Uttara-khaṇḍa · Chapter 83
Sourceपार्वत्युवाच- सर्वेषां चैव मासानां विधिं ब्रूहि महेश्वर । महोत्सवः प्रकर्त्तव्यः को विधिस्तत्र संमतः १। को देवः पूजनं कस्य महिमा कीदृशो भवेत् । कस्यां तिथौ प्रकर्त्तव्यं तन्मे वद सुरेश्वर २। मासं प्रति किमुक्तं च वैष्णवान्पुण्यकर्मणः । धन्याहं कृतकृत्याहं सुभगाहं धरातले । विष्णोः कथां शृणोमीति दर्शनात्स्पर्शनात्तव ३। शिव उवाच- उत्सवानां विधिं ब्रूमो मासं प्रति तवानघे । यानाकर्ण्य पुनर्देवि गीतवादित्र हर्षिता ४। तत्रादौ च सिते पक्षे चैत्रमासे सुशोभने । एकादश्यां विशेषेण दोलारूढं प्रपूजयेत् ५। कुर्याद्भक्त्या सदा देवि उत्सवं विधिपूर्वकम् । दोलारूढं प्रपश्यंति कृष्णं कलिमलापहम् ६। अपराधसहस्रैस्तु मुक्तास्ते नगनंदिनि । तावत्तिष्ठंति पापानि कोटिजन्मकृतान्यपि ७। यावन्नांदोलयेद्देवं विश्वेशं विश्वनायकम् । कलौ वै ये प्रपश्यंति दोलारूढं जनार्दनम् ८। गोघ्नादिकाः प्रमुच्यंते का कथा इतरेष्वपि । दोलोत्सवे प्रहृष्टास्तु रुद्रेण सहिताः सुराः ९। कुर्वंति प्रांगणे नृत्यं गीतवाद्यं च हर्षिताः । ऋषयो गणगंधर्वा रंभाद्यप्सरसां गणाः १०। वासुकिप्रमुखा नागास्तथा देवाः सुरेश्वराः । दोलायां च समायांति विष्णुदर्शनलालसाः ११। दोलायात्रानिमित्तं तु दोलाह्ने मधुमाधवे । भूतानि संति भूपृष्ठे ये केचिद्देवयोनयः १२। समायांति महादेवि कृष्णे दोलास्थिते ध्रुवम् । विष्णुं दोलास्थितं दृष्ट्वा त्रैलोक्यस्योत्सवो भवेत् १३। तस्मात्कार्यशतं त्यक्त्वा दोलाह्ने उत्सवं कुरु । प्रह्लादस्तु समायाति विष्णुर्दोलाधिरोहणम् १४। कुरुते च महादेवि वरदं तमनुस्मरन् । दोलास्थितस्य कृष्णस्य ये कुर्वंति प्रजागरम् १५। सर्वपुण्यफलप्राप्तिर्निमेषैकेन जायते । दोलायां संस्थितं विष्णुं पश्यंति मधुमाधवे १६। क्रीडंति विष्णुना सार्द्धं देवदेवेन वंदिताः । दक्षिणाभिमुखं देवं दोलारूढं सुरेश्वरि १७। सकृद्दृष्ट्वा तु गोविंदं मुच्यते ब्रह्महत्यया । ॐ दोलारूढाय विद्महे माधवाय च धीमहि । तन्नो देवः प्रचोदयात् १८ इदं गायत्र्या पूजनम् । माधवाय गोविंदाय श्रीकंठाय नमोनमः । पूजनं मंत्रपूर्वं च कर्तव्यं विधिपूर्वकम् १९। गुरवे दक्षिणां दद्याद्यथाशक्त्या समाहितः । गायन्विष्णोः सदा भक्त्या परिपूर्णं ततो भवेत् २०। किमन्यद्बहुनोक्तेन भूयो भूयो वरानने । दोलायां संस्थितो विष्णुः सर्वपापापहारकः २१। पूजितो यैर्नरैः सम्यक्सदा सर्वं ददाति च । यत्र देवाः सगंधर्वाः किन्नरा ऋषयस्तथा २२। आयांति बहुधा तत्र दोलारूढे न संशयः २३। ॐ नमो भगवते वासुदेवायेति मंत्रेण पूजनं तत्र कारयेत् । षोडशोपचारैः पूजा च कर्तव्या विधिपूर्वकम् । धर्मार्थमुख्या ये कामास्ते सर्वे प्राप्नुयुर्ध्रुवम् २४। अंगन्यासं करन्यासं न्यासं शारीरकं च यत् । तत्सर्वं तु प्रकर्त्तव्यं मंत्रेणानेन सुव्रत २५। आगमोक्तेन मंत्रेण कर्त्तव्यो हि महोत्सवः । श्रीलक्ष्म्यासहितं देवं दोलायां च प्रकल्पयेत् २६। देवाग्रे वैष्णवाः स्थाप्या नारदाद्याः सुरर्षयः । विष्वक्सेनादिका भक्ता स्थाप्यास्ते ह्यग्रतः सदा २७। पंचवादित्रनिर्घोषैः कुर्यादारार्तिकं बुधः । यामे यामे तथा देवि पूजनीयः प्रयत्नतः २८। नालिकेरैस्तथा शुभ्रैः कदलैर्वा तथा पुनः । अर्घं दद्यात्ततो देवि पूजनीयः प्रयत्नतः २९। देवदेव जगन्नाथ शंखचक्रगदाधर । अर्घं गृहाण मे देव कृपां कुरु ममोपरि ३०। तच्छेषं वैष्णवानां तु दद्यात्प्राच्छादिकं पुनः । वादनं नर्त्तनं तत्र कर्त्तव्यं वैष्णवैर्नरैः ३१। आंदोलनं ततः सर्वैः कर्त्तव्यं च विशेषतः । पृथिव्यां यानि तीर्थानि क्षेत्राणि च सुरेश्वरि ३२। सर्वान्येतानि वै तत्र द्रष्टुमायांति तद्दिने । एवं ज्ञात्वा सदा देवि कर्त्तव्यः सोत्सवो महान् ३३। ब्राह्मणाः क्षत्रिया वैश्याः शूद्रा याश्चान्यजातयः । शंखचक्रगदाधारा ज्ञातव्या नगनंदिनि ३४। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमामहेश्वर-संवादे दोलामहोत्सवोनाम त्र्यशीतितमोऽध्यायः ८३।
pārvatyuvāca- sarveṣāṃ caiva māsānāṃ vidhiṃ brūhi maheśvara | mahotsavaḥ prakarttavyaḥ ko vidhistatra saṃmataḥ 1| ko devaḥ pūjanaṃ kasya mahimā kīdṛśo bhavet | kasyāṃ tithau prakarttavyaṃ tanme vada sureśvara 2| māsaṃ prati kimuktaṃ ca vaiṣṇavānpuṇyakarmaṇaḥ | dhanyāhaṃ kṛtakṛtyāhaṃ subhagāhaṃ dharātale | viṣṇoḥ kathāṃ śṛṇomīti darśanātsparśanāttava 3| śiva uvāca- utsavānāṃ vidhiṃ brūmo māsaṃ prati tavānaghe | yānākarṇya punardevi gītavāditra harṣitā 4| tatrādau ca site pakṣe caitramāse suśobhane | ekādaśyāṃ viśeṣeṇa dolārūḍhaṃ prapūjayet 5| kuryādbhaktyā sadā devi utsavaṃ vidhipūrvakam | dolārūḍhaṃ prapaśyaṃti kṛṣṇaṃ kalimalāpaham 6| aparādhasahasraistu muktāste naganaṃdini | tāvattiṣṭhaṃti pāpāni koṭijanmakṛtānyapi 7| yāvannāṃdolayeddevaṃ viśveśaṃ viśvanāyakam | kalau vai ye prapaśyaṃti dolārūḍhaṃ janārdanam 8| goghnādikāḥ pramucyaṃte kā kathā itareṣvapi | dolotsave prahṛṣṭāstu rudreṇa sahitāḥ surāḥ 9| kurvaṃti prāṃgaṇe nṛtyaṃ gītavādyaṃ ca harṣitāḥ | ṛṣayo gaṇagaṃdharvā raṃbhādyapsarasāṃ gaṇāḥ 10| vāsukipramukhā nāgāstathā devāḥ sureśvarāḥ | dolāyāṃ ca samāyāṃti viṣṇudarśanalālasāḥ 11| dolāyātrānimittaṃ tu dolāhne madhumādhave | bhūtāni saṃti bhūpṛṣṭhe ye keciddevayonayaḥ 12| samāyāṃti mahādevi kṛṣṇe dolāsthite dhruvam | viṣṇuṃ dolāsthitaṃ dṛṣṭvā trailokyasyotsavo bhavet 13| tasmātkāryaśataṃ tyaktvā dolāhne utsavaṃ kuru | prahlādastu samāyāti viṣṇurdolādhirohaṇam 14| kurute ca mahādevi varadaṃ tamanusmaran | dolāsthitasya kṛṣṇasya ye kurvaṃti prajāgaram 15| sarvapuṇyaphalaprāptirnimeṣaikena jāyate | dolāyāṃ saṃsthitaṃ viṣṇuṃ paśyaṃti madhumādhave 16| krīḍaṃti viṣṇunā sārddhaṃ devadevena vaṃditāḥ | dakṣiṇābhimukhaṃ devaṃ dolārūḍhaṃ sureśvari 17| sakṛddṛṣṭvā tu goviṃdaṃ mucyate brahmahatyayā | oṃ dolārūḍhāya vidmahe mādhavāya ca dhīmahi | tanno devaḥ pracodayāt 18 idaṃ gāyatryā pūjanam | mādhavāya goviṃdāya śrīkaṃṭhāya namonamaḥ | pūjanaṃ maṃtrapūrvaṃ ca kartavyaṃ vidhipūrvakam 19| gurave dakṣiṇāṃ dadyādyathāśaktyā samāhitaḥ | gāyanviṣṇoḥ sadā bhaktyā paripūrṇaṃ tato bhavet 20| kimanyadbahunoktena bhūyo bhūyo varānane | dolāyāṃ saṃsthito viṣṇuḥ sarvapāpāpahārakaḥ 21| pūjito yairnaraiḥ samyaksadā sarvaṃ dadāti ca | yatra devāḥ sagaṃdharvāḥ kinnarā ṛṣayastathā 22| āyāṃti bahudhā tatra dolārūḍhe na saṃśayaḥ 23| oṃ namo bhagavate vāsudevāyeti maṃtreṇa pūjanaṃ tatra kārayet | ṣoḍaśopacāraiḥ pūjā ca kartavyā vidhipūrvakam | dharmārthamukhyā ye kāmāste sarve prāpnuyurdhruvam 24| aṃganyāsaṃ karanyāsaṃ nyāsaṃ śārīrakaṃ ca yat | tatsarvaṃ tu prakarttavyaṃ maṃtreṇānena suvrata 25| āgamoktena maṃtreṇa karttavyo hi mahotsavaḥ | śrīlakṣmyāsahitaṃ devaṃ dolāyāṃ ca prakalpayet 26| devāgre vaiṣṇavāḥ sthāpyā nāradādyāḥ surarṣayaḥ | viṣvaksenādikā bhaktā sthāpyāste hyagrataḥ sadā 27| paṃcavāditranirghoṣaiḥ kuryādārārtikaṃ budhaḥ | yāme yāme tathā devi pūjanīyaḥ prayatnataḥ 28| nālikeraistathā śubhraiḥ kadalairvā tathā punaḥ | arghaṃ dadyāttato devi pūjanīyaḥ prayatnataḥ 29| devadeva jagannātha śaṃkhacakragadādhara | arghaṃ gṛhāṇa me deva kṛpāṃ kuru mamopari 30| taccheṣaṃ vaiṣṇavānāṃ tu dadyātprācchādikaṃ punaḥ | vādanaṃ narttanaṃ tatra karttavyaṃ vaiṣṇavairnaraiḥ 31| āṃdolanaṃ tataḥ sarvaiḥ karttavyaṃ ca viśeṣataḥ | pṛthivyāṃ yāni tīrthāni kṣetrāṇi ca sureśvari 32| sarvānyetāni vai tatra draṣṭumāyāṃti taddine | evaṃ jñātvā sadā devi karttavyaḥ sotsavo mahān 33| brāhmaṇāḥ kṣatriyā vaiśyāḥ śūdrā yāścānyajātayaḥ | śaṃkhacakragadādhārā jñātavyā naganaṃdini 34| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvara-saṃvāde dolāmahotsavonāma tryaśītitamo'dhyāyaḥ 83|
English translation
Pārvatī said :
1-3. O Maheśvara , tell me about the rites (performed) in all months. A great festival is to be celebrated (in these months). Which is the accepted manner (in which the festival is to be celebrated)? O lord of gods, tell me which the deity is who is to be worshipped, what his greatness would be, and on which day (of the month) it is to be performed. What is told to the devotees of Viṣṇu of meritorious deeds about the month? I am blessed, I am fortunate, I am lucky on the earth, that I (shall) hear the story of Viṣṇu (from you) by seeing you and coming in your contact.
Śiva said :
4-18. I shall, O sinless one, tell you the mode of the festivals, hearing which you will be delighted as by songs and musical instruments. First, especially on the Ekādaśī of the bright fortnight of the very auspicious month of Caitra one should worship (Viṣṇu) mounted on a swing. O goddess, one should always devoutly celebrate the festival according to the rule. They (who) see Kṛṣṇa , remover of the blemishes of the Kali age, mounted upon the swing, are, O daughter of the ( Himālaya ) Mountain, free from thousands of offences. The sins committed during crores of existences remain as long as one would not swing god (Viṣṇu), the lord of the universe, the master of the universe. Those who in the Kali age see Janārdana mounted upon the swing, are freed even though (they have committed) the sin of killing a cow. What then can be said about others? Gods, along with Rudra , being delighted at the swing festival, jubilantly dance, sing, and play upon musical instruments in the courtyard. Sages, the attendants of Śiva , gandharvas , the groups of the celestial nymphs like Rambhā , so also the serpents led by Vāsuki , so also deities and chief gods, desiring to see Viṣṇu come to the swing (festival). On the swing (festival) day in the vernal season beings are present for (i.e. at the time of) the swing festival, and O great goddess, those belonging to a heavenly stock also certainly go (there) when (the image of) Kṛṣṇa is (placed) on the swing. Seeing Viṣṇu on the swing, there is a festival for the three worlds. Therefore, giving up a hundred other occupations celebrate a festival on the swing (festival) day. Prahlāda comes there. Viṣṇu mounts on the swing, O great goddess. Remembering him who grants a boon (one should celebrate the festival). Those who keep awake (on that night) remembering Kṛṣṇa on the swing, receive the fruit of all their religious merit in a moment. Those who see Viṣṇu on the swing in the spring, being saluted by the god of gods, play with Viṣṇu. One seeing (the image of) the god facing the south and mounted on the swing, O goddess, is free from (the sin of) the murder of a brāhmaṇa on seeing Viṣṇu (just) once. ‘Om, we know the god mounted on the swing. We think of Mādhava . May that god urge us on’. This is the worship with the Gāyatrī (hymn).
19-34. ‘Repeated salutations to Mādhava, Govinda , Śrīkaṇṭha ’. The worship should be done to the accompaniment of the hymn and according to the rule. Being composed he should give a gift to his preceptor according to his capacity. He should devoutly sing (the praise) of Viṣṇu; then the (worship) will be complete. O you beautiful lady, what is the use of repeatedly saying other things? Viṣṇu remaining on the swing removes all sins. He, worshipped properly by men, always gives everything. Where (Viṣṇu) remains on the swing, gods, and kinnaras with gandharvas come there. There is no doubt about this. There he should worship Viṣṇu with the hymn, Om, Namo Bhagavate Vāsudevāya (‘Om, Salutation to the lord Vāsudeva ’). With this hymn he should worship (Viṣṇu). He should do the worship according to. the rale and in sixteen ways of doing homage (to Viṣṇu). All his desires for virtue, material welfare etc. would certainly get fulfilled. O you of a good vow, all that like the assignment of (the various parts of) the body, hand etc., should be done with (i.e. to the accompaniment) of this hymn. The festival should be celebrated with the hymn as told in the holy text. He should keep (the image of) the deity (Viṣṇu) along with Lakṣmī on the swing. In front of (the image of) the deity he should install (the images of) Nārada etc.—the divine sages. So also the devotees like Viśvaksena should always be installed in the front. The wise one should wave the light with the sound of five musical instruments. O goddess, in every watch he should be carefully worshipped. He should offer him respectful offering with coconuts and white banana plants. He should be carefully worshipped, O goddess. ‘O god of gods, O lord of the world, O holder of a conch, a disc and a mace, accept the worship. Favour me.’ The remnants of the offering should be given to Viṣṇu’s devotees. The devotees of Viṣṇu should play upon musical instruments and dance there. Then especially the swinging (of the swing) should be done. O goddess, all the holy and sacred places that are there on the earth, come there to witness (the festival) on that day. Knowing like this, O goddess, the great festival should be celebrated. O you daughter of the ( Himalaya ) Mountain, brāhmaṇas , kṣatriyas , vaiśyas , śūdras and all other castes should be looked upon to be holding a conch, a disc, a mace.
Complete chapter-aligned witnesses. Sanskrit Wikisource page 44659, revision 336512 (2022-04-23T11:23:12Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365661.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.