Uttara-khaṇḍa · Chapter 70
Sourceनारद उवाच- देवदेव जगन्नाथ भुक्तिमुक्तिप्रदायक । कथयस्व सुरश्रेष्ठ येन दुःखं न पश्यति १। महेश उवाच- शृणु वाडव वक्ष्यामि त्रिरात्रं सरितः शुभम् । येन चीर्णेन नरको मानवानां न जायते २। आयुरारोग्यमतुलं सौभाग्यं सुखसंपदम् । संतानं चाक्षयं प्राप्य स्वर्गलोके महीयते ३। आषाढमासि संप्राप्ते नदीपूरेण संयुता । सततं तोयसंस्थाने पुराणे सा च विश्रुता ४। वर्षर्तौ घनसंपूर्णे कर्तव्या सा व्रतेन वा । तोयोघैः परिपूर्णा सा सकलैः स्यान्नदी यदा ५। व्रतं त्रिरात्रमुद्दिश्य तदा कार्यं प्रयत्नतः । कृतं प्रतिपदा छंदः दर्शनं तु दिनत्रयम् ६। यथाप्राप्तं नदीपूरं स्त्रीभिस्तीरजलस्य तु । अथवा तज्जलं कुंभे कृष्णे कृत्वा गृहं नयेत् ७। प्रातःस्नायी तथा नद्यां गत्वा अभ्यर्चयेत्सुधीः । त्रिरात्रस्योपवासस्य यथाशक्तो भवेद्दिवज ८। अशक्तश्चैकभक्तेन कुर्याच्चैवाप्युपोषणम् । दीपं दद्यादविछिन्नं प्रातःसायं च पूजनम् ९। महानदीं समुच्चार्य नाम्ना च वरुणं तथा । जलमूले तु संस्थाप्य केशवं जलशायिनम् १०। नमो देव्यै च गंगेति गौतमीति नदीति च । सिंधो चैव च कावेरि सरस्वति नमोऽस्तु ते ११। तापी पयोष्णी पूर्णेति महेंद्रसुखदेति च । काश्यपी गंडकी चैव सिंधुनद्यै नमोनमः १२। वरुणाय नमस्तेऽस्तु जलवासहरिप्रिय । यादोनाथ रसेशान कल्याणं देहि मे सदा १३। गृहाणार्घं मया दत्तं देहि मे वांछितं फलम् । कूष्मांडैर्नालिकेरैश्च फलैः कालोद्भवैः शुभैः १४। नैवेद्यं घृतपक्वं तु सरितः संप्रकल्पयेत् । नमस्ते केशवानंत जलशायिन्नमोऽस्तु ते १५। परिपालय मामीश गोविंदवरदो भव । एवं पूजा प्रकर्तव्या यथाकालं क्रमेण तु १६। प्रार्थना चोपचारैस्तु त्रिरात्रनियमः शुचिः । पारणेन तु संपूज्य जलपात्रं समाचरेत् १७। फलपुष्पैस्तथा विद्वन्स्त्रीभिर्बालैर्नरैरपि । गीतवादित्रसहितैर्नदी कुंभ परिप्लुतैः १८। जलेजले समास्थाप्य फलपुष्पैः प्रपूजयेत् । धान्यैर्नानाविधैश्चैव जलप्रक्षेपणैरपि १९। हास्यैर्गीतैश्च नृत्यैश्च गृहमागत्य यत्नतः । सप्तधान्यैः पूरितानि वंशपात्राणि पूजयेत् २०। सप्त वा पंच वा त्रीणि यथाशक्त्या प्रपूरयेत् । त्रिरात्रं च नदीतोयं न पिबेद्धितमुल्लसन् २१। पारणे तु हविष्यान्नं हृतं वा ह्यन्यथा भवेत् । कृते स्नानार्चने चैव नोपयोज्यं नदीजलम् २२। शुच्यन्नानि च भोज्यानि दापयत्त्रितयं तथा । सप्तैव वंशपात्राणि सप्त वै मणिकास्तथा २३। हविष्यान्नं च भुंजीत कट्वम्लमधुवर्जितम् । माषान्नं च शिलापिष्टं यत्नेन परिवर्जयेत् २४। एवं वर्षत्रयं कुर्याद्व्रतमेतद्दिवजोत्तम । वर्षत्रये समाप्यैवं तस्योद्यापनमाचरेत् २५। कृष्णां गां कृष्णवस्त्रां च तिलान्दद्याच्च नारद । दंपती परिदाप्यैवं सुवर्णं चापि शक्तितः २६। हैमं च वरुणं कुर्यान्नदीरूपेण नारद । मंडलं वारुणं चैव सर्वतोभद्रमेव च २७। कुंभं तत्र प्रतिष्ठाप्य सोपहारं प्रतिष्ठितम् । संपूज्य विधिवद्भक्त्या ततो विप्राय दापयेत् २८। ब्राह्मणान्भोजयेच्छक्त्या यथावित्तानुसारतः । गुरवेर्चितशीलाय सर्वशास्त्ररताय च २९। एवं कृते तदा विद्वन्परिपूर्णं व्रतं भवेत् । सौभाग्यसुखसंपत्तिः संततिश्चाक्षया भवेत् ३०। न दुर्गतिमवाप्नोति चिरं स्वर्गे महीयते । देवपत्नीभिराचीर्णमृषिपत्नीभिरेव च ३१। नागसिद्धांगनाभिश्च व्रतमेतत्पुरा कृतम् । नदीत्रिरात्रमतुलं किमन्यच्छ्रोतुमिच्छसि । सौभाग्यं संततिं चैव निश्चयं प्राप्नुते सदा ३२। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमापतिनारदसंवादे नदीत्रिरात्रव्रतं नाम सप्ततितमोऽध्यायः ७०।
nārada uvāca- devadeva jagannātha bhuktimuktipradāyaka | kathayasva suraśreṣṭha yena duḥkhaṃ na paśyati 1| maheśa uvāca- śṛṇu vāḍava vakṣyāmi trirātraṃ saritaḥ śubham | yena cīrṇena narako mānavānāṃ na jāyate 2| āyurārogyamatulaṃ saubhāgyaṃ sukhasaṃpadam | saṃtānaṃ cākṣayaṃ prāpya svargaloke mahīyate 3| āṣāḍhamāsi saṃprāpte nadīpūreṇa saṃyutā | satataṃ toyasaṃsthāne purāṇe sā ca viśrutā 4| varṣartau ghanasaṃpūrṇe kartavyā sā vratena vā | toyoghaiḥ paripūrṇā sā sakalaiḥ syānnadī yadā 5| vrataṃ trirātramuddiśya tadā kāryaṃ prayatnataḥ | kṛtaṃ pratipadā chaṃdaḥ darśanaṃ tu dinatrayam 6| yathāprāptaṃ nadīpūraṃ strībhistīrajalasya tu | athavā tajjalaṃ kuṃbhe kṛṣṇe kṛtvā gṛhaṃ nayet 7| prātaḥsnāyī tathā nadyāṃ gatvā abhyarcayetsudhīḥ | trirātrasyopavāsasya yathāśakto bhaveddivaja 8| aśaktaścaikabhaktena kuryāccaivāpyupoṣaṇam | dīpaṃ dadyādavichinnaṃ prātaḥsāyaṃ ca pūjanam 9| mahānadīṃ samuccārya nāmnā ca varuṇaṃ tathā | jalamūle tu saṃsthāpya keśavaṃ jalaśāyinam 10| namo devyai ca gaṃgeti gautamīti nadīti ca | siṃdho caiva ca kāveri sarasvati namo'stu te 11| tāpī payoṣṇī pūrṇeti maheṃdrasukhadeti ca | kāśyapī gaṃḍakī caiva siṃdhunadyai namonamaḥ 12| varuṇāya namaste'stu jalavāsaharipriya | yādonātha raseśāna kalyāṇaṃ dehi me sadā 13| gṛhāṇārghaṃ mayā dattaṃ dehi me vāṃchitaṃ phalam | kūṣmāṃḍairnālikeraiśca phalaiḥ kālodbhavaiḥ śubhaiḥ 14| naivedyaṃ ghṛtapakvaṃ tu saritaḥ saṃprakalpayet | namaste keśavānaṃta jalaśāyinnamo'stu te 15| paripālaya māmīśa goviṃdavarado bhava | evaṃ pūjā prakartavyā yathākālaṃ krameṇa tu 16| prārthanā copacāraistu trirātraniyamaḥ śuciḥ | pāraṇena tu saṃpūjya jalapātraṃ samācaret 17| phalapuṣpaistathā vidvanstrībhirbālairnarairapi | gītavāditrasahitairnadī kuṃbha pariplutaiḥ 18| jalejale samāsthāpya phalapuṣpaiḥ prapūjayet | dhānyairnānāvidhaiścaiva jalaprakṣepaṇairapi 19| hāsyairgītaiśca nṛtyaiśca gṛhamāgatya yatnataḥ | saptadhānyaiḥ pūritāni vaṃśapātrāṇi pūjayet 20| sapta vā paṃca vā trīṇi yathāśaktyā prapūrayet | trirātraṃ ca nadītoyaṃ na pibeddhitamullasan 21| pāraṇe tu haviṣyānnaṃ hṛtaṃ vā hyanyathā bhavet | kṛte snānārcane caiva nopayojyaṃ nadījalam 22| śucyannāni ca bhojyāni dāpayattritayaṃ tathā | saptaiva vaṃśapātrāṇi sapta vai maṇikāstathā 23| haviṣyānnaṃ ca bhuṃjīta kaṭvamlamadhuvarjitam | māṣānnaṃ ca śilāpiṣṭaṃ yatnena parivarjayet 24| evaṃ varṣatrayaṃ kuryādvratametaddivajottama | varṣatraye samāpyaivaṃ tasyodyāpanamācaret 25| kṛṣṇāṃ gāṃ kṛṣṇavastrāṃ ca tilāndadyācca nārada | daṃpatī paridāpyaivaṃ suvarṇaṃ cāpi śaktitaḥ 26| haimaṃ ca varuṇaṃ kuryānnadīrūpeṇa nārada | maṃḍalaṃ vāruṇaṃ caiva sarvatobhadrameva ca 27| kuṃbhaṃ tatra pratiṣṭhāpya sopahāraṃ pratiṣṭhitam | saṃpūjya vidhivadbhaktyā tato viprāya dāpayet 28| brāhmaṇānbhojayecchaktyā yathāvittānusārataḥ | guravercitaśīlāya sarvaśāstraratāya ca 29| evaṃ kṛte tadā vidvanparipūrṇaṃ vrataṃ bhavet | saubhāgyasukhasaṃpattiḥ saṃtatiścākṣayā bhavet 30| na durgatimavāpnoti ciraṃ svarge mahīyate | devapatnībhirācīrṇamṛṣipatnībhireva ca 31| nāgasiddhāṃganābhiśca vratametatpurā kṛtam | nadītrirātramatulaṃ kimanyacchrotumicchasi | saubhāgyaṃ saṃtatiṃ caiva niścayaṃ prāpnute sadā 32| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde nadītrirātravrataṃ nāma saptatitamo'dhyāyaḥ 70|
English translation
Nārada said :
1. O lord of gods, O lord of the Universe, O you who give pleasures and salvation, O you greatest god, tell me (that) due to which (a man) does not experience grief.
Maheśa said :
2-10. Listen, O brāhmaṇa , I shall tell you the vow of the river observed for three nights, having observed which, men do not go to hell. A man, having obtained (long) life, (good) health, matchless good fortune, happiness and wealth, so also inexhaustible (i.e. continuous) progeny, is honoured in heaven. When the month of Āṣāḍha comes the river is full of water. She is well-known in the Purāṇa to be constantly full of water. In the rainy season, when (the sky) is full of clouds, she should be (served) with a vow. When the river is full with all (kinds of) water, the vow intended for three nights should be carefully observed. As is liked by one 1 , one should see her for three days. On the bank of a water place, when the river is flooded (he should bathe); or should carry home that water in a black pitcher. O brāhmaṇa, a wise man, having gone to the river in the morning, should bathe there, if he is able to fast for three nights. If he is unable (to fast), he should fast by eating once a day. He should offer lamp regularly, and worship ( Viṣṇu ) in the morning and evening. Uttering the name of the great river and ofVaruṇa, and placing (mentally) Viṣṇu, lying in water,
11-25. (he should say:) “Salutation to the deity, O Gaṅgā , O Gautamī ; O river, O Sindhu , Kāverī , Sarasvatī , Salutation to you. Repeated salutations to Tāpī , Payoṣṇī , Pūrṇā , Mehendrasukhadā [Māhendrasukhadā?] (delighting Indra ), Kāśyapī , Gaṇḍakī and to river Sindhu. Salutation to (you), O Varuṇa , living in water and dear to Viṣṇu. O lord of the aquatic animals, O lord of water, always grant me well-being. Accept the respectful offering made by me. Give me the desired fruit.” He should also make offering of food with pumpkin gourds, coconuts, and other auspicious fruits produced in the season. (He should say:) “Salutation to you, O Keśava , O Ananta . Salutation to you lying in water. O lord, protect me. O Govinda , grant me a boon.” Thus he should, in proper order, and at proper time, worship (the deity). He being pure, and having observed the three-night vow, should break the fast after worshipping the deity and should use a vessel full of water, with fruits, flowers. O learned one, he should, along with women, children and men, with songs, musical instruments and pitchers full of river (water) and placing it at every watery place worship it with fruits and flowers. [1] So also with various kinds of grains and sprinklings of water. Having carefully come home laughing, singing and dancing, he should worship bamboo-baskets filled with seven (kinds of) grains. According to his capacity he should fill seven, five or three (baskets). Desiring his well-being, he should not drink river water for three nights. At the time of breaking the fast food to be eaten during certain holidays or days of fast should be procured. After bath is taken or worship is done the water of the river should not be used. Give pure food and eatables in three groups. So also (give) seven bamboo-baskets and seven water-pitchers also. He should eat food eaten on days of fast and without acrid or sweet taste. He should carefully avoid food with beans and ground with stone. O best brāhmaṇa, thus the vow should be observed for three years. When the three years are over, he should conclude it in this way:
26-32. O Nārada , he should give a (brāhmaṇa) couple a black cow, with a black (piece of) cloth and sesamum-seeds. Having thus given (these) to a (brāhmaṇa) couple he should also give gold (to the couple) according to his capacity. O Nārada, he should fashion golden image of Varuṇa, as the form of a river, and a fully auspicious circle (in honour) of Varuṇa. He should place there a pitcher along with presents. Having worshipped it that is placed there, he should duly and devoutly worship it and then give it to a brāhmaṇa. He should in accordance with his wealth and capacity feed the brāhmaṇas , so also his preceptor who is of respectable character and who is engaged in (the study of) all sacred texts. When this is done, the vow would be complete, O learned one. He would have unending good fortune, happiness, wealth and children. He never meets with a calamity, and is, for a long time, honoured in heaven. This (vow) was observed by wives of gods and of sages also. Formerly, the nāga -women and siddha -women had observed this vow. This vow of the Nadī -trirātra is matchless. What else do you wish to hear? He certainly always obtains good fortune and children.
[1]: [1] : The reading is obscure.
Complete chapter-aligned witnesses. Sanskrit Wikisource page 44642, revision 336466 (2022-04-22T22:37:29Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365647.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.