Viśvajit-khaṇḍa · Chapter 34
Sourceश्रीनारद उवाच - संग्रामजिन्महायुद्धे भूतसन्तापने मृते ॥ हाहाकारो महानासीद्दैत्यसेनासु मैथिल ॥१॥ शकुनिर्वृकः कालनाभो महानाभस्तथैव च ॥ हरिश्मश्रुश्च पञ्चैते सम्प्राप्ता रणमंडले ॥२॥ कार्ष्णिः शकुनिनायुद्ध्यदनिरुद्धो वृकेण वै ॥ कालनाभेन सांबस्तु महानाभेन दीप्तिमान् ॥३॥ हरिश्मश्र्वसुरेणापि भानुः कृष्णसुतो बली ॥ सर्वेषामग्रतः प्राप्तोऽनिरुद्धो धन्विनां वरः ॥४॥ विभेद बाणैर्दैत्यांश्च वज्रेणेंद्रो यथा गिरीन् ॥ अनिरुद्धशरैर्दैत्याश्छिन्नपादांसजानवः ॥५॥ निपेतुर्मूर्च्छिता भूमौ वृक्षा वातहता इव ॥ अनिरुद्धशरैस्तीक्ष्णैः संछिन्ना मेघडंबराः ॥६॥ छिन्नकुम्भा भिन्नशुंडाः पतिता रणमंडले ॥ रुग्णदन्ताश्छिन्नकक्षाः शैला वज्रहता इव ॥७॥ द्विधाभूता गजाः पेतुः स्फुरत्काश्मीरकंबलाः ॥ करिणां भिन्नकुम्भानां मुक्ता रेजुः स्फुरत्प्रभाः ॥८॥ बाणांधकारे राजेन्द्र रात्रौ तारागणा इव ॥ प्रधर्षिताः केऽपि वीरा अनिरुद्धशरान्विता ॥९॥ निपेतुर्मूर्छिता भूमौ तदद्भुतमिवाभवत् ॥ केचित्कौ रथिनः पेतुस्तेषां शून्या रथाः स्थिताः ॥१०॥ कपित्थस्य फलानीव हस्तकोष्ठगतानि च ॥ क्षणमात्रेण राजेन्द्र दैत्यानां वाहिनीषु च ॥११॥ नदी बभूव संग्रामे भीषणा क्षतजस्रवात् ॥ द्विपग्राहा चोष्ट्रखरकबंधास्यादिकच्छपा ॥१२॥ शिशुमाररथा केशशैवाला भुजसर्पिणी ॥ करमीना मौलिरत्नहारकुण्डलशर्करा ॥१३॥ शस्त्रशक्तिच्छत्रशंखा चामरध्वजसैकता ॥ रथांगवर्तसंयुक्ता सेनाद्वयतटावृता ॥१४॥ शतयोजनविस्तीर्णा बभौ वैतरणी यथा ॥ प्रमथा भैरवा भूता वेताला योगिनीगणाः ॥१५॥ अट्टहासं प्रकृर्वंतो नृत्यंतो रणमण्डले ॥ पिबन्तो रुधिरं शश्वत्कपालेन नृपेश्वर ॥१६॥ हरस्य मुण्डमालार्थं जगृहुस्ते शिरांसि च ॥ सिंहारूढा भद्रकाली डाकिनीशतसंवृता ॥१७॥ भक्ष्ययन्ती रणे दैत्यानट्टहासं चकार ह ॥ विद्याधर्यस्त्वंबरस्था गंधर्व्योऽप्सरसस्तथा ॥१८॥ क्षात्रधर्मस्थितान् वीरान् वव्रिरे देवरूपिणः ॥ परस्परं कलिर्भूत्वा तासां पत्यर्थमंबरे ॥१९॥ ममानुरुपो नायं व इति विह्वलचेतसाम् ॥ केचिद्वीरा धर्मपरा रणरङ्गान्न चालिताः ॥२०॥ ययुर्विष्णुपदं दिव्यं भित्वा मार्तंडमण्डलम् ॥ अनिरुद्धं रिपुं दृष्ट्वा केचिद्दैत्याः पलायिताः ॥२१॥ केचित्स्वं स्वं रणं त्यक्त्वा दुद्रुवुस्ते दिशो दश ॥ तदा वृको महादैत्यः खरारूढो भयंकरः ॥२२॥ आजगाम नदन् युद्धे धनुष्टंकारयन्मुहुः ॥ अनिरुद्धस्यापि चायं सिंजिनीसहितं धनुः ॥२३॥ चिच्छेद दशभिर्बाणैर्वृकोऽपि रणदुर्मदः ॥ छिन्नधन्वानिरुद्धस्तु द्वितीयं धनुराददे ॥२४॥ चिच्छेद दशभिर्बाणैर्वृकचापं महाबलः ॥ वृकस्त्रिशूलमुद्यम्य रुषा प्रस्फुरिताधरः ॥ ललज्जिह्वः प्रत्युवाचानिरुद्धं धन्विनां वरम् ॥२५॥ वृकदैत्य उवाच - अद्यैव त्वां हनिष्यामि क्षत्रियं स्वस्थविक्रमम् ॥ त्वया सेना हता मेऽद्य पश्य विक्रममद्भुतम् ॥२६॥ अनिरुद्ध उवाच - ये वदन्ति मुखेनेह ते कुर्वंति न किंचन ॥ अद्यैव त्वां हनिष्यामि पश्य मे विक्रमं परम् ॥२७॥ न चेत्त्वां घातयिष्यामि शृणुताच्छपथं मम ॥ विप्रगोभ्रूणबालानां हत्या मे स्यात्सदैव हि ॥२८॥ श्रीनारद उवाच - वृकोऽपि शपथं कृत्वा खरारूढो महाबलः ॥ जघान तं त्रिशूलेनानिरुद्धं धन्विनां वरम् ॥२९॥ तच्छूलं वामहस्तेन गृहीत्वा कार्ष्णिनन्दनः ॥ तताड सहसा राजन् वृकदैत्यं महाबलम् ॥३०॥ तदासुरः कोपपूर्णो मुक्त्वाथ महतीं गदाम् ॥ चूर्णयामास सहसा चानिरुद्धरथं बलात् ॥३१॥ प्राद्युम्निः शितधारेण खड्गेनारिभुजद्वयम् ॥ चिच्छेद भिदुरेणाशु शैलपक्षौ यथा वृषा ॥३२॥ तदाभिन्नभुजो दैत्यः पद्भ्यामाकंपयन्भुवम् ॥३३॥ विस्तीर्णं वदनं कृत्वा ललज्जिह्वं भयंकरम् ॥ करालदंष्ट्रः प्रपिबन्नाकाशं दैत्यपुंगवः ॥३४॥ तिमिं तिमिंगिल इव प्राग्रसत्कार्ष्णिनन्दनम् ॥ दैत्योदरे कृष्णपौत्रः श्रीकृष्णस्यानुकंपया ॥३५॥ न ममार महाराज कार्ष्णिर्मीनोदरे यथा ॥ वृकोदरे यथा कृष्णो यथा गोपा ह्यघोदरे ॥३६॥ बकोदरे यथा कृष्णो यथा वृत्रोदरे वृषा ॥ हाहाकारे तदा जाते यदुसैन्ये विदेहराट् ॥३७॥ गदो गदां समादाय बलदेवानुजो बली ॥ तताड मस्तके दैत्यं वृकं नाम महाबलम् ॥३८॥ तदा हतशिरा दैत्यो रेजे क्षतजबिंदुभिः ॥ गरिकैर्जलधाराभिर्यथा विंध्याचलो नृप ॥३९॥ फाल्गुनः स्वमसिं नीत्वा तत्पादौ चाञ्जसाहरत् ॥ छिन्नांघ्रिः स पपातोर्व्यां छिन्नपक्षो यथा गिरिः ॥४०॥ अनिरुद्धस्तदुदरं भीत्वा खड्गेन निर्गतः ॥ जहार तच्छिरश्चायं यथा वज्रेण वृत्रहा ॥४१॥ तदा जयजयारावो यदुसैन्ये बभूव ह ॥ देवदुन्दुभयो नेदुर्नरदुन्दुभयस्तथा ॥४२॥ अनिरुद्धोपरि सुराः पुष्पवर्षं प्रचक्रिरे ॥ कथितं ह्यद्भुतं चैतत्किं भूयः श्रोतुमिच्छसि ॥४३॥
śrīnārada uvāca - saṃgrāmajinmahāyuddhe bhūtasantāpane mṛte || hāhākāro mahānāsīddaityasenāsu maithila ||1|| śakunirvṛkaḥ kālanābho mahānābhastathaiva ca || hariśmaśruśca pañcaite samprāptā raṇamaṃḍale ||2|| kārṣṇiḥ śakunināyuddhyadaniruddho vṛkeṇa vai || kālanābhena sāṃbastu mahānābhena dīptimān ||3|| hariśmaśrvasureṇāpi bhānuḥ kṛṣṇasuto balī || sarveṣāmagrataḥ prāpto'niruddho dhanvināṃ varaḥ ||4|| vibheda bāṇairdaityāṃśca vajreṇeṃdro yathā girīn || aniruddhaśarairdaityāśchinnapādāṃsajānavaḥ ||5|| nipeturmūrcchitā bhūmau vṛkṣā vātahatā iva || aniruddhaśaraistīkṣṇaiḥ saṃchinnā meghaḍaṃbarāḥ ||6|| chinnakumbhā bhinnaśuṃḍāḥ patitā raṇamaṃḍale || rugṇadantāśchinnakakṣāḥ śailā vajrahatā iva ||7|| dvidhābhūtā gajāḥ petuḥ sphuratkāśmīrakaṃbalāḥ || kariṇāṃ bhinnakumbhānāṃ muktā rejuḥ sphuratprabhāḥ ||8|| bāṇāṃdhakāre rājendra rātrau tārāgaṇā iva || pradharṣitāḥ ke'pi vīrā aniruddhaśarānvitā ||9|| nipeturmūrchitā bhūmau tadadbhutamivābhavat || kecitkau rathinaḥ petusteṣāṃ śūnyā rathāḥ sthitāḥ ||10|| kapitthasya phalānīva hastakoṣṭhagatāni ca || kṣaṇamātreṇa rājendra daityānāṃ vāhinīṣu ca ||11|| nadī babhūva saṃgrāme bhīṣaṇā kṣatajasravāt || dvipagrāhā coṣṭrakharakabaṃdhāsyādikacchapā ||12|| śiśumārarathā keśaśaivālā bhujasarpiṇī || karamīnā mauliratnahārakuṇḍalaśarkarā ||13|| śastraśakticchatraśaṃkhā cāmaradhvajasaikatā || rathāṃgavartasaṃyuktā senādvayataṭāvṛtā ||14|| śatayojanavistīrṇā babhau vaitaraṇī yathā || pramathā bhairavā bhūtā vetālā yoginīgaṇāḥ ||15|| aṭṭahāsaṃ prakṛrvaṃto nṛtyaṃto raṇamaṇḍale || pibanto rudhiraṃ śaśvatkapālena nṛpeśvara ||16|| harasya muṇḍamālārthaṃ jagṛhuste śirāṃsi ca || siṃhārūḍhā bhadrakālī ḍākinīśatasaṃvṛtā ||17|| bhakṣyayantī raṇe daityānaṭṭahāsaṃ cakāra ha || vidyādharyastvaṃbarasthā gaṃdharvyo'psarasastathā ||18|| kṣātradharmasthitān vīrān vavrire devarūpiṇaḥ || parasparaṃ kalirbhūtvā tāsāṃ patyarthamaṃbare ||19|| mamānurupo nāyaṃ va iti vihvalacetasām || kecidvīrā dharmaparā raṇaraṅgānna cālitāḥ ||20|| yayurviṣṇupadaṃ divyaṃ bhitvā mārtaṃḍamaṇḍalam || aniruddhaṃ ripuṃ dṛṣṭvā keciddaityāḥ palāyitāḥ ||21|| kecitsvaṃ svaṃ raṇaṃ tyaktvā dudruvuste diśo daśa || tadā vṛko mahādaityaḥ kharārūḍho bhayaṃkaraḥ ||22|| ājagāma nadan yuddhe dhanuṣṭaṃkārayanmuhuḥ || aniruddhasyāpi cāyaṃ siṃjinīsahitaṃ dhanuḥ ||23|| ciccheda daśabhirbāṇairvṛko'pi raṇadurmadaḥ || chinnadhanvāniruddhastu dvitīyaṃ dhanurādade ||24|| ciccheda daśabhirbāṇairvṛkacāpaṃ mahābalaḥ || vṛkastriśūlamudyamya ruṣā prasphuritādharaḥ || lalajjihvaḥ pratyuvācāniruddhaṃ dhanvināṃ varam ||25|| vṛkadaitya uvāca - adyaiva tvāṃ haniṣyāmi kṣatriyaṃ svasthavikramam || tvayā senā hatā me'dya paśya vikramamadbhutam ||26|| aniruddha uvāca - ye vadanti mukheneha te kurvaṃti na kiṃcana || adyaiva tvāṃ haniṣyāmi paśya me vikramaṃ param ||27|| na cettvāṃ ghātayiṣyāmi śṛṇutācchapathaṃ mama || vipragobhrūṇabālānāṃ hatyā me syātsadaiva hi ||28|| śrīnārada uvāca - vṛko'pi śapathaṃ kṛtvā kharārūḍho mahābalaḥ || jaghāna taṃ triśūlenāniruddhaṃ dhanvināṃ varam ||29|| tacchūlaṃ vāmahastena gṛhītvā kārṣṇinandanaḥ || tatāḍa sahasā rājan vṛkadaityaṃ mahābalam ||30|| tadāsuraḥ kopapūrṇo muktvātha mahatīṃ gadām || cūrṇayāmāsa sahasā cāniruddharathaṃ balāt ||31|| prādyumniḥ śitadhāreṇa khaḍgenāribhujadvayam || ciccheda bhidureṇāśu śailapakṣau yathā vṛṣā ||32|| tadābhinnabhujo daityaḥ padbhyāmākaṃpayanbhuvam ||33|| vistīrṇaṃ vadanaṃ kṛtvā lalajjihvaṃ bhayaṃkaram || karāladaṃṣṭraḥ prapibannākāśaṃ daityapuṃgavaḥ ||34|| timiṃ timiṃgila iva prāgrasatkārṣṇinandanam || daityodare kṛṣṇapautraḥ śrīkṛṣṇasyānukaṃpayā ||35|| na mamāra mahārāja kārṣṇirmīnodare yathā || vṛkodare yathā kṛṣṇo yathā gopā hyaghodare ||36|| bakodare yathā kṛṣṇo yathā vṛtrodare vṛṣā || hāhākāre tadā jāte yadusainye videharāṭ ||37|| gado gadāṃ samādāya baladevānujo balī || tatāḍa mastake daityaṃ vṛkaṃ nāma mahābalam ||38|| tadā hataśirā daityo reje kṣatajabiṃdubhiḥ || garikairjaladhārābhiryathā viṃdhyācalo nṛpa ||39|| phālgunaḥ svamasiṃ nītvā tatpādau cāñjasāharat || chinnāṃghriḥ sa papātorvyāṃ chinnapakṣo yathā giriḥ ||40|| aniruddhastadudaraṃ bhītvā khaḍgena nirgataḥ || jahāra tacchiraścāyaṃ yathā vajreṇa vṛtrahā ||41|| tadā jayajayārāvo yadusainye babhūva ha || devadundubhayo nedurnaradundubhayastathā ||42|| aniruddhopari surāḥ puṣpavarṣaṃ pracakrire || kathitaṃ hyadbhutaṃ caitatkiṃ bhūyaḥ śrotumicchasi ||43||
English translation
Slaying the Vedic demon at the hands of Aniruddha
Shrinaradji says - Mithileshwar! The demonic armies were in a state of abhorrence when Samgramajit killed the demons in that great battle. Then the five heroes - Shakuni, Vrikka, Kalanabha and Mahanabha and Harishmashru - landed on the battlefield. 1-2.
Srikrishnakumar Pradyumna started fighting with Shakuni and Aniruddha with Vrika. The Sambas clashed with the Kalanavas and the Deeptimans with the Mahanavas. Balavana Veera Srikrishna Kumar Bhanu started fighting with a demon named Harishmashru. In front of everyone was Aniruddha, the best of the archers. With their arrows, they began to scatter the demons in the same way that Indra pierced the mountains with lightning. Aniruddha's arrows cut off the legs, shoulders, and knees of the demons. They were all wiped out and fell to the earth like uprooted trees by strong winds. Aniruddha's sharp arrows, which had shattered the Meghadambara (cradle), the Kumbhasthala, and the tusks, broken teeth, and cut chambers, made the elephants fall into the battlefield just as the mountains collapse due to lightning strikes. The elephants were lying in two pieces and the Kashmiri swing was shining on them. Scattered beads shone brightly from the scattered cairns of the elephants. Rajendra! They were glowing in the arrow-shaped darkness just as the stars twinkle at night. Many of the heroes, who had been struck by Aniruddha's arrows, lay on the ground, motionless. That scene seemed to be amazing. Many chariots had fallen to the ground and their chariots stood still. The severed heads of some warriors looked like the fruit of an elephant's stomach. 3-10 | (Vishwajitkhand chapter 31 to 35)
Rajendra! In an instant so much blood fell on the armies of the demons within that war that its terrible river flowed. The elephants looked like customers in it; the trunks and mouths of camels and donkeys looked like turtles; the chariots looked like snails, the hairs were confusing, and the severed arms looked like serpents. Cut hands were fish in it and crowns, jewels, and kundals replaced pebbles. Weapons, power, umbrellas, conch shells, chavars, and flags were like sand-stones, the wheels of chariots creating the illusion of whirlwinds. The armies of both sides were the two banks of that bloodline. Oh dear God! Spread over a hundred yojanas, that bloody river seemed as fierce as the Vaitarani. The Pramathas, Bhairavas, Bhootas, Betalas, and Yoginis used to laugh, dance, and constantly drink blood from their skulls in that battlefield. He also used to collect lotuses to make the headgear of Lord Rudra. Bhadrakali, mounted on a lion, accompanied by hundreds of witches, used to make the demons her prey and make fun of them in the battlefield. Vidyadharis, Gandharvakanyas, and apsaras seated on a vimana would stand in Kshatriya dharma and worship the gods and goddesses as their husbands. The beauties squabbled with each other as they chose the heroes in the sky as their husbands. Someone would say - 'These are worthy of me, not worthy of you. 'That is how she was disputing with a visceral mind. Some heroes did not deviate from the stage of Samaraki by being eager in Dharma, so they penetrated the solar system and reached the divine Vishnupada. Some daityas saw Aniruddha as their enemy and fled. Some of the Asuras gave up their wars and fled in ten directions. 11-21 |
At the same time, a fierce donkey-ridden giant came to battle, roaring and repeatedly bowsing. The fierce demon also struck ten arrows and cut the bow with Aniruddha's staff. When the bow was cut off, Mahabali Aniruddha took the second bow and shot ten arrows, severing the kidneys as well. At this, the lips of the kidneys trembled with rage. He picked up the trident and said to Aniruddha, the best of the archers, while wrapping his tongue. 22-25 |
The demon said, "You are a mighty Kshatriya and you have destroyed my army today, so I will kill you now." Mayst thou see my wondrous power. 26.
Naradji says - Rajan! The great archer sitting on a donkey also took an oath and struck Aniruddha, the best of the archers, with a trident. But Raja! Pradyumna Nandana Aniruddha grabbed the trident with his left hand and suddenly injured Mahabali's demon kidney with it. Then he was filled with the wrath of the demon. He wielded a heavy mace and suddenly crushed Aniruddha's chariot by force. Pradyumna Kumar then cut off both the enemy's arms with a sharp-edged sword in the same manner as Indra had cut off both the wings of the mountains soon after with Vajra. Then he began to spread a fierce mouth with a fluffy tongue, trembling the earth with armless giant feet, as if he were going to make the whole sky drink. Then the demon-king with a ferocious beard, like a crocodile swallowing a large fish, made Pradyumna Kumarar Aniruddha his prey. 29-34 | (Vishwajitkhand chapter 31 to 35)
Your Majesty! He was the grandson of Lord Krishna, so he did not die by the grace of Lord Krishna even when he went into the belly of a daitya, he survived like Pradyumna in the belly of a fish. Just as in the womb of Aghasura, Krishna and Gual-Bala survived, just as in the womb of Vakasura, Krishna himself did not die, and just as in the womb of Vritrasura, Indra survived, likewise in the womb of Vrikasura, Aniruddha was saved. 35-36 |
Woe to you! At that time, the Yadava army was in disarray. Baldev's younger brother Balwan then took the mace and hit him on the head of the demon Mahabali Vrika. The demon's head exploded and blood started dripping from it. The stream of blood adorned the giant giant just as the stream of ochre adorned the Vindhyachal. 37-39 |
Arjuna then took his sword and cut off both his legs accidentally. With his leg amputated, he fell to the ground like a feathered mountain. Aniruddha came out, tearing her stomach open with his sword. Just as Indra killed Vritrasura with a Vajra, Aniruddha cut off his head with his sword. At that time, the Yadava army erupted into cheers and murmurs of the gods and men. The gods began to shower flowers on Aniruddha. The king! I told you this wonderful story; what else do you want to hear? . 40-43 |
Thus was completed the thirty-fourth chapter in the Narada Bahulashva-Samvad under the Vishwajit Khanda in the Srigargha Samhita, titled 'The Slaying of the Vrika Daitya'. 34.
Complete chapter-aligned witnesses. Sanskrit Wikisource page 24681, revision 92752 (2016-11-29T11:34:28Z). English was rendered from the complete Hindi chapter at https://www.mahakavya.com/vishwajitkhand-chapter-31-to-35/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.