Uttara-khaṇḍa · Chapter 145
Sourceश्रीमहादेव उवाच। ततो गच्छेः महत्तीर्थे संगमेश्वरमुत्तमम् । यत्र हस्तिमती पुण्या साभ्रमत्या हि संगता १। शापं कौडिन्यमुनितः प्राप्य शुष्काभवन्नदी । बहिश्चर्येति नाम्ना वै लोके ख्यातिमुपागता २। तत्तीर्थं संप्रवक्ष्यामि पुण्यं त्रैलोक्यविश्रुतम् । सर्वपापहरं पुण्यं त्रैलोक्ये चापि विश्रुतम् ३। यत्र तीर्थे नरः स्नात्वा दृष्ट्वा देवं महेश्वरम् । मुच्यते सर्वपापेभ्यो रुद्रलोकं प्रगच्छति ४। शृणु देवि प्रवक्ष्यामि एतच्छापस्य कारणम् । यथैह शुष्करूपा हि जाता शापस्य कारणात् ५। यत्र साभ्रमती पुण्या गंगा नाम महानदी । तत्र हस्तिमती नाम गंगया सह संगता ६। तत्रारब्धं च मुनिना तपो वै परमं महत् । एवं बहुगते काले ऋषिणा परमात्मना ७। आराधितो हृषीकेशो नारायणनिरंजनः । तस्यास्तटे तु देवेशि वर्षाणि च बहून्यपि ८। गतानि च विशेषेण मुनेस्तस्य तु पार्वति । कदाचिद्दैवयोगाच्च वर्षाकालः समागतः ९। नदी तत्र तु संपूर्णा कालयोगेन सुव्रते । तत्कौंडिन्येन ऋषिणा स्थानं त्यक्तं तदा निशि १०। रात्रौ दुःखं महज्जातं हाहेति करुणो रुदन् । किं कर्तव्यमिति ध्यायन्नतिचिंतापरोऽभवत् ११। आश्रमो हि महादिव्यो ऋषिणैव समायुतः । स गतो वारियोगेन हस्तिमत्यां सुरोत्तमे १२। फलानि चैव मूलानि पुस्तकानि बहून्यपि । तानि तस्यां गतान्येव वारियोगेन सुंदरि १३। स कौंडिन्यो ऋषिश्रेष्ठः शशाप तां नदीं किल । उदकेन विना त्वं च भविष्यसि कलौ युगे १४। एवं स दत्त्वा वै शापं हस्तिमत्या महेश्वरि । गतोऽसौ विप्रप्रवरो विष्णुलोकं सनातनम् १५। अद्यापि वर्तते तीर्थं संगमेश्वरसंज्ञकम् । यं दृष्ट्वा मुच्यते पापी ब्रह्महत्यादि पातकात् १६।
śrīmahādeva uvāca| tato gaccheḥ mahattīrthe saṃgameśvaramuttamam | yatra hastimatī puṇyā sābhramatyā hi saṃgatā 1| śāpaṃ kauḍinyamunitaḥ prāpya śuṣkābhavannadī | bahiścaryeti nāmnā vai loke khyātimupāgatā 2| tattīrthaṃ saṃpravakṣyāmi puṇyaṃ trailokyaviśrutam | sarvapāpaharaṃ puṇyaṃ trailokye cāpi viśrutam 3| yatra tīrthe naraḥ snātvā dṛṣṭvā devaṃ maheśvaram | mucyate sarvapāpebhyo rudralokaṃ pragacchati 4| śṛṇu devi pravakṣyāmi etacchāpasya kāraṇam | yathaiha śuṣkarūpā hi jātā śāpasya kāraṇāt 5| yatra sābhramatī puṇyā gaṃgā nāma mahānadī | tatra hastimatī nāma gaṃgayā saha saṃgatā 6| tatrārabdhaṃ ca muninā tapo vai paramaṃ mahat | evaṃ bahugate kāle ṛṣiṇā paramātmanā 7| ārādhito hṛṣīkeśo nārāyaṇaniraṃjanaḥ | tasyāstaṭe tu deveśi varṣāṇi ca bahūnyapi 8| gatāni ca viśeṣeṇa munestasya tu pārvati | kadāciddaivayogācca varṣākālaḥ samāgataḥ 9| nadī tatra tu saṃpūrṇā kālayogena suvrate | tatkauṃḍinyena ṛṣiṇā sthānaṃ tyaktaṃ tadā niśi 10| rātrau duḥkhaṃ mahajjātaṃ hāheti karuṇo rudan | kiṃ kartavyamiti dhyāyannaticiṃtāparo'bhavat 11| āśramo hi mahādivyo ṛṣiṇaiva samāyutaḥ | sa gato vāriyogena hastimatyāṃ surottame 12| phalāni caiva mūlāni pustakāni bahūnyapi | tāni tasyāṃ gatānyeva vāriyogena suṃdari 13| sa kauṃḍinyo ṛṣiśreṣṭhaḥ śaśāpa tāṃ nadīṃ kila | udakena vinā tvaṃ ca bhaviṣyasi kalau yuge 14| evaṃ sa dattvā vai śāpaṃ hastimatyā maheśvari | gato'sau viprapravaro viṣṇulokaṃ sanātanam 15| adyāpi vartate tīrthaṃ saṃgameśvarasaṃjñakam | yaṃ dṛṣṭvā mucyate pāpī brahmahatyādi pātakāt 16|
English translation
Śrī Mahādeva said :
1-16. Then (a man) should go to the great, excellent holy place called Saṅgameśvara , where the auspicious Hastimatī has joined Sābhramatī. Having received a curse from the sage Kauṇḍinya , the river became dry and came to be known in the world as Bahiścaryā. I shall describe to you that auspicious holy place, well-known in the world. It is auspicious, removes all sins, and is well-known in the three worlds. Having bathed at that holy place, and having seen Maheśvara , a man being free from all sins, goes to Rudra ’s heaven. O goddess, listen. I shall tell you the reason for this curse, due to which curse she became dry. At that place where that auspicious, great river Sābhramatī, named Gaṅgā (also) is, Hastimatī joined Gaṅgā. There the sage commenced a very severe penance. When so much time passed like this, the noble sage worshipped Nārāyaṇa Nirañjana (i.e. Viṣṇu ). On her bank, O chief goddess, the sage particularly passed many years. O Pārvatī , sometime by chance the rainy season arrived. In course of time, O you of a good vow, the river was full (of water). Then at night the sage Kauṇḍinya abandoned that place. At night, he was very unhappy, and crying ‘Hā, Hā’, he wept piteously. Thinking what to do, he was very much anxious. The very divine hermitage with (i.e. occupied by) the sage, went (i.e. collapsed) into Sābhramatī, due to the flood, O best goddess. O beautiful lady, many fruits, roots, and even books, went (i.e. fell) into the river, due to the flood. That best sage Kauṇḍinya cursed the river: “In the Kali -age you will be without water.” Having thus given a curse to Hastimatī, O great goddess, the best brāhmaṇa went to the ancient heaven of Viṣṇu. Even today that holy place called Saṅgameśvara exists. Seeing that a sinner is freed from such sins as the murder of a brāhmaṇa.
Complete chapter-aligned witnesses. Sanskrit Wikisource page 25377, revision 336569 (2022-04-24T15:56:24Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365724.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.