Goloka-khaṇḍa · Chapter 7
Sourceअथ कंसः प्रलंबाद्यैरन्यैः पूर्वं जितैश्च तैः । शंबरस्य पुरं प्रागात्स्वाभिप्रायं न्यवेदयत् ॥ १ ॥ शंबरो ह्यतिवीर्योऽपि न युयोध स तेन वै । चकार सौहृदं कंसे सर्वैरतिबलैः सह ॥ २ ॥ त्रिशृङ्गशिखरे शेते व्योमो नामाऽसुरो बली । कंसपादप्रबुद्धोऽभूत्क्रोधसंरक्तलोचनः ॥ ३ ॥ कंसं जघान चोत्थाय प्रबलैर्दृढमुष्टिभिः । तयोर्युद्धमभूद्घोरमितरेतरमुष्टिभिः ॥ ४ ॥ कंसस्य मुष्टिभिः सोऽपि निःसत्त्वोऽभूद्भ्रमातुरः । भृत्यं कृत्वाथ तं कसः प्राप्तं मां प्रणनाम ह ॥ ५ ॥ हे देव युद्धकांक्षोऽस्मि क्व यामि त्वं वदाशु मे । प्रोवाच तं तदा गच्छ दैत्य बाणं महाबलम् ॥ ६ ॥ प्रेरितश्चेति कंसाख्यो मया युद्धदिदृक्षुणा । भुजवीर्यमदोन्नद्धः शोणिताख्यं पुरं ययौ ॥ ७ ॥ बाणासुरस्तत्प्रतिज्ञां श्रुत्वा क्रुद्धो ह्यभून्महान् । तताड लत्तां भूमध्ये जगर्ज घनवद्बली ॥ ८ ॥ आजानुभूमिगां लत्तां पातालांतमुपागताम् । कृत्वा तमाह बाणस्तु पूर्वं चैनां समुद्धर ॥ ९ ॥ श्रृत्वा वचः कराभ्यां तामुज्जहार मदोत्कटः । प्रचंडविक्रमः कंसः खरदण्डं गजौ यथा ॥ १० ॥ तया चोद्धृतयोत्खाता लोकाः सप्ततला दृढाः । निपेतुर्गिरयोऽनेका विचेलुर्दृढदिग्गजाः ॥ ११ ॥ योद्धुं तमुद्यतं बाणं दृष्ट्वाऽऽगत्य वृषध्वजः । सर्वान्संबोधयामास प्रोवाच बलिनन्दनम् ॥ १२ ॥ कृष्णं विनापरं चैनं भूमौ कोऽपि न जेष्यति । भार्गवेण वरं दत्तं धनुरस्मै च वैष्णवम् ॥ १३ ॥ श्रीनारद उवाच - इत्युक्त्वा सौहृदं हृद्यं सद्यो वै कंसबाणयोः । चकार परया शान्त्या शिवः साक्षान्महेश्वरः ॥ १४ ॥ अथ कंसो दिक्प्रतीच्यां श्रुत्वा वत्सं महासुरम् । तेन सार्द्धं स युयुधे वत्सरूपेण दैत्यराट् ॥ १५ ॥ पुच्छे गृहीत्वा तं वत्सं पोथयामास भूतले । वशे कृत्वाथ तं शैलं म्लेच्छदेशांस्ततो ययौ ॥ १६ ॥ मन्मुखात्कालयवनः श्रुत्वा दैत्यं महाबलम् । निर्ययौ संमुखे योद्धुं रक्तश्मश्रुर्गदाधरः ॥ १७ ॥ कंसो गदां गृहीत्वा स्वां लक्षभारविनिर्मिताम् । प्राक्षिपद्यवनेन्द्राय सिंहनादमथाकरोत् ॥ १८ ॥ गदायुद्धमभूद्घोरं तदा हि कंसकालयोः । विस्फुलिंगान् क्षरंत्यौ द्वे गदे चूर्णीबभूवतुः ॥ १९ ॥ कंसः कालं संगृहीत्वा पातयामास भूतले । पुनर्गृहीत्वा निष्पात्य मृततुल्यं चकार ह ॥ २० ॥ बाणवर्षं प्रकुर्वन्तीं सेनां तां यवनस्य च । गदया पोथयामास कंसो दैत्याधिपो बली ॥ २१ ॥ गजांस्तुरगान्सुरथान्वीरान् भूमौ निपात्य च । जगर्ज घनवद्वीरो गदायुद्धे मृधाङ्गणे ॥ २२ ॥ ततश्च दुद्रुवुर्म्लेच्छास्त्यक्त्वा स्वं स्वं रणं परम् । भीतान् पलायितान् म्लेच्छान्न जघानाथ नीतिमान् ॥ २३ ॥ उच्चपादो दीर्घजानुः स्तंभोरुर्लघिमा कटिः । कपाटवक्षाः पीनांसः पुष्टः प्रांशुर्बृहद्भुजः ॥ २४ ॥ पद्मनेत्रो बृहत्केशोऽरुणवर्णोऽसिताम्बरः । किरीटी कुंडली हारी पद्ममाली लयार्करुक् ॥ २५ ॥ खड्गी निषंगी कवची मुद्गराढ्यो धनुर्धरः । मदोत्कटो ययौ जेतुं देवान्कंसोऽमरावतीम् ॥ २६ ॥ चाणूरमुष्टिकारिष्टशलतोशलकेशिभिः । प्रलंबेन बकेनापि द्विविदेन समावृतः ॥ २७ ॥ तृणावर्त्ताघकूटैश्च भौमबाणाख्यशंबरैः । व्योमधेनुकवत्सैश्च रुरुधे सोऽमरावतीम् ॥ २८ ॥ कंसादीनागतान्दृष्ट्वा शक्रो देवाधिपः स्वराट् । सर्वैर्देवणैः सार्द्धं योद्धुं कृद्धो विनिर्ययौ ॥ २९ ॥ तयोर्युद्धमभूद्घोरं तुमुलं रोमहर्षणम् । दिव्यैश्च शस्त्रसंघातैर्बाणैस्तीक्ष्णैः स्फुरत्प्रभैः ॥ ३० ॥ शस्त्रान्धकारे संजाते रथारूढो महेश्वरः । चिक्षेप वज्रं कंसाय शतधारं तडिद्द्युति ॥ ३१ ॥ मुद्गरेणापि तद्वज्रं तताडाशु महासुरः । पपात कुलिशं युद्धे छिन्नधारं बभूव ह ॥ ३२ ॥ त्यक्त्वा वज्रं तदा वज्री खड्गं जग्राह रोषतः । कंसं मूर्ध्नि तताडाशु नादं कृत्वाऽथ भैरवम् ॥ ३३ ॥ स क्षतो नाभवत्कंसो मालाहत इव द्विपः । गृहीत्वा स गदां गुर्वीमष्टधातुमयीं दृढाम् ॥ ३४ ॥ लक्षभारसमां कंसश्चिक्षेपेन्द्राय दैत्यराट् । तां समापततीं वीक्ष्य जग्राहाशु पुरंदरः ॥ ३५ ॥ ततश्चिक्षेप दैत्याय वीरो नमुचिसूदनः । चचार युद्धे विदलन्नरीन्मातलिसारथिः ॥ ३६ ॥ कंसो गृहीत्वा परिघं तताडांसेऽसुरद्विषः । तत्प्रहारेण देवेन्द्रः क्षणं मूर्च्छामवाप सः ॥ ३७ ॥ कंसं मरुद्गणाः सर्वे गृध्रपक्षैः स्फुरत्प्रभैः । बाणौघैश्छादयामासुर्वर्षासूर्यमिवांबुदः ॥ ३८ ॥ दोःसहस्रयुतो वीरश्चापं टंकारयन्मुहुः । तदा तान्कालयामास बाणैर्बाणासुरो बली ॥ ३९ ॥ बाणं च वसवो रुद्रा आदित्या ऋभवः सुराः । जघ्नुर्नानाविधैः शस्त्रैः सर्वतोऽद्रिं समागताः ॥ ४० ॥ ततो भौमासुरः प्राप्तः प्रलंबाद्यसुरैर्नदन् । तेन नादेन देवास्ते निपेतुर्मूर्छिता रणे ॥ ४१ ॥ उत्थायाशु तदा शक्रो जगामारुह्य तत्त्वदृक् । नोदयामास कंसाय मत्तमैरावतं गजम् ॥ ४२ ॥ अंकुशास्फालनात् क्रुद्धं पातयन्तं पदैर्द्विषः । शुण्डादण्डस्य फूत्कारैर्मर्दयन्तमितस्ततः ॥ ४३ ॥ स्रवन्मदं चतुर्दन्तं हिमाद्रिमिव दुर्गमम् । नदन्तं शृङ्खलां शुण्डां चालयन्तं मुहुर्मुहुः ॥ ४४ ॥ घटाढ्यं किंकिणीजालरत्नकंबलमण्डितम् । गोमूत्रचयसिन्दूरकस्तूरीपत्रभृन्मुखम् ॥ ४५ ॥ दृढेन मुष्टिना कंसस्तं तताड महागजम् । द्वितीयमुष्टिना शक्रं स जघान रणाङ्गणे ॥ ४६ ॥ तस्य मुष्टिप्रहारेण दूरे शक्रः पपात ह । जानुभ्यां धरणीं स्पृष्ट्वा गजोऽपि विह्वलोऽभवत् ॥ ४७ ॥ पुनरुत्थाय नागेन्द्रो दन्तैश्चाहत्य दैत्यपम् । शुण्डादण्डेन चोद्धृत्य चिक्षेप लक्षयोजनम् ॥ ४८ ॥ पतितोऽपि स वज्रांगः किंचिद्व्याकुलमानसः । स्फुरदोष्ठोऽतिरुष्टाङ्गो युद्धभूमिं समाययौ ॥ ४९ ॥ कंसो गृहीत्वा नागेन्द्रं संनिपात्य रणांगणे । निष्पीड्य शूण्डां तस्यापि दन्तांश्चूर्णीचकार ह ॥ ५० ॥ अथ चैरावतो नागो दुद्रावाशु रणाङ्गणात् । निपातयन्महावीरान् देवधानीं पुरीं गतः ॥ ५१ ॥ गृहीत्वा वैष्णवं चापं सज्जं कृत्वाथ दैत्यराट् । देवान्विद्रायामास बाणौघैश्च धनुःस्वनैः ॥ ५२ ॥ ततः सुरास्तेन निहन्यमाना विदुद्रुवुर्लीनधियो दिशान्ते । केचिद्रणे मुक्तशिखा बभूवु- र्भीताः स्म इत्थं युधि वादिनस्ते ॥ ५३ ॥ केचित्तथा प्रांजलयोऽतिदीनव- त्संन्यस्तशस्त्रा युधि मुक्तकच्छाः । स्थातुं रणे कंसनृदेवसंमुखे गतेप्सिताः केचिदतीव विह्वलाः ॥ ५४ ॥ इत्थं स देवान्प्रगतान्निरीक्ष्य तान् नीत्वा च सिंहासनमातपत्रवत् । सर्वैस्तदा दैत्यगणैर्जनाधिपः स्वराजधानीं मथुरां समाययौ ॥ ५५ ॥
atha kaṃsaḥ pralaṃbādyairanyaiḥ pūrvaṃ jitaiśca taiḥ | śaṃbarasya puraṃ prāgātsvābhiprāyaṃ nyavedayat || 1 || śaṃbaro hyativīryo'pi na yuyodha sa tena vai | cakāra sauhṛdaṃ kaṃse sarvairatibalaiḥ saha || 2 || triśṛṅgaśikhare śete vyomo nāmā'suro balī | kaṃsapādaprabuddho'bhūtkrodhasaṃraktalocanaḥ || 3 || kaṃsaṃ jaghāna cotthāya prabalairdṛḍhamuṣṭibhiḥ | tayoryuddhamabhūdghoramitaretaramuṣṭibhiḥ || 4 || kaṃsasya muṣṭibhiḥ so'pi niḥsattvo'bhūdbhramāturaḥ | bhṛtyaṃ kṛtvātha taṃ kasaḥ prāptaṃ māṃ praṇanāma ha || 5 || he deva yuddhakāṃkṣo'smi kva yāmi tvaṃ vadāśu me | provāca taṃ tadā gaccha daitya bāṇaṃ mahābalam || 6 || preritaśceti kaṃsākhyo mayā yuddhadidṛkṣuṇā | bhujavīryamadonnaddhaḥ śoṇitākhyaṃ puraṃ yayau || 7 || bāṇāsurastatpratijñāṃ śrutvā kruddho hyabhūnmahān | tatāḍa lattāṃ bhūmadhye jagarja ghanavadbalī || 8 || ājānubhūmigāṃ lattāṃ pātālāṃtamupāgatām | kṛtvā tamāha bāṇastu pūrvaṃ caināṃ samuddhara || 9 || śrṛtvā vacaḥ karābhyāṃ tāmujjahāra madotkaṭaḥ | pracaṃḍavikramaḥ kaṃsaḥ kharadaṇḍaṃ gajau yathā || 10 || tayā coddhṛtayotkhātā lokāḥ saptatalā dṛḍhāḥ | nipeturgirayo'nekā vicelurdṛḍhadiggajāḥ || 11 || yoddhuṃ tamudyataṃ bāṇaṃ dṛṣṭvā''gatya vṛṣadhvajaḥ | sarvānsaṃbodhayāmāsa provāca balinandanam || 12 || kṛṣṇaṃ vināparaṃ cainaṃ bhūmau ko'pi na jeṣyati | bhārgaveṇa varaṃ dattaṃ dhanurasmai ca vaiṣṇavam || 13 || śrīnārada uvāca - ityuktvā sauhṛdaṃ hṛdyaṃ sadyo vai kaṃsabāṇayoḥ | cakāra parayā śāntyā śivaḥ sākṣānmaheśvaraḥ || 14 || atha kaṃso dikpratīcyāṃ śrutvā vatsaṃ mahāsuram | tena sārddhaṃ sa yuyudhe vatsarūpeṇa daityarāṭ || 15 || pucche gṛhītvā taṃ vatsaṃ pothayāmāsa bhūtale | vaśe kṛtvātha taṃ śailaṃ mlecchadeśāṃstato yayau || 16 || manmukhātkālayavanaḥ śrutvā daityaṃ mahābalam | niryayau saṃmukhe yoddhuṃ raktaśmaśrurgadādharaḥ || 17 || kaṃso gadāṃ gṛhītvā svāṃ lakṣabhāravinirmitām | prākṣipadyavanendrāya siṃhanādamathākarot || 18 || gadāyuddhamabhūdghoraṃ tadā hi kaṃsakālayoḥ | visphuliṃgān kṣaraṃtyau dve gade cūrṇībabhūvatuḥ || 19 || kaṃsaḥ kālaṃ saṃgṛhītvā pātayāmāsa bhūtale | punargṛhītvā niṣpātya mṛtatulyaṃ cakāra ha || 20 || bāṇavarṣaṃ prakurvantīṃ senāṃ tāṃ yavanasya ca | gadayā pothayāmāsa kaṃso daityādhipo balī || 21 || gajāṃsturagānsurathānvīrān bhūmau nipātya ca | jagarja ghanavadvīro gadāyuddhe mṛdhāṅgaṇe || 22 || tataśca dudruvurmlecchāstyaktvā svaṃ svaṃ raṇaṃ param | bhītān palāyitān mlecchānna jaghānātha nītimān || 23 || uccapādo dīrghajānuḥ staṃbhorurlaghimā kaṭiḥ | kapāṭavakṣāḥ pīnāṃsaḥ puṣṭaḥ prāṃśurbṛhadbhujaḥ || 24 || padmanetro bṛhatkeśo'ruṇavarṇo'sitāmbaraḥ | kirīṭī kuṃḍalī hārī padmamālī layārkaruk || 25 || khaḍgī niṣaṃgī kavacī mudgarāḍhyo dhanurdharaḥ | madotkaṭo yayau jetuṃ devānkaṃso'marāvatīm || 26 || cāṇūramuṣṭikāriṣṭaśalatośalakeśibhiḥ | pralaṃbena bakenāpi dvividena samāvṛtaḥ || 27 || tṛṇāvarttāghakūṭaiśca bhaumabāṇākhyaśaṃbaraiḥ | vyomadhenukavatsaiśca rurudhe so'marāvatīm || 28 || kaṃsādīnāgatāndṛṣṭvā śakro devādhipaḥ svarāṭ | sarvairdevaṇaiḥ sārddhaṃ yoddhuṃ kṛddho viniryayau || 29 || tayoryuddhamabhūdghoraṃ tumulaṃ romaharṣaṇam | divyaiśca śastrasaṃghātairbāṇaistīkṣṇaiḥ sphuratprabhaiḥ || 30 || śastrāndhakāre saṃjāte rathārūḍho maheśvaraḥ | cikṣepa vajraṃ kaṃsāya śatadhāraṃ taḍiddyuti || 31 || mudgareṇāpi tadvajraṃ tatāḍāśu mahāsuraḥ | papāta kuliśaṃ yuddhe chinnadhāraṃ babhūva ha || 32 || tyaktvā vajraṃ tadā vajrī khaḍgaṃ jagrāha roṣataḥ | kaṃsaṃ mūrdhni tatāḍāśu nādaṃ kṛtvā'tha bhairavam || 33 || sa kṣato nābhavatkaṃso mālāhata iva dvipaḥ | gṛhītvā sa gadāṃ gurvīmaṣṭadhātumayīṃ dṛḍhām || 34 || lakṣabhārasamāṃ kaṃsaścikṣependrāya daityarāṭ | tāṃ samāpatatīṃ vīkṣya jagrāhāśu puraṃdaraḥ || 35 || tataścikṣepa daityāya vīro namucisūdanaḥ | cacāra yuddhe vidalannarīnmātalisārathiḥ || 36 || kaṃso gṛhītvā parighaṃ tatāḍāṃse'suradviṣaḥ | tatprahāreṇa devendraḥ kṣaṇaṃ mūrcchāmavāpa saḥ || 37 || kaṃsaṃ marudgaṇāḥ sarve gṛdhrapakṣaiḥ sphuratprabhaiḥ | bāṇaughaiśchādayāmāsurvarṣāsūryamivāṃbudaḥ || 38 || doḥsahasrayuto vīraścāpaṃ ṭaṃkārayanmuhuḥ | tadā tānkālayāmāsa bāṇairbāṇāsuro balī || 39 || bāṇaṃ ca vasavo rudrā ādityā ṛbhavaḥ surāḥ | jaghnurnānāvidhaiḥ śastraiḥ sarvato'driṃ samāgatāḥ || 40 || tato bhaumāsuraḥ prāptaḥ pralaṃbādyasurairnadan | tena nādena devāste nipeturmūrchitā raṇe || 41 || utthāyāśu tadā śakro jagāmāruhya tattvadṛk | nodayāmāsa kaṃsāya mattamairāvataṃ gajam || 42 || aṃkuśāsphālanāt kruddhaṃ pātayantaṃ padairdviṣaḥ | śuṇḍādaṇḍasya phūtkārairmardayantamitastataḥ || 43 || sravanmadaṃ caturdantaṃ himādrimiva durgamam | nadantaṃ śṛṅkhalāṃ śuṇḍāṃ cālayantaṃ muhurmuhuḥ || 44 || ghaṭāḍhyaṃ kiṃkiṇījālaratnakaṃbalamaṇḍitam | gomūtracayasindūrakastūrīpatrabhṛnmukham || 45 || dṛḍhena muṣṭinā kaṃsastaṃ tatāḍa mahāgajam | dvitīyamuṣṭinā śakraṃ sa jaghāna raṇāṅgaṇe || 46 || tasya muṣṭiprahāreṇa dūre śakraḥ papāta ha | jānubhyāṃ dharaṇīṃ spṛṣṭvā gajo'pi vihvalo'bhavat || 47 || punarutthāya nāgendro dantaiścāhatya daityapam | śuṇḍādaṇḍena coddhṛtya cikṣepa lakṣayojanam || 48 || patito'pi sa vajrāṃgaḥ kiṃcidvyākulamānasaḥ | sphuradoṣṭho'tiruṣṭāṅgo yuddhabhūmiṃ samāyayau || 49 || kaṃso gṛhītvā nāgendraṃ saṃnipātya raṇāṃgaṇe | niṣpīḍya śūṇḍāṃ tasyāpi dantāṃścūrṇīcakāra ha || 50 || atha cairāvato nāgo dudrāvāśu raṇāṅgaṇāt | nipātayanmahāvīrān devadhānīṃ purīṃ gataḥ || 51 || gṛhītvā vaiṣṇavaṃ cāpaṃ sajjaṃ kṛtvātha daityarāṭ | devānvidrāyāmāsa bāṇaughaiśca dhanuḥsvanaiḥ || 52 || tataḥ surāstena nihanyamānā vidudruvurlīnadhiyo diśānte | kecidraṇe muktaśikhā babhūvu- rbhītāḥ sma itthaṃ yudhi vādinaste || 53 || kecittathā prāṃjalayo'tidīnava- tsaṃnyastaśastrā yudhi muktakacchāḥ | sthātuṃ raṇe kaṃsanṛdevasaṃmukhe gatepsitāḥ kecidatīva vihvalāḥ || 54 || itthaṃ sa devānpragatānnirīkṣya tān nītvā ca siṃhāsanamātapatravat | sarvaistadā daityagaṇairjanādhipaḥ svarājadhānīṃ mathurāṃ samāyayau || 55 ||
English translation
Kansaki Digvijaya - Defeat of Shambhar, Vyomasura, Banasura, Vatsasura, Kalayavan and the Devas
Srinardji says - Rajan! Kamsa then went to the city of Shambarasura with other demons such as the previously conquered Paralabha. There, he explained his war intentions, stating that Shambarasura, despite being very powerful, did not fight Kansa. Kansa made friends with all those very powerful Asuras. A mighty demon named Vyommanaka was sleeping on the top of Mount Trikuta. Kansa reached there and kicked him. His blow broke Vyomasura's sleep and he got up and hit Kamsa with strong punches fastened tightly. At that time, his eyes were red with rage and a fierce battle broke out between Kamsa and Vyomasura. The two of them started hitting each other with punches. Vyomasura lost his strength and vigor due to Kansaka's punching. He started to feel dizzy. Seeing this, Kansa took him as his servant. At the same time, I (Narada) went there and Kansa bowed to me and asked - 'O God! My war ambition is far from being realised. Tell me quickly, where should I go now, to whom? 'Then I said to him - 'You go to Banasura, the demon Mahabali. 'I have a longing to see the war. Inspired by this kind of inspiration from me, Kansa, who was obsessed with muscularity, went to Sonitpur. . 1 - 7.
Hearing of Kansaki's promise of war, Mahabali became very angry with Banasura. He thundered like a cloud and kicked the earth very hard. That leg of his fell to his knee into the ground and came close to the underworld. By doing this, Banane said to Kansa - 'First lift up this foot of mine! Hearing this, the drunken Kansa uprooted his leg with both hands and raised it. His strength was beyond measure. Kansa pulled Banasura's leg up in the same way that an elephant would spontaneously uproot a hardened rod or pole. The people of the earth and the seven abyss were shaken as soon as his feet were dislodged, many mountains collapsed, and even the mighty giants were distracted from their places. Now seeing Banasura ready for war - Lord Shankara himself came there and convinced everyone to stop the war. Then he said to Balinandan = Banas - 'Daityaraj! Apart from Lord Krishna, there is no other hero on earth who can conquer it in battle. Parashurama gave it a similar navara and also offered his Vaishnava bow. 8-13 | (Golok Khand Chapters 6 to 10)
Srinardji says - Rajan! Having said this, neither Maheshwara nor Shiva directly established pleasant amity between Kamsa and Banasura with immediate great peace. Kansa then went there after hearing the name of Mahasura Vatsa in the west direction. The demon king disguised himself as a calf and started a war with Kansa. Kansa took hold of the calf's tail and threw it to the earth. Kansa then invaded the Mlechchha countries, capturing the mountain where he resided. Hearing the news of the invasion of the Mahabali demon Kansaka from my mouth, Kaalayavan set out to confront him. His beard and moustache were red and he carried a mace in his hands. Kansa also wielded his mace made of iron weighing a lakh of rupees on Yavanaraja and roared like a lion. At that time, Kansa and Kalayavan were involved in a fierce mace-fight. Both of their maces were emitting sparks of fire. Those two maces collided with each other and broke into pieces. Kansa then captured Kaalavana, killed him on the ground, and knocked him back to the ground. In this way, he made the Yavanas equal to the dead. Seeing this, the army of Kalayavan started raining arrows on Kansa. Then the mighty demon king Kansa killed the army with a mace. Kansa, the knight who struck down many elephants, horses, fine chariots, and heroes in mace-fighting, roared like a cloud in the battlefield. . 14-22 |
Then all the mercenaries left the battlefield and fled. Kansa was very virtuous; he did not strike the buffaloes while running away in terror. The legs of Kansa were high, both knees were large, and the legs looked like poles. His pelvis was thin, his thorax wide and his shoulders thick. His body was robust, his stature was high, and his arms were wide. The eyes looked like those of a cheerful lotus. The head of hair was large, the body was long. A black cloth was adorned over her limbs. Crowns adorned the head, earrings adorned the ears, necklaces adorned the neck, and lotus garlands adorned the thorax. He seemed to be as bright as the sun in the holocaust. Amravati marched on Puri to conquer the heroic Kansa gods, who were armed with swords, shields, armor, and coins. Kansa, along with the Asuras named Chanur, Mushtiq, Arishta, Shala, Tosala, Keshi, Prahlabha, Vak, Dwivida, Tirthavarta, Aghasura, Kuta, Bhoum, Bana, Shambara, Vyom, Dhenuka, and Vatsa, laid siege to Amaravati Puri from all sides. 23-28 |
Seeing the demons like Kansa, Indra, the Varaja of Tribhuvan-Emperor, set out with all the gods for a fierce battle. A fierce and thrilling battle ensued between the two parties. Groups of divine weapons and brightly sharpened arrows began to be released. It was thus darkened by the shower of weapons. At that time, sitting on a chariot, Sureshwara Indra released a lightning bolt like lightning on Kansa. But the great demon struck Indra's Vajra with a sickle. This broke the Vajra's currents and it fell on the battlefield. Vajradhari then left Vajra and took up the sword with great fury and immediately struck Kansa on the head with a fierce lion's cry. But just as the elephant was struck with a garland of flowers and found nothing, Kansaka did not even scratch his head when he was wounded by the sword. The demon king took an eight-metal strong mace, heavy enough to weigh a million pounds of iron, and wielded it on Indra. Seeing the donkey coming on top of him, Namuchisudan Veer Devendra immediately grabbed it by the hand and hit it on the demon itself. Indra's chariot was being driven drunk, and Devendra was wandering the battlefield, chasing the enemy. Kansa took the circumference and struck the demonic Indra on the shoulder. Devaraja fainted for a moment from the blow. 29-37 |
At that time, the entire Marudranon covered the Kansa with vulture-winged arrows in the same manner as the rain-bearing sun is covered by clouds. Seeing this, the mighty warrior Banasura, armed with a thousand arms, began to wound the oarsmen with his arrows, repeatedly bows and arrows. Banasura was also attacked by Vasu, Rudra, Aditya and other gods and sages from all directions and with various weapons. Meanwhile, Bhowmasur arrived, roaring with demons like Paralabha and others. The gods fell to the ground, struck by the sound of his fierce lioness. At that time, Devaraja Indra quickly got up and mounted the red-eyed Airavata elephant, prompting the drunken Gajaraja to crush him towards Kansaki. Angered by Ankush's blows, Gajraj started throwing the enemies on the battlefield by hitting them with his feet. He had bells tied around his neck, he was covered with a kinkini net and a rambling blanket. Its façade was lined with Gorochan, Sindoor, and Kasturi. As Kansa approached, he hit the great Gajaraja with a strong punch. At the same time, he also gave a second punch to Devaraja Indra in the battlefield. After being punched by him, Indra fell away from Airavata. Airavat also became distraught, kneeling on the ground. Immediately afterwards, Gajaraja rose and struck Daitya Raja Kansa with his teeth, lifting him on a spade and throwing several yojanas away. Kansa's body was as strong as Vajra's. He was not injured even when he fell that far. His heart was troubled, but he returned to the battlefield, his lips fluttering with indignation, full of great vigor. 38-49 |
Kansa captured Nagaraja Airavata, crushed him on the battlefield, and tore his teeth by twisting his trunk. Now the Airavata elephant made an immediate escape from the battlefield. He marched into Amravati Puri, the capital of the gods, knocking down great heroes. Subsequently, the daitya king Kansa began to repel the gods with arrows and bow-tanks, attacking the Vaishnava bow. The killing of Kansaki made the Devas lose consciousness and flee in all directions. Some of the gods opened their spires in the battlefield and began to say, 'We are afraid (don't kill us). Some people stood very low with folded hands and laid down their weapons and even took off their lingerie. Some could not muster the courage to stand in front of King Kansa on the battlefield in utter despair. Thus, seeing the escape of the gods, Nareshwara Kansa returned to his capital Mathura with all the demons, taking the umbrella-mounted throne there. . 50-55 | (Golok Khand Chapters 6 to 10)
Thus was completed the seventh chapter called 'Kansaki Digvijaya' in the Narada Bahulashva Samvad under Golokhanda in the Srigarghasamhita. 7.
Complete chapter-aligned witnesses. Sanskrit Wikisource page 26565, revision 92524 (2016-11-28T07:13:32Z). English was rendered from the complete Hindi chapter at https://www.mahakavya.com/garga-samhita-golok-khand-chapters-6-to-10/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.