Goloka-khaṇḍa · Chapter 2
Sourceजिह्वां लब्ध्वापि यः कृष्णं कीर्तनीयं न कीर्तयेत् । लब्ध्वापि मोक्षनिःश्रेणिं स नारोहति दुर्मतिः ॥ १ ॥ अथ ते संप्रवक्ष्यामि श्रीकृष्णागमनं भुवि । अस्मिन्वाराह कल्पे वै यद्भूतं तच्छृणु प्रभो ॥ २ ॥ पुरा दानवदैत्यानां नराणां खलु भूभुजाम् । भूरिभारसमाक्रांता पृथ्वी गोरूपधारिणी ॥ ३ ॥ अनाथवद्रुदन्तीव वेदयन्ती निजव्यथाम् । कम्पयन्ती निजं गात्रं ब्रह्माणं शरणं गता ॥ ४ ॥ ब्रह्माथाश्वास्य तां सद्यः सर्वदेवगणैर्वृतः । शङ्करेण समं प्रागाद्वैकुण्ठं मंदिरं हरेः ॥ ५ ॥ नत्वा चतुर्भुजं विष्णुं स्वाभिप्रायं जगाद ह । अथोद्विग्नं देवगणं श्रीनाथः प्राह तं विधिम् ॥ ६ ॥ श्रीभगवानुवाच - कृष्णं स्वयं विगणिताण्डपतिं परेशं साक्षादखण्डमतिदेवमतीवलीलम् । कार्यं कदापि न भविष्यति यं विना हि गच्छाशु तस्य विशदं पदमव्ययं त्वम् ॥ ७ ॥ श्रीब्रह्मोवाच - त्वत्तः परं न जानामि परिपूर्णतमं स्वयम् । यदि योन्यस्तस्य साक्षाल्लोकं दर्शय नः प्रभो ॥ ८ ॥ श्रीनारद उवाच - इत्युक्तोऽपि हरिः पूर्णः सर्वैर्देवगणैः सह । पदवीं दर्शयामास ब्रह्माण्डशिखरोपरि ॥ ९ ॥ वामपादाङ्गुष्ठनखभिन्नब्रह्माण्डमस्तके । श्रीवामनस्य विवरे ब्रह्म द्रवसमाकुले ॥ १० ॥ जलयानेन मार्गेण बहिस्ते निर्ययुः सुराः । कलिङ्गबिम्बवच्चेदं ब्रह्माण्डं ददृशुस्त्वधः ॥ ११ ॥ इन्द्रायनफलानीव लुठन्त्यन्यानि वै जले । विलोक्य विस्मिताः सर्वे बभुवुश्चकिता इव ॥ १२ ॥ कोटिशो योजनोर्ध्वं वै पुराणामष्टकं गताः । दिव्यप्राकाररत्नादि द्रुमवृन्दमनोहरम् ॥ १३ ॥ तदूर्ध्वं ददृशुर्देवा विरजायास्तटं शुभम् । तरंगितं क्षौम शुभ्रं सोपानैर्भास्करं परम् ॥ १४ ॥ तं दृष्ट्वा प्रचलन्तस्ते तत्पुरं जग्मुरुत्तमम् । असंख्यकोटिमार्तण्ड ज्योतिषां मण्डलं महत् ॥ १५ ॥ दृष्ट्वा प्रताडिताक्षास्ते तेजसा धर्षिताः स्थिताः । नमस्कृत्वाऽथ तत्तेजो दध्यौ विष्ण्वाज्ञया विधिः ॥ १६ ॥ तज्ज्योतिर्मण्डलेऽपश्यत्साकारं धाम शान्तिमत् । तस्मिन्महाद्भुतं दीर्घं मृणालधवलं परम् । सहस्रवदनं शेषं दृष्ट्वा नेमुः सुरास्ततः ॥ १७ ॥ तस्योत्संगे महालोको गोलोको लोकवन्दितः । यत्र कालः कलयतामीश्वरो धाममानिनाम् ॥ १८ ॥ राजन्न प्रभवेन्माया मनश्चित्तं मतिर्ह्यहम् । न विकारो विशत्येव न महांश्च गुणाः कुतः ॥ १९ ॥ तत्र कन्दर्पलावण्याः श्यामसुन्दरविग्रहाः । द्वारि गंतुं चाभ्युदिता न्यषेधन्कृष्णपार्षदाः ॥ २० ॥ श्रीदेवा ऊचुः - लोकपाला वयं सर्वे ब्रह्मविष्णुमहेश्वराः । श्रीकृष्णदर्शनार्थाय शक्राद्या आगता इह ॥ २१ ॥ श्रीनारद उवाच - तच्छ्रुत्वा तदभिप्रायं श्रीकृष्णाय सखीजनाः । ऊचुर्देवप्रतीहारा गत्वा चान्तःपुरं परम् ॥ २२ ॥ तदा विनिर्गता काचिच्छतचन्द्रानना सखी । पीतांबरा वेत्रहस्ता सापृच्छद्वाञ्छितं सुरान् ॥ २३ ॥ श्रीशतचन्द्राननोवाच - कस्याण्डस्याधिपा देवा यूयं सर्वे समागताः । वदताशु गमिष्यामि तस्मै भगवते ह्यहम् ॥ २४ ॥ श्रीदेवा ऊचुः - अहो अण्डान्युतान्यानि नास्माभिर्दर्शितानि च । एकमण्डं प्रजानीमोऽथोऽपरं नास्ति नः शुभे ॥ २५ ॥ श्रीशतचन्द्राननोवाच - ब्रह्मदेव लुठन्तीह कोटिशो ह्यण्डराशयः । तेषां यूयं यथा देवास्तथाण्डेऽण्डे पृथक् पृथक् ॥ २६ ॥ नामग्रामं न जानीथ कदा नात्र समागताः । जडबुद्ध्या प्रहृष्यध्वे गृहान्नापि विनिर्गताः ॥ २७ ॥ ब्रह्माण्डमेकं जानन्ति यत्र जातास्तथा जनाः । मशका च यथान्तःस्था औदुंबरफलेषु वै ॥ २८ ॥ श्रीनारद उवाच - उपहास्यं गता देवा इत्थं तूष्णीं स्थिताः पुनः । चकितानिव तान् दृष्ट्वा विष्णुर्वचनमब्रवीत् ॥ २९ ॥ श्रीविष्णुरुवाच - यस्मिन्नण्डे पृश्निगर्भोऽवतारोऽभूत्सनातन । त्रिविक्रमनखोद्भिन्ने तस्मिन्नण्डे स्थिता वयम् ॥ ३० ॥ श्रीनारद उवाच - तच्छ्रुत्वा तं च संश्लाघ्य शीघ्रमन्तःपुरं गता पुनरागत्य देवेभ्योऽप्याज्ञां दत्त्वा गताः पुरम् ॥ ३१ ॥ अथ देवगणाः सर्वे गोलोकं ददृशुः परम् । तत्र गोवर्धनो नाम गिरिराजो विराजते ॥ ३२ ॥ वसन्तमानिनीभिश्च गोपीभिर्गोगणैर्वृतः । कल्पवृक्षलतासङ्घै रासमण्डलमण्डितः ॥ ३३ ॥ यत्र कृष्णानदी श्यामा तोलिकाकोटिमण्डिता । वैदूर्यकृत सोपाना स्वच्छन्दगतिरुत्तमा ॥ ३४ ॥ वृन्दावनं भ्राजमानं दिव्यद्रुमलताकुलम् । चित्रपक्षिमधुव्रतैर्वंशीवटविराजितम् ॥ ३५ ॥ पुलिने शीतले वायुर्मन्दगामी वहत्यलम् । सहस्रदलपद्मानां रजो विक्षेपयन्मुहुः ॥ ३६ ॥ मध्ये निजनिकुञ्जोऽस्ति द्वात्रिंशद्वनसंयुतः । प्राकारपरिखायुक्तोऽरुणाक्षयवटाजिरः ॥ ३७ ॥ सप्तधा पद्मरागाग्राजिरकुड्यविभूषितः । कोटीन्दुमण्डलाकारैर्वितानैर्गुलिकाद्युतिः ॥ ३८ ॥ पतत्पताकैर्दिव्याभैः पुष्पमन्दिरवर्त्मभिः । जातभ्रमरसङ्गीतो मत्तबर्हिपिकस्वनः ॥ ३९ ॥ बालार्ककुण्डलधराः शतचन्द्रप्रभाः स्त्रियः । स्वच्छन्दगतयो रत्नैः पश्यन्त्यः सुन्दरं मुखम् ॥ ४० ॥ रत्नाजिरेषु धावंत्यो हारकेयूरभूषिताः । क्वणन्नूपुरकिङ्किण्यश्चूडामणिविराजिताः ॥ ४१ ॥ कोटिशः कोटिशो गावो द्वारि द्वारि मनोहराः । श्वेतपर्वतसङ्काशा दिव्यभूषणभूषिताः ॥ ४२ ॥ पयस्विन्यस्तरुण्यश्च शीलरूपगुणैर्युताः । सवत्साः पीतपुच्छाश्च व्रजंत्यो भव्यमूर्तिकाः ॥ ४३ ॥ घण्टामंजीरसंरावाः किंकिणीजालमण्डिताः । हेमशृङ्ग्यो हेमतुल्यहारमालास्फुरत्प्रभाः ॥ ४४ ॥ पाटला हरितास्ताम्राः पीताः श्यामा विचित्रिताः । धूम्राः कोकिलवर्णाश्च यत्र गावस्त्वनेकधा ॥ ४५ ॥ समुद्रवद्दुग्धदाश्च तरुणीकरचिह्निताः । कुरंगवद्विलङ्घद्भिर्गोवत्सैर्मण्डिताः शुभाः ॥ ४६ ॥ इतस्ततश्चलन्तश्च गोगणेषु महावृषाः । दीर्घकन्धरशृङ्गाढ्या यत्र धर्मधुरंधराः ॥ ४७ ॥ गोपाला वेत्रहस्ताश्च श्यामा वंशीधराः पराः । कृष्णलीलां प्रगायन्तो रागैर्मदनमोहनैः ॥ ४८ ॥ इत्थं निजनिकुञ्जं तं नत्वा मध्ये गताः सुराः । ज्योतिषां मण्डलं पद्मं सहस्रदलशोभितम् ॥ ४९ ॥ तदूर्ध्वं षोडशदलं ततोऽष्टदलपङ्कजम् । तस्योपरि स्फुरद्दीर्घं सोपानत्रयमण्डितम् ॥ ५० ॥ सिंहासनं परं दिव्यं कौस्तुभैः खचितं शुभैः । ददृशुर्देवताः सर्वाः श्रीकृष्णं राधया युतम् ॥ ५१ ॥ दिव्यैरष्टसखीसङ्घैर्मोहिन्यादिभिरन्वितम् । श्रीदामाद्यैः सेव्यमानमष्टगोपालसेवितैः ॥ ५२ ॥ हंसाभैर्व्यजनान्दोलचामरैर्वज्रमुष्टिभिः । कोटिचन्द्रप्रतीकाशैः सेवितं छत्रकोटिभिः ॥ ५३ ॥ श्री राधिकालङ्कृतवामबाहुं स्वच्छन्दवक्री- कृतदक्षिणाङ्घ्रिम् । वंशीधरं सुन्दरमन्दहासं भ्रूमण्डलामोहितकामराशिम् ॥ ५४ ॥ घनप्रभं पद्मदलायुतेक्षणं प्रलम्बबाहुं बहुपीतवाससम् । वृन्दावनोन्मत्तमिलिन्दशब्दै- र्विराजितं श्रीवनमालया हरिम् ॥ ५५ ॥ काञ्जीकलाकङ्कणनूपुरद्युतिं लसन्मनोहारि महोज्ज्वलस्मितम् । श्रीवत्सरत्नोत्तम कुन्तलश्रियं किरीटहाराङ्गदकुण्डलत्विषम् ॥ ५६ ॥ दृष्ट्वा तमानन्दसमुद्रमग्नव- त्प्रहर्षिताश्चाश्रु- कलाकुलेक्षणाः । ततः सुराः प्राञ्जलयो नतानना नेमुर्मुरारिं पुरुषं परायणम् ॥ ५७ ॥
jihvāṃ labdhvāpi yaḥ kṛṣṇaṃ kīrtanīyaṃ na kīrtayet | labdhvāpi mokṣaniḥśreṇiṃ sa nārohati durmatiḥ || 1 || atha te saṃpravakṣyāmi śrīkṛṣṇāgamanaṃ bhuvi | asminvārāha kalpe vai yadbhūtaṃ tacchṛṇu prabho || 2 || purā dānavadaityānāṃ narāṇāṃ khalu bhūbhujām | bhūribhārasamākrāṃtā pṛthvī gorūpadhāriṇī || 3 || anāthavadrudantīva vedayantī nijavyathām | kampayantī nijaṃ gātraṃ brahmāṇaṃ śaraṇaṃ gatā || 4 || brahmāthāśvāsya tāṃ sadyaḥ sarvadevagaṇairvṛtaḥ | śaṅkareṇa samaṃ prāgādvaikuṇṭhaṃ maṃdiraṃ hareḥ || 5 || natvā caturbhujaṃ viṣṇuṃ svābhiprāyaṃ jagāda ha | athodvignaṃ devagaṇaṃ śrīnāthaḥ prāha taṃ vidhim || 6 || śrībhagavānuvāca - kṛṣṇaṃ svayaṃ vigaṇitāṇḍapatiṃ pareśaṃ sākṣādakhaṇḍamatidevamatīvalīlam | kāryaṃ kadāpi na bhaviṣyati yaṃ vinā hi gacchāśu tasya viśadaṃ padamavyayaṃ tvam || 7 || śrībrahmovāca - tvattaḥ paraṃ na jānāmi paripūrṇatamaṃ svayam | yadi yonyastasya sākṣāllokaṃ darśaya naḥ prabho || 8 || śrīnārada uvāca - ityukto'pi hariḥ pūrṇaḥ sarvairdevagaṇaiḥ saha | padavīṃ darśayāmāsa brahmāṇḍaśikharopari || 9 || vāmapādāṅguṣṭhanakhabhinnabrahmāṇḍamastake | śrīvāmanasya vivare brahma dravasamākule || 10 || jalayānena mārgeṇa bahiste niryayuḥ surāḥ | kaliṅgabimbavaccedaṃ brahmāṇḍaṃ dadṛśustvadhaḥ || 11 || indrāyanaphalānīva luṭhantyanyāni vai jale | vilokya vismitāḥ sarve babhuvuścakitā iva || 12 || koṭiśo yojanordhvaṃ vai purāṇāmaṣṭakaṃ gatāḥ | divyaprākāraratnādi drumavṛndamanoharam || 13 || tadūrdhvaṃ dadṛśurdevā virajāyāstaṭaṃ śubham | taraṃgitaṃ kṣauma śubhraṃ sopānairbhāskaraṃ param || 14 || taṃ dṛṣṭvā pracalantaste tatpuraṃ jagmuruttamam | asaṃkhyakoṭimārtaṇḍa jyotiṣāṃ maṇḍalaṃ mahat || 15 || dṛṣṭvā pratāḍitākṣāste tejasā dharṣitāḥ sthitāḥ | namaskṛtvā'tha tattejo dadhyau viṣṇvājñayā vidhiḥ || 16 || tajjyotirmaṇḍale'paśyatsākāraṃ dhāma śāntimat | tasminmahādbhutaṃ dīrghaṃ mṛṇāladhavalaṃ param | sahasravadanaṃ śeṣaṃ dṛṣṭvā nemuḥ surāstataḥ || 17 || tasyotsaṃge mahāloko goloko lokavanditaḥ | yatra kālaḥ kalayatāmīśvaro dhāmamāninām || 18 || rājanna prabhavenmāyā manaścittaṃ matirhyaham | na vikāro viśatyeva na mahāṃśca guṇāḥ kutaḥ || 19 || tatra kandarpalāvaṇyāḥ śyāmasundaravigrahāḥ | dvāri gaṃtuṃ cābhyuditā nyaṣedhankṛṣṇapārṣadāḥ || 20 || śrīdevā ūcuḥ - lokapālā vayaṃ sarve brahmaviṣṇumaheśvarāḥ | śrīkṛṣṇadarśanārthāya śakrādyā āgatā iha || 21 || śrīnārada uvāca - tacchrutvā tadabhiprāyaṃ śrīkṛṣṇāya sakhījanāḥ | ūcurdevapratīhārā gatvā cāntaḥpuraṃ param || 22 || tadā vinirgatā kācicchatacandrānanā sakhī | pītāṃbarā vetrahastā sāpṛcchadvāñchitaṃ surān || 23 || śrīśatacandrānanovāca - kasyāṇḍasyādhipā devā yūyaṃ sarve samāgatāḥ | vadatāśu gamiṣyāmi tasmai bhagavate hyaham || 24 || śrīdevā ūcuḥ - aho aṇḍānyutānyāni nāsmābhirdarśitāni ca | ekamaṇḍaṃ prajānīmo'tho'paraṃ nāsti naḥ śubhe || 25 || śrīśatacandrānanovāca - brahmadeva luṭhantīha koṭiśo hyaṇḍarāśayaḥ | teṣāṃ yūyaṃ yathā devāstathāṇḍe'ṇḍe pṛthak pṛthak || 26 || nāmagrāmaṃ na jānītha kadā nātra samāgatāḥ | jaḍabuddhyā prahṛṣyadhve gṛhānnāpi vinirgatāḥ || 27 || brahmāṇḍamekaṃ jānanti yatra jātāstathā janāḥ | maśakā ca yathāntaḥsthā auduṃbaraphaleṣu vai || 28 || śrīnārada uvāca - upahāsyaṃ gatā devā itthaṃ tūṣṇīṃ sthitāḥ punaḥ | cakitāniva tān dṛṣṭvā viṣṇurvacanamabravīt || 29 || śrīviṣṇuruvāca - yasminnaṇḍe pṛśnigarbho'vatāro'bhūtsanātana | trivikramanakhodbhinne tasminnaṇḍe sthitā vayam || 30 || śrīnārada uvāca - tacchrutvā taṃ ca saṃślāghya śīghramantaḥpuraṃ gatā punarāgatya devebhyo'pyājñāṃ dattvā gatāḥ puram || 31 || atha devagaṇāḥ sarve golokaṃ dadṛśuḥ param | tatra govardhano nāma girirājo virājate || 32 || vasantamāninībhiśca gopībhirgogaṇairvṛtaḥ | kalpavṛkṣalatāsaṅghai rāsamaṇḍalamaṇḍitaḥ || 33 || yatra kṛṣṇānadī śyāmā tolikākoṭimaṇḍitā | vaidūryakṛta sopānā svacchandagatiruttamā || 34 || vṛndāvanaṃ bhrājamānaṃ divyadrumalatākulam | citrapakṣimadhuvratairvaṃśīvaṭavirājitam || 35 || puline śītale vāyurmandagāmī vahatyalam | sahasradalapadmānāṃ rajo vikṣepayanmuhuḥ || 36 || madhye nijanikuñjo'sti dvātriṃśadvanasaṃyutaḥ | prākāraparikhāyukto'ruṇākṣayavaṭājiraḥ || 37 || saptadhā padmarāgāgrājirakuḍyavibhūṣitaḥ | koṭīndumaṇḍalākārairvitānairgulikādyutiḥ || 38 || patatpatākairdivyābhaiḥ puṣpamandiravartmabhiḥ | jātabhramarasaṅgīto mattabarhipikasvanaḥ || 39 || bālārkakuṇḍaladharāḥ śatacandraprabhāḥ striyaḥ | svacchandagatayo ratnaiḥ paśyantyaḥ sundaraṃ mukham || 40 || ratnājireṣu dhāvaṃtyo hārakeyūrabhūṣitāḥ | kvaṇannūpurakiṅkiṇyaścūḍāmaṇivirājitāḥ || 41 || koṭiśaḥ koṭiśo gāvo dvāri dvāri manoharāḥ | śvetaparvatasaṅkāśā divyabhūṣaṇabhūṣitāḥ || 42 || payasvinyastaruṇyaśca śīlarūpaguṇairyutāḥ | savatsāḥ pītapucchāśca vrajaṃtyo bhavyamūrtikāḥ || 43 || ghaṇṭāmaṃjīrasaṃrāvāḥ kiṃkiṇījālamaṇḍitāḥ | hemaśṛṅgyo hematulyahāramālāsphuratprabhāḥ || 44 || pāṭalā haritāstāmrāḥ pītāḥ śyāmā vicitritāḥ | dhūmrāḥ kokilavarṇāśca yatra gāvastvanekadhā || 45 || samudravaddugdhadāśca taruṇīkaracihnitāḥ | kuraṃgavadvilaṅghadbhirgovatsairmaṇḍitāḥ śubhāḥ || 46 || itastataścalantaśca gogaṇeṣu mahāvṛṣāḥ | dīrghakandharaśṛṅgāḍhyā yatra dharmadhuraṃdharāḥ || 47 || gopālā vetrahastāśca śyāmā vaṃśīdharāḥ parāḥ | kṛṣṇalīlāṃ pragāyanto rāgairmadanamohanaiḥ || 48 || itthaṃ nijanikuñjaṃ taṃ natvā madhye gatāḥ surāḥ | jyotiṣāṃ maṇḍalaṃ padmaṃ sahasradalaśobhitam || 49 || tadūrdhvaṃ ṣoḍaśadalaṃ tato'ṣṭadalapaṅkajam | tasyopari sphuraddīrghaṃ sopānatrayamaṇḍitam || 50 || siṃhāsanaṃ paraṃ divyaṃ kaustubhaiḥ khacitaṃ śubhaiḥ | dadṛśurdevatāḥ sarvāḥ śrīkṛṣṇaṃ rādhayā yutam || 51 || divyairaṣṭasakhīsaṅghairmohinyādibhiranvitam | śrīdāmādyaiḥ sevyamānamaṣṭagopālasevitaiḥ || 52 || haṃsābhairvyajanāndolacāmarairvajramuṣṭibhiḥ | koṭicandrapratīkāśaiḥ sevitaṃ chatrakoṭibhiḥ || 53 || śrī rādhikālaṅkṛtavāmabāhuṃ svacchandavakrī- kṛtadakṣiṇāṅghrim | vaṃśīdharaṃ sundaramandahāsaṃ bhrūmaṇḍalāmohitakāmarāśim || 54 || ghanaprabhaṃ padmadalāyutekṣaṇaṃ pralambabāhuṃ bahupītavāsasam | vṛndāvanonmattamilindaśabdai- rvirājitaṃ śrīvanamālayā harim || 55 || kāñjīkalākaṅkaṇanūpuradyutiṃ lasanmanohāri mahojjvalasmitam | śrīvatsaratnottama kuntalaśriyaṃ kirīṭahārāṅgadakuṇḍalatviṣam || 56 || dṛṣṭvā tamānandasamudramagnava- tpraharṣitāścāśru- kalākulekṣaṇāḥ | tataḥ surāḥ prāñjalayo natānanā nemurmurāriṃ puruṣaṃ parāyaṇam || 57 ||
English translation
Darshan of Golokdham by Brahmadhi Devo
The Lord said, "O Brahman! Lord Krishna is the Lord of innumerable universes, the Supreme Being, the Absolute, and the transcendent. His pastimes are endless and indescribable. Without His grace, this work will never be accomplished, so hasten to His indestructible and most radiant abode. 7.
Lord Brahma said, "O Lord! I don't know of any other perfect element besides you. If there is any other God who excels you, show me his people. 8 | (Golok Khand Chapters 1 to 5)
Srinaradji says - On saying this to Brahma, the most perfect Lord Vishnu, along with all the gods, showed Brahma the path to Golok Dham, which is situated on the peak of the universe. The hole in the left thumb of Vamanji's foot, when the cosmic head was pierced, was filled with 'Brahmadrava' (eternal inexhaustible water). All the gods left by the same route by the ship destined for them. There, on reaching the top of the universe, they looked down at the universe as if it were a Kalingamimba (pillar). Apart from this, many other universes were also rolling around in the same water in waves similar to the Indrayana Plaque. All the gods were amazed to see this. They were astounded. From there, eight towns were found on top of crores of yojanas, surrounded by divine boundary walls, and the joy of those puris was enhanced by herds of gemstone trees. Just above, the gods saw the beautiful banks of the Virajnadi, which were being lashed by the waves of Viraja. The basin looked as white as a bright silk cloth. He was being very much exposed by the steps of the divine jewel. Seeing the beauty of the coast and moving ahead, the gods reached the exquisite city, which seemed to be the great mass of eternal sunshine. The gods' eyes widened at the sight of him. They stood wherever they were defeated by that brilliance. Then as per the command of Lord Vishnu, by bowing down to that radiance, Brahma began to meditate on him. Inside the same flame, he saw an extremely peaceful sanctum sanctorum. All the gods paid obeisance to Sheshnag by having a darshan of Sheshnag with a thousand faces like the most magnificent lotus. The king! In the godhouse of those Sheshnags, there was a vision of the great illuminated Lokavandit Golokdham, where the gods of the Dhama-bhimani gods and the chief among the enumerators have no control. Even the Maya cannot make an impact there. Even the mind, the mind, the intellect, the ego, the sixteen vikas and the greatness cannot enter there; then what is there to say about the three gunas! There, Lavanya-Shalini, a charming form of Kamadeva, acted as the dwarapala of Shyamsundarvigraha Sri Krishna Parshada. Seeing the gods intending to enter the gate, they refused. 9-20 |
Hearing of the deities, the sakhis, who were the gatekeepers of Lord Krishna, went to the harem and narrated the story of the deities, says Srinardji. Then a friend, known as Shatachandran, who was dressed in yellow and had a cane stick in her hand, came out and asked him for his intended purpose. 22-23. .
The gods said, "Oh! It's amazing, are there other universes out there? We have never seen them. Good luck! All we know is that there is only one universe, there is no other. 25.
Srinardji says - Rajan! All the gods, thus mocked, stood in silence, unable to speak. Seeing them in amazement, the god Vishnu said. 29.
Lord Vishnu said, "We reside in the universe in which Lord Shiva has incarnated eternally and the universe in which Vamana (Vamana), in the form of Trivikrama (Virat), has become Vamana." . 30. (Golok Khand Chapters 1 to 5)
Hearing this, Lord Vishnu praised Shatachandran profusely and went inside himself, says Srinaradji. Then she came soon after and went back, ordering everyone to come to the harem. Thereafter, the entire pantheon had a darshan of the Paramasundara Dham Goloka. There, the Girirajas named 'Govardhan' were enchanting. The kingdom of Giriraj was at that time surrounded by a group of gopis and cows celebrating spring, adorned with a community of kalpavriksha and kalpalata, and adorned by the rasa-mandala. There, the black-colored Uttam Yamuna flows at a leisurely pace. The millions of palaces built on the banks add to its splendor, and the river has beautiful steps for descending, where 'Vrindavan', full of divine trees and vines, is getting extremely beautiful; the beauty of the place is increasing due to the variety of strange birds, illusions, and dynasties. There is a cool breeze blowing slowly, scattering the fragrant pollen of a thousand oranges around it again and again. In the center of Vrindavan is a 'private park' with thirty-two forests. The compound walls and the moat adorn it. The part of its courtyard is decorated with red-coloured akshayvats. The walls and courtyard floors are adorned with seven types of beads like lotus. The quadruplets, which hold images of millions of moons, adorn it and have bright spheres hanging from them. Floating divine flags and blooming flowers adorn the temples and passages. There, the murmurs of illusions create music. And the coloring of drunken peacocks and cuckoos is always audible. There, lanterns bearing bright yellow-yellow kundals resembling Balsurya are illuminated with a golden hue resembling hundreds of moons. The idyllic beauties run around the bustling courtyards, gazing out at their charming faces against the gilded walls. They are adorned with necklaces around their necks and kayyurs in their arms. The sweet rustle of the nipples and the tax payer echoes there. The Gopangas wear a Chudamani on their head. There are door-to-door darshan of the enchanting cows. Those cows are adorned with divine ornaments and look like white mountains. They are all milk-producing and of a new state. There are Sushila, Surucha, and Sagunavati. All of them have white and yellow tails. Cows with such a magnificent appearance are roaming around there. Their bells and cymbals make a melodious sound. The horns of those cows, adorned with kinkini nets, are covered with gold. They wear necklaces and garlands that are gold in color. The light keeps dripping from their limbs. All cows are different colors - some bright, some black, some yellow, some red, some green, some copper, and some pale. Some have a smoke-like color to them. Many are the same color as the cuckoo. The cows, which compare to the sea in milking, are adorned with young women's marks on their bodies, meaning the young women's hands are painted with colorful prints. They are more graceful than the jumping calves of a deer. Giant-bodied bulls are also moving around in herds of cows. They have long necks and large horns. Those bulls are directly referred to as Dharmadhurandhar. There are also many shepherds who protect cows. Some of them even have cane sticks in their hands. And the beautiful flute adorns the hands of others. They all have a dark color on their bodies. They sing the pastimes of Lord Krishna in such melodious tones that even Kamadeva is captivated by hearing them. 31-48. . (Golok Khand Chapters 1 to 5)
All the gods and goddesses paid obeisance to this' divine private garden 'and went inside. There he had to see a very large lotus with a thousand petals. It was decorated as if it were a mass of light. It is topped by a sixteen-pointed lotus and topped by an eight-pointed lotus. Above it is a high throne shining brightly. The supreme divine throne, complete with three steps, adorns itself with Kaustubha beads. On top of it, Lord Shrikrushna Chandra is seated with Shrikrishnaji. All those gods got such a tableau. The couplet form is coordinated by the eight divine companions like Bhagwan Mohini and is served by the eight Gopals like Sridama. They are flanked by white fans resembling geese, and diamond-tipped chavars are hung. In the service of God, Karondos are presented with umbrellas, which can be compared to the brightness of the crescent moon. The left arm of Lord Krishna is adorned with the idol of Lord Shri Krishna. The Lord has willingly bent His right foot. They are holding flutes in their hands. He has captivated many Kamadevas with his charming smiling face and pompous mannerisms. That Srihariki is a dark kanti like Aries. They have eyes as big as a lotus. The Lord is wearing a very yellow robe with large arms up to the knees. The Lord is wearing a beautiful forest garland around his neck, echoing with bewilderment as he wanders through Vrindavan. The legs are shaded with daggers and the hands with spines. The very beautiful smile is captivating. The emblem of Srivatsa, a crown made of precious stones, a kundal, a bajubandha, and a necklace adorn the deity in their respective places. On receiving such a divine vision of Lord Krishna, the entire deity began to dive into the ocean of bliss. Tears welled up in his eyes because of the sheer joy. Then all the deities with folded hands paid obeisance to the Supreme Personality of Godhead, Shri Krishna Chandra, with humility. . 49-57 | (Golok Khand Chapters 1 to 5)
Thus was completed the second chapter in the Narada Bahulashva-Samvada under Golokhanda in the Srigargha Samhita, titled "The Description of Srigolokadham." 2.
Complete chapter-aligned witnesses. Sanskrit Wikisource page 26560, revision 146073 (2018-06-13T19:26:29Z). English was rendered from the complete Hindi chapter at https://www.mahakavya.com/garga-samhita-golok-khand-chapters-1-to-5/ as a transparent machine-assisted translation using the pinned IndicTrans2 Indic–English Distilled 200M model and retained without claiming verse-by-verse alignment.