Dvārakā-khaṇḍa · Chapter 13
Sourceश्रीनारद उवाच ।। प्रभासस्यापि माहात्म्यं शृणु राजन्महामते ।। सर्वपापहरं पुण्यं तेजसां वर्द्धनं परम् ।। १ ।। गोदावार्यां गुरौ सिंहे हरक्षेत्रे च कुंभगे ।। रविग्रहे कुरुक्षेत्रे काश्यां चन्द्र- ग्रहे तथा ।। २ ।। यत्पुण्यं लभते राजन्स्नानतो दानतो नरः ।। तस्माच्छतगुणं पुण्यं प्रभासे च दिनेदिने ।। ३ ।। यत्र स्नात्वा दक्षशापाद्गृहीतो यक्ष्मणोडुराट्। विमुक्तः किल्विषात्सद्यो भेजे भूयः कलोदयम् ।।४।। महापुण्यतमा राजन्यत्र प्रत्यक्सरस्वती ।। तस्यां स्नात्वा नरः पापी साक्षाद्ब्रह्ममयो भवेत् ।।५।। तत्तीरे वर्तते राजन्नाम्ना वै बोधपिप्पलम् ।। कृष्णेन यत्रोद्धवाय दत्तं भागवतं शुभम्।।६।। तं नत्वाभ्यर्च्य विधिवत्स्पृष्ट्वा श्री बोधपिप्पलम् ।। शृणोति यो भागवतं पुराणं ब्रह्मसंमितम् ।।७।। श्लोकार्धश्लोकपादं वा मौनी नियतमानसः ।। तस्य पाणौ भवेद्राजन्वैष्णवं परमं पदम् ।। ८ ।। प्रोष्ठपद्यां पूर्णिमायां हेमसिंहसमन्वितम् ।। ददाति य भागवतं स याति परमां गतिम्।।९।। पुराणं न श्रुतं यैस्तु श्रीमद्भागवतं क्वचित्।। तेषां वृथा जन्मगतं नराणां भूमिवासिनाम् ।।6.13.१०।। यैर्न श्रुतं भागवतं पुराणं नाराधितो यैः पुरुषः पुराणः।। हुतं मुखे नैव धरामराणां तेषां वृथा जन्म गतं नराणाम् ।। ११ ।। द्वारावत्यां तीर्थराजं गौमतीसिंधुसंगमम् ।। यत्र स्नात्वा नरो याति वैकुण्ठं विमलं पदम्।।१२।। शताश्वमेधजं पुण्यं गंगासागर संगमे ।। तस्मात्सहस्रगुणितं गोमतीसिंधुसंगमे ।। १३ ।। अत्रैवोदाहरंतीममितिहासं पुरातनम् ।। यस्य श्रवणमात्रेण पापतापात्प्रमुच्यते ।।१४।। आसीद्गजाह्वये वैश्यो राजमार्गपतिः परः ।। महागौरवसंयुक्तो निधीशो धनदो यथा ।।१५।। वेश्याप्रसंगनिरतो विटगोष्ठीविशारदः।। द्यूतक्रीडनकास- क्तो लोभमोहमदान्वितः ।।१६।। मृषावादी महादुष्टः कुकर्मनिरतः सदा ।। ब्राह्मणेभ्यो न पितृभ्यो न देवेभ्यो धनं ददौ ।।१७।। हरेः कथां प्रेक्ष्यदूराद्दूरं वै निर्ययौ त्वरम् ।। पित्रोः सेवापि न कृता न पुत्रेभ्यो धनं ददौ ।। १८ ।। त्यक्त्वा भार्यां स भिन्नोभूद्धनाढ्यो दुर्मतिः खलः ।। वेश्याप्रसंगात्तस्यापि धनार्द्धं प्रक्षयं गतम्।। ।९।। अर्धं तु तस्करैर्नीतं किंचित्पृथ्व्यां गतं स्वतः ।। पुण्येन वर्द्धते लक्ष्मीः पापेन क्षीयते ध्रुवम् ।।6.13.२०।। एवं स निर्धनो जातो वेश्यासक्तो महाखलः ।। तस्मिन्गजाह्वये रम्ये चौर्यकर्म चकार ह ।। २१ ।। चौर्यकर्म प्रकुर्वंतं बद्ध्वा तं दामभिर्नृपः ।। देशान्निःसारयामास शंतनुर्नृपतीश्वरः ।।२२।। वनेपि निवन्सोपि जीवहिंसां चकार ह।। समा द्वादश साहस्रं नववर्षयदाघनः ।। २३ ।। पश्चिमां तु दिशं प्रागाद्वैश्यो दुर्भिक्ष पीडितः ।। वने वै मारितः सोपि सिंहेन तलघाततः ।।२४।। तदैव यमदूतास्तं बद्ध्वा पाशैरधोमुखम् ।। कशाघातैस्ताडयंतो निन्युर्मार्गं यमस्य च ।।२५।। अथ कश्चिन्महान्गृध्रो मांसं तस्य भुजस्य च ।। गृहीत्वा खं गतः सद्यः खादंश्चंचुपुटेन तम् ।।२६।। निरामिषाः खगाश्चान्ये स्वामिषं जग्मुरातुराः ।। एवं कोलाहले जाते शंखचिह्नादिभिः कृते ।।२७।। न जहौ मुखतो मांसं पश्चिमाशां जगाम ह ।। तत्समेनापि गृध्रेण तीक्ष्णतुंडेन ताडितात् ।। २८ ।। तन्मुखात्प्रपतन्मांसं गोमतीसिंधुसंगमे ।। तीर्थप्लुते तस्य मांसे वैश्योयं पातकी महान्।।२९।। तेषां पाशान्स्वयं छित्त्वा भूत्वा देवश्चतुर्भुजः ।। पश्यतां यमदूतानां विमानमधिरुह्य सः ।। 6.13.३० ।। विराजयन्दिशः सर्वा परंधाम हरेर्ययौ ।। ३१ ।। गोमतीसिंधुसंगस्य माहात्म्यं शृणुते नरः ।। सर्वपापविनिर्मुक्तो विष्णुलोकं प्रयाति सः ।।३२।। इति श्रीमद्गर्गसहितायां श्रीद्वारकाखण्डे नारदबहुलाश्व संवादे प्रभाससरस्वतीबोधपिप्पल गोमतीसिंधुसंगममाहात्म्यनाम त्रयोदशोऽध्यायः ।। १३ ।।
śrīnārada uvāca || prabhāsasyāpi māhātmyaṃ śṛṇu rājanmahāmate || sarvapāpaharaṃ puṇyaṃ tejasāṃ varddhanaṃ param || 1 || godāvāryāṃ gurau siṃhe harakṣetre ca kuṃbhage || ravigrahe kurukṣetre kāśyāṃ candra- grahe tathā || 2 || yatpuṇyaṃ labhate rājansnānato dānato naraḥ || tasmācchataguṇaṃ puṇyaṃ prabhāse ca dinedine || 3 || yatra snātvā dakṣaśāpādgṛhīto yakṣmaṇoḍurāṭ| vimuktaḥ kilviṣātsadyo bheje bhūyaḥ kalodayam ||4|| mahāpuṇyatamā rājanyatra pratyaksarasvatī || tasyāṃ snātvā naraḥ pāpī sākṣādbrahmamayo bhavet ||5|| tattīre vartate rājannāmnā vai bodhapippalam || kṛṣṇena yatroddhavāya dattaṃ bhāgavataṃ śubham||6|| taṃ natvābhyarcya vidhivatspṛṣṭvā śrī bodhapippalam || śṛṇoti yo bhāgavataṃ purāṇaṃ brahmasaṃmitam ||7|| ślokārdhaślokapādaṃ vā maunī niyatamānasaḥ || tasya pāṇau bhavedrājanvaiṣṇavaṃ paramaṃ padam || 8 || proṣṭhapadyāṃ pūrṇimāyāṃ hemasiṃhasamanvitam || dadāti ya bhāgavataṃ sa yāti paramāṃ gatim||9|| purāṇaṃ na śrutaṃ yaistu śrīmadbhāgavataṃ kvacit|| teṣāṃ vṛthā janmagataṃ narāṇāṃ bhūmivāsinām ||6.13.10|| yairna śrutaṃ bhāgavataṃ purāṇaṃ nārādhito yaiḥ puruṣaḥ purāṇaḥ|| hutaṃ mukhe naiva dharāmarāṇāṃ teṣāṃ vṛthā janma gataṃ narāṇām || 11 || dvārāvatyāṃ tīrtharājaṃ gaumatīsiṃdhusaṃgamam || yatra snātvā naro yāti vaikuṇṭhaṃ vimalaṃ padam||12|| śatāśvamedhajaṃ puṇyaṃ gaṃgāsāgara saṃgame || tasmātsahasraguṇitaṃ gomatīsiṃdhusaṃgame || 13 || atraivodāharaṃtīmamitihāsaṃ purātanam || yasya śravaṇamātreṇa pāpatāpātpramucyate ||14|| āsīdgajāhvaye vaiśyo rājamārgapatiḥ paraḥ || mahāgauravasaṃyukto nidhīśo dhanado yathā ||15|| veśyāprasaṃganirato viṭagoṣṭhīviśāradaḥ|| dyūtakrīḍanakāsa- kto lobhamohamadānvitaḥ ||16|| mṛṣāvādī mahāduṣṭaḥ kukarmanirataḥ sadā || brāhmaṇebhyo na pitṛbhyo na devebhyo dhanaṃ dadau ||17|| hareḥ kathāṃ prekṣyadūrāddūraṃ vai niryayau tvaram || pitroḥ sevāpi na kṛtā na putrebhyo dhanaṃ dadau || 18 || tyaktvā bhāryāṃ sa bhinnobhūddhanāḍhyo durmatiḥ khalaḥ || veśyāprasaṃgāttasyāpi dhanārddhaṃ prakṣayaṃ gatam|| |9|| ardhaṃ tu taskarairnītaṃ kiṃcitpṛthvyāṃ gataṃ svataḥ || puṇyena varddhate lakṣmīḥ pāpena kṣīyate dhruvam ||6.13.20|| evaṃ sa nirdhano jāto veśyāsakto mahākhalaḥ || tasmingajāhvaye ramye cauryakarma cakāra ha || 21 || cauryakarma prakurvaṃtaṃ baddhvā taṃ dāmabhirnṛpaḥ || deśānniḥsārayāmāsa śaṃtanurnṛpatīśvaraḥ ||22|| vanepi nivansopi jīvahiṃsāṃ cakāra ha|| samā dvādaśa sāhasraṃ navavarṣayadāghanaḥ || 23 || paścimāṃ tu diśaṃ prāgādvaiśyo durbhikṣa pīḍitaḥ || vane vai māritaḥ sopi siṃhena talaghātataḥ ||24|| tadaiva yamadūtāstaṃ baddhvā pāśairadhomukham || kaśāghātaistāḍayaṃto ninyurmārgaṃ yamasya ca ||25|| atha kaścinmahāngṛdhro māṃsaṃ tasya bhujasya ca || gṛhītvā khaṃ gataḥ sadyaḥ khādaṃścaṃcupuṭena tam ||26|| nirāmiṣāḥ khagāścānye svāmiṣaṃ jagmurāturāḥ || evaṃ kolāhale jāte śaṃkhacihnādibhiḥ kṛte ||27|| na jahau mukhato māṃsaṃ paścimāśāṃ jagāma ha || tatsamenāpi gṛdhreṇa tīkṣṇatuṃḍena tāḍitāt || 28 || tanmukhātprapatanmāṃsaṃ gomatīsiṃdhusaṃgame || tīrthaplute tasya māṃse vaiśyoyaṃ pātakī mahān||29|| teṣāṃ pāśānsvayaṃ chittvā bhūtvā devaścaturbhujaḥ || paśyatāṃ yamadūtānāṃ vimānamadhiruhya saḥ || 6.13.30 || virājayandiśaḥ sarvā paraṃdhāma hareryayau || 31 || gomatīsiṃdhusaṃgasya māhātmyaṃ śṛṇute naraḥ || sarvapāpavinirmukto viṣṇulokaṃ prayāti saḥ ||32|| iti śrīmadgargasahitāyāṃ śrīdvārakākhaṇḍe nāradabahulāśva saṃvāde prabhāsasarasvatībodhapippala gomatīsiṃdhusaṃgamamāhātmyanāma trayodaśo'dhyāyaḥ || 13 ||
English translation
The Significance of Prabhas, Saraswati, Bodhpippala and Gomati-Sindhu-Sangam
Shrinaradji says - Mahamate! Woe to you! Listen also to the greatness of Prabhas Tirtha, which is omnipresent, virtuous, and radiant. The king! Daily bathing in Prabhas Kshetra is a hundred times more virtuous than bathing and donating in Godavari when Jupiter is in Leo, Harakshetra (Hardwar) when Jupiter is in Kumbh, Kurukshetra during a solar eclipse, and Kashi during a lunar eclipse. When the curse of Daksha caused a disease called Rajakshema, the Lord of the Nakshatras, where the Moon was immediately freed from the curse by bathing, and his kalas emerged again, is the 'Prabhas Tirtha'. 1 - 4.
The king! In that tirth flows the most virtuous Vashchimavahini Saraswati. By bathing in their waters, even a sinful person becomes a true Brahman. O Lord! On the banks of Saraswati, there is a famous pilgrimage called 'Bodhpippal', where Lord Krishna preached the supreme welfare Bhagavata-Dharma to Udhava. The king! By formally worshipping and shaking the head of the Bodhpippala who touches it and listens to the Brahmasamitta Bhagavata Purana - the half-shloka or quarter-shloka of the Bhagavata while keeping the mind in moderation - the supreme position of Lord Vishnu falls into his hands, i.e., the attainment of the supreme position is assured for him. One who donates the Shrimad Bhagavata Purana with a golden throne on the full moon day of the month of Bhadrapada in Prabhas attains Paramagati. The land-dwelling humans who had nowhere or never heard the Srimad Bhagavata Purana were born in vain. Those who did not listen to the Bhagavata Purana, those who did not worship the Purana-purusha Paramatma, and those who did not offer the best food in the fire in the form of the Bhumi Devas-Brahmins, were born in vain. 5-11 | (Dwarkand Chapter 11 to 15)
Dwarakama is the king of all pilgrimages - the confluence of Gomati and Samudra, in which a person attains the purest Vaikuntha Dham by bathing. Bathing in the Gangasagara-Sangam-Tirtha reaps the rewards of a hundred Ashwamedha Yajnas. A thousand times more virtuousness is accessible by bathing in the Gomti-Sagar-Sangam. It is on this subject that the Puranas narrate this ancient history, by the mere hearing of which a person becomes free from sinful penance. 12-14 |
In the past, Hastinapur was inhabited by a noble Vaishya named Highwaypati. He was a great magnate and a treasure like Kubera. Later, he came to be associated with Vaishya prostitutes. He was considered very shrewd in the company of the Vitas (cunning and lascivious). He had a great passion for gambling. He was obsessed with greed, seduction, and alcohol. That great Vaishya was always lying and indulging in mischief. He never donated money to the cause of Brahmins, ancestors and gods. If he saw God's story being told from a distance, he would scream and get away faster. He never served his parents and never gave money to his sons. He was so stupid and mean that even though he was rich, he left his wife and lived separately from her. Living in the company of prostitutes destroyed half his wealth, half were stolen by thieves, and whatever little was left of the earth was automatically absorbed there; for with virtue Lakshmi grows, and with sin she is surely destroyed. 15-20 |
Thus, the great Vaishya, who had become addicted to prostitutes, became poor and began to work as a thief in the very beautiful city of Hastinapur. King Shantanu ruled there in those days. They tied the thief with ropes and drove him out of his country. While in the forest, he began to commit animal violence. It did not rain there for many years in those days. Then the Vaishya, suffering from famine, turned to the west. There, in a forest, a lion killed him with its claws. At the same time, the Yamadutas came and bound him in chains, hung him face down, and led him on the way to Yamlok, beating him with whips. Then a great dragon flew up into the sky with the flesh of his hand, and immediately devoured it with his beak. Other birds that did not get meat eagerly began to eat meat for themselves as well. In this way, birds such as eagles began to make a great noise there; yet the eagle did not let go of the flesh with its mouth. He kept flying and kept going in the west direction. There he was struck in the face by another gland as powerful as his own with his sharp beak. Then the flesh fell from his mouth into the Gomti-Sagar-Sangam. As soon as his flesh was immersed in that tirtha, he broke the chains of the great Vaishya Yamadutas and became a deity with four arms and ascended the divine plane, illuminating the directions of the messengers and went to the supreme abode of Sriharika. 21-31 | (Dwarkand Chapter 11 to 15)
A person who hears this greatness of the confluence of the Gomati Samudra goes to the world of Lord Vishnu, free from all sins. 32.
Thus was completed the thirteenth chapter in the Narada Bahulashva-Samvad under the Dwarka Khanda in the Srigarghasamhita, titled 'The Mahatmya of Prabhas, Saraswati, Bodhpippala and Gomati-Sindhu-Sangam'. 13.
Complete chapter-aligned witnesses. Sanskrit Wikisource page 16766, revision 152514 (2018-07-18T14:29:51Z). English was rendered from the complete Hindi chapter at https://www.mahakavya.com/dwarkakhand-chapter-11-to-15/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.