Sṛṣṭi-khaṇḍa · Chapter 63
Sourceपुलस्त्य उवाच- एतस्मिन्नंतरे पूर्वं व्यासशिष्यो महामुनिः। नमस्कृत्य गुरुं भीष्म संजयः परिपृच्छति१। देवानां पूजनोपायं क्रमं ब्रूहि सुनिश्चितम्। अग्रे पूज्यतमः कोसौ को मध्यो नित्यपूजने२। अंते च पूजा कस्यैव कस्य को वा प्रभावकः। किंवा कं च फलं ब्रह्मन्पूजयित्वा लभेन्नरः३। व्यास उवाच- गणेशं पूजयेदग्रे त्वविघ्नार्थं परे त्विह। विनायकत्वमाप्नोति यथा गौरीसुतो हि सः४। पार्वत्यजनयत्पूर्वं सुतौ महेश्वरादिमौ। सर्वलोकधरौ शूरौ देवौ स्कंदगणाधिपौ५। तौ च दृष्ट्वा नगसुता सिध्यर्थं पर्यभाषत। इदं तु मोदकं पुत्रौ देवैर्दत्तं मुदान्वितैः६। महाबुद्धीति विख्यातं सुधया परिनिर्मितम्। गुणं चास्य प्रवक्ष्यामि शृणुतं तु समाहितौ७। अस्यैवाघ्राणमात्रेण अमरत्वं लभेद्ध्रुवम्। सर्वशास्त्रार्थतत्त्वज्ञः सर्वशस्त्रास्त्रकोविदः८। निपुणः सर्वतंत्रेषु लेखकश्चित्रकृत्सुधीः। ज्ञानविज्ञानतत्त्वज्ञः सर्वज्ञो नात्र संशयः९। पुत्रौ धर्मादधिकतां प्राप्य सिद्धिशतं व्रजेत्। यस्तस्य वै प्रदास्यामि पितुस्ते संमतं त्विदम्१०। श्रुत्वा मातृमुखादेवं वचः परमकोविदः। स्कंदस्तीर्थं ययौ सद्यः सर्वं त्रिभुवनस्थितं११। बर्हिणं स्वं समारुह्य त्वभिषेकः कृतः क्षणात्। पितरौ प्रदक्षिणं कृत्वा लंबोदरधरस्सुधीः१२। तत एव मुदायुक्तः पित्रोरेवाग्रत स्थितः। पुरतश्च तथा स्कंदो मे देहीति ब्रुवन्स्थितः१३। ततस्तु तौ समीक्ष्याथ पार्वती विस्मिताब्रवीत्। सर्वतीर्थाभिषेकैस्तु सर्वदेवैर्न तैस्तथा१४। सर्वयज्ञव्रतैर्मंत्रैर्योगैरन्यैर्यमैस्तथा। पित्रोरर्चाकृतः कोपि कलां नार्हति षोडशीम्१५। तस्मात्सुतशतादेषोऽधिकः शतगुणैरपि। अतो ददामि हेरम्बे मोदकं देवनिर्मितम्१६। अस्यैव कारणादस्य अग्रे पूजा मखेषु च। वेदशास्त्रस्तवादौ च नित्यं पूजाविधासु च १७। पार्वत्या सह भूतेशो ददौ तस्मै वरं महत्। अस्यैव पूजनादग्रे देवास्तुष्टा भवंतु च१८। सर्वासामपि देवीनां पितॄणां च समंततः। तपो भवतु नित्यं च पूजितेऽग्रे गणेश्वरे१९। ततः सर्वेषु यज्ञेषु पूजयेद्गणपं द्विजः। कोटिकोटिगुणं तेषु देवदेवी वचो यथा२०। दत्वा सर्वगुणं पुण्यं देवदेव्या तथा मुदा। कृतं गणाधिपत्यं च सर्वदेवाग्रतस्तदा२१। तस्मात्प्राज्येषु यज्ञेषु स्तोत्रेषु नित्यपूजने। गणेशं पूजयित्वा तु सर्वसिद्धिं लभेन्नरः२२। एवं ज्ञात्वा तु देवैस्तु दयितप्राप्ति काम्यया। पूजितश्चाथसर्वैस्तु स्वर्गमोक्षार्थतो ध्रुवम्२३। नक्ताहारश्चतुर्थ्यां तु पूजयित्वा गणाधिपं। लिंगे वा प्रतिमा चित्रे देवः पूज्यो भवेद्यदि२४। गणाधिप नमस्तुभ्यं सर्वविघ्नप्रशांतिद। उमानंदप्रद प्राज्ञ त्राहि मां भवसागरात्२५। हरानंदकरध्यान ज्ञानविज्ञानद प्रभो। विघ्नराज नमस्तुभ्यं प्रसन्नो भव सर्वदा२६। कृतोपवासो गणपं पूजयेद्यो नरो मुदा। सर्वपापविनिर्मुक्तः सुरलोके महीयते२७। स्तोत्रं तस्य प्रवक्ष्यामि नामद्वादशकं शुभं। ॐनमो गणपतये मंत्र एष उदाहृतः२८। गणपतिर्विघ्नराजो लंबतुंडो गजाननः। द्वैमातुरश्च हेरम्ब एकदंतो गणाधिपः२९। विनायकश्चारुकर्णः पशुपालो भवात्मजः। द्वादशैतानि नामानि प्रातरुत्थाय यः पठेत्३०। विश्वं तस्य भवेद्वश्यं न च विघ्नं भवेत्क्वचित्। महाप्रेताश्शमं यांति पीड्यते व्याधिभिर्न च। सर्वपापाद्विनिर्मुक्तो ह्यक्षयं स्वर्गमश्नुते३१। इति श्रीपाद्मपुराणे प्रथमे सृष्टिखंडे गणपतिस्तोत्रं नाम। त्रिषष्टितमोऽध्यायः६३।
pulastya uvāca- etasminnaṃtare pūrvaṃ vyāsaśiṣyo mahāmuniḥ| namaskṛtya guruṃ bhīṣma saṃjayaḥ paripṛcchati1| devānāṃ pūjanopāyaṃ kramaṃ brūhi suniścitam| agre pūjyatamaḥ kosau ko madhyo nityapūjane2| aṃte ca pūjā kasyaiva kasya ko vā prabhāvakaḥ| kiṃvā kaṃ ca phalaṃ brahmanpūjayitvā labhennaraḥ3| vyāsa uvāca- gaṇeśaṃ pūjayedagre tvavighnārthaṃ pare tviha| vināyakatvamāpnoti yathā gaurīsuto hi saḥ4| pārvatyajanayatpūrvaṃ sutau maheśvarādimau| sarvalokadharau śūrau devau skaṃdagaṇādhipau5| tau ca dṛṣṭvā nagasutā sidhyarthaṃ paryabhāṣata| idaṃ tu modakaṃ putrau devairdattaṃ mudānvitaiḥ6| mahābuddhīti vikhyātaṃ sudhayā parinirmitam| guṇaṃ cāsya pravakṣyāmi śṛṇutaṃ tu samāhitau7| asyaivāghrāṇamātreṇa amaratvaṃ labheddhruvam| sarvaśāstrārthatattvajñaḥ sarvaśastrāstrakovidaḥ8| nipuṇaḥ sarvataṃtreṣu lekhakaścitrakṛtsudhīḥ| jñānavijñānatattvajñaḥ sarvajño nātra saṃśayaḥ9| putrau dharmādadhikatāṃ prāpya siddhiśataṃ vrajet| yastasya vai pradāsyāmi pituste saṃmataṃ tvidam10| śrutvā mātṛmukhādevaṃ vacaḥ paramakovidaḥ| skaṃdastīrthaṃ yayau sadyaḥ sarvaṃ tribhuvanasthitaṃ11| barhiṇaṃ svaṃ samāruhya tvabhiṣekaḥ kṛtaḥ kṣaṇāt| pitarau pradakṣiṇaṃ kṛtvā laṃbodaradharassudhīḥ12| tata eva mudāyuktaḥ pitrorevāgrata sthitaḥ| purataśca tathā skaṃdo me dehīti bruvansthitaḥ13| tatastu tau samīkṣyātha pārvatī vismitābravīt| sarvatīrthābhiṣekaistu sarvadevairna taistathā14| sarvayajñavratairmaṃtrairyogairanyairyamaistathā| pitrorarcākṛtaḥ kopi kalāṃ nārhati ṣoḍaśīm15| tasmātsutaśatādeṣo'dhikaḥ śataguṇairapi| ato dadāmi herambe modakaṃ devanirmitam16| asyaiva kāraṇādasya agre pūjā makheṣu ca| vedaśāstrastavādau ca nityaṃ pūjāvidhāsu ca 17| pārvatyā saha bhūteśo dadau tasmai varaṃ mahat| asyaiva pūjanādagre devāstuṣṭā bhavaṃtu ca18| sarvāsāmapi devīnāṃ pitṝṇāṃ ca samaṃtataḥ| tapo bhavatu nityaṃ ca pūjite'gre gaṇeśvare19| tataḥ sarveṣu yajñeṣu pūjayedgaṇapaṃ dvijaḥ| koṭikoṭiguṇaṃ teṣu devadevī vaco yathā20| datvā sarvaguṇaṃ puṇyaṃ devadevyā tathā mudā| kṛtaṃ gaṇādhipatyaṃ ca sarvadevāgratastadā21| tasmātprājyeṣu yajñeṣu stotreṣu nityapūjane| gaṇeśaṃ pūjayitvā tu sarvasiddhiṃ labhennaraḥ22| evaṃ jñātvā tu devaistu dayitaprāpti kāmyayā| pūjitaścāthasarvaistu svargamokṣārthato dhruvam23| naktāhāraścaturthyāṃ tu pūjayitvā gaṇādhipaṃ| liṃge vā pratimā citre devaḥ pūjyo bhavedyadi24| gaṇādhipa namastubhyaṃ sarvavighnapraśāṃtida| umānaṃdaprada prājña trāhi māṃ bhavasāgarāt25| harānaṃdakaradhyāna jñānavijñānada prabho| vighnarāja namastubhyaṃ prasanno bhava sarvadā26| kṛtopavāso gaṇapaṃ pūjayedyo naro mudā| sarvapāpavinirmuktaḥ suraloke mahīyate27| stotraṃ tasya pravakṣyāmi nāmadvādaśakaṃ śubhaṃ| oṃnamo gaṇapataye maṃtra eṣa udāhṛtaḥ28| gaṇapatirvighnarājo laṃbatuṃḍo gajānanaḥ| dvaimāturaśca heramba ekadaṃto gaṇādhipaḥ29| vināyakaścārukarṇaḥ paśupālo bhavātmajaḥ| dvādaśaitāni nāmāni prātarutthāya yaḥ paṭhet30| viśvaṃ tasya bhavedvaśyaṃ na ca vighnaṃ bhavetkvacit| mahāpretāśśamaṃ yāṃti pīḍyate vyādhibhirna ca| sarvapāpādvinirmukto hyakṣayaṃ svargamaśnute31| iti śrīpādmapurāṇe prathame sṛṣṭikhaṃḍe gaṇapatistotraṃ nāma| triṣaṣṭitamo'dhyāyaḥ63|
English translation
Pulastya said :
1-3. O Bhīṣma , in the meanwhile, Sañjaya , a great sage and a disciple of Vyāsa , having saluted his preceptor asked him formerly: “(Please) tell (me) the means of worshipping gods and the well-defined order in which they should be worshipped. Which god is most adorable in the beginning? Who should be worshipped in between (the first and the best)? Who should be worshipped last in everyday worship? Whose power is what (i.e. what is the power of each one)? O brāhmaṇa , worshipping whom, what fruit would a man obtain?”
Vyāsa said :
4. For removing obstacles of (one’s way to) the next world, a man should first worship Gaṇeśa in this world. He obtains the status of Vināyaka , since he is the son of Gaurī (i.e. Pārvatī ).
5. Formerly Pārvatī gave birth to these two sons from Śiva , viz. Skanda and Gaṇapati . The two gods sustain all the worlds, and are brave.
6-7. Seeing the two, the daughter of the ( Himālaya ) Mountain (i.e. Pārvatī) said (to them): “O sons, this modaka is given by gods, who were full of joy. It is known as Mahābuddhi (highly intelligent), and is fashioned with nectar. I shall tell about its merit; be attentive and listen.
8-9. Merely by smelling it, a man would certainly obtain immortality. He knows the meaning and essence of all sacred books; he becomes conversant with the use of weapons and missiles; he becomes adept in all sciences; he becomes a writer, a painter; the very intelligent one knows the essence of the knowledge of the Supreme Spirit and worldly knowledge; he becomes ominscient; there is no doubt about this.
10. O sons, being superior to Virtue, he would obtain a hundred accomplishments. This is approved by your father also (to whom) I am handing (you) over.”
11-13. The very wise Skanda, hearing these words from his mother's mouth, instantly visited all the sacred places situated on the earth, after having mounted his peacock; the very intelligent Lambodara (i.e. Gaṇeśa), (however), having bathed in a moment, and after having gone round his parents keeping them to his right, and being delighted, stood before his parents themselves. Like that Skanda also stood before them, saying (to Pārvatī): “Give it (i.e. the modaka) to me.”
14-15. Looking at them, Pārvatī, being amazed, then said: “A man by means of bathing at all sacred places, saluting all gods, performing all (kinds of) sacrifices, (observing) vows, (reciting) sacred hymns, by means of deep and abstract meditation and other restraints, does not get even one-sixteenth of the religious merit of him who has worshipped his parents.
16. Therefore he also is hundred times better than a hundred sons. Therefore, I give Gaṇeśa this modaka made by gods.
17. For this reason only, he will receive worship first in sacrifices, (in recital) of Vedas and sacred texts and hymns of praise, and also in everyday worships (of deities).”
18-19. Along with Pārvatī, Śiva also granted him a great boon: “May the gods be pleased with his worship at the commencement (of a rite etc.). Let the penance (in honour) of all gods and manes everywhere be (commenced) when the lord of Gaṇas (i.e. Gaṇeśa) is worshipped first.”
20. Therefore, a brāhmaṇa should (first) worship Gaṇeśa in all sacrifices; they (i.e. the sacrifices then) have crores and crores (times) religious merit—these are the words of the god (i.e. Śiva) and the goddess (i.e. Pārvatī).
21. Then, the god and the goddess (i.e. Śiva and Pārvatī) gladly gave all their excellence and merit (to Gaṇeśa) and made him the chief of the Gaṇas before all the gods.
22. Therefore by worshipping Gaṇeśa in all big sacrifices, (recital of) hymns of praise and everyday worship, a man would get prosperity.
23. Knowing thus, all the gods worshipped him with a desire to obtain the desired (object) and certainly for (going to) heaven and (obtaining) salvation.
24. (A man would be free from all sins) if he, eating at night (only), would, on the fourth day (of every fortnight), worship god Gaṇeśa’s idol or symbol or picture.
25-26. (He should recite the following hymn:) “O Lord of Gaṇas, O you, who put an end to all difficulties, O you, who give delight to Umā, O you, wise one, my salutation to you. Protect me from the ocean of the mundane existence. O lord, O you who delight Śiva, O you who grant (the power to practise) deep and abstract meditation, you the lord of (i.e. who overcome) obstacles, my salutation to you. Always be pleased with me.”
27. A man, who, having fasted, would joyfully worship Gaṇeśa, becomes free from all sins, and is honoured in heaven.
28. I shall tell you the hymn containing his twelve names (in honour) of him. The mantra is: “Om, salutation to Gaṇapati.”
29-31. He, who, after getting up in the morning recites these twelve names of him, viz. Gaṇapati, Vighnarāja , Lambatuṇḍa, Gajānana , Dvaimatura, Heramba , Ekadanta , Gaṇādhipa , Vināyaka, Cārukarṇa, Paśupāla (and) Bhavātmaja”, would have the entire universe under his control and would never meet with any difficulty. Great evil spirits become calm; he is not troubled by diseases; being free from all sins, he eternally obtains (i.e. lives in) heaven.
Complete chapter-aligned witnesses. Sanskrit Wikisource page 36934, revision 334584 (2022-04-06T08:29:09Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364186.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.