | tasmātke'pi kariṣyaṃti kalau na sukṛtaṃ janāḥ 13| sukṛteṣu vinaṣṭeṣu pravṛtte pāpakarmaṇi | savaṃśāḥ pralayaṃ sarve gamiṣyaṃti durāśayāḥ 14| svalpaśramairalpavittairalpakālaiśca sattama | yathā bhavenmahāpuṇyaṃ tadvai kathaya sūtaja 15| yasyopadeśataḥ puṇyaṃ pāpaṃ vā kurvate janāḥ | sa tadbhāgī bhavenmartya iti śāstreṣu niścitam 16| puṇyopadeśaḥ sadayaḥ kaitavaiśca vivarjitaḥ | pāpamārgavirodhī ca catvāraḥ keśavopamāḥ 17| jñānaṃ saṃprāpya saṃsāre yaḥ parebhyo na yacchati | jñānarūpī haristasmai prasanna iva nekṣate 18| jñānaratnaiśca ratnaiśca parasaṃtoṣakṛnnaraḥ | sa jñeyaḥ sumatirnūnaṃ nararūpadharo hariḥ 19| tvameva muniśārdūla vedavedāṅgapāragaḥ | tvadṛte na hi vaktā'nyo yatastvaṃ vyāsaśāsitaḥ 20| sūta uvāca- dhanyo'si tvaṃ muniśreṣṭha tvameva vaiṣṇavāgraṇīḥ | yataḥ samastalokānāṃ hitaṃ vāñchasi sarvadā 21| śṛṇu śaunaka vakṣyāmi yattvayā śrotumicchitam | sarvalokahitārthāya vaiṣṇavānāṃ viśeṣataḥ 22| pṛṣṭo jaimininā sarvaṃ yaduvāca śṛṇuṣva tat | maharṣirjaiminirnāma yogābhyāsarataḥ sadā 23| praṇamya śirasā vyāsaṃ papraccha munisattamaḥ | jaiminiruvāca- bhagavansarvadharmajña vyāsa satyavatī suta 24| kalau kasmādbhavenmokṣastanmamācakṣva mūlataḥ | sūta uvāca- jaiminervacanaṃ śrutvā vyāsaḥ saṃtuṣṭamānasaḥ 25| prārebhe muniśārdūla kathāṃ maṃgalasaṃyutām | vyāsa uvāca- jaimine muniśārdūla dhanyo'si tvaṃ mahāmate 26| nārāyaṇakathāṃ śrotuṃ yato vāṃchasi sarvadā | satkathāśravaṇe buddhiryasya yasya pravartate 27| tasya tasya bhavejjñānaṃ jñānaṃ mokṣapradaṃ viduḥ| na vaiṣṇavakathā yasmai rocate pāpine bhuvi 28| vṛthaiva sṛṣṭvā vidhinā bhūmirbhāravatī kṛtā | kathāyai jagatī vaktuṃ ślāghyate vaiṣṇavairjanaiḥ 29| tāṃ mithyāmiva yo vakti sa jñeyaḥ pāpināṃ varaḥ | yasmindine muniśreṣṭha śrūyate na hareḥ kathā 30| taddinaṃ durdinaṃ manye ghanacchannaṃ na durdinam | yatra yatra mahībhāge vaiṣṇavī vartate kathā 31| sāṃnidhyaṃ tatra bhagavānna jahāti kadācana | yo vaiṣṇavakathārambhe vighnakṛnmānavo bhavet 32| tameva śaptvā bhagavāndaivataiḥ saha gacchati | prabhāvaṃ vāsudevasya śrutvā hṛṣyaṃti ye janāḥ 33| jñeyāsta eva devāṃśāḥ pūjyā dṛśyāśca sattamāḥ | nārāyaṇaprabhāvaṃ ye śrutvā copahasaṃti vai 34| te vijñeyā dānavāṃśā narā narakabhāginaḥ | tatra tīrthāni sarvāṇi gaṅgādīni dvijottama 35| devarṣayaśca devāśca munayaśca tapodhanāḥ | śṛṇvatāṃ lokasaṃghānāṃ pāpavyādhivināśanī 36| nārāyaṇakathā yatra vartate prativāsaram | mune kriyāyogasāraṃ bahvarthaṃ pāpanāśanam 37| nārāyaṇakathopetaṃ setihāsaṃ niśāmaya 38| iti śrīpādme mahāpurāṇe kriyāyogasāre jaiminivyāsasaṃvāde prathamo'dhyāyaḥ 1 |
English translation
Salutation to Śrī Gaṇeśa . Now is commenced the Kriyāyogasārakhaṇḍa.
1. We devoutly, constantly salute the pair of the lotus-like feet of Lakṣmī ’s lord, which is crowned with the bees of the heads that are bowing down, of the line of the gods like Brahmā , which very much nourishes the mass of the exquisite beauty of the lakes of the minds of the meditating saints, which has the mass of the drops of the honey of the water of Gaṅgā , and which removes the afflictions of the mundane existence.
2. Salutation to that god Viṣṇu who, the lord, taking up various forms protects the entire world, those who are highly devoted to worshipping whose feet never plunge into the universal ocean, of whom, the residence is continuously in the lotuslike hearts of all living beings, and who takes up the form of a hog.
3. I salute this (Viṣṇu) along with Lakṣmī, who, the god, spoke in the form of Vyāsa in (i.e. through) the Purāṇa the practices after having taken them out from the Vedas for the good of the world.
4-6. Once all sages, desiring the good of the world, had an interesting chat in the very charming Naimiṣāraṇya . In the meanwhile, Sūta , the very lustrous and glorious disciple of Vyāsa, came there recollecting Viṣṇu. All ascetics like Śaunaka , seeing Sūta, master of the meaning of holy texts, coming there, rose and saluted him.
7-9. He, the best among those who know religious practices, also suddenly and devoutly saluted, (after prostrating himself) like a staff on the ground, the sages, the great devotees of Viṣṇu. Surrounded by all the groups of his disciples, the very intelligent one sat among the sages on an excellent seat offered by the best sages. Śaunaka, the best sage, full of modesty and joining the palms of his hands, said these words to him, seated there:
Śaunaka said :
10-12. O Sūta, O revered one, O omniscient great sage, by what means would men have great devotion for Viṣṇu when the Kali age has arrived? In the Kali (age) all men will be engaged in doing sins; will be devoid of Vedic learning. How would they achieve their (spiritual) good? In the Kali (age) man’s life is dependent on food. Similarly people are short-lived. So also they will be poor and troubled by various miseries.
13-16. O brāhmaṇa , whatever good act is told in the holy texts is accomplished with effort. Therefore, men will not at all do acts in the Kali (age). The wicked-hearted ones will, along with members of their families, meet with destruction when good acts have vanished (and) sinful acts have commenced. O best one, O son of Sūta, tell how great religious merit would be possible with very small exertion, little wealth and within a short time. It is decided in the holy texts that he, due to whose advice, men perform (acts of) sin or (of) virtue, would partake of (the fruits of) them.
17-20. The four—givers of good advice, the kind ones, those free from deceitfulness and those opposing the sinful way—are comparable to Viṣṇu. Viṣṇu of the form of knowledge does not look pleasingly at him who, having obtained knowledge in the mundane existence, does not give it to others. That man, delighting others by means of gems of knowledge and (other) gems, should be known as very intelligent and as Viṣṇu having a human form. O best sage, you have mastered the Vedas and the Vedāṅgas . There is no other teacher than you, since you are taught by Vyāsa.
Sūta said :
21-24a. O best sage, you are fortunate. You alone are the chief of Viṣṇu’s devotees, since you always desire the good of the people. O Śaunaka, listen. For the good of all the people, especially for that of Viṣṇu’s devotees, I shall tell you what you desired to hear. Listen to all that (Vyāsa) said when asked by Jaimini . The great sage Jaimini, always engaged in the practice of abstract meditation, bowing his head, saluted Vyāsa.
Jaimini said :
24b-25a. O revered one, O you who know all religious practices, O son of Satyavati , tell me from the beginning by what means salvation would be (obtained) in Kali (age).
Sūta said :
25b. O best sage, hearing the words of Jaimini, Vyāsa, with his mind pleased, commenced the propitious tale:
Vyāsa said :
26a-33a. O Jaimini, O best sage, O very intelligent one, you are fortunate, since you always desire to listen to the story of Viṣṇu. Whosoever has a mind to listen to a good story, would have knowledge; and they look upon knowledge as giving salvation. The creator has in vain made the earth to have a burden by creating him, the sinner, who does not like the story of Viṣṇu. The devotees of Viṣṇu are proud of narrating Viṣṇu’s tale on the earth. O best sage, that day on which the story of Viṣṇu is not heard, is a bad day, and not that day which is covered with clouds. The lord never abandons being present there on whichever portion of the earth the story of Viṣṇu exists (i.e. is narrated). Having cursed the man who brings in an obstacle when the story of Viṣṇu is commenced, the lord, along with deities goes (away).
33b-38. Those men who are delighted on hearing the glory of Viṣṇu, should be known as portions of gods. They, the best ones, should be looked upon as fit to be honoured. Those men who on hearing the story of Viṣṇu, laugh at (it), should be known as portions of demons. They partake of (i.e. live in) hell. O best brāhmaṇa, at that place where Viṣṇu’s story which removes the sinful ailments of the people that listen to it, is (told) everyday, all the holy places like Gaṅgā, the divine sages, deities, sages having penance as their wealth, stay. O sage, listen to this Essence of the Yoga by Works which is very significant and which destroys sins, along with the story of Viṣṇu and Itihāsa .
Complete chapter-aligned witnesses. Sanskrit Wikisource page 45150, revision 336749 (2022-04-27T03:24:17Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365842.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.