Aśvamedha-khaṇḍa · Chapter 55
Sourceअश्वमेधखण्डः - पंचपंचाशत्तमोऽध्यायः यज्ञार्थं गोमतीजलानयनं नारदद्वारा गोपीगणमध्ये कलहप्रवर्तनस्य चेष्टाः, भगवतः स्वरूपदर्शनम् - गर्ग उवाच - अथ वै मण्डपे रम्ये द्वारैरष्टभिरन्विते ॥ पतत्पताके कुण्डाढ्ये याज्ञिकैरष्टकैर्युते ॥१॥ पलाशजैर्बिल्वजैश्च तथा श्लेष्मातकैर्नृप ॥ वेदिकाभिस्तथा यूपैश्चषालैरपि भूषिते ॥२॥ स्रुक्चर्मकुशमुसलोलूखलाद्यैर्विशांपते ॥ अन्यैः संभृतसंभारैर्नानावस्तुभिरन्विते ॥३॥ उग्रसेनस्तु राजर्षिर्ऋषिर्भिर्वेदपारगैः ॥ यादवैश्चामरावत्यां रेजे शक्र इवामरैः ॥४॥ आहूताः कृष्णचन्द्रेण गोपा नन्दादयस्ततः ॥ वृषभानुवराद्यांश्च श्रीदामाद्याः समाययुः ॥५॥ यशोमती राधिका च ह्यन्याः सर्वा व्रजस्त्रियः ॥ द्वारकामाययुः प्रीताः शिबिकाभी रथैरपि ॥६॥ आहूतो धृतराष्ट्रस्तु कौरवैश्च सुतैर्युतः ॥ आजगाम कुशस्थल्यां नृपाश्चान्ये समागताः ॥७॥ युधिष्ठिरो भीमसेनश्चार्जुनो नकुलस्तथा ॥ सहदेवो वनादेते ह्याजग्मुर्भार्यया सह ॥८॥ श्रीकृष्णेन समाहूताः प्रेषयित्वा च नारदम् ॥ शक्रादयोऽष्टौ दिक्पाला वसवो रवयस्तथा ॥९॥ यज्ञे सनत्कुमाराद्या रुद्राश्चैकादशापि हि ॥ मरुद्गणाश्च वेताला गंधर्वाः किन्नरास्तथा ॥१०॥ विश्वेदेवाश्च साध्याश्च सर्वे विद्याधरास्तथा ॥ देवाश्च देवपत्न्यश्च गन्धर्व्योऽप्सरसस्तथा ॥११॥ आजग्मुर्द्वारकां राजन्कृष्णदर्शनकांक्षया ॥ कैलासश्च समाहूतः सर्वमंगलया शिवः ॥१२॥ सुतलाद्दैत्यवृन्दैश्च प्रह्लादो बलिरेव च ॥ विभीषणो भीषणश्च मयो बल्वल एव च ॥१३॥ जांबवान्दंष्ट्रिभिः सार्द्धं हनूमान्वानरैर्युतः ॥ पक्षिभिः पक्षिराट् तत्र तथा सर्पैश्च वासुकिः ॥१४॥ धेनुभिः सहिता राजन्धेनुरूपधरा धरा ॥ मेरुः शैलैर्हिमगिरिर्वटः साक्षाद्द्रुमैर्वृतः ॥१५॥ रत्नाकरा रत्नयुता नदीभिः स्वर्धुनी तथा ॥ तीर्थैः सर्वैश्च राजेंद्र तीर्थराजश्च पुष्करः ॥१६॥ एते सर्वे समाहूता आजग्मुर्मुदिताः क्रतौ ॥ ततः कृष्णेन चाहूता व्रजभूमिः समागता ॥१७॥ कृष्णयज्ञोत्सवं द्र्ष्टुं यमुना शमनस्वसा ॥ सर्वान्दृष्ट्वाऽऽगतान्प्रीतो वासयामास चाहुकः ॥१८॥ शिबिरेषु मंदिरेषु विमानेषु वनेषु च ॥ अथाचार्यः कृतो व्यासो बकदाल्भ्यो विधिर्मया ॥१९॥ ऋत्विजश्च कृता दिव्या ये वै पूर्वं निमंत्रिताः ॥ अथ यज्ञेऽनिरुद्धस्तु श्रीकृष्णस्येच्छया नृप ॥२०॥ विधेर्विधोश्च स्वस्यापि कृत्वा रूपत्रयं बभौ ॥ दृष्ट्वा लीलां कार्ष्णिजस्य देवाश्च यदवो नृपाः ॥२१॥ विस्मिताः कथयामासुः कर्णे कर्णे परस्परम् ॥ व्यासः प्रत्याह राजानं शृणु यादवसत्तम ॥२२॥ उपविष्टा नृपा विप्रा यथास्थाने विभागशः ॥ चतुष्षष्टिर्दम्पतीनां यांतु वै गोमतीतटे ॥२३॥ आहर्तुं सलिलं तस्या मयाऽऽदिष्टं यथोचितम् ॥ अदित्याः कश्यपश्चैव वसिष्ठोऽरुंधतीयुतः ॥२४॥ द्रोणाचार्यस्तु कृप्या च ह्यत्रिश्चैवानसूयया ॥ रुक्मिण्या कृष्णचन्द्रस्तु रेवत्या राम एव च ॥२५॥ मायावत्या च प्रद्युम्न उषया कार्ष्णिजस्तथा ॥ सुभद्रयार्जुनश्चैव सांबो लक्ष्मणया तथा ॥२६॥ तथा हेमांगदाद्याश्च यांतु वै स्वस्वभार्यया ॥ श्रीगर्ग उवाच - एवं ते व्यासवचनात्सपत्नीका द्विजा नृपाः ॥२७॥ आनेतुं गोमतीतोयं प्रययुर्बद्धपल्लवाः ॥ देवकीं रोहिणीं कुन्तीं गांधारीं च यशोमतीम् ॥२८॥ पुरस्कृत्य तु जग्राह कुंभो भैष्म्या युतो हरिः ॥ तथा रामस्तु रेवत्या सस्त्रीका येऽपि भूमिपाः ॥२९॥ सुवर्णरौप्यकलशैः सपुष्पैश्च सपल्लवैः ॥ रुक्मिण्या सहितं यांतं कृष्णं दृष्ट्वा समागमे ॥३०॥ नारदः कलहं कर्तुं सत्यभामागृहं ययौ ॥ दृष्ट्वा चैकां हरेर्भार्यां संपृष्टः स तयाब्रवीत् ॥३१॥ नारद उवाच - आदरं सदने नास्ति सत्राजितसुते तव ॥ गतः कृष्णस्तु रुक्मिण्या चाहर्तुं गोमतीजलम् ॥३२॥ बहुभिर्याचिता त्वं तु पारिजातकहारिणी ॥ कृष्णसंकल्पकरणी मणियुक्ता च मानिनी ॥३३॥ ईदृशीं त्वां वरारोहां गरुडोपरि गामिनीम् ॥ विहाय भैष्म्या श्रीकृष्णः शोभां द्रष्टुं जगाम ह ॥३४॥ यस्याः पुत्रश्च प्रद्युम्नो यस्याः पौत्रोऽनिरुद्धकः ॥ सा दर्शयति भो मातर्वार्तां मानं च गौरवम् ॥३५॥ गर्ग उवाच - इति श्रुत्वा प्राणनाथं रुक्मिण्या सहितं गतम् ॥३६॥ रुरोद दुःखिता राजन्सत्यभामा रुषान्विता ॥ तदैव कृष्णो भगवाञ्ज्ञात्वा नारदचेष्टितम् ॥३७॥ सत्यभामागृहं शीघ्रं रुपेणैकेन चागतम् ॥ गत्वा प्रत्याह वचनं सर्वज्ञाता रमेश्वरः ॥३८॥ न गतोऽहं समाजे वै रुक्मिण्या सहितः प्रिये ॥ आगतो भोजनं कर्तुं गतो रामश्च भार्यया ॥३९॥ इति तद्वाक्यमाकर्ण्य सत्यभामा मुदं गता ॥ भीतो नारद उत्थाय गेहं चान्यं जगाम ह ॥४०॥ गत्वा जांबवतीगेहं तस्याग्रे सर्वमब्रवीत् ॥ श्रुत्वा हसंती सा प्राह मृषा मा वद हे मुने ॥४१॥ करोति शयनं गेहे श्रीनाथो भोजनांतरे ॥ इति श्रुत्वा शंकितस्तु त्वरं निर्गत्य नारदः ॥४२॥ मित्रविंदागृहे गत्वा प्रत्युवाच विलोकयन् ॥ नारद उवाच - न गतासि नृपस्थानं मातर्गेहे स्थितासि किम् ॥४३॥ आहर्तुं गोमतीतोयं प्रयाति यत्र माधवः ॥ भैष्मीं सत्यां जांबवतीं सह नेष्यति तत्र वै ॥४४॥ मित्रविंदोवाच - केशवस्य प्रियाः सर्वा गंतासौ यां विहाय च ॥ सा न जीवति कृष्णस्तु पौत्रं लालयति गृहे ॥४५॥ ततो मुनिः समुत्थाय सर्वाणि मंदिराणि च ॥ बभ्राम कृष्णभार्याणां सकृष्णानीत्यमन्यत ॥४६॥ पुनर्विचार्य देवर्षिर्गोपीनां मंदिराणि च ॥ प्रययौ कथितुं वार्तां राधिकायै च मानद ॥४७॥ तत्र दीव्यंतमक्षैश्च राधया नंदनन्दनम् ॥ गोपीभिः सहितं वीक्ष्य ऋषिर्गंतुं मनो दधे ॥४८॥ तदैव कृष्ण उत्थाय गृहीत्वा पाणिना मुनिम् ॥ तत्रैव स्थापयामास पूजयित्वा यथाविधि ॥४९॥ श्रीकृष्ण उवाच - किं करिष्यसि विप्रेंद्र वृथा भ्रमसि मोहितः ॥ गेहे गेहे स्वपत्नीनां मया त्वं तु विलोकितः ॥५०॥ मया धृतानि रूपाणि त्वद्भयादृषिसत्तम ॥ नाहं दास्ये दमं तुभ्यं विप्रत्वात्प्रार्थयाम्यहम् ॥५१॥ सर्वेषां चैव देवोऽहं मम देवाश्च ब्राह्मणाः ॥ ये द्रुह्यन्ति द्विजान्मूढाः संति ते मम शत्रवः ॥५२॥ ये पूजयंति विप्रांश्च मम भावेन भूजनाः ॥ ते भुञ्जंति सुखं चात्र ह्यन्ते यास्यंति तत्पदम् ॥५३॥ मायया मम पुर्यां त्वं मोहितश्चापि मा खिदः ॥ सर्वे मुह्यंति देवर्षे ब्रह्मरुद्रादयः सुराः ॥५४॥ इति तद्वाक्यमाकर्ण्य संस्तुतः स महामुनिः ॥ आययौ मण्डपे तूष्णीं भूत्वा ऋत्विग्जनैर्वृते ॥५५॥ अथ ते गोमतीतीरं जग्मुः कृष्णादयो नृपाः ॥ रुक्मिण्याद्याः स्त्रियश्चैव वादित्रैर्विविधैरपि ॥५६॥ नारीणां चैव वृन्देन गायंतीनां् हरेर्यशः ॥ वलयानां नूपुराणां शब्दोऽभून्मधुरध्वनिः ॥५७॥ पूजयित्वा जलसुरान्व्यासः सार्द्धं मया मुनिः ॥ कलशं तोयसंयुक्तमनसूयाकरे ददौ ॥५८॥ ततश्च जगृहुः कुम्भान् रेवत्याद्याश्च योषितः ॥ नोत्थिताः कलशाः सर्वे कोमलैश्च करैरपि ॥५९॥ धारयंति कथं कुम्भं पुष्पभारेण पीडिताः ॥ ततश्च जहसू राज्ञो नृपाणां च परस्परम् ॥६०॥ कथं यामो यज्ञवाटमित्यूचुः कलशैर्विना ॥ रुक्मिण्याद्याः स्त्रियः सर्वास्ता ऊचुर्मनसा हरिम् ॥६१॥ हे श्रीकृष्ण जगन्नाथ भक्तकष्टविनाशन ॥ सबलस्त्वं चक्रधारी ह्यस्मान्पालय संकटे ॥६२॥ एवं ब्रुवंत्यो जगृहुः सकलान्भारवर्जितान् ॥ स्वे स्वे शिरसि संधाय संयुक्तैर्मणिमौक्तिकैः ॥६३॥ यज्ञवाटं समाजग्मुर्नार्य्यः शीघ्रं सभर्तृकाः ॥ यत्र भेर्यश्च शंखाद्या वाद्यंते पणवादयः ॥६४॥ आनीय गोमतीतोयं प्रापितास्तत्र ते नृप ॥ श्यामकर्णेन सहिता यत्र वै यादवेश्वरः ॥६५॥ इति श्रीगर्गसंहितायां हयमेधखण्डे गोमतीजलानयनं नाम पंचपंचाशत्तमोऽध्यायः ॥५५॥ हरिः ॐ तत्सत् श्रीकृष्णार्पणमस्तु ॥
aśvamedhakhaṇḍaḥ - paṃcapaṃcāśattamo'dhyāyaḥ yajñārthaṃ gomatījalānayanaṃ nāradadvārā gopīgaṇamadhye kalahapravartanasya ceṣṭāḥ, bhagavataḥ svarūpadarśanam - garga uvāca - atha vai maṇḍape ramye dvārairaṣṭabhiranvite || patatpatāke kuṇḍāḍhye yājñikairaṣṭakairyute ||1|| palāśajairbilvajaiśca tathā śleṣmātakairnṛpa || vedikābhistathā yūpaiścaṣālairapi bhūṣite ||2|| srukcarmakuśamusalolūkhalādyairviśāṃpate || anyaiḥ saṃbhṛtasaṃbhārairnānāvastubhiranvite ||3|| ugrasenastu rājarṣirṛṣirbhirvedapāragaiḥ || yādavaiścāmarāvatyāṃ reje śakra ivāmaraiḥ ||4|| āhūtāḥ kṛṣṇacandreṇa gopā nandādayastataḥ || vṛṣabhānuvarādyāṃśca śrīdāmādyāḥ samāyayuḥ ||5|| yaśomatī rādhikā ca hyanyāḥ sarvā vrajastriyaḥ || dvārakāmāyayuḥ prītāḥ śibikābhī rathairapi ||6|| āhūto dhṛtarāṣṭrastu kauravaiśca sutairyutaḥ || ājagāma kuśasthalyāṃ nṛpāścānye samāgatāḥ ||7|| yudhiṣṭhiro bhīmasenaścārjuno nakulastathā || sahadevo vanādete hyājagmurbhāryayā saha ||8|| śrīkṛṣṇena samāhūtāḥ preṣayitvā ca nāradam || śakrādayo'ṣṭau dikpālā vasavo ravayastathā ||9|| yajñe sanatkumārādyā rudrāścaikādaśāpi hi || marudgaṇāśca vetālā gaṃdharvāḥ kinnarāstathā ||10|| viśvedevāśca sādhyāśca sarve vidyādharāstathā || devāśca devapatnyaśca gandharvyo'psarasastathā ||11|| ājagmurdvārakāṃ rājankṛṣṇadarśanakāṃkṣayā || kailāsaśca samāhūtaḥ sarvamaṃgalayā śivaḥ ||12|| sutalāddaityavṛndaiśca prahlādo balireva ca || vibhīṣaṇo bhīṣaṇaśca mayo balvala eva ca ||13|| jāṃbavāndaṃṣṭribhiḥ sārddhaṃ hanūmānvānarairyutaḥ || pakṣibhiḥ pakṣirāṭ tatra tathā sarpaiśca vāsukiḥ ||14|| dhenubhiḥ sahitā rājandhenurūpadharā dharā || meruḥ śailairhimagirirvaṭaḥ sākṣāddrumairvṛtaḥ ||15|| ratnākarā ratnayutā nadībhiḥ svardhunī tathā || tīrthaiḥ sarvaiśca rājeṃdra tīrtharājaśca puṣkaraḥ ||16|| ete sarve samāhūtā ājagmurmuditāḥ kratau || tataḥ kṛṣṇena cāhūtā vrajabhūmiḥ samāgatā ||17|| kṛṣṇayajñotsavaṃ drṣṭuṃ yamunā śamanasvasā || sarvāndṛṣṭvā''gatānprīto vāsayāmāsa cāhukaḥ ||18|| śibireṣu maṃdireṣu vimāneṣu vaneṣu ca || athācāryaḥ kṛto vyāso bakadālbhyo vidhirmayā ||19|| ṛtvijaśca kṛtā divyā ye vai pūrvaṃ nimaṃtritāḥ || atha yajñe'niruddhastu śrīkṛṣṇasyecchayā nṛpa ||20|| vidhervidhośca svasyāpi kṛtvā rūpatrayaṃ babhau || dṛṣṭvā līlāṃ kārṣṇijasya devāśca yadavo nṛpāḥ ||21|| vismitāḥ kathayāmāsuḥ karṇe karṇe parasparam || vyāsaḥ pratyāha rājānaṃ śṛṇu yādavasattama ||22|| upaviṣṭā nṛpā viprā yathāsthāne vibhāgaśaḥ || catuṣṣaṣṭirdampatīnāṃ yāṃtu vai gomatītaṭe ||23|| āhartuṃ salilaṃ tasyā mayā''diṣṭaṃ yathocitam || adityāḥ kaśyapaścaiva vasiṣṭho'ruṃdhatīyutaḥ ||24|| droṇācāryastu kṛpyā ca hyatriścaivānasūyayā || rukmiṇyā kṛṣṇacandrastu revatyā rāma eva ca ||25|| māyāvatyā ca pradyumna uṣayā kārṣṇijastathā || subhadrayārjunaścaiva sāṃbo lakṣmaṇayā tathā ||26|| tathā hemāṃgadādyāśca yāṃtu vai svasvabhāryayā || śrīgarga uvāca - evaṃ te vyāsavacanātsapatnīkā dvijā nṛpāḥ ||27|| ānetuṃ gomatītoyaṃ prayayurbaddhapallavāḥ || devakīṃ rohiṇīṃ kuntīṃ gāṃdhārīṃ ca yaśomatīm ||28|| puraskṛtya tu jagrāha kuṃbho bhaiṣmyā yuto hariḥ || tathā rāmastu revatyā sastrīkā ye'pi bhūmipāḥ ||29|| suvarṇaraupyakalaśaiḥ sapuṣpaiśca sapallavaiḥ || rukmiṇyā sahitaṃ yāṃtaṃ kṛṣṇaṃ dṛṣṭvā samāgame ||30|| nāradaḥ kalahaṃ kartuṃ satyabhāmāgṛhaṃ yayau || dṛṣṭvā caikāṃ harerbhāryāṃ saṃpṛṣṭaḥ sa tayābravīt ||31|| nārada uvāca - ādaraṃ sadane nāsti satrājitasute tava || gataḥ kṛṣṇastu rukmiṇyā cāhartuṃ gomatījalam ||32|| bahubhiryācitā tvaṃ tu pārijātakahāriṇī || kṛṣṇasaṃkalpakaraṇī maṇiyuktā ca māninī ||33|| īdṛśīṃ tvāṃ varārohāṃ garuḍopari gāminīm || vihāya bhaiṣmyā śrīkṛṣṇaḥ śobhāṃ draṣṭuṃ jagāma ha ||34|| yasyāḥ putraśca pradyumno yasyāḥ pautro'niruddhakaḥ || sā darśayati bho mātarvārtāṃ mānaṃ ca gauravam ||35|| garga uvāca - iti śrutvā prāṇanāthaṃ rukmiṇyā sahitaṃ gatam ||36|| ruroda duḥkhitā rājansatyabhāmā ruṣānvitā || tadaiva kṛṣṇo bhagavāñjñātvā nāradaceṣṭitam ||37|| satyabhāmāgṛhaṃ śīghraṃ rupeṇaikena cāgatam || gatvā pratyāha vacanaṃ sarvajñātā rameśvaraḥ ||38|| na gato'haṃ samāje vai rukmiṇyā sahitaḥ priye || āgato bhojanaṃ kartuṃ gato rāmaśca bhāryayā ||39|| iti tadvākyamākarṇya satyabhāmā mudaṃ gatā || bhīto nārada utthāya gehaṃ cānyaṃ jagāma ha ||40|| gatvā jāṃbavatīgehaṃ tasyāgre sarvamabravīt || śrutvā hasaṃtī sā prāha mṛṣā mā vada he mune ||41|| karoti śayanaṃ gehe śrīnātho bhojanāṃtare || iti śrutvā śaṃkitastu tvaraṃ nirgatya nāradaḥ ||42|| mitraviṃdāgṛhe gatvā pratyuvāca vilokayan || nārada uvāca - na gatāsi nṛpasthānaṃ mātargehe sthitāsi kim ||43|| āhartuṃ gomatītoyaṃ prayāti yatra mādhavaḥ || bhaiṣmīṃ satyāṃ jāṃbavatīṃ saha neṣyati tatra vai ||44|| mitraviṃdovāca - keśavasya priyāḥ sarvā gaṃtāsau yāṃ vihāya ca || sā na jīvati kṛṣṇastu pautraṃ lālayati gṛhe ||45|| tato muniḥ samutthāya sarvāṇi maṃdirāṇi ca || babhrāma kṛṣṇabhāryāṇāṃ sakṛṣṇānītyamanyata ||46|| punarvicārya devarṣirgopīnāṃ maṃdirāṇi ca || prayayau kathituṃ vārtāṃ rādhikāyai ca mānada ||47|| tatra dīvyaṃtamakṣaiśca rādhayā naṃdanandanam || gopībhiḥ sahitaṃ vīkṣya ṛṣirgaṃtuṃ mano dadhe ||48|| tadaiva kṛṣṇa utthāya gṛhītvā pāṇinā munim || tatraiva sthāpayāmāsa pūjayitvā yathāvidhi ||49|| śrīkṛṣṇa uvāca - kiṃ kariṣyasi vipreṃdra vṛthā bhramasi mohitaḥ || gehe gehe svapatnīnāṃ mayā tvaṃ tu vilokitaḥ ||50|| mayā dhṛtāni rūpāṇi tvadbhayādṛṣisattama || nāhaṃ dāsye damaṃ tubhyaṃ vipratvātprārthayāmyaham ||51|| sarveṣāṃ caiva devo'haṃ mama devāśca brāhmaṇāḥ || ye druhyanti dvijānmūḍhāḥ saṃti te mama śatravaḥ ||52|| ye pūjayaṃti viprāṃśca mama bhāvena bhūjanāḥ || te bhuñjaṃti sukhaṃ cātra hyante yāsyaṃti tatpadam ||53|| māyayā mama puryāṃ tvaṃ mohitaścāpi mā khidaḥ || sarve muhyaṃti devarṣe brahmarudrādayaḥ surāḥ ||54|| iti tadvākyamākarṇya saṃstutaḥ sa mahāmuniḥ || āyayau maṇḍape tūṣṇīṃ bhūtvā ṛtvigjanairvṛte ||55|| atha te gomatītīraṃ jagmuḥ kṛṣṇādayo nṛpāḥ || rukmiṇyādyāḥ striyaścaiva vāditrairvividhairapi ||56|| nārīṇāṃ caiva vṛndena gāyaṃtīnāṃ hareryaśaḥ || valayānāṃ nūpurāṇāṃ śabdo'bhūnmadhuradhvaniḥ ||57|| pūjayitvā jalasurānvyāsaḥ sārddhaṃ mayā muniḥ || kalaśaṃ toyasaṃyuktamanasūyākare dadau ||58|| tataśca jagṛhuḥ kumbhān revatyādyāśca yoṣitaḥ || notthitāḥ kalaśāḥ sarve komalaiśca karairapi ||59|| dhārayaṃti kathaṃ kumbhaṃ puṣpabhāreṇa pīḍitāḥ || tataśca jahasū rājño nṛpāṇāṃ ca parasparam ||60|| kathaṃ yāmo yajñavāṭamityūcuḥ kalaśairvinā || rukmiṇyādyāḥ striyaḥ sarvāstā ūcurmanasā harim ||61|| he śrīkṛṣṇa jagannātha bhaktakaṣṭavināśana || sabalastvaṃ cakradhārī hyasmānpālaya saṃkaṭe ||62|| evaṃ bruvaṃtyo jagṛhuḥ sakalānbhāravarjitān || sve sve śirasi saṃdhāya saṃyuktairmaṇimauktikaiḥ ||63|| yajñavāṭaṃ samājagmurnāryyaḥ śīghraṃ sabhartṛkāḥ || yatra bheryaśca śaṃkhādyā vādyaṃte paṇavādayaḥ ||64|| ānīya gomatītoyaṃ prāpitāstatra te nṛpa || śyāmakarṇena sahitā yatra vai yādaveśvaraḥ ||65|| iti śrīgargasaṃhitāyāṃ hayamedhakhaṇḍe gomatījalānayanaṃ nāma paṃcapaṃcāśattamo'dhyāyaḥ ||55|| hariḥ oṃ tatsat śrīkṛṣṇārpaṇamastu ||
English translation
Ordering the sages and royal couples of Vyasji to bring water from Gomati; the charm of Naradji and the breaking of that charm by the Lord; the filling of water in the urns of queens by the grace of Krishna.
Srigarji says - Rajan! Then came the beautiful Yajna Mandapa with eight gates, adorned with fluttering flags, furnished with bonfires, and adorned with eight yajñikas, adorned with palash, bel, and yupas of bahuvara, adorned with numerous altars and spectacles (wooden circles above the sacrificial pillars), which collected items such as suva, mrigacharma, kusha, muesal, and ulukhala, and also where many materials and various types of items were collected. Rajarshi Ugrasena, along with the learned sages of the Vedas and the Yadavas, enjoyed the same splendor, as did Devaraja Indra with the deities at Amravati Puri. 1 - 4.
At the invitation of Lord Srikrishnachandra, Nanda, Adi Gopa, Vrishabhanuvar, etc. came to Dwarkapuri from Gwal-Bal. Yashoda, Radhika, and all the other Vrajanganas are mounted on tents and chariots, usually in the Kushasthali of the Aryans. King Dhritarashtra also came there with his sons and the Kauravas when they were called. Other kings were also invited and came to Kushasthali. Invited by Krishna, Yudhishthira, Bhimsen, Arjuna, Nakula, and Sahadeva came there from the forest with their wife Draupadi. Lord Krishna sent Narada to call eight Dikpalas, eight Vasus, twelve Adityas, four Sanatkumars, eleven Rudras, Marudranas, Vetals, Gandavas, Kinaras, Vishvadevas, all the Sadhiganas, Vidyadharas, Devas, Devapathis, Gandharvas, and Apsaras. 5-11 |
The king. All of them came to Dwarakama with a desire to see Lord Krishna. Lord Shiva was also invoked from Kailasa along with Parvati, the Supreme Being. Prahlada and Bali came from the underworld with the Daitya community. Vibhishana, Ghantas, Mayas, and Balvalkas also arrived there. Jambavan with the rodents, Hanuman with the monkeys, Garuda the bird king with the birds and Nagaraja Vasuki with the serpents also arrived. Your Majesty! Dhenu was accompanied by Dhenurupadharini Dhara Devi. Meru and Himalaya with mountains, Banyan with trees, Ratnakar with jewels (Samudra), Swardhani with rivers (Ganga), Tirthraj Prayag and Pushkar with all the Tirthas were invited and came to the Yajna with great joy. Then on the call of Lord Krishna, Vrajbhoomi also came there. 12-17 |
Yamaraj's sister Yamunaji also came to witness the Yajna festival of Lord Krishna. 173. (Ashwamedh Khand Chapter 51 to 58)
Seeing them all come, King Ugrasena placed them in the right places with great joy. Some were given shelter in camps, some in temples, some in planes, and some in gardens. In that yajna, I made Vedavyasa the acharya, and Bakdalbhya the Brahma, and the divine sage-maharshi who had been invited earlier, the Ritwij. Nareshwar. Thereafter, in the yajna, Aniruddha, by the will of Krishna, took three forms, namely Brahma, Chandramaka, and Apana. Seeing this play of Pradyumna Kumar, the gods, the Yadavas, and the Bhoopas were amazed and began to talk to each other about it. 18-21 |
Srigarji says - Rajan. Thus, at the behest of Vyasa, the married Brahmins and the Pallavas, the king, went to fetch water from the Gomati. Drawing Devaki, Rohini, Kunti, Gandhari, and Yashoda forward, Krishna, along with Rukmini, lifted the Kalash. Similarly, Balarama and all the spouses of Bhupala, who were with Revati, set out for the Gomati coast with golden and silver urns bearing flowers and pallavas. Seeing Krishna accompanying Rukmini in the crowd, Naradji went to Satyabhama's palace to quarrel. He spoke when God saw his wife alone in the house and asked her why she had come. 27-31 |
Shri Gargji says - 'Maharaj! My soul has gone with Rukmini '- this made Satyabhama very angry. She was sad and started to cry. It was at this time that Lord Krishna, on learning of Narada's initiative, rushed to Satyabhama's mansion. When the omniscient God came there, he said this: 'Dear. I did not go with Rukmini in that Samaj (procession). I have come here to eat. Only Bhaiya Balramji has gone with Bhai. " 36-39 |
Hearing this, Satyabhama was pleased and Naradaji got up in terror and went to another building. He went to Jambavati's house and told her all the news. Hearing this, she laughed and said - 'Muniji Maharaj! Don't lie, Shrinathji is sleeping at home after having food. Hearing this, Naradji immediately left and went to Mitrabinda's house and looked around and spoke. 40-42 |
Naradji said, "Maiya! Did you not go to the place where the king and queen's society is gathered? Why are you sitting at home? There Ramavallabha is going to fetch the water of Shri Krishna Gomati. They will also take with them Rukmini, Satyabhama, and Jambavati. 43-44 | (Ashwamedh Khand Chapter 51 to 58)
The Mitrabinda dialect is Devarshiji. Kesavaki is loved by all. Whoever they leave behind will not be able to survive. Look at the house where Lord Krishna is pampering his grandson. 45.
Then the sages got up and went around all the houses of Lord Krishna, but they found the presence of Lord Krishna in them all. Then, after thinking, Devarshi went to the palaces of the Gopanganas to give this news to Sriradha; but there Nandananda was seen playing chaupad with Sriradha and the Gopis. As soon as Devarshi saw them and thought of moving away from there, Krishna immediately grabbed them by the hand and made them sit there. Then he spoke by worshiping them in a ritual way. 46-49 |
Lord Krishna said, "Wiprava! What are you doing this for? You are wandering around in vain, fascinated. I have seen you in the homes of my wives. O Lord! I have taken many forms for fear of you. You are a Brahmin; therefore, I will not punish you, but I will certainly pray. I am the god of all and Brahmins are my gods. The foolish humans who betray the Brahmins are my enemies. Those who worship Brahmins as my incarnations enjoy bliss in this world and will eventually go to my supreme abode. Oh dear! Do not be dismayed at the thought of being captivated by my own delusions in my Puri; for all the gods, Brahma and Rudra, are captivated by my delusions. 50-54 |
Hearing this word of the Lord, they went quietly to the Yajna mandapa, full of hymns, to praise Him. 55.
There they went to the banks of the Gomati with king Krishna and women like Rukmini, various types of falcons and elephants. The melodious pleasant words of the cymbals and cymbals of the flock of women singing the praises of Lord Govinda reverberated there. Along with me, the sage Vyasa made the water-related deities worship and handed over a pot filled with water to Anusuya. After that, all the women like Revati held the Kalash, but with their gentle hands they could not lift all the Kalash. How can gentle women who suffer from the weight of flowers bear the burden of the Kalash? Then the queens looked at each other and began to laugh and said, 'Now how will we go to the Yajna Mandapa without the Kalasha?' At that time, all the women like Rukmini prayed to Lord Krishna with all their hearts. O Jagannath! O Chakradhari Dev, who dispels the sufferings of the devotees! You are the almighty one. Protect us in this time of crisis. 'When the women put their hands on the urn while saying this, they were all weightless. They carried the urns on their heads adorned with jewels and pearls, and with their husbands, they hurried to the Yajna mandapa, where bells, conch shells, and cymbals were played. They brought the water of Gomati to the place where Yadvaraja Ugrasena was seated with his horse Shyamakarna. 56-65 |
Thus was completed the fifty-fifth chapter in the Ashvamedha Khanda under the Srigargha Samhita, titled "The Bringing of the Water of Gomati." 55.
Complete chapter-aligned witnesses. Sanskrit Wikisource page 32067, revision 201925 (2019-05-16T23:20:35Z). English was rendered from the complete Hindi chapter at https://www.mahakavya.com/ashwamedh-khand-chapter-51-to-58/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.