Viśvajit-khaṇḍa · Chapter 39
Sourceश्रीनारद उवाच - शकुनिः पुनरुत्थाय स्वबलं वीक्ष्य पोथितम् ॥ जग्राह स महाराज लक्षभारसमं धनुः ॥१॥ निधाय बाणं निशितं कोदण्डे चण्डविक्रमे ॥ कार्ष्णिं प्राह रणे राजञ्छकुनिर्दैत्यराड्बली ॥२॥ शकुनिरुवाच - कर्म प्रधानं जगतीतले मह- त्कर्मैव साक्षाद्गुरुरीश्वरः प्रभुः ॥ उच्चावचत्वं भवतीह कर्मणा तेनैव राजन् विजयः पराजयः ॥३॥ गवां सहस्रेषु यथा हि वत्सकः स्वमातरं विंदति पश्यतां सताम् ॥ तथा हि येनापि कृतं शुभाशुभं नरेषु तिष्ठत्सु तमेव गच्छति ॥४॥ ततो विजेष्यामि दृढेन कर्मणा रिपुं भवन्तं शपथः कृतो मया ॥ सद्यः कुरु त्वं प्रतिकारमेव त- द्येनापि न स्याद्भुवि ते पराजयः ॥५॥ श्रीप्रद्युम्न उवाच - कर्म प्रधानं यदि मन्यसे भवान् कालं विना तर्हि फलं न विद्यते ॥ कृते च पाके यदि विघ्नता क्वचित् सदा बलिष्ठं समयं विदुः परे ॥६॥ पाकप्रकारे सति पाकसाधनं कदापि कर्तारमृते न जायते ॥ वदन्ति कर्तारमतः परं परे न कर्म कालं शृणु दैत्यपुंगव ॥७॥ योगं विदुः केऽपि यदा ह्ययोगतः कथं भवेत्कौ किल पाकसाधनम् ॥ सर्वं हि वा योगमृते वृथा भवे- त्काले तथा कर्मणी कर्तरि स्थिते ॥८॥ योगं तथा कर्मणि कर्तरि स्थिते काले विधिः सांख्यमृते वृथा भवेत् ॥ पाकप्रकाराद्यविचारकृद्यदा न तर्हि पाकस्य यथा प्रसाधनम् ॥९॥ योगकर्मविधिकारकसंख्यै- र्ब्रह्मपूरुषमृते न हि किंचित् ॥ तं नमामि परिपूर्णतमांशं येन विश्वमखिलं विदितं खे ॥१०॥ शकुनिरुवाच - हे प्रद्युम्न महाबाहो त्वं साक्षाज्ज्ञानशेवधिः ॥ तव दर्शनमात्रेण नरो याति कृतार्थताम् ॥११॥ ये त्वसंगं समासाद्य वार्तां कुर्वन्ति नित्यशः ॥ तेषां तु महिमानं हि वक्तुं नालं चतुर्मुखः ॥१२॥ श्रीनारद उवाच - इत्युक्त्वा शकुनिर्दैत्यो मायावी दैत्यराड्बली ॥ शिक्षितं मयदैत्येन रौरवास्त्रं समादधे ॥१३॥ महोरगा दंदशूका वृश्चिकाश्च विषोत्कटाः ॥ कोटिशो गरुडा बाणान्नीलकंठाः कलापिनः ॥१४॥ तैर्दर्शितं बलं सर्वं फूत्कारैर्मत्ततां गतम् ॥ वीक्ष्य कार्ष्णीर्महाबुद्धिर्गरुडास्त्रं समादधे ॥१५॥ कोटिशो गरुडा बाणान्नीलकंठाः कलापिनः ॥ अन्ये च पक्षिणो भीमा निर्गतास्तस्य पश्यतः ॥१६॥ अग्रसन्नुरगान्युद्धे दन्दशूकान्सवृश्चिकान् ॥ तीक्ष्णतुण्डा बृहत्पक्षाः क्षणात्तेऽदृश्यतां गताः ॥१७॥ दैत्योऽपि राक्षसीं मायां गांधर्वी गौह्यकीं पुनः ॥ पैशाचीं संदधे राजञ्छकुनिर्युद्धदुर्मदः ॥१८॥ तद्बाणनिर्गता भूतास्तथा प्रेताश्च कोटिशः ॥ अंगारान्मुमुचुस्ते वै करालाः कृष्णरूपिणः ॥१९॥ ज्ञात्वाथ तामसीं मायां पैशाचीं मीनकेतनः ॥ सत्त्वास्त्रं संदधे बाणे युद्धकांक्षी हरेः सुतः ॥२०॥ तस्माद्विनिर्गता राजन् कोटिशो विष्णुपार्षदाः ॥ जघ्नुः पिशाचीं तां मायां पन्नगीं गरुडो यथा ॥२१॥ मायां दैत्योऽपि मायावी गौह्यकीं संदधे पुनः ॥ संभूताः कोटिशो मेघा गर्जतो भीमरूपिणः ॥२२॥ विष्ठां मूत्रं च रुधिरं मेदोमज्जास्थिवर्षिणः ॥ ज्ञात्वाथ गौह्यकीं मायां प्रद्युम्नो भगवान्हरिः ॥२३॥ तन्नाशार्थं महाराज कोलास्त्रं संदधे त्विषौ ॥ तद्गणाद्यज्ञवाराहो निर्गतो घर्घरस्वनः ॥२४॥ सटा विधूय वेगेन दंष्ट्रया तीक्ष्णया घनान् ॥ विदारयन्रणे रेजे वेणून्मत्तगजो यथा ॥२५॥ दैत्योऽथ मायां गांधर्वीं चकार रणमण्डले ॥ युद्धं न दृश्यते तद्वद्धेमसौधानि कोटिशः ॥२६॥ वस्त्रालंकारयुक्तानि बभूवुः पश्यतां सताम् ॥ विद्याधर्यश्च गन्धर्वा गायन्तो नृत्यतत्पराः ॥२७॥ मृदङ्गतालवादित्रैर्मोहनै रागमिश्रितैः ॥ हावभावकटाक्षैश्च तोषयंत्यो जनान्नृप ॥२८॥ मोहिन्यः सुन्दरी रामाः श्यामाः कमललोचनाः ॥ तासां लावण्यरागाभ्यां मोहं यातेषु वृष्णिषु ॥२९॥ गांधर्वीं मोहिनीं मायां ज्ञात्वा कार्ष्णिर्महाबलः ॥ संदधे तत्प्रहारार्थे ज्ञानास्त्रं रणमण्डले ॥३०॥ ज्ञानोदये तदा जाते मोहनाशो नृपेश्वर ॥ नाशं गतायां मायायां शकुनिः क्रोधमूर्च्छितः ॥३१॥ राक्षसीं संदधे मायां मायावी दैत्यपुंगवः ॥ सपक्षैः पर्वतै राजन् क्षणात्तच्छादितं नभः ॥३२॥ महांधकारोऽभूत्पृथ्व्यां परार्द्धं च घनैरिव ॥ दग्धवृक्षशिलास्थीनि कबंधरुधिराणि च ॥३३॥ गदापरिघनिस्त्रिंशमुसलादीनि सर्वतः ॥ अंबराद्बभ्रमुः शैला मेघा इव विदेहराट् ॥३४॥ रक्षोगणाः शूलहस्ताश्छिन्धि भिंधीति वादिनः ॥ यातुधानाश्च शतशो भक्षयन्तो द्विपान्हयान् ॥३५॥ सिंहव्याघ्रवराहाश्च दृश्यंते रणमण्डले ॥ मर्दयन्तो नखैर्नागांश्चर्वयंतो वपूंषि वै ॥३६॥ पलायमानं स्वबलं दृष्ट्वा कार्ष्णीर्महाबलः ॥ जेतुं तां राक्षसीं मायां नृसिंहास्त्रं समादधे ॥३७॥ आविर्भूतो हरिः साक्षान्नृसिंहो रौद्ररूपधृक् ॥ स्फुरत्सटो ललज्जिह्वो नखलांगूलभूषितः ॥३८॥ चलद्बालो भीषणास्यो हुङ्कारेणातिभीषणः ॥ सिंहनादं च कुर्वन् वै संस्थितो रणमण्डले ॥३९॥ ननाद तेन ब्रह्मांडं सप्तलोकैर्बिलैः सह ॥ विचेलुर्दिग्गजास्तारा राजद्भूखंडमण्डलम् ॥४०॥ गृहीत्वा ह्यंबरे शैलान्सवृक्षान्नखरः खरैः ॥ पातयामास भूपृष्ठे दैत्यानां च प्रपश्यताम् ॥४१॥ रक्षोगणान्संगृहीत्वा पाटयामास वेगतः ॥ यातुधानगणान्पद्भ्यां स ममर्द हरिर्मृधे ॥४२॥ सिंहान्व्याघ्रान्वराहांश्च संविदार्य नखैः खरैः ॥ चिक्षेप गगने विष्णुस्तत्रैवांतर्दधे पुनः ॥४३॥ नाशं गतायां मायायां राक्षस्यां रुक्मिणीसुतः ॥ शंखं दघ्मौ विजयदं मौलेन्द्रं च रणांगणे ॥४४॥ अभूज्जयजयारावो दुन्दुभिध्वनिमिश्रितः ॥ प्रद्युम्नस्योपरि सुराः पुष्पवर्षं प्रचक्रिरे ॥४५॥ स्वमायायां निर्गतायां शकुनिर्दैत्यपुंगवः ॥ सरथः सैनिकैः सार्द्धं तत्रैवांतर्हितोऽभवत् ॥४६॥ मायां चकार दैतेयीं मयदैत्यप्रदर्शिताम् ॥ हस्तिशुण्डासमां धारां वर्षतोऽतितडित्स्वनाः ॥४७॥ सांवर्त्तकगणा मेघा आजग्मुः पश्यतां सताम् ॥ क्षणात्सर्वे समुद्रास्ते चण्डवातेन वेपिताः ॥४८॥ क्षुभिता उर्मिसङ्घर्षावर्तैः प्लावितभूरुजाः ॥ भूमण्डलं सपदि तत्प्लावितं चात्मभिः समम् ॥४९॥ दृष्ट्वाथ यादवाः सर्वे प्रापुस्तत्र भयं बहु ॥ वदन्तो रामकृष्णेति विस्मृतस्वपराक्रमाः ॥५०॥ क्षणमात्रेण राजेंद्र तूष्णींभूताः पराजिताः ॥ तदा कार्ष्णिर्महाबाहुः कोदण्डे चण्डविक्रमे ॥ बाणं निधाय सहसा श्रीकृष्णास्त्रं समादधे ॥५१॥ नवार्ककोटिद्युतिमन्महन्महो वीरं जयन्मैथिल वै दिशो दश ॥ समागतं तत्र कुशस्थलीपुरः स्वयं परं स्वार्थमिवात्मवांछितम् ॥५२॥ तस्मिन्परे तेजसि नूतनांबुद- च्छविं सुवर्णांबुजरेणुवाससम् ॥ भृंगावलीकूजितकुन्तलावलिं स्रजं दधानं नववैजयन्तीम् ॥५३॥ श्रीवत्सरत्नोत्तमचारुवक्षसमं चतुर्भुजं पद्मविशालवीक्षणम् ॥ स्फुरत्किरीटं वरहारनूपुरं लसन्नवार्कद्युतिहेमकुण्डलम् ॥५४॥ विलोक्य देवं यदवोऽतिहर्षिताः परं प्रणेमुः कृतहस्तसंपुटाः ॥ प्रचक्रिरे मैथिल पुष्पवर्षिणो- ऽमरा जयारावमतीव सर्वतः ॥५५॥ स दैत्यशकुनेः सज्जं कोदंडं प्राच्छिनद्रुषा ॥ शार्ङ्गमुक्तेन तच्छार्ङ्गी बाणेनैकेन लीलया ॥५६॥ स छिन्नधन्वा शकुनिस्त्यक्त्वा युद्धं प्रधर्षितः ॥ हेतिसंहतिमानेतुं ययौ चन्द्रावतीं पुरीम् ॥५७॥
śrīnārada uvāca - śakuniḥ punarutthāya svabalaṃ vīkṣya pothitam || jagrāha sa mahārāja lakṣabhārasamaṃ dhanuḥ ||1|| nidhāya bāṇaṃ niśitaṃ kodaṇḍe caṇḍavikrame || kārṣṇiṃ prāha raṇe rājañchakunirdaityarāḍbalī ||2|| śakuniruvāca - karma pradhānaṃ jagatītale maha- tkarmaiva sākṣādgururīśvaraḥ prabhuḥ || uccāvacatvaṃ bhavatīha karmaṇā tenaiva rājan vijayaḥ parājayaḥ ||3|| gavāṃ sahasreṣu yathā hi vatsakaḥ svamātaraṃ viṃdati paśyatāṃ satām || tathā hi yenāpi kṛtaṃ śubhāśubhaṃ nareṣu tiṣṭhatsu tameva gacchati ||4|| tato vijeṣyāmi dṛḍhena karmaṇā ripuṃ bhavantaṃ śapathaḥ kṛto mayā || sadyaḥ kuru tvaṃ pratikārameva ta- dyenāpi na syādbhuvi te parājayaḥ ||5|| śrīpradyumna uvāca - karma pradhānaṃ yadi manyase bhavān kālaṃ vinā tarhi phalaṃ na vidyate || kṛte ca pāke yadi vighnatā kvacit sadā baliṣṭhaṃ samayaṃ viduḥ pare ||6|| pākaprakāre sati pākasādhanaṃ kadāpi kartāramṛte na jāyate || vadanti kartāramataḥ paraṃ pare na karma kālaṃ śṛṇu daityapuṃgava ||7|| yogaṃ viduḥ ke'pi yadā hyayogataḥ kathaṃ bhavetkau kila pākasādhanam || sarvaṃ hi vā yogamṛte vṛthā bhave- tkāle tathā karmaṇī kartari sthite ||8|| yogaṃ tathā karmaṇi kartari sthite kāle vidhiḥ sāṃkhyamṛte vṛthā bhavet || pākaprakārādyavicārakṛdyadā na tarhi pākasya yathā prasādhanam ||9|| yogakarmavidhikārakasaṃkhyai- rbrahmapūruṣamṛte na hi kiṃcit || taṃ namāmi paripūrṇatamāṃśaṃ yena viśvamakhilaṃ viditaṃ khe ||10|| śakuniruvāca - he pradyumna mahābāho tvaṃ sākṣājjñānaśevadhiḥ || tava darśanamātreṇa naro yāti kṛtārthatām ||11|| ye tvasaṃgaṃ samāsādya vārtāṃ kurvanti nityaśaḥ || teṣāṃ tu mahimānaṃ hi vaktuṃ nālaṃ caturmukhaḥ ||12|| śrīnārada uvāca - ityuktvā śakunirdaityo māyāvī daityarāḍbalī || śikṣitaṃ mayadaityena rauravāstraṃ samādadhe ||13|| mahoragā daṃdaśūkā vṛścikāśca viṣotkaṭāḥ || koṭiśo garuḍā bāṇānnīlakaṃṭhāḥ kalāpinaḥ ||14|| tairdarśitaṃ balaṃ sarvaṃ phūtkārairmattatāṃ gatam || vīkṣya kārṣṇīrmahābuddhirgaruḍāstraṃ samādadhe ||15|| koṭiśo garuḍā bāṇānnīlakaṃṭhāḥ kalāpinaḥ || anye ca pakṣiṇo bhīmā nirgatāstasya paśyataḥ ||16|| agrasannuragānyuddhe dandaśūkānsavṛścikān || tīkṣṇatuṇḍā bṛhatpakṣāḥ kṣaṇātte'dṛśyatāṃ gatāḥ ||17|| daityo'pi rākṣasīṃ māyāṃ gāṃdharvī gauhyakīṃ punaḥ || paiśācīṃ saṃdadhe rājañchakuniryuddhadurmadaḥ ||18|| tadbāṇanirgatā bhūtāstathā pretāśca koṭiśaḥ || aṃgārānmumucuste vai karālāḥ kṛṣṇarūpiṇaḥ ||19|| jñātvātha tāmasīṃ māyāṃ paiśācīṃ mīnaketanaḥ || sattvāstraṃ saṃdadhe bāṇe yuddhakāṃkṣī hareḥ sutaḥ ||20|| tasmādvinirgatā rājan koṭiśo viṣṇupārṣadāḥ || jaghnuḥ piśācīṃ tāṃ māyāṃ pannagīṃ garuḍo yathā ||21|| māyāṃ daityo'pi māyāvī gauhyakīṃ saṃdadhe punaḥ || saṃbhūtāḥ koṭiśo meghā garjato bhīmarūpiṇaḥ ||22|| viṣṭhāṃ mūtraṃ ca rudhiraṃ medomajjāsthivarṣiṇaḥ || jñātvātha gauhyakīṃ māyāṃ pradyumno bhagavānhariḥ ||23|| tannāśārthaṃ mahārāja kolāstraṃ saṃdadhe tviṣau || tadgaṇādyajñavārāho nirgato ghargharasvanaḥ ||24|| saṭā vidhūya vegena daṃṣṭrayā tīkṣṇayā ghanān || vidārayanraṇe reje veṇūnmattagajo yathā ||25|| daityo'tha māyāṃ gāṃdharvīṃ cakāra raṇamaṇḍale || yuddhaṃ na dṛśyate tadvaddhemasaudhāni koṭiśaḥ ||26|| vastrālaṃkārayuktāni babhūvuḥ paśyatāṃ satām || vidyādharyaśca gandharvā gāyanto nṛtyatatparāḥ ||27|| mṛdaṅgatālavāditrairmohanai rāgamiśritaiḥ || hāvabhāvakaṭākṣaiśca toṣayaṃtyo janānnṛpa ||28|| mohinyaḥ sundarī rāmāḥ śyāmāḥ kamalalocanāḥ || tāsāṃ lāvaṇyarāgābhyāṃ mohaṃ yāteṣu vṛṣṇiṣu ||29|| gāṃdharvīṃ mohinīṃ māyāṃ jñātvā kārṣṇirmahābalaḥ || saṃdadhe tatprahārārthe jñānāstraṃ raṇamaṇḍale ||30|| jñānodaye tadā jāte mohanāśo nṛpeśvara || nāśaṃ gatāyāṃ māyāyāṃ śakuniḥ krodhamūrcchitaḥ ||31|| rākṣasīṃ saṃdadhe māyāṃ māyāvī daityapuṃgavaḥ || sapakṣaiḥ parvatai rājan kṣaṇāttacchāditaṃ nabhaḥ ||32|| mahāṃdhakāro'bhūtpṛthvyāṃ parārddhaṃ ca ghanairiva || dagdhavṛkṣaśilāsthīni kabaṃdharudhirāṇi ca ||33|| gadāparighanistriṃśamusalādīni sarvataḥ || aṃbarādbabhramuḥ śailā meghā iva videharāṭ ||34|| rakṣogaṇāḥ śūlahastāśchindhi bhiṃdhīti vādinaḥ || yātudhānāśca śataśo bhakṣayanto dvipānhayān ||35|| siṃhavyāghravarāhāśca dṛśyaṃte raṇamaṇḍale || mardayanto nakhairnāgāṃścarvayaṃto vapūṃṣi vai ||36|| palāyamānaṃ svabalaṃ dṛṣṭvā kārṣṇīrmahābalaḥ || jetuṃ tāṃ rākṣasīṃ māyāṃ nṛsiṃhāstraṃ samādadhe ||37|| āvirbhūto hariḥ sākṣānnṛsiṃho raudrarūpadhṛk || sphuratsaṭo lalajjihvo nakhalāṃgūlabhūṣitaḥ ||38|| caladbālo bhīṣaṇāsyo huṅkāreṇātibhīṣaṇaḥ || siṃhanādaṃ ca kurvan vai saṃsthito raṇamaṇḍale ||39|| nanāda tena brahmāṃḍaṃ saptalokairbilaiḥ saha || vicelurdiggajāstārā rājadbhūkhaṃḍamaṇḍalam ||40|| gṛhītvā hyaṃbare śailānsavṛkṣānnakharaḥ kharaiḥ || pātayāmāsa bhūpṛṣṭhe daityānāṃ ca prapaśyatām ||41|| rakṣogaṇānsaṃgṛhītvā pāṭayāmāsa vegataḥ || yātudhānagaṇānpadbhyāṃ sa mamarda harirmṛdhe ||42|| siṃhānvyāghrānvarāhāṃśca saṃvidārya nakhaiḥ kharaiḥ || cikṣepa gagane viṣṇustatraivāṃtardadhe punaḥ ||43|| nāśaṃ gatāyāṃ māyāyāṃ rākṣasyāṃ rukmiṇīsutaḥ || śaṃkhaṃ daghmau vijayadaṃ maulendraṃ ca raṇāṃgaṇe ||44|| abhūjjayajayārāvo dundubhidhvanimiśritaḥ || pradyumnasyopari surāḥ puṣpavarṣaṃ pracakrire ||45|| svamāyāyāṃ nirgatāyāṃ śakunirdaityapuṃgavaḥ || sarathaḥ sainikaiḥ sārddhaṃ tatraivāṃtarhito'bhavat ||46|| māyāṃ cakāra daiteyīṃ mayadaityapradarśitām || hastiśuṇḍāsamāṃ dhārāṃ varṣato'titaḍitsvanāḥ ||47|| sāṃvarttakagaṇā meghā ājagmuḥ paśyatāṃ satām || kṣaṇātsarve samudrāste caṇḍavātena vepitāḥ ||48|| kṣubhitā urmisaṅgharṣāvartaiḥ plāvitabhūrujāḥ || bhūmaṇḍalaṃ sapadi tatplāvitaṃ cātmabhiḥ samam ||49|| dṛṣṭvātha yādavāḥ sarve prāpustatra bhayaṃ bahu || vadanto rāmakṛṣṇeti vismṛtasvaparākramāḥ ||50|| kṣaṇamātreṇa rājeṃdra tūṣṇīṃbhūtāḥ parājitāḥ || tadā kārṣṇirmahābāhuḥ kodaṇḍe caṇḍavikrame || bāṇaṃ nidhāya sahasā śrīkṛṣṇāstraṃ samādadhe ||51|| navārkakoṭidyutimanmahanmaho vīraṃ jayanmaithila vai diśo daśa || samāgataṃ tatra kuśasthalīpuraḥ svayaṃ paraṃ svārthamivātmavāṃchitam ||52|| tasminpare tejasi nūtanāṃbuda- cchaviṃ suvarṇāṃbujareṇuvāsasam || bhṛṃgāvalīkūjitakuntalāvaliṃ srajaṃ dadhānaṃ navavaijayantīm ||53|| śrīvatsaratnottamacāruvakṣasamaṃ caturbhujaṃ padmaviśālavīkṣaṇam || sphuratkirīṭaṃ varahāranūpuraṃ lasannavārkadyutihemakuṇḍalam ||54|| vilokya devaṃ yadavo'tiharṣitāḥ paraṃ praṇemuḥ kṛtahastasaṃpuṭāḥ || pracakrire maithila puṣpavarṣiṇo- 'marā jayārāvamatīva sarvataḥ ||55|| sa daityaśakuneḥ sajjaṃ kodaṃḍaṃ prācchinadruṣā || śārṅgamuktena tacchārṅgī bāṇenaikena līlayā ||56|| sa chinnadhanvā śakunistyaktvā yuddhaṃ pradharṣitaḥ || hetisaṃhatimānetuṃ yayau candrāvatīṃ purīm ||57||
English translation
The removal of the illusory weapons of the Shakunis by Pradyumna and the emergence of Lord Krishna on the battlefield with the Sri Krishna weapon wielded by him
Naradji says - Maharaj. When Shakuni rose again and saw the destruction of his army, he took a bow as heavy as a hundred thousand. The king! The mighty daitya king Shakuni placed a sharp arrow on the mighty spear and said to Pradyumna in the battlefield. 1-2.
Shakuni said, "O great Lord Pradyumna. You are the true treasure of knowledge, your philosophy alone makes a person grateful. Even the four-faced Brahmaji is not able to describe the glory of those who interact with you every day. 11-12 |
Naradji says - Rajan! Having said this, the elusive and powerful daitya king Shakuni learned from Mayasura the art of weaponry. The king! The weapon released millions of large snakes, tusks, and venomous scorpions. All of them were very violent and violent. The whole army he had crushed was filled with tears. Seeing this, the most intelligent Pradyumna meditated on Garuda Shastra. The weapon revealed millions of eagles, eagles, peacocks, and other fearsome birds watching the giant. Those birds swallowed serpents, toads, and scorpions in that battle. Then those sharp-billed and big-winged birds disappeared in an instant. 13-17 |
The king! Then the fierce demon Shakuni also meditated on Rakshasi, Gandharvi, Gaudaki, and Paisachi Maya. Millions of demons and ghosts with a ferocious and dark appearance emanating from those arrows started raining embers there. Sattvaastra was mediated by the adventurous Srikrishnakumar Mounadhvaja Pradyumna, upon learning of the delusion of Tamasi and Paishachi. The king. Crores of Vishnuparsad appeared from that arrow, who destroyed the demon Maya just as Garuda destroyed the serpent. Then the elusive giant sifted through the haunting magic again, revealing millions of thunderous clouds in thunder. They started raining feces, urine, blood, fat, marrow and bone. Your Majesty Knowing the magic of the cow, Lord Pradyumna Hari arranged a pig's weapon on the arrow to destroy it. With that arrow, the god Yajnavaraha, who made the sound of thunder, appeared. They moved their saathas (hairs around their necks) with great speed, scattering the clouds with their sharp molars, as the drunken Gajraj does when he breaks the bamboo trees. 18-25 | (Vishwajitkhand Chapter 36 to 40)
The daitya then revealed Gandharvi Maya to Ranamandala. The war became invisible and millions of golden palaces stood there. At the sight of the noblemen, they adorned the golden edifice with garments and ornaments. There the Vidyadharis and the Gandharvas began to dance and sing. Nareshwar. Sixteen-year-old Kamalanayani, charming, beautiful Ramaniya appeared there, satisfying people with the enchanting words of the mridangam, tala, and instruments, and with raga-like gestures and sarcasm. When all the men of Vrishnivamsa were captivated by his beauty and melody, Mahabali Pradyumna, on learning of the illusion of Gandharvi Maya, meditated on the Jnana Shastra in the battlefield to dispel it. 26-30 |
Oh dear God! At that time, everyone's fascination with enlightenment was destroyed. When that illusion was destroyed, Shakuni, the illusory demon king filled with anger, meditated on the demonic illusion. The king! Then, in an instant, the whole sky was covered with feathery mountains. Darkness fell upon the earth, as if under a thick blanket of clouds during the time of the Flood. From the sky, it rained burning trees, stones, bones, torso, blood, maces, shields, swords, and spears all around. The king of Vidharaja. The mountains began to move in the sky like clouds. Hundreds of rakshasasas and yatudhanas with spears in their hands were seen making elephants and horses their food and saying 'Cut, Tear', etc. Many lions, tigers and hyenas could be seen in the arena, tearing apart the elephants with their claws and chewing on their bodies. Seeing his army fleeing, Mahabali Pradyumna manipulated the Narasimha Shastra to conquer the demon Maya. This directly revealed the radiant Lord Narasimha Hari, whose eyes shone brightly. The tongue loomed and the large claws and tail adorned them. The hair was shaking, the face looked scary, and they looked much scarier than a scream. They stood up in the ringing of the horn. The whole universe, including the seven underworlds and the seven worlds, echoed from that lion's roar, the giants were distracted, the stars slipped, and the landmass began to shake. With their sharp claws, they would lift mountains into the sky with trees overlooking giants and smash dust against their armies. The demons were captured and torn to pieces with great speed. The men trampled the Yatudhanas to their feet on the battlefield. The lions, tigers and warhawks were scattered with sharp nails and thrown into the sky. Then the god Vishnu disappeared there. 31-43 |
Rukmini-Nandan Pradyumna, thus destroyed by the demoness Maya, blew the victory-giving conch shell named Maulendra in the battlefield. At that time, there were mixed cheers and cheers from the sound of the drums. The gods began to shower flowers on Pradyumna. The demon king Shakuni disappeared with the chariot and soldiers when his magic was destroyed. He then revealed the divine Maya taught by a demon named Mayu. At that time, clouds covered the sky, watching the virtuous men, pouring down torrents of water as thick as an elephant's trunk with lightning. In an instant, all the seas were shaken and agitated by the great storm, and they collided with each other, and their whirlpools covered the whole earth. All the trees, including those belonging to the Yadavas, were drowned in it. Seeing this, all the Yadavas were terrified and forgot all their valor while chanting the names of Ramakrishna. Rajendra! All of them were silently defeated in an instant. Mahabahu Pradyumna then placed an arrow on the axe, supported by tremendous valor, and placed the weapon of Krishna on him suddenly. 44-51 | (Vishwajitkhand Chapter 36 to 40)
Mithileshwar. At that time, the exquisite constellation itself appeared there, as if it were a figurative manifestation of its intended meaning, like the millions of suns in the morning of Kushasthali Puri. He was reconciling the ten directions in a hurry. Within that supreme radiance appeared Krishna, adorned with a dark image resembling a new waterfall, symmetrical with a golden lotus-like yellow vasana, adorned with the murmurs of the Bhramaras, bearing the Kuntala rashi, wearing the Vyjayanthimala, with a breast adorned with the Srivatsa emblem and the exquisite Kaustubharatna, with a vast vision like the effulgent Pankaj, holding four arms. He was adorned with a beautiful crown on his head, a beautiful necklace around his neck, and Naval Nupur at his feet. The golden coils of the new sun shone brightly in his ears. 52-54 |
Thus the Yaduvanshi blossomed with great joy on seeing Lord Krishna. They bowed down to the deity with folded hands. Mithileshwar. At that time, the gods and goddesses began to shower flowers and shout loudly. Lord Krishna, the archer who had just arrived, angrily severed the axe with a single arrow that was missing from his arrow. Shakuni, despised for having his bow cut off, left the battle and went to Chandravatipuri to bring his cache of weapons. 55-57 |
Thus was completed the forty-ninth chapter of the "Arrival of Krishna" in the Narada Bahulashva-Samvad under the Vishwajit Khanda in the Srigarghasamhita. 39.
Complete chapter-aligned witnesses. Sanskrit Wikisource page 24686, revision 352033 (2022-09-23T23:32:07Z). English was rendered from the complete Hindi chapter at https://www.mahakavya.com/vishwajitkhand-chapter-36-to-40/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.