Uttara-khaṇḍa · Chapter 61
Sourceयुधिष्ठिर उवाच- श्रुतं रमाया माहात्म्यं त्वत्तः कृष्ण यथातथम् । कार्तिके शुक्लपक्षे या तां मे कथय मानद १। श्रीकृष्ण उवाच-। शृणु राजन्प्रवक्ष्यामि शुक्ले चोर्जदले तु या । सा यथा नारदे प्रोक्ता ब्रह्मणा लोककारिणा २। नारद उवाच - प्रबोधिन्याश्च माहात्म्यं वद विस्तरतो मम । यस्यां जागर्ति गोविंदो धर्मकर्मप्रवर्त्तकः ३। ब्रह्मोवाच- प्रबोधिन्याश्च माहात्म्यं पापघ्नं पुण्यवर्द्धनम् । मुक्तिप्रदं सुबुद्धीनां शृणुष्व मुनिसत्तम ४। तावद्गर्जंति तीर्थानि आसमुद्रसरांसि च । यावत्प्रबोधिनी विष्णोस्तिथिर्नायाति कार्तिके ५। तावद्गर्जंति विप्रेंद्र गंगाभागीरथी क्षितौ । यावन्नायाति पापघ्नी कार्तिके हरिबोधिनी ६। अश्वमेधसहस्राणि राजसूयशतानि च । एकेनैवोपवासेन प्रबोधिन्या लभेन्नरः ७। यद्दुर्ल्लभं यदप्राप्यं त्रैलोक्यस्य न गोचरम् । तदप्यप्रार्थितं पुत्रं ददाति हरिबोधिनी ८। ऐश्वर्यं संपदं प्रज्ञां राज्यं च सुखसंपदः । ददात्युपोषिता भक्त्या जनेभ्यो हरिबोधिनी ९। मेरुमन्दरमात्राणि पापान्युक्तानि यानि च । एकेनैवोपवासेन दहते पापनाशिनी १०। पूर्वजन्मसहस्रेषु यत्पापं समुपार्जितम् । निशि जागरणं चास्या दहते तूलराशिवत् ११। उपवासं प्रबोधिन्यां यः करोति स्वभावतः । विधिवन्मुनिशार्दूल यथोक्तं लभते फलम् १२। यथोक्तं कुरुते यस्तु विधिवत्सुकृतं नरः । स्वल्पं मुनिवरश्रेष्ठ मेरुतुल्यं भवेत्फलम् १३। विधिहीनं तु यः कुर्यात्सुकृतं मेरुमात्रकम् । अणुमात्रं तदाप्नोति फलं धर्मस्य नारद १४। ये ध्यायंति मनोवृत्या ये करिष्यंति बोधिनीम् । वसंति पितरो हृष्टा विष्णुलोके च तस्य वै १५। विमुक्ता नारकैर्दुःखैर्याति विष्णोः परं पदम् । कृत्वा तु पातकं घोरं ब्रह्महत्यादिकं नरः १६। कृत्वा तु जागरं विष्णोर्द्धौतपापो भवेन्नरः । दुष्प्राप्यं यत्फलं विप्र अश्वमेधादिकैर्मखैः १७। प्राप्यते तत्सुखेनैव प्रबोधिन्यास्तु जागरे । आप्लुत्य सर्वतीर्थेषु प्रदत्त्वा कांचनं महीम् १८। तत्फलं समवाप्नोति यत्कृत्वा जागरं हरेः । जातः स एव सुकृती कुलं तेनैव पावितम् १९। कार्तिके मुनिशार्दूल कृता येन प्रबोधिनी । यथा ध्रुवं नृणां मृत्युर्धनं गात्रं तथाध्रुवम् २०। इति ज्ञात्वा मुनिश्रेष्ठ कर्तव्यं वैष्णवं दिनम् । यानि कानि च तीर्थानि त्रैलोक्ये संभवंति च २१। तानि तस्य गृहे सम्यग्यः करोति प्रबोधिनीम् । किं तस्य बहुभिः पुण्यैः कृता येन प्रबोधिनी २२। पुत्रपौत्रप्रदा ह्येषा कार्तिके हरिबोधिनी । स ज्ञानी च स योगी च स तपस्वी जितेंद्रियः २३। भोगो मोक्षश्च तस्यास्ति उपास्ते हरिबोधिनीम् । विष्णोः प्रियतरा ह्येषा धर्मसारसहायिनी २४। यः करोति नरो भक्त्या भुक्तिभाक्स भवेन्नरः । प्रबोधिनीमुपोषित्वा गर्भे न विशते नरः २५। सर्वधर्मान्परित्यज्य तस्मात्कुर्वीत नारद । कर्मणा मनसा वाचा पापं यत्समुपार्जितम् २६। तत्क्षालयति गोविंदः प्रबोधिन्यां तु जागरे । स्नानं दानं जपः पूजां समुद्दिश्य जनार्दनम् २७। नरो यत्कुरुते वत्स प्रबोधिन्यां तदक्षयम् । येर्चयंति नरास्तस्यां भक्त्या देवं च माधवम् २८। समुपोष्य प्रमुच्यंते पापैस्तैः शतजन्मजैः । महाव्रतमिदं पुत्र महापापौघनाशनम् २९। प्रबोधवासरं विष्णोर्विधिवत्समुपोषयेत् । व्रतेनानेन देवेशं परितोष्य जनार्दनम् ३०। विराजयन्दिशः सर्वाः प्रयाति हरिमंदिरम् । कर्तव्यैषा प्रयत्नेन नरैः कांतिधनार्थिभिः ३१। बाल्ये यत्संचितं पापं यौवने वार्द्धके तथा । शतजन्मकृतं पापं स्वल्पं वा यदि वा बहु ३२। तत्क्षालयति गोविंदश्चास्यामभ्यर्चितो नृणाम् । धनधान्यवहा पुण्या सर्वपापहरा परा ३३। तामुपोष्य हरेर्भक्त्या दुर्ल्लभं न भवेत्क्वचित् । चंद्रसूर्योपरागे च यत्फलं परिकीर्तितम् ३४। तत्सहस्रगुणं प्रोक्तं प्रबोधिन्यां प्रजागरे । स्नानं दानं जपो होमः स्वाध्यायोऽभ्यर्चनं हरेः ३५। तत्सर्वं कोटिगुणितं प्रबोधिन्यां कृतं तु यत् । जन्मप्रभृतियत्पुण्यं नरेणोपार्जितं भवेत् ३६। वृथा भवति तत्सर्वमकृत्वा कार्तिके व्रतम् । अकृत्वा नियमं विष्णोः कार्तिकं यः क्षिपेन्नरः ३७। न जन्मार्जितपुण्यस्य फलं प्राप्नोति नारद । तस्मात्सर्वप्रयत्नेन देवदेवं जनार्दनम् ३८। उपसेवेत विप्रेंद्र सर्वकामफलप्रदम् । परान्नं वर्जयेद्यस्तु कार्तिके विष्णुतत्परः ३९। परान्नवर्जनाद्वत्स चांद्रायणफलं लभेत् । नित्यं शास्त्रविनोदेन कार्तिके मधुसूदनः ४०। स दहेत्सर्वपापानि यज्ञायुतफलं लभेत् । न तथा तुष्यते यज्ञैर्न दानैर्वाजपादिभिः ४१। यथा शास्त्रकथालापैः कार्तिके मधुसूदनः । ये कुर्वंति कथां विष्णोर्ये शृण्वंति शुभान्विताः ४२। श्लोकार्द्धं श्लोकपादं वा कार्तिके गोशतं फलम् । सर्वधर्मान्परित्यज्य कार्तिके केशवाग्रतः ४३। शास्त्रावधारणं कार्यं श्रोतव्यं च महामुने । श्रेयसा लोभबुद्ध्या च यः करोति हरेः कथाम् ४४। कार्तिके मुनिशार्दूल कुलानां तारयेच्छतम् । नियमेन नरो यस्तु शृणुते वैष्णवीं कथाम् ४५। कार्तिके तु विशेषेण गोसहस्रफलं लभेत् । प्रबोधवासरे विष्णोः शृणुते यो हरेः कथाम् ४६। सप्तद्वीपवती दाने तत्फलं लभते मुने । श्रुत्वा विष्णुकथां दिव्यां येऽर्चयंति कथाविदम् ४७। स्वशक्त्या मुनिशार्दूल तेषां लोकोऽक्षयः स्मृतः । गीतशास्त्रविनोदेन कार्तिकं यो नयेन्नरः ४८। न तस्य पुनरावृत्तिर्मया दृष्टा कलिप्रिय । गीतं नृत्यं च वाद्यं च भव्यां विष्णुकथां मुने ४९। यः करोति स पुण्यात्मा त्रैलोक्योपरि संस्थितः । बहुपुष्पैर्बहुफलैः कर्पूरागुरुकुंकुमैः 6.61.५०। हरेः पूजा विधातव्या कार्तिके बोधवासरे । यस्मात्पुण्यमसंख्यातं प्राप्यते मुनिसत्तम ५१। फलैर्नानाविधैर्द्रव्यैः प्रबोधिन्यां तु जागरे । शंखे तोयं समादाय अर्घो देयो जनार्दने ५२। यत्फलं सर्वतीर्थेषु सर्वदानेषु यत्फलम् । तत्फलं कोटिगुणितं दत्त्वार्घं बोधवासरे ५३। गुरुपूजा ततः कार्या भोजनाच्छादनादिभिः । दक्षिणाभिश्च देवर्षे तुष्ट्यर्थं चक्रपाणिनः ५४। भागवतं शृणुते यस्तु पुराणं च पठेन्नरः । प्रत्यक्षरं भवेत्तस्य कपिलादानजं फलम् ५५। कार्त्तिके मुनिशार्दूल स्वशक्त्या वैष्णवं व्रतम् । यः करोति यथोक्तं तु मुक्तिस्तस्य सुनिश्चला ५६। केतक्या एकपत्रेण पूजितो गरुडध्वजः । समाः सहस्रं सुप्रीतो भवति मधुसूदनः ५७। अगस्तिकुसुमैर्देवं पूजयेद्यो जनार्दनम् । दर्शनात्तस्य देवर्षे नरकाग्निः प्रणश्यति ५८। मुनिपुष्पार्चितो विष्णुः कार्तिके पुरुषोत्तमः । ददात्यभिमतान्कामान्शशिसूर्यग्रहे यथा ५९। विहाय सर्वपुष्पाणि मुनिपुष्पेण केशवम् । कार्तिके योऽर्चयेद्भक्त्या वाजिमेधफलं लभेत् ६०। तुलसीदलानि पुष्पाणि ये यच्छंति जनार्दने । कार्तिके सकलं वत्स पापं जन्मायुतं दहेत् ६१। दृष्टा स्पृष्टाथ वा ध्याता कीर्तिता नामतस्तु ता । रोपिता सिंचिता नित्यं पूजिता तुलसी शुभा ६२। नवधा तुलसीभक्तिं ये कुर्वंति दिनेदिने । युगकोटिसहस्राणि तन्वंति सुकृतं मुने ६३। यावच्छाखाप्रशाखाभिर्बीजपुष्पदलैर्मुने । रोपिता तुलसी पुंभिर्वर्द्धते वसुधातले ६४। तेषां वंशे तु ये जाता ये भविष्यंति ये गताः । आकल्पवर्षसाहस्रं तेषां वासो हरेर्गृहे ६५। यत्फलं सर्वपुष्पेषु सर्वपत्रेषु नारद । तुलसीदलेन चैकेन कार्तिके प्राप्यते तु तत् ६६। संप्राप्तं कार्त्तिकं दृष्ट्वा नियमेन जनार्दनः । पूजनीयो महाविष्णुः कोमलैस्तुलसीदलैः ६७। इष्ट्वा क्रतुशतैर्देवान्दत्त्वा दानान्यनेकशः । तुलसीदलैस्तु तत्पुण्यं कार्तिके केशवार्चने ६८। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमापतिनारदसंवादे कार्त्तिके शुक्लैकादशीमाहात्म्यंनामैकषष्टितमोऽध्यायः ६१।
yudhiṣṭhira uvāca- śrutaṃ ramāyā māhātmyaṃ tvattaḥ kṛṣṇa yathātatham | kārtike śuklapakṣe yā tāṃ me kathaya mānada 1| śrīkṛṣṇa uvāca-| śṛṇu rājanpravakṣyāmi śukle corjadale tu yā | sā yathā nārade proktā brahmaṇā lokakāriṇā 2| nārada uvāca - prabodhinyāśca māhātmyaṃ vada vistarato mama | yasyāṃ jāgarti goviṃdo dharmakarmapravarttakaḥ 3| brahmovāca- prabodhinyāśca māhātmyaṃ pāpaghnaṃ puṇyavarddhanam | muktipradaṃ subuddhīnāṃ śṛṇuṣva munisattama 4| tāvadgarjaṃti tīrthāni āsamudrasarāṃsi ca | yāvatprabodhinī viṣṇostithirnāyāti kārtike 5| tāvadgarjaṃti vipreṃdra gaṃgābhāgīrathī kṣitau | yāvannāyāti pāpaghnī kārtike haribodhinī 6| aśvamedhasahasrāṇi rājasūyaśatāni ca | ekenaivopavāsena prabodhinyā labhennaraḥ 7| yaddurllabhaṃ yadaprāpyaṃ trailokyasya na gocaram | tadapyaprārthitaṃ putraṃ dadāti haribodhinī 8| aiśvaryaṃ saṃpadaṃ prajñāṃ rājyaṃ ca sukhasaṃpadaḥ | dadātyupoṣitā bhaktyā janebhyo haribodhinī 9| merumandaramātrāṇi pāpānyuktāni yāni ca | ekenaivopavāsena dahate pāpanāśinī 10| pūrvajanmasahasreṣu yatpāpaṃ samupārjitam | niśi jāgaraṇaṃ cāsyā dahate tūlarāśivat 11| upavāsaṃ prabodhinyāṃ yaḥ karoti svabhāvataḥ | vidhivanmuniśārdūla yathoktaṃ labhate phalam 12| yathoktaṃ kurute yastu vidhivatsukṛtaṃ naraḥ | svalpaṃ munivaraśreṣṭha merutulyaṃ bhavetphalam 13| vidhihīnaṃ tu yaḥ kuryātsukṛtaṃ merumātrakam | aṇumātraṃ tadāpnoti phalaṃ dharmasya nārada 14| ye dhyāyaṃti manovṛtyā ye kariṣyaṃti bodhinīm | vasaṃti pitaro hṛṣṭā viṣṇuloke ca tasya vai 15| vimuktā nārakairduḥkhairyāti viṣṇoḥ paraṃ padam | kṛtvā tu pātakaṃ ghoraṃ brahmahatyādikaṃ naraḥ 16| kṛtvā tu jāgaraṃ viṣṇorddhautapāpo bhavennaraḥ | duṣprāpyaṃ yatphalaṃ vipra aśvamedhādikairmakhaiḥ 17| prāpyate tatsukhenaiva prabodhinyāstu jāgare | āplutya sarvatīrtheṣu pradattvā kāṃcanaṃ mahīm 18| tatphalaṃ samavāpnoti yatkṛtvā jāgaraṃ hareḥ | jātaḥ sa eva sukṛtī kulaṃ tenaiva pāvitam 19| kārtike muniśārdūla kṛtā yena prabodhinī | yathā dhruvaṃ nṛṇāṃ mṛtyurdhanaṃ gātraṃ tathādhruvam 20| iti jñātvā muniśreṣṭha kartavyaṃ vaiṣṇavaṃ dinam | yāni kāni ca tīrthāni trailokye saṃbhavaṃti ca 21| tāni tasya gṛhe samyagyaḥ karoti prabodhinīm | kiṃ tasya bahubhiḥ puṇyaiḥ kṛtā yena prabodhinī 22| putrapautrapradā hyeṣā kārtike haribodhinī | sa jñānī ca sa yogī ca sa tapasvī jiteṃdriyaḥ 23| bhogo mokṣaśca tasyāsti upāste haribodhinīm | viṣṇoḥ priyatarā hyeṣā dharmasārasahāyinī 24| yaḥ karoti naro bhaktyā bhuktibhāksa bhavennaraḥ | prabodhinīmupoṣitvā garbhe na viśate naraḥ 25| sarvadharmānparityajya tasmātkurvīta nārada | karmaṇā manasā vācā pāpaṃ yatsamupārjitam 26| tatkṣālayati goviṃdaḥ prabodhinyāṃ tu jāgare | snānaṃ dānaṃ japaḥ pūjāṃ samuddiśya janārdanam 27| naro yatkurute vatsa prabodhinyāṃ tadakṣayam | yercayaṃti narāstasyāṃ bhaktyā devaṃ ca mādhavam 28| samupoṣya pramucyaṃte pāpaistaiḥ śatajanmajaiḥ | mahāvratamidaṃ putra mahāpāpaughanāśanam 29| prabodhavāsaraṃ viṣṇorvidhivatsamupoṣayet | vratenānena deveśaṃ paritoṣya janārdanam 30| virājayandiśaḥ sarvāḥ prayāti harimaṃdiram | kartavyaiṣā prayatnena naraiḥ kāṃtidhanārthibhiḥ 31| bālye yatsaṃcitaṃ pāpaṃ yauvane vārddhake tathā | śatajanmakṛtaṃ pāpaṃ svalpaṃ vā yadi vā bahu 32| tatkṣālayati goviṃdaścāsyāmabhyarcito nṛṇām | dhanadhānyavahā puṇyā sarvapāpaharā parā 33| tāmupoṣya harerbhaktyā durllabhaṃ na bhavetkvacit | caṃdrasūryoparāge ca yatphalaṃ parikīrtitam 34| tatsahasraguṇaṃ proktaṃ prabodhinyāṃ prajāgare | snānaṃ dānaṃ japo homaḥ svādhyāyo'bhyarcanaṃ hareḥ 35| tatsarvaṃ koṭiguṇitaṃ prabodhinyāṃ kṛtaṃ tu yat | janmaprabhṛtiyatpuṇyaṃ nareṇopārjitaṃ bhavet 36| vṛthā bhavati tatsarvamakṛtvā kārtike vratam | akṛtvā niyamaṃ viṣṇoḥ kārtikaṃ yaḥ kṣipennaraḥ 37| na janmārjitapuṇyasya phalaṃ prāpnoti nārada | tasmātsarvaprayatnena devadevaṃ janārdanam 38| upaseveta vipreṃdra sarvakāmaphalapradam | parānnaṃ varjayedyastu kārtike viṣṇutatparaḥ 39| parānnavarjanādvatsa cāṃdrāyaṇaphalaṃ labhet | nityaṃ śāstravinodena kārtike madhusūdanaḥ 40| sa dahetsarvapāpāni yajñāyutaphalaṃ labhet | na tathā tuṣyate yajñairna dānairvājapādibhiḥ 41| yathā śāstrakathālāpaiḥ kārtike madhusūdanaḥ | ye kurvaṃti kathāṃ viṣṇorye śṛṇvaṃti śubhānvitāḥ 42| ślokārddhaṃ ślokapādaṃ vā kārtike gośataṃ phalam | sarvadharmānparityajya kārtike keśavāgrataḥ 43| śāstrāvadhāraṇaṃ kāryaṃ śrotavyaṃ ca mahāmune | śreyasā lobhabuddhyā ca yaḥ karoti hareḥ kathām 44| kārtike muniśārdūla kulānāṃ tārayecchatam | niyamena naro yastu śṛṇute vaiṣṇavīṃ kathām 45| kārtike tu viśeṣeṇa gosahasraphalaṃ labhet | prabodhavāsare viṣṇoḥ śṛṇute yo hareḥ kathām 46| saptadvīpavatī dāne tatphalaṃ labhate mune | śrutvā viṣṇukathāṃ divyāṃ ye'rcayaṃti kathāvidam 47| svaśaktyā muniśārdūla teṣāṃ loko'kṣayaḥ smṛtaḥ | gītaśāstravinodena kārtikaṃ yo nayennaraḥ 48| na tasya punarāvṛttirmayā dṛṣṭā kalipriya | gītaṃ nṛtyaṃ ca vādyaṃ ca bhavyāṃ viṣṇukathāṃ mune 49| yaḥ karoti sa puṇyātmā trailokyopari saṃsthitaḥ | bahupuṣpairbahuphalaiḥ karpūrāgurukuṃkumaiḥ 6.61.50| hareḥ pūjā vidhātavyā kārtike bodhavāsare | yasmātpuṇyamasaṃkhyātaṃ prāpyate munisattama 51| phalairnānāvidhairdravyaiḥ prabodhinyāṃ tu jāgare | śaṃkhe toyaṃ samādāya argho deyo janārdane 52| yatphalaṃ sarvatīrtheṣu sarvadāneṣu yatphalam | tatphalaṃ koṭiguṇitaṃ dattvārghaṃ bodhavāsare 53| gurupūjā tataḥ kāryā bhojanācchādanādibhiḥ | dakṣiṇābhiśca devarṣe tuṣṭyarthaṃ cakrapāṇinaḥ 54| bhāgavataṃ śṛṇute yastu purāṇaṃ ca paṭhennaraḥ | pratyakṣaraṃ bhavettasya kapilādānajaṃ phalam 55| kārttike muniśārdūla svaśaktyā vaiṣṇavaṃ vratam | yaḥ karoti yathoktaṃ tu muktistasya suniścalā 56| ketakyā ekapatreṇa pūjito garuḍadhvajaḥ | samāḥ sahasraṃ suprīto bhavati madhusūdanaḥ 57| agastikusumairdevaṃ pūjayedyo janārdanam | darśanāttasya devarṣe narakāgniḥ praṇaśyati 58| munipuṣpārcito viṣṇuḥ kārtike puruṣottamaḥ | dadātyabhimatānkāmānśaśisūryagrahe yathā 59| vihāya sarvapuṣpāṇi munipuṣpeṇa keśavam | kārtike yo'rcayedbhaktyā vājimedhaphalaṃ labhet 60| tulasīdalāni puṣpāṇi ye yacchaṃti janārdane | kārtike sakalaṃ vatsa pāpaṃ janmāyutaṃ dahet 61| dṛṣṭā spṛṣṭātha vā dhyātā kīrtitā nāmatastu tā | ropitā siṃcitā nityaṃ pūjitā tulasī śubhā 62| navadhā tulasībhaktiṃ ye kurvaṃti dinedine | yugakoṭisahasrāṇi tanvaṃti sukṛtaṃ mune 63| yāvacchākhāpraśākhābhirbījapuṣpadalairmune | ropitā tulasī puṃbhirvarddhate vasudhātale 64| teṣāṃ vaṃśe tu ye jātā ye bhaviṣyaṃti ye gatāḥ | ākalpavarṣasāhasraṃ teṣāṃ vāso harergṛhe 65| yatphalaṃ sarvapuṣpeṣu sarvapatreṣu nārada | tulasīdalena caikena kārtike prāpyate tu tat 66| saṃprāptaṃ kārttikaṃ dṛṣṭvā niyamena janārdanaḥ | pūjanīyo mahāviṣṇuḥ komalaistulasīdalaiḥ 67| iṣṭvā kratuśatairdevāndattvā dānānyanekaśaḥ | tulasīdalaistu tatpuṇyaṃ kārtike keśavārcane 68| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde kārttike śuklaikādaśīmāhātmyaṃnāmaikaṣaṣṭitamo'dhyāyaḥ 61|
English translation
Yudhiṣṭhira said :
1. O Kṛṣṇa , I have duly heard from you the importance of Ramā ( Ekādaśī ). O you who respect (others, now) tell me about the Ekādaśī falling in the bright half of Kārtika .
Śrīkṛṣṇa said :
2. O king, I shall tell you about (the Ekādaśī) falling in the bright half of Kārtika, as it was told by Brahmā , the creator of the worlds, to Nārada .
Nārada said :
3. Tell me in detail the importance of the Prabodhinī (Ekādaśī) on which Viṣṇu , the propounder of righteousness, keeps awake.
Brahmā said :
4-11. O best sage, listen to the greatness of Prabodhinī which destroys sins, which increases religious merit, and which gives salvation to men of good minds. Till the Prabodhinī of (i.e. sacred to) Viṣṇu (falling) in Kārtika does not arrive, all the holy places including the oceans and the lakes roar. O best brāhmaṇa , Gaṅgā - Bhāgīrathī roars on the earth till the Ekādaśī awakening Viṣṇu (and falling) in Kārtika and destroying sins has not come. A man would obtain even through one fast on the Prabodhinī (day) (that whicḥ is obtained by means of) thousands of horse-sacrifices, and hundreds of Rājasūya sacrifices. The Haribodhinī (i.e. Prabodhinī Ekādaśī) gives, O son, even that whicḥ is difficult to obtain, whicḥ is difficult to reach, and which is not within the range of the three worlds, even though it is not asked for. The Haribodhinī, when fasted on, gives people splendour, wealth, intellect, kingdom, happiness and riches. This (Ekādaśī) that destroys sins, burns even when it is fasted on once the sins that are declared and have the size of Meru and Mandara . Keeping awake at night on this (Ekādaśī) burns like a heap of cotton the sin committed in thousands of former existences.
12-20. O best sage, he who, according to his nature, duly observes a fast on Prabodhinī, gets the fruit as declared(in sacred texts). O best among the excellent sages, a man who duly does the good act as enjoined, gets the fruit (as large) as Meru. He who without the proper manner does a good act as much (i.e. as big) as Meru, obtains its fruit just of the measure of an atom, O Nārada. The dead ancestors of those who will devoutly observe (the vow of Prabodhinī, are delighted and live in Viṣṇu’s world. A man, even after having committed a terrible sin like the murder of a brāhmaṇa, is freed from the hellish misery and goes to the highest place of Viṣṇu (on observing the Prabodhinī-vow). Having kept awake (in honour) of Viṣṇu, the sins of a man are washed. O brāhmaṇa, that fruit difficult to obtain by means of the sacrifices like the horse-sacrifice, is easily obtained by means of keeping awake on Prabodhinī. A man obtains that fruit by keeping awake (in honour) of Viṣṇu, which he would get by bathing in all holy places and by giving gold or land. He who has observed the Prabodhinī in Kārtika, is alone born fortunate and has himself only purified his family. Though death is certain for men, wealth and body are uncertain.
21-25. Realising this, O best sage, the day of (i.e. sacred to) Viṣṇu should be observed (as a fast-day). All the holy places that are there in the three worlds, are (present) in the house of the one who properly observes the (fast on) the Prabodhinī. What is the use of many (other) acts of religious merit for him who has observed (a fast on) the Prabodhinī (Ekādaśī)? This Haribodhinī (falling) in Kārtika gives sons and grandsons. He (alone) is wise, is a meditating saint, an ascetic, and has controlled his senses (who fasts on Prabodhinī). He (who) fasts on Haribodhinī, gets pleasures and salvation. This one, helping the essence of righteousness, is very dear to Viṣṇu. A man who devoutly observes (this vow) would enjoy pleasures. By fasting on Prabodhinī a man does not enter a womb (i.e. he is not reborn).
26-33. Therefore, giving up all other meritorious acts, a man should observe (this vow). All the sin committed through deeds, mind and speech is washed by Viṣṇu on a man’s keeping awake on Prabodhinī. All that a man does like a bath, (giving) a gift, muttering (hymns), worship in honour of Viṣṇu on Prabodhinī is inexhaustible. Those men who devoutly worship god Viṣṇu on that day and observe a fast on that day, are free from sins incurred during hundreds of existences. O son, this is a great vow which destroys a stream of great sins. A man should duly fast on the day of Viṣṇu’s being awake and should please Viṣṇu with this vow. Illuminating all quarters he goes to Viṣṇu’s abode. Men desiring brilliance and wealth should carefully observe this. Viṣṇu worshipped on this day, washes men’s sin which is accumulated (by them) in their childhood, in their youth, and in their old age, so also the sin committed during hundreds of existences, even if it is small or great. This one brings wealth and grains, is auspicious, is great and removes all sins.
34-41a. By fasting on it through devotion for Viṣṇu, there would be nothing difficult to obtain. The fruit which is obtained (on bathing) at the lunar or the solar eclipse, is said to be thousandfold by keeping awake on the Prabodhinī. All that—bath, (giving) gifts, muttering (hymns), sacrifice, self-study, Viṣṇu’s worship, done on Prabodhinī becomes crorefold. All the religious merit that would be earned by a man from his birth, becomes fruitless if the vow in Kārtika is not observed. O Nārada, a man who would spend Kārtika without observing the vow of Viṣṇu, does not obtain the fruit of the religious merit earned during his existence. Therefore, O best brāhmaṇa, with all efforts he should serve Viṣṇu, the god of gods. It gives all desired objects. A man devoted to Viṣṇu, should avoid others’ food in Kārtika. By avoiding others’ food, he would obtain the fruit of the Cāndrāyaṇa -vow. A man who would spend every day of Kārtika in (pursuing) sacred texts would burn all (his) sins, and would obtain the fruit of a myriad sacrifices.
4lb-48a. Viṣṇu is not so much pleased with sacrifices, gifts, and Vājapeya etc. as he is pleased with the narration of stories from the sacred texts in Kārtika. Those who narrate Viṣṇu’s account or listen to (his) auspicious accounts, or to half a verse or a quarter of a verse in Kārtika obtain the fruit of (having given) a hundred cows. Giving up all other righteous acts, sacred texts should be discussed and grasped in Kārtika before (the image of) Viṣṇu, O great sage. O best sage, he who, with (a desire for) the highest good and any (other) desire, narrates (or listens to) Viṣṇu’s accounts in Kārtika, would emancipate a hundred (members) of his family. A man who regularly listens to Viṣṇu’s account, especially in Kārtika, obtains the fruit of (having given) a thousand cows. O sage, he who listens to Viṣṇu’s account on the day of his awakening (i.e. on the Prabodhinī Ekādaśī) obtains that fruit (which is obtained) by giving (the earth) with the seven islands. O best sage, eternal world (of gods) is said to be reached by them who, after hearing the divine account of Viṣṇu, honour according to their own capacity the knower (i.e. the reader) of the account.
48b-54. O Nārada, that man who would pass Kārtika in singing and in pursuing sacred texts, is not seen by me to be reborn. O sage, the man, a meritorious soul, who does (i.e. engages himself in) singing, dancing, (playing on) musical instruments, and (listens to) the auspicious account of Viṣṇu, remains above the three worlds. With many flowers, with many fruits and camphor, agaru and saffron, Viṣṇu’s worship should be done on the Prabodhinī day in Kārtika, from which immeasurable religious merit is obtained, O best sage. At the time of keeping awake on the Prabodhinī (night) respectful offering with various kinds of fruits should be made after taking water in a conch. A crore-fold of fruit which (is obtained by bathing) at all holy places, that fruit which (is had) by means of all gifts, is got by giving a respectful offering on the Prabodhinī day. After that the preceptor should be honoured with a meal, a covering etc., so also with gifts in order to please the Disc-holder (i.e. Viṣṇu), O divine sage.
55-68. A man who listens to Bhāgavata , and a man who would listen to a Purāṇa , would obtain for every letter (of the text) the fruit due to the gift of a tawny cow. O best sage, for him who observes, according to his capacity, the vow (in honour) of Viṣṇu, as has been laid down, salvation is certainly secured. Madhusūdana , the eagle-bannered god, worshipped with one ketakī -leaf, becomes very much pleased for a thousand years. The fire of hell is put out by seeing him who would worship Viṣṇu with agasti -leaves, O divine sage. Viṣṇu, the greatest person, when worshipped with mango-leaves in Kārtika, gives desired objects, as at the lunar or the solar eclipse. He who, leaving all (other) flowers, devoutly worships Viṣṇu with mango-blossoms, would obtain the fruit of a horse-sacrifice. O child, all the sin of those, (even) of a myriad existences, who offer Tulasī -leaves and flowers to Viṣṇu in Kārtika, would burn. Tulasī is auspicious if it is always seen, touched, meditated upon, described, praised, planted, sprinkled and worshipped. O sage, those who everyday are devoted to Tulasī in (these) nine ways, produce religious merit lasting for thousands of crores of yugas . O sage, as long as Tulasī planted by men on the earth grows with branches, twigs, seeds, flowers and leaves, (the persons) that are born or will be born in their families, live in Viṣṇu’s house for (many) thousand years till universal deluge. That fruit which exists in all flowers and leaves, is obtained by (offering) a Tulasī-leaf (to Viṣṇu) in Kārtika. Seeing that Kārtika has arrived, great Viṣṇu should be regularly worshipped with tender Tulasī-leaves. The religious merit obtained by the performance of hundreds of sacrifices and giving many gifts is obtained by worshipping Viṣṇu with Tulasī-leaves in Kārtika.
Complete chapter-aligned witnesses. Sanskrit Wikisource page 44634, revision 336457 (2022-04-22T22:27:26Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365638.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.