Viśvajit-khaṇḍa · Chapter 15
Sourceश्रीनारद उवाच - दिग्जयस्य मिषेणासौ भूभारं हारयन्मुहुः ॥ प्रद्युम्नो भगवान्साक्षादंगदेशं ततो ययौ ॥१॥ अंगेशोऽन्तःपुराधीशो गृहीतो यादवैर्वने ॥ सोऽपि तस्मै बलिं प्रादात्प्रद्युम्नाय महात्मने ॥२॥ उड्डीशडामराधीशो बृहद्बाहुर्महाबलः ॥ न ददौ स बलिं तस्मै प्रद्युम्नाय मदोत्कटः ॥३॥ प्रद्युम्नप्रेषितो वीरः साम्बो जांबवतीसुतः ॥ एकाकी प्रययौ धन्वी रथेनादित्यवर्चसा ॥४॥ छादयामास बाणौघैर्डामरं नगरं नृप ॥ गिरिं तुषारपटलैर्जीमूत इव सर्वतः ॥५॥ तदा तु डामराधीशो धर्षितः सन्कृतांजलिः ॥ बलिं ददौ नमस्कृत्य प्रद्युम्नाय महात्मने ॥६॥ वंगदेशाधिपो वीरो वीरधन्वा मदोत्कटः ॥ आययौ संमुखे योद्धुमक्षौहिण्याऽऽवृतो बलि ॥७॥ चंद्रभानुर्हरेः पुत्रः प्रद्युम्नस्य प्रपश्यतः ॥ बिभेद तद्बलं बाणैः कुवाक्यैर्मित्रतामिव ॥८॥ करिणां बाणभिन्नानां शिरसो मौक्तिकानि च ॥ प्रस्फुरंति निपेतुः कौ रात्रौ तारागणा इव ॥९॥ निपेतू रथिनोऽनेका गजाश्वाश्च पदातयः ॥ तद्बाणैश्छिन्नशिरसः कूष्मांडशकला इव ॥१०॥ क्षणमात्रेण तत्सैन्यक्षतजानां नदी ह्यभूत् ॥ मनस्विनां हर्षकरी त्रस्तानां भयकारिणी ॥११॥ मुण्डैः कबंधैर्धावद्भिर्हरिकेयुरकुंडलैः ॥ किरीटैः कंकणैः शस्त्रैर्महामारीव भूर्बभौ ॥१२॥ कूष्माण्डोन्मादवेताला भैरवा ब्रह्मराक्षसाः ॥ शिरांसि जगृहुर्वेगाद्धरमालार्थहेतवे ॥१३॥ इत्थं निपातिते सैन्ये वीरधन्वा समागतः ॥ चंद्रभानुं तताडाशु गदया वज्रकल्पया ॥१४॥ तद्गदातिप्रहारेण न चचाल हरेः सुतः ॥ चंद्रभानुर्गदां नीत्वा तं तताड भुजांतरे ॥१५॥ गदाप्रहारव्यथितो मूर्छितो धरणीतले ॥ पपात पादप इव प्रोद्वमन् रुधिरं मुखात् ॥१६॥ लब्धसंज्ञो मुहूर्तेन वंगदेशाधिपो नृपः ॥ प्रययौ शरणं सोऽपि प्रद्युम्नस्य महात्मनः ॥१७॥ याते दत्तबलौ राजन्नगरं वीरधन्वनि ॥ ब्रह्मपुत्रं समुत्तीर्य प्रद्युम्नोऽमितविक्रमः ॥१८॥ आशीमाधिपतिं बिंबं गृहीत्वा यादवेश्वरः ॥ बलिमादाय यदुभिः कामरूपं समाययौ ॥१९॥ कामरुपेश्वरः पुंड्र ऐंद्रजालविशारदः ॥ निर्गतः सेनया सार्द्धं योद्धुं प्रद्युम्नसंमुखे ॥ २०॥ आशीमानां यदूनां च घोरं युद्धं बभूव ह ॥ बाणैः कुठारैः परिघैः शूलैः खड्गर्ष्टिशक्तिभिः ॥२१॥ पुंड्रो विद्याश्चकाराशु पैशाचोरगराक्षसीः ॥ ततो गुह्यकगंधर्वाः सर्वतो मैथिलेश्वर ॥२२॥ प्रधावंतो रणे राजन्पिशाचाः पिशिताशनाः ॥ कोटिशः कोटिशोंऽगारान् क्षेपयंतो मुहुर्मुहुः ॥२३॥ क्षणमात्रेण तत्सैन्यं वमंतो गरलं मुखात् ॥ फूत्कारमपि कुर्वंतो दंदशूकाः समागताः ॥२४॥ खरारूढा दंतवक्रा ललज्जिह्वाभयंकराः ॥ चर्वयंतो नरान् युद्धे धावंतो राक्षसास्ततः ॥२५॥ यक्षाश्च सिंहवदना तुरंगवदना नृप ॥ छिंधि भिंधीति गर्जंतः शूलहस्ता इतस्ततः ॥२६॥ क्षणमात्रेण मेघानां समूहैश्छादितं नभः ॥ अंधकारो ह्यभूद्राजन् रजसा वातवेगतः ॥२७॥ भोजवृष्ण्यंधकमधुशूरसेनदशार्हकाः ॥ भयं प्रापुर्महायुद्धे न्यस्तशस्त्रा यदूत्तमाः ॥२८॥ कृष्णदत्तं धनुः कार्ष्णिरादाय प्रतिकारवित् ॥ सत्त्वात्मिकां महाविद्यां बाणैः प्रायुङ्क्त मैथिल ॥२९॥ बाणैः पिशाचानुरगान् सयक्षान् रक्षांसि गंधर्वघनांधकारान् ॥ बिभेद दिव्यैः प्रभवैर्यथा हि नीहारमेघान् किरणैर्विवस्वान् ॥३०॥ बाणैश्च पुंड्रं सरथं सवाहनं तं भ्रामयित्वा घटिकाद्वयं खे ॥ निपातयामास रणे सपत्नं पद्मं पृथिव्यामिव मारुतः किल ।३१॥ बुद्धस्तदा तं शरणं समेत्य प्रधर्षितः सद्य उपायनानि ॥ लक्षैर्हयानामयुतैर्गजानां युतानि दत्त्वा प्रणनाम कार्ष्णिम् ॥३२॥ विपाशां स तदोत्तीर्य सैन्यैः शोणनदं नृप ॥ कैकयानाययौ धन्वी प्रद्युम्नो यदुनंदनः ॥३३॥ कैकयस्याधिपो राजा धृतकेतुर्महाबलः ॥ वसुदेवस्वसुः साक्षाच्छ्रुतकीर्तेः पतिर्महान् ॥३४॥ प्रद्युम्नमर्हयामास धृतकेतुः स यादवम् ॥ भक्त्या परमया राजञ्छ्रीकृष्णस्य प्रभाववित् ॥३५॥
śrīnārada uvāca - digjayasya miṣeṇāsau bhūbhāraṃ hārayanmuhuḥ || pradyumno bhagavānsākṣādaṃgadeśaṃ tato yayau ||1|| aṃgeśo'ntaḥpurādhīśo gṛhīto yādavairvane || so'pi tasmai baliṃ prādātpradyumnāya mahātmane ||2|| uḍḍīśaḍāmarādhīśo bṛhadbāhurmahābalaḥ || na dadau sa baliṃ tasmai pradyumnāya madotkaṭaḥ ||3|| pradyumnapreṣito vīraḥ sāmbo jāṃbavatīsutaḥ || ekākī prayayau dhanvī rathenādityavarcasā ||4|| chādayāmāsa bāṇaughairḍāmaraṃ nagaraṃ nṛpa || giriṃ tuṣārapaṭalairjīmūta iva sarvataḥ ||5|| tadā tu ḍāmarādhīśo dharṣitaḥ sankṛtāṃjaliḥ || baliṃ dadau namaskṛtya pradyumnāya mahātmane ||6|| vaṃgadeśādhipo vīro vīradhanvā madotkaṭaḥ || āyayau saṃmukhe yoddhumakṣauhiṇyā''vṛto bali ||7|| caṃdrabhānurhareḥ putraḥ pradyumnasya prapaśyataḥ || bibheda tadbalaṃ bāṇaiḥ kuvākyairmitratāmiva ||8|| kariṇāṃ bāṇabhinnānāṃ śiraso mauktikāni ca || prasphuraṃti nipetuḥ kau rātrau tārāgaṇā iva ||9|| nipetū rathino'nekā gajāśvāśca padātayaḥ || tadbāṇaiśchinnaśirasaḥ kūṣmāṃḍaśakalā iva ||10|| kṣaṇamātreṇa tatsainyakṣatajānāṃ nadī hyabhūt || manasvināṃ harṣakarī trastānāṃ bhayakāriṇī ||11|| muṇḍaiḥ kabaṃdhairdhāvadbhirharikeyurakuṃḍalaiḥ || kirīṭaiḥ kaṃkaṇaiḥ śastrairmahāmārīva bhūrbabhau ||12|| kūṣmāṇḍonmādavetālā bhairavā brahmarākṣasāḥ || śirāṃsi jagṛhurvegāddharamālārthahetave ||13|| itthaṃ nipātite sainye vīradhanvā samāgataḥ || caṃdrabhānuṃ tatāḍāśu gadayā vajrakalpayā ||14|| tadgadātiprahāreṇa na cacāla hareḥ sutaḥ || caṃdrabhānurgadāṃ nītvā taṃ tatāḍa bhujāṃtare ||15|| gadāprahāravyathito mūrchito dharaṇītale || papāta pādapa iva prodvaman rudhiraṃ mukhāt ||16|| labdhasaṃjño muhūrtena vaṃgadeśādhipo nṛpaḥ || prayayau śaraṇaṃ so'pi pradyumnasya mahātmanaḥ ||17|| yāte dattabalau rājannagaraṃ vīradhanvani || brahmaputraṃ samuttīrya pradyumno'mitavikramaḥ ||18|| āśīmādhipatiṃ biṃbaṃ gṛhītvā yādaveśvaraḥ || balimādāya yadubhiḥ kāmarūpaṃ samāyayau ||19|| kāmarupeśvaraḥ puṃḍra aiṃdrajālaviśāradaḥ || nirgataḥ senayā sārddhaṃ yoddhuṃ pradyumnasaṃmukhe || 20|| āśīmānāṃ yadūnāṃ ca ghoraṃ yuddhaṃ babhūva ha || bāṇaiḥ kuṭhāraiḥ parighaiḥ śūlaiḥ khaḍgarṣṭiśaktibhiḥ ||21|| puṃḍro vidyāścakārāśu paiśācoragarākṣasīḥ || tato guhyakagaṃdharvāḥ sarvato maithileśvara ||22|| pradhāvaṃto raṇe rājanpiśācāḥ piśitāśanāḥ || koṭiśaḥ koṭiśoṃ'gārān kṣepayaṃto muhurmuhuḥ ||23|| kṣaṇamātreṇa tatsainyaṃ vamaṃto garalaṃ mukhāt || phūtkāramapi kurvaṃto daṃdaśūkāḥ samāgatāḥ ||24|| kharārūḍhā daṃtavakrā lalajjihvābhayaṃkarāḥ || carvayaṃto narān yuddhe dhāvaṃto rākṣasāstataḥ ||25|| yakṣāśca siṃhavadanā turaṃgavadanā nṛpa || chiṃdhi bhiṃdhīti garjaṃtaḥ śūlahastā itastataḥ ||26|| kṣaṇamātreṇa meghānāṃ samūhaiśchāditaṃ nabhaḥ || aṃdhakāro hyabhūdrājan rajasā vātavegataḥ ||27|| bhojavṛṣṇyaṃdhakamadhuśūrasenadaśārhakāḥ || bhayaṃ prāpurmahāyuddhe nyastaśastrā yadūttamāḥ ||28|| kṛṣṇadattaṃ dhanuḥ kārṣṇirādāya pratikāravit || sattvātmikāṃ mahāvidyāṃ bāṇaiḥ prāyuṅkta maithila ||29|| bāṇaiḥ piśācānuragān sayakṣān rakṣāṃsi gaṃdharvaghanāṃdhakārān || bibheda divyaiḥ prabhavairyathā hi nīhārameghān kiraṇairvivasvān ||30|| bāṇaiśca puṃḍraṃ sarathaṃ savāhanaṃ taṃ bhrāmayitvā ghaṭikādvayaṃ khe || nipātayāmāsa raṇe sapatnaṃ padmaṃ pṛthivyāmiva mārutaḥ kila |31|| buddhastadā taṃ śaraṇaṃ sametya pradharṣitaḥ sadya upāyanāni || lakṣairhayānāmayutairgajānāṃ yutāni dattvā praṇanāma kārṣṇim ||32|| vipāśāṃ sa tadottīrya sainyaiḥ śoṇanadaṃ nṛpa || kaikayānāyayau dhanvī pradyumno yadunaṃdanaḥ ||33|| kaikayasyādhipo rājā dhṛtaketurmahābalaḥ || vasudevasvasuḥ sākṣācchrutakīrteḥ patirmahān ||34|| pradyumnamarhayāmāsa dhṛtaketuḥ sa yādavam || bhaktyā paramayā rājañchrīkṛṣṇasya prabhāvavit ||35||
English translation
King of the Odish-Damar country, Virdhanwa, the ruler of Bengal, and Pundrapar Yadava, the king of Assam - victory of the army
Srinardji says - Rajan! The usurper went directly to Lord Pradyumna Angadesha on the pretext of victory. The lord of Angadesha used to roam in the forest only as the lord of the harem. There, he was captured by the Yadavas, who gave him a substantial gift to Mahatma Pradyumna. 1-2.
King Mahabali Brihadvahu of the land of Uddyash-Damar (Orissa) did not offer Pradyumna. He was consumed by pride in his own strength. Pradyumna sent Jambavati-Kumar Veeravar Samba to subdue him. May Samba ascend the sun-like radiant chariot, go alone with the bow in his hand. O Lord! They covered the city with arrows, just as a cloud covers a mountain with a mass of snow. Thus raped and defeated, Damradhish immediately joined hands and paid obeisance to Mahatma Pradyumna. 3 - 6.
Subsequently, Madamata, the overlord of Bengal, and the valiant king Viradhanva came up against the Yadava army for battle with an Aksauhini army. They were very powerful. On behalf of the Yadavas, Srihari's son Chandrabhanu sighted Pradyumna and dispersed Virdhanvaki with the arrows of the army just as one would break the friendship with bitter words. The pearls, shining from the heads of the elephants that had been shattered by their arrows, fell to the ground as if the stars were scattering from the sky at night, and many charioteers were crushed. Elephants, horses, and foot soldiers would appear to have fallen here and there, with their heads cut off by their arrows. In an instant, Virdhanvaki's army transformed into a river of blood, raising the spirits of the willing heroes and terrifying the timid ones. 7-11 | (Vishwajitkhand chapter 11 to 15)
The severed head and torso were running with crowns, kundals, keyurs, bracelets, and weapons. Because of them, the land there seemed to be epidemic-like. Kushmanda, Manama, Vetala, Bhairava, and Brahmarakshasa came with great speed and picked up the fallen heads of Shankarji to make his necklace. Thus, when the whole army was routed, Virdhanva appeared, and immediately struck Chandrabhanupara with a vajra-like mace. The heavy blow from the mace did not deter Srikrishna Kumar Chandrabhanu; he took the mace and hurled it immediately at Virdhanvaki's chest. Suffering from the blow of the donkey, and vomiting blood from his moustache, Virdhanva fell to the ground like a cut tree. Within two hours, he regained consciousness, and the king of Bengal took refuge in Mahatma Pradyumri. 12-17 |
The king! When Virdhanva left for his city after paying obeisance, the mighty Pradyumna crossed the Brahmaputra into the land of Assam. The king there, Bimba, was captured and visited by Yadaveshwara Pradyumna, and accompanied the Yadavas to the Kamarupa country. King Pundra of Kamarupa country was very skilled in Indrajalaki Vidya (magic). They set out with their army to battle in front of Pradyumna. At that time, there was a fierce battle between the Asomites and the Yadavas. Strikes were made with arrows, axes, spears, spears, swords, arrows, and powers. Maithileshwar! King Pundra then revealed the enchantment of vampires, serpents, and demons; then guhyakas, gandharvas, and raw meat-chewing vampires all over the place began to race into the battlefield and repeatedly showered them with coals. In an instant, the serpents broke open, spitting and poisoning the Yadava army with their mouths. The fierce demons, seated on donkeys with crooked teeth and twisted tongues, were seen chewing on humans and running away in battle. Yakshas with lion-faced faces and Ashwamukha Kinar with spears in their hands roamed around saying 'Maro-Kato'. In an instant, the whole sky was covered with a thin layer of clouds. The king! The air was thick with dust, making it dark all around. The warriors of Bhoja, Vrishni, Andhaka, Madhu, Shurasena, and the Dasaraha dynasty were terrified in that great war. Yudhishthira! The heroes put down their weapons and ammunition. 18-28 | (Vishwajitkhand chapters 11 to 15)
Maithil! Then Sri Krishnakumar Pradyumna, who knew the remedy for this fear, used the sattvic Mahavidya through arrows, holding the bow given to him by his father. Just as the sun scatters fog and clouds with its rays, so Pradyumna destroyed the dense darkness of vampires, serpents, yakshas, rakshasas, and kalwaras through varnos. Just as the wind blows a lotus and throws it to the earth, Pradyumna with arrows shot the enemy king Pundu with a chariot and vehicle into the sky for two hours and knocked him down on the battlefield. When the king's fainting subsided, he was defeated and went to Pradyumna's refuge and paid obeisance to Sri Krishna Kumar by offering one lakh horses and ten thousand elephants as an immediate gift. From there, Yadukulnanda crossed the Shonanda and the Vipasa (Vyas) rivers with his army and came to the land of the archer Veer Pradyumna Kekaya. King Mahabali of the Kekaya country was the great husband of Shrutakirti, the sister of Dhritaketu Vasudeva. They, along with the Yadavas, worshipped Pradyumra with great devotion. The king! He was aware of the influence of Lord Krishna. 29-35 |
Thus was completed the fifteenth chapter in the Narada Bahulashva-Samvad under the Vishwajit Khanda in the Srigargha Samhita, titled "Victory over the Kekaya Country." 15.
Complete chapter-aligned witnesses. Sanskrit Wikisource page 24664, revision 92733 (2016-11-29T11:22:16Z). English was rendered from the complete Hindi chapter at https://www.mahakavya.com/vishwajitkhand-chapter-11-to-15/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.