Viśvajit-khaṇḍa · Chapter 17
Sourceश्रीनारद उवाच - अथातो मागधञ्जेतुं प्रद्युम्नो मीनकेतनः ॥ गिरिव्रजं जगामाशु स्वसैन्यैः परिवारितः ॥१॥ श्रुत्वाऽऽगतं हरेः पुत्रं दिग्जयार्थं विशेषतः ॥ जरासंधो मागधेंद्रो महाकोपं चकार ह ॥२॥ जरासंध उवाच - तुच्छा ये यादवाः सर्वे युधि विक्लवचेतसः ॥ तेऽद्य वै जगतीं जेतुं निर्गता गतबुद्धयः ॥३॥ मथुरां स्वपुरीं त्यक्त्वा मद्भयान्माधवोऽपिहि ॥ समुद्रं शरणं प्रागात्पिता चास्य दुरात्मनः ॥४॥ प्रवर्षणे रामकृष्णौ मया भस्मीकृतौ बलात् ॥ छलाद्दुद्रुवतुस्तौ द्वौ द्वारकायां समाश्रितौ ॥५॥ बद्ध्वा तौ चानयिष्यामि सोग्रसेनौ कुशस्थलीम् ॥ अयादवीं करिष्यामि पृथ्वीं सागरमेखलाम् ॥६॥ श्रीनारद उवाच - इत्युक्त्वा निर्गतो राजा गिरिव्रजपुराद्बहिः ॥ अक्षौहिणीभिर्विंशत्या तिसृभिः संयुतो बली ॥७॥ गोमूत्रचयसिंदूरकस्तूरीपत्रभृन्मुखे ॥ स्रवन्मदैश्चतुर्दंतैरैरावतकुलोद्भवैः ॥८॥ शुण्डादण्डस्य फूत्कारैः क्षेपयद्भिस्तरून्बहून् ॥ बभौ गजैर्मागधेंद्रो मेघैरिंद्र इव प्रभुः ॥९॥ रथैश्च देवधिष्ण्याभैः सध्वजैरश्वनेतृभिः ॥ चामरैर्दोलितै राजंल्लोलचक्रध्वनिद्युतिः ॥१०॥ तुरङ्गमैर्वायुवेगैश्चित्रवर्णैर्मदोत्कटैः ॥ सौवर्णपट्टहाराद्यैः शिखारश्म्यूर्ध्वचामरैः ॥११॥ सकंचुकैर्वीरजनैः खड्गचर्मधनुर्धरैः ॥ विद्याधरसमैः प्रागान्मागधेंद्रो महाबलः ॥१२॥ धुंकारैर्दुंदुभीनां च दिशो नेदुर्धनुःस्वनैः ॥ चचाल वसुधा सैन्यै रजोभिश्छादितं नभः ॥१३॥ जरासंधस्य तत्सैन्यं प्रलयाब्धिमिवोल्बणम् ॥ विस्मिता यादवाः सर्वे बभूवुर्वीक्ष्य मैथिल ॥१४॥ प्रद्युम्नो भगवान्वीक्ष्य मागधेंद्रबलार्णवम् ॥ शंखं दघ्मौ दक्षिणाख्यं मा भैष्टेत्यभयं ददत् ॥१५॥ ततः सांबो महाबाहुः प्रद्युम्नस्य प्रपश्यतः ॥ अक्षौहिणीनां दशभिर्युयुधे मागधेन सः ॥१६॥ गजा गजैर्युयुधिरे रथिभी रथिनो मृधे ॥ हया हयैः पत्तयश्च पत्तिभिर्मैथिलेश्वर ॥१७॥ बभूव तुमुलं युद्धमद्भुतं रोमहर्षणम् ॥ मागधानां यदूनां चासुराणां निर्जरैर्यथा ॥१८॥ अश्वारुढाः केऽपि वीरा भल्लहस्ता इतस्ततः ॥ मर्दयंतो गजारूढाः करिकुम्भगतार्चयः ॥१९॥ केचिच्छक्तीस्तडिद्वर्णा गृहीत्वा चिक्षिपुर्बलात् ॥ ताः शक्तयस्त्वरीन् भित्वा दंशितान् धरणीं गताः ॥२०॥ केचिद्वीरा नदन्तः कौ रथांगानि च चिक्षुपुः ॥ चिच्छिदुर्वीरपटलं नीहारं रवयो यथा ॥२१॥ भिंदिपालैर्मुद्गरैश्च कुठारैरसिपट्टिशैः ॥ अच्छूरिकार्ष्टिभिस्तीक्ष्णैर्निस्त्रिंशैर्युयुधुश्च खे ॥२२॥ तोमरैश्च गदभिश्च बाणैश्छिन्नानि भूतले ॥ निपेतुर्वीरकरिणामश्वानां च शिरांसि च ॥२३॥ कबंधास्तत्र चोत्पेतुः पातयन्तो हयान्नरान् ॥ खड्गहस्ताः प्रधावन्तः संग्रामेषु भयंकरा ॥२४॥ वीरोपरि गता वीरा निपेतुश्छिन्नबाहवः ॥ हयोपरि हयाः केचिद्बाणैः संछिन्नकंधराः ॥२५॥ विद्याधर्यश्च गंधर्व्यो वव्रिरे ह्यंबरे गतान् ॥ वीरान्पतीन्समिच्छंत्यस्तासां चाभूत्कलिर्महान् ॥२६॥ क्षात्रधर्मापराः केचिद्युद्धदत्तासवो नृप ॥ न चलन्तः पदं पृष्ठे सदा संग्रामशालिनः ॥२७॥ जग्मुः परं पदं ते वै भीत्वा मार्तण्डमंडलम् ॥ ननृतुः शिशुमारे वै मंडले च नटा इव ॥२८॥ एवं सांबमहावीरैर्मर्दितं मागधं बलम् ॥ दुद्राव पश्यतां तेषां कृष्णभक्त्या यथाशुभम् ॥२९॥ केचिद्वै वृक्णवर्माणश्छिन्नचापास्तथापरे ॥ पलायमाना धावंतस्त्यक्तखड्गर्ष्टिपाणयः ॥३०॥ पलायमानं स्वबलं वीक्ष्य तन्मागधेश्वरः ॥ धनुष्टंकारयन्प्राप्तो मा भैष्टेत्यभयं ददौ ॥३१॥ स्वबलं नोदयामास जरासंधो धनुर्ज्यया ॥ महामात्यः प्रेरयति ह्यंकुशेन गजं यथा ॥३२॥ सांबस्तदैव सम्प्राप्तो दशभिश्चापनिर्गतैः ॥ बाणैर्विव्याध समरे मागधेंद्रं महाबलम् ॥३३॥ धनुर्ज्यामब्धिकल्लोलभीमसंघर्षनादिनीम् ॥ चिच्छेद दशभिर्बाणैः सांबो जांबवीसुतः ॥३४॥ धनुरन्यत्समादाय जरासंधो महाबलः ॥ धनुः सांबस्य चिच्छेद बाणैर्दशभिरग्रतः ॥३५॥ चतुर्भिश्चतुरो वाहान्द्वाभ्यां केतुं रथं त्रिभिः ॥ एकेन सारथिं जघ्ने मागधेंद्रो जरासुतः ॥३६॥ स छिन्नधन्वा विरथो हताश्वो हतसारथिः ॥ पुनरन्यं समास्थाय रथं सांबो महाबलः ॥३७॥ गृहीत्वा चापमत्युग्रं सज्जं कृत्वा विधानतः ॥ तद्रथं चूर्णयामास सांबो बाणशतैरपि ॥३८॥ रथं त्यक्त्वा जरासंधो गजमारुह्य वेगतः ॥ बभौ गजे मागधेंद्र इन्द्र ऐरावते यथा ॥३९॥ चित्रपत्रविचित्रांगं कालांतकयमोपमम् ॥ सांबाय नोदयमास मत्तेभं क्रुद्धमानसः ॥४०॥ गृहीत्वा सरथं सांबं शुण्डादण्डेन नागराट् ॥ कुर्वंश्चीत्कारविकलश्चिक्षेप नवयोजनम् ॥४१॥ तदा कोलाहले जाते सांबसेनासु मैथिल ॥ प्रद्युम्नपार्श्वाच्च गदः प्राप्तोऽभूद्वेगतो बलम् ॥४२॥ विनाशयन्नंधकारं यथार्क उदयाचलात् ॥ जरासंधस्यापि गजं मुष्टिना वसुदेवजः ॥४३॥ जघान शक्रो वज्रेण यथा प्रोच्चदरीभृतम् ॥ गजो मुष्टिप्रहारेण विह्वलो धरणीं गतः ॥४४॥ जगाम पञ्चतां राजंस्तदद्भुतमिवावभवत् ॥ जरासंधः समुत्थाय गदामादाय वेगतः ॥४५॥ गदं तताड सहसा जगर्ज घनवद्बली ॥ तत्प्रहारेण स गदो न चचाल रणांगणात् ॥४६॥ त्वरं गदां समादाय लक्षभारविनिर्मिताम् ॥ अताडयज्जरासंधं सिंहनादमथाकरोत् ॥४७॥ तत्प्रहारेण व्यथितो बृहद्रथसुतो बली ॥ जरासंधः समुत्थाय गृहित्वा सगदं गदम् ॥४८॥ चिक्षेप रोषतो राजन्नाकाशे शतयोजनम् ॥ गदोऽपि मागधं नीत्वा भ्रामयित्वा महाबलः ॥४९॥ चिक्षेप गगने तं वै योजनानां सहस्रकम् ॥ आकाशात्पतितो राजा मागधो विंध्यपर्वते ॥५०॥ उत्थाय युयुधे तेन गदेनापि महाबलः ॥ तदैव सांबः संप्राप्तो गृहीत्वा मागधेश्वरम् ॥५१॥ भूपृष्ठे पोथयामास सिंहः सिंहमिवौजसा ॥ एकेन मुष्टिना सांबं द्वितीयेन गदं तथा ५२॥ तताड मागधो राजा जगर्जाशु रणांगणे ॥ मुष्टिप्रहारव्यथितौ गदः सांबश्च मूर्छितौ ॥५३॥ हाहाकारो महानासीत्तदैवाशु रणांगणे ॥ रथेनातिपताकेन प्रद्युम्नो यादवेश्वरः ॥५४॥ अक्षौहिणीयुतः प्राप्तो मा भैष्टेत्यभयं ददौ ॥ जरासंधो गदां नीत्वा लक्षभारविनिर्मिताम् ॥५५॥ विवेश यदुसेनायामरण्येऽग्निरिव प्रभुः ॥ रथान्गजन्सवीरांश्च तुरङ्गान्सैंधवान्बहून् ॥५६॥ पातयमास राजेंद्र पद्मानीव महागजः ॥ जरासंधस्य या सेना सापि सर्वा समागता ॥५७॥ जघान निशितैर्बाणैर्यदूनां सर्वतो बलम् ॥ प्रद्युम्नो युयुधे युद्धे निर्भयो यादवेश्वरः ॥५८॥ निपातयन्नरीन्बाणैर्धनुष्टङ्कारयन्मुहुः ॥ तदैव यदुपुर्यास्तु बलदेवः समागतः ॥५९॥ प्रादुर्बभूव तत्रापि सर्वेषां पश्यतां सताम् ॥ समाकृष्य हलाग्रेण मागधेंद्रं महाबलम् ॥६०॥ मुसलेनाहनत्क्रुद्धो बलदेवो महाबलः ॥ शतयोजनपर्यंतं रथाश्वगजपत्तयः ॥६१॥ पतिता भिन्नशिरसः सर्वे वै निधनं गताः ॥ देवदुंदुभयो नेदुर्नरदुन्दुभयस्तथा ॥६२॥ बलदेवोपरि सुराः पुष्पवर्षं प्रचकिरे ॥ तदा जयजयारावो यदूनां स्वबले महान् ॥६३॥ प्रद्युम्नाद्यास्ततो नेमुः कामपालं गतव्यथाः ॥ इत्थं जित्वा मागधेन्द्रं बलदेवो महाबलः ॥६४॥ प्रययौ द्वारकां राजन्भगवान्भक्तवत्सलः ॥ जरासंधसुतो धीमान् सहदेव उपायनम् ॥६५॥ नीत्वा पुरः शंबरारेर्गिरिदुर्गाद्विनिर्गतः ॥ अश्वार्बुदं रथानां च द्विलक्षं हस्तिनां तथा ॥६६॥ ददौ षष्टिसहस्रणि नत्वा कार्ष्णिं प्रभाववित् ॥६७॥
śrīnārada uvāca - athāto māgadhañjetuṃ pradyumno mīnaketanaḥ || girivrajaṃ jagāmāśu svasainyaiḥ parivāritaḥ ||1|| śrutvā''gataṃ hareḥ putraṃ digjayārthaṃ viśeṣataḥ || jarāsaṃdho māgadheṃdro mahākopaṃ cakāra ha ||2|| jarāsaṃdha uvāca - tucchā ye yādavāḥ sarve yudhi viklavacetasaḥ || te'dya vai jagatīṃ jetuṃ nirgatā gatabuddhayaḥ ||3|| mathurāṃ svapurīṃ tyaktvā madbhayānmādhavo'pihi || samudraṃ śaraṇaṃ prāgātpitā cāsya durātmanaḥ ||4|| pravarṣaṇe rāmakṛṣṇau mayā bhasmīkṛtau balāt || chalāddudruvatustau dvau dvārakāyāṃ samāśritau ||5|| baddhvā tau cānayiṣyāmi sograsenau kuśasthalīm || ayādavīṃ kariṣyāmi pṛthvīṃ sāgaramekhalām ||6|| śrīnārada uvāca - ityuktvā nirgato rājā girivrajapurādbahiḥ || akṣauhiṇībhirviṃśatyā tisṛbhiḥ saṃyuto balī ||7|| gomūtracayasiṃdūrakastūrīpatrabhṛnmukhe || sravanmadaiścaturdaṃtairairāvatakulodbhavaiḥ ||8|| śuṇḍādaṇḍasya phūtkāraiḥ kṣepayadbhistarūnbahūn || babhau gajairmāgadheṃdro meghairiṃdra iva prabhuḥ ||9|| rathaiśca devadhiṣṇyābhaiḥ sadhvajairaśvanetṛbhiḥ || cāmarairdolitai rājaṃllolacakradhvanidyutiḥ ||10|| turaṅgamairvāyuvegaiścitravarṇairmadotkaṭaiḥ || sauvarṇapaṭṭahārādyaiḥ śikhāraśmyūrdhvacāmaraiḥ ||11|| sakaṃcukairvīrajanaiḥ khaḍgacarmadhanurdharaiḥ || vidyādharasamaiḥ prāgānmāgadheṃdro mahābalaḥ ||12|| dhuṃkārairduṃdubhīnāṃ ca diśo nedurdhanuḥsvanaiḥ || cacāla vasudhā sainyai rajobhiśchāditaṃ nabhaḥ ||13|| jarāsaṃdhasya tatsainyaṃ pralayābdhimivolbaṇam || vismitā yādavāḥ sarve babhūvurvīkṣya maithila ||14|| pradyumno bhagavānvīkṣya māgadheṃdrabalārṇavam || śaṃkhaṃ daghmau dakṣiṇākhyaṃ mā bhaiṣṭetyabhayaṃ dadat ||15|| tataḥ sāṃbo mahābāhuḥ pradyumnasya prapaśyataḥ || akṣauhiṇīnāṃ daśabhiryuyudhe māgadhena saḥ ||16|| gajā gajairyuyudhire rathibhī rathino mṛdhe || hayā hayaiḥ pattayaśca pattibhirmaithileśvara ||17|| babhūva tumulaṃ yuddhamadbhutaṃ romaharṣaṇam || māgadhānāṃ yadūnāṃ cāsurāṇāṃ nirjarairyathā ||18|| aśvāruḍhāḥ ke'pi vīrā bhallahastā itastataḥ || mardayaṃto gajārūḍhāḥ karikumbhagatārcayaḥ ||19|| kecicchaktīstaḍidvarṇā gṛhītvā cikṣipurbalāt || tāḥ śaktayastvarīn bhitvā daṃśitān dharaṇīṃ gatāḥ ||20|| kecidvīrā nadantaḥ kau rathāṃgāni ca cikṣupuḥ || cicchidurvīrapaṭalaṃ nīhāraṃ ravayo yathā ||21|| bhiṃdipālairmudgaraiśca kuṭhārairasipaṭṭiśaiḥ || acchūrikārṣṭibhistīkṣṇairnistriṃśairyuyudhuśca khe ||22|| tomaraiśca gadabhiśca bāṇaiśchinnāni bhūtale || nipeturvīrakariṇāmaśvānāṃ ca śirāṃsi ca ||23|| kabaṃdhāstatra cotpetuḥ pātayanto hayānnarān || khaḍgahastāḥ pradhāvantaḥ saṃgrāmeṣu bhayaṃkarā ||24|| vīropari gatā vīrā nipetuśchinnabāhavaḥ || hayopari hayāḥ kecidbāṇaiḥ saṃchinnakaṃdharāḥ ||25|| vidyādharyaśca gaṃdharvyo vavrire hyaṃbare gatān || vīrānpatīnsamicchaṃtyastāsāṃ cābhūtkalirmahān ||26|| kṣātradharmāparāḥ kecidyuddhadattāsavo nṛpa || na calantaḥ padaṃ pṛṣṭhe sadā saṃgrāmaśālinaḥ ||27|| jagmuḥ paraṃ padaṃ te vai bhītvā mārtaṇḍamaṃḍalam || nanṛtuḥ śiśumāre vai maṃḍale ca naṭā iva ||28|| evaṃ sāṃbamahāvīrairmarditaṃ māgadhaṃ balam || dudrāva paśyatāṃ teṣāṃ kṛṣṇabhaktyā yathāśubham ||29|| kecidvai vṛkṇavarmāṇaśchinnacāpāstathāpare || palāyamānā dhāvaṃtastyaktakhaḍgarṣṭipāṇayaḥ ||30|| palāyamānaṃ svabalaṃ vīkṣya tanmāgadheśvaraḥ || dhanuṣṭaṃkārayanprāpto mā bhaiṣṭetyabhayaṃ dadau ||31|| svabalaṃ nodayāmāsa jarāsaṃdho dhanurjyayā || mahāmātyaḥ prerayati hyaṃkuśena gajaṃ yathā ||32|| sāṃbastadaiva samprāpto daśabhiścāpanirgataiḥ || bāṇairvivyādha samare māgadheṃdraṃ mahābalam ||33|| dhanurjyāmabdhikallolabhīmasaṃgharṣanādinīm || ciccheda daśabhirbāṇaiḥ sāṃbo jāṃbavīsutaḥ ||34|| dhanuranyatsamādāya jarāsaṃdho mahābalaḥ || dhanuḥ sāṃbasya ciccheda bāṇairdaśabhiragrataḥ ||35|| caturbhiścaturo vāhāndvābhyāṃ ketuṃ rathaṃ tribhiḥ || ekena sārathiṃ jaghne māgadheṃdro jarāsutaḥ ||36|| sa chinnadhanvā viratho hatāśvo hatasārathiḥ || punaranyaṃ samāsthāya rathaṃ sāṃbo mahābalaḥ ||37|| gṛhītvā cāpamatyugraṃ sajjaṃ kṛtvā vidhānataḥ || tadrathaṃ cūrṇayāmāsa sāṃbo bāṇaśatairapi ||38|| rathaṃ tyaktvā jarāsaṃdho gajamāruhya vegataḥ || babhau gaje māgadheṃdra indra airāvate yathā ||39|| citrapatravicitrāṃgaṃ kālāṃtakayamopamam || sāṃbāya nodayamāsa mattebhaṃ kruddhamānasaḥ ||40|| gṛhītvā sarathaṃ sāṃbaṃ śuṇḍādaṇḍena nāgarāṭ || kurvaṃścītkāravikalaścikṣepa navayojanam ||41|| tadā kolāhale jāte sāṃbasenāsu maithila || pradyumnapārśvācca gadaḥ prāpto'bhūdvegato balam ||42|| vināśayannaṃdhakāraṃ yathārka udayācalāt || jarāsaṃdhasyāpi gajaṃ muṣṭinā vasudevajaḥ ||43|| jaghāna śakro vajreṇa yathā proccadarībhṛtam || gajo muṣṭiprahāreṇa vihvalo dharaṇīṃ gataḥ ||44|| jagāma pañcatāṃ rājaṃstadadbhutamivāvabhavat || jarāsaṃdhaḥ samutthāya gadāmādāya vegataḥ ||45|| gadaṃ tatāḍa sahasā jagarja ghanavadbalī || tatprahāreṇa sa gado na cacāla raṇāṃgaṇāt ||46|| tvaraṃ gadāṃ samādāya lakṣabhāravinirmitām || atāḍayajjarāsaṃdhaṃ siṃhanādamathākarot ||47|| tatprahāreṇa vyathito bṛhadrathasuto balī || jarāsaṃdhaḥ samutthāya gṛhitvā sagadaṃ gadam ||48|| cikṣepa roṣato rājannākāśe śatayojanam || gado'pi māgadhaṃ nītvā bhrāmayitvā mahābalaḥ ||49|| cikṣepa gagane taṃ vai yojanānāṃ sahasrakam || ākāśātpatito rājā māgadho viṃdhyaparvate ||50|| utthāya yuyudhe tena gadenāpi mahābalaḥ || tadaiva sāṃbaḥ saṃprāpto gṛhītvā māgadheśvaram ||51|| bhūpṛṣṭhe pothayāmāsa siṃhaḥ siṃhamivaujasā || ekena muṣṭinā sāṃbaṃ dvitīyena gadaṃ tathā 52|| tatāḍa māgadho rājā jagarjāśu raṇāṃgaṇe || muṣṭiprahāravyathitau gadaḥ sāṃbaśca mūrchitau ||53|| hāhākāro mahānāsīttadaivāśu raṇāṃgaṇe || rathenātipatākena pradyumno yādaveśvaraḥ ||54|| akṣauhiṇīyutaḥ prāpto mā bhaiṣṭetyabhayaṃ dadau || jarāsaṃdho gadāṃ nītvā lakṣabhāravinirmitām ||55|| viveśa yadusenāyāmaraṇye'gniriva prabhuḥ || rathāngajansavīrāṃśca turaṅgānsaiṃdhavānbahūn ||56|| pātayamāsa rājeṃdra padmānīva mahāgajaḥ || jarāsaṃdhasya yā senā sāpi sarvā samāgatā ||57|| jaghāna niśitairbāṇairyadūnāṃ sarvato balam || pradyumno yuyudhe yuddhe nirbhayo yādaveśvaraḥ ||58|| nipātayannarīnbāṇairdhanuṣṭaṅkārayanmuhuḥ || tadaiva yadupuryāstu baladevaḥ samāgataḥ ||59|| prādurbabhūva tatrāpi sarveṣāṃ paśyatāṃ satām || samākṛṣya halāgreṇa māgadheṃdraṃ mahābalam ||60|| musalenāhanatkruddho baladevo mahābalaḥ || śatayojanaparyaṃtaṃ rathāśvagajapattayaḥ ||61|| patitā bhinnaśirasaḥ sarve vai nidhanaṃ gatāḥ || devaduṃdubhayo nedurnaradundubhayastathā ||62|| baladevopari surāḥ puṣpavarṣaṃ pracakire || tadā jayajayārāvo yadūnāṃ svabale mahān ||63|| pradyumnādyāstato nemuḥ kāmapālaṃ gatavyathāḥ || itthaṃ jitvā māgadhendraṃ baladevo mahābalaḥ ||64|| prayayau dvārakāṃ rājanbhagavānbhaktavatsalaḥ || jarāsaṃdhasuto dhīmān sahadeva upāyanam ||65|| nītvā puraḥ śaṃbarārergiridurgādvinirgataḥ || aśvārbudaṃ rathānāṃ ca dvilakṣaṃ hastināṃ tathā ||66|| dadau ṣaṣṭisahasraṇi natvā kārṣṇiṃ prabhāvavit ||67||
English translation
Yadava conquest of Magadha country and defeat of Magadhara king Jarasandha.
Says Srinardji - Rajan. Pradyumna then marched with his army immediately to Girivraj to conquer Magadha, flying a flag adorned with the sign of Matsya. Magadharaja Jarasandha was enraged to hear that Srihari's son Pradyumna had come, especially for Digvijaya. 1-2.
Jarasandha said, "All Yadavs are very insignificant and cowards who fear war. They are the ones who have come out to conquer the earth today. It turns out that his intellect has been killed. Madhava, the father of this evil spirit Pradyumna, has himself, out of fear of me, left all his Mathura and hid in the refuge of the sea. On Pravarshana Giri, I had forcefully consumed Balarama and Krishna, but they fled deceitfully and went to live in Dwarakam. Now I will go up to Kushalasthali myself and bind the two brothers together with Ugrasena. I will make this earth, surrounded by the sea, void of the Yadavas. 3 - 6. (Vishwajitkhand chapter 16 to 20)
Naradji says - Rajan. With this, the mighty king Jarasandha marched out of the town of Girivraj with an army of twenty-three Akshauhins. Magadhar had a large army of elephants with him. The faces of those elephants were painted with cow urine, vermilion, and musk. A stream of wine flowed from their cisterns. The elephants, being of the Airavata clan, were adorned with four tusks and used to pluck and throw away most of the trees with their spikes. The Gajrajas adorned Magadha as the Meghas adorned Lord Indra. The king! Countless chariots, shaped like the planes of the gods, accompanied him, with flags flying above them, storks perched on them, chandeliers swaying, and chirping wheels emitting thunderous sounds. The drunken horses, who were as swift as the wind and of strange colours, were adorned with golden stripes and garlands. They were adorned with chaonars (kalangis) on the top of their spires and reeds. Wearing armour and holding shields, swords and bows, the Veerajans were as graceful as the Vidyadharas. With all of them, Mahabali Magadharaja went out to war. Directions were being called out by the trumpets of the bow and arrows. The earth began to shake, and the dust from the soldiers covered the sky. Maithil! The army was as fierce as the raging Dead Sea. All the Yadavas were amazed to see him. 7-14 |
Seeing the sea of Magadha's army, Lord Pradyumna blew a clockwise conch shell and with it, as if giving shelter to his warriors, said - 'Do not be afraid. 'After this, Mahabahu Samba took ten Aksauhini armies in front of Pradyumna and started fighting with Magadharaja. In that battlefield, elephants clashed with elephants and chariots. Maithileshwar! The horses clashed with horses and on foot. The Magadhas and the Yadavas engaged in a marvelous, thrilling, and fierce war, as did the gods and the demons. Some equestrian warriors wielded spears and shot dead the Gajarohis and even the Mahavats, who sat on the elephants' mounds. Some warriors wielded lightning powers similar to lightning to forcefully throw them at the enemy. Those powers would also scatter armored enemies into the earth. Many heroes roared in the battlefield, picking up and throwing the wheels of the chariots and scattering the groups of soldiers in the same manner as the sun destroys the fog. Some people fought with bhandipalas, muggers, axes, swords, daggers, daggers, daggers, and sharp knives (swords). The heads of the heroes, elephants, and horses were falling to the earth, cut off with tongs, maces, and arrows. There seemed to be great ferocity, running in battle with only torso and sword in hand, and leaping, crushing horses and men. The heroes were falling on top of the heroes. His arms had been amputated. Many horses fell on horses because their necks were cut with arrows. The caste women of Vidyadhara and Gandharva wanted to make the warriors who had attained heroism their husbands when they reached the sky in a divine form. For this they began to have a great quarrel with each other. O Lord! Many Kshatriyas who were pious and always showed grace in battle gave their lives in battle, but did not back down a single step. They penetrated the solar system, attaining the supreme position, and danced in the same manner as the infant chakras, as if on a sphere-shaped ground. 15-28 |
Thus, the Mahavira army of Samba routed the Magadha army. That army fled at their sight, just as the inauspicious is destroyed by devotion to Lord Krishna. Some had their armour cut off, some had their bows drawn; many soldiers were running back with swords and clubs thrown at them. Seeing his army fleeing, Magadhar came there bowing and bowing to everyone, saying, "Do not be afraid." Jarasandha inspired the advance of his army with the bow and arrow, just as a Mahavata would ambush an elephant. It was at this time that Samba also arrived there. He wounded Mahabali Magadharaja in the battlefield with ten arrows missed from the bow. Jambavathikumar Samba then shattered the tip of his bow with ten arrows, which sounded like a fierce struggle of the raging waves of the sea. Mahabali Jarasandha then took the second bow in his hand and cut the bow of Sambak with ten forward arrows. Jaraputra Magadhendra killed four horses, two flagpoles, three chariots, and one charioteer with four arrows. After the bow was cut off and the horses and charioteers killed, Mahabali Samba, who was chariotless, mounted another chariot and, having ritually repelled the fiery bow, cut Jarasandha's chariot in pieces with a hundred arrows. At that time, Jarasandha left the chariot and climbed the elephant with great speed. Magadhendra had the same beauty on that elephant as Indra, mounted on Airavata. 29-39 |
Jarasandha's heart was filled with a great deal of rage. He raised a caparisoned elephant on the sambar, whose limbs had strange lettering and were as fierce as those of Kaala, Antaka, and Yama. The Nagaraja picked up the Sambako with his chariot from his trunk and threw it nine yojanas away while shouting. Maithil! At that time, there was a great commotion in the Sambaki army. Then the donkeys from Pradyumna's side came swiftly to the face of his army in the same manner. It is as if the sun rises from the horizon, destroying the darkness. Vasudevananda of Jarasandha struck the elephant with a mace, as if Indra had struck a high mountain with a lightning bolt. Disturbed by their punching, the elephant fell to the ground. The king! He became the Grass of Death at the same time. That was a wonderful thing. Then Jarasandha got up, picked up the mace with great speed, and suddenly hit it on the mace. At that time, the mighty hero roared like a cube, but his strike did not deter the Gada from the battlefield. He immediately attacked Jarasandha with a mace weighing a lakh and roared like a lion. The king! Upset by his blow, the mighty Brihadrathkumar Jarasandha got up and grabbed the donkey with the donkey and threw it a hundred yojanas into the sky with great fury. Then Mahabali's donkey also picked up Jarasandha and spun it and threw it a thousand yojanas away in the sky. King Magadha fell from the sky on the Vindhya mountain. 40-50 | (Vishwajitkhand chapter 16 to 20)
Mahabali Jarasandha rose again and started a war with Gada. At the same time, the Samba arrived. They captured Magadheshwar Jarasandha and knocked him down to the earth in the same manner that a lion would overpower another lion. Then the king of Magadha struck Sambako with one punch and Gadako with the other and thundered loudly in the battlefield. Disturbed by his punching, both Gada and Samba fainted. At that time, there was an immediate great panic on the battlefield. Then, the Yadava king Pradyumna arrived with an Aksauhini army in a chariot with a high flag and gave shelter to all, saying, "Do not be afraid." Seeing them, Jarasandha grabbed a mace weighing a million and entered the Yadava army just as the forest was on fire. Rajendra! He killed chariots, elephants, and many Sindhi horses, including heroes, as if a great Gajaraja had uprooted many lotuses. The army that had escaped from Jarasandhi also returned in all directions. He surrounded the Yadava army and started shooting at them with sharp arrows. Yadavraj Pradyumra started fighting fearlessly in that battle. They began to shoot down the enemy with arrows, repeatedly bows and arrows. 51-583 |
At the same time, Baldevji arrived from Yadupuri. They appeared there in the sight of all the good men. In a fit of rage, Mahabali Baldev pulled the huge army of Magadharas from the front and started beating them with sticks. The chariots, horses, elephants, and footwear they killed were crushed to the point of a hundred yojanas. All of them were lost in the dark. At that time the cries of the gods and men began to ring together. The gods began to shower flowers on Baldevji. The Yadavas' own army immediately erupted into loud cheers. Thereafter, Pradyumna Adi, being calm, saluted Lord Kampala (Baldev). The king. Thus Bhaktavatsal Mahabali conquered Lord Baldev Magadharaja and went to Dwarka. Sahadeva, the wise son of Jarasandha, set out from Giridurg with gifts and appeared before Shambarari Pradyumna. One billion horses, two hundred thousand chariots, and sixty thousand elephants, he saluted Pradyumna, for he knew Pradyumna's influence. 59-67 |
Thus was completed the seventeenth chapter called 'Magadha-Vijaya' in the Narada Bahulashva-Samvada under the Vishwajit Khanda in the Srigarghasamhita. 17.
Complete chapter-aligned witnesses. Sanskrit Wikisource page 24666, revision 92770 (2016-11-29T11:42:55Z). English was rendered from the complete Hindi chapter at https://www.mahakavya.com/vishwajitkhand-chapter-16-to-20/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.