Fourth Skandha · Chapter 6
Sourceव्यास उवाच प्रथमं तत्र सम्प्राप्तो वसन्तः पर्वतोत्तमे । पुष्पिताः पादपाः सर्वे द्विरेफालिविराजिताः ॥ १ ॥ आम्राश्च बकुला रम्यास्तिलकाः किंशुकाः शुभा । सालास्तालास्तमालाश्च मधूकाः पुष्पिता बभुः ॥ २ ॥ बभूवुः कोकिलालापा वृक्षाग्रेषु मनोहराः । वल्ल्योऽपि पुष्पिताः सर्वा आलिलिङ्गुर्नगोत्तमान् ॥ ३ ॥ प्राणिनः स्वासु भार्यासु प्रेमयुक्ताः स्मरातुराः । बभूवुश्चातिमत्ताश्च क्रीडासक्ताः परस्परम् ॥ ४ ॥ ववुर्मन्दाः सुगन्धाश्च सुस्पर्शा दक्षिणानिलाः । इन्द्रियाणि प्रमाथीनि मुनीनामपि चाभवन् ॥ ५ ॥ रतियुक्तस्ततः कामः पूरयन्पञ्चमार्गणान् । चकार त्वरितस्तत्र वासं बदरिकाश्रमे ॥ ६ ॥ रम्भा तिलोत्तमाद्याश्च गत्वा तत्र वराश्रमे । गानं चकुः सुगीतज्ञाः स्वरतानसमन्वितम् ॥ ७ ॥ तच्छ्रुत्वा मधुरोद्गीतं कोकिलानाञ्च कूजितम् । भ्रमरालिविरावञ्च प्रबुद्धौ तौ मुनीश्वरौ ॥ ८ ॥ ऋतुराजमकाले तु दृष्ट्वा तौ पुष्पितं वनम् । जातौ चिन्तापरौ तत्र नरनारायणावृषी ॥ ९ ॥ किमद्य शिशिरापायः संभृतः समयं विना । प्राणिनो विह्वलाः सर्वे लक्ष्यन्तेऽतिस्मरातुराः ॥ १० ॥ कालधर्मविपर्यासः कथमद्य दुरासदः । नरं नारायणः प्राह विस्मयोत्कुल्ललोचनः ॥ ११ ॥ नारायण उवाच पश्य भ्रातरिमे वृक्षाः पुष्पिताः प्रतिभान्ति वै । कोकिलालापसङ्घुष्टा भ्रमरालिविराजिताः ॥ १२ ॥ शिशिरं भीममातङ्गं दारयन्स्वखरैर्नखैः । वसन्तकेसरी प्राप्तः पलाशकुसुमैर्मुने ॥ १३ ॥ रक्ताशोककरा तन्वी देवर्षे किंशुकाङ्घ्रिका । नीलाशोककचा श्यामा विकासिकमलानना ॥ १४ ॥ नीलेन्दीवरनेत्रा सा बिल्ववृक्षफलस्तनी । प्रोस्फुल्लकुन्दरदना मञ्जरीकर्णशोभिता ॥ १५ ॥ बन्धुजीवाधरा शुभ्रा सिन्धुवारनखोद्भवा । पुंस्कोकिलस्वरा पुण्या कदम्बवसना शुभा ॥ १६ ॥ बर्हिवृन्दकलापा च सारसस्वननूपुरा । वासन्ती बद्धरशना मत्तहंसगतिस्तथा ॥ १७ ॥ पुत्रजीवांशुकन्यस्तरोमराजिविराजिता । वसन्तलक्ष्मीः सम्प्राप्ता ब्रह्मन् बदरिकाश्रमे ॥ १८ ॥ अकाले किमियं प्राप्ता विस्मयोऽयं ममाधुना । तपोविघ्नकरा नूनं देवर्षे परिचिन्तय ॥ १९ ॥ श्रूयते सुरनारीणां गानं ध्यानविनाशनम् । आवयोस्तपिभङ्गाय कृतं मघवता किल ॥ २० ॥ ऋतुराडन्यथाकाले प्रीतिं सञ्जनयेत्कथम् । विघ्नोऽयं विहितो भाति भीतेनासुरशत्रुणा ॥ २१ ॥ वाताः सुगन्धाः शीताश्च समायान्ति मनोहराः । नान्यत्कारणमस्तीह शतक्रतुकृतिं विना ॥ २२ ॥ इति ब्रुवति विप्राग्र्ये देवे नारायणे विभौ । सर्वे दृष्टिपथं प्राप्ता मन्मथप्रमुखास्तदा ॥ २३ ॥ ददर्श भगवान्सर्वान्नरो नारायणस्तथा । विस्मयाविष्टमनसौ बभूवतुरुभावपि ॥ २४ ॥ मन्मथं मेनकां चैव रम्भां चैव तिलोत्तमाम् । पुष्पगन्धां सुकेशीं च महाश्वेतां मनोरमाम् ॥ २५ ॥ प्रमद्वरां धृताचीञ्च गीतज्ञां चारुहासिनीम् । चन्द्रप्रभां च सोमां च कोकिलालापमण्डिताम् ॥ २६ ॥ विद्युन्मालाम्बुजाक्ष्यौ च तथा काञ्चनमालिनीम्। एताश्चान्या वरारोहा दृष्टास्ताभ्यां तदान्तिके ॥ २७ ॥ तासां द्व्यष्टसहस्राणि पञ्चाशदधिकानि च । वीक्ष्य तौ विस्मितौ जातौ कामसैन्यं सुविस्तरम् ॥ २८ ॥ प्रणम्याग्रे स्थिताः सर्वा देववाराङ्गनास्तदा । दिव्याभरणभूषाढ्या दिव्यमालोपशोभिताः ॥ २९ ॥ जगुश्छलेन ताः सर्वाः पृथिव्यामतिदुर्लभम् । तत्तथावस्थितं दिव्यं मन्मथादिविवर्धनम् ॥ ३० ॥ शुश्राव भगवान्विष्णुर्नरो नारायणस्तदा । श्रुत्वा प्रोवाच तास्तत्र प्रीत्या नारायणो मुनिः ॥ ३१ ॥ आस्यतां सुखमत्रैव करोम्यातिथ्यमद्भुतम् । भवत्योऽतिथिधर्मेण प्राप्ताःस्वर्गात्सुमध्यमाः ॥ ३२ ॥ व्यास उवाच साभिमानस्तु सञ्चातस्तदा नारायणो मुनिः । इन्द्रेण प्रेषिता नूनं तथा विघ्नचिकीर्षया ॥ ३३ ॥ वराक्यः का इमाः सर्वाः सृजाम्यद्य नवाः किल । एताभ्यो दिव्यरूपाश्च दर्शयामि तपोबलम् ॥ ३४ ॥ इति सञ्चिन्त्य मनसा करेणोरुं प्रताड्य वै । तरसोत्पादयामास नारीं सर्वाङ्गसुन्दरीम् ॥ ३५ ॥ नारायणोरुसम्भूता ह्युर्वशीति ततः शुभा । ददृशुस्ताः स्थितास्तत्र विस्मयं परमं ययुः ॥ ३६ ॥ तासां च परिचर्यार्थं तावतीश्चातिसुन्दरीः । प्रादुश्चकार तरसा तदा मुनिरसम्भ्रमः ॥ ३७ ॥ गायन्त्यश्च हसन्त्यश्च नानोपायनपाणयः । प्रणेमुस्ता मुनी सर्वाः स्थिताः कृत्वाञ्जलिं पुरः ॥ ३८ ॥ तां वीक्ष्य विभ्रमकरीं तपसो विभूतिं ॥ देवाङ्गना हि मुमुहुः प्रविमोहयन्त्यः । ऊचुश्च तौ प्रमुदिताननपद्यशोभा रोमोद्गमोल्लसितचारुनिजाङ्गवल्ल्यः ॥ ३९ ॥ कुर्युः कथं स्तुतिमहो तपसो महत्त्वं धैर्यं तथैव भवतामभिवीक्ष्य बालाः । अस्मत्कटाक्षविषदिग्धशरेण दग्धः को वा न तत्र भवतां मनसो व्यथा न ॥ ४० ॥ ज्ञातौ युवां नरहरेः परमांशभूतौ देवौ मुनी शमदमादिनिधी सदैव । सेवानिमित्तमिह नो गमनं न कामं कार्यं हरेः शतमखस्य विधातुमेव ॥ ४१ ॥ भाग्येन केन युवयोः किल दर्शनं नः सम्पादितं न विदितं खलु सञ्चितं तत् । चित्तं क्षमं निजजने विहितं युवाभ्या- मस्मद्विधे किल कृतागसि तापमुक्तम् ॥ ४२ ॥ कुर्वन्ति नैव विबुधास्तपसो व्ययं वै शापेन तुच्छफलदेन महानुभावाः । व्यास उवाच इत्थं निशम्य वचनं सुरकामिनीनां तावूचतुर्मुनिवरौ विनयानतानाम्॥ ४३ ॥ प्रीतौ प्रसन्नवदनौ जितकामलोभौ धर्मात्मजौ निजतपोरुचिशोभिताङ्गौ । नरनारायणावूचतुः ब्रुवन्तु वाञ्छितान् कामान्ददावस्तुष्टमानसौ ॥ ४४ ॥ यान्तु स्वर्गं गहीत्वेमामुर्वशीं चारुलोचनाम् । उपायनमियं बाला गच्छत्वद्य मनोहरा ॥ ४५ ॥ दत्तावाभ्यां मघवतः प्रीणनायोरुसम्भवा । स्वस्त्यस्तु सर्वदेवेभ्यो यथेष्टं प्रव्रजन्तु च ॥ ४६ ॥ ( न कस्यापि तपोविघ्नं प्रकर्तव्यमतः परम् ।) ॥ देव्य ऊचुः क्व गच्छामो महाभाग प्राप्तास्ते पादपङ्कजम् । नारायण सुरश्रेष्ठ भक्त्या परमया मुदा ॥ ४७ ॥ वाञ्छितं चेद्वरं नाथ ददासि मधुसूदन । तुष्टः कमलपत्राक्ष ब्रवीमो मनसेप्सितम् ॥ ४८ ॥ पतिस्त्वं भव देवेश वरमेनं परन्तप । भवामः प्रीतियुक्तास्त्वां सेवितुं जगदीश्वर ॥ ४९ ॥ त्वया चोत्पादिता नार्यः सन्त्यन्याश्चारुलोचनाः । उर्वश्याद्यास्तथा यान्तु स्वर्गं वै भवदाज्ञया ॥ ५० ॥ स्त्रीणां षोडशसाहस्रं तिष्ठत्वत्र शतार्धकम् । सेवां तेऽत्र करिष्यामो युवयोस्तापसोत्तमौ ॥ ५१ ॥ वाञ्छितं देहि देवेश सत्यवाग्भव माधव । आशाभङ्गो हि नारीणां हिंसनं परिकीर्तितम् ॥ ५२ ॥ कामार्तानाञ्च मुनिभिर्धर्मज्ञैस्तत्त्वदर्शिभिः । भाग्ययोगादिह प्राप्ताः स्वर्गात्प्रेमपरिप्लुताः ॥ ५३ ॥ त्यक्तुं नार्हसि देवेश समर्थोऽसि जगत्पते । नारायण उवाच पूर्णं वर्षसहस्रं तु तपस्तप्तं मयात्र वै ॥ ५४ ॥ जितेन्द्रियेण चार्वङ्ग्यः कथं भङ्गं करोम्यतः । नेच्छा कामे सुखे काचित्सुखधर्मविनाशके ॥ ५५ ॥ पशूनामपि साधर्म्ये रमेत मतिमान्कथम् । अप्सरस ऊचुः शब्दादीनां च पञ्चानां मध्ये स्पर्शसुखं वरम् ॥ ५६ ॥ आनन्दरसमूलं वै नान्यदस्ति सुखं किल । अतोऽस्माकं महाराज वचनं कुरु सर्वथा ॥ ५७ ॥ निर्भरं सुखमासाद्य चरस्व गन्धमादने । यदि वाञ्छसि नाकत्वं नाधिको गन्धमादनात् ॥ ५८ ॥ रमस्वात्र शुभे स्थाने प्राप्य सर्वाः सुराङ्गनाः ॥ ५९ ॥
vyāsa uvāca prathamaṃ tatra samprāpto vasantaḥ parvatottame | puṣpitāḥ pādapāḥ sarve dvirephālivirājitāḥ || 1 || āmrāśca bakulā ramyāstilakāḥ kiṃśukāḥ śubhā | sālāstālāstamālāśca madhūkāḥ puṣpitā babhuḥ || 2 || babhūvuḥ kokilālāpā vṛkṣāgreṣu manoharāḥ | vallyo'pi puṣpitāḥ sarvā āliliṅgurnagottamān || 3 || prāṇinaḥ svāsu bhāryāsu premayuktāḥ smarāturāḥ | babhūvuścātimattāśca krīḍāsaktāḥ parasparam || 4 || vavurmandāḥ sugandhāśca susparśā dakṣiṇānilāḥ | indriyāṇi pramāthīni munīnāmapi cābhavan || 5 || ratiyuktastataḥ kāmaḥ pūrayanpañcamārgaṇān | cakāra tvaritastatra vāsaṃ badarikāśrame || 6 || rambhā tilottamādyāśca gatvā tatra varāśrame | gānaṃ cakuḥ sugītajñāḥ svaratānasamanvitam || 7 || tacchrutvā madhurodgītaṃ kokilānāñca kūjitam | bhramarālivirāvañca prabuddhau tau munīśvarau || 8 || ṛturājamakāle tu dṛṣṭvā tau puṣpitaṃ vanam | jātau cintāparau tatra naranārāyaṇāvṛṣī || 9 || kimadya śiśirāpāyaḥ saṃbhṛtaḥ samayaṃ vinā | prāṇino vihvalāḥ sarve lakṣyante'tismarāturāḥ || 10 || kāladharmaviparyāsaḥ kathamadya durāsadaḥ | naraṃ nārāyaṇaḥ prāha vismayotkullalocanaḥ || 11 || nārāyaṇa uvāca paśya bhrātarime vṛkṣāḥ puṣpitāḥ pratibhānti vai | kokilālāpasaṅghuṣṭā bhramarālivirājitāḥ || 12 || śiśiraṃ bhīmamātaṅgaṃ dārayansvakharairnakhaiḥ | vasantakesarī prāptaḥ palāśakusumairmune || 13 || raktāśokakarā tanvī devarṣe kiṃśukāṅghrikā | nīlāśokakacā śyāmā vikāsikamalānanā || 14 || nīlendīvaranetrā sā bilvavṛkṣaphalastanī | prosphullakundaradanā mañjarīkarṇaśobhitā || 15 || bandhujīvādharā śubhrā sindhuvāranakhodbhavā | puṃskokilasvarā puṇyā kadambavasanā śubhā || 16 || barhivṛndakalāpā ca sārasasvananūpurā | vāsantī baddharaśanā mattahaṃsagatistathā || 17 || putrajīvāṃśukanyastaromarājivirājitā | vasantalakṣmīḥ samprāptā brahman badarikāśrame || 18 || akāle kimiyaṃ prāptā vismayo'yaṃ mamādhunā | tapovighnakarā nūnaṃ devarṣe paricintaya || 19 || śrūyate suranārīṇāṃ gānaṃ dhyānavināśanam | āvayostapibhaṅgāya kṛtaṃ maghavatā kila || 20 || ṛturāḍanyathākāle prītiṃ sañjanayetkatham | vighno'yaṃ vihito bhāti bhītenāsuraśatruṇā || 21 || vātāḥ sugandhāḥ śītāśca samāyānti manoharāḥ | nānyatkāraṇamastīha śatakratukṛtiṃ vinā || 22 || iti bruvati viprāgrye deve nārāyaṇe vibhau | sarve dṛṣṭipathaṃ prāptā manmathapramukhāstadā || 23 || dadarśa bhagavānsarvānnaro nārāyaṇastathā | vismayāviṣṭamanasau babhūvaturubhāvapi || 24 || manmathaṃ menakāṃ caiva rambhāṃ caiva tilottamām | puṣpagandhāṃ sukeśīṃ ca mahāśvetāṃ manoramām || 25 || pramadvarāṃ dhṛtācīñca gītajñāṃ cāruhāsinīm | candraprabhāṃ ca somāṃ ca kokilālāpamaṇḍitām || 26 || vidyunmālāmbujākṣyau ca tathā kāñcanamālinīm| etāścānyā varārohā dṛṣṭāstābhyāṃ tadāntike || 27 || tāsāṃ dvyaṣṭasahasrāṇi pañcāśadadhikāni ca | vīkṣya tau vismitau jātau kāmasainyaṃ suvistaram || 28 || praṇamyāgre sthitāḥ sarvā devavārāṅganāstadā | divyābharaṇabhūṣāḍhyā divyamālopaśobhitāḥ || 29 || jaguśchalena tāḥ sarvāḥ pṛthivyāmatidurlabham | tattathāvasthitaṃ divyaṃ manmathādivivardhanam || 30 || śuśrāva bhagavānviṣṇurnaro nārāyaṇastadā | śrutvā provāca tāstatra prītyā nārāyaṇo muniḥ || 31 || āsyatāṃ sukhamatraiva karomyātithyamadbhutam | bhavatyo'tithidharmeṇa prāptāḥsvargātsumadhyamāḥ || 32 || vyāsa uvāca sābhimānastu sañcātastadā nārāyaṇo muniḥ | indreṇa preṣitā nūnaṃ tathā vighnacikīrṣayā || 33 || varākyaḥ kā imāḥ sarvāḥ sṛjāmyadya navāḥ kila | etābhyo divyarūpāśca darśayāmi tapobalam || 34 || iti sañcintya manasā kareṇoruṃ pratāḍya vai | tarasotpādayāmāsa nārīṃ sarvāṅgasundarīm || 35 || nārāyaṇorusambhūtā hyurvaśīti tataḥ śubhā | dadṛśustāḥ sthitāstatra vismayaṃ paramaṃ yayuḥ || 36 || tāsāṃ ca paricaryārthaṃ tāvatīścātisundarīḥ | prāduścakāra tarasā tadā munirasambhramaḥ || 37 || gāyantyaśca hasantyaśca nānopāyanapāṇayaḥ | praṇemustā munī sarvāḥ sthitāḥ kṛtvāñjaliṃ puraḥ || 38 || tāṃ vīkṣya vibhramakarīṃ tapaso vibhūtiṃ || devāṅganā hi mumuhuḥ pravimohayantyaḥ | ūcuśca tau pramuditānanapadyaśobhā romodgamollasitacārunijāṅgavallyaḥ || 39 || kuryuḥ kathaṃ stutimaho tapaso mahattvaṃ dhairyaṃ tathaiva bhavatāmabhivīkṣya bālāḥ | asmatkaṭākṣaviṣadigdhaśareṇa dagdhaḥ ko vā na tatra bhavatāṃ manaso vyathā na || 40 || jñātau yuvāṃ narahareḥ paramāṃśabhūtau devau munī śamadamādinidhī sadaiva | sevānimittamiha no gamanaṃ na kāmaṃ kāryaṃ hareḥ śatamakhasya vidhātumeva || 41 || bhāgyena kena yuvayoḥ kila darśanaṃ naḥ sampāditaṃ na viditaṃ khalu sañcitaṃ tat | cittaṃ kṣamaṃ nijajane vihitaṃ yuvābhyā- masmadvidhe kila kṛtāgasi tāpamuktam || 42 || kurvanti naiva vibudhāstapaso vyayaṃ vai śāpena tucchaphaladena mahānubhāvāḥ | vyāsa uvāca itthaṃ niśamya vacanaṃ surakāminīnāṃ tāvūcaturmunivarau vinayānatānām|| 43 || prītau prasannavadanau jitakāmalobhau dharmātmajau nijataporuciśobhitāṅgau | naranārāyaṇāvūcatuḥ bruvantu vāñchitān kāmāndadāvastuṣṭamānasau || 44 || yāntu svargaṃ gahītvemāmurvaśīṃ cārulocanām | upāyanamiyaṃ bālā gacchatvadya manoharā || 45 || dattāvābhyāṃ maghavataḥ prīṇanāyorusambhavā | svastyastu sarvadevebhyo yatheṣṭaṃ pravrajantu ca || 46 || ( na kasyāpi tapovighnaṃ prakartavyamataḥ param |) || devya ūcuḥ kva gacchāmo mahābhāga prāptāste pādapaṅkajam | nārāyaṇa suraśreṣṭha bhaktyā paramayā mudā || 47 || vāñchitaṃ cedvaraṃ nātha dadāsi madhusūdana | tuṣṭaḥ kamalapatrākṣa bravīmo manasepsitam || 48 || patistvaṃ bhava deveśa varamenaṃ parantapa | bhavāmaḥ prītiyuktāstvāṃ sevituṃ jagadīśvara || 49 || tvayā cotpāditā nāryaḥ santyanyāścārulocanāḥ | urvaśyādyāstathā yāntu svargaṃ vai bhavadājñayā || 50 || strīṇāṃ ṣoḍaśasāhasraṃ tiṣṭhatvatra śatārdhakam | sevāṃ te'tra kariṣyāmo yuvayostāpasottamau || 51 || vāñchitaṃ dehi deveśa satyavāgbhava mādhava | āśābhaṅgo hi nārīṇāṃ hiṃsanaṃ parikīrtitam || 52 || kāmārtānāñca munibhirdharmajñaistattvadarśibhiḥ | bhāgyayogādiha prāptāḥ svargātpremapariplutāḥ || 53 || tyaktuṃ nārhasi deveśa samartho'si jagatpate | nārāyaṇa uvāca pūrṇaṃ varṣasahasraṃ tu tapastaptaṃ mayātra vai || 54 || jitendriyeṇa cārvaṅgyaḥ kathaṃ bhaṅgaṃ karomyataḥ | necchā kāme sukhe kācitsukhadharmavināśake || 55 || paśūnāmapi sādharmye rameta matimānkatham | apsarasa ūcuḥ śabdādīnāṃ ca pañcānāṃ madhye sparśasukhaṃ varam || 56 || ānandarasamūlaṃ vai nānyadasti sukhaṃ kila | ato'smākaṃ mahārāja vacanaṃ kuru sarvathā || 57 || nirbharaṃ sukhamāsādya carasva gandhamādane | yadi vāñchasi nākatvaṃ nādhiko gandhamādanāt || 58 || ramasvātra śubhe sthāne prāpya sarvāḥ surāṅganāḥ || 59 ||
English translation
1. Vyasa said O king! First there appeared on the mountain, the king of the seasons, Vasanta, the Spring. All the trees flowered and became very beautiful; and the bees began to hum round all sides.
2. Mangoes, Bokul trees, the beautiful Tilaka trees, the good Kimsukas, Sal, Tal, Tamal and Madhuka trees assumed unequalled beauties, ornamented with their flowers.
3. Cuckoos began to coo coo (warble) beautifully on the tops of trees; the creepers flowered and began to embrace the trees.
4. The creatures became enamoured with love and began to look on their paramours with amorous eyes and began to hold pleasant sexual intercourses.
5. The southern breeze blew gently, full of pleasant odours and agreeable to touch. The sensual organs became very powerful and could no longer be brought under their control by the Munis.
6. Then Kama, united with Rati, hurriedly entered into the Hermitage of Badarika with the five arrows in his hands.
7. Rambha, Tilottama, and other prominent Apsaras all went to that beautiful hermitage and began to sing in perfect tune with gamuts, key notes and respective pauses.
8. The two Maharsis awoke on hearing the sweet music, the warbling of the cuckoos and the nice hummings of the bees.
9. Nara Narayana became anxious to see the untimely bursting of the Vasanta (vernal season) and the flowering of the trees.
10. How can the spring season come now at such an untimely season. I see, all the creatures are become extremely amorous with each other and infatuated with passionate lust.
11. It is very unusual that untimely things should happen. How has this come to pass? Struck with wonder, Narayana began to speak to Nara with eyes wide apart.
12. Narayana said O Brother! See these trees look very elegant with flowers on them; the cuckoos are sounding sweet notes on all sides; the bees are humming on all sides.
13. The spring, the lion of the seasons, has burst asunder the fierce elephant, the winter season, by its sharp nails, as testified by the budding of Palasa flowers.
14-18. O Brahman! See how beautiful and excellent has become this hermitage with the presence of the Goddess Spring Laksmi? O DevarsT! The Raktas'oka flower is the palm of her hand; Kims’uka flower, her excellent feet; Nilasoka flowers, her black hairs on her head, the full-blown lotuses, her eyes; the bel fruits, her breast; the
jolly Kunda flowers, her teeth; Manjari, her beautiful ears; red Bandhu flowers, her lips; Sindhubara, her wonderful nails; the peacocks, her ornaments; the sounds of Sarasa birds, the jingling of her feet ornaments; the wreaths of flowers, her waist ornaments; the mad gooses, her gait; Kadamba flower's filaments, her hairs on her body; O best of ascetics! With all these, the Vasanta Laksmi has assumed a wonderful nice appearance.
19. Why has this occurred untimely? Think over it; O Devarsi! I am struck with wonder; surely this is obstructive of our penances.
20. Hear! There the Apsaras are singing sweetly the song, tending to destroy our Tapasyas; it seems, these are the means, no doubt, adopted by Indra to pollute our Tapasya.
21. Why is this spring season now generating our pleasures? It is clear that that Indra, the enemy of the Asuras, is become afraid of our Tapasya and is creating these obstructions to disturb our asceticisms.
22. Lo! The cool, odorous, and pleasant breezes are blowing; no other cause can be traced than the wicked deed of Indra.
23. When the best of the Brahmins, the Deva Narayana was addressing thus, the whole host of Cupid became visible before their sight.
24. And the two Risis were very much surprised on seeing them.
25-27. They saw near to them the Cupid with his attendants Menaka, Rambha, Tilottama, Puspagandha, Sukes'i, MahasVeta, Manorama, Pramodvara, Ghritachi, Charuhasini, the expert in music, Chandra Prabha, the cuckoo voiced Soma, the lotus eyed Vidyunmala, Kanchana malini, and others.
28. Eight thousand and five hundred Apsaras and long multitudes of the hosts of Cupid, the Munis saw and were surprised.
29. Then those prostitutes of the Devas, dressed with their heavenly ornaments and the heavenly flowers, appeared before the Munis and bowed down their heads on the ground.
30. The Apsaras began their enchanting songs, exciting much passion and rarely heard or seen in this world.
31-32. The two Munis Bhagavan Visnu-like Nara Narayana were pleased with their music and addressed them thus O thin waisted good looking Apsaras! You have come here as guests, I see, from your Heavenly world. Stay here in peace and all comfort; we will gladly serve you as your hosts.
33-34. Vyasa said O king! The two Munis, thinking that Indra has sent these Apsaras to obstruct their Tapasya, were filled with egoism and determined to create, out of their strength of Tapasya a new Apsara, who would be very much more beautiful and possessing far more heavenly graces than the present ones, who are ordinary looking and clumsy in their behaviours.
35. And the Munis, by clapping or striking their thighs, instantly created a woman, exquisitely beautiful in all respects.
36. This good looking woman was named Urvas'i, since she was produced from the thighs. And all the other Apsaras present there were very much thunderstruck on seeing that Urvas'i.
37. Then the Muni Narayana easily created as many women as there were Apsaras to serve them.
38. The just produced Apsaras brought with them all sorts of offering in their hands, and, singing and smiling, came before the Munis and with clasped hands bowed down before them.
39. The heavenly damsels sent by Indra, though enchanting to others were themselves now bewildered on beholding Urvas'i, beautiful in all respects and produced out of the Tapasya of the Munis; and their hairs over the bodies stood on their ends. Then they tried to make their faces as beautiful as they could and began to address the Munis thus
40. O Munis! We are ignorant girls; how can we praise you and the greatness of your Tapasya and at your steadiness. Oh! There is no one in this Universe, that is not burnt with the passion by the arrows of our sharp eyesight? But there is no trace of mental disturbance and defilement in you; Oh! Wonderful is your greatness, indeed!
41. We are convinced that both of you are the Amsas of Visnu and that your treasures are your incessant peace and control of mind. We have come here not to serve you but to hinder you in your penances, that we may fulfill the desires of Indra.
42. By what good luck of ours we have got a sight of thee, we do not know; we do not know also what merits we did? We have committed great offence to you; still you have not cursed us. You have considered us as those of your own family and have pardoned us. Therefore our minds are free from sorrow and anxiety. Much praise be to your forgiveness! Wise saints do not squander away their occult powers, derived from austerities, in trivial ways like cursing others.
43. Vyasa said Very pleased were those two Dharma's sons, the two Maharsis, self controlled and desireless, to hear these words of those godly behaved heavenly damsels; they then spoke to the damsels, blazing with the fire of their Tapas.
44-45. Nara and Narayana said O Damsels! We are pleased with you; better ask from us your desired boons; we will instantly grant them to you. You better take with you to your Heaven this beautiful eyed Urvas'i, born of our thighs as a present to your Deva Raja, the Indra.
46. Now peace be to all the Devas; you better go to your own places; do not, in future, disturb the Tapasya of others.
47. The damsels said Where will we go now? We have reached your lotus feet through our devotion, and our joy knows no bounds;
O Narayana the Supreme amongst the Gods!
48. O Lord! O Madhusudana! O Lotus-eyed! If Thou art pleased with us and dost want to give us our desired boons, we disclose to you our wished for object.
49. O Lord of the Devas! Thou art the Lord of the world; so beest Thou the Lord of us. O Destroyer of the foes! We will gladly put ourselves at the service of your feet.
50. Let those sixteen hundred and fifty beautiful-eyed damsels including Urvas'i, that are your creation and that are now existing here, let them go unto Heaven by your command.
51. And we, the sixteen hundred and fifty damsels that have come before, may be allowed to remain here at your service.
52. O Madhava! You are the Lord of the Devas; be true to your word and give us our desires. Those seers, the Munis, who know what is Dharma, declare that it is sin, equivalent to murder, to destroy the hopes of those women that are struck with passion.
53. We are very fortunate to come here from Heaven and we are filled with extreme love for you, O Deves'a! You are the Lord of the world; you can do all things; therefore do not leave us.
54. Narayana said O thin bodied damsels! I am practising at this place the tapasya for full one thousand years, controlling my
passions; how can I now break it by engaging myself to enjoy sensual things.
55. I have no inclination to indulge in sexual pleasures, tending to destroy the Highest Bliss as well as the Highest Dharma. What intelligent person will like to indulge like a beast in sensual pleasures.
56-57. The Apsaras said Of the five senses; sound, etc., the pleasures attained through the sensation of touch are excellent, and are reckoned as the source of Bliss; no other pleasures stand equal to it. Therefore do then fulfill our words, and enjoy incessantly this highest bliss and roam freely in this Gandhamadan mountain.
58. If you like to go to Heaven, be pleased to know that there is no Superior Heaven to Gandhamadan (the mountain like intoxicating happiness of the senses). Dost thou enjoy the highest bliss, the pleasant sexual intercourse with us, the heavenly damsels in this very beautiful and lovely place.
Thus ends the Sixth Chapter in the Fourth Book of S'rimad Devi Bhagavatam, the Maha Puranam of 18,000 verses by Maharsi Veda Vyasa on the origin of Urvas'i.
Complete chapter-aligned witnesses. Sanskrit Wikisource page 24761, revision 75627 (2016-08-03T23:55:24Z). English is Swami Vijñanananda’s complete 1921–23 public-domain translation, controlled against the archival OCR and its chapter page at https://sacred-texts.com/hin/db/bk04ch06.htm. Historic spelling and transliteration are lightly normalized; no verse-by-verse alignment is asserted.