Uttara-khaṇḍa · Chapter 165
Sourceमहादेव उवाच। भूतालयं ततो गच्छेत्तीर्थं पापहरं पदम् । भूतालयो वटो यत्र यत्र प्राची तु चंदना १। भूतालये नरः स्नात्वा कृष्णाष्टम्यामुपोषितः । यस्तु कृष्णतिलान्दद्यान्न स प्रेतोऽभिजायते २। पितॄनुद्दिश्य यो दद्यादुदकुंभं तिलैः सह । पूर्वजान्प्रेतभावात्स मोचयेन्नात्र संशयः ३। यस्य नाम्ना नरः स्नाति प्रेतत्वात्स विमुच्यते । चतुर्दश्यामथाष्टम्यां प्रभाते विमलोदके ४। तीर्थे भूतालये स्नात्वा दृष्ट्वा भूतालयं वटम् । भूतेश्वरप्रसादेन भूतेभ्यो न लभेद्भयम् ५। इति श्रीभूतेश्वरतीर्थम् । अतस्तीर्थात्परं तीर्थं घटेश्वरमिति स्मृतम् । यत्र स्नात्वा तु तं दृष्ट्वा मुक्तिभागी भवेद्ध्रुवम् ६। यत्र साभ्रमती तीर्थं घटो वै परमो महान् । दृष्ट्वा चैव महादेवं मुच्यते नात्र संशयः ७। तत्र गत्वा विशेषेण प्लक्षपूजां करोति यः । मनसाभीप्सितान्कामाँल्लभते मानवो भुवि ८। इति घटेश्वरतीर्थम् । ततो गच्छेन्नरो भक्त्या वैद्यनाथेति विश्रुतम् । तत्र स्नात्वा नरस्तीर्थे शिवपूजनतत्परः ९। पितॄन्संतर्प्य विधिना सर्वयज्ञफलं लभेत् । विजयो देवसंभूतः सर्वपापक्षयंकरः । यं दृष्ट्वा विविधान्कामान्प्राप्नुयुस्ते नराः सदा 6.165.१०। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे विजयीतीर्थमाहात्म्यंनाम पंचषष्ट्यधिकशततमोऽध्यायः १६५
mahādeva uvāca| bhūtālayaṃ tato gacchettīrthaṃ pāpaharaṃ padam | bhūtālayo vaṭo yatra yatra prācī tu caṃdanā 1| bhūtālaye naraḥ snātvā kṛṣṇāṣṭamyāmupoṣitaḥ | yastu kṛṣṇatilāndadyānna sa preto'bhijāyate 2| pitṝnuddiśya yo dadyādudakuṃbhaṃ tilaiḥ saha | pūrvajānpretabhāvātsa mocayennātra saṃśayaḥ 3| yasya nāmnā naraḥ snāti pretatvātsa vimucyate | caturdaśyāmathāṣṭamyāṃ prabhāte vimalodake 4| tīrthe bhūtālaye snātvā dṛṣṭvā bhūtālayaṃ vaṭam | bhūteśvaraprasādena bhūtebhyo na labhedbhayam 5| iti śrībhūteśvaratīrtham | atastīrthātparaṃ tīrthaṃ ghaṭeśvaramiti smṛtam | yatra snātvā tu taṃ dṛṣṭvā muktibhāgī bhaveddhruvam 6| yatra sābhramatī tīrthaṃ ghaṭo vai paramo mahān | dṛṣṭvā caiva mahādevaṃ mucyate nātra saṃśayaḥ 7| tatra gatvā viśeṣeṇa plakṣapūjāṃ karoti yaḥ | manasābhīpsitānkāmā~llabhate mānavo bhuvi 8| iti ghaṭeśvaratīrtham | tato gacchennaro bhaktyā vaidyanātheti viśrutam | tatra snātvā narastīrthe śivapūjanatatparaḥ 9| pitṝnsaṃtarpya vidhinā sarvayajñaphalaṃ labhet | vijayo devasaṃbhūtaḥ sarvapāpakṣayaṃkaraḥ | yaṃ dṛṣṭvā vividhānkāmānprāpnuyuste narāḥ sadā 6.165.10| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe vijayītīrthamāhātmyaṃnāma paṃcaṣaṣṭyadhikaśatatamo'dhyāyaḥ 165
English translation
Mahādeva said :
1-5. From there a man should go to the holy place Bhūtālaya which is a place removing sin. A fig tree called Bhūtālaya and (the river) Candanā (flowing) towards the east are there. A man who, having bathed at Bhūtālaya observes a fast on the Kṛṣṇāṣṭamī , and offers black sesamum, is not born as an evil spirit. He who offers a pitcher of water with sesamum, dedicating it to the dead ancestors, frees them from the state of an evil spirit. The man by uttering whose name a man bathes is freed from the state of an evil spirit. A man should bathe in the pure water at the holy place of Bhūtālaya and should see the fig tree called Bhūtālaya. By the grace of Bhūteśvara he would not have fear from evil spirits.
This is (the description of) Bhuteśvara- tīrtha .
6-8. A holy place superior to this is known as Ghaṭeśvara. Having bathed there and seen him, a man would surely enjoy salvation. There is that great holy place on the (bank of) Sābhramatī, (known as) Ghaṭa . Having seen Mahādeva there, a man is liberated. There is no doubt about it. The man who, having gone there, especially worships the fig tree, secures on the earth desires entertained by his mind.
This is (the description of) Ghaṭeśvara-tīrtha.
9-10. Thence a man should devoutly go to the holy place well-known as Vaidyanātha . A man, having bathed at the holy place and engaged in worshipping Śiva , and gratifying his dead ancestors, would obtain the fruit of all sacrifices. Vijaya , born from the god, and destroying all sins (is there), seeing whom a man always gets his desired objects.
Complete chapter-aligned witnesses. Sanskrit Wikisource page 24020, revision 334299 (2022-03-31T02:14:33Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365744.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.