Viśvajit-khaṇḍa · Chapter 33
Sourceश्रीनारद उवाच - हृष्टं निपतितं श्रुत्वा शकुनिः क्रोधमुर्छितः ॥ भ्रातॄन्संप्रेषयामास देवानां भयकारकान् ॥१॥ भूतसंतापनो नाम गजमारुह्य निर्गतः ॥ वृकः खरं समारुह्य कालनाभोऽथ सूकरम् ॥२॥ महानाभो मत्तपुष्टं हरिश्मश्रुस्तिमिंगिलम् ॥ वैजयंतं रथं जैत्रं मयदैत्यविनिर्मितम् ॥३॥ पंचयोजनविस्तीर्णं सहस्राश्वनियोजितम् ॥ मायामयं कामगं च पताकाशतसंवृतम् ॥४॥ सहस्रकलशाढ्यं च मुक्तादामविलंबितम् ॥ रत्नभूषणभूषाढ्यं शतचंद्रसमोज्ज्वलम् ॥५॥ सहस्रचक्रसंयुक्तम् घंटाकारविभूषणम् ॥ आरुह्य शकुनिः पश्चाद्योद्धुकामो विनिर्ययौ ॥६॥ अक्षौहिणीभिर्द्वादशभिर्दैत्यानां मैथिलेश्वर ॥ धनुःस्वनैर्वीरशब्दैरश्वहेषारथस्वनैः ॥७॥ चीत्कारैर्हस्तिनामाशामण्डलं तु जगर्ज ह ॥ दैत्यसेनाप्रयाणेन चकंपे मण्डलं भुवः ॥८॥ निपेतुर्गिरयोऽनेका विचेलुः सिंधवो नृप ॥ निपातितार्गला देवैर्बभूवाश्वमरावती ॥९॥ तत्सैन्यं भीषणं दृष्ट्वा प्रद्युम्नो धन्विनां वरः ॥ बली धैर्यधरः कार्ष्णिः प्राहेदं यदुपुंगवान् ॥१०॥ प्रद्युम्न उवाच - इदं शरिरं भुवि पांचभौतिकं फेनोपमं कर्मगुणादिनिर्मितम् ॥ गतागतं कालवशं कदापि बुधा न शोचंति यथार्भकैः कृतम् ॥११॥ गच्छंति चोर्ध्वं किल सात्विका जना मध्ये च तिष्ठंति हि राजसा नराः ॥ अधः प्रगच्छंति हि तामसाः परे मुहुर्मुहुस्ते विचरंति कर्मभिः ॥१२॥ बिभेत्ययं वा किल सर्वतो यथा नेत्रभ्रमेणाचलतीव भूर्वृथा ॥ तथा च सर्वं मनसा कृतं जग- त्काचेऽर्भकं ह्यभर्क आवृतो यथा ॥१३॥ यथा सुखं मंडलवर्तिनां चलं तथास्ति पातालनिवासिनामपि ॥ तथामराणां क्रतुभिः कृतं स्मरे- त्सर्वं त्यजेत्ततृणवत्परो जनाः ॥१४॥ ऋतोर्गुणा देहगुणाः स्वभावा अहर्दिनं यांति यथा तथा जनः ॥ दृश्यं च यद्यन्न हि किंचिदस्ति यथा व्रजे गच्छति पांथसंगमम् ॥१५॥ दृष्टं यथा वस्तु यदोल्कया तथा परे गते किं ह्युभयप्रयोजनम् ॥ विधाय मार्गं विचरेच्छिवस्य पश्यन्हि सर्वत्र हरिं परेश्वरम् ॥१६॥ यथेंदुरेको जलपात्रवृन्दगो यथाग्निरेको विदितः समिच्चये ॥ तथा परात्मा भगवाननेकव- त्सोऽन्तर्बहिः स्यात्सुकृतेषु देहिषु ॥१७॥ यो ज्ञाननिष्ठोऽतिविरागमाश्रितः श्रीकृष्णभक्तस्त्वनपेक्षकोऽपि यः ॥ तपोवनं वापि गृहं गृहं वनं स्पृशंति तं ते त्रिगुणा न सर्वतः ॥१८॥ ततो यतिस्त्वध्यगमत्परात्परं सुखी सदाऽऽनन्दमयस्तु बालवत् ॥ देहेन पश्यत्युत सर्वकारणं धृतं च वासो मदिरामदांधवत् ॥१९॥ सूर्योदये सर्वतमो विलियते प्रदृश्यते वस्तु गृहे यथा जनैः ॥ ज्ञानोदयेऽज्ञानतमः प्रलीयते संभ्राजते ब्रह्म परं तनौ तथा ॥२०॥ यथेन्द्रियाणां च पृथक् च वर्त्मभि- र्नोन्नीयतेऽर्थस्त्रिगुणाश्रयः परः ॥ एकं ह्यनंतस्य परस्य धाम त- त्तथा मुनीनां किल शास्त्रवर्त्मिभिः ॥२१॥ परं पदं केऽपि वदन्ति वैष्णवं के वापि वैकुण्ठपरं परेशम् ॥ शांतिं च यत्केऽपि तमःपरं बृह- त्कैवल्यमेके प्रवदन्ति धामके ॥२२॥ यदक्षरं केऽपि दिशं वदंति के गोलोकमाद्यं प्रवदन्त्यथापरे ॥ केचिन्निकुञ्जं निजलीलयाऽऽवृतं प्राप्नोति कृष्णस्य पदं च तन्मुनिः ॥२३॥ श्रीनारद उवाच - इति कार्ष्णेर्वचः श्रुत्वा सर्वे यादवपुंगवाः ॥ शस्त्राणि जगृहुर्हृष्टा तज्ज्ञाने धैर्यवर्द्धने ॥२४॥ बभूव तुमुलं युद्धं दैत्यानां यदुभिः सह ॥ सीतागंगातटे चाब्धौ रक्षसां कपिभिर्यथा ॥२५॥ रथिनो रथिभिस्तत्र पत्तिभिः पत्तयो नृप ॥ अश्ववाहैरश्ववाहा युयुधुश्च गजा गजैः ॥२६॥ केचित्करींद्रा उन्मत्ता महामात्यैः प्रणोदिताः ॥ गिरीन्द्रा इव दृश्यन्ते मुक्तानां मेघडंबरैः ॥२७॥ शुण्डादण्डैश्च फूत्कारैः सचीत्कारैः सशृङ्खलैः ॥ पातयंतो रथानश्वान् वीरान् राजन् रणांगणे ॥२८॥ शुण्डादण्डैः संगृहीत्वा रथान्साश्वान्ससारथीन् ॥ निपात्य भूमावुत्थाप्य चिक्षिपुश्चांबरे बलात् ॥२९॥ कांश्चिन्ममर्दुः पादाभ्यां संविदार्य करैर्दृढैः ॥ सक्षताश्च गजा राजन्प्रधावन्तो रणांगणे ॥३०॥ सपक्षतुरगा राजन्नश्ववाहप्रणोदिताः ॥ उल्लङ्घयन्तोऽथ रथान् गजकुम्भांतरे गताः ॥३१॥ केचिदश्वैर्महावीराः शक्तिहस्ता मदोत्कटाः ॥ जघ्नुर्गजस्थान्नृपतीन्मृगेंद्रा इव यूथपान् ॥३२॥ अश्वारूढाः केऽपि सेनां संविदार्य विनिर्गताः ॥ खड्गवेगैः पद्मवनं लीलाभिर्वायवो यथा ॥३३॥ केचित्परस्परं साश्वैरुत्पतन्तो रणांगणे ॥ खड्गैर्जघ्नुर्यथा क्रव्ये चंचुभिः पक्षिणोऽम्बरे ॥३४॥ केचित्खड्गैः परशुभिः केचिच्चक्रैः पदातयः ॥ चिच्छिदुर्निशितैर्भल्लैर्फलानीव शिरांसि च ॥३५॥ संग्रामजिद्बृहत्सेनः शूरः प्रहरणो विजित् ॥ जयः सुभद्रो वामश्च सत्यकोऽश्वयुरेव हि ॥३६॥ भद्रायाश्च सुता ह्येते श्रीकृष्णस्यौरसाः शुभाः ॥ सर्वेषामग्रतः प्राप्ता युयुधुर्दैत्यपुंगवैः ॥३७॥ भूतसंतापनो नाम गजारूढो महासुरः ॥ यदुसैन्ये महाराज चक्रे नाराचदुर्दिनम् ॥३८॥ बाणांधकारे च कृते भूतसंतापनेन वै ॥ संग्रामजित्तदा प्राप्तः श्रीकृष्णस्य सुतो बली ॥३९॥ विव्याध बाणशतकैर्भूतसंतापनो बली ॥ प्रलयार्णवसंघोष-भीमसंघट्टनादिनीम् ॥४०॥ धनुर्ज्यां तस्य चिच्छेद भूतसंतापनो बली ॥ संग्रामजिद्धनुश्चान्यद्-गृहीत्वा स्वं तडित्प्रभम् ॥४१॥ सज्जं कृत्वा विधानेन शतं बाणान्समादधे ॥ ते बाणास्तद्धनुर्ज्यां च कवचं लोहनिर्मितम् ॥४२॥ भित्वा छित्वा तनुं तस्य गजं भित्वावनिं गताः ॥ बाणप्रहारव्यथितः किंचिद्व्याकुलमानसः ॥४३॥ गजं स्वं नोदयामास भूतसन्तापनो बली ॥ कालांतकसमं नागं दृष्ट्वा संग्रामजिद्बली ॥४४॥ गृहीत्वा स्वमसिं दिव्यं संजघान रणांगणे ॥ तस्य खड्गप्रहारेण शूण्डादण्डो द्विधाभवत् ॥४५॥ चीत्कारमुत्कटं कुर्वन् मदं संस्रावयन्कटात् ॥ भूतसंतापनं त्यक्त्वा भुवनं कंपयन् गजः ॥४६॥ निपातयन्महावीरान्घंटानादैर्नदन्मुहुः ॥ न बलात्स्तंभितो दैत्यैः पुरीं चंद्रावतीं ययौ ॥४७॥ कोलाहलो महानासीद्व्रजन्नेवं गजे च्युते ॥ भूतसंतापनश्चक्रं श्रीकृष्णस्य सुताय वै ॥४८॥ चिक्षेप निशितं शीघ्रं ग्रीष्ममार्तंडवत्स्फुरत् ॥ तदागतं भ्रमद्दृष्ट्वा चक्रं भद्रात्मजो बली ॥४९॥ स्वचक्रेण महाराज लीलया शतधाच्छिनत् ॥ जठरस्य गिरेः शृङ्गं समुत्पाट्य महासुरः ॥५०॥ चिक्षेप कृष्णपुत्राय नादयन् व्योममंडलम् ॥ संग्रामजिच्च तच्छृङ्गं गृहीत्वा भुजयोर्बलात् ॥५१॥ तताड तेन राजेंद्र भूतसन्तापनं रणे ॥ भूतसन्तापनो दैत्यः संपूर्णं जठरं गिरिम् ॥५२॥ गृहीत्वा संगरे तस्थावुद्भटो दैत्यपुंगवः ॥ अनेन घातयिष्यामि त्वां रणे प्रवदन्मुखात् ॥५३॥ देवकूटं समुत्पाट्य गिरिं च श्रीहरेः सुतः ॥ अनेन घातयिष्यामि त्वां रणे प्रवदन्मुखात् ॥५४॥ तस्थौ तत्सम्मुखे राजंस्तदद्भुतमिवामवत् ॥ क्षिपन्तं पर्वतं दैत्यं भूतसन्तापनं नृप ॥५५॥ तताड गिरिणा स्वेन रणे संग्रामजिद्बली ॥ जठरो देवकूटश्च द्वौ गिरी दैत्यमस्तके ॥५६॥ पतितौ भूरिभाराढ्यौ वज्रसंघर्षनादिनौ ॥५७॥ भूतसन्तापनस्ताभ्यां पतितः पञ्चतां गतः ॥ तज्ज्योतिः संग्रामजिति लीनं जातं विदेहराट् ॥ ५८॥ श्रीसंग्रामजितः सैन्ये नेदुर्दुंदुभयस्तदा ॥ भद्रात्मजोपरी सुराः पुष्पवर्षं प्रचक्रिरे ॥५९॥
śrīnārada uvāca - hṛṣṭaṃ nipatitaṃ śrutvā śakuniḥ krodhamurchitaḥ || bhrātṝnsaṃpreṣayāmāsa devānāṃ bhayakārakān ||1|| bhūtasaṃtāpano nāma gajamāruhya nirgataḥ || vṛkaḥ kharaṃ samāruhya kālanābho'tha sūkaram ||2|| mahānābho mattapuṣṭaṃ hariśmaśrustimiṃgilam || vaijayaṃtaṃ rathaṃ jaitraṃ mayadaityavinirmitam ||3|| paṃcayojanavistīrṇaṃ sahasrāśvaniyojitam || māyāmayaṃ kāmagaṃ ca patākāśatasaṃvṛtam ||4|| sahasrakalaśāḍhyaṃ ca muktādāmavilaṃbitam || ratnabhūṣaṇabhūṣāḍhyaṃ śatacaṃdrasamojjvalam ||5|| sahasracakrasaṃyuktam ghaṃṭākāravibhūṣaṇam || āruhya śakuniḥ paścādyoddhukāmo viniryayau ||6|| akṣauhiṇībhirdvādaśabhirdaityānāṃ maithileśvara || dhanuḥsvanairvīraśabdairaśvaheṣārathasvanaiḥ ||7|| cītkārairhastināmāśāmaṇḍalaṃ tu jagarja ha || daityasenāprayāṇena cakaṃpe maṇḍalaṃ bhuvaḥ ||8|| nipeturgirayo'nekā viceluḥ siṃdhavo nṛpa || nipātitārgalā devairbabhūvāśvamarāvatī ||9|| tatsainyaṃ bhīṣaṇaṃ dṛṣṭvā pradyumno dhanvināṃ varaḥ || balī dhairyadharaḥ kārṣṇiḥ prāhedaṃ yadupuṃgavān ||10|| pradyumna uvāca - idaṃ śariraṃ bhuvi pāṃcabhautikaṃ phenopamaṃ karmaguṇādinirmitam || gatāgataṃ kālavaśaṃ kadāpi budhā na śocaṃti yathārbhakaiḥ kṛtam ||11|| gacchaṃti cordhvaṃ kila sātvikā janā madhye ca tiṣṭhaṃti hi rājasā narāḥ || adhaḥ pragacchaṃti hi tāmasāḥ pare muhurmuhuste vicaraṃti karmabhiḥ ||12|| bibhetyayaṃ vā kila sarvato yathā netrabhrameṇācalatīva bhūrvṛthā || tathā ca sarvaṃ manasā kṛtaṃ jaga- tkāce'rbhakaṃ hyabharka āvṛto yathā ||13|| yathā sukhaṃ maṃḍalavartināṃ calaṃ tathāsti pātālanivāsināmapi || tathāmarāṇāṃ kratubhiḥ kṛtaṃ smare- tsarvaṃ tyajettatṛṇavatparo janāḥ ||14|| ṛtorguṇā dehaguṇāḥ svabhāvā ahardinaṃ yāṃti yathā tathā janaḥ || dṛśyaṃ ca yadyanna hi kiṃcidasti yathā vraje gacchati pāṃthasaṃgamam ||15|| dṛṣṭaṃ yathā vastu yadolkayā tathā pare gate kiṃ hyubhayaprayojanam || vidhāya mārgaṃ vicarecchivasya paśyanhi sarvatra hariṃ pareśvaram ||16|| yatheṃdureko jalapātravṛndago yathāgnireko viditaḥ samiccaye || tathā parātmā bhagavānanekava- tso'ntarbahiḥ syātsukṛteṣu dehiṣu ||17|| yo jñānaniṣṭho'tivirāgamāśritaḥ śrīkṛṣṇabhaktastvanapekṣako'pi yaḥ || tapovanaṃ vāpi gṛhaṃ gṛhaṃ vanaṃ spṛśaṃti taṃ te triguṇā na sarvataḥ ||18|| tato yatistvadhyagamatparātparaṃ sukhī sadā''nandamayastu bālavat || dehena paśyatyuta sarvakāraṇaṃ dhṛtaṃ ca vāso madirāmadāṃdhavat ||19|| sūryodaye sarvatamo viliyate pradṛśyate vastu gṛhe yathā janaiḥ || jñānodaye'jñānatamaḥ pralīyate saṃbhrājate brahma paraṃ tanau tathā ||20|| yathendriyāṇāṃ ca pṛthak ca vartmabhi- rnonnīyate'rthastriguṇāśrayaḥ paraḥ || ekaṃ hyanaṃtasya parasya dhāma ta- ttathā munīnāṃ kila śāstravartmibhiḥ ||21|| paraṃ padaṃ ke'pi vadanti vaiṣṇavaṃ ke vāpi vaikuṇṭhaparaṃ pareśam || śāṃtiṃ ca yatke'pi tamaḥparaṃ bṛha- tkaivalyameke pravadanti dhāmake ||22|| yadakṣaraṃ ke'pi diśaṃ vadaṃti ke golokamādyaṃ pravadantyathāpare || kecinnikuñjaṃ nijalīlayā''vṛtaṃ prāpnoti kṛṣṇasya padaṃ ca tanmuniḥ ||23|| śrīnārada uvāca - iti kārṣṇervacaḥ śrutvā sarve yādavapuṃgavāḥ || śastrāṇi jagṛhurhṛṣṭā tajjñāne dhairyavarddhane ||24|| babhūva tumulaṃ yuddhaṃ daityānāṃ yadubhiḥ saha || sītāgaṃgātaṭe cābdhau rakṣasāṃ kapibhiryathā ||25|| rathino rathibhistatra pattibhiḥ pattayo nṛpa || aśvavāhairaśvavāhā yuyudhuśca gajā gajaiḥ ||26|| kecitkarīṃdrā unmattā mahāmātyaiḥ praṇoditāḥ || girīndrā iva dṛśyante muktānāṃ meghaḍaṃbaraiḥ ||27|| śuṇḍādaṇḍaiśca phūtkāraiḥ sacītkāraiḥ saśṛṅkhalaiḥ || pātayaṃto rathānaśvān vīrān rājan raṇāṃgaṇe ||28|| śuṇḍādaṇḍaiḥ saṃgṛhītvā rathānsāśvānsasārathīn || nipātya bhūmāvutthāpya cikṣipuścāṃbare balāt ||29|| kāṃścinmamarduḥ pādābhyāṃ saṃvidārya karairdṛḍhaiḥ || sakṣatāśca gajā rājanpradhāvanto raṇāṃgaṇe ||30|| sapakṣaturagā rājannaśvavāhapraṇoditāḥ || ullaṅghayanto'tha rathān gajakumbhāṃtare gatāḥ ||31|| kecidaśvairmahāvīrāḥ śaktihastā madotkaṭāḥ || jaghnurgajasthānnṛpatīnmṛgeṃdrā iva yūthapān ||32|| aśvārūḍhāḥ ke'pi senāṃ saṃvidārya vinirgatāḥ || khaḍgavegaiḥ padmavanaṃ līlābhirvāyavo yathā ||33|| kecitparasparaṃ sāśvairutpatanto raṇāṃgaṇe || khaḍgairjaghnuryathā kravye caṃcubhiḥ pakṣiṇo'mbare ||34|| kecitkhaḍgaiḥ paraśubhiḥ keciccakraiḥ padātayaḥ || cicchidurniśitairbhallairphalānīva śirāṃsi ca ||35|| saṃgrāmajidbṛhatsenaḥ śūraḥ praharaṇo vijit || jayaḥ subhadro vāmaśca satyako'śvayureva hi ||36|| bhadrāyāśca sutā hyete śrīkṛṣṇasyaurasāḥ śubhāḥ || sarveṣāmagrataḥ prāptā yuyudhurdaityapuṃgavaiḥ ||37|| bhūtasaṃtāpano nāma gajārūḍho mahāsuraḥ || yadusainye mahārāja cakre nārācadurdinam ||38|| bāṇāṃdhakāre ca kṛte bhūtasaṃtāpanena vai || saṃgrāmajittadā prāptaḥ śrīkṛṣṇasya suto balī ||39|| vivyādha bāṇaśatakairbhūtasaṃtāpano balī || pralayārṇavasaṃghoṣa-bhīmasaṃghaṭṭanādinīm ||40|| dhanurjyāṃ tasya ciccheda bhūtasaṃtāpano balī || saṃgrāmajiddhanuścānyad-gṛhītvā svaṃ taḍitprabham ||41|| sajjaṃ kṛtvā vidhānena śataṃ bāṇānsamādadhe || te bāṇāstaddhanurjyāṃ ca kavacaṃ lohanirmitam ||42|| bhitvā chitvā tanuṃ tasya gajaṃ bhitvāvaniṃ gatāḥ || bāṇaprahāravyathitaḥ kiṃcidvyākulamānasaḥ ||43|| gajaṃ svaṃ nodayāmāsa bhūtasantāpano balī || kālāṃtakasamaṃ nāgaṃ dṛṣṭvā saṃgrāmajidbalī ||44|| gṛhītvā svamasiṃ divyaṃ saṃjaghāna raṇāṃgaṇe || tasya khaḍgaprahāreṇa śūṇḍādaṇḍo dvidhābhavat ||45|| cītkāramutkaṭaṃ kurvan madaṃ saṃsrāvayankaṭāt || bhūtasaṃtāpanaṃ tyaktvā bhuvanaṃ kaṃpayan gajaḥ ||46|| nipātayanmahāvīrānghaṃṭānādairnadanmuhuḥ || na balātstaṃbhito daityaiḥ purīṃ caṃdrāvatīṃ yayau ||47|| kolāhalo mahānāsīdvrajannevaṃ gaje cyute || bhūtasaṃtāpanaścakraṃ śrīkṛṣṇasya sutāya vai ||48|| cikṣepa niśitaṃ śīghraṃ grīṣmamārtaṃḍavatsphurat || tadāgataṃ bhramaddṛṣṭvā cakraṃ bhadrātmajo balī ||49|| svacakreṇa mahārāja līlayā śatadhācchinat || jaṭharasya gireḥ śṛṅgaṃ samutpāṭya mahāsuraḥ ||50|| cikṣepa kṛṣṇaputrāya nādayan vyomamaṃḍalam || saṃgrāmajicca tacchṛṅgaṃ gṛhītvā bhujayorbalāt ||51|| tatāḍa tena rājeṃdra bhūtasantāpanaṃ raṇe || bhūtasantāpano daityaḥ saṃpūrṇaṃ jaṭharaṃ girim ||52|| gṛhītvā saṃgare tasthāvudbhaṭo daityapuṃgavaḥ || anena ghātayiṣyāmi tvāṃ raṇe pravadanmukhāt ||53|| devakūṭaṃ samutpāṭya giriṃ ca śrīhareḥ sutaḥ || anena ghātayiṣyāmi tvāṃ raṇe pravadanmukhāt ||54|| tasthau tatsammukhe rājaṃstadadbhutamivāmavat || kṣipantaṃ parvataṃ daityaṃ bhūtasantāpanaṃ nṛpa ||55|| tatāḍa giriṇā svena raṇe saṃgrāmajidbalī || jaṭharo devakūṭaśca dvau girī daityamastake ||56|| patitau bhūribhārāḍhyau vajrasaṃgharṣanādinau ||57|| bhūtasantāpanastābhyāṃ patitaḥ pañcatāṃ gataḥ || tajjyotiḥ saṃgrāmajiti līnaṃ jātaṃ videharāṭ || 58|| śrīsaṃgrāmajitaḥ sainye nedurduṃdubhayastadā || bhadrātmajoparī surāḥ puṣpavarṣaṃ pracakrire ||59||
English translation
The Slaying of Envy by the Hand of War Victory
Naradji says - Rajan! Shakuni's anger knew no bounds when he heard that Hrishta had been killed. He sent out his brothers who also feared the gods. The demon named Bhoot-Santapan rode out on an elephant. Vrika came riding on a giant donkey and Kalanabha on a pig. The great dragon sat on a camel and the Hareshshru on a whale (the great crocodile). 1-2.
There was a triumphant chariot built by Mayasura, on which the flag of Vyjayanthi was hoisted. This is why he was called 'Vyjayanta' and 'Jaitra'. It was five yojanas wide and had a thousand horses in it. The illusory chariot was custom-built and adorned with hundreds of flags. It had a thousand kalashas attached to it and beaded beads hanging from it. He was adorned with jewelled ornaments and was as bright as a hundred moons. It was fitted with a thousand wheels, and the many hours it hung adorned it. Shakuni rode on the same chariot and came out with a desire for war. 3 - 6. (Vishwajitkhand chapter 31 to 35)
Maithileshwar! He was accompanied by an army of twelve Aksauhini demons. The sound of bows and arrows, the roar of heroes, the cries of horses, the cries of chariots, and the cries of elephants seemed to make the whole realm roar. The whole world started shaking with the expedition of the demon army. O Lord! Many of the mountains have fallen to the ground. The seas became turbulent and exceeded their limits. The gods immediately closed the gates of Amravati Puri and installed the Argala there. Seeing the fierce army, the superior of the archers, the strong and patient hero Srikrishna Kumar Pradyumna spoke thus to the superior heroes of the Yadukula. 7-10 |
Naradji says - Rajan! Hearing this from Srikrishnakumar Pradyumna, having acquired patient wisdom, all the Yadava nobles, full of joy and enthusiasm, took up arms. Then, on the banks of the Sita-Ganga, there was a fierce battle between the Yadavas and the daityas - just as the monsters had with the apes on the seashore. Chariots and charioteers, mounted horsemen, and cavalrymen fought the Gajarohis. Inspired by the Mahavatsas, some of the frenzied Gajarajas adorned with elephants looked like mountaineers with Meghadambara. The king. They roamed the battlefield, trampling chariots, horsemen, and foot soldiers with whistles and chains. They would wrap chariots with horses and chariots in a noose, knock them to the ground, and forcefully lift them back up and throw them into the sky. The king. In that battlefield, Gajraj, running all around, used to disperse some people with strong needles and thrash them with his feet. Your Majesty! Feathered horses, propelled by horsemen, rode the chariots to the Kumbh of the elephants. Some Mahaviras, obsessed with cavalry warfare, rode horses to the Kumbh of elephants and killed the Gajara kings in the same manner as the Singhas killed the Gajrajas, the youthful chiefs. Some equestrian warriors would break through the front line with the speed of swords and advance as safely as Vayu could with his speed, treading down the lotus-forest. Some horsemen would bounce off the battlefield and counterattack with swords in the same way that birds in the sky would pounce on each other for a piece of meat. Some foot warriors cut off the heads of opponents like fruit with swords, some with spears and spears, and some with sharp spears. 24-35 |
These ten and a half sons of Krishna, born to Samgramajit, Brihatasena, Shura, Praharana, Vijita, Jaya, Subhadra, Vama, Satyaka, and Ashvayu-Bhadra, came forward and started fighting with the daitya-pungas. Your Majesty! The great demon Bhoot-Pantapan, mounted on an elephant, brought the scene of the calamity to light with his torrential rain. When darkness was cast by the demons, the mighty son of Krishna, Sangramjit, came to confront him. They shot hundreds of arrows into the battlefield, wounding the demons. Then the mighty demons cut off Samgramajit's bow's antipathy, which echoed like a fierce roar emanating from the struggle of the seas of the Holocaust. Samgrāmarājita then took his second bow, the lightning-dazzling one, and ceremoniously shot at it, then fired a hundred arrows. The arrows pierced through the earth, piercing through the bow and arrow, the iron shield, the body, and the elephant. The ghostly spirit, haunted by the arrow's strike, panicked; then the mighty hero led his elephant forward. Seeing the elephant, as formidable as Kaala and Yama, attacking, the mighty Samgramajit took his divine sword and struck it in the battlefield. The sword-strike cut his trunk in two and he ran away, shaking the world, leaving behind a haunting scream and a haunting spirit. Daitapuri went straight to Chandravati, knocking down the big heroes and ringing the bells repeatedly. No one could stop him by force. 36-47 |
Thus there was a great commotion when the elephant fled from the battlefield. The ghostly spirits then drove a sharp-edged circle over Krishna's son, which was emerging like the summer sun. Your Majesty! Seeing the spinning wheel come upon him, the mighty Bhadrakumar merrily broke it into a hundred pieces with his wheel. Then the great demon uprooted a peak of Jathragirika and threw it at the son of Krishna, chanting the celestial body. Rajendra! Sangramjit seized the peak by force with both hands and struck the ghost - Santapan - in the battlefield with it. Then the demon-pungva exorcised the whole of Jathargiri and took him by the hand, stood in the battlefield and said, "Now I will do all your work in the struggle from this mountain." Seeing this, Srihari's son Sangramajit also uprooted a mountain called Devakuta and said with his mouth, 'I too will take your life from here on the battlefield.' 48-54 | (Vishwajitkhand chapter 31 to 35)
The king! Having said this, they stood before him. That miraculous event happened. Nareshwar. While throwing the mountain, the demons were attacked by the mighty Samgramajit with the mountain in his hand in battle. Both the heavily laden Jathar and Devakuta mountains fell on the daitya's head. The sound of two diamonds colliding with them was deafening. Woe to you! The ghostly apparition of the two fell from their wounds and became the graveyard of death, and its light was absorbed into the Sangramajit. Victory bells rang in Samgramajit's army, and the gods showered flowers on the prince. 55-59 |
Thus was completed the thirty-third chapter in the Narada Bahulashka Samvad under the Vishwajit-Khandaka in the Srigargha Samhita, titled 'The Slaying of the Ghost-Santapan Daitya'. 33.
Complete chapter-aligned witnesses. Sanskrit Wikisource page 24680, revision 92751 (2016-11-29T11:34:06Z). English was rendered from the complete Hindi chapter at https://www.mahakavya.com/vishwajitkhand-chapter-31-to-35/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.