Bhūmi-khaṇḍa · Chapter 93
Sourceकुंजल उवाच- किं विज्वल त्वया दृष्टमपूर्वं भ्रमता महीम् । आश्चर्येण समायुक्तं तन्मे कथय सुव्रत १। इतः प्रयासि कं देशमाहारार्थं तु सोद्यमी । यद्य दृष्टं त्वया चित्रं समाख्याहि सुतोत्तम २। विज्वल उवाच- अस्ति मेरुगिरेः पृष्ठे आनंदं नाम काननम् । दिव्यवृक्षैः समाकीर्णंफ लपुष्पमयैः सदा ३। देववृंदैः समाकीर्णं मुनिसिद्धसमन्वितम् । अप्सरोभिः सुरूपाभिर्गंधर्वैः किन्नरोरगैः ४। वापीकूपतडागैश्च नदीप्रस्रवणैस्तथा । आनंदकाननं पुण्यं दिव्यभावैः प्रभासते ५। विमानैः कोटिसंख्याभिर्हंसकुंदेंदुसन्निभैः । गीतकोलाहलैः रम्यैर्मेघध्वनिनिनादितम् ६। षट्पदानां निनादेन सर्वत्र मधुरायते । चंदनैश्चूतवृक्षैश्च चंपकैः पुष्पितैर्वृतम् ७। नानावृक्षैः प्रभात्येवमानंदवनमुत्तमम् । नानापक्षिनिनादेन बहुकोलाहलान्वितम् ८। एवमानंदनं दृष्टं मया तत्र सुशोभनम् । विमलं च सरस्तात शोभते सागरोपमम् ९। संपूर्णं पुण्यतोयेन पद्मसौगंधिकैः शुभैः । जलजैस्तु समाकीर्णं हंसकारंडवान्वितम् १०। एवमासीत्सरस्तस्य सुमध्ये काननस्य हि । देवगंधर्वसंबाधैर्मुनिवृंदैरलंकृतम् ११। किंनरोरगगंधर्वैश्चारणैश्च सुशोभते । तत्राश्चर्यं मया दृष्टं वक्तुं तात न शक्यते १२। विमानेनापि दिव्येन कलशैरुपशोभते । छत्रदंडपताकाभीराजमानेन सत्तम १३। सर्वभोगाविलेनापि गीयमानेथ किन्नरैः । गंधर्वैरप्सरोभिश्च शोभमानोथ सुव्रत १४। स्तूयमानो महासिद्धऋषिभिस्तत्त्ववेदिभिः । रूपेणाप्रतिमो लोके न दृष्टस्तादृशः क्वचित् १५। सर्वाभरणशोभांगो दिव्यमालाविशोभितः । महारत्नकृतामाला यस्योरसि विराजते १६। तत्समीपे स्थिता चैका नारी दृष्टा वरानना । हेमहारैश्च मुक्तानां वलयैः कंकणैर्युता १७। दिव्यवस्त्रैश्च गंधैश्च चंदनैश्चारुलेपनैः । स्तूयमानो गीयमानः पुरुषस्तत्र चागतः १८। रतिरूपा वरारोहा पीनश्रोणिपयोधरा । सर्वाभरणशोभांगी तादृशी रूपसंपदा १९। द्वावेतौ तौ मया दृष्टौ विमानेनापि चागतौ । रूपलावण्यमाधुर्यौ सर्वशोभासमाविलौ २०। समुत्तीर्णौ विमानात्तावागतौ सरसोन्तिके । स्नातौ तात महात्मानौ स्त्रीपुंसौ कमलेक्षणौ २१। प्रगृह्य तौ महाशस्त्रौ दंपती तु परस्परम् । तादृशौ च शवौ तत्र पतितौ सरसस्तटे २२। प्रभासे ते तदा तौ तु स्त्रीपुंसौ कमलेक्षणौ । रूपेणापि महाभाग तादृशावेव तौ शवौ २३। देवरूपोपमस्तात यथा पुंसस्तथा शवः । यथारूपं हि तस्यापि तादृशस्तत्र दृश्यते २४। यथारूपं तु भार्यायास्तथा शवो द्वितीयकः । स्त्रीशवस्य तु यन्मांसं शस्त्रेणोत्कृत्य सा ततः २५। भक्षते तस्य मांसानि रक्ताप्लुतानि तानि तु । पुरुषो भक्षते तद्वच्छवमांसं समातुरः २६। क्षुधया पीड्यमानौ तौ भक्षेते पिशितं तयोः । यावत्तृप्तिं समायातौ तावन्मांसं प्रभक्षितम् २७। सरस्यथ जलं पीत्वा संजातौ सुखितौ पितः । कियत्कालं स्थितौ तत्र विमानेन गतौ पुनः २८। अन्ये द्वे तु स्त्रियौ तात मया दृष्टे च तत्र वै । रूपसौभाग्यसंपन्ने ते स्त्रियौ चारुलक्षणे २९। ताभ्यां प्रभक्षितं मांसं यदा तात महावने । प्रहसेते तदा ते द्वे हास्यैरट्टाट्टकैःपुनः ३०। भक्षते च स्वमांसानि तावेतौ परिनित्यशः । कृत्वा स्नानादिकं मांसं पश्यतो मम तत्र हि ३१। अन्ये स्त्रियौ महाभाग रौद्रा कारसमन्विते । दंष्ट्राकरालवदने तत्रैवाति विभीषणे ३२। ऊचतुस्तौ तदा ते तु देहिदेहीति वै पुनः । एवं दृष्टं मया तात वसता वनसंनिधौ ३३। नित्यमुत्कीर्य भक्ष्येते तौ द्वौ तु मांसमेव च । जायेते च सुसंपूर्णौ कायौ च शवयोः पुनः ३४। नित्यमुत्तीर्य तावेवं ते चाप्यन्ये च वै पितः । कुर्वंति सदृशीं चेष्टां पूर्वोक्तां मम पश्यतः ३५। एतदाश्चर्य संजातं दृष्टं तात मया तदा । भवता पृच्छितं तात दृष्टमाश्चर्यमेव च ३६। मया ख्यातं तवाग्रे वै सर्वसंदेहकारणम् । कथयस्व प्रसादाच्च प्रीयमाणेन चेतसा ३७। विमानेनागतो योसौ स्त्रिया सार्द्धं द्विजोत्तम । दिव्यरूपधरो यस्तु स कस्तु कमलेक्षणः ३८। का च नारी महाभाग महामांसं प्रभक्षति । स कश्चाप्यागतस्तात सा चैवाभ्येत्य भक्षति ३९। प्रहसेते तदा ते द्वे स्त्रियौ तात वदस्व नः । ऊचतुस्तौ तथा चान्ये देहिदेहीति वा पुनः ४०। तेद्वेत्वं मे समाचक्ष्व महाभीषणके स्त्रियौ । एतन्मे संशयं तात छेत्तुमर्हसि सुव्रत ४१। एवमुक्त्वा महाराज विरराम स चांडजः । एवं पृष्टस्तृतीयेन विज्वलेनात्मजेन सः ४२। प्रोवाच सर्वं वृत्तांतं च्यवनस्यापि शृण्वतः ४३। इति श्रीपद्मपुराणे भूमिखंडे वेनोपाख्याने गुरुतीर्थे च्यवनचरित्रे त्रिनवतितमोऽध्यायः ९३।
kuṃjala uvāca- kiṃ vijvala tvayā dṛṣṭamapūrvaṃ bhramatā mahīm | āścaryeṇa samāyuktaṃ tanme kathaya suvrata 1| itaḥ prayāsi kaṃ deśamāhārārthaṃ tu sodyamī | yadya dṛṣṭaṃ tvayā citraṃ samākhyāhi sutottama 2| vijvala uvāca- asti merugireḥ pṛṣṭhe ānaṃdaṃ nāma kānanam | divyavṛkṣaiḥ samākīrṇaṃpha lapuṣpamayaiḥ sadā 3| devavṛṃdaiḥ samākīrṇaṃ munisiddhasamanvitam | apsarobhiḥ surūpābhirgaṃdharvaiḥ kinnaroragaiḥ 4| vāpīkūpataḍāgaiśca nadīprasravaṇaistathā | ānaṃdakānanaṃ puṇyaṃ divyabhāvaiḥ prabhāsate 5| vimānaiḥ koṭisaṃkhyābhirhaṃsakuṃdeṃdusannibhaiḥ | gītakolāhalaiḥ ramyairmeghadhvaninināditam 6| ṣaṭpadānāṃ ninādena sarvatra madhurāyate | caṃdanaiścūtavṛkṣaiśca caṃpakaiḥ puṣpitairvṛtam 7| nānāvṛkṣaiḥ prabhātyevamānaṃdavanamuttamam | nānāpakṣininādena bahukolāhalānvitam 8| evamānaṃdanaṃ dṛṣṭaṃ mayā tatra suśobhanam | vimalaṃ ca sarastāta śobhate sāgaropamam 9| saṃpūrṇaṃ puṇyatoyena padmasaugaṃdhikaiḥ śubhaiḥ | jalajaistu samākīrṇaṃ haṃsakāraṃḍavānvitam 10| evamāsītsarastasya sumadhye kānanasya hi | devagaṃdharvasaṃbādhairmunivṛṃdairalaṃkṛtam 11| kiṃnaroragagaṃdharvaiścāraṇaiśca suśobhate | tatrāścaryaṃ mayā dṛṣṭaṃ vaktuṃ tāta na śakyate 12| vimānenāpi divyena kalaśairupaśobhate | chatradaṃḍapatākābhīrājamānena sattama 13| sarvabhogāvilenāpi gīyamānetha kinnaraiḥ | gaṃdharvairapsarobhiśca śobhamānotha suvrata 14| stūyamāno mahāsiddhaṛṣibhistattvavedibhiḥ | rūpeṇāpratimo loke na dṛṣṭastādṛśaḥ kvacit 15| sarvābharaṇaśobhāṃgo divyamālāviśobhitaḥ | mahāratnakṛtāmālā yasyorasi virājate 16| tatsamīpe sthitā caikā nārī dṛṣṭā varānanā | hemahāraiśca muktānāṃ valayaiḥ kaṃkaṇairyutā 17| divyavastraiśca gaṃdhaiśca caṃdanaiścārulepanaiḥ | stūyamāno gīyamānaḥ puruṣastatra cāgataḥ 18| ratirūpā varārohā pīnaśroṇipayodharā | sarvābharaṇaśobhāṃgī tādṛśī rūpasaṃpadā 19| dvāvetau tau mayā dṛṣṭau vimānenāpi cāgatau | rūpalāvaṇyamādhuryau sarvaśobhāsamāvilau 20| samuttīrṇau vimānāttāvāgatau sarasontike | snātau tāta mahātmānau strīpuṃsau kamalekṣaṇau 21| pragṛhya tau mahāśastrau daṃpatī tu parasparam | tādṛśau ca śavau tatra patitau sarasastaṭe 22| prabhāse te tadā tau tu strīpuṃsau kamalekṣaṇau | rūpeṇāpi mahābhāga tādṛśāveva tau śavau 23| devarūpopamastāta yathā puṃsastathā śavaḥ | yathārūpaṃ hi tasyāpi tādṛśastatra dṛśyate 24| yathārūpaṃ tu bhāryāyāstathā śavo dvitīyakaḥ | strīśavasya tu yanmāṃsaṃ śastreṇotkṛtya sā tataḥ 25| bhakṣate tasya māṃsāni raktāplutāni tāni tu | puruṣo bhakṣate tadvacchavamāṃsaṃ samāturaḥ 26| kṣudhayā pīḍyamānau tau bhakṣete piśitaṃ tayoḥ | yāvattṛptiṃ samāyātau tāvanmāṃsaṃ prabhakṣitam 27| sarasyatha jalaṃ pītvā saṃjātau sukhitau pitaḥ | kiyatkālaṃ sthitau tatra vimānena gatau punaḥ 28| anye dve tu striyau tāta mayā dṛṣṭe ca tatra vai | rūpasaubhāgyasaṃpanne te striyau cārulakṣaṇe 29| tābhyāṃ prabhakṣitaṃ māṃsaṃ yadā tāta mahāvane | prahasete tadā te dve hāsyairaṭṭāṭṭakaiḥpunaḥ 30| bhakṣate ca svamāṃsāni tāvetau parinityaśaḥ | kṛtvā snānādikaṃ māṃsaṃ paśyato mama tatra hi 31| anye striyau mahābhāga raudrā kārasamanvite | daṃṣṭrākarālavadane tatraivāti vibhīṣaṇe 32| ūcatustau tadā te tu dehidehīti vai punaḥ | evaṃ dṛṣṭaṃ mayā tāta vasatā vanasaṃnidhau 33| nityamutkīrya bhakṣyete tau dvau tu māṃsameva ca | jāyete ca susaṃpūrṇau kāyau ca śavayoḥ punaḥ 34| nityamuttīrya tāvevaṃ te cāpyanye ca vai pitaḥ | kurvaṃti sadṛśīṃ ceṣṭāṃ pūrvoktāṃ mama paśyataḥ 35| etadāścarya saṃjātaṃ dṛṣṭaṃ tāta mayā tadā | bhavatā pṛcchitaṃ tāta dṛṣṭamāścaryameva ca 36| mayā khyātaṃ tavāgre vai sarvasaṃdehakāraṇam | kathayasva prasādācca prīyamāṇena cetasā 37| vimānenāgato yosau striyā sārddhaṃ dvijottama | divyarūpadharo yastu sa kastu kamalekṣaṇaḥ 38| kā ca nārī mahābhāga mahāmāṃsaṃ prabhakṣati | sa kaścāpyāgatastāta sā caivābhyetya bhakṣati 39| prahasete tadā te dve striyau tāta vadasva naḥ | ūcatustau tathā cānye dehidehīti vā punaḥ 40| tedvetvaṃ me samācakṣva mahābhīṣaṇake striyau | etanme saṃśayaṃ tāta chettumarhasi suvrata 41| evamuktvā mahārāja virarāma sa cāṃḍajaḥ | evaṃ pṛṣṭastṛtīyena vijvalenātmajena saḥ 42| provāca sarvaṃ vṛttāṃtaṃ cyavanasyāpi śṛṇvataḥ 43| iti śrīpadmapurāṇe bhūmikhaṃḍe venopākhyāne gurutīrthe cyavanacaritre trinavatitamo'dhyāyaḥ 93|
English translation
Kuñjala said :
1-2. O Vijvala , what thing not seen before and full of wonder did you, while wandering on the earth, see? Tell me that, O you of a good vow. O best son, tell me which country did you go to with a strenuous effort for (obtaining) food; (tell me) what wonder you noticed.
Vijvala said :
3-6. On the surface of mountain Meru there is a forest by name Ānanda . It is abounding in divine trees, always full of fruits and flowers; it is crowded with groups of gods, and is attended by sages and siddhas , and also by beautiful celestial damsels, gandharvas , kinnaras and serpents; (it is full of) wells, ponds, lakes, rivers and streams. The holy forest Ānanda shines with divine objects, aeroplanes numbering in crores and resembling swans, kunda flowers and the moon. It is full of the mixed and sweet sounds of songs, and resounds with the thunders of clouds.
7-10. It is everywhere sweet due to the humming of bees. It is covered with sandal trees, mango trees and blossomed campaka trees. In this way that excellent Ānanda forest shines with many trees; and due to the notes of various birds it is full of a mixed sound. There I saw the very beautiful Ānanda forest like this. O father, a clean lake (i.e. lake with clean water) shines like an ocean (in the forest). It is full of auspicious water, and is crowded with auspicious aquatic animals, fragrant with lotuses and is full of swans and ducks.
11-12a. Thus in the centre of the forest there is a lake, adorned with crowds of gods and hosts of sages. It shines well with kinnaras, serpents, gandharvas and bards.
12b-26. O father, there I saw a wonder. It cannot be described. (A man) shone there with a divine aeroplane, shining with an umbrella, a staff and banners and full of all pleasures and with pitchers, O best one. O you of the best vow, he, the shining one, was being praised by gandharvas, celestial nymphs and great sages. (None else) like him was seen; (he was) matchless in form in the world, with his entire body looking charming with ornaments, and round his neck a necklace made of big gems shone. I saw a beautiful lady standing near him. She was (adorned) with golden necklaces and with armlets and bracelets of pearls, and with divine garments and smearings of sandal. The man being praised and sung came there. The lady had the form of Rati , had fine hips, and plump buttocks and breasts. Due to the excellence of her form she was shining like that with ornaments. I saw these two, having the sweetness of form and beauty and endowed with all charm, coming there. The two noble ones—the man and the lady-having lotus-like eyes, got down from the aeroplane, came near the lake, and bathed there, O father. The couple having large weapons seized each other and like them the dead bodies of the two had fallen on the bank of the lake. The dead bodies were like the two—the man and the lady—of lotus-like eyes that were (seen) at Prabhāsa , even in form, O illustrious one. The dead body resembling a godly form, was like the man. The form of it was seen just like him. The other dead body had a form as was (that of) the wife. She then cut off the flesh from the female dead body and ate the (pieces of) flesh covered with blood. The man, being very eager, also ate the flesh of the dead body.
27-33a. The two, oppressed with hunger, ate the flesh of the two (dead bodies). They ate the flesh till they were satisfied. O father, then drinking the water in (i.e. of) the lake, the two became happy. Remaining there for some time they again went by the aeroplane. O father, I also saw there two other females. These two females were endowed with beauty and grace and had pleasing characteristics. When the two (i.e. the husband and the wife) were eating the flesh in the great forest, the two females laughed very loudly. When I was seeing (i.e. in my very presence) the two everyday ate the flesh after taking bath etc. O noble one, the other two females, having terrible forms, with their mouths fearful due to fangs, and very fierce said to them there only: “Give (us), give (us).”
33b-37a. Remaining in the vicinity of the forest I observed like this, O father. The two everyday cut off the flesh and ate it. The bodies of the corpses (i.e. the dead bodies) again became complete. O father, everyday getting down like this, the two and the other (females) acted as I told (you) before, when I was seeing (i.e. in my presence). At that time, O father, I saw the wonder that took place (there). When O father, you asked me (if) I saw a wonder, I told you all that (I saw) which caused doubt.
37b-43. Through grace and with a pleasing heart tell me (about it). O best twice-born, who is that lotus-eyed one, of a divine form, who came with the lady in an aeroplane? And O noble one, who is that lady that ate that large (quantity of) flesh? Who is that (man) and who is that (lady) that came there and ate (the flesh)? Tell us (i.e. me), O father, about the other females that laughed at that time and said: “Give (us), give (us)”. You tell me about these two very fearful females. O father, O you of a good vow, please remove this doubt of me.
Saying so the bird ceased (speaking). That ( Kuñjala ) thus asked by his third son Vijvala told him all account of Cyavana . So listen (to it).
Complete chapter-aligned witnesses. Sanskrit Wikisource page 43133, revision 335590 (2022-04-11T11:19:15Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365186.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.