Vijñāna-khaṇḍa · Chapter 10
Sourceउग्रसेन उवाच - सिद्धोऽस्म्यनुगृहीतोऽस्मि त्वया श्रीकृष्णरूपिणा ॥ श्रीकृष्णपद्धतिः साक्षाच्छ्रुता वै विधिवन्मया ॥१॥ अहो लोका महामूढा लोभमोहमदान्विताः ॥ नाप्नुवंति हि वैराग्यं भजंति न हरिं क्वचित् ॥२॥ भगवन्नस्य जगतो मोहकारणमद्भुतम् ॥ कथं जातं वद विभो कथमेतन्निवर्तते ॥३॥ श्रीव्यास उवाच - यथांभसि प्राप्तमदो विधोः खत- स्तत्प्रेक्षते केवलमेव वेगतः ॥ तथा हि बिम्ब परमस्य मायया ममेत्यहं भावगते प्रवर्तते ॥४॥ प्रधानकालाशयदेहजैर्गुणैः कुर्वन्विकर्माणि जनो निबद्ध्यते ॥ काचेऽर्भकं सैकत एव जीवनं गुणे च सर्पं प्रतनोति सोऽक्षिभिः ॥५॥ राजन् जगन्मोहमयं रजोमयं तमोमयं सत्वमयं तथा क्वचित् ॥ मनोविलासं विकृतं च विभ्रमं विद्ध्याश्विदं लोलमलातचक्रवत् ॥६॥ इदं करिष्यामि करोम्यभूवं ममेदमस्तीति च वेदमाब्रुवन् ॥ अहं सुखी दुःखयुतः सुहृज्जनो लोकस्त्वहंकारविमोहितो मतः ॥७॥ उग्रसेन उवाच - वद मे कृपया ब्रह्मँल्लक्षणं परमात्मनः ॥ कतिधा कवयः कृष्णं वदंति जपवर्त्मनि ॥८॥ श्रीव्यास उवाच सनातनस्यात्र न मृत्युजन्मनी न शोकमोहौ न जरायुवादयः ॥ अहंमदो व्याधियुतो भयं सुखं शुचः क्षुधेच्छा न रतिर्न चाधयः ॥ ९॥ आत्मा निरीहो ह्यतनुः स सर्वगो नाहंकृतिः शुद्धबलो गुणाश्रयः ॥ स्वयं परो निष्फल आत्ममंगलो ज्ञानात्मको यो विदितो मुनीश्वरैः ॥१०॥ जागर्ति योऽस्मिञ्छयनं गते सति नायं जनो वेद स वेद तं हितम् ॥ पश्यन्तमाद्यं पुरुषं हि यं जनो न पश्यति स्वच्छमलं च तं भजे ॥११॥ यथा नभोऽग्निः पवनो न सज्जते घटे न काष्ठे न रजोभिरावृतः ॥ तथा पुमान्सर्वगुणैश्च निर्मलो वर्णैर्यथा स्यात्स्फटिकोपमोज्ज्वलः ॥१२॥ व्यंगेन वा लक्षणया च वाक्पथै- रर्थैः पदस्फोटपरायणैः परम् ॥ न ज्ञायते तद्गुणिनोत्तमेन स- द्वाच्यं ततो ब्रह्म कुतस्तु लौकिकैः ॥१३॥ वदन्ति केचिद्भुवि कर्मकर्तृ य- त्कालं च केचित्परमेव शोभनम् ॥ केचिद्विचारं प्रवदन्ति यच्च तद्- ब्रह्मेति वेदांतविदो वदन्ति हि ॥१४॥ यं न स्पृशंतीह गुणा न कालजा मायेन्द्रियं चित्तमनो न बुद्धयः ॥ महन्न वेदो वदतीति तत्परं विशन्ति सर्वेऽनलविस्फुलिंगवत् ॥१५॥ हिरण्यगर्भः परमात्मतत्त्वं यद्वासुदेवं प्रवदन्ति सन्तः ॥ विचार्य्य तद्देववरस्वरूपं विसृज्य मोहं विचरेदसङ्गः ॥१६॥ यथेन्दुरेको जलपात्रवृंदगो यथाग्निरेको विदितः समिच्चये ॥ तथा परात्मा भगवाननेकवि- दन्तर्बहिः स्यात्स्वकृतेषु देहिषु ॥१७॥ सूर्योदये नैशतमो विलीयते प्रदृश्यते वस्तु गृहे यथा जनैः ॥ ज्ञानोदये ज्ञानतमः प्रलीयते संप्राप्यते ब्रह्म परं तनौ तथा ॥१८॥ यथेन्द्रियाणां च पृथक्प्रवृत्तिभि- र्नानेव तेऽर्थोतिगुणाश्रयः परः ॥ एकं ह्यनंतस्य परस्य धाम त- त्तथा मुनीनां किल शास्त्रधर्मभिः ॥१९॥ साक्षाद्धरिर्यः पुरुषोत्तमोत्तमः श्रीकृष्णचन्द्रो निजभक्तवत्सलः ॥ कैवल्यनाथो नृगमुज्जहार तं पूर्णं स्वयं ब्रह्म परं नमाम्यहम् ॥२०॥ श्रीनारद उवाच - इत्युक्त्वा तमनुज्ञाप्य भगवान्बादरायणः ॥ पश्यतां यादवानां च तत्रैवांतरधीयत ॥२१॥ इदं मया ते कथितं हरिभक्तिविवर्द्धनम् ॥ विज्ञानखंडं विशदं श्रोतॄणां मोक्षदं स्मृतम् ॥२२॥ गर्गाचार्येण कथिता नाम्नेयं गर्गसंहिता ॥ सर्वदोषहरा पुण्या चतुर्वर्गफलप्रदा ॥२३॥ गोलोकवृंदावनयोर्गिरीश्वर- माधुर्ययोः श्रीमथुरापुरस्य च ॥ द्वारावतीविश्वजितोर्हलायुध- विज्ञानयोः खंडचयाः पृथङ् नव ॥२४॥ श्रीकृष्णमूर्तिः परमै रसैर्यथा यथा च भूमिर्भरतादिभिर्भृशम् ॥ तथा हि शश्वन्मुनिगर्गसंहिता विभाति खंडैर्नवभिर्नृपेश्वर ॥२५॥ यथा हि रत्नैर्नवभिर्विराजते देवांगुलौ तप्तसुवर्णमुद्रिका ॥ तथा चतुर्वर्गफलप्रदे विधौ सर्गैर्विसर्गैमुनिगर्गसंहिता ॥२६॥ नरेन्द्र शश्वन्मुनिसंहितां ये शृण्वन्ति भक्त्या हि जनाः पुनीताः ॥ इहैव सौख्यं परमाप्नुवंत- स्ततस्तु गोलोकपुरं प्रयांति ॥२७॥ कृत्वाथ पीताम्बरवन्दनं त्विमां शृणोति वंध्या बहुलालसा भृशम् ॥ हृस्वेन कालेन गृहांगणे शिशू- न्सञ्चारयन्ती विचरत्यहर्निशम् ॥२८॥ रोगी पुमान् रोगगणात्प्रमुच्यते भीतो भयाद्बंधगतश्च बंधनात् ॥ श्रुत्वा कथां निर्धन एति वैभवं मूर्खो भवेत्पंडित एव सत्वरम् ॥२९॥ यः कार्तिके मासि नृपः श्रिया युतः- शृणोति शश्वन्मुनिगर्गसंहिताम् ॥ स चक्रवर्ती भविता न संशयो नरेन्द्रहस्तोद्धृतचारुपादुकः ॥३०॥ मनोजवैः सिंधुतुरङ्गमैर्नवै- र्द्विपैश्च विंध्याचलसंभवैः परैः ॥ वैतालिकोद्गीतयशा महीतले निषेवितो वारवधूजनैः सह ॥३१॥ सुवर्णशृङ्गं वरताम्रपृष्ठं सभूषणं रौप्यखुरं सवत्सम् ॥ ददाति खंडं प्रति गोद्वयं यः प्राप्नोति सर्वं हि मनोरथं सः ॥३२॥ निष्कारणोऽसौ शृणुते विदेहराट् सर्वामिमां वै मुनिगर्गसंहिताम् ॥ हृत्पुण्डरीके वसतेऽस्य सर्वदा श्रीकृष्णचंद्रो निजभक्तवत्सलः ॥३३॥ श्रीगर्ग उवाच - इत्युक्त्वा तमनुज्ञाप्य नारदो देवदर्शनः ॥ सर्वेषां पश्यतां ब्रह्मन्नंबरं गतवान्मुनिः ॥३४॥ बहुलाश्वो महाराजः श्रीकृष्णे लग्नमानसः ॥ सर्वतस्तु कृतार्थोऽभूच्छ्रुत्वेमां संहितां हरेः ॥३५॥ तव पश्नोपरि ब्रह्मन्कथिता संहिता मया ॥ श्रुता वा पठिता कैश्चित्कोटियज्ञफलप्रदा ॥३६॥ श्रीशौनक उवाच - धन्योऽहं च कृतार्थोऽहं त्वत्संगेन महामुने ॥ प्राप्नोमि परमां भक्तिं श्रीकृष्णप्रेमवर्द्धिनीम् ॥३७॥ विशदहृदि मुनीनां मानसे राजहंसः सकलसुखविराजन्नादमाधुर्य्यवंशः ॥ जगति विकलदंशः शूरवंशावतंसः करबलहतकंसः पातु वः सत्प्रशंसः ॥३८॥ इत्युक्त्वा तान्मुनीन्सर्वान् गर्गाचार्यो महामुनिः ॥ अनुज्ञाप्य प्रसन्नात्मा गंतुमभ्युद्यतोऽभवत् ॥३९॥ नवसर्गविसर्गाढ्यां स्वर्गभृद्गर्गसंहिताम् ॥ चतुर्वर्गप्रदामुक्त्वा गर्गो गर्गाचलं ययौ ॥४०॥ शरद्विकचपंकजश्रियमतीव विद्वेषकं मिलिंदमुनिलेढितं कुलिशकञ्जचिह्नावृतम् ॥ स्फुरत्कनकनूपुरं दलितभक्ततापत्रयं चलद्द्युतिपदद्वयं हृदि दधामि राधापतेः ॥४१॥
ugrasena uvāca - siddho'smyanugṛhīto'smi tvayā śrīkṛṣṇarūpiṇā || śrīkṛṣṇapaddhatiḥ sākṣācchrutā vai vidhivanmayā ||1|| aho lokā mahāmūḍhā lobhamohamadānvitāḥ || nāpnuvaṃti hi vairāgyaṃ bhajaṃti na hariṃ kvacit ||2|| bhagavannasya jagato mohakāraṇamadbhutam || kathaṃ jātaṃ vada vibho kathametannivartate ||3|| śrīvyāsa uvāca - yathāṃbhasi prāptamado vidhoḥ khata- statprekṣate kevalameva vegataḥ || tathā hi bimba paramasya māyayā mametyahaṃ bhāvagate pravartate ||4|| pradhānakālāśayadehajairguṇaiḥ kurvanvikarmāṇi jano nibaddhyate || kāce'rbhakaṃ saikata eva jīvanaṃ guṇe ca sarpaṃ pratanoti so'kṣibhiḥ ||5|| rājan jaganmohamayaṃ rajomayaṃ tamomayaṃ satvamayaṃ tathā kvacit || manovilāsaṃ vikṛtaṃ ca vibhramaṃ viddhyāśvidaṃ lolamalātacakravat ||6|| idaṃ kariṣyāmi karomyabhūvaṃ mamedamastīti ca vedamābruvan || ahaṃ sukhī duḥkhayutaḥ suhṛjjano lokastvahaṃkāravimohito mataḥ ||7|| ugrasena uvāca - vada me kṛpayā brahma~llakṣaṇaṃ paramātmanaḥ || katidhā kavayaḥ kṛṣṇaṃ vadaṃti japavartmani ||8|| śrīvyāsa uvāca sanātanasyātra na mṛtyujanmanī na śokamohau na jarāyuvādayaḥ || ahaṃmado vyādhiyuto bhayaṃ sukhaṃ śucaḥ kṣudhecchā na ratirna cādhayaḥ || 9|| ātmā nirīho hyatanuḥ sa sarvago nāhaṃkṛtiḥ śuddhabalo guṇāśrayaḥ || svayaṃ paro niṣphala ātmamaṃgalo jñānātmako yo vidito munīśvaraiḥ ||10|| jāgarti yo'smiñchayanaṃ gate sati nāyaṃ jano veda sa veda taṃ hitam || paśyantamādyaṃ puruṣaṃ hi yaṃ jano na paśyati svacchamalaṃ ca taṃ bhaje ||11|| yathā nabho'gniḥ pavano na sajjate ghaṭe na kāṣṭhe na rajobhirāvṛtaḥ || tathā pumānsarvaguṇaiśca nirmalo varṇairyathā syātsphaṭikopamojjvalaḥ ||12|| vyaṃgena vā lakṣaṇayā ca vākpathai- rarthaiḥ padasphoṭaparāyaṇaiḥ param || na jñāyate tadguṇinottamena sa- dvācyaṃ tato brahma kutastu laukikaiḥ ||13|| vadanti kecidbhuvi karmakartṛ ya- tkālaṃ ca kecitparameva śobhanam || kecidvicāraṃ pravadanti yacca tad- brahmeti vedāṃtavido vadanti hi ||14|| yaṃ na spṛśaṃtīha guṇā na kālajā māyendriyaṃ cittamano na buddhayaḥ || mahanna vedo vadatīti tatparaṃ viśanti sarve'nalavisphuliṃgavat ||15|| hiraṇyagarbhaḥ paramātmatattvaṃ yadvāsudevaṃ pravadanti santaḥ || vicāryya taddevavarasvarūpaṃ visṛjya mohaṃ vicaredasaṅgaḥ ||16|| yathendureko jalapātravṛṃdago yathāgnireko viditaḥ samiccaye || tathā parātmā bhagavānanekavi- dantarbahiḥ syātsvakṛteṣu dehiṣu ||17|| sūryodaye naiśatamo vilīyate pradṛśyate vastu gṛhe yathā janaiḥ || jñānodaye jñānatamaḥ pralīyate saṃprāpyate brahma paraṃ tanau tathā ||18|| yathendriyāṇāṃ ca pṛthakpravṛttibhi- rnāneva te'rthotiguṇāśrayaḥ paraḥ || ekaṃ hyanaṃtasya parasya dhāma ta- ttathā munīnāṃ kila śāstradharmabhiḥ ||19|| sākṣāddhariryaḥ puruṣottamottamaḥ śrīkṛṣṇacandro nijabhaktavatsalaḥ || kaivalyanātho nṛgamujjahāra taṃ pūrṇaṃ svayaṃ brahma paraṃ namāmyaham ||20|| śrīnārada uvāca - ityuktvā tamanujñāpya bhagavānbādarāyaṇaḥ || paśyatāṃ yādavānāṃ ca tatraivāṃtaradhīyata ||21|| idaṃ mayā te kathitaṃ haribhaktivivarddhanam || vijñānakhaṃḍaṃ viśadaṃ śrotṝṇāṃ mokṣadaṃ smṛtam ||22|| gargācāryeṇa kathitā nāmneyaṃ gargasaṃhitā || sarvadoṣaharā puṇyā caturvargaphalapradā ||23|| golokavṛṃdāvanayorgirīśvara- mādhuryayoḥ śrīmathurāpurasya ca || dvārāvatīviśvajitorhalāyudha- vijñānayoḥ khaṃḍacayāḥ pṛthaṅ nava ||24|| śrīkṛṣṇamūrtiḥ paramai rasairyathā yathā ca bhūmirbharatādibhirbhṛśam || tathā hi śaśvanmunigargasaṃhitā vibhāti khaṃḍairnavabhirnṛpeśvara ||25|| yathā hi ratnairnavabhirvirājate devāṃgulau taptasuvarṇamudrikā || tathā caturvargaphalaprade vidhau sargairvisargaimunigargasaṃhitā ||26|| narendra śaśvanmunisaṃhitāṃ ye śṛṇvanti bhaktyā hi janāḥ punītāḥ || ihaiva saukhyaṃ paramāpnuvaṃta- statastu golokapuraṃ prayāṃti ||27|| kṛtvātha pītāmbaravandanaṃ tvimāṃ śṛṇoti vaṃdhyā bahulālasā bhṛśam || hṛsvena kālena gṛhāṃgaṇe śiśū- nsañcārayantī vicaratyaharniśam ||28|| rogī pumān rogagaṇātpramucyate bhīto bhayādbaṃdhagataśca baṃdhanāt || śrutvā kathāṃ nirdhana eti vaibhavaṃ mūrkho bhavetpaṃḍita eva satvaram ||29|| yaḥ kārtike māsi nṛpaḥ śriyā yutaḥ- śṛṇoti śaśvanmunigargasaṃhitām || sa cakravartī bhavitā na saṃśayo narendrahastoddhṛtacārupādukaḥ ||30|| manojavaiḥ siṃdhuturaṅgamairnavai- rdvipaiśca viṃdhyācalasaṃbhavaiḥ paraiḥ || vaitālikodgītayaśā mahītale niṣevito vāravadhūjanaiḥ saha ||31|| suvarṇaśṛṅgaṃ varatāmrapṛṣṭhaṃ sabhūṣaṇaṃ raupyakhuraṃ savatsam || dadāti khaṃḍaṃ prati godvayaṃ yaḥ prāpnoti sarvaṃ hi manorathaṃ saḥ ||32|| niṣkāraṇo'sau śṛṇute videharāṭ sarvāmimāṃ vai munigargasaṃhitām || hṛtpuṇḍarīke vasate'sya sarvadā śrīkṛṣṇacaṃdro nijabhaktavatsalaḥ ||33|| śrīgarga uvāca - ityuktvā tamanujñāpya nārado devadarśanaḥ || sarveṣāṃ paśyatāṃ brahmannaṃbaraṃ gatavānmuniḥ ||34|| bahulāśvo mahārājaḥ śrīkṛṣṇe lagnamānasaḥ || sarvatastu kṛtārtho'bhūcchrutvemāṃ saṃhitāṃ hareḥ ||35|| tava paśnopari brahmankathitā saṃhitā mayā || śrutā vā paṭhitā kaiścitkoṭiyajñaphalapradā ||36|| śrīśaunaka uvāca - dhanyo'haṃ ca kṛtārtho'haṃ tvatsaṃgena mahāmune || prāpnomi paramāṃ bhaktiṃ śrīkṛṣṇapremavarddhinīm ||37|| viśadahṛdi munīnāṃ mānase rājahaṃsaḥ sakalasukhavirājannādamādhuryyavaṃśaḥ || jagati vikaladaṃśaḥ śūravaṃśāvataṃsaḥ karabalahatakaṃsaḥ pātu vaḥ satpraśaṃsaḥ ||38|| ityuktvā tānmunīnsarvān gargācāryo mahāmuniḥ || anujñāpya prasannātmā gaṃtumabhyudyato'bhavat ||39|| navasargavisargāḍhyāṃ svargabhṛdgargasaṃhitām || caturvargapradāmuktvā gargo gargācalaṃ yayau ||40|| śaradvikacapaṃkajaśriyamatīva vidveṣakaṃ miliṃdamunileḍhitaṃ kuliśakañjacihnāvṛtam || sphuratkanakanūpuraṃ dalitabhaktatāpatrayaṃ caladdyutipadadvayaṃ hṛdi dadhāmi rādhāpateḥ ||41||
English translation
Appearance of the Divine
King Ugrasena said - You are the embodiment of Lord Shri Krishna. You have been very kind to me. I heard in detail the way Lord Krishna is worshipped directly from your face. It made me have a successful life. Ahhh! There is a lot of foolishness in the creatures. They have become addicted to greed, seduction, and intoxicants. This does not displease them, nor do they ever worship God. Oh my god. This mystic power of the universe is very wonderful. O Lord! Please explain how this infatuation came about and how it will be resolved. 1-3.
Srivyasji said - Just as many moons are visible in water, they are visible with the fickle speed of water, but in reality they are nothing but mere reflections, just as this illusion is spread as a reflection of the Supreme Lord. Under its influence, the world comes into being when a sense of 'me and I' is created. Virtues originate from Maya, time, conscience, and the body. Humans are bound by these to do the opposite. It is the effect of the senses that the child begins to feel in the mirror, the water in the sand, and the snake in the rope. The king! This world is a fascinating one. It is encoded as Rajoguna and Tamoguna. Sometimes, the virtue of sattva also appears. It is the luxury of the bead, the mere malice, and the illusion of illusion. It changes very quickly, just like the alatacra - know it this way. 'I've done it, done it and will do it; it's mine, it's yours; I'm happy, I'm sad; people are going to love me for no reason '- this is how man keeps saying. I am of the opinion that man has lost his intellect because of ego. 4 - 7. (Shri VigyanKhand Chapter 6 to 10)
Srivyasji said - Sanatana Prabhu is devoid of birth and death. Grief and infatuation do not wash over them either. There is no difference between puberty and old age. The ego - substance, sorrow, pleasure, fear, disease, hunger, thirst, lust, lust, and mental illness - they are indivisible. The soul that the sages have identified is harmless, without a body, has motion everywhere, is devoid of ego, pure strength, possesses all qualities, is transcendent in itself, pure and self-manifest, and is the embodiment of knowledge. That soul remains awake even when this world goes to sleep. This carnal man does not know Him, but He knows all. That is the primordial person. He sees everyone; but this creature cannot see him. I worship that pure and unadulterated soul. 9-11 |
Just as the air does not permeate the heavens through dust and fire through wood, and the pure crystal does not undergo any distortion through colours, it is not imbued with the qualities of the eternal Purusha. He is not the subject of knowledge by the literal sign, the consonant, the rhetorical connotations, the expressive words, and even the best qualities from the word 'Sat'; then how can a worldly being know him? How many people on earth call it 'karta', 'karma', 'kala', 'supreme beauty', and 'vichara'. But the Vedantists call him simply 'Brahman'. That Supreme Brahman is not touched by the qualities that arise from time. Maya, the senses, the mind, the mind, the intellect, and even the essence cannot receive it, the Veda cannot describe it, and like a spark in the fire, all beings merge with it. The same God is the Supreme Being. The saints, who are called Hiranyagarbha, Paramatmattva, and Lord Vasudeva, wandered unattached, disillusioned, contemplating the nature of the supreme deity. 12-16 |
Just as the same moon appears differently in many water vessels and the same fire is present in the infinite woods, so the same Supreme Lord God is residing inside and outside the various beings He has created. Just as the darkness of night is destroyed at sunrise and household objects begin to be visible to humans, so the darkness of ignorance escapes with the advent of knowledge. Then it is in the body that man attains Brahman. Just as the tendencies of the senses are different, and their differences lead to different interpretations of the qualities in the same subject, so is the radiant form of the infinite Supreme Lord God, while the scriptures of the sages are numerous, due to which they are described with distinction. I bow to the Supreme Personality of Godhead, Sri Krishna Chandra, who is the true Srihari, who has become the nature of showing grace to his devotees, who is Kaivalyanatha, and who has redeemed King Nruga, the Supreme Personality of Godhead. 17-20 | (Shri VigyanKhand Chapter 6 to 10)
Thus, says Shrinaradji, Lord Vedavyasa accepted King Ugrasena's departure. He then disappeared there in the sight of all the Yadavas. I have narrated to you this' science section 'that promotes devotion to Lord Srihari. It has been described in detail. It has been said to provide salvation to the listeners. It is described by Gargacharya. Hence the fame of this text with the name Gargasamhita. This Samhita is the one who defeats all defects, the one who is most holy, and bestows all four types of pleasures. It is (so far) described in nine volumes - Goloka, Vrindavan, Giriraj, Madhurya, Mathura, Dwarka, Vishwajit, Balabhadra and Vijnana. Your Majesty! Just as the idol of Lord Krishna is adorned with nine excellent Rasas and the earth has been extremely adorned for nine years like India, this' Garga Samhita ', enshrined through these nine Khandas, continues to shine. Just as the golden seal on Lord Krishna's fingers is adorned with nine jewels, this Garga Samhita, in the form of a four-fold offering, is adorned with nine limbs, such as the Sarga and the Visarga. Your Majesty! Men who devoutly listen to the Munipranita Garga Samhita continuously find abundant bliss in the world and finally leave for Golokdham. If the Vandhya woman, also endowed with an ardent longing for many sons, listens to this Samhita by worshipping Pitambardhara Lord Krishna, she soon begins to move around the courtyard of her house, constantly accompanying many children. Hearing this story, the sick man is freed from diseases, the frightened man from fear, and the bound man from bondage. The poor person gets a lot of wealth and the fool can become a pundit right away. The wealthy king who listens to the 'Gargasamhita' recited by Munipranita in the month of Kartik will undoubtedly become the Chakravarti king and the great kings will hold his feet. He will be endowed with fast-moving Indus-dwelling horses like the bead chariot and huge elephants originating from the Vindhyagiri. Vaitalik and others will praise him and the bridegroom will serve him. Whoever has gold horns, copper backs, silver hooves, and is adorned with ornaments, after listening to each section, donates two such cows, all his desires are fulfilled. Janakji! If he listens to the entire 'Garga Samhita' with unwavering devotion, then the devotee, Lord Krishna, takes eternal residence on his heart's lotus. 21-33 |
Srigarghji said, "Brahman! Having said this, the visionary Lord Narada Muni took permission from King Bahulasva and ascended into the sky, watching everyone. Then King Bahulashvana, listening to this code of Lord Srihariki, considered himself a virtuous deed, devoted to Lord Krishna. O Brahman! I have stated this code when you ask me a question. It is the fruit of millions of sacrifices, whether heard or recited by others. 34-36 | (Shri VigyanKhand Chapter 6 to 10)
Srishankaji said, "Munivar! I was blessed and grateful to have you by my side. At the same time, I also received this supreme devotion that increases love for Lord Krishna. May Lord Krishna, the slayer of Kansa, protect you with his armour, who is the swan wandering in the form of the great heart of sages, whose flute is full of joy, whose art is spread throughout the world, who has incarnated in the lineage of Shurasena, and whom the saintly men have sung the praises of. Thus Munivar Gargacharya blessed all the sages. At the same time, they asked him for permission and agreed to leave. Gargaji then proceeded to Gargachal, presenting the "Garga-Samhita," consisting of nine limbs such as the Sarga-Visarga, which is heaven-giving and skilled in giving all four substances. I place in my heart the twin lotuses of Lord Sriradhapathi, which are becoming extremely detestable due to the adornment of the developed lotuses of the autumn season, the sage-like illusions that they consume constantly, which are covered with the symbols of Vajra and lotus, on which golden spikes are shining, which have always relieved the heat of the devotees and whose divine light is radiating. 37-40 |
Thus was completed the tenth chapter in the Narada Bahulashva-Samvadam under the Srivijana Khanda in the Srigarghasamhita, titled "The Apparition of the Supreme Being." 10.
[Nine volumes of the Srigargha Samhita were completed. Maharshi Gargacharya will resume the story and narrate the Ashvamedha Khanda to narrate the 'Ashvamedha' as it remained. Then the Gargasamhita will be completed. ]
Complete chapter-aligned witnesses. Sanskrit Wikisource page 24643, revision 92795 (2016-11-29T13:03:27Z). English was rendered from the complete Hindi chapter at https://www.mahakavya.com/shri-vigyankhand-chapter-6-to-10/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.