Viśvajit-khaṇḍa · Chapter 26
Sourceश्रीनारद उवाच - अथ कार्ष्णिं परान्देशान्दिव्यद्रुमलताकुलान् ॥ सहस्रपत्रवद्भिश्च सरोभिः शोभितान् ययौ ॥१॥ अक्षौहीणीशतयुतः प्रद्युम्नश्चण्डविक्रमः ॥ यक्षैर्दिष्टेन मार्गेण खण्डं किंपुरुषं ययौ ॥२॥ रंगवल्लीपुरं यत्र हेमकूटगिरेरधः ॥ तस्य किंपुरुषा उचुः शंबरारेश्च शृण्वतः ॥३॥ किंपुरुषा ऊचुः - अहोऽतिधन्या मथुरापुरी वरा बभूव यस्यां परमेश्वरो हरिः ॥ अहोऽतिधन्यं सततं यदोः कुलं जातो हि यस्मिन्नखिलांडपालकः ॥४॥ धन्यं च तच्छूरसुतस्य मन्दिरं गोलोकनाथेन मनोहरं कृतम् ॥ धन्यं परं माथुरमंडलं सुरैः सुदुर्लभं यत्र चचार माधवः ॥५॥ महावनं धन्यतमं मनोहरं पितुर्गृहाद्यत्र गतो हरिः शिशुः ॥ चचार कृष्णः शिशुना बलेन हि यशोदया दुग्धमुखः सुलालितः ॥६॥ वृंदावनं पुण्यतमं परात्पर- श्रीकृष्णपादांबुजरेणुराजितम् ॥ गाः पालयन् यत्र चचार बलो गोपालबालैः सबलः स्वयं हरिः ॥७॥ यो दानलीलां किल मानलीलां श्रीरासलीलां व्रजसुन्दरीभिः ॥ वृन्दावने यत्र चचार कृष्णो यस्यापि गायन्ति यशस्त्रिलोकाः ॥८॥ अहोऽतिधन्या वृषभानुनंदिनी लीलावती सा निजलोकशालिनी ॥ चचार कृष्णेन कलिन्दनन्दिनी- तटे मिलिन्दध्वनिसंकुले वने ॥९॥ अहोऽतिधन्याऽस्ति कलिन्दनंदिनी श्रीकृष्णवामांससमुद्भवा या ॥ तटे मिलिन्दध्वनिसंकुले वटे तत्स्पर्शनाद्याति नरः कृतार्थताम् ॥१०॥ समुद्भवो यो हरिवक्षसो गिरि- र्गोवर्द्धनो नाम गिरींद्रराजराट् ॥ विराजते स व्रजमंडले परो यद्दर्शनाञ्जन्म पुनर्न विद्यते ॥११॥ अहोऽतिधन्या यदुमण्डलीभि- र्विराजते भूमितले मनोहरा ॥ वैकुण्ठलीलाधिकृता कुशस्थली यथा तडिद्भिर्जलदावलिर्दिवि ॥१२॥ यत्रैव साक्षात्पुरुषः परेश्वरो धृत्वा चतुर्व्यूहमलं विराजते ॥ यस्तूग्रसेनाय ददौ नृपेशतां कृष्णाय तस्मै हरये नमो नमः ॥१३॥ प्रणोदितस्तेन नृपेण धीमता जगद्विजेतुं मकरध्वजो महान् ॥ कृत्वाथ तद्दर्शनमद्य दुर्लभं वयं कृतार्था हि भवेम सर्वतः ॥१४॥ श्रीनारद उवाच - इत्थं हरिर्नृपयशो विशदैश्चरित्रै- रुद्यत्त्रिलोकमलं विशदीचकार ॥ पूर्णेंदुरश्मिमिलितैस्तरलैः स्फुरद्भिः प्रोद्यद्भिरुद्गज इवामलसिंधुदुग्धम् ॥१५॥ इत्थं यशः स्वममलं नृप शंबरारिः श्रुत्वातिहर्षिततनुः प्रददौ धनानि ॥ केयुरहारनवरत्नमनोहराणि तेभ्यः किरीटमणिकुण्डलकंकणानि ॥१६॥ रङ्गवल्लीपुराधीशः सुबाहुश्चन्द्रवंशजः ॥ नत्वा बलिं ददौ सोऽपि प्रद्युम्नाय महात्मने ॥१७॥ तस्मै प्रसन्नो भगवान् प्रद्युम्नो मीनकेतनः ॥ दत्वा चूडामणिं दिव्यं पप्रच्छेदं महामनाः ॥१८॥ श्रीप्रद्युम्न उवाच - रङ्गवल्लीपुरस्यापि नाम केन प्रकाशितम् ॥ एतद्ब्रूहि सुबाहो मे श्रुतं पूर्वं त्वया किल ॥१९॥ सुबाहुरुवाच - देवासुरैः पुरा राजन्मथितः क्षीरसागरः ॥ विनिर्गतानि मथनाद्रत्नानि च चतुर्दश ॥२०॥ निःसृतं कलशं तस्मात्सुधापूर्णं मनोहरम् ॥ तं ददर्श हरिः साक्षान्नेत्राभ्यां पुष्करेक्षणः ॥२१॥ तन्नेत्रहर्षबिन्दुश्च कलशे निपपात ह ॥ तस्माद्वृक्षः समुद्भुतस्तुलसीति प्रकथ्यते ॥२२॥ रङ्गवल्लीति तन्नाम चकार मधुसूदनः ॥ अत्र किंपुरुषे खंडे हेमकूटगिरेरधः ॥२३॥ तस्याश्च रङ्गवल्याः कौ स्थापनां स चकार ह ॥ रङ्गवल्लीमहावृक्षः सदात्रैव विराजते ॥२४॥ तन्नाम्ना प्रसिद्धमभूद्रंगवल्लीपुरं त्विदम् ॥ अत्र नित्यं हि हनुमानार्ष्टिषेणेन रागिणा ॥२५॥ दर्शनार्थं समायाति महात्मा रामपूजकः ॥ श्रीनारद उवाच - इति श्रुत्वा शम्बरारी रङ्गवल्लीं मनोहरम् ॥२६॥ दृष्ट्वा प्रदक्षिणीकृत्य देशानन्याञ्जगाम ह ॥ हेमकूटतटीभूतं वनं प्राप्तं भयङ्करम् ॥२७॥ झिल्लीझंकारसंयुक्तं सिंहचित्रकनादितम् ॥ वन्यैः करींद्रैः संयुक्तं शिवोलूकरुतावृतम् ॥२८॥ कीचकाश्वत्थमन्दार-वटभूर्जसमाकुलम् ॥ कृष्णाहरीतकीवल्ली-बदरैः सघनं वनम् ॥२९॥ तस्माद्विनिर्गतः सर्पो दशयोजनलंबितः ॥ अग्रसद्गजवृंदानि फूत्कारं कारयन्मुहुः ॥३०॥ हाहाकारे तदा जाते सेनायां मैथिलेश्वर ॥ प्रचंडगरलैर्वातैर्भस्मीभूते दिशांतरे ॥३१॥ भानुः सुभानुः स्वर्भानुः प्रभानुर्भानुमांस्तथा ॥ चंद्रभानुर्बृहद्भानुरतिभानुस्तथाऽष्टमः ॥३२॥ श्रीभानुः प्रतिभानुश्च सत्यभामात्मजा दश ॥ एते जघ्नुः शरैस्तीक्ष्णैः सर्पं रौद्रं मदोत्कटम् ॥३३॥ बाणैः संभिन्नसर्वांगः पतितो धरणीतले ॥ सर्परूपं विहायाशु गंधर्वोऽभूत्स्फुरद्द्युति ॥३४॥ नत्वा श्रीकृष्णपुत्रांस्तान् द्योतयन् मंडलं दिशाम् ॥ पुष्पैर्वर्षत्सु देवेषु विमानेन दिवं ययौ ॥३५॥ बहुलाश्व उवाच - गंधर्वोऽयं तु कः पूर्वं केन पापेन सर्पताम् ॥ प्राप्तः कथं वद मुने त्वं परावरवित्तमः ॥३६॥ श्रीनारद उवाच - आर्ष्टिषेणस्य यो भ्राता सुमतिर्नाम सुन्दरः ॥ रामायणं हनुमता पठितुं स समागतः ॥३७॥ हेमकूटे हनुमतः कुर्वतो रामसेवनम् ॥ प्रातःकालात्समारभ्य घटिकाश्च चतुर्दश ॥३८॥ सलक्ष्मणं रामचंद्रं ध्यायतो जानकीपतिम् ॥ फूत्कारैः सर्पवत्तस्य ध्यानभंगं चकार ह ॥३९॥ तदा क्रुद्धो महावीरो हनुमान् वानरेश्वरः ॥ शापं ददौ सुमतये त्वं सर्पो भव दुर्मते ॥ ४०॥ तदैव तस्य चरणौ नत्वा प्राह कृतांजलिः ॥ हे देव पाहि पाहीति दीनं मां शरणं गतम् ॥४१॥ अथ प्रसन्नो भगवान्सुमतिं प्राह धर्मवित् ॥ द्वापारांते शरैस्तीक्ष्णैर्हरिपुत्रधनुश्च्युतैः ॥ भिन्नदेहः स्वां प्रकृतिं यास्यसि त्वं न संशयः ॥४२॥ गंधर्वः सुमतिर्नाम विमुक्तोऽभूद्विदेहराट् ॥ सतां शापोऽपि वरवद्वरो मोक्षार्थदः किमु ॥४३॥ अथ कार्ष्णिर्महाबाहुश्चैत्रदेशान्मनोहरान् ॥ वसन्तमाधवीवृंदैः शोभीतान्स जगाम ह ॥४४॥ सहस्रदलपद्मानां षट्पदध्वनिशालिनाम् ॥ पतन्ति रेणवो यत्र सरःस्वाबीरचूर्णवत् ॥४५॥ एलालवंगलतिका क्षुण्णाः सैन्याङ्घ्रिभिः पथि ॥ तेन भृङ्गावली रेजे करिकर्णप्रताडिता ॥४६॥ यत्र वै पुरुषा राजन्नागायुतसमा बले ॥ वलीपलितदौर्गंध्यस्वेदक्लमविवर्जिताः ॥४७॥ त्रेतायुगसमाः कालो वर्तते यत्र नित्यशः ॥ आयुश्चायुतवर्षाणां दिव्यौषधिनदीगुणैः ॥४८॥ पीयूषतुल्यं तोयं च हेमभूमिर्विराजते ॥ मुक्ताविद्रुमवैडूर्य-रत्नोत्पत्तिश्च यत्र वै ॥४९॥ सुंदर्यः प्रमदा रामा नित्ययौवनभूषिताः ॥ स्फुरंत्युपवनेष्वारात्सौदामिन्यो घनेष्विव ॥५०॥ यत्र वै नगरी रम्या वसंततिलका शुभा ॥ शृङ्गारतिलको नाम राजा यत्र महाबलः ॥५१॥ जैत्रान् वीरान् समाहूय गजमारुह्य दंशितः ॥ योद्धुं विनिर्ययौ यश्च प्रद्युम्नस्यापि संमुखे ॥५२॥ सांबः सुमित्रः पुरुजिच्छतजिच्च सहस्रजित् ॥ विजयश्चित्रकेतुश्च वसुमान्द्रविडः क्रतुः ॥५३॥ जांबवत्याः सुता ह्येते चक्रुर्नाराचदुर्दिनम् ॥ पलायितेषु चैतेषु बाणैर्भिन्नेषु मैथिल ॥५४॥ बाणांधकारे संजाते महान्कोलाहलो ह्यभूत् ॥ तदा शृङ्गारतिलको गजारूढो महाबलः ॥५५॥ त्रिशूलेन तद साम्बं हृदि विव्याध रोषतः । अन्यान्संपातयामास शरैः कोदंडनिर्गतैः ॥५६॥ एकाकी विचरन् युद्धे वने वैश्वानरो यथा ॥ तदा गदः समागत्य तद्गजं सुमदोत्कटम् ॥५७॥ शुंडादंडे संगृहीत्वा पातयामास भूतले ॥ दूरे प्रपतितः शीघ्रं शृङ्गारतिलको नृपः ॥५८॥ सद्यो भयातुरो भूत्वा युद्धे बद्धांजलिः स्वतः ॥ तुरंगाणामर्बुदं च रथानां लक्षमेव च ॥५९॥ गजानामयुतं राजा प्रद्युम्नाय बलिं ददौ ॥ इत्थं किंपुरुषं खंडं जित्वा कार्ष्णिर्महाबलः ॥६०॥ निषाददर्शितैर्मार्गैर्हरिवर्षं ततो ययौ ॥६१॥
śrīnārada uvāca - atha kārṣṇiṃ parāndeśāndivyadrumalatākulān || sahasrapatravadbhiśca sarobhiḥ śobhitān yayau ||1|| akṣauhīṇīśatayutaḥ pradyumnaścaṇḍavikramaḥ || yakṣairdiṣṭena mārgeṇa khaṇḍaṃ kiṃpuruṣaṃ yayau ||2|| raṃgavallīpuraṃ yatra hemakūṭagireradhaḥ || tasya kiṃpuruṣā ucuḥ śaṃbarāreśca śṛṇvataḥ ||3|| kiṃpuruṣā ūcuḥ - aho'tidhanyā mathurāpurī varā babhūva yasyāṃ parameśvaro hariḥ || aho'tidhanyaṃ satataṃ yadoḥ kulaṃ jāto hi yasminnakhilāṃḍapālakaḥ ||4|| dhanyaṃ ca tacchūrasutasya mandiraṃ golokanāthena manoharaṃ kṛtam || dhanyaṃ paraṃ māthuramaṃḍalaṃ suraiḥ sudurlabhaṃ yatra cacāra mādhavaḥ ||5|| mahāvanaṃ dhanyatamaṃ manoharaṃ piturgṛhādyatra gato hariḥ śiśuḥ || cacāra kṛṣṇaḥ śiśunā balena hi yaśodayā dugdhamukhaḥ sulālitaḥ ||6|| vṛṃdāvanaṃ puṇyatamaṃ parātpara- śrīkṛṣṇapādāṃbujareṇurājitam || gāḥ pālayan yatra cacāra balo gopālabālaiḥ sabalaḥ svayaṃ hariḥ ||7|| yo dānalīlāṃ kila mānalīlāṃ śrīrāsalīlāṃ vrajasundarībhiḥ || vṛndāvane yatra cacāra kṛṣṇo yasyāpi gāyanti yaśastrilokāḥ ||8|| aho'tidhanyā vṛṣabhānunaṃdinī līlāvatī sā nijalokaśālinī || cacāra kṛṣṇena kalindanandinī- taṭe milindadhvanisaṃkule vane ||9|| aho'tidhanyā'sti kalindanaṃdinī śrīkṛṣṇavāmāṃsasamudbhavā yā || taṭe milindadhvanisaṃkule vaṭe tatsparśanādyāti naraḥ kṛtārthatām ||10|| samudbhavo yo harivakṣaso giri- rgovarddhano nāma girīṃdrarājarāṭ || virājate sa vrajamaṃḍale paro yaddarśanāñjanma punarna vidyate ||11|| aho'tidhanyā yadumaṇḍalībhi- rvirājate bhūmitale manoharā || vaikuṇṭhalīlādhikṛtā kuśasthalī yathā taḍidbhirjaladāvalirdivi ||12|| yatraiva sākṣātpuruṣaḥ pareśvaro dhṛtvā caturvyūhamalaṃ virājate || yastūgrasenāya dadau nṛpeśatāṃ kṛṣṇāya tasmai haraye namo namaḥ ||13|| praṇoditastena nṛpeṇa dhīmatā jagadvijetuṃ makaradhvajo mahān || kṛtvātha taddarśanamadya durlabhaṃ vayaṃ kṛtārthā hi bhavema sarvataḥ ||14|| śrīnārada uvāca - itthaṃ harirnṛpayaśo viśadaiścaritrai- rudyattrilokamalaṃ viśadīcakāra || pūrṇeṃduraśmimilitaistaralaiḥ sphuradbhiḥ prodyadbhirudgaja ivāmalasiṃdhudugdham ||15|| itthaṃ yaśaḥ svamamalaṃ nṛpa śaṃbarāriḥ śrutvātiharṣitatanuḥ pradadau dhanāni || keyurahāranavaratnamanoharāṇi tebhyaḥ kirīṭamaṇikuṇḍalakaṃkaṇāni ||16|| raṅgavallīpurādhīśaḥ subāhuścandravaṃśajaḥ || natvā baliṃ dadau so'pi pradyumnāya mahātmane ||17|| tasmai prasanno bhagavān pradyumno mīnaketanaḥ || datvā cūḍāmaṇiṃ divyaṃ papracchedaṃ mahāmanāḥ ||18|| śrīpradyumna uvāca - raṅgavallīpurasyāpi nāma kena prakāśitam || etadbrūhi subāho me śrutaṃ pūrvaṃ tvayā kila ||19|| subāhuruvāca - devāsuraiḥ purā rājanmathitaḥ kṣīrasāgaraḥ || vinirgatāni mathanādratnāni ca caturdaśa ||20|| niḥsṛtaṃ kalaśaṃ tasmātsudhāpūrṇaṃ manoharam || taṃ dadarśa hariḥ sākṣānnetrābhyāṃ puṣkarekṣaṇaḥ ||21|| tannetraharṣabinduśca kalaśe nipapāta ha || tasmādvṛkṣaḥ samudbhutastulasīti prakathyate ||22|| raṅgavallīti tannāma cakāra madhusūdanaḥ || atra kiṃpuruṣe khaṃḍe hemakūṭagireradhaḥ ||23|| tasyāśca raṅgavalyāḥ kau sthāpanāṃ sa cakāra ha || raṅgavallīmahāvṛkṣaḥ sadātraiva virājate ||24|| tannāmnā prasiddhamabhūdraṃgavallīpuraṃ tvidam || atra nityaṃ hi hanumānārṣṭiṣeṇena rāgiṇā ||25|| darśanārthaṃ samāyāti mahātmā rāmapūjakaḥ || śrīnārada uvāca - iti śrutvā śambarārī raṅgavallīṃ manoharam ||26|| dṛṣṭvā pradakṣiṇīkṛtya deśānanyāñjagāma ha || hemakūṭataṭībhūtaṃ vanaṃ prāptaṃ bhayaṅkaram ||27|| jhillījhaṃkārasaṃyuktaṃ siṃhacitrakanāditam || vanyaiḥ karīṃdraiḥ saṃyuktaṃ śivolūkarutāvṛtam ||28|| kīcakāśvatthamandāra-vaṭabhūrjasamākulam || kṛṣṇāharītakīvallī-badaraiḥ saghanaṃ vanam ||29|| tasmādvinirgataḥ sarpo daśayojanalaṃbitaḥ || agrasadgajavṛṃdāni phūtkāraṃ kārayanmuhuḥ ||30|| hāhākāre tadā jāte senāyāṃ maithileśvara || pracaṃḍagaralairvātairbhasmībhūte diśāṃtare ||31|| bhānuḥ subhānuḥ svarbhānuḥ prabhānurbhānumāṃstathā || caṃdrabhānurbṛhadbhānuratibhānustathā'ṣṭamaḥ ||32|| śrībhānuḥ pratibhānuśca satyabhāmātmajā daśa || ete jaghnuḥ śaraistīkṣṇaiḥ sarpaṃ raudraṃ madotkaṭam ||33|| bāṇaiḥ saṃbhinnasarvāṃgaḥ patito dharaṇītale || sarparūpaṃ vihāyāśu gaṃdharvo'bhūtsphuraddyuti ||34|| natvā śrīkṛṣṇaputrāṃstān dyotayan maṃḍalaṃ diśām || puṣpairvarṣatsu deveṣu vimānena divaṃ yayau ||35|| bahulāśva uvāca - gaṃdharvo'yaṃ tu kaḥ pūrvaṃ kena pāpena sarpatām || prāptaḥ kathaṃ vada mune tvaṃ parāvaravittamaḥ ||36|| śrīnārada uvāca - ārṣṭiṣeṇasya yo bhrātā sumatirnāma sundaraḥ || rāmāyaṇaṃ hanumatā paṭhituṃ sa samāgataḥ ||37|| hemakūṭe hanumataḥ kurvato rāmasevanam || prātaḥkālātsamārabhya ghaṭikāśca caturdaśa ||38|| salakṣmaṇaṃ rāmacaṃdraṃ dhyāyato jānakīpatim || phūtkāraiḥ sarpavattasya dhyānabhaṃgaṃ cakāra ha ||39|| tadā kruddho mahāvīro hanumān vānareśvaraḥ || śāpaṃ dadau sumataye tvaṃ sarpo bhava durmate || 40|| tadaiva tasya caraṇau natvā prāha kṛtāṃjaliḥ || he deva pāhi pāhīti dīnaṃ māṃ śaraṇaṃ gatam ||41|| atha prasanno bhagavānsumatiṃ prāha dharmavit || dvāpārāṃte śaraistīkṣṇairhariputradhanuścyutaiḥ || bhinnadehaḥ svāṃ prakṛtiṃ yāsyasi tvaṃ na saṃśayaḥ ||42|| gaṃdharvaḥ sumatirnāma vimukto'bhūdvideharāṭ || satāṃ śāpo'pi varavadvaro mokṣārthadaḥ kimu ||43|| atha kārṣṇirmahābāhuścaitradeśānmanoharān || vasantamādhavīvṛṃdaiḥ śobhītānsa jagāma ha ||44|| sahasradalapadmānāṃ ṣaṭpadadhvaniśālinām || patanti reṇavo yatra saraḥsvābīracūrṇavat ||45|| elālavaṃgalatikā kṣuṇṇāḥ sainyāṅghribhiḥ pathi || tena bhṛṅgāvalī reje karikarṇapratāḍitā ||46|| yatra vai puruṣā rājannāgāyutasamā bale || valīpalitadaurgaṃdhyasvedaklamavivarjitāḥ ||47|| tretāyugasamāḥ kālo vartate yatra nityaśaḥ || āyuścāyutavarṣāṇāṃ divyauṣadhinadīguṇaiḥ ||48|| pīyūṣatulyaṃ toyaṃ ca hemabhūmirvirājate || muktāvidrumavaiḍūrya-ratnotpattiśca yatra vai ||49|| suṃdaryaḥ pramadā rāmā nityayauvanabhūṣitāḥ || sphuraṃtyupavaneṣvārātsaudāminyo ghaneṣviva ||50|| yatra vai nagarī ramyā vasaṃtatilakā śubhā || śṛṅgāratilako nāma rājā yatra mahābalaḥ ||51|| jaitrān vīrān samāhūya gajamāruhya daṃśitaḥ || yoddhuṃ viniryayau yaśca pradyumnasyāpi saṃmukhe ||52|| sāṃbaḥ sumitraḥ purujicchatajicca sahasrajit || vijayaścitraketuśca vasumāndraviḍaḥ kratuḥ ||53|| jāṃbavatyāḥ sutā hyete cakrurnārācadurdinam || palāyiteṣu caiteṣu bāṇairbhinneṣu maithila ||54|| bāṇāṃdhakāre saṃjāte mahānkolāhalo hyabhūt || tadā śṛṅgāratilako gajārūḍho mahābalaḥ ||55|| triśūlena tada sāmbaṃ hṛdi vivyādha roṣataḥ | anyānsaṃpātayāmāsa śaraiḥ kodaṃḍanirgataiḥ ||56|| ekākī vicaran yuddhe vane vaiśvānaro yathā || tadā gadaḥ samāgatya tadgajaṃ sumadotkaṭam ||57|| śuṃḍādaṃḍe saṃgṛhītvā pātayāmāsa bhūtale || dūre prapatitaḥ śīghraṃ śṛṅgāratilako nṛpaḥ ||58|| sadyo bhayāturo bhūtvā yuddhe baddhāṃjaliḥ svataḥ || turaṃgāṇāmarbudaṃ ca rathānāṃ lakṣameva ca ||59|| gajānāmayutaṃ rājā pradyumnāya baliṃ dadau || itthaṃ kiṃpuruṣaṃ khaṃḍaṃ jitvā kārṣṇirmahābalaḥ ||60|| niṣādadarśitairmārgairharivarṣaṃ tato yayau ||61||
English translation
Singing of Haricharitra by Kimpurusho at Rangavallipura in the year of Kimpurusho; the advance of the Yadava army after being met by the king there; the rescue of the cursed Gandharva in the form of a python on the way; the defeat of Sringara-Tilaka, the king of Vasanttilaka Puri, and the departure of Pradyumna to Harivarsha.
Says Srinardji - Rajan. Thereafter, Pradyumna went to other countries, surrounded by divine trees and divine vines, and adorned with lakes adorned with thousands of lotuses. The mighty Pradyumna accompanied by an army of a hundred Akshauhins went through the Yakshagana route to Kimpurushavarsha. There is Rangavallipur in the Hemkoot gorge Terai. The residents of the area were listening to Pradyumna speak to Kimpurusha Shambarari. 1-3.
The men were saying, "Oh! The most exalted of the Puris is Mathurapuri, in which the divine Hari has incarnated himself. Ahhh! Yadukula is always the most blessed, in which Sriharika, the sustainer of the entire universe, has arisen. Also blessed is the abode-temple of Shuraputra Vasudeva, which Goloknath has made extremely beautiful by his presence. Even the rarest of gods is blessed with Mathur-Mandala, where Madhava resides. Blessed is that Manohar Mahavan, where the child-like Srihari has left his birthplace, where Lord Krishna resides with the infant Balarama and is beautifully raised by Yashoda, the mother of his milk-like child-like form. Sri Vrindavan, blessed with the sacred pollen of the feet of the Supreme Personality of Godhead, Shri Krishna, is the most pious pilgrimage site, where cows are grazed with cow-hairs and Balaramji, accompanied directly by Sri Hari. The Vrindavan, where Lord Krishna is seen performing Danlila, Manlila, and Raslila with the Vrajasundaris, is also revered by the people of the three worlds. Ahhh! Vrishabhanunandini Leelavati Sriradha, who adorns her Goloka-Dham, is most blessed to have taken a picnic with Lord Krishna in the Kalinditatarvati forest, which is dominated by the murmurs of the Bhramaras. Ahhh! Kalindanandini Yamuna is also blessed, manifested from the left shoulder of Lord Krishna. Humans feel grateful for the sound of the cacophony that surrounds their banks and the touch of the nearby Yamuna water. The exquisite Girindra-Rajaraja Govardhan, whose origin is from the chest of Lord Krishna and whose vision does not lead to reincarnation, is seated in the Vrajamandala. Ahhh! Blessed is Manohar Puri named Kushasthali, the official of Vaikuntha-Leela, who sits on the ground floor like a cloud from the electromagnet in the sky, from the Yadava-Mandali. It is in that Kushasthali that the Supreme Personality of Godhead is exalted in the form of Chatuyu. There are repeated salutations to Lord Krishna, who bestowed the title of Rajadhiraja on King Ugrasena. Inspired by the wise king Ugrasena, the great hero Makaradhvaja Pradyumra has set out to conquer the entire world, whose rare vision will make us all feel grateful today. 4-14 | (Vishwajitkhand chapter 26 to 30)
Says Srinardji - Rajan. Thus, through the bright triumphal characters, Srihari made the serene Trilok even more serene, just as the late Gajraj Airavat makes the milk of the Ksheer-Sindhu even brighter through the rising bright waves combined with the rays of the full moon. O Lord! Thus, Shambarari Pradyumna, on hearing his serene singing of Yaksha, was overjoyed and exhilarated - the body gave to those gentlemen a lot of wealth such as keyur, necklace, navaratna, beautiful crown, jewel kundal, and bracelet. King Subahu of Chandravanshi, the lord of Rangavallipur, saluted and offered a sacrifice (bali) to Mahatma Pradyumna. Pleased with him, Mahamana Meenaketan Lord Pradyumna gave him the divine Chudamani and asked him thus. 15-18 |
Pradyumna said, "Rajana Subahu! Who named this town 'Rangavallipur'? This is the first time I am hearing this name from your mouth, so you tell me everything about it. 19.
Says Srinardji - Rajan. Hearing this, Pradyumraji had a darshan of the beautiful Rangavalli and after circumambulating her, he went to other countries. 26.
At the foothills of Hemkut, a large dense forest was found, abounded by the rustling of membranes and the roaring of lions and leopards. The sound of vultures and owls echoed through the forest, teeming with wild elephants. The forest used to be very dense with bamboo, peepal, madar, banyan, bajra leaves, black myrobalan, and banyan trees. A python, ten yojanas long, emerged from the forest. He started swallowing the herd of elephants repeatedly while whispering. Mithileshwar! At that time, there was panic in the army. All objects in different directions were consumed by the air mixed with its strong venom. Then these ten sons of Satyabhama - Bhanu, Subhanu, Swarbhanu, Prabhanu, Bhanumana, Chandrabhanu, Brihadbhanu, Atibhanu, Sribhanu, and Pratibhanu - began to shoot the fierce and drunken serpent with sharp arrows. With all his limbs shattered by the arrows, he fell to the earth and left the form of a serpent and became a radiant and radiant Gandharva. He saluted all the sons of Krishna. The gods began to shower flowers and he flew to heaven, illuminating the entire universe. 27-35 |
Bahulashwa asked, "Munna! Who was this Gandharva, and by what sin did the serpent come before? For you are the best of those who know the past, the present, and the future. 36.
Srinardji says - Rajan! Sumati, the beautiful brother of the artisan Gandharva, came to Hanuman to read the Ramayana. Hanumanji was engaged in the service of Lord Rama on Mount Hemkoot for fourteen hours from dawn. He was meditating on Janakipati Sriramachandraji along with Lakshmana. At the same time, he interrupted Hanuman by barking like a snake. Then Mahavir Hanuman, the vanara king, got angry and cursed Sumati - 'Wise! You are going to be a snake. 'Sumati at the same time bowed at his feet and said with folded hands - 'Dev! Protect me, protect me, protect me, protect me, protect me, protect me. " 37-41 |
Pleased, Lord Hanuman said to Sumati, "When your body is torn apart by the sharp arrows dropped by the bow of Lord Krishna's sons at the end of the Dwapara, there is no doubt that you will attain your Gandharva body. 'Vidharaja. He was freed from the curse of a Gandharva named Sumati. The curse of good men is also like a boon, then their boon is to be the giver of salvation. 42-43 | (Vishwajitkhand chapter 26 to 30)
The king! The men there are as strong as ten thousand elephants. The wrinkles on their bodies are not visible. Their hair does not grow and the body does not sweat, get tired and smell bad. There, each day lasts the same time as the Treta Yuga. The age of the people there is said to be ten thousand years due to the beneficial effects of divine medicines and rivers. There the waters of nectar and the land of gold are enriched. From that land, gems like pearls, coral, vaidyur, etc. originate. The drunken charms there are very beautiful and adorned with inexhaustible youth. They glow far away in the gardens there, like lightning in the clouds. 47-50 |
There is a beautiful picturesque city called Vasanttilaka, where the Mahavali kings named Sringara-Tilaka rule. Having gathered the victorious heroes, armed themselves, riding an elephant, they set out for battle in front of King Shringara-Tilaka Pradyumra. At that time these ten sons of Samba, Sumitra, Purujit, Satajit, Sahasrajit, Vijaya, Chitraketu, Vasuman, Dravida and Kratu Jambavati presented Narachonse Duradin there. Maithil! The opposing fighters started to run away, being shattered by the arrows. There was a great commotion when the arrows struck the darkness. Then Mahabali Sringara-Tilaka, seated on an elephant, angrily struck Sambaki in the chest with a trident and crushed the other warriors with arrows dropped from his bow. They roamed the battlefield alone, as if a wildfire were spreading in the forest. At that time, Gadane came and caught their drunken elephant by its trunk and knocked it to the ground. King Shringar-Tilak also immediately fell away. Exasperated with fear, he joined hands at that moment in battle and presented Pradyumna with a billion horses, a hundred thousand chariots, and ten thousand elephants. 51-60 |
Thus, after conquering Kimpurusha Varsha, Mahabali set out for Harivarsha on the path shown by Srikrishna Kumar Pradyumna Nishada. 61.
Thus was completed the twenty-sixth chapter of the Narada Bahulashva-Samvad under Vishwajitkhanda in the Srigarghasamhita, titled 'Conquest of Kimpurushkhanda'. 26.
Complete chapter-aligned witnesses. Sanskrit Wikisource page 24674, revision 92744 (2016-11-29T11:30:56Z). English was rendered from the complete Hindi chapter at https://www.mahakavya.com/vishwajitkhand-chapter-26-to-30/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.