Mathurā-khaṇḍa · Chapter 19
Sourceश्रीनारद उवाच - इत्थं निशम्य भक्तस्य वचनं भक्तवत्सलः । स्मृत्वा वाक्यं स्वकथितं गंतुं चक्रेऽच्युतो मतिम् ॥ १ ॥ बलदेवं स्थापयित्वा कार्यभारेषु सर्वतः । हेमाढ्यं किंकणोजालं चंचलाश्वनियोजितम् ॥ २ ॥ रथमारुह्य सूर्याभमुद्धवेन समन्वितः । भक्तानां दर्शनं दातुं प्रययौ नंदगोकुलम् ॥ ३ ॥ गोवर्धनं गोकुलं च पश्यन् वृन्दावनं वनम् । प्राप्तोऽभूत्पुलिने कृष्णः कृष्णातीरे मनोहरे ॥ ४ ॥ कोटिशः कोटिशो गावो दृष्ट्वा कृष्णं व्रजाधिपम् । आधावन्त्यः सर्वतस्तं स्नेहस्नुतपयोधराः ॥ ५ ॥ उदास्यकर्णवालाँश्च रंभमाणाः सवत्सकाः । मुखे कवलसंयुक्ता अश्रुमुख्यो गतव्यथाः ॥ ६ ॥ सरथं सारुणं साश्वं शरदर्कं यथा घनाः । रुरुधुस्तं रथं राजनुद्धवस्य प्रपश्यतः ॥ ७ ॥ श्रीगोपालो हरिस्तासां वदन्नाम पृथक् पृथक् । श्रीहस्तेन तदंगानि स्पृशन् हर्षं जगाम ह ॥ ८ ॥ तत्समीपे गवां वृन्दं गतं वीक्ष्य व्रजार्भकाः । श्रीदामाद्या विस्मिताश्च दूरादूचुः परस्परम् ॥ ९ ॥ गोपा ऊचुः - रथं सकुम्भध्वजवायुवेगं सुकांस्यपत्रध्वनिनिःस्वनं तम् । शताश्वयुक्तं शतसूर्यशोभं गावः कथं वा रुरुधुः सखायः ॥ १० ॥ अन्यो न चास्मिन् हि गवां प्रहर्षणै- रायाति किंतु व्रजराजनंदनः । स्फुरंति चांगानि हि दक्षिणानि नः श्रीनीलकंठः प्रतनोति तोरणम् ॥ ११ ॥ श्रीनारद उवाच - इत्थं विचार्य मनसा गोपाः सर्वे समागताः । ददृशुर्माधवं मित्रं गतं वस्तु यथा जनाः ॥ १२ ॥ अवप्लुत्य रथात्कृष्णः परिपूर्णतमः स्वयम् । पुरो निधाय तान्सर्वान्दोर्भ्यां तत्प्रेमविह्वलः ॥ १३ ॥ मुंचन्नेत्राब्जवारीणि परिरेभे पृथक्पृथक् । अहो भक्तेश्च माहात्म्यं वक्तुं कोऽस्ति महीतले ॥ १४ ॥ ते सर्व रुरुदुर्गोपा मुंचन्तोऽश्रूणि मैथिल । प्रवक्तुं न समर्थाः श्रीकृष्णविक्षेपविह्वलाः ॥ १५ ॥ परिपूर्णतमः साक्षाद्देवो मधुरया गिरा । आश्वासयामास नतान् प्रेमानन्दसमाकुलान् ॥ १६ ॥ उद्धवः प्रेषितो वक्तुं श्रीकृष्णेनार्भकैः सह । आगतं कथयामास श्रीकृष्णं नंदपत्तने ॥ १७ ॥ श्रुत्वाऽऽगतं नंदसूनुं श्रीकृष्णं गोपवल्लभम् । आनेतुं निर्गताः सर्वे परिपूर्णमनोरथाः ॥ १८ ॥ भेरीमृदंगैः पटहैः कलस्वनै- रत्पूर्णकुम्भैर्द्विजवेदघोषणैः । गन्धाक्षतैर्मंगललाजमिश्रितैः श्रीनंदराजोऽभिययौ यशोदया ॥ १९ ॥ ततः पुरस्कृत्य मदोन्नतं गजं सिन्दूरशुण्डाधृतहेमशृङ्खलम् । समाययौ श्रीवृषभानुमुख्यो भावान् कृतिस्तत्र कलावतीयुतः ॥ २० ॥ नंदोपनन्दा वृषभानवश्च गोपाश्च वृद्धास्तरुणार्भकाश्च । स्रग्वेणुगुञ्जापरिपिच्छयुक्ता विनिर्गताः पूर्णमनोरथास्ते ॥ २१ ॥ गायंत आरान्नृपनन्दनंदनं नृत्यंत आचालितपीतवाससः । वंशीधरा वेत्रविषाणपाणयः प्रहर्षिता दर्शनलालसा भृशम् ॥ २२ ॥ सखिमुखेभ्यो हरिमागतं परां निशभ्य राधा शयनात्समुत्थिता । ताभ्यः स्वभूषाः प्रददौ प्रहर्षिता प्रीता स्वगन्धिं नवपद्मिनी यथा ॥ २३ ॥ द्वात्रिंशदष्टौ किल षोडश द्वे यूथैर्युता मैथिल गोपिकानाम् । आरुह्य राधा शिबिकां मनोज्ञां समाययौ श्रीधरदर्शनार्थम् ॥ २४ ॥ तथा हि गोप्यः किल कोटिशश्च त्यक्त्वाऽथ सर्वं स्वगृहस्य कृत्यम् । व्यत्यस्तवस्त्राभरणा नृपेश समाययुः प्रेमचलन्मनोऽङ्गाः ॥ २५ ॥ सर्वं व्रजं पादपगोमृगद्विजं प्रेमातुरं वीक्ष्य समागतं किमु । श्रीनंदराजं पितरं च मातरं ननाम कृष्णः कृतमस्तकांजलिः ॥ २६ ॥ श्रीनन्दराजस्तनयं चिरागतं प्रगृह्य दोर्भ्यां हृदये निधाय तम् । संस्नापयामास सुनेत्रजैर्जलै- र्यशोदया प्राप्तमनोरथश्चिरात् ॥ २७ ॥ नन्दोपनन्दान्वृषभानुवृद्धान् सर्वान्नमस्कृत्य च तत्कृताशीः । तथा वयस्यैश्च परस्परं वा लघूंश्च हस्तग्रहणैः स्थितोऽभूत् ॥ २८ ॥ ततः समारुह्य रथं हरिः स्वयं निधाय नंदं च गजे यशोदया । नंदोपनंदैः सहितो गवां गणैः श्रीनंदराजस्य पुरं विवेश सः ॥ २९ ॥ तदैव देवाः किल पुष्पवर्षा- माचारलाजान् पुरगोपिकाश्च । प्रचक्रिरे तत्र जयेति मंगलं शब्दं च गोपा गृहमागते हरौ ॥ ३० ॥ धन्यः सखा ते परमुद्धवोऽय- मनेन साक्षात्किल दर्शितोऽत्र । त्वं जीवनं गोपजनस्य गोपा ऊचुर्गिरा गद्गदयेदमार्ताः ॥ ३१ ॥ इदं मया ते कथितं नृपेश पुनर्व्रजे ह्यागमनं हरेश्च । किमिच्छसि श्रोतुमथो सुरासुरैः परं चरित्रं शुभदं विचित्रम् ॥ ३२ ॥
śrīnārada uvāca - itthaṃ niśamya bhaktasya vacanaṃ bhaktavatsalaḥ | smṛtvā vākyaṃ svakathitaṃ gaṃtuṃ cakre'cyuto matim || 1 || baladevaṃ sthāpayitvā kāryabhāreṣu sarvataḥ | hemāḍhyaṃ kiṃkaṇojālaṃ caṃcalāśvaniyojitam || 2 || rathamāruhya sūryābhamuddhavena samanvitaḥ | bhaktānāṃ darśanaṃ dātuṃ prayayau naṃdagokulam || 3 || govardhanaṃ gokulaṃ ca paśyan vṛndāvanaṃ vanam | prāpto'bhūtpuline kṛṣṇaḥ kṛṣṇātīre manohare || 4 || koṭiśaḥ koṭiśo gāvo dṛṣṭvā kṛṣṇaṃ vrajādhipam | ādhāvantyaḥ sarvatastaṃ snehasnutapayodharāḥ || 5 || udāsyakarṇavālā~śca raṃbhamāṇāḥ savatsakāḥ | mukhe kavalasaṃyuktā aśrumukhyo gatavyathāḥ || 6 || sarathaṃ sāruṇaṃ sāśvaṃ śaradarkaṃ yathā ghanāḥ | rurudhustaṃ rathaṃ rājanuddhavasya prapaśyataḥ || 7 || śrīgopālo haristāsāṃ vadannāma pṛthak pṛthak | śrīhastena tadaṃgāni spṛśan harṣaṃ jagāma ha || 8 || tatsamīpe gavāṃ vṛndaṃ gataṃ vīkṣya vrajārbhakāḥ | śrīdāmādyā vismitāśca dūrādūcuḥ parasparam || 9 || gopā ūcuḥ - rathaṃ sakumbhadhvajavāyuvegaṃ sukāṃsyapatradhvaniniḥsvanaṃ tam | śatāśvayuktaṃ śatasūryaśobhaṃ gāvaḥ kathaṃ vā rurudhuḥ sakhāyaḥ || 10 || anyo na cāsmin hi gavāṃ praharṣaṇai- rāyāti kiṃtu vrajarājanaṃdanaḥ | sphuraṃti cāṃgāni hi dakṣiṇāni naḥ śrīnīlakaṃṭhaḥ pratanoti toraṇam || 11 || śrīnārada uvāca - itthaṃ vicārya manasā gopāḥ sarve samāgatāḥ | dadṛśurmādhavaṃ mitraṃ gataṃ vastu yathā janāḥ || 12 || avaplutya rathātkṛṣṇaḥ paripūrṇatamaḥ svayam | puro nidhāya tānsarvāndorbhyāṃ tatpremavihvalaḥ || 13 || muṃcannetrābjavārīṇi parirebhe pṛthakpṛthak | aho bhakteśca māhātmyaṃ vaktuṃ ko'sti mahītale || 14 || te sarva rurudurgopā muṃcanto'śrūṇi maithila | pravaktuṃ na samarthāḥ śrīkṛṣṇavikṣepavihvalāḥ || 15 || paripūrṇatamaḥ sākṣāddevo madhurayā girā | āśvāsayāmāsa natān premānandasamākulān || 16 || uddhavaḥ preṣito vaktuṃ śrīkṛṣṇenārbhakaiḥ saha | āgataṃ kathayāmāsa śrīkṛṣṇaṃ naṃdapattane || 17 || śrutvā''gataṃ naṃdasūnuṃ śrīkṛṣṇaṃ gopavallabham | ānetuṃ nirgatāḥ sarve paripūrṇamanorathāḥ || 18 || bherīmṛdaṃgaiḥ paṭahaiḥ kalasvanai- ratpūrṇakumbhairdvijavedaghoṣaṇaiḥ | gandhākṣatairmaṃgalalājamiśritaiḥ śrīnaṃdarājo'bhiyayau yaśodayā || 19 || tataḥ puraskṛtya madonnataṃ gajaṃ sindūraśuṇḍādhṛtahemaśṛṅkhalam | samāyayau śrīvṛṣabhānumukhyo bhāvān kṛtistatra kalāvatīyutaḥ || 20 || naṃdopanandā vṛṣabhānavaśca gopāśca vṛddhāstaruṇārbhakāśca | sragveṇuguñjāparipicchayuktā vinirgatāḥ pūrṇamanorathāste || 21 || gāyaṃta ārānnṛpanandanaṃdanaṃ nṛtyaṃta ācālitapītavāsasaḥ | vaṃśīdharā vetraviṣāṇapāṇayaḥ praharṣitā darśanalālasā bhṛśam || 22 || sakhimukhebhyo harimāgataṃ parāṃ niśabhya rādhā śayanātsamutthitā | tābhyaḥ svabhūṣāḥ pradadau praharṣitā prītā svagandhiṃ navapadminī yathā || 23 || dvātriṃśadaṣṭau kila ṣoḍaśa dve yūthairyutā maithila gopikānām | āruhya rādhā śibikāṃ manojñāṃ samāyayau śrīdharadarśanārtham || 24 || tathā hi gopyaḥ kila koṭiśaśca tyaktvā'tha sarvaṃ svagṛhasya kṛtyam | vyatyastavastrābharaṇā nṛpeśa samāyayuḥ premacalanmano'ṅgāḥ || 25 || sarvaṃ vrajaṃ pādapagomṛgadvijaṃ premāturaṃ vīkṣya samāgataṃ kimu | śrīnaṃdarājaṃ pitaraṃ ca mātaraṃ nanāma kṛṣṇaḥ kṛtamastakāṃjaliḥ || 26 || śrīnandarājastanayaṃ cirāgataṃ pragṛhya dorbhyāṃ hṛdaye nidhāya tam | saṃsnāpayāmāsa sunetrajairjalai- ryaśodayā prāptamanorathaścirāt || 27 || nandopanandānvṛṣabhānuvṛddhān sarvānnamaskṛtya ca tatkṛtāśīḥ | tathā vayasyaiśca parasparaṃ vā laghūṃśca hastagrahaṇaiḥ sthito'bhūt || 28 || tataḥ samāruhya rathaṃ hariḥ svayaṃ nidhāya naṃdaṃ ca gaje yaśodayā | naṃdopanaṃdaiḥ sahito gavāṃ gaṇaiḥ śrīnaṃdarājasya puraṃ viveśa saḥ || 29 || tadaiva devāḥ kila puṣpavarṣā- mācāralājān puragopikāśca | pracakrire tatra jayeti maṃgalaṃ śabdaṃ ca gopā gṛhamāgate harau || 30 || dhanyaḥ sakhā te paramuddhavo'ya- manena sākṣātkila darśito'tra | tvaṃ jīvanaṃ gopajanasya gopā ūcurgirā gadgadayedamārtāḥ || 31 || idaṃ mayā te kathitaṃ nṛpeśa punarvraje hyāgamanaṃ hareśca | kimicchasi śrotumatho surāsuraiḥ paraṃ caritraṃ śubhadaṃ vicitram || 32 ||
English translation
Lord Krishna's return to Vraja with Uddhav and the circumambulation of his chariot by cows on the banks of the Yamuna; his meeting with the gopas; Nandrayaji and Yashoda's departure from Nandagaon to receive the gopas and gopis with thunder and thunder, and Krishna's entry into Nandanagar with everyone.
Srinardji says - Rajan! Thus, on hearing the devotee's words, Bhaktavatsala Achyuta remembered his words and considered going to Vraja. To keep an eye on all the responsibilities, Lord Krishna went to Nandgaon to offer darshan to the devotees, leaving Baldevji alone in Mathura and riding on a golden sun-like radiant chariot adorned with chirping horses, accompanied by Uddhav. Observing Govardhan, Gokul, and Vrindavan, Krishna reached the picturesque banks of the Yamuna. As soon as the cows saw Lord Krishna, they ran towards him from all directions. The breasts of all of them were shedding milk out of affection. She was walking with her ears and tail raised. They also had calves with them. The cows stood with the grass in their mouths, tears of joy streaming down their eyes. Their agony and pain had vanished. The king. Just as the clouds covered the autumn sun with chariots, aruns, and horses, the cows surrounded the chariot on all sides as they watched the rising sun. Gopal Srihari was overjoyed as he touched the limbs of all the cows with his hand, saying their different names. Seeing the community of cows approaching them, Sridama and other children were amazed and started talking to each other. 1 - 9.
The cowherd said, "Go ahead. How have the cows surrounded the chariot with the urn and the flag, which has hundreds of horse shoes and is as splendid as a hundred suns, which is as swift as the wind and makes words like the sound of a bronze leaf (jhanjha)? The joy of the cows indicates that there is no one else on this chariot but Vrajarajanandana himself; for our right limbs are also fluttering, and the blue birds rise above us and spread out like a bandhanwarka. 10-11 | (Mathurukund Chapter 16 to 20)
Srinardji says - Rajan! With that thought in mind, they all went there. When they arrived, they saw their friend Madhav in the same way that ordinary people see their lost item when they find it. As soon as he looked at them, the most perfect Lord Krishna jumped out of the chariot and approached them all, meeting both his arms in love. With tears streaming down his eyelids, he touched each one with his heart. Ahhh! Who can describe the greatness of devotion on this earthly plane! Mithileshwar! They all burst into tears, tears welling up in their eyes. He was so moved by Krishna's departure that even after meeting him, he could not suddenly say anything to him. It was then that Lord Srihari, the most perfect of all, assured those lovingly moved companions in a sweet voice. Lord Krishna sent Udhava with a garland of hair to announce his arrival. Uddhav went to Nanda Nagar and told him that 'Lord Krishna has arrived'. 12-17 |
On hearing the arrival of Lord Krishna, Gopavallabha Nandananda went out to bring all the Gopas to Liva with complete devotion. Bheri, Mridanga, Patah, etc. started playing in melodious tones. The Brahmins, carrying a full urn, began to recite the Veda mantras. Shrinandraj was received by Yashoda with a mixture of Manglik items like laja (kheel) and other fragrant and unblemished items. Then, in a vermilion-coloured trunk, the majestic Sri Vrishabhanuvar arrived with his queen Kalavati, holding out a drunken elephant in a gold chain. Nanda, Upananda, Vrishabhanu, the old, the young and the child Gopa walked out of the town carrying Purnamanoratha Ho, flower garlands, flute, gunja and peacock feathers. O Lord! The Gopa children, with a great longing for the darshan of Lord Krishna, wore vamsis, canes, and vishanas (horns) in their hands, sang the virtues of Nandanandana with great joy, and danced by waving yellow clothes. 18-22 |
Hearing the auspicious message of the auspicious auspicious day of Sriharike Shubhagaman from the companions, Sriradha rose from her bed and, full of great joy, she plundered them all with her ornaments just as the pleased new Padmini plundered her fragrance. Mithileshwar! Along with eight, sixteen, thirty-two and two youths of Gopanganas, Sriradha Manohar came to have a darshan of Sridhar on Shivika. Nripesvara. Similarly, crores of gopis left all their household chores and wore clothes and ornaments upside down. Because of love, she was moving at the same speed as Manny. The entire celestial body, including trees, cows, deer, and birds, seemed to be in love with the sight of Lord Krishna. . 23-25 |
Lord Krishna paid obeisance to his father Sreenanda-raj and Maiya Yashoda by tying an anjali on his head. Sreenandaraja bathed his son, who had come after a long time, with tears in his eyes, filling both his arms and touching his heart. Shrinanda's vow to Yashoda was fulfilled after a long time today. After paying obeisance to all the great and old gopas like Nanda, Upananda, and Vrishabhanu, taking their blessings, Shri Krishna hugged each other with his peer friends and sat with his younger companions holding their hands. 26-28 | (Mathurukund Chapter 16 to 20)
Srihari then mounted an elephant with Yashoda, seated himself on a chariot, and entered the city of Sreenandaraja with the Nanda-Upananda and the cow-community. At the same time, the gods showered them with flowers, and the purovasini gopanganas scattered ritual lava (pimple). Upon reaching Sriharike's house, the Gopas repeatedly uttered the Manglik word 'Jai Ho, Jai Ho' there. At that time, the weeping gopas began to say in a loud voice: "Lala! This friend of yours, Udhava, is most blessed; for he has appeared to you in the presence of the living beings of the Gopas. " 29-31 |
Oh dear God! I have thus narrated to you the story of the return of Sriharike Vrajma. What more do you wish to hear? This peculiar character of Sriharika is also of utmost welfare to the gods and the demons. 32.
Thus was completed the nineteenth chapter in the Narada Bahulashva Samvad under Srimathurakhanda in the Srigarghasamhita, titled 'Agamanotsava in the Vrajam of Krishna'. 19.
Complete chapter-aligned witnesses. Sanskrit Wikisource page 31444, revision 92630 (2016-11-28T11:39:36Z). English was rendered from the complete Hindi chapter at https://www.mahakavya.com/mathurakhand-chapter-16-to-20/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.