Ninth Skandha · Chapter 47
Sourceश्रीनारायण उवाच कथितं षष्ठ्युपाख्यानं ब्रह्मपुत्र यथाऽऽगमम् । देवी मङ्गलचण्डी च तदाख्यानं निशामय ॥ १ ॥ तस्याः पूजादिकं सर्वं धर्मवक्त्रेण यच्छ्रुतम् । श्रुतिसम्मतमेवेष्टं सर्वेषां विदुषामपि ॥ २ ॥ दक्षा या वर्तते चण्डी कल्याणेषु च मङ्गला । मङ्गलेषु च या दक्षा सा च मङ्गलचण्डिका ॥ ३ ॥ पूज्या या वर्तते चण्डी मङ्गलोऽपि महीसुतः । मङ्गलाभीष्टदेवी या सा वा मङ्गलचण्डिका ॥ ४ ॥ मङ्गलो मनुवंश्यश्च सप्तद्वीपधरापतिः । तस्य पूज्याभीष्टदेवी तेन मङ्गलचण्डिका ॥ ५ ॥ मूर्तिभेदेन सा दुर्गा मूलप्रकृतिरीश्वरी । कृपारूपातिप्रत्यक्षा योषितामिष्टदेवता ॥ ६ ॥ प्रथमे पूजिता सा च शङ्करेण परात्परा । त्रिपुरस्य वधे घोरे विष्णुना प्रेरितेन च ॥ ७ ॥ ब्रह्मन् ब्रह्मोपदेशेन दुर्गतेन च सङ्कटे । आकाशात्पतिते याने दैत्येन पातिते रुषा ॥ ८ ॥ ब्रह्मविष्णूपदिष्टश्च दुर्गां तुष्टाव शङ्करः । सा च मङ्गलचण्डी या बभूव रूपभेदतः ॥ ९ ॥ उवाच पुरतः शम्भोर्भयं नास्तीति ते प्रभो । भगवान्वृषरूपश्च सर्वेशस्ते भविष्यति ॥ १० ॥ युद्धशक्तिस्वरूपाहं भविष्यामि न संशयः । मायात्मना च हरिणा सहायेन वृषध्वज ॥ ११ ॥ जहि दैत्यं स्वशत्रुं च सुराणां पदघातकम् । इत्युक्त्वान्तर्हिता देवी शम्भोः शक्तिर्बभूव सा ॥ १२ ॥ विष्णुदत्तेन शस्त्रेण जघान तमुमापतिः । मुनीन्द्र पतिते दैत्ये सर्वे देवा महर्षयः ॥ १३ ॥ तुष्टुवुः शङ्करं देवं भक्तिनम्रात्मकन्धराः । सद्यः शिरसि शम्भोश्च पुष्पवृष्टिर्बभूव ह ॥ १४ ॥ ब्रह्मा विष्णुश्च सन्तुष्टो ददौ तस्मै शुभाशिषम् । ब्रह्मविष्णूपदिष्टश्च सुस्नातः शङ्करस्तथा ॥ १५ ॥ पूजयामास तां भक्त्या देवीं मङ्गलचण्डिकाम् । पाद्यार्घ्याचमनीयैश्च वस्त्रैश्च विविधैरपि ॥ १६ ॥ पुष्पचन्दननैवेद्यैर्भक्त्या नानाविधैर्मुने । छागैर्मेषैश्च महिषैर्गवयैः पक्षिभिस्तथा ॥ १७ ॥ वस्त्रालङ्कारमाल्यैश्च पायसैः पिष्टकैरपि । मधुभिश्च सुधाभिश्च फलैर्नानाविधैरपि ॥ १८ ॥ सङ्गीतैर्नर्तकैर्वाद्यैरुत्सवैर्नामकीर्तनैः । ध्यात्वा माध्यन्दिनोक्तेन ध्यानेन भक्तिपूर्वकम् ॥ १९ ॥ ददौ द्रव्याणि मूलेन मन्त्रेणैव च नारद । ॐ ह्रीं श्रीं क्लीं सर्वपूज्ये देवि मङ्गलचण्डिके ॥ २० ॥ हूँ हूँ फट् स्वाहाप्येकविंशाक्षरो मनुः । पूज्यः कल्पतरुश्चैव भक्तानां सर्वकामदः ॥ २१ ॥ दशलक्षजपेनैव मन्त्रसिद्धिर्भवेद् ध्रुवम् । ध्यानं च श्रूयतां ब्रह्मन् वेदोक्तं सर्वसम्मतम् ॥ २२ ॥ देवीं षोडशवर्षीयां शश्वत्सुस्थिरयौवनाम् । बिम्बोष्ठीं सुदतीं शुद्धां शरत्पद्मनिभाननाम् ॥ २३ ॥ श्वेतचम्पकवर्णाभां सुनीलोत्पललोचनाम् । जगद्धात्रीं च दात्रीं च सर्वेभ्यः सर्वसम्पदाम् ॥ २४ ॥ संसारसागरे घोरे ज्योतीरूपां सदा भजे । देव्याश्च ध्यानमित्येवं स्तवनं श्रूयतां मुने ॥ २५ ॥ महादेव उवाच रक्ष रक्ष जगन्मातर्देवि मङ्गलचण्डिके । हारिके विपदां राशेर्हर्षमङ्गलकारिके ॥ २६ ॥ हर्षमङ्गलदक्षे च हर्षमङ्गलदायिके । शुभे मङ्गलदक्षे च शुभे मङ्गलचण्डिके ॥ २७ ॥ मङ्गले मङ्गलार्हे च सर्वमङ्गलमङ्गले । सतां मङ्गदे देवि सर्वेषां मङ्गलालये ॥ २८ ॥ पूज्ये मङ्गलवारे च मङ्गलाभीष्टदेवते । पूज्ये मङ्गलभूपस्य मनुवंशस्य सन्ततम् ॥ २९ ॥ मङ्गलाधिष्ठातृदेवि मङ्गलानां च मङ्गले । संसारमङ्गलाधारे मोक्षमङ्गलदायिनि ॥ ३० ॥ सारे च मङ्गलाधारे पारे च सर्वकर्मणाम् । प्रतिमङ्गलवारे च पूज्ये मङ्गसुखप्रदे ॥ ३१ ॥ स्तोत्रेणानेन शम्भुश्च स्तुत्वा मङ्गलचण्डिकाम् । प्रतिमङ्गलवारे च पूजां दत्त्वा गतः शिवः ॥ ३२ ॥ प्रथमे पूजिता देवी शिवेन सर्वमङ्गला । द्वितीये पूजिता सा च मङ्गलेन ग्रहेण च ॥ ३३ ॥ तृतीते पूजिता भद्रा मङ्गलेन नृपेण च । चतुर्थे मङ्गले वारे सुन्दरीभिः प्रपूजिता ॥ ३४ ॥ पञ्चमे मङ्गलाकाङ्क्षिनरैर्मङ्गलचण्डिका । पूजिता प्रतिविश्वेषु विश्वेशपूजिता सदा ॥ ३५ ॥ ततः सर्वत्र सम्पूज्या बभूव परमेश्वरी । देवैश्च मुनिभिश्चैव मानवैर्मनुभिर्मुने ॥ ३६ ॥ देव्याश्च मङ्गस्तोत्रं यः शृणोति समाहितः । तन्मङ्गलं भवेत्तस्य न भवेत्तदमङ्गलम् । वर्धते पुत्रपौत्रैश्च मङ्गलं च दिने दिने ॥ ३७ ॥ श्रीनारायण उवाच उक्तं द्वयोरुपाख्यानं ब्रह्मपुत्र यथागमम् । श्रूयतां मनसाऽऽख्यानं यच्छ्रुतं धर्मवक्त्रतः ॥ ३८ ॥ सा च कन्या भगवती कश्यपस्य च मानसी । तेनैव मनसा देवी मनसा या च दीव्यति ॥ ३९ ॥ मनसा ध्यायते या च परमात्मानमीश्वरम् । तेन सा मनसा देवी तेन योगेन दीव्यति ॥ ४० ॥ आत्मारामा च सा देवी वैष्णवी सिद्धयोगिनी । त्रियुगं च तपस्तप्त्वा कृष्णस्य परमात्मनः ॥ ४१ ॥ जरत्कारुशरीरं च दृष्ट्वा यत्क्षीणमीश्वरः । गोपीपतिर्नाम चक्रे जरत्कारुरिति प्रभुः ॥ ४२ ॥ वाञ्छितं च ददौ तस्यै कृपया च कृपानिधिः । पूजां च कारयामास चकार च स्वयं प्रभुः ॥ ४३ ॥ स्वर्गे च नागलोके च पृथिव्यां ब्रह्मलोकतः । भृशं जगत्सु गौरी सा सुन्दरी च मनोहरा । ४४ जगद्गौरीति विख्याता तेन सा पूजिता सती । शिवशिष्या च सा देवी तेन शैवी प्रकीर्तिता ॥ ४५ ॥ विष्णुभक्तातीव शश्वद्वैष्णवी तेन कीर्तिता । नागानां प्राणरक्षित्री यज्ञे पारीक्षितस्य च ॥ ४६ ॥ नागेश्वरीति विख्याता सा नागभगिनीति च । विषं संहर्तुमीशा या तेन विषहरी स्मृता ॥ ४७ ॥ सिद्धयोगं हरात्प्राप तेन सा सिद्धयोगिनी । महाज्ञानं च योगं च मृतसज्जीवनीं पराम् ॥ ४८ ॥ महाज्ञानयुतां तां च प्रवदन्ति मनीषिणः । आस्तीकस्य मुनीन्द्रस्य माता सापि तपस्विनी ॥ ४९ ॥ आस्तीकमाता विज्ञाता जगत्यां सुप्रतिष्ठिता । प्रिया मुनेर्जरत्कारोर्मुनीन्द्रस्य महात्मनः ॥ ५० ॥ योगिनो विश्वपूज्यस्य जरत्कारुप्रिया ततः । जरत्कारुर्जगद्गौरी मनसा सिद्धयोगिनी ॥ ५१ ॥ वैष्णवी नागभगिनी शैवी नागेश्वरी तथा । जरत्कारुप्रियास्तीकमाता विषहरेति च ॥ ५२ ॥ महाज्ञानयुता चैव सा देवी विश्वपूजिता । द्वादशैतानि नामानि पूजाकाले तु यः पठेत् ॥ ५३ ॥ तस्य नागभयं नास्ति तस्य वंशोद्भवस्य च । नागभीते च शयने नागग्रस्ते च मन्दिरे ॥ ५४ ॥ नागशोभे महादुर्गे नागवेष्टितविग्रहे । इदं स्तोत्रं पठित्वा तु मुच्यते नात्र संशयः ॥ ५५ ॥ नित्यं पठेद्यस्तं दृष्ट्वा नागवर्गः पलायते । दशलक्षजपेनैव स्तोत्रसिद्धिर्भवेन्नृणाम् ॥ ५६ ॥ स्तोत्रसिद्धिर्भवेद्यस्य स विषं भोक्तुमीश्वरः । नागैश्च भूषणं कृत्वा स भवेन्नागवाहनः ॥ ५७ ॥ नागासनो नागतल्पो महासिद्धो भवेन्नरः । अन्ते च विष्णुना सार्धं क्रीडत्येव दिवानिशम् ॥ ५८ ॥
śrīnārāyaṇa uvāca kathitaṃ ṣaṣṭhyupākhyānaṃ brahmaputra yathā''gamam | devī maṅgalacaṇḍī ca tadākhyānaṃ niśāmaya || 1 || tasyāḥ pūjādikaṃ sarvaṃ dharmavaktreṇa yacchrutam | śrutisammatameveṣṭaṃ sarveṣāṃ viduṣāmapi || 2 || dakṣā yā vartate caṇḍī kalyāṇeṣu ca maṅgalā | maṅgaleṣu ca yā dakṣā sā ca maṅgalacaṇḍikā || 3 || pūjyā yā vartate caṇḍī maṅgalo'pi mahīsutaḥ | maṅgalābhīṣṭadevī yā sā vā maṅgalacaṇḍikā || 4 || maṅgalo manuvaṃśyaśca saptadvīpadharāpatiḥ | tasya pūjyābhīṣṭadevī tena maṅgalacaṇḍikā || 5 || mūrtibhedena sā durgā mūlaprakṛtirīśvarī | kṛpārūpātipratyakṣā yoṣitāmiṣṭadevatā || 6 || prathame pūjitā sā ca śaṅkareṇa parātparā | tripurasya vadhe ghore viṣṇunā preritena ca || 7 || brahman brahmopadeśena durgatena ca saṅkaṭe | ākāśātpatite yāne daityena pātite ruṣā || 8 || brahmaviṣṇūpadiṣṭaśca durgāṃ tuṣṭāva śaṅkaraḥ | sā ca maṅgalacaṇḍī yā babhūva rūpabhedataḥ || 9 || uvāca purataḥ śambhorbhayaṃ nāstīti te prabho | bhagavānvṛṣarūpaśca sarveśaste bhaviṣyati || 10 || yuddhaśaktisvarūpāhaṃ bhaviṣyāmi na saṃśayaḥ | māyātmanā ca hariṇā sahāyena vṛṣadhvaja || 11 || jahi daityaṃ svaśatruṃ ca surāṇāṃ padaghātakam | ityuktvāntarhitā devī śambhoḥ śaktirbabhūva sā || 12 || viṣṇudattena śastreṇa jaghāna tamumāpatiḥ | munīndra patite daitye sarve devā maharṣayaḥ || 13 || tuṣṭuvuḥ śaṅkaraṃ devaṃ bhaktinamrātmakandharāḥ | sadyaḥ śirasi śambhośca puṣpavṛṣṭirbabhūva ha || 14 || brahmā viṣṇuśca santuṣṭo dadau tasmai śubhāśiṣam | brahmaviṣṇūpadiṣṭaśca susnātaḥ śaṅkarastathā || 15 || pūjayāmāsa tāṃ bhaktyā devīṃ maṅgalacaṇḍikām | pādyārghyācamanīyaiśca vastraiśca vividhairapi || 16 || puṣpacandananaivedyairbhaktyā nānāvidhairmune | chāgairmeṣaiśca mahiṣairgavayaiḥ pakṣibhistathā || 17 || vastrālaṅkāramālyaiśca pāyasaiḥ piṣṭakairapi | madhubhiśca sudhābhiśca phalairnānāvidhairapi || 18 || saṅgītairnartakairvādyairutsavairnāmakīrtanaiḥ | dhyātvā mādhyandinoktena dhyānena bhaktipūrvakam || 19 || dadau dravyāṇi mūlena mantreṇaiva ca nārada | oṃ hrīṃ śrīṃ klīṃ sarvapūjye devi maṅgalacaṇḍike || 20 || hū~ hū~ phaṭ svāhāpyekaviṃśākṣaro manuḥ | pūjyaḥ kalpataruścaiva bhaktānāṃ sarvakāmadaḥ || 21 || daśalakṣajapenaiva mantrasiddhirbhaved dhruvam | dhyānaṃ ca śrūyatāṃ brahman vedoktaṃ sarvasammatam || 22 || devīṃ ṣoḍaśavarṣīyāṃ śaśvatsusthirayauvanām | bimboṣṭhīṃ sudatīṃ śuddhāṃ śaratpadmanibhānanām || 23 || śvetacampakavarṇābhāṃ sunīlotpalalocanām | jagaddhātrīṃ ca dātrīṃ ca sarvebhyaḥ sarvasampadām || 24 || saṃsārasāgare ghore jyotīrūpāṃ sadā bhaje | devyāśca dhyānamityevaṃ stavanaṃ śrūyatāṃ mune || 25 || mahādeva uvāca rakṣa rakṣa jaganmātardevi maṅgalacaṇḍike | hārike vipadāṃ rāśerharṣamaṅgalakārike || 26 || harṣamaṅgaladakṣe ca harṣamaṅgaladāyike | śubhe maṅgaladakṣe ca śubhe maṅgalacaṇḍike || 27 || maṅgale maṅgalārhe ca sarvamaṅgalamaṅgale | satāṃ maṅgade devi sarveṣāṃ maṅgalālaye || 28 || pūjye maṅgalavāre ca maṅgalābhīṣṭadevate | pūjye maṅgalabhūpasya manuvaṃśasya santatam || 29 || maṅgalādhiṣṭhātṛdevi maṅgalānāṃ ca maṅgale | saṃsāramaṅgalādhāre mokṣamaṅgaladāyini || 30 || sāre ca maṅgalādhāre pāre ca sarvakarmaṇām | pratimaṅgalavāre ca pūjye maṅgasukhaprade || 31 || stotreṇānena śambhuśca stutvā maṅgalacaṇḍikām | pratimaṅgalavāre ca pūjāṃ dattvā gataḥ śivaḥ || 32 || prathame pūjitā devī śivena sarvamaṅgalā | dvitīye pūjitā sā ca maṅgalena graheṇa ca || 33 || tṛtīte pūjitā bhadrā maṅgalena nṛpeṇa ca | caturthe maṅgale vāre sundarībhiḥ prapūjitā || 34 || pañcame maṅgalākāṅkṣinarairmaṅgalacaṇḍikā | pūjitā prativiśveṣu viśveśapūjitā sadā || 35 || tataḥ sarvatra sampūjyā babhūva parameśvarī | devaiśca munibhiścaiva mānavairmanubhirmune || 36 || devyāśca maṅgastotraṃ yaḥ śṛṇoti samāhitaḥ | tanmaṅgalaṃ bhavettasya na bhavettadamaṅgalam | vardhate putrapautraiśca maṅgalaṃ ca dine dine || 37 || śrīnārāyaṇa uvāca uktaṃ dvayorupākhyānaṃ brahmaputra yathāgamam | śrūyatāṃ manasā''khyānaṃ yacchrutaṃ dharmavaktrataḥ || 38 || sā ca kanyā bhagavatī kaśyapasya ca mānasī | tenaiva manasā devī manasā yā ca dīvyati || 39 || manasā dhyāyate yā ca paramātmānamīśvaram | tena sā manasā devī tena yogena dīvyati || 40 || ātmārāmā ca sā devī vaiṣṇavī siddhayoginī | triyugaṃ ca tapastaptvā kṛṣṇasya paramātmanaḥ || 41 || jaratkāruśarīraṃ ca dṛṣṭvā yatkṣīṇamīśvaraḥ | gopīpatirnāma cakre jaratkāruriti prabhuḥ || 42 || vāñchitaṃ ca dadau tasyai kṛpayā ca kṛpānidhiḥ | pūjāṃ ca kārayāmāsa cakāra ca svayaṃ prabhuḥ || 43 || svarge ca nāgaloke ca pṛthivyāṃ brahmalokataḥ | bhṛśaṃ jagatsu gaurī sā sundarī ca manoharā | 44 jagadgaurīti vikhyātā tena sā pūjitā satī | śivaśiṣyā ca sā devī tena śaivī prakīrtitā || 45 || viṣṇubhaktātīva śaśvadvaiṣṇavī tena kīrtitā | nāgānāṃ prāṇarakṣitrī yajñe pārīkṣitasya ca || 46 || nāgeśvarīti vikhyātā sā nāgabhaginīti ca | viṣaṃ saṃhartumīśā yā tena viṣaharī smṛtā || 47 || siddhayogaṃ harātprāpa tena sā siddhayoginī | mahājñānaṃ ca yogaṃ ca mṛtasajjīvanīṃ parām || 48 || mahājñānayutāṃ tāṃ ca pravadanti manīṣiṇaḥ | āstīkasya munīndrasya mātā sāpi tapasvinī || 49 || āstīkamātā vijñātā jagatyāṃ supratiṣṭhitā | priyā munerjaratkārormunīndrasya mahātmanaḥ || 50 || yogino viśvapūjyasya jaratkārupriyā tataḥ | jaratkārurjagadgaurī manasā siddhayoginī || 51 || vaiṣṇavī nāgabhaginī śaivī nāgeśvarī tathā | jaratkārupriyāstīkamātā viṣahareti ca || 52 || mahājñānayutā caiva sā devī viśvapūjitā | dvādaśaitāni nāmāni pūjākāle tu yaḥ paṭhet || 53 || tasya nāgabhayaṃ nāsti tasya vaṃśodbhavasya ca | nāgabhīte ca śayane nāgagraste ca mandire || 54 || nāgaśobhe mahādurge nāgaveṣṭitavigrahe | idaṃ stotraṃ paṭhitvā tu mucyate nātra saṃśayaḥ || 55 || nityaṃ paṭhedyastaṃ dṛṣṭvā nāgavargaḥ palāyate | daśalakṣajapenaiva stotrasiddhirbhavennṛṇām || 56 || stotrasiddhirbhavedyasya sa viṣaṃ bhoktumīśvaraḥ | nāgaiśca bhūṣaṇaṃ kṛtvā sa bhavennāgavāhanaḥ || 57 || nāgāsano nāgatalpo mahāsiddho bhavennaraḥ | ante ca viṣṇunā sārdhaṃ krīḍatyeva divāniśam || 58 ||
English translation
1-25 Narayana said O Narada! I have now narrated the anecdote of Sasthi as stated in the Vedas. Now hear the anecdote of Mangala Chandi, approved of by the Vedas and respected by the literary persons. The Chandi, that is very skilled in all auspicious works and who is the most auspicious of all good things, is Mangal Chandika. Or the Chandi who is an object of worship of Mangala (Mars), the son of earth and the bestower of desires is Mangala Chandika. Or the Chandi who is an object of worship of Mangala of the family of Manu who was the ruler of the whole world composed of seven islands and the bestower of all desires is Mangala Chandi. Or it may be that the Mula Prakriti, the Governess, the Ever Gracious Durga assumed the form of Mangala Chandi and has become the Ista Devata of women. When there was the fight with Tripurasura, this Mangala Chandi, higher than the highest was first worshipped by Mahadeva, stimulated by Visnu, on a critical moment. O Brahmin! While the fighting was going on, a Daitya threw out of anger one car on Mahadeva and as that car was about to fall on Him, Brahma and Visnu gave a good advice when Mahadeva began to praise Durga Devi at once. Durga Devi that time assuming the form of Mangala Chandi appeared and said “no fear no fear” Bhagavan Visnu will be Thy Carrier buffalo. I will be also Thy S’akti in the action and Hah, full of Maya, will also help Thee. Thou better slayest the enemy that dispossessed the Devas. O Child! Thus saying, the Devi Mangala Chandi disappeared and She became the S’akti of Maha Deva.
Then with the help of the weapon given by Visnu, the Lord of Lima killed the Asura. When the Daitya fell, the Devas and Risis began to chant hymns to Mahadeva with devotion and with their heads bent low. From the sky, a shower of flowers fell instantaneously on Maha Deva’s head. Brahma and Visnu became glad and gave their best wishes to Him. Then ordered by Brahma and Visnu, S’ankara bathed joyously. Then He began to worship with devotion the Devi Mangala Chandi with padya, Arghya, Achamaniya and various clothings.
Flowers, sandal paste, various goats, sheep, buffaloes, bisons, birds, garments, ornaments, garlands, Payasa (a preparation of rice, ghee, milk and sugar), Pistaka, honey, wine, and various fruits were offered in the worship. Dancing, music, with instruments and the chanting of Her name and other festivals commenced. Reciting the Dhyan as in Madhyandina, Mahadeva offered everything, pronouncing the principal Radical Mantra, “Om Hrim S’rim Klim Sarvapujye Devi Mangala Chandike Hum Phat Svaha” is the twenty- one lettered Mantra of Mangala Chandi. During worship, the Kalpa Vriksa, the tree yielding all desires, must be worshipped. O Narada! By repeating the Mantra ten lakhs of times, the Mantra Siddhi (success in realising the Deity inherent in the Mantra) comes. Now I am saying about the Dhyanam of Mangal Chandi as stated in the Vedas and as approved by all. Listen. “O Devi Mangala Chandike! Thou art sixteen years old; Thou art ever youthful; Thy lips are like Bimba fruits. Thou art of good teeth and pure. Thy face looks like autumnal lotus; Thy colour is like white champakas; Thy eyes resemble blue lilies; Thou art the Preserver of the world and thou bestowest all sorts of prosperity. Thou art the Light in this dark ocean of the world. So I meditate on Thee.” This is the Dhyanam. Now hear the stotra, which Mahadeva recited before Her.
26-37. Mahadeva said Protect me. Protect me, O Mother! O Devi Mangal Chandike! Thou, the Destroyer of difficulties! Thou givest joy and good. Thou art clever in giving delight and fortune. Thou the bestower of all bliss and prosperity! Thou, the auspicious. Thou art Mangala Chandika. Thou art Mangala, worthy of all good. Thou art the auspicious of all auspicious; Thou bestowest good to the good persons. Thou art worthy to be worshipped on Tuesday (the Mangala day); Thou art the Deity, desired by all. The King Mangala, born of Manu family always worships Thee. Thou, the presiding Devi of Mangala; Thou art the repository of all the good that are in this world. Thou, the Bestower of the auspicious Moksa. Thou, the best of all; Thou, the respository of all good; Thou makest one cross all
the Karmas; the people worship Thee on every Tuesday; Thou bestowest abundance of Bliss to all. Thus praising Mangala Chandika with this stotra, and worshipping on every Tuesday, S’annbhu departed. The Devi Sarva Mangala was first worshipped by Mahadeva. Next she was worsh ipped by the planet Mars; then by the King Mangala; then on every Tuesday by the ladies of every household. Fifthly she was worshipped by all men, desirous of their welfare. So in every universe Mangal Chandika, first worshipped by Mahadeva, came to be worshipped by all. Next she came to be worshipped everywhere, by the Devas, Munis, Manavas, Manus. O Muni! He who hears with undivided attention this stotra of the Devi Mangala Chandika, finds no evils anywhere. Rather all good comes to him. Day after day he gets sons and grandsons and so his prosperity gets increased, yea, verily increased!
38-58. Narayana said O Narada! Thus I narrated to you the stories of Sasthi and Mangala Chandika, according to the Vedas. Now hear the story of Manasa that I heard from the mouth of Dharama Deva.
Manasa is the mind-born daughter of Maharsi Kas’yapa; hence she is named Manasa; or it may be She who plays with the mind is Manasa. Or it may be She who meditates on God with her mind and gets rapture in Her meditation of God is named Manasa. She finds pleasure in Her Own Self, the great devotee of Visnu, a Siddha Yogini. For three Yugas She worshipped S’ri Krisna and then She became a Siddha Yogini. S’ri Krisna, the Lord of the GopTs, seeing the body of Manasa lean and thin due to austerities, or seeing her worn out like the Muni Jarat Karu called her by the name of Jarat Karu. Hence Her name has come also to be Jarat Karu. Krisna, the Ocean of Mercy, gave her out of kindness. Her desired boon; She worshipped Him and S’ri Krisna also worshipped Her. Devi Manasa is known in the Heavens, in the abode of the Nagas (serpents), in
earth, in Brahmaloka, in all the worlds as of very fair colour, beautiful and charming. She is named Jagad Gauri as she is of a very fair colour in the world. Her other name is S’aivT and she is the disciple of S’iva. She is named Vaisnavi as she is greatly devoted to Visnu. She saved the Nagas in the Snake Sacrifice performed by Pariksit, she is named NagesVari and Naga Bhagini and She is capable to destroy the effects of poison. She is called Visahari. She got the Siddha yoga from Mahadeva; hence She is named Siddha Yogini; She got from Him the great knowledge, so she is called Maha Jhanayuta, and as she got Mritasamjivani (making alive the dead) she is known by the name of Mritasanjivani. As the great ascetic is the mother of the great Muni Astik, she is known in the world as Astika mata. As She is the dear wife of the great high-souled Yogi Muni Jarat Karu, worshipped by all, she is called as Jarat
Karupriya, Jaratkaru, Jagadgauri, Manasa, Siddha Yogini, Vaisnavi, Naga Bhagini, S'aivi, NagesVari, Jaratkarupriya, Astikamata, Visahari, and Maha Jhanayuta; these are the twelve names of Manasa, worshipped everywhere in the Universe. He who recites these twelve names while worshipping Manasa Devi, he or any of his family has no fear of snakes. If there be any fear of snakes in one’s bed, if the house be infested with snakes or if one goes to a place difficult for fear of snakes or if one’s body be encircled with snakes, all the fears are dispelled, if one reads this stotra of Manasa. There is no doubt in this. The snakes run away out of fear from the sight of him who daily recites the Manasa stotra. Ten lakhs of times repeating the Manasa mantra give one man success in the stotra.
He can easily drink poison who attains success in this stotra. The snakes become his ornaments; they carry him even on their backs. He who is a great Siddha can sit on a seat of snakes and can sleep on a bed of snakes. In the end he sports day and night with Visnu.
Here ends the Forty-seventh Chapter of the Ninth Book on Manasa’s story in the Maha Puranam S’ri Mad Devi Bhagavatam of 18,000 verses by Maharsi Veda Vyasa.
Complete chapter-aligned witnesses. Sanskrit Wikisource page 24542, revision 75191 (2016-07-27T14:20:04Z). English is Swami Vijñanananda’s complete 1921–23 public-domain translation, controlled against the archival OCR and its chapter page at https://sacred-texts.com/hin/db/bk09ch47.htm. Historic spelling and transliteration are lightly normalized; no verse-by-verse alignment is asserted.