Third Skandha · Chapter 13
Sourceराजोवाच हरिणा तु कथं यज्ञः कृतः पूर्वं पितामह । जगत्कारणरूपेण विष्णुना प्रभविष्णुना ॥ १ ॥ के सहायास्तु तत्रासन्ब्राह्मणाः के महामते । ऋत्विजो वेदतत्त्वज्ञास्तन्मे ब्रूहि परन्तप ॥ २ ॥ पश्चात्करोम्यहं यज्ञं विधिदृष्टेन कर्मणा । श्रुत्वा विष्णुकृतं यागमम्बिकायाः समाहितः ॥ ३ ॥ व्यास उवाच राजञ्छृणु महाभाग विस्तरं परमाद्भुतम् । यथा भगवता यज्ञः कृतश्च विधिपूर्वकः ॥ ४ ॥ विसर्जिता यदा देव्या दत्त्वा शक्तीश्च तास्त्रयः । काजेशाः पुरुषा जाता विमानवरमास्थिताः ॥ ५ ॥ प्राप्ता महार्णवं घोरं त्रयस्ते विबुधोत्तमाः । चक्रुः स्थानानि वासार्थं समुत्पाद्य धरां स्थिताः ॥ ६ ॥ आधारशक्तिरचला मुक्ता देव्या स्वयं ततः । तदाधारा स्थिता जाता धरा मेदःसमन्विता ॥ ७ ॥ मधुकैटभयोर्मेदः संयोगान्मेदिनी स्मृता । धारणाच्च धरा प्रोक्ता पृथ्वी विस्तारयोगतः ॥ ८ ॥ मही चापि महीयस्त्वाद्धृता सा शेषमस्तके । गिरयश्च कृताः सर्वे धारणार्थ प्रविस्तराः ॥ ९ ॥ लोहकीलं यथा काष्ठे तथा ते गिरयः कृताः । महीधरो महाराज प्रोच्यते विबुधैर्जनैः ॥ १० ॥ जातरूपमयो मेरुर्बहुयोजनविस्तरः । कृतो मणिमयैः शृङ्गैः शोभितः परमाद्भुतः ॥ ११ ॥ मरीचिर्नारदोऽत्रिश्च पुलस्त्यः पुलहः क्रतुः । दक्षो वसिष्ठ इत्येते ब्रह्मणः प्रथिताः सुताः ॥ १२ ॥ मरीचेः कश्यपो जातो दक्षकन्यास्त्रयोदश । ताभ्यो देवाश्च दैत्याश्च समुत्पन्ना ह्यनेकशः ॥ १३ ॥ ततस्तु काश्यपी सृष्टिः प्रवृत्ता चातिविस्तरा । मनुष्यपशुसर्पादिजातिभेदैरनेकधा ॥ १४ ॥ ब्रह्मणश्चार्धदेहात्तु मनुः स्वायम्भुवोऽभवत् । शतरूपा तथा नारी सञ्जाता वामभागतः ॥ १५ ॥ प्रियव्रतोत्तानपादौ सुतौ तस्या बभूवतुः । तिस्त्रः कन्या वरारोहा ह्यभवन्नतिसुन्दरीः ॥ १६ ॥ एवं सृष्टिं समुत्पाद्य भगवान्कमलोद्भवः । चकार ब्रह्मलोकञ्च मेरुशृङ्गे मनोहरम् ॥ १७ ॥ वैकुण्ठं भगवान्विष्णू रमारमणमुत्तमम् । क्रीडास्थानं सुरम्यञ्च सर्वलोकोपरिस्थितम् ॥ १८ ॥ शिवोऽपि परमं स्थानं कैलासाख्यं चकार ह । समासाद्य भूतगणं विजहार यथारुचि ॥ १९ ॥ स्वर्गस्त्रिविष्टपो मेरुशिखरोपरि कल्पितः । तच्च स्थानं सुरेन्द्रस्य नानारत्नविराजितम् ॥ २० ॥ समुद्रमथनात्प्राप्तः पारिजातस्तरुत्तमः । चतुर्दन्तस्तथा नागः कामधेनुश्च कामदा ॥ २१ ॥ उच्चैःश्रवास्तथाश्वो वै रम्भाद्यप्सरसस्तथा । इन्द्रेणोपात्तमखिलं जातं वै स्वर्गभूषणम् ॥ २२ ॥ धन्वन्तरिश्चन्द्रमाश्च सागराच्च समुद्बभौ । स्वर्गस्थितौ विराजेते देवौ बहुगणैर्वृतौ ॥ २३ ॥ एवं सृष्टिः समुत्पन्ना त्रिविधा नृपसत्तम । देवतिर्यङ्मनुष्यादिभेदैर्विविधकल्पिता ॥ २४ ॥ अण्डजाः स्वेदजाश्चैव चोद्भिज्जाश्च जरायुजाः । चतुर्भेदैः समुत्पन्ना जीवाः कर्मयुताः किल ॥ २५ ॥ एवं सृष्टिं समासाद्य ब्रह्मविष्णुमहेश्वराः । विहारं स्वेषु स्थानेषु चक्रुः सर्वे यथेप्सितम् ॥ २६ ॥ एवं प्रवर्तिते सर्गे भगवान्प्रभुरच्युतः । महालक्ष्म्या समं तत्र चिक्रीड भुवने स्वके ॥ २७ ॥ एकस्मिन्समये विष्णुर्वैकुण्ठे संस्थितः पुरा । सुधासिन्धुस्थितं द्वीपं सस्मार मणिमण्डितम् ॥ २८ ॥ यत्र दृष्ट्वा महामायां मन्त्रश्चासादितः शुभः । स्मृत्वा तां परमां शक्तिं स्त्रीभावं गमितो यथा ॥ २९ ॥ यज्ञं कर्तुं मनश्चक्रे अम्बिकाया रमापतिः । उत्तीर्य भुवनात्तस्मात्समाहूय महेश्वरम् ॥ ३० ॥ ब्रह्माणं वरुणं शक्रं कुबेरं पावकं यमम् । वसिष्ठं कश्यपं दक्षं वामदेवं बृहस्पतिम् ॥ ३१ ॥ सम्भारं कल्पयामास यज्ञार्थं चातिविस्तरम् । महाविभवसंयुक्तं सात्त्विकञ्च मनोहरम् ॥ ३२ ॥ मण्डपं विततं तत्र कारयामास शिल्पिभिः । ऋत्विजो वरयामास सप्तविंशतिसुव्रतान् ॥ ३३ ॥ चितिञ्च कारयामास वेदीश्चैव सुविस्तराः । प्रजेपुर्ब्राह्मणा मन्त्रान्देव्या बीजसमन्वितान् ॥ ३४ ॥ जुहुवुस्ते हविः कामं विधिवत्परिकल्पिते । कृते तु वितते होमे वागुवाचाशरीरिणी ॥ ३५ ॥ विष्णुं तदा समाभाष्य सुस्वरा मधुराक्षरा । विष्णो त्वं भव देवानां हरे श्रेष्ठतमः सदा ॥ ३६ ॥ मान्यश्च पूजनीयश्च समर्थश्च सुरेष्वपि । सर्वे त्वामर्चयिष्यन्ति ब्रह्माद्याश्च सवासवाः ॥ ३७ ॥ प्रभविष्यन्ति भो भक्त्या मानवा भुवि सर्वतः । वरदस्त्वं च सर्वेषां भविता मानवेषु वै ॥ ३८ ॥ कामदः सर्वदेवानां परमः परमेश्वरः । सर्वयज्ञेषु मुख्यस्त्वं पूज्यः सर्वैश्च याज्ञिकैः ॥ ३९ ॥ त्वां जनाः पूजयिष्यन्ति वरदस्त्वं भविष्यसि । श्रयिष्यन्ति च देवास्त्वां दानवैरतिपीडिताः ॥ ४० ॥ शरणस्त्वञ्च सर्वेषां भविता पुरुषोत्तम । पुराणेषु च सर्वेषु वेदेषु विततेषु च ॥ ४१ ॥ त्वं वै पूज्यतमः कामं कीर्तिस्तव भविष्यति । यदा यदा हि धर्मस्य ग्लानिर्भवति भूतले ॥ ४२ ॥ तदांशेनावतीर्याशु कर्तव्यं धर्मरक्षणम् । अवताराः सुविख्याताः पृथिव्यां तव भागशः ॥ ४३ ॥ भविष्यन्ति धरायां वै माननीया महात्मनाम् । अवतारेषु सर्वेषु नानायोनिषु माधव ॥ ४४ ॥ विख्यातः सर्वलोकेषु भविता मधुसूदन । अवतारेषु सर्वेषु शक्तिस्ते सहचारिणी ॥ ४५ ॥ भविष्यति ममांशेन सर्वकार्यप्रसाधिनी । वाराही नारसिंही च नानाभेदैरनेकधा ॥ ४६ ॥ नानायुधाः शुभाकाराः सर्वाभरणमण्डिताः । ताभिर्युक्तः सदा विष्णो सुरकार्याणि माधव ॥ ४७ ॥ साधयिष्यसि तत्सर्वं मद्दत्तवरदानतः । तास्त्वया नावमन्तव्याः सर्वदा गर्वलेशतः ॥ ४८ ॥ पूजनीयाः प्रयत्नेन माननीयाश्च सर्वथा । नूनं ता भारते खण्डे शक्तयः सर्वकामदाः ॥ ४९ ॥ भविष्यन्ति मनुष्याणां पूजिताः प्रतिमासु च । तासां तव च देवेश कीर्तिः स्यान्दखिलेष्वपि ॥ ५० ॥ द्वीपेषु सप्तस्वपि च विख्याता भुवि मण्डले । ताश्च त्वां वै महाभाग मानवा भुवि मण्डले ॥ ५१ ॥ अर्चयिष्यन्ति वाञ्छार्थं सकामाः सततं हरे । अर्चासु चोपहारैश्च नानाभावसमन्विताः ॥ ५२ ॥ पूजयिष्यन्ति वेदोक्तैर्मन्त्रैर्नामजपैस्तथा । महिमा तव भूर्लोके स्वर्गे च मधुसूदन ॥ ५३ ॥ पूजनाद्देवदेवेश वृद्धिमेष्यति मानवैः । व्यास उवाच इति दत्त्वा वरान्वाणी विरराम खसम्भवा ॥ ५४ ॥ भगवानपि प्रीतात्मा ह्यभवच्छ्रवणादिव । समाप्य विधिवद्यज्ञं भगवान्हरिरीश्वरः ॥ ५५ ॥ विसर्जयित्वा तान्देवान्ब्रह्मपुत्रान्मुनीनथ । जगामानुचरैः सार्धं वैकुण्ठं गरुडध्वजः ॥ ५६ ॥ स्वानि स्वानि च धिष्ण्यानि पुनः सर्वे सुरास्ततः । मुनयो विस्मिता वार्तां कुर्वन्तस्ते परस्परम् ।५७ ॥ ययुः प्रमुदिताः कामं स्वाश्रमान्पावनानथ ॥ ५८ ॥ श्रुत्वा वाणीं परमविशदां व्योमजां श्रोत्ररम्यां सर्वेषां वै प्रकृतिविषये भक्तिभावश्च जातः । चक्रुः सर्वे द्विजमुनिगणाः पूजनं भक्तियुक्ता- स्तस्याः कामं निखिलफलदं चागमोक्तं मुनीन्द्राः ॥ ५९ ॥
rājovāca hariṇā tu kathaṃ yajñaḥ kṛtaḥ pūrvaṃ pitāmaha | jagatkāraṇarūpeṇa viṣṇunā prabhaviṣṇunā || 1 || ke sahāyāstu tatrāsanbrāhmaṇāḥ ke mahāmate | ṛtvijo vedatattvajñāstanme brūhi parantapa || 2 || paścātkaromyahaṃ yajñaṃ vidhidṛṣṭena karmaṇā | śrutvā viṣṇukṛtaṃ yāgamambikāyāḥ samāhitaḥ || 3 || vyāsa uvāca rājañchṛṇu mahābhāga vistaraṃ paramādbhutam | yathā bhagavatā yajñaḥ kṛtaśca vidhipūrvakaḥ || 4 || visarjitā yadā devyā dattvā śaktīśca tāstrayaḥ | kājeśāḥ puruṣā jātā vimānavaramāsthitāḥ || 5 || prāptā mahārṇavaṃ ghoraṃ trayaste vibudhottamāḥ | cakruḥ sthānāni vāsārthaṃ samutpādya dharāṃ sthitāḥ || 6 || ādhāraśaktiracalā muktā devyā svayaṃ tataḥ | tadādhārā sthitā jātā dharā medaḥsamanvitā || 7 || madhukaiṭabhayormedaḥ saṃyogānmedinī smṛtā | dhāraṇācca dharā proktā pṛthvī vistārayogataḥ || 8 || mahī cāpi mahīyastvāddhṛtā sā śeṣamastake | girayaśca kṛtāḥ sarve dhāraṇārtha pravistarāḥ || 9 || lohakīlaṃ yathā kāṣṭhe tathā te girayaḥ kṛtāḥ | mahīdharo mahārāja procyate vibudhairjanaiḥ || 10 || jātarūpamayo merurbahuyojanavistaraḥ | kṛto maṇimayaiḥ śṛṅgaiḥ śobhitaḥ paramādbhutaḥ || 11 || marīcirnārado'triśca pulastyaḥ pulahaḥ kratuḥ | dakṣo vasiṣṭha ityete brahmaṇaḥ prathitāḥ sutāḥ || 12 || marīceḥ kaśyapo jāto dakṣakanyāstrayodaśa | tābhyo devāśca daityāśca samutpannā hyanekaśaḥ || 13 || tatastu kāśyapī sṛṣṭiḥ pravṛttā cātivistarā | manuṣyapaśusarpādijātibhedairanekadhā || 14 || brahmaṇaścārdhadehāttu manuḥ svāyambhuvo'bhavat | śatarūpā tathā nārī sañjātā vāmabhāgataḥ || 15 || priyavratottānapādau sutau tasyā babhūvatuḥ | tistraḥ kanyā varārohā hyabhavannatisundarīḥ || 16 || evaṃ sṛṣṭiṃ samutpādya bhagavānkamalodbhavaḥ | cakāra brahmalokañca meruśṛṅge manoharam || 17 || vaikuṇṭhaṃ bhagavānviṣṇū ramāramaṇamuttamam | krīḍāsthānaṃ suramyañca sarvalokoparisthitam || 18 || śivo'pi paramaṃ sthānaṃ kailāsākhyaṃ cakāra ha | samāsādya bhūtagaṇaṃ vijahāra yathāruci || 19 || svargastriviṣṭapo meruśikharopari kalpitaḥ | tacca sthānaṃ surendrasya nānāratnavirājitam || 20 || samudramathanātprāptaḥ pārijātastaruttamaḥ | caturdantastathā nāgaḥ kāmadhenuśca kāmadā || 21 || uccaiḥśravāstathāśvo vai rambhādyapsarasastathā | indreṇopāttamakhilaṃ jātaṃ vai svargabhūṣaṇam || 22 || dhanvantariścandramāśca sāgarācca samudbabhau | svargasthitau virājete devau bahugaṇairvṛtau || 23 || evaṃ sṛṣṭiḥ samutpannā trividhā nṛpasattama | devatiryaṅmanuṣyādibhedairvividhakalpitā || 24 || aṇḍajāḥ svedajāścaiva codbhijjāśca jarāyujāḥ | caturbhedaiḥ samutpannā jīvāḥ karmayutāḥ kila || 25 || evaṃ sṛṣṭiṃ samāsādya brahmaviṣṇumaheśvarāḥ | vihāraṃ sveṣu sthāneṣu cakruḥ sarve yathepsitam || 26 || evaṃ pravartite sarge bhagavānprabhuracyutaḥ | mahālakṣmyā samaṃ tatra cikrīḍa bhuvane svake || 27 || ekasminsamaye viṣṇurvaikuṇṭhe saṃsthitaḥ purā | sudhāsindhusthitaṃ dvīpaṃ sasmāra maṇimaṇḍitam || 28 || yatra dṛṣṭvā mahāmāyāṃ mantraścāsāditaḥ śubhaḥ | smṛtvā tāṃ paramāṃ śaktiṃ strībhāvaṃ gamito yathā || 29 || yajñaṃ kartuṃ manaścakre ambikāyā ramāpatiḥ | uttīrya bhuvanāttasmātsamāhūya maheśvaram || 30 || brahmāṇaṃ varuṇaṃ śakraṃ kuberaṃ pāvakaṃ yamam | vasiṣṭhaṃ kaśyapaṃ dakṣaṃ vāmadevaṃ bṛhaspatim || 31 || sambhāraṃ kalpayāmāsa yajñārthaṃ cātivistaram | mahāvibhavasaṃyuktaṃ sāttvikañca manoharam || 32 || maṇḍapaṃ vitataṃ tatra kārayāmāsa śilpibhiḥ | ṛtvijo varayāmāsa saptaviṃśatisuvratān || 33 || citiñca kārayāmāsa vedīścaiva suvistarāḥ | prajepurbrāhmaṇā mantrāndevyā bījasamanvitān || 34 || juhuvuste haviḥ kāmaṃ vidhivatparikalpite | kṛte tu vitate home vāguvācāśarīriṇī || 35 || viṣṇuṃ tadā samābhāṣya susvarā madhurākṣarā | viṣṇo tvaṃ bhava devānāṃ hare śreṣṭhatamaḥ sadā || 36 || mānyaśca pūjanīyaśca samarthaśca sureṣvapi | sarve tvāmarcayiṣyanti brahmādyāśca savāsavāḥ || 37 || prabhaviṣyanti bho bhaktyā mānavā bhuvi sarvataḥ | varadastvaṃ ca sarveṣāṃ bhavitā mānaveṣu vai || 38 || kāmadaḥ sarvadevānāṃ paramaḥ parameśvaraḥ | sarvayajñeṣu mukhyastvaṃ pūjyaḥ sarvaiśca yājñikaiḥ || 39 || tvāṃ janāḥ pūjayiṣyanti varadastvaṃ bhaviṣyasi | śrayiṣyanti ca devāstvāṃ dānavairatipīḍitāḥ || 40 || śaraṇastvañca sarveṣāṃ bhavitā puruṣottama | purāṇeṣu ca sarveṣu vedeṣu vitateṣu ca || 41 || tvaṃ vai pūjyatamaḥ kāmaṃ kīrtistava bhaviṣyati | yadā yadā hi dharmasya glānirbhavati bhūtale || 42 || tadāṃśenāvatīryāśu kartavyaṃ dharmarakṣaṇam | avatārāḥ suvikhyātāḥ pṛthivyāṃ tava bhāgaśaḥ || 43 || bhaviṣyanti dharāyāṃ vai mānanīyā mahātmanām | avatāreṣu sarveṣu nānāyoniṣu mādhava || 44 || vikhyātaḥ sarvalokeṣu bhavitā madhusūdana | avatāreṣu sarveṣu śaktiste sahacāriṇī || 45 || bhaviṣyati mamāṃśena sarvakāryaprasādhinī | vārāhī nārasiṃhī ca nānābhedairanekadhā || 46 || nānāyudhāḥ śubhākārāḥ sarvābharaṇamaṇḍitāḥ | tābhiryuktaḥ sadā viṣṇo surakāryāṇi mādhava || 47 || sādhayiṣyasi tatsarvaṃ maddattavaradānataḥ | tāstvayā nāvamantavyāḥ sarvadā garvaleśataḥ || 48 || pūjanīyāḥ prayatnena mānanīyāśca sarvathā | nūnaṃ tā bhārate khaṇḍe śaktayaḥ sarvakāmadāḥ || 49 || bhaviṣyanti manuṣyāṇāṃ pūjitāḥ pratimāsu ca | tāsāṃ tava ca deveśa kīrtiḥ syāndakhileṣvapi || 50 || dvīpeṣu saptasvapi ca vikhyātā bhuvi maṇḍale | tāśca tvāṃ vai mahābhāga mānavā bhuvi maṇḍale || 51 || arcayiṣyanti vāñchārthaṃ sakāmāḥ satataṃ hare | arcāsu copahāraiśca nānābhāvasamanvitāḥ || 52 || pūjayiṣyanti vedoktairmantrairnāmajapaistathā | mahimā tava bhūrloke svarge ca madhusūdana || 53 || pūjanāddevadeveśa vṛddhimeṣyati mānavaiḥ | vyāsa uvāca iti dattvā varānvāṇī virarāma khasambhavā || 54 || bhagavānapi prītātmā hyabhavacchravaṇādiva | samāpya vidhivadyajñaṃ bhagavānharirīśvaraḥ || 55 || visarjayitvā tāndevānbrahmaputrānmunīnatha | jagāmānucaraiḥ sārdhaṃ vaikuṇṭhaṃ garuḍadhvajaḥ || 56 || svāni svāni ca dhiṣṇyāni punaḥ sarve surāstataḥ | munayo vismitā vārtāṃ kurvantaste parasparam |57 || yayuḥ pramuditāḥ kāmaṃ svāśramānpāvanānatha || 58 || śrutvā vāṇīṃ paramaviśadāṃ vyomajāṃ śrotraramyāṃ sarveṣāṃ vai prakṛtiviṣaye bhaktibhāvaśca jātaḥ | cakruḥ sarve dvijamunigaṇāḥ pūjanaṃ bhaktiyuktā- stasyāḥ kāmaṃ nikhilaphaladaṃ cāgamoktaṃ munīndrāḥ || 59 ||
English translation
1-3. The King spoke O Grandfather! How did Visnu, the Powerful, the Cause of the world, perform the Devi Yajna? Whose help did he receive and what priests with their knowledge of the Vedas did he engage, kindly tell all these to me in special details. I will very attentively hear first this Devi Yajna, performed by Visnu; and then I will make arrangements to do that myself accordingly.
4. Vyasa said O noble one! Hear in detail that very wonderful thing, how Visnu celebrated the Devi Yajna comformably to the rules laid down in the S’astras.
5. When Brahma, Visnu, and Mahes’a were each given powers by the Devi, the Goddess of the Universe, and when they parted, these three Devas became free from their womanhood, while they were coming back in their aerial cars and turned out men, as they were before.
6. These three Devas, found the great ocean before them. They brought out world from it; and built, in that world, dwelling abodes; and they themselves began to live in some of them.
7. That world became fixed, steady and the supporter of all beings when the Goddess imparted the power of fixture, steadiness, and the power of supporting to the world. The earth, filled with marrow, then, became fixed and the great supporter by Her power.
8-10. O King! The name of this earth is Medini, since it was made out of the marrow of the two Asuras Madhu and Kaitabha. This earth is termed Dhara because it supports all; is termed Prithvi because it is very capacious; and it is called Mahi because it is great, since it supports so many beings. O King! the Ananta serpent is holding it on her thousand-hoods. To make the earth remain solid and compact, Brahma built at places mountains. As iron nails in a log of wood, so these hills and mountains within this earth made it fixed. Therefore the Pundits call these mountains “Mahidhara,” holder of the earth.
11.0 King! Thus the golden Meru, the great mountain, many Yojanas wide, adorned with many golden mountain peaks was created.
12. Next Marichi, Narada, Atri, Pulastya, Pulaha, Kratu, Daksa, and Vas’istha were created by Brahma; these are the Brahma’s mental sons (sons created by the sheer power of mind).
13. The son Kas’yapa was born to Marichi and thirteen daughters were born of Daksa. From these daughters and out of the seed of Kas’yapa, various Devas and Daityas were born.
14. Then human beings, animals, serpents and many other classes were created. This is called the KasyapT S’risti or the Kas’yapa’s creation.
15. Next Svayambhava Manu sprang from the lower half of Brahma; and the daughter named S'atarupa came out of the left hand side of the Brahma’s body.
16. The two sons Priyavrata and Uttanapada were born of Manu in the womb of S’atarupa and the three daughters, very beautiful and fair complexioned, were also born of him.
17. Creating then, the Bhagavan, the lotus born Brahma built the beautiful Brahma-loka, on the top of the Meru mountain.
18. Then the Bhagavan Visnu built the Vaikuntha city on the top of all the lokas or worlds to dwell with his consort Laksmi.
19. Mahadeva, too, built the exceedingly beautiful Kailas’a and stayed there with his Bhutas and played with them at his will.
20. The third Loka termed Heaven was built on the top of Meru, decorated with various precious gems and jewels and stones. It was fixed as the abode of Indra.
21-22. When the great ocean was churned, Parijata, the best of all the trees, the elephant Airavata with four tusks, the Heavenly cow yielding the milk of all desires, the Uchchais’rava horse and Apsaras, Rambha and others, arose and were taken by Indra. These became the ornaments of Heaven.
23. The Moon and Dhanvantari, the great phyisician also came out of the churning of the ocean. These surrounded with many other members began to shine, being situated above the Heavens.
24. O King! Thus the three varieties, human beings, Devas, and Tiryakas (birds, etc.) and their great subvarieties sprang up.
25. The four classes of Jivas, Andaja (born from the eggs), Svedaja (born out of sweats), Udbhija (plants, etc.) and Jarayuja (men, etc.) were created, being endowed with the fruits of their past auspicious or inauspicious Karmas, as the case may be.
26. Brahma, Visnu, and Mahes’a began to play and walk about at their leisures in their respective spheres, after they finished all their creations.
27. Thus the wheel of creation being started, the Great God Bhagavan Visnu Achyuta remained in sport with Maha Laksmi in His own sphere Vaikuntha.
28. Then Bhagavan Visnu, while sitting one day in Vaikuntha, got in his mind the memory of that beautiful island, called Mani Dvipa, adorned with precious stones, gems and jewels.
29-33. O King! In this Mani DvTpa, the Bhagavan Visnu got the vision of the Maha Maya and the auspicious mantra. He now thought to celebrate a Yajha in honour of the Devi, when he recollected the highest Energy, the Great Goddess. He then went out of his abode and invited Brahma, MahesVara, Kuvera, Indra, Varuna, Fire, Yama, Vas’istha, Kas’yapa, Daksa, Vamadeva, Brihaspati and others and began to collect lots of materials necessary for the Devi sacrifice. Selecting a site Sattvik, beautiful, and possessing great spiritual powers, Visnu erected, with the help of the great artists and engineers, a wide capacious sacrificial hall, and for the due
celebration and fulfilment of it, appointed twenty seven priests; who pledged a solemn vow to complete it duly.
34. When the big altar and chiti (pile of wood for burning, stack of sacrificial bricks) were finished, the Brahmanas began to recite slowly the Devi mantrams with their root mantrams.
Note Chiti, lit pile of wood for burning, is perhaps the Muladhara, the sacral plexus, where the fire called Kundalini is first kindled by processes of Yoga.
35-37. Then the profuse quantities of ghee were offered as oblations to to the Sacred Fire. Thus when the Homa, (offering oblations of ghee to the fire) ceremony was finished elaborately and conforming to the rules of the S’astras, the sweet and melodious Heavenly voice was heard in the air, addressing Visnu Bhagavan, thus O Visnu! Let You be the supreme amongst the gods; honour and worship shall be Thine first; and you would be the most powerful of the Devas. Indra together with Brahma, and the other Devas, all will worship You.
38-39. O Achyuta! (O Infallible One!) Those men on the earth that will be devoted to you, will certainly be endowed with power and you shall be the bestower of boons and all their desires. O Visnu! you will be the Supreme of the Devas and you will be the God of the gods; you will be the first and foremost in all the sacrifices and you will be worshipped by the sacrificers.
40-41. People will worship you; and you will favour them with the boons. O best of the Purusas! When the Devas will be troubled by
the Asuras, they will come and take refuge in Thee. You will be the Protector of all, there is no doubt in this. In all the Puranas and all this vast Vedas, You will be first worshipped.
42. O Kes’ava! Wherever there will be decay and decline in religion. You will incarnate in your parts and preserve the religion.
43-44. O Madhava! Avataras, renowned in all the worlds, will come down on earth as Your part incarnations in all sorts of wombs, in due order, and will be respected by all the high souled personages. O Madhusudana! Those Avataras will be the best of all the Avataras and will be famous all the Lokas, the worlds.
45. In all your Avataras, you will get your attendants, the S’aktis (females) drawing their energies from My parts; and they will serve your purposes.
46-47. Varahi, Narasimhi, etc., and various other S’aktis of auspicious appearances, endowed with various weapons and decked with all the ornaments will serve as your attendants; no doubt in this. O Visnu! Always with their help and under the influence of My favour, you will no doubt be quite competent to serve the purposes of the Devas.
48. You should respect and worship all those powers by all means and with very great attention; never shew the slightest trace of pride to them; never do you thus insult them.
49. These S’aktis, capable of bestowing all the desires, will be worshipped in Pratimas (images of clay, etc.) in the whole of India.
50. O Deva of the Devas! The fame of all these S’aktis, as well as of You will be spread in the seven worlds and in the whole Universe.
51. O Hah! The human beings on this earth will constantly worship with selfish ends these powers and you, for the fructification of their desires.
52. Having various desires, men will, in your worship, present various offerings, recite the Veda mantrams, and repeat the names of you and the powers.
53. O Visnu! You will be the God of the Immortals and your glory will be enhanced by the worship offered by the human beings in the world as well as in the heavens.
54. Vyasa said O king! The heavenly voice, thus, bestowing boons on Visnu, ceased. Visnu Bhagavan became very glad to hear this.
55-58. Then Hah, the God of Gods, completed duly the sacrifice and dismissed the Devas and the Munis, the sons of Brahma. Then ascending on Garuda, (His Vahana), He went up to Vaikuntha with his followers. The Devas also went to their own respective places. The Munis also retired gladly to their own hermitages, all thunderstruck to see these things, conversing with each other about this sacrifice.
59. O king! All were filled with best devotion towards the Supreme Force, on hearing this clear beautiful, sonorous heavenly voice; then the Dvijas, the Munis, and Munindras began to worship with devotion, according to the Vedas, that Highest Force, the Supreme Goddess, giving all desired objects profusely in all the details.
Here ends the thirteenth chapter on the Devi Yajha by S’ri Visnu in the third Adhyaya in S’rimad Devi Bhagavatam; the Maha Puranam by Maharsi Veda Vyasa.
Complete chapter-aligned witnesses. Sanskrit Wikisource page 24738, revision 400365 (2024-01-30T02:10:33Z). English is Swami Vijñanananda’s complete 1921–23 public-domain translation, controlled against the archival OCR and its chapter page at https://sacred-texts.com/hin/db/bk03ch13.htm. Historic spelling and transliteration are lightly normalized; no verse-by-verse alignment is asserted.