Goloka-khaṇḍa · Chapter 6
Sourceश्रीबहुलाश्व उवाच - कंसः कोऽयं दैत्यो महाबलपराक्रमः । तस्य जन्मानि कर्माणि ब्रूहि देवर्षिसत्तम ॥ १ ॥ श्रीनारद उवाच - समुद्रमथने पूर्वं कालनेमिर्महासुरः । युयुधे विष्णुना सार्द्धं युद्धे तेन हतो बलात् ॥ २ ॥ शुक्रेण जीवितस्तत्र संजीविन्या च विद्यया । पुनर्विष्णुं योद्धुकाम उद्योगं मनसाकरोत् ॥ ३ ॥ तपस्तेपे तदा दैत्यो मन्दराचलसन्निधौ । नित्यं दूर्वारसं पीत्वा भजन्देवं पितामहम् ॥ ४ ॥ दिव्येषु शतवर्षेषु व्यतीतेषु पितामहः । अस्थिशेषं सवल्मीकं वरं ब्रूहीत्युवाच तम् ॥ ५ ॥ ब्रह्माण्डे ये स्थिता देवा विष्णुमूला महाबलाः । तेषां हस्तैर्न मे मृत्युः पूर्णानामपि मा भवेत् ॥ ६ ॥ ब्रह्मोवाच - दुर्लभोऽयं वरो दैत्य यस्त्वया प्रार्थितः परः । कालान्तरे ते प्राप्तः स्यान्मद्वाक्यं न मृषा भवेत् ॥ ७ ॥ श्रीनारद उवाच - कौमारेऽपि महामल्लैः सततं स युयोध ह । उग्रसेनस्य पत्न्यां कौ जन्म लेभेऽसुरः पुनः ॥ ८ ॥ जरासंधो मगधेंद्रो दिग्जयाय विनिर्गतः । यमुनानिकटे तस्य शिबिरोऽभूदितस्ततः ॥ ९ ॥ द्विपः कुवलयापीडः सह्स्रद्विपसत्त्वभूत् । बभञ्ज श्रृङ्खलासङ्घं दुद्राव शिबिरान्मदी ॥ १० ॥ निपातयन्स शिबिरान्गृहांश्च भूभृतस्तटान् । रंगभूम्यामाजगाम यत्र कंसोऽप्ययुध्यत ॥ ११ ॥ पलायितेषु मल्लेषु कंसस्तं तु समागतम् । शुण्डाशुण्डे सङ्गृहीत्वा पातयामास भूतले ॥ १२ ॥ पुनर्गृहीत्वा हस्ताभ्यां भ्रामयित्वोग्रसेनजः । जरासन्धस्य सेनायां चिक्षेप शतयोजनम् ॥ १३ ॥ तदद्भुतं बलं दृष्ट्वा प्रसन्नो मगधेश्वरः । अस्तिप्राप्ती ददौ कन्ये तस्मै कंसाय शंसिते ॥ १४ ॥ अश्वार्बुदं हस्तिलक्षं रथानां च त्रिलक्षकम् । अयुतं चैव दासीनां पारिबर्हं जरासुतः ॥ १५ ॥ द्वंद्वयोधी ततः कंसो भुजवीर्यमदोद्धतः । माहिष्मतीं ययौ वीरोऽथैकाकी चण्डविक्रमः ॥ १६ ॥ चाणूरो मुष्टिकः कूटः शलस्तोशलकस्तथा । माहिष्मतीपतेः पुत्रा मल्ला युद्धजयैषिणः ॥ १७ ॥ कंसस्तानाह साम्नापि दीयध्वं रंगमेव हे । अहं दासो भवेयं वो भवंतो जयिनो यदि ॥ १८ ॥ अहं जयी चेद्भवतो दासान्सर्वान्करोम्यहम् । सर्वेषां पश्यतां तेषां नागराणां महात्मनाम् ॥ १९ ॥ इति प्रतिज्ञां कृत्वाथ युयुधे तैर्जयैषिभिः । यदागतं स चाणूरं गृहीत्वा यादवेश्वरः ॥ २० ॥ भूपृष्ठे पोथयामास शब्दमुच्चैः समुच्चरन् । तदाऽऽयान्तं मुष्टिकाख्यं मुष्टिभिर्युधि निर्गतम् ॥ २१ ॥ एकेन मुष्टिना तं वै पातयामास भूतले । कूटं समागतं कंसो गृहीत्वा पादयोश्च तम् ॥ २२ ॥ भुजमास्फोट्य धावन्तं शलं नीत्वा भुजेन सः । पातयित्वा पुनर्नीत्वा भूमिं तं विचकर्ष ह ॥ २३ ॥ अथ तोशलकं कंसो गृहीत्वा भुजयोर्बलात् । निपात्य भूमावुत्थाप्य चिक्षेप दशयोजनम् ॥ २४ ॥ दासभावे च तान्कृत्वा तैः सार्द्धं यादवेश्वरः । मद्वाक्येन ययावाशु प्रवर्षणगिरिं वरम् ॥ २५ ॥ तस्मै निवेद्याभिप्रायं युयुधे वानरेण सः । द्विविदेनापि विंशत्या दिनैः कंसो ह्यविश्रमम् ॥ २६ ॥ द्विविदो गिरिमुत्पाट्य चिक्षेप तस्य मूर्द्धनि । कंसो गिरिं गृहीत्वा च तस्योपरि समाक्षिपत् ॥ २७ ॥ द्विविदो मुष्टिना कंसं घातयित्वा नभो गतः । धावन्कंसश्च तं नीत्वा पातयामास भूतले ॥ २८ ॥ मूर्छितस्तत्प्रहारेण परं कल्मषमाययौ । क्षीणसत्त्वश्चूर्णितोऽस्थिदासभावं गतस्तदा ॥ २९ ॥ तेनैवाथ गतः कंसः ऋष्यमूकवनं ततः । तत्र केशी महादैत्यो हयरूपो घनस्वनः ॥ ३० ॥ मुष्टिभिस्ताडयित्वा तं वशीकृत्यारुरोह तम् । इत्थं कंसो महावीर्यो महेंद्राख्यं गिरिं ययौ ॥ ३१ ॥ शतवारं चोज्जहार गिरिमुत्पाट्य दैत्यराट् । पुनस्तत्र स्थितं रामं क्रोधसंरक्तलोचनम् ॥ ३२ ॥ प्रलयार्कप्रभं दृष्ट्वा ननाम शिरसा मुनिम् । पुनः प्रदक्षिणीकृत्य तदंघ्र्योर्निपपात ह ॥ ३३ ॥ ततः शान्तो भार्गवोऽपि कंसं प्राह महोग्रदृक् । हे कीटमर्कटीडिंभ तुच्छोऽसि मशको यथा ॥ ३४ ॥ अद्यैव त्वां हन्मि दुष्ट क्षत्रियं वीर्यमानिनम् । मत्समीपे धनुरिदं लक्षभारसमं महत् ॥ ३५ ॥ इदं च विष्णुना दत्तं शंभवे त्रैपुरे युधि । शंभोः करादिह प्राप्तं क्षत्रियाणां वधाय च ॥ ३६ ॥ यदि चेदं तनोषि त्वं तदा च कुशलं भवेत् । चेदस्य कर्षणं न स्याद्घातयिष्यामि ते बलम् ॥ ३७ ॥ श्रुत्वा वचस्तदा दैत्यः कोदण्डं सप्ततालकम् । गृहीत्वा पश्यतस्तस्य सज्जं कृत्वाथ लीलया ॥ ३८ ॥ आकृष्य कर्णपर्यंतं शतवारं ततान ह । प्रत्यञ्चास्फोटनेनैव टङ्कारोऽभूत्तडित्स्वनः ॥ ३९ ॥ ननाद तेन ब्रह्माण्डं सप्त लोकैर्बिलैः सह । विचेलुर्दिग्गजास्तारा ह्यपतन् भूमिमंडले ॥ ४० ॥ धनुः संस्थाप्य तत्कंसो नत्वा नत्वाह भार्गवम् । हे देव क्षत्रियो नास्मि दैत्योऽहं ते च किंकरः ॥ ४१ ॥ तव दासस्य दासोऽहं पाहि मां पुरुषोत्तम । श्रुत्वा प्रसन्नः श्रीरामस्तस्मै प्रादाद्धनुश्च तत् ॥ ४२ ॥ श्रीजामदग्न्य उवाच - यत्कोदण्डं वैष्णवं तद्येन भंगीभविष्यति । परिपूर्णतमो नात्र सोऽपि त्वां घातयिष्यति ॥ ४३ ॥ श्रीनारद उवाच - अथ नत्वा मुनिं कंसो विचरन्स मदोन्मदः । न केऽपि युयुधुस्तेन राजानश्च बलिं ददुः ॥ ४४ ॥ समुद्रस्य तटे कंसो दैत्यं नाम्ना ह्यघासुरम् । सर्पाकारं च फीत्कारैर्लेलिहानं ददर्श ह ॥ ४५ ॥ आगच्छन्तं दशन्तं च गृहीत्वा तं निपात्य सः । चकार स्वगले हारं निर्भयो दैत्यराड् बली ॥ ४६ ॥ प्राच्यां तु बंगदेशेषु दैत्योऽरिष्टो महावृषः । तेन सार्द्धं स युयुधे गजेनापि गजो यथा ॥ ४७ ॥ शृङ्गाभ्यां पर्वतानुच्चांश्चिक्षेप कंसमूर्द्धनि । कंसो गिरिं संगृहीत्वा चाक्षिपत्तस्य मस्तके ॥ ४८ ॥ जघान मुष्टिनारिष्टं कंसो वै दैत्यपुंगवः । मूर्च्छितं तं विनिर्जित्य तेनोदीचीं दिशं गतः ॥ ४९ ॥ प्राग्ज्योतिषेश्वरं भौमं नरकाख्यं महाबलम् । उवाच कंसो युद्धार्थी युद्धं मे देहि दैत्यराट् ॥ ५० ॥ अहं दासो भवेयं वो भवन्तो जयिनो यदि । अहं जयो चेद्भवतो दासान्सर्वान्करोम्यहम् ॥ ५१ ॥ श्रीनारद उवाच - पूर्वं प्रलंबो युयुधे कंसेनापि महाबलः । मृगेन्द्रेण मृगेन्द्रोऽद्रावुद्भटेन यथोद्भटः ॥ ५२ ॥ मल्लयुद्धे गृहीत्वा तं कंसो भूमौ निपात्य च । पुनर्गृहीत्वा चिक्षेप प्राग्ज्योतिषपुरं प्रति ॥ ५३ ॥ आगतो धेनुको नाम्ना कंसं जग्राह रोषतः । नोदयामास दूरेण बलं कृत्वाऽथ दारुणम् ॥ ५४ ॥ कंसस्तं नोदयामास धेनुकं शतयोजनम् । निपात्य चूर्णयामास तदङ्गं मुष्टिभिर्दृढैः ॥ ५५ ॥ तृणावर्तो भौमवाक्यात्कंसं नीत्वा नभो गतः । तत्रैव युयुधे दैत्य ऊर्ध्वं वै लक्षयोजनम् ॥ ५६ ॥ कंसोऽनन्तबलं कृत्वा दैत्यं नीत्वा तदाम्बरात् । भूमौ स पातयामास बमन्तं रुधिरं मुखात् ॥ ५७ ॥ तुण्डेनाथ ग्रसन्तं च बकं दैत्यं महाबलम् । कंसो निपातयामास मुष्टिना वज्रघातिना ॥ ५८ ॥ उत्थाय दैत्यो बलवान् सितपक्षो घनस्वनः । क्रोधयुक्तः समुत्पत्य तीक्ष्णतुण्डोऽग्रसच्च तम् ॥ ५९ ॥ निगीर्णोऽपि स वज्राङ्गो तद्गले रोधकृच्च यः । सद्यश्चच्छर्द तं कंसं क्षतकण्ठो महाबकः ॥ ६० ॥ कंसो बकं संगृहीत्वा पातयित्वा महीतले । कराभ्यां भ्रामयित्वा च युद्धे तं विचकर्ष ह ॥ ६१ ॥ तत्स्वसारं पूतनाख्यां योद्धुकमामवस्थिताम् । तामाह कंसः प्रहसन्वाक्यं मे शृणु पूतने ॥ ६२ ॥ स्त्रिया सार्धमहं युद्धं न करोमि कदाचन । बकासुरः स्यान्मे भ्राता त्वं च मे भगिनी भव ॥ ६३ ॥ ततोऽनन्तबलं कंसं वीक्ष्य भौमोऽपि धर्षितः । चकार सौहृदं कंसे साहाय्यार्थं सुरान्प्रति ॥ ६४ ॥
śrībahulāśva uvāca - kaṃsaḥ ko'yaṃ daityo mahābalaparākramaḥ | tasya janmāni karmāṇi brūhi devarṣisattama || 1 || śrīnārada uvāca - samudramathane pūrvaṃ kālanemirmahāsuraḥ | yuyudhe viṣṇunā sārddhaṃ yuddhe tena hato balāt || 2 || śukreṇa jīvitastatra saṃjīvinyā ca vidyayā | punarviṣṇuṃ yoddhukāma udyogaṃ manasākarot || 3 || tapastepe tadā daityo mandarācalasannidhau | nityaṃ dūrvārasaṃ pītvā bhajandevaṃ pitāmaham || 4 || divyeṣu śatavarṣeṣu vyatīteṣu pitāmahaḥ | asthiśeṣaṃ savalmīkaṃ varaṃ brūhītyuvāca tam || 5 || brahmāṇḍe ye sthitā devā viṣṇumūlā mahābalāḥ | teṣāṃ hastairna me mṛtyuḥ pūrṇānāmapi mā bhavet || 6 || brahmovāca - durlabho'yaṃ varo daitya yastvayā prārthitaḥ paraḥ | kālāntare te prāptaḥ syānmadvākyaṃ na mṛṣā bhavet || 7 || śrīnārada uvāca - kaumāre'pi mahāmallaiḥ satataṃ sa yuyodha ha | ugrasenasya patnyāṃ kau janma lebhe'suraḥ punaḥ || 8 || jarāsaṃdho magadheṃdro digjayāya vinirgataḥ | yamunānikaṭe tasya śibiro'bhūditastataḥ || 9 || dvipaḥ kuvalayāpīḍaḥ sahsradvipasattvabhūt | babhañja śrṛṅkhalāsaṅghaṃ dudrāva śibirānmadī || 10 || nipātayansa śibirāngṛhāṃśca bhūbhṛtastaṭān | raṃgabhūmyāmājagāma yatra kaṃso'pyayudhyata || 11 || palāyiteṣu malleṣu kaṃsastaṃ tu samāgatam | śuṇḍāśuṇḍe saṅgṛhītvā pātayāmāsa bhūtale || 12 || punargṛhītvā hastābhyāṃ bhrāmayitvograsenajaḥ | jarāsandhasya senāyāṃ cikṣepa śatayojanam || 13 || tadadbhutaṃ balaṃ dṛṣṭvā prasanno magadheśvaraḥ | astiprāptī dadau kanye tasmai kaṃsāya śaṃsite || 14 || aśvārbudaṃ hastilakṣaṃ rathānāṃ ca trilakṣakam | ayutaṃ caiva dāsīnāṃ pāribarhaṃ jarāsutaḥ || 15 || dvaṃdvayodhī tataḥ kaṃso bhujavīryamadoddhataḥ | māhiṣmatīṃ yayau vīro'thaikākī caṇḍavikramaḥ || 16 || cāṇūro muṣṭikaḥ kūṭaḥ śalastośalakastathā | māhiṣmatīpateḥ putrā mallā yuddhajayaiṣiṇaḥ || 17 || kaṃsastānāha sāmnāpi dīyadhvaṃ raṃgameva he | ahaṃ dāso bhaveyaṃ vo bhavaṃto jayino yadi || 18 || ahaṃ jayī cedbhavato dāsānsarvānkaromyaham | sarveṣāṃ paśyatāṃ teṣāṃ nāgarāṇāṃ mahātmanām || 19 || iti pratijñāṃ kṛtvātha yuyudhe tairjayaiṣibhiḥ | yadāgataṃ sa cāṇūraṃ gṛhītvā yādaveśvaraḥ || 20 || bhūpṛṣṭhe pothayāmāsa śabdamuccaiḥ samuccaran | tadā''yāntaṃ muṣṭikākhyaṃ muṣṭibhiryudhi nirgatam || 21 || ekena muṣṭinā taṃ vai pātayāmāsa bhūtale | kūṭaṃ samāgataṃ kaṃso gṛhītvā pādayośca tam || 22 || bhujamāsphoṭya dhāvantaṃ śalaṃ nītvā bhujena saḥ | pātayitvā punarnītvā bhūmiṃ taṃ vicakarṣa ha || 23 || atha tośalakaṃ kaṃso gṛhītvā bhujayorbalāt | nipātya bhūmāvutthāpya cikṣepa daśayojanam || 24 || dāsabhāve ca tānkṛtvā taiḥ sārddhaṃ yādaveśvaraḥ | madvākyena yayāvāśu pravarṣaṇagiriṃ varam || 25 || tasmai nivedyābhiprāyaṃ yuyudhe vānareṇa saḥ | dvividenāpi viṃśatyā dinaiḥ kaṃso hyaviśramam || 26 || dvivido girimutpāṭya cikṣepa tasya mūrddhani | kaṃso giriṃ gṛhītvā ca tasyopari samākṣipat || 27 || dvivido muṣṭinā kaṃsaṃ ghātayitvā nabho gataḥ | dhāvankaṃsaśca taṃ nītvā pātayāmāsa bhūtale || 28 || mūrchitastatprahāreṇa paraṃ kalmaṣamāyayau | kṣīṇasattvaścūrṇito'sthidāsabhāvaṃ gatastadā || 29 || tenaivātha gataḥ kaṃsaḥ ṛṣyamūkavanaṃ tataḥ | tatra keśī mahādaityo hayarūpo ghanasvanaḥ || 30 || muṣṭibhistāḍayitvā taṃ vaśīkṛtyāruroha tam | itthaṃ kaṃso mahāvīryo maheṃdrākhyaṃ giriṃ yayau || 31 || śatavāraṃ cojjahāra girimutpāṭya daityarāṭ | punastatra sthitaṃ rāmaṃ krodhasaṃraktalocanam || 32 || pralayārkaprabhaṃ dṛṣṭvā nanāma śirasā munim | punaḥ pradakṣiṇīkṛtya tadaṃghryornipapāta ha || 33 || tataḥ śānto bhārgavo'pi kaṃsaṃ prāha mahogradṛk | he kīṭamarkaṭīḍiṃbha tuccho'si maśako yathā || 34 || adyaiva tvāṃ hanmi duṣṭa kṣatriyaṃ vīryamāninam | matsamīpe dhanuridaṃ lakṣabhārasamaṃ mahat || 35 || idaṃ ca viṣṇunā dattaṃ śaṃbhave traipure yudhi | śaṃbhoḥ karādiha prāptaṃ kṣatriyāṇāṃ vadhāya ca || 36 || yadi cedaṃ tanoṣi tvaṃ tadā ca kuśalaṃ bhavet | cedasya karṣaṇaṃ na syādghātayiṣyāmi te balam || 37 || śrutvā vacastadā daityaḥ kodaṇḍaṃ saptatālakam | gṛhītvā paśyatastasya sajjaṃ kṛtvātha līlayā || 38 || ākṛṣya karṇaparyaṃtaṃ śatavāraṃ tatāna ha | pratyañcāsphoṭanenaiva ṭaṅkāro'bhūttaḍitsvanaḥ || 39 || nanāda tena brahmāṇḍaṃ sapta lokairbilaiḥ saha | vicelurdiggajāstārā hyapatan bhūmimaṃḍale || 40 || dhanuḥ saṃsthāpya tatkaṃso natvā natvāha bhārgavam | he deva kṣatriyo nāsmi daityo'haṃ te ca kiṃkaraḥ || 41 || tava dāsasya dāso'haṃ pāhi māṃ puruṣottama | śrutvā prasannaḥ śrīrāmastasmai prādāddhanuśca tat || 42 || śrījāmadagnya uvāca - yatkodaṇḍaṃ vaiṣṇavaṃ tadyena bhaṃgībhaviṣyati | paripūrṇatamo nātra so'pi tvāṃ ghātayiṣyati || 43 || śrīnārada uvāca - atha natvā muniṃ kaṃso vicaransa madonmadaḥ | na ke'pi yuyudhustena rājānaśca baliṃ daduḥ || 44 || samudrasya taṭe kaṃso daityaṃ nāmnā hyaghāsuram | sarpākāraṃ ca phītkārairlelihānaṃ dadarśa ha || 45 || āgacchantaṃ daśantaṃ ca gṛhītvā taṃ nipātya saḥ | cakāra svagale hāraṃ nirbhayo daityarāḍ balī || 46 || prācyāṃ tu baṃgadeśeṣu daityo'riṣṭo mahāvṛṣaḥ | tena sārddhaṃ sa yuyudhe gajenāpi gajo yathā || 47 || śṛṅgābhyāṃ parvatānuccāṃścikṣepa kaṃsamūrddhani | kaṃso giriṃ saṃgṛhītvā cākṣipattasya mastake || 48 || jaghāna muṣṭināriṣṭaṃ kaṃso vai daityapuṃgavaḥ | mūrcchitaṃ taṃ vinirjitya tenodīcīṃ diśaṃ gataḥ || 49 || prāgjyotiṣeśvaraṃ bhaumaṃ narakākhyaṃ mahābalam | uvāca kaṃso yuddhārthī yuddhaṃ me dehi daityarāṭ || 50 || ahaṃ dāso bhaveyaṃ vo bhavanto jayino yadi | ahaṃ jayo cedbhavato dāsānsarvānkaromyaham || 51 || śrīnārada uvāca - pūrvaṃ pralaṃbo yuyudhe kaṃsenāpi mahābalaḥ | mṛgendreṇa mṛgendro'drāvudbhaṭena yathodbhaṭaḥ || 52 || mallayuddhe gṛhītvā taṃ kaṃso bhūmau nipātya ca | punargṛhītvā cikṣepa prāgjyotiṣapuraṃ prati || 53 || āgato dhenuko nāmnā kaṃsaṃ jagrāha roṣataḥ | nodayāmāsa dūreṇa balaṃ kṛtvā'tha dāruṇam || 54 || kaṃsastaṃ nodayāmāsa dhenukaṃ śatayojanam | nipātya cūrṇayāmāsa tadaṅgaṃ muṣṭibhirdṛḍhaiḥ || 55 || tṛṇāvarto bhaumavākyātkaṃsaṃ nītvā nabho gataḥ | tatraiva yuyudhe daitya ūrdhvaṃ vai lakṣayojanam || 56 || kaṃso'nantabalaṃ kṛtvā daityaṃ nītvā tadāmbarāt | bhūmau sa pātayāmāsa bamantaṃ rudhiraṃ mukhāt || 57 || tuṇḍenātha grasantaṃ ca bakaṃ daityaṃ mahābalam | kaṃso nipātayāmāsa muṣṭinā vajraghātinā || 58 || utthāya daityo balavān sitapakṣo ghanasvanaḥ | krodhayuktaḥ samutpatya tīkṣṇatuṇḍo'grasacca tam || 59 || nigīrṇo'pi sa vajrāṅgo tadgale rodhakṛcca yaḥ | sadyaścaccharda taṃ kaṃsaṃ kṣatakaṇṭho mahābakaḥ || 60 || kaṃso bakaṃ saṃgṛhītvā pātayitvā mahītale | karābhyāṃ bhrāmayitvā ca yuddhe taṃ vicakarṣa ha || 61 || tatsvasāraṃ pūtanākhyāṃ yoddhukamāmavasthitām | tāmāha kaṃsaḥ prahasanvākyaṃ me śṛṇu pūtane || 62 || striyā sārdhamahaṃ yuddhaṃ na karomi kadācana | bakāsuraḥ syānme bhrātā tvaṃ ca me bhaginī bhava || 63 || tato'nantabalaṃ kaṃsaṃ vīkṣya bhaumo'pi dharṣitaḥ | cakāra sauhṛdaṃ kaṃse sāhāyyārthaṃ surānprati || 64 ||
English translation
Description of Kansaka's great strength, valor, and victory arising from a chronological passage.
King Bahulashva said, "Devarsishiromane! What demon was Kansa, endowed with great strength and valor, first known by? Tell me the details of its past lives and deeds. 1.
Srinardji says - Rajan! In the past, on the occasion of Samudra-Manthana, the great Asura Kalanimini fought with Lord Vishnu. God killed him by force in that battle. At that time, Shukracharya revived him with the power of his Sanjeevani Vidya. Then he again began to make a mindful effort to fight Lord Vishnu. At that time, the demon began to perform penance near the Mandrachala mountain. He worshipped Deveshwar Brahma by drinking doobka juice every day. When a hundred years had passed since the time of the gods, Brahmaji went to him. At that time, Kalnemi's body was left with only bones and termites mounted on it. Brahma said to him - "Ask for a boon." 2 - 5.
Kalnamini said that Vishnu is the origin of all the Mahabali deities in the universe. May I not die even at the hands of all those gods. 6.
Brahma said, "Daitya! This exquisite gift you have asked for is extremely rare; however, you may receive it at another time. My speech can never be a lie. 7. (Golok Khand Chapters 6 to 10)
Srinardji says - Rajan! Then the same demon named Kalanemi was born on earth from the womb of Ugrasena's wife (Padmavati). While still a boy, he wrestled with big wrestlers. (Once upon a time) Magadharaja Jarasandha left for Digvijaya. It was encamped here and there near the river Yamuna. He had an elephant named 'Kuvalayapida', which had the same strength as a thousand elephants. It was sucking the substance out of his mouth. One day he broke many chains and ran out of the camp. Breaking through camps, homes, and mountain banks, he threatened to go to the sangabhumi (arena) where Kansa was also wrestling. When he arrived, all the knights ran away. When Kansa saw him, he grabbed the elephant's trunk and dropped it on the ground. Kansa then took Kuvalayapida again with both hands, turned it around, and threw it into the Jarasandhika army, which was far from there. Magadhanresh Jarasandha was extremely pleased to see this marvellous force of Kansa and married off his two most beautiful daughters named 'Asthi' and 'Pratipati' to her. The elder son gave one billion horses, one hundred thousand elephants, three hundred thousand chariots, and ten thousand maids as dowry to Kansa. 8-15 |
Kansa was a lover of dueling. He was obsessed with dueling with his own strength alone. He went to Mahishmati Puri, a place of great valor. Mahishmati Naresh's five sons were noted wrestlers and had the courage to triumph in wrestling. Their names were Chanur, Mushtiq, Koot, Shal and Toshal. Kansa took refuge in Samaniti and lovingly told him, 'You must wrestle with me. If you are victorious, I will be your servant; and if I am victorious, I will make all of you my servants. Kansa made such a vow in front of all the great men of the city and started wrestling with the heroes who wanted to win. As soon as Chanur arrived, Yadaveshwara Kansa, roaring aloud, caught him and threw him to the earth. At the same moment, Mushtiq also came there. Kansa, who was angrily punching him, also knocked him down with a single punch. Now that he had come, Kansa took hold of both his legs and threw them to the ground. Then, while clapping their hands, Shaal also came running. Kansa grabbed him with one hand and started dragging him by knocking him to the ground. Kansa then forcibly grabbed both of Toshal's hands and knocked him to the ground. Then immediately picked it up and threw it ten yojanas away. Thus, Yadaveshwara Kansa took all those heroes as his servants and accompanied them to Pravarshana Giri, the highest mountain, at the same moment as the warriors called me (Naradaji). There he told the apes his intentions and fought with them relentlessly for twenty days. Dwidane picked up the rock from the mountain and threw it at Kansa's head, but Kansa caught hold of the rock and drove it over him. Dwivedi then flew into the sky after hitting Kansa with a punch. Kansa also chased him, caught him, and brought him down to the ground. The concussion caused Dwivedi to have a seizure. All of his enthusiasm was gone. The bones were crushed to pieces. Then he too became a servant of Kansaka. . 16-29 |
Kamsa then accompanied Dwivedi from there to the Rishyamukha forest. There lived a Mahadaitya known as' Keshi ', who had the shape of a horse. It roared like a cloud. Kansa rode over him, subduing him with punches. Thus he reached Mahendragiri by the great warrior Kansa. Danavaraja Kansa uprooted the mountain a hundred times and lifted it. Then the sage Parashurama, who lived there, whose eyes were red with anger and who was as radiant as the sun of the holocaust, bowed at his feet and circled him repeatedly. Then he lay down on both of their legs. Then the fiery fire of Parashurama, with a very fierce gaze, was quenched. They said, "Woe to you! Oh dear children! You are as insignificant as a mosquito. You are an evil Kshatriya living in extreme arrogance. I am sending you to the brink of death today. Behold, I have this great bow. Its gravity is equal to lac bharas (about three lac manas). During the war with Tripurasura, Lord Vishnu gave this bow to Lord Shankar. Then I received it from Shankarji to destroy the Kshatriyas. If you can mount it, then you are skilled; if you cannot mount it, then I will destroy all your strength. Hearing Parashurama's words, Kansa picked up the bow, which was as long as seven palms, and offered it to Parashurama. Then he stretched out the kartak, stretching it a hundred times. The pull of his axe made a thunderous sound similar to a thunderbolt. The entire universe, including the seven worlds and the underworld, echoed with his loud voice, the giants were distracted, and the stars began to crumble and fall to the ground. Kansa then placed the bow down and bowed repeatedly to Parashurama, saying: "O God! I am not a Kshatriya. I am your servant, the demon. I am the servant of your servants, Purushottam! Protect me Hearing such a prayer from Kansaki, Parashurama was pleased. Then he gave the bow to Kansa himself. . 30-42. .
Srinardji says - Rajan! After that, Sage Kansa, who was frantic with his strength, started wandering on the ground floor paying obeisance to Parashurama. No kings fought with him - all agreed to pay tribute to him. Now Kansa went to the coast of the sea. There lived a demon named 'Aghasura', which was shaped like a serpent. He looked like he was licking with a puffy and fluffy tongue. He came and started laughing at Kansa. Seeing this, the mighty demon king caught hold of him fearlessly and knocked him to the ground. Then she made him her own necklace. In those days, a demon named 'Arishta' lived in the eastern part of Bangladesh, which had the shape of an ox. With that demon, Kansa thus fights another elephant with an elephant similar to Jaa Bhida. The demon would lift large mountains with his horns and strike Kansa on the head. Kansa also used to take the same mountain in his hands and kill Arishtasura. In that battle, the demon king Kansa struck Arishtasura with a punch, causing the demon to faint. Thus defeating that Arishtasura, Kamsa moved north with him. Yudhishthira Kansa went to 'Naraka', the son of Lord Mahabali of Pragjyotishpur, and said to him, 'Daityesvara. You give me a chance to fight. If you are defeated in battle, I will be your servant. Also, you will all be my ghosts when I am victorious. . 44-51 | (Golok Khand Chapters 6 to 10)
Thus was completed the sixth chapter in the Narada Bahulashva-Samvad under Golokhanda in the Srigarghasamhita, titled 'The Narrative of Kansake Balaka'. 6.
Complete chapter-aligned witnesses. Sanskrit Wikisource page 26564, revision 92523 (2016-11-28T07:13:01Z). English was rendered from the complete Hindi chapter at https://www.mahakavya.com/garga-samhita-golok-khand-chapters-6-to-10/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.