Viśvajit-khaṇḍa · Chapter 47
Sourceश्रीनारद उवाच - प्रद्युम्नोऽथ महावीरो नादयन् जयदुन्दुभिम् ॥ यदुभिः सैनिकैः सार्द्धं मधुधारातटं ययौ ॥१॥ सुवर्णाद्रितटीभूते वने वैश्रवसे शुभे ॥ सुवर्णवर्णहंसाढ्ये कांचनीलतिकावृते ॥२॥ हेमावतीषु द्रोणीषु देवदुर्गासु मैथिल ॥ दानवानामगम्यासु गंगावेत्रवतीषु च ॥३॥ दानवेभ्यः प्रभीतानां क्वचित्स्वर्गात्पलायिनाम् ॥ अष्टानां लोकपालानां निधयो यत्र संति हि ॥४॥ तत्र शक्रसखो देव आधिपत्याभिरक्षकः ॥ श्रुत्वाऽऽगतं च प्रद्युम्नं युद्धं कर्तुं मनो दधे ॥५॥ प्रद्युम्नप्रेषितः साक्षादुद्धवो बुद्धिसत्तमः ॥ पप्रच्छ दृष्टमार्गैश्च जनैस्तस्य पुरं ययौ ॥६॥ नत्वा देवं शक्रसखं सभायामुद्धवः प्रभुः ॥ प्रद्युम्नकथितं प्राह विस्तरान्मंत्रिणां वरः ॥७॥ उद्धव उवाच - उग्रसेनो यादवेंद्रो द्वारकेशो नृपेश्वरः ॥ जंबूद्वीपनृपान् जित्वा राजसूयं करिष्यति ॥८॥ तेन प्रणोदितो जेतुं रुक्मिणीनंदनो बली ॥ जित्वा स भारतादीनि खंडानि स्वस्य तेजसा ॥९॥ अद्यैवेलावृतं प्राप्तो जेतुं कार्ष्णिर्महाबलः ॥ तस्मै यच्छ बलिं शीघ्रं कुलकौशलहेतवे ॥ न चेद्युद्धं हि भवता राजन्सर्वविदां वर ॥१०॥ शक्रसख उवाच - शृणु दूत सदा देवैः पूजितोऽहं नरैः किमु ॥ सिद्धोऽहं वै महावीरो नागलक्षसमो बले ॥११॥ अष्टानां लोकपालानामाधिपत्याभिरक्षकः ॥ कुबेर इव कोशाढ्यः पुरंदर इवोद्भटः ॥१२॥ उग्रसेनेन दातव्यं मह्यं चोपायनं परम् ॥ पुरा तस्मै न दास्यामि यदुराजाय भूभृते ॥१३॥ उद्धव उवाच - यथा तिरस्कृतिं प्राप्तः कुबेरो यदुतेजसा ॥ यथा शृङ्गारतिलकश्चैत्रदेशाधिपो बली ॥१४॥ शुभांगो हरिवर्षेश उत्तरेशो गुणाकरः ॥ यथा दैत्यसखो राजा लंकेशो राक्षसेश्वरः ।१५॥ संवत्सरः केतुमालः शकुन्याद्या महासुराः ॥ तथाभूतस्त्वं हि राजन् बलिं तस्मै प्रदास्यसि ॥१६॥ श्रीनारद उवाच - इत्युद्धववचः श्रुत्वा क्रुद्धः शक्रसखो बली ॥ उद्धवं प्रत्युवाचाथ शृणु भागवतोत्तम ॥१७॥ यावद्बलिं प्रदस्यामि तावत्त्वं संस्थितो भव ॥ अन्यथा ते गतिर्नास्ति सत्यं सत्यं महामते ॥१८॥ उद्धव उवाच - वयं तु मंत्रिप्रवराः पूर्णज्ञानप्रदा वराः ॥ मच्छिक्षणं न मन्यंते तेषां नो मंगलं भवेत् ॥१९॥ श्रीनारद उवाच - एवं स दृष्टरोधेन रोधयामास चोद्धवम् ॥ उद्धवं नागतं राजन् यदूनामनुशोचताम् ॥२०॥ दिनानि कतिचित्तत्र व्यतीयुस्तमपश्यताम् ॥ मन्मुखात्तदुपाकर्ण्य प्रद्युम्नो भगवान्हरिः ॥२१॥ जेतुं शक्रसखं प्रागात्त्रिपुरं त्र्यम्बको यथा ॥ यदुभिर्भ्रातृभिः सार्द्धं स सैन्यपरिवारितः ॥२२॥ सुवर्णाद्रिगुहाद्वारात्संप्राप्तो मकरध्वजः ॥ वीरकोदण्डटंकारैर्दुन्दुभिध्वनिमिश्रितैः ॥२३॥ अश्वहेषैर्हस्तिनादैर्विनेदुश्च दिशो दश ॥ सैन्यपादरजोभिश्च युयुधे यादवैः सह ॥२४॥ बभूव तुमुलं युद्धं छादितं व्योममंडलम् ॥ वीक्ष्य सर्वे मेरुदेवा भयं प्रापुर्नृपेश्वर ॥२५॥ अथ शक्रसखः क्रुद्धो रथारूढो महाबलः ॥ अक्षौहिणीभिर्दशभिर्युयुधे यादवैः सह ॥२६॥ बभूव तुमुलं युद्धं देवानां यदुभिः सह ॥ प्राकृतप्रलये राजन्नुदधीनां ध्वनिर्यथा ॥२७॥ शस्त्रांधकारे संजाते सारणो रोहिणीसुतः ॥ बलदेवानुजो वीरो दंशितो गजसंस्थितः ॥२८॥ सर्वेषामग्रतः प्राप्तो धनुष्टंकारयन्मुहुः ॥ तद्बलं पोथयामास बाणैः कोदंडनिर्गतैः ॥२९॥ श्रीसारणस्य बाणौघैः केचिद्वीरा द्विधाकृताः ॥ तिर्यग्भूता रथा युद्धे निपेतुः पादपा इव ॥३०॥ गजानां भिन्नकुंभानां मौक्तिकान्यपतंस्तदा । बाणान्धकारे संजाते रात्रौ तारागणा इव ॥३१॥ संछिद्यमानैरश्वैश्च वीरैर्नागै रणांगणम् ॥ बभौ भूतगणैर्युक्तं यथाऽऽक्रीडमुमापतेः ॥३२॥ सारणस्य बलं दृष्ट्वा सर्वे देवाः पलायिताः ॥ संछिन्नभिन्नकोदंडा अभितः शीर्णकंचुकाः ॥३३॥ पलायमानं स्वबलं दृष्ट्वा शक्रसखो बली ॥ धनुष्टंकारयन्प्राप्तो जगर्ज घनवद्बलात् ॥३४॥ अर्जुनं दशभिर्बाणैर्विंशत्या भानुमेव च ॥ सांबं बाणशतैर्युद्धेऽनिरुद्धं च शतैः शरैः ॥३५॥ द्विशतैश्च गदं वीरं सहस्रैः सारणं तथा ॥ तताड समरे वीरो धन्वी शक्रसखो बली ॥३६॥ तद्बाणैः सरथा वीरा बभ्रमुर्घटिकाद्वयम् ॥ चक्रवत्कुंभकारस्य तदद्भूतमिवाभवत् ॥३७॥ हयाश्च पंचतां प्राप्ताः श्लथद्बंधा रथा भ्रमात् ॥ रथिनः खिन्नमनसः सूत मूर्च्छां गता मृधे ॥३८॥ स चान्यं रथमारुह्य धनुष्टंकारयन्बलात् ॥ धनुः शक्रसखस्यापि चिच्छेद दशभीः शरैः ॥३९॥ द्वाभ्यां सूतं शतैरश्वान्सहस्रैस्तद्रथं शरैः ॥ चूर्णयामास राजेन्द्र सांबो जांबवतीसुतः ॥४०॥ स च्छिन्नधन्वा विरथो हताश्वो हतसारथिः ॥ नागेंद्रं मत्तमारुह्य शूलं जग्राह रोषतः ॥४१॥ विव्याध सांबं शूलेन हृदि शक्रसखो बली ॥ तेन घातेन सांबोऽपि किंचिद्व्याकुलमानसः ॥४२॥ योजने पादविक्षेपं कज्जलाद्रिसमप्रभम् ॥ चतुर्योजनमुच्चांगं योजनार्द्धरदद्वयम् ॥४३॥ महच्चीत्कारं कुर्वंतं त्रिशूण्डादंडमंडलैः ॥ श्रृंखले पातयंतं तं चतुर्योजनविस्तृतैः ॥४४॥ गजान् वीरान्मर्दयंतं रथानश्वानितस्ततः ॥ दंतैः पादैर्घातयंतं कालांतकयमोपमम् ॥४५॥ आगतं वीक्ष्य नागेंद्रं शत्रुणा नोदितं परम् ॥ विचरंतं मृधाद्भीता यदुसेना विदुद्रुवुः ॥४६॥ गदो गदां समादाय बलदेवानुजो बली ॥ जघान तद्गजं कुंभे गदया वज्रकल्पया ॥४७॥ तद्घातभिन्नकुंभो हि गजो युद्धे पपात ह ॥ छिन्नपक्षो यथा शैलस्तदद्भुतमिवाभवत् ॥४८॥ अथ शक्रसखो यावद्गदां जग्राह रोषतः ॥ तावत्तताड गदया गदः शक्रसखं हृदि ॥४९॥ तेन घातेन सगजो पतितो मूर्छितोऽभवत् ॥ पुनरुत्थाय स गदं भुजाभ्यां जगृहे मृधे ॥५०॥ गदशक्रसखौ युद्धे युयुधाते परस्परम् ॥ रंगे मल्लाविव वन्ये वन्यौ तौ वारणाविव ।५१॥ भुजाभ्यां तं समुत्थाप्य बलदेवानुजो बली ॥ चिक्षेप तत्पुरे वीरं बलात्तं शतयोजनम् ॥५२॥ तदा जयजयारावो यदुसैन्ये बभूव ह ॥ जयदुन्दुभयो नेदुः प्रशशंसुर्मुहुर्जनाः ॥५३॥
śrīnārada uvāca - pradyumno'tha mahāvīro nādayan jayadundubhim || yadubhiḥ sainikaiḥ sārddhaṃ madhudhārātaṭaṃ yayau ||1|| suvarṇādritaṭībhūte vane vaiśravase śubhe || suvarṇavarṇahaṃsāḍhye kāṃcanīlatikāvṛte ||2|| hemāvatīṣu droṇīṣu devadurgāsu maithila || dānavānāmagamyāsu gaṃgāvetravatīṣu ca ||3|| dānavebhyaḥ prabhītānāṃ kvacitsvargātpalāyinām || aṣṭānāṃ lokapālānāṃ nidhayo yatra saṃti hi ||4|| tatra śakrasakho deva ādhipatyābhirakṣakaḥ || śrutvā''gataṃ ca pradyumnaṃ yuddhaṃ kartuṃ mano dadhe ||5|| pradyumnapreṣitaḥ sākṣāduddhavo buddhisattamaḥ || papraccha dṛṣṭamārgaiśca janaistasya puraṃ yayau ||6|| natvā devaṃ śakrasakhaṃ sabhāyāmuddhavaḥ prabhuḥ || pradyumnakathitaṃ prāha vistarānmaṃtriṇāṃ varaḥ ||7|| uddhava uvāca - ugraseno yādaveṃdro dvārakeśo nṛpeśvaraḥ || jaṃbūdvīpanṛpān jitvā rājasūyaṃ kariṣyati ||8|| tena praṇodito jetuṃ rukmiṇīnaṃdano balī || jitvā sa bhāratādīni khaṃḍāni svasya tejasā ||9|| adyaivelāvṛtaṃ prāpto jetuṃ kārṣṇirmahābalaḥ || tasmai yaccha baliṃ śīghraṃ kulakauśalahetave || na cedyuddhaṃ hi bhavatā rājansarvavidāṃ vara ||10|| śakrasakha uvāca - śṛṇu dūta sadā devaiḥ pūjito'haṃ naraiḥ kimu || siddho'haṃ vai mahāvīro nāgalakṣasamo bale ||11|| aṣṭānāṃ lokapālānāmādhipatyābhirakṣakaḥ || kubera iva kośāḍhyaḥ puraṃdara ivodbhaṭaḥ ||12|| ugrasenena dātavyaṃ mahyaṃ copāyanaṃ param || purā tasmai na dāsyāmi yadurājāya bhūbhṛte ||13|| uddhava uvāca - yathā tiraskṛtiṃ prāptaḥ kubero yadutejasā || yathā śṛṅgāratilakaścaitradeśādhipo balī ||14|| śubhāṃgo harivarṣeśa uttareśo guṇākaraḥ || yathā daityasakho rājā laṃkeśo rākṣaseśvaraḥ |15|| saṃvatsaraḥ ketumālaḥ śakunyādyā mahāsurāḥ || tathābhūtastvaṃ hi rājan baliṃ tasmai pradāsyasi ||16|| śrīnārada uvāca - ityuddhavavacaḥ śrutvā kruddhaḥ śakrasakho balī || uddhavaṃ pratyuvācātha śṛṇu bhāgavatottama ||17|| yāvadbaliṃ pradasyāmi tāvattvaṃ saṃsthito bhava || anyathā te gatirnāsti satyaṃ satyaṃ mahāmate ||18|| uddhava uvāca - vayaṃ tu maṃtripravarāḥ pūrṇajñānapradā varāḥ || macchikṣaṇaṃ na manyaṃte teṣāṃ no maṃgalaṃ bhavet ||19|| śrīnārada uvāca - evaṃ sa dṛṣṭarodhena rodhayāmāsa coddhavam || uddhavaṃ nāgataṃ rājan yadūnāmanuśocatām ||20|| dināni katicittatra vyatīyustamapaśyatām || manmukhāttadupākarṇya pradyumno bhagavānhariḥ ||21|| jetuṃ śakrasakhaṃ prāgāttripuraṃ tryambako yathā || yadubhirbhrātṛbhiḥ sārddhaṃ sa sainyaparivāritaḥ ||22|| suvarṇādriguhādvārātsaṃprāpto makaradhvajaḥ || vīrakodaṇḍaṭaṃkārairdundubhidhvanimiśritaiḥ ||23|| aśvaheṣairhastinādairvineduśca diśo daśa || sainyapādarajobhiśca yuyudhe yādavaiḥ saha ||24|| babhūva tumulaṃ yuddhaṃ chāditaṃ vyomamaṃḍalam || vīkṣya sarve merudevā bhayaṃ prāpurnṛpeśvara ||25|| atha śakrasakhaḥ kruddho rathārūḍho mahābalaḥ || akṣauhiṇībhirdaśabhiryuyudhe yādavaiḥ saha ||26|| babhūva tumulaṃ yuddhaṃ devānāṃ yadubhiḥ saha || prākṛtapralaye rājannudadhīnāṃ dhvaniryathā ||27|| śastrāṃdhakāre saṃjāte sāraṇo rohiṇīsutaḥ || baladevānujo vīro daṃśito gajasaṃsthitaḥ ||28|| sarveṣāmagrataḥ prāpto dhanuṣṭaṃkārayanmuhuḥ || tadbalaṃ pothayāmāsa bāṇaiḥ kodaṃḍanirgataiḥ ||29|| śrīsāraṇasya bāṇaughaiḥ kecidvīrā dvidhākṛtāḥ || tiryagbhūtā rathā yuddhe nipetuḥ pādapā iva ||30|| gajānāṃ bhinnakuṃbhānāṃ mauktikānyapataṃstadā | bāṇāndhakāre saṃjāte rātrau tārāgaṇā iva ||31|| saṃchidyamānairaśvaiśca vīrairnāgai raṇāṃgaṇam || babhau bhūtagaṇairyuktaṃ yathā''krīḍamumāpateḥ ||32|| sāraṇasya balaṃ dṛṣṭvā sarve devāḥ palāyitāḥ || saṃchinnabhinnakodaṃḍā abhitaḥ śīrṇakaṃcukāḥ ||33|| palāyamānaṃ svabalaṃ dṛṣṭvā śakrasakho balī || dhanuṣṭaṃkārayanprāpto jagarja ghanavadbalāt ||34|| arjunaṃ daśabhirbāṇairviṃśatyā bhānumeva ca || sāṃbaṃ bāṇaśatairyuddhe'niruddhaṃ ca śataiḥ śaraiḥ ||35|| dviśataiśca gadaṃ vīraṃ sahasraiḥ sāraṇaṃ tathā || tatāḍa samare vīro dhanvī śakrasakho balī ||36|| tadbāṇaiḥ sarathā vīrā babhramurghaṭikādvayam || cakravatkuṃbhakārasya tadadbhūtamivābhavat ||37|| hayāśca paṃcatāṃ prāptāḥ ślathadbaṃdhā rathā bhramāt || rathinaḥ khinnamanasaḥ sūta mūrcchāṃ gatā mṛdhe ||38|| sa cānyaṃ rathamāruhya dhanuṣṭaṃkārayanbalāt || dhanuḥ śakrasakhasyāpi ciccheda daśabhīḥ śaraiḥ ||39|| dvābhyāṃ sūtaṃ śatairaśvānsahasraistadrathaṃ śaraiḥ || cūrṇayāmāsa rājendra sāṃbo jāṃbavatīsutaḥ ||40|| sa cchinnadhanvā viratho hatāśvo hatasārathiḥ || nāgeṃdraṃ mattamāruhya śūlaṃ jagrāha roṣataḥ ||41|| vivyādha sāṃbaṃ śūlena hṛdi śakrasakho balī || tena ghātena sāṃbo'pi kiṃcidvyākulamānasaḥ ||42|| yojane pādavikṣepaṃ kajjalādrisamaprabham || caturyojanamuccāṃgaṃ yojanārddharadadvayam ||43|| mahaccītkāraṃ kurvaṃtaṃ triśūṇḍādaṃḍamaṃḍalaiḥ || śrṛṃkhale pātayaṃtaṃ taṃ caturyojanavistṛtaiḥ ||44|| gajān vīrānmardayaṃtaṃ rathānaśvānitastataḥ || daṃtaiḥ pādairghātayaṃtaṃ kālāṃtakayamopamam ||45|| āgataṃ vīkṣya nāgeṃdraṃ śatruṇā noditaṃ param || vicaraṃtaṃ mṛdhādbhītā yadusenā vidudruvuḥ ||46|| gado gadāṃ samādāya baladevānujo balī || jaghāna tadgajaṃ kuṃbhe gadayā vajrakalpayā ||47|| tadghātabhinnakuṃbho hi gajo yuddhe papāta ha || chinnapakṣo yathā śailastadadbhutamivābhavat ||48|| atha śakrasakho yāvadgadāṃ jagrāha roṣataḥ || tāvattatāḍa gadayā gadaḥ śakrasakhaṃ hṛdi ||49|| tena ghātena sagajo patito mūrchito'bhavat || punarutthāya sa gadaṃ bhujābhyāṃ jagṛhe mṛdhe ||50|| gadaśakrasakhau yuddhe yuyudhāte parasparam || raṃge mallāviva vanye vanyau tau vāraṇāviva |51|| bhujābhyāṃ taṃ samutthāpya baladevānujo balī || cikṣepa tatpure vīraṃ balāttaṃ śatayojanam ||52|| tadā jayajayārāvo yadusainye babhūva ha || jayadundubhayo neduḥ praśaśaṃsurmuhurjanāḥ ||53||
English translation
Battle of Shakrasakhka with the Yadava army and its defeat
Naradji says - Rajan! Mahavira Pradyumna then marched along the banks of the Madhudhara River with his Yadava soldiers, playing his victory tunes. Reach the beautiful forest of Kubera on the banks of Suvarna-Giri, which is rich in golden geese and Kanchani creepers. Mithileshwar! The Himalayan caves serve as fortifications for the gods. There the demons do not have access to. The Gangetic plain is overgrown with cane bushes. Sometimes the treasures of the eight ombudsmen, who fled heaven in fear of the demons, reside there. 1-4. A Dev-Shiromani named Shakrasakh is the ruler of that province. Hearing of Pradyumna's arrival, he considered a war with him. The best of the wise men sent by Pradyumna went straight to the city of Shakrasakhki, asking the way of the people who guided him. Arriving at the meeting, the minister, Prabu Uddhava, saluted King Indrasakha and elaborated on what Pradyumra had said. 5 - 7.
Uddhav said that Indra of the Yadavas, Rajadhiraja Ugrasena, the lord of Dwarkapuri, would conquer the kings of Jambudvipa and perform the Rajasuya Yajna. The mighty Rukmininandan Pradyumna, sent by him for victory, has come with his might to conquer India and other years and to conquer Ilavrita. The strength of that Sri Krishna Kumar is great. If you want your pup to be skilled, give them a gift as soon as possible. The greatest of all kings! If you do not give an offering, a war with you will be inevitable. 8-103 |
The angels said, "O Messenger! Listen. Even the gods worship me all the time, so what about humans? I am Siddha, Mahavira, and as mighty as a hundred thousand elephants. I am the custodian of the sovereignty of the eight Ombudsmen. I am as rich a treasure as Kubera and as formidable as Indra. It is Ugrasena who should present me with the best possible solution. I have never given an offering to anyone before, so I will not even give an offering to your king. 11-13 |
Uddhav said, "Like the brilliance of the Yadavas, Kubera has received contempt and has had to offer; like the mighty king of Chaitra, Shringarathilaka, has offered; like the king of Harivarsha, Shubhanga, the lord of Uttarakhand, Gunakar, the demon king of the Daityas, Lankapati, Vatsar, Ketumal, and Shakuni, the great Asuras have offered, Rajana! In the same way, you will also make offerings to Pradyumna when you are in the same predicament as him. 14-16 |
Naradji says - Rajan! Upon hearing the above statement of Uddhav, the mighty warrior replied to Udhava in a furious manner: "Bhagavad Bhakta - Shiromani! Listen. Stay here while I give you the gift. Otherwise, you will not be able to leave. The great This is the truth, this is the truth. 17-18 |
Uddhav said, "We among the ministers are the best and the best in imparting knowledge. It is not good for those who do not follow our teachings. 19. (Vishwajitkhand Chapter 46 to 50)
Naradji says - Rajan! Thus, the emperor placed Uddhav under house arrest there. The Yaduvanshi people were alarmed at Uddhav's failure to return. They all went many days without seeing him. Then hearing the news of Uddhavji's obstruction from my mouth, Lord Pradyumna Hari went to conquer Shakrasakha like Mahadevji, who had traveled to conquer Tripurasura. He was accompanied by all the Yadava brothers and the entire army. Pradyumna reached the entrance of the Suvarnadiki cave. The ten directions echoed with the cacophony of the gallant warriors, the chirping of the horses, and the chirping of the elephants, mingled with the sound of the drummers. The dust from the soldiers' feet also spread everywhere. The army of Shakrasakh started fighting the Yadavas. Fierce warfare ensued, the atmosphere becoming overshadowed by armaments. Nripesvara. Seeing this, all the gods and goddesses living in Mount Meru were terrified. 20-24 |
At this time, in a fit of rage and mounted on a chariot, Mahabali Shakrasakh advanced with an army of ten Akshauhins and started fighting the Yadavas. A fierce battle ensued between the Devas and the Yadavas. The king. At the time of the Prakrit catastrophe, there was a great commotion, as loud as the sound of the four seas colliding. It was pitch dark with the use of weapons. At that time, Baldev's younger brother Rohinandan, armed with a gallant saran, came forward on an elephant, repeatedly bows and arrows, and began to destroy Shakrasakh's army with arrows dropped from his axe. The arrows of the tableau broke several heroes into pieces. On the battlefield, many chariots rolled down and fell like trees. At that time, the pearls of the elephants whose Kumbhsthal was torn apart were falling here and there, and in the darkness of the arrows, those scattered pearls shone like stars at night. With bending horses, foot warriors, and elephants, the battlefield resembled a mausoleum, the playground of Bhoothnath with his ghostly hordes. Seeing the strength of the table, all the gods fled. Their elbows were torn apart, and the armor was torn from all sides. 25-33 |
Seeing his army fleeing, the mighty enemy came there bow and arrow and roared loudly like a cloud. The valiant archer Shakrasakhana shot ten arrows at the battlefield at Arjuna, a hundred at Samba and Aniruddha, two hundred at Gadak and a thousand at Saran. With his arrows, the charioteers spun for a couple of hours just as the potter's wheels spun. That was a wonderful thing. Thus, the horses were consumed by death by circumambulation, the chariot ties loosened, the charioteers felt remorseful, and the charioteers also lost in battle. 34-38 |
Rajendra! At that time, Jambavatinandan Samba came on another chariot, bowing down forcefully. They shattered the bow of Shakrasakha with ten arrows. He sent his charioteers with two arrows and his horses with a hundred arrows to Yamlok, and with a thousand arrows, he also broke his chariot. Angrily, he took the axe from Gajaraja, who was chariot-less when his bow was cut off and the horses and charioteers killed. The mighty enemy struck Sambaki in the chest with the spade. The shock left Samba feeling a bit downcast. 39-42 | (Vishwajitkhand Chapter 46 to 50)
The elephant of Shakrasakh used to fill the legs of one yojana after another. Its colour was black like that of Kajjalgiri and its height was four yojanas. Two of his teeth were protruding from half the planus. He was screaming very loudly. He had three sundials of four yojanas each. Through them, he would knock down shackles, crush elephants and heroes, and destroy chariots and horses with his teeth and feet, looking like Kaala, Antaka, and Yama. The Yadava soldiers fled the battle in terror as they saw the great Gajaraja, inspired by the enemy, approaching and wandering. 43-46 |
At that time Balwan Gadne, the younger brother of Baldevji, took the mace and struck the said Gajraj's Kumbh Sthal with great force with that Vajra-like mace. The blow to his kumbhasala ruptured and the elephant collapsed in the battlefield like a mountain with its wings amputated. That was a wonderful thing. 47-48 |
Subsequently, as soon as Shakrasakha tried to pick up the mace in a fit of rage, Gadane hit him in the chest with his mace. That stroke caused him to fall with the elephant and become numb. Then he got up and picked up the mace with both hands on the battlefield. Both Gada and Shakrasakha thus engaged in a mace fight, as if two Mallas were fighting in a theatre and two elephants in a forest. Baldev's younger brother Balwan Gada then picked up the hero with both his arms and forcefully threw him a hundred yojanas up into his city. At that time, there was cheering in the Yadava army, thunderous cheers of victory, and repeated praises of the gada. 49-53 |
Thus was completed the forty-seventh chapter of the Narada Bahulashva-Samvad under the Vishwajit Khanda in the Srigargha Samhita, the 'Battle of Shakrasakha'. 47.
Complete chapter-aligned witnesses. Sanskrit Wikisource page 24694, revision 92765 (2016-11-29T11:39:46Z). English was rendered from the complete Hindi chapter at https://www.mahakavya.com/vishwajitkhand-chapter-46-to-50/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.