Sṛṣṭi-khaṇḍa · Chapter 78
Sourceवैशम्पायन उवाच- भगवंस्त्वत्प्रसादाच्च श्रुतं मे पावनं व्रतं। अपरं श्रोतुमिच्छामि ब्रध्नस्य च प्रियं च यत्१। व्यास उवाच- कैलासशिखरे रम्ये सुखासीनं महेश्वरं। प्रणम्य शिरसा भूमौ स्कंदो वचनमब्रवीत्२। अर्काङ्गाख्यविधिस्त्वत्तो मयैवं विस्तराच्छ्रुतः। वारादेर्यत्फलं नाथ श्रोतुमिच्छामि तत्त्वतः३। ईश्वर उवाच- रक्तपुष्पै रवेर्वारे त्वर्घ्यं दद्याद्व्रती नरः। नक्ताहारं हविष्यान्नं कृत्वा स्वर्गान्न हीयते४। सप्तम्याश्च सदाचारं सर्वमेवार्कवासरे। कुर्वतः प्रीतिमाप्नोति सगणः परमेश्वरः५। शूरस्य सदृशं याति तिथिवारस्य पालनात्। एकेन गाणपत्यस्य यावत्सूरो नभस्तले६। सर्वकामप्रदं पुण्यमैश्वर्यं रोगनाशनम्। स्वर्गदं मोक्षदं पुण्यं रवेर्वारे व्रतं हितम्७। रविवारेण संक्रांत्या सप्तम्या तद्दिने शिवे। व्रतपूजादिकं चाप्यं सर्वं चाक्षयतां व्रजेत्८। आदित्यवासरे शुभ्रे ग्रहाधिपप्रपूजनम्। प्राणादहतवक्त्रेण निःसार्य मंडले न्यसेत्९। द्विभुजं रक्तपद्मस्थं सुगलं रक्तवाससं। सर्वरक्ताभरणं ध्यात्वा हस्ताभ्यां पुष्पं विधृतसंघ्रायैशान्यां क्षिपेत्१०। आदित्याय विद्महे भास्कराय धीमहि। तन्नो भानुः प्रचोदयात्११। ततो गुरूपदिष्टेन विधिना च विलेपनम्। विलेपनांते सद्धूपं धूपांते च प्रदीपकम्१२। प्रदीपांते च नैवेद्यं ततो वारि निवेदयेत्। ततो जप्यं स्तुतिं मुद्रां नमस्कारं तु कारयेत्१३। अंजलि प्रथमा मुद्रा द्वितीया धेनुका स्मृता। एवं यः पूजयेदर्कं रविसायुज्यमाव्रजेत्१४। मम ब्रह्मवधं घोरं कपालं करलग्नकम्। रवेस्तस्यप्रसादात्तु मुक्तं वाराणसीतटे१५। रवेः परतरं दैवं त्रैलोक्ये तु न विद्यते। यस्य प्रसादतो घोरान्मुक्तोहं गुरुकिल्बिषात्१६। स्कंद उवाच-। श्रुत्वा त्वत्तो गिरं नाथ विस्मयो मेऽभवत्प्रभो। त्वदन्योस्ति न को देवः कथं ब्रह्मवधं त्वयि१७। त्वं च ज्ञानीश्वरो योगी लोके भोक्ताऽक्षरोऽव्ययः। देवानां गुरुरेकस्त्वं व्याप्तरूपी महेश्वरः१८। सर्वज्ञो वरदो नित्यं सर्वेषां प्राणिनां प्रभुः। दुष्कृतं ते कुतो नाथ तथा क्रोधो विशेषतः१९। शिव उवाच- लोकानां च हितार्थाय पृथग्भूता युगे युगे। सर्वं कुर्मो वयं पुत्र ब्रह्मविष्णुमहेश्वराः२०। नास्माकं बंधमोक्षौ च नाकार्यं कार्यमेव वा। तथा लोकस्य रक्षार्थं चरामो विधिपूर्वकम्२१। सर्वं च परमं चैव सर्वविघ्नविनाशनम्। सर्वरोगप्रशमनं सर्वार्थप्रतिसाधकम्२२। एकोसौ बहुधा भूत्वा कालभेदादनिंदितः। मासे मासे तु तपति एको द्वादशतां व्रजेत्२३। मित्रो मार्गशिरे मासि पौषे विष्णुः सनातनः। वरुणो माघमासे तु सूर्यो वै फाल्गुने तथा२४। चैत्रे मासि तपेद्भानुर्वैशाखे तापनः स्मृतः। ज्येष्ठमासे तपेदिंद्र आषाढे तपते रविः२५। गभस्तिः श्रावणे मासि यमो भाद्रपदे तथा। हिरण्यरेताश्वयुजि कार्तिके तु दिवाकरः२६। इत्येते द्वादशादित्या मासि मासि प्रकीर्तिताः। उरुरूपा महातेजा युगांतानलवर्चसः२७। य इदं पठते नित्यं तस्य पापं न विद्यते। न रोगो न च दारिद्र्यं नावमानो भवेत्क्वचित्२८। अक्षयं लभते स्वर्गं सुखं राज्यं यशः क्रमात्। महामंत्रं प्रवक्ष्यामि सर्वप्रीतिकरं परम्२९। ऊँ नमः सहस्रबाहवे आदित्याय नमोनमः। नमस्ते पद्महस्ताय वरुणाय नमोनमः३०। नमस्तिमिरनाशाय श्रीसूर्याय नमोनमः। नमः सहस्रजिह्वाय भानवे च नमोनमः३१। त्वं च ब्रह्मा त्वं च विष्णू रुद्रस्त्वं च नमोनमः। त्वमग्निः सर्वभूतेषु वायुस्त्वं च नमोनमः३२। सर्वगः सर्वभूतेषु नहि किंचित्त्वया विना। चराचरे जगत्यस्मिन्सर्वदेहे व्यवस्थितः३३। इति जप्त्वा लभेत्कामं स्वर्गभोग्यादिकं क्रमात्। आदित्यो भास्करः सूर्यो अर्को भानुर्दिवाकरः३४। सुवर्णरेता मित्रश्च पूषा त्वष्टा च ते दश। स्वयंभूस्तिमिराशश्च द्वादशः परिकीर्तितः३५। नामान्येतानि सूर्यस्य शुचिर्यस्तु पठेन्नरः। सर्वपापाच्च रोगाच्च मुक्तो याति परां गतिम्३६। पुनरन्यत्प्रवक्ष्यामि भास्करस्य महात्मनः। रक्ताख्याये रक्तनिभास्सिंदूरारुणविग्रहाः३७। यानि नामानि मुख्यानि तच्छृणुष्व षडानन। तपनस्तापनश्चैव कर्त्ता हर्त्ता ग्रहेश्वरः३८। लोकसाक्षी त्रिलोकेषु व्योमाधिपो दिवाकरः। अग्निगर्भो महाविप्रः स्वर्गः सप्ताश्ववाहनः३९। पद्महस्तस्तमोभेदी ऋग्वेदो यजुस्सामगः। कालप्रियं पुंडरीकं मूलस्थानं च भावितम्४०। यः स्मरेच्च सदा भक्त्या तस्य रोगभयं कुतः। शृणु कार्तिक यत्नेन सर्वपापहरं शुभम्४१। न संदेहो मनाक्कार्य आदित्यस्य महामते। ऊँ इंद्राय नमः ऊँ विष्णवे नमः४२। एष जप्यश्च होमश्च संध्योपासनमेव च। सर्वशांतिकरश्चैव सर्वविघ्नविनाशनः४३। नाशयेत्सर्वरोगांश्च लूताविस्फोटकादिकान्। कामलादिकरोगांश्च ये रोगाश्चैव दारुणाः४४। एकाहिकं त्र्यहिकं च ज्वरं चातुर्थिकं तथा। कुष्ठं रोगं क्षयं रोगं कुक्षिरोगं ज्वरं तथा४५। अश्मरीमूत्रंकृच्छ्रांश्च नानारोगामयांस्तथा। ये वातप्रभवा रोगा ये रोगा गर्भसंभवाः४६। मर्दयन्तो महारोगा मर्दिता वेदनात्मकाः। विलयं यांति ते सर्व आदित्योच्चारणेन तु४७। रक्ष मां देवदेवेश ग्रहरोगभयेषु च। प्रशमं यांति ते सर्वे कीर्तिते तु दिवाकरे४८। मूलमंत्रं प्रवक्ष्यामि सर्वकामार्थसाधकम्। भुक्तिमुक्तिप्रदं नित्यं भास्करस्य महात्मनः४९। मंत्रश्चायं ॐ ह्रां ह्रीं सः सूर्याय नमः। अनेन मंत्रेण सदा सर्वसिद्धिर्भवेद्ध्रुवं५० 1.78.50। व्याधयो वै न बाधंते न चानिष्टं भयं भवेत्। सूर्यावर्तोदकं यस्तु गृहीत्वा तु क्रमेण तु५१। तस्य प्राशनमात्रेण नरो रोगात्प्रमुच्यते। न दातव्यं न ख्यातव्यं जप्तव्यं च प्रयत्नतः५२। अभक्तेष्वनपत्येषु पाषण्डलौकिकेषु च। कटुतैलसमायुक्तं नस्ये पाने च दापयेत्५३। सूर्यावर्तजलं पुत्र सर्वरोगाद्विमुच्यते। मूलमंत्रस्तु जप्तव्यः संध्यायां होमकर्मसु५४। जप्यमाने तु नश्यंति रोगाः क्रूरग्रहास्तथा। किमन्यैर्बहुभिः शास्त्रैर्मंत्रैर्वा बहुविस्तरैः५५। सर्वशांतिरियं वत्स सर्वार्थप्रतिसाधिका। नास्तिकाय न दातव्या देवब्राह्मणनिंदके५६। गुरुभक्ताय दातव्या नान्येभ्योपि कदाचन। प्रातरुत्थाय यो नित्यं कीर्तयिष्यति मानवः५७। गोघ्नः कृतघ्नकश्चैव मुच्यते सर्वपातकैः। शरीरारोग्यकृच्चैव धनवृद्धियशस्करः५८। जायते नात्र संदेहो यस्य तुष्येद्दिवाकरः। एककालं द्विकालं वा त्रिकालं नित्यमेव च५९। यः पठेद्रविसान्निध्ये सोऽभीष्टं फलमाप्नुयात्। पुत्रार्थी लभते पुत्रं कन्यार्थी कन्यकां लभेत्६०। विद्यार्थी लभते विद्यां धनार्थी लभते धनं। शृणुयात्संयुतो भक्त्या शुद्धाचारसमन्वितः६१। सर्वपापविनिर्मुक्तस्सूर्यलोकं व्रजत्यपि। भास्करस्य व्रते यच्च व्रताचारमखेषु च६२। पुण्यस्थानेषु तीर्थेषु पठेत्कोटिगुणं भवेत्। ग्रहे भोज्येषु पूजायां ब्रह्मभोज्ये द्विजाग्रतः६३। य इदं पठते विप्रस्तस्यानंतफलं भवेत्। तपस्विनां च विप्राणां देवानामग्रतः सुधीः६४। यः पठेत्पाठयेद्वापि सुरलोके महीयते६५। इति श्रीपाद्मपुराणे प्रथमे सृष्टिखंडे सूर्यशांतिर्नामाष्टसप्ततितमोऽध्यायः७८।
vaiśampāyana uvāca- bhagavaṃstvatprasādācca śrutaṃ me pāvanaṃ vrataṃ| aparaṃ śrotumicchāmi bradhnasya ca priyaṃ ca yat1| vyāsa uvāca- kailāsaśikhare ramye sukhāsīnaṃ maheśvaraṃ| praṇamya śirasā bhūmau skaṃdo vacanamabravīt2| arkāṅgākhyavidhistvatto mayaivaṃ vistarācchrutaḥ| vārāderyatphalaṃ nātha śrotumicchāmi tattvataḥ3| īśvara uvāca- raktapuṣpai ravervāre tvarghyaṃ dadyādvratī naraḥ| naktāhāraṃ haviṣyānnaṃ kṛtvā svargānna hīyate4| saptamyāśca sadācāraṃ sarvamevārkavāsare| kurvataḥ prītimāpnoti sagaṇaḥ parameśvaraḥ5| śūrasya sadṛśaṃ yāti tithivārasya pālanāt| ekena gāṇapatyasya yāvatsūro nabhastale6| sarvakāmapradaṃ puṇyamaiśvaryaṃ roganāśanam| svargadaṃ mokṣadaṃ puṇyaṃ ravervāre vrataṃ hitam7| ravivāreṇa saṃkrāṃtyā saptamyā taddine śive| vratapūjādikaṃ cāpyaṃ sarvaṃ cākṣayatāṃ vrajet8| ādityavāsare śubhre grahādhipaprapūjanam| prāṇādahatavaktreṇa niḥsārya maṃḍale nyaset9| dvibhujaṃ raktapadmasthaṃ sugalaṃ raktavāsasaṃ| sarvaraktābharaṇaṃ dhyātvā hastābhyāṃ puṣpaṃ vidhṛtasaṃghrāyaiśānyāṃ kṣipet10| ādityāya vidmahe bhāskarāya dhīmahi| tanno bhānuḥ pracodayāt11| tato gurūpadiṣṭena vidhinā ca vilepanam| vilepanāṃte saddhūpaṃ dhūpāṃte ca pradīpakam12| pradīpāṃte ca naivedyaṃ tato vāri nivedayet| tato japyaṃ stutiṃ mudrāṃ namaskāraṃ tu kārayet13| aṃjali prathamā mudrā dvitīyā dhenukā smṛtā| evaṃ yaḥ pūjayedarkaṃ ravisāyujyamāvrajet14| mama brahmavadhaṃ ghoraṃ kapālaṃ karalagnakam| ravestasyaprasādāttu muktaṃ vārāṇasītaṭe15| raveḥ parataraṃ daivaṃ trailokye tu na vidyate| yasya prasādato ghorānmuktohaṃ gurukilbiṣāt16| skaṃda uvāca-| śrutvā tvatto giraṃ nātha vismayo me'bhavatprabho| tvadanyosti na ko devaḥ kathaṃ brahmavadhaṃ tvayi17| tvaṃ ca jñānīśvaro yogī loke bhoktā'kṣaro'vyayaḥ| devānāṃ gururekastvaṃ vyāptarūpī maheśvaraḥ18| sarvajño varado nityaṃ sarveṣāṃ prāṇināṃ prabhuḥ| duṣkṛtaṃ te kuto nātha tathā krodho viśeṣataḥ19| śiva uvāca- lokānāṃ ca hitārthāya pṛthagbhūtā yuge yuge| sarvaṃ kurmo vayaṃ putra brahmaviṣṇumaheśvarāḥ20| nāsmākaṃ baṃdhamokṣau ca nākāryaṃ kāryameva vā| tathā lokasya rakṣārthaṃ carāmo vidhipūrvakam21| sarvaṃ ca paramaṃ caiva sarvavighnavināśanam| sarvarogapraśamanaṃ sarvārthapratisādhakam22| ekosau bahudhā bhūtvā kālabhedādaniṃditaḥ| māse māse tu tapati eko dvādaśatāṃ vrajet23| mitro mārgaśire māsi pauṣe viṣṇuḥ sanātanaḥ| varuṇo māghamāse tu sūryo vai phālgune tathā24| caitre māsi tapedbhānurvaiśākhe tāpanaḥ smṛtaḥ| jyeṣṭhamāse tapediṃdra āṣāḍhe tapate raviḥ25| gabhastiḥ śrāvaṇe māsi yamo bhādrapade tathā| hiraṇyaretāśvayuji kārtike tu divākaraḥ26| ityete dvādaśādityā māsi māsi prakīrtitāḥ| ururūpā mahātejā yugāṃtānalavarcasaḥ27| ya idaṃ paṭhate nityaṃ tasya pāpaṃ na vidyate| na rogo na ca dāridryaṃ nāvamāno bhavetkvacit28| akṣayaṃ labhate svargaṃ sukhaṃ rājyaṃ yaśaḥ kramāt| mahāmaṃtraṃ pravakṣyāmi sarvaprītikaraṃ param29| ū~ namaḥ sahasrabāhave ādityāya namonamaḥ| namaste padmahastāya varuṇāya namonamaḥ30| namastimiranāśāya śrīsūryāya namonamaḥ| namaḥ sahasrajihvāya bhānave ca namonamaḥ31| tvaṃ ca brahmā tvaṃ ca viṣṇū rudrastvaṃ ca namonamaḥ| tvamagniḥ sarvabhūteṣu vāyustvaṃ ca namonamaḥ32| sarvagaḥ sarvabhūteṣu nahi kiṃcittvayā vinā| carācare jagatyasminsarvadehe vyavasthitaḥ33| iti japtvā labhetkāmaṃ svargabhogyādikaṃ kramāt| ādityo bhāskaraḥ sūryo arko bhānurdivākaraḥ34| suvarṇaretā mitraśca pūṣā tvaṣṭā ca te daśa| svayaṃbhūstimirāśaśca dvādaśaḥ parikīrtitaḥ35| nāmānyetāni sūryasya śuciryastu paṭhennaraḥ| sarvapāpācca rogācca mukto yāti parāṃ gatim36| punaranyatpravakṣyāmi bhāskarasya mahātmanaḥ| raktākhyāye raktanibhāssiṃdūrāruṇavigrahāḥ37| yāni nāmāni mukhyāni tacchṛṇuṣva ṣaḍānana| tapanastāpanaścaiva karttā harttā graheśvaraḥ38| lokasākṣī trilokeṣu vyomādhipo divākaraḥ| agnigarbho mahāvipraḥ svargaḥ saptāśvavāhanaḥ39| padmahastastamobhedī ṛgvedo yajussāmagaḥ| kālapriyaṃ puṃḍarīkaṃ mūlasthānaṃ ca bhāvitam40| yaḥ smarecca sadā bhaktyā tasya rogabhayaṃ kutaḥ| śṛṇu kārtika yatnena sarvapāpaharaṃ śubham41| na saṃdeho manākkārya ādityasya mahāmate| ū~ iṃdrāya namaḥ ū~ viṣṇave namaḥ42| eṣa japyaśca homaśca saṃdhyopāsanameva ca| sarvaśāṃtikaraścaiva sarvavighnavināśanaḥ43| nāśayetsarvarogāṃśca lūtāvisphoṭakādikān| kāmalādikarogāṃśca ye rogāścaiva dāruṇāḥ44| ekāhikaṃ tryahikaṃ ca jvaraṃ cāturthikaṃ tathā| kuṣṭhaṃ rogaṃ kṣayaṃ rogaṃ kukṣirogaṃ jvaraṃ tathā45| aśmarīmūtraṃkṛcchrāṃśca nānārogāmayāṃstathā| ye vātaprabhavā rogā ye rogā garbhasaṃbhavāḥ46| mardayanto mahārogā marditā vedanātmakāḥ| vilayaṃ yāṃti te sarva ādityoccāraṇena tu47| rakṣa māṃ devadeveśa graharogabhayeṣu ca| praśamaṃ yāṃti te sarve kīrtite tu divākare48| mūlamaṃtraṃ pravakṣyāmi sarvakāmārthasādhakam| bhuktimuktipradaṃ nityaṃ bhāskarasya mahātmanaḥ49| maṃtraścāyaṃ oṃ hrāṃ hrīṃ saḥ sūryāya namaḥ| anena maṃtreṇa sadā sarvasiddhirbhaveddhruvaṃ50 1.78.50| vyādhayo vai na bādhaṃte na cāniṣṭaṃ bhayaṃ bhavet| sūryāvartodakaṃ yastu gṛhītvā tu krameṇa tu51| tasya prāśanamātreṇa naro rogātpramucyate| na dātavyaṃ na khyātavyaṃ japtavyaṃ ca prayatnataḥ52| abhakteṣvanapatyeṣu pāṣaṇḍalaukikeṣu ca| kaṭutailasamāyuktaṃ nasye pāne ca dāpayet53| sūryāvartajalaṃ putra sarvarogādvimucyate| mūlamaṃtrastu japtavyaḥ saṃdhyāyāṃ homakarmasu54| japyamāne tu naśyaṃti rogāḥ krūragrahāstathā| kimanyairbahubhiḥ śāstrairmaṃtrairvā bahuvistaraiḥ55| sarvaśāṃtiriyaṃ vatsa sarvārthapratisādhikā| nāstikāya na dātavyā devabrāhmaṇaniṃdake56| gurubhaktāya dātavyā nānyebhyopi kadācana| prātarutthāya yo nityaṃ kīrtayiṣyati mānavaḥ57| goghnaḥ kṛtaghnakaścaiva mucyate sarvapātakaiḥ| śarīrārogyakṛccaiva dhanavṛddhiyaśaskaraḥ58| jāyate nātra saṃdeho yasya tuṣyeddivākaraḥ| ekakālaṃ dvikālaṃ vā trikālaṃ nityameva ca59| yaḥ paṭhedravisānnidhye so'bhīṣṭaṃ phalamāpnuyāt| putrārthī labhate putraṃ kanyārthī kanyakāṃ labhet60| vidyārthī labhate vidyāṃ dhanārthī labhate dhanaṃ| śṛṇuyātsaṃyuto bhaktyā śuddhācārasamanvitaḥ61| sarvapāpavinirmuktassūryalokaṃ vrajatyapi| bhāskarasya vrate yacca vratācāramakheṣu ca62| puṇyasthāneṣu tīrtheṣu paṭhetkoṭiguṇaṃ bhavet| grahe bhojyeṣu pūjāyāṃ brahmabhojye dvijāgrataḥ63| ya idaṃ paṭhate viprastasyānaṃtaphalaṃ bhavet| tapasvināṃ ca viprāṇāṃ devānāmagrataḥ sudhīḥ64| yaḥ paṭhetpāṭhayedvāpi suraloke mahīyate65| iti śrīpādmapurāṇe prathame sṛṣṭikhaṃḍe sūryaśāṃtirnāmāṣṭasaptatitamo'dhyāyaḥ78|
English translation
Vaiśampāyana said :
1. O revered sir, through your favour I have heard the purifying vow. I desire to hear another (vow) which is dear to the Sun ( bradhna ).
Vyāsa said :
2. Skanda , saluting, with his head touching the ground, Śiva , seated comfortably on the Kailāsa -peak, said these words:
3. “I have heard in detail from you the vow called ‘Arkāṅga’. O lord, I (now) desire to hear correctly about the fruit of the day etc.”
The lord said :
4. A man who observes (this) vow should offer a respectful oblation with red flowers on Sunday. By eating only at night food fit to be eaten during days of fast, he is not deprived of heaven.
5. The highest lord, along with his attendants, is pleased with him, who performs all auspicious rites on the seventh day (which falls) on a Sunday only.
6. (Even) by observing the vow once on the seventh day (falling) on a Sunday, he gets the status of a brave man, as long as the Sun ( sūra ) is (i.e. shines) in the sky.
7. The vow performed on the seventh day (falling) on a Sunday satisfies all desires, is auspicious, (gives) prosperity, destroys diseases, gives (i.e. takes one to) heaven and salvation and is beneficial.
8. On the auspicious seventh day with (i.e. falling on) a Sunday and Saṃkrānti day, all the worship or vow would become inexhaustible.
9. On a bright Sunday (a man should) worship the chief of planets. He should keep him (i.e. draw his figure) in a circle with an unwashed point, setting it out with energy.
10. Having meditated upon him, having two arms, seated on a red lotus, of a charming neck, dressed in red garments, adorned with red ornaments, he should drop in the northeastern direction the flower held in both his hands, after having smelt it.
11. (He should recite the sacred hymn:) ‘We make an offering to Āditya ; we meditate upon Bhāskara . May Bhānu impel us.’
12-13. Then he should do the anointment according to the rite told by his preceptor. At the end of (i.e. after) anointment, (he should present) incense; after the incense (he should present) the lamp; after the lamp (he should make) an offering of eatables; then he should present water. Then he should mutter sacred hymns, do mudrās , [1] and salute (the deity).
14. The first mudrā is añjali , the other one is known as dhenukā . He who would worship the Sun ( ravi ) would be absorbed into the Sun.
15. Due to the favour of that Sun, the ( Brahmā ’s) skull clinging to my hand and the (sin due to) the murder of Brahman dropped on the bank (of the Ganges ) at Vārāṇasī .
16. There is no greater deity than the Sun in the three worlds. Due to his favour I was absolved of the terrible sin.
Skanda said :
17. O lord, having heard (these) words from you I am amazed. There is no other deity like you. How (did you commit the sin of) the murder of Brahman?
18. (For) you are the chief among the wise; you are given to abstract meditation; you are the enjoyer, the imperishable and the immutable one. You alone are great among the gods; you have filled (every) form, and are a great deity.
19. You are omniscient, the giver of boons and the lord of all beings. How then, O lord, is there the possibility of a bad act and especially of anger in your case?
Śiva said :
20. O son, we, Brahma , Viṣṇu and Śiva, getting separated in each yuga for the well-being of the worlds, do everything.
21. We have neither bondage nor salvation; we have nothing which ought to be done or which ought not to be done. But, for the protection of the worlds we move according to rules.
22. Every (form of ours) is great, removes obstacles and diseases, and accomplishes all objects.
23. This uncensured Sun, though one, divided himself into many (forms) due to difference in time. He shines month by month; and being one becomes (i.e. divides himself into) twelve (forms).
24-26. He is Mitra in the month of Mārgaśīrṣa . He is eternal Viṣṇu in the month of Pauṣa . He is Varuṇa in the month of Māgha ; and he is Sūrya in the month of Phālguna . He would shine as Bhānu in the month of Caitra . He is called Tapana in Vaiśākha . He would shine as Indra in the month of Jyeṣṭha . He shines as Ravi in Āṣāḍha . He is Gabhasti in the month of Śrāvaṇa ; similarly he is Yama in Bhādrapada . He is Hiraṇyaretas in Āśvina , and Divākara in Kārtika .
27. These are the twelve Ādityas said (to shine) in each month. They are of large forms, of great lustre and have the brilliance of the fire at the time of the end of the world.
28. He who recites this everyday, incurs no sin, nor does he contract any disease; he does not suffer from poverty, nor from insult.
29. He obtains (i.e. lives in) heaven eternally; he gets, one by one, pleasures of heaven, kingdom and fame. I shall (now) tell the great sacred hymn, causing all happiness:
30-33. ‘Om, (my) salutation to Āditya, having a thousand arms. (My) salutation to you, having lotus-like hands. (My) repeated salutation to Varuṇa. (My) salutation to Timiranāśa (i.e. the dispeller of darkness); (my) repeated salutations to Śrīsūrya. (My) salutation to Sahasrajihva (i.e. having a hundred tongues); (my) repeated salutation to Bhānu. You are Brahma; you are Viṣṇu; you are Rudra . Salutation to you. You are the fire and the wind in all beings. Salutation to you. You are present in all beings. In this world of mobile and immobile there is nothing (that exists) without you. You are settled in all bodies.’
34-35. Repeating like this, he would obtain (i.e. satisfy), one by one, his desires like that for heavenly pleasures etc. Āditya, Bhāskara, Sūrya, Arka , Bhanu , Divākara, Suvarṇaretas, Mitra, Pūṣan and Tvaṣṭṛ —(these are) your ten (names). (The eleventh is) Svayambhū and the twelfth is said to be Timirāśa.
36. A man, who, after having purified himself, repeats these (twelve) names of the Sun, becomes free from all sins and diseases and gets the highest position.
37. I shall again tell (you something) else about the magnanimous Bhāskara, viz. the bodies called red, resembling blood (i.e. red), and like red led and tawny.
38-4la. O Skanda, listen to the principal names (of the Sun): Tapana, Tāpana , and Kartā , Hartā and Graheśvara; he is Lokasākṣī (i.e. observing the people in all the three worlds), Vyomādhipa (lord of the sky), Divākara, Agnigarbha , Mahāvipra, Svarga , Saptāśvavāhana, Padmahasta , Tamobhedī, Ṛgveda , Yajus and Sāmaga . For him who would always devoutly remember Kālapriya , Puṇḍarīka , Mūlasthāna (the original place), sanctified by meditation, wherefrom can there be fear from disease?
4lb-42a. O Skanda, listen carefully to (the sacred hymn) which removes sin and is auspicious. O you highly intelligent one, do not have the slightest doubt about Āditya.
42b-43. ‘Om, salutation to Indra, salutation to Viṣṇu.’ This should be repeated; a rite should be performed and so also the (three daily) prayers. This prayer pacifies everything, and removes all obstacles.
44. It would destroy all diseases like boils, small-pox etc., also jaundice etc., and those diseases which are terrible.
45-47. So also fever lasting for one day, three days or four days; so also leprosy, consumption, colic, and fever; so also stone in the bladder, strangury; so also (similar) other diseases. All those diseases like gout or diseases of the womb, so also great, serious, painful and tormenting diseases, disappear by the uttering of (the name of) Āditya.
48. ‘O lord of gods, protect me from the diseases and fears due to the planets.’ When (the names of) the Sun (are) recited all of them disappear.
49. I shall tell (you) the original sacred hymn of the magnanimous Sun, which fulfils all desires, which always gives enjoyments and salvation.
50. The sacred hymn is (like) this: ‘Om Hrām, Hrīm, my salutation to the Sun.’ Due to this sacred hymn, everything would certainly be obtained.
51-52a. Diseases never afflict him, nor would any undesirable (thing) come to him. A man, who takes the water from the sun-flower, gradually gets free from the disease by merely drinking it.
52b-53. (The sacred hymn) should not be given or told to those who are not devotees, who have no children or to the heretics and should be carefully recited. O son, the water from the sun-flower should be mixed with bitter oil and given for being smelt or for drinking.
54. (The man who uses it) is free from all diseases; and the original sacred hymn should be recited at the time of the daily prayer and at rites.
55. When it is recited, diseases and cruel planets perish (i.e. are ineffective). What is the use of many other sacred texts or very lengthy sacred hymns?
56. O child, this (hymn) is all-pacifying and brings about all (desired) objects. It should not be given to an atheist, nor to one who censures gods and brāhmaṇas .
57-58. It should be given to him who is devoted to his preceptor; but should never be given to others. A man who, getting up in the morning, recites this, is free from all sins (even though) he has killed a cow or he is ungrateful. He, who would please the Sun, becomes one having good health, wealth, prosperity and success.
59-61a. There is no doubt about this. He, who would recite this hymn. once, twice or thrice everyday in the presence of (i.e. by attending upon) the Sun, would obtain the desired fruit. One desiring a daughter gets a daughter, one desiring knowledge gets it, and one desiring wealth gets wealth.
61b-63a. He who, of a pure conduct, would devoutly listen to it, is free from all sins and even goes to the Sun’s heaven. If one would recite this sacred hymn at the time of the vow in honour of the Sun, or at the time of observing other vows and sacrifices, at auspicious and sacred places, it would be a crore times fruitful.
63b-65. To a brāhmaṇa who recites this ṃ the presence of brāhmaṇas at the time of appeasing a planet, or at the time of meals or worship or meals served to brāhmaṇas, would have endless fruit. He, the very intelligent one, who recites or causes it to be recited in front of ascetics, brāhmaṇas or deities, is honoured in heaven.
[1]: [1] : Mudrā—Name of certain positions of the fingers practised in devotion or religious worship.
Complete chapter-aligned witnesses. Sanskrit Wikisource page 45231, revision 334626 (2022-04-06T19:49:38Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364201.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.