Ninth Skandha · Chapter 35
Sourceधर्मराज उवाच देवसेवां विना साध्वि न भवेत्कर्मकृन्तनम् । शुद्धकर्म शुद्धबीजं नरकश्च कुकर्मणा ॥ १ ॥ पुंश्चल्यन्नं च यो भुङ्क्ते योऽस्यां गच्छेत्पतिव्रते । स द्विजः कालसूत्रं च मृतो याति सुदुर्गमम् ॥ २ ॥ शतवर्षं कालसूत्रे स्थिरीभूतो भवेद् ध्रुवम् । तत्र जन्मनि रोगी च ततः शुद्धो भवेद् द्विजः ॥ ३ ॥ पतिव्रता चैकपतौ द्वितीये कुलटा स्मृता । तृतीये धर्षिणी ज्ञेया चतुर्थे पुंश्चलीत्यपि ॥ ४ ॥ वेश्या च पञ्चमे षष्ठे पुङ्गी च सप्तमेऽष्टमे । तत ऊर्ध्वं महावेश्या सास्पृश्या सर्वजातिषु ॥ ५ ॥ यो द्विजः कुलटां गच्छेद्धर्षिणीं पुंश्चलीमपि । पुङ्गीं वेश्यां महावेश्यां मत्स्योदे याति निश्चितम् ॥ ६ ॥ शताब्दं कुलटागामी धृष्टागामी चतुर्गुणम् । षड्गुणं पुंश्चलीगामी वेश्यागामी गुणाष्टकम् ॥ ७ ॥ पुङ्गीगामी दशगुणं वसेत्तत्र न संशयः । महावेश्याकामुकश्च ततो दशगुणं वसेत् ॥ ८ ॥ तत्रैव यातनां भुङ्क्ते यमदूतेन ताडितः । तित्तिरिः कुलटागामी धृष्टागामी च वायसः ॥ ९ ॥ कोकिलः पुंश्चलीगामी वेश्यागामी वृकः स्मृतः । पुङ्गीगामी सूकरश्च सप्तजन्मनि भारते ॥ १० ॥ महावेश्याप्रगामी च जायते शाल्मलीतरुः । यो भुङ्क्ते ज्ञानहीनश्च ग्रहणे चन्द्रसूर्ययोः ॥ ११ ॥ अरुन्तुदं स यात्येवाप्यन्नमानाब्दमेव च । ततो भवेन्मानवश्चाप्युदरे रोगपीडितः ॥ १२ ॥ गुल्मयुक्तश्च काणश्च दन्तहीनस्ततः शुचिः । वाक्प्रदत्तां स्वकन्यां च योऽन्यस्मै प्रददाति च ॥ १३ ॥ स वसेत्पांसुकुण्डे च तद्भोजी शतवत्सरम् । तद्द्रव्यहारी यः साध्वि पांसुवेष्टे शताब्दकम् ॥ १४ ॥ निवसेच्छरशय्यायां मम दूतेन ताडितः । भक्त्या न पूजयेद्विप्रः शिवलिङ्गं च पार्थिवम् ॥ १५ ॥ स याति शूलिनः पापाच्छूलप्रोतं सुदारुणम् । स्थित्वा शताब्दं तत्रैव श्वापदः सप्तजन्मसु ॥ १६ ॥ ततो भवेद्देवलश्च सप्तजन्म ततः शुचिः । करोति कुण्ठितं विप्रं यद्भिया कम्पते द्विजः ॥ १७ ॥ प्रकम्पने वसेत्सोऽपि विप्रलोमाब्दमेव च । प्रकोपवदना कोपात् स्वामिनं या च पश्यति ॥ १८ ॥ कटूक्तिं तं प्रवदति सोल्मुकं सम्प्रयाति हि । उल्कां ददाति तद्वक्त्रे सततं मम किङ्करः ॥ १९ ॥ दण्डेन ताडयेन्मूर्ध्नि तल्लोमाब्दप्रमाणकम् । ततो भवेन्मानवी च विधवा सप्तजन्मसु ॥ २० ॥ सा भुक्त्वा चैव वैधव्यं व्याधियुक्ता ततः शुचिः । या ब्राह्मणी शूद्रभोग्या चान्धकूपे प्रयाति सा ॥ २१ ॥ तप्तशौचोदके ध्वान्ते तदाहारी दिवानिशम् । निवसेदतिसन्तप्ता मम दूतेन ताडिता ॥ २२ ॥ शौचोदके निमग्ना सा यावदिन्द्राश्चतुर्दश । काकी जन्मसहस्राणि शतजन्मानि सूकरी ॥ २३ ॥ शृगाली शतजन्मानि शतजन्मानि कुक्कुटी । पारावती सप्तजन्म वानरी सप्तजन्मसु ॥ २४ ॥ ततो भवेत्सा चाण्डाली सर्वभोग्या च भारते । ततो भवेच्च रजकी यक्ष्मग्रस्ता च पुंश्चली ॥ २५ ॥ ततः कुष्ठयुता तैलकारी शुद्धा भवेत्ततः । निवसेद्वेधने वेश्या पुङ्गी च दण्डताडने ॥ २६ ॥ जलरन्ध्रे वसेद्वेश्या कुलटा देहचूर्णके । स्वैरिणी दलने चैव धृष्टा च शोषणे तथा ॥ २७ ॥ निवसेद्यातनायुक्ता मम दूतेन ताडिता । विण्मूत्रभक्षा सततं यावन्मन्वन्तरं सति ॥ २८ ॥ ततो भवेद्विट्कृमिश्च लक्षवर्षं ततः शुचिः । ब्राह्मणो ब्राह्मणीं गच्छेत्क्षत्रियां वापि क्षत्रियः ॥ २९ ॥ वैश्यो वैश्यां च शूद्रा वा शूद्रश्चापि व्रजेद्यदि । सवर्णपरदारैश्च कषायं यान्ति ते जनाः ॥ ३० ॥ भुक्त्वा कषायतप्तोदं निवसेद्वा शताब्दकम् । ततो विप्रो भवेच्छुद्धस्ततो वै क्षत्रियादयः ॥ ३१ ॥ योषितश्चापि शुद्ध्यन्तीत्येवमाह पितामहः । क्षत्रियो ब्राह्मणीं गच्छेद्वैश्यो वापि पतिव्रते ॥ ३२ ॥ मातृगामी भवेत्सोऽपि शूर्पे च नरके वसेत् । शूर्पाकारैश्च कृमिभिर्ब्राह्मण्या सह भक्षितः ॥ ३३ ॥ प्रतप्तमूत्रभोजी च मम दूतेन ताडितः । तत्रैव यातनां भुङ्क्ते यावदिन्द्राश्चतुर्दश ॥ ३४ ॥ सप्तजन्म वराहश्च छागलश्च ततः शुचिः । करे धृत्वा तु तुलसीं प्रतिज्ञां यो न पालयेत् ॥ ३५ ॥ मिथ्या वा शपथं कुर्यात्स च ज्वालामुखं व्रजेत् । गङ्गातोयं करे कृत्वा प्रतिज्ञां यो न पालयेत् ॥ ३६ ॥ शिलां वा देवप्रतिमां स च ज्वालामुखं व्रजेत् । दत्त्वा दक्षिणहस्तं च प्रतिज्ञां यो न पालयेत् ॥ ३७ ॥ स्थित्वा देवगृहे वापि स च ज्वालामुखं व्रजेत् । आस्पृश्य ब्राह्मणं गां च ज्वालावह्निं व्रजेद् द्विजः ॥ ३८ ॥ न पालयेत्प्रतिज्ञां च स च ज्वालामुखं व्रजेत् । मित्रद्रोही कृतघ्नश्च यश्च विश्वासघातकः ॥ ३९ ॥ मिथ्यासाक्ष्यप्रदश्चैव स च ज्वालामुखं व्रजेत् । एते तत्र वसन्त्येव यावदिन्द्राश्चतुर्दश ॥ ४० ॥ तथाङ्गारप्रदग्धाश्च मम दूतेन ताडिताः । चाण्डालस्तुलसीं स्पृष्ट्वा सप्तजन्म ततः शुचिः ॥ ४१ ॥ म्लेच्छो गङ्गाजलस्पर्शी पञ्चजन्म ततः शुचिः । शिलास्पर्शी विट्कृमिश्च सप्तजन्मसु सुन्दरि ॥ ४२ ॥ अर्चास्पर्शी ब्रह्मकृमिः सप्तजन्म ततः शुचि । दक्षहस्तप्रदाता च सर्पश्च सप्तजन्मसु ॥ ४३ ॥ ततो भवेद् ब्रह्महीनो मानवश्च ततः शुचिः । मिथ्यावादी देवगृहे देवलः सप्तजन्मसु ॥ ४४ ॥ विप्रादिस्पर्शकारी च व्याघ्रजातिर्भवेद् ध्रुवम् । ततो भवेच्च मूकः स बधिरश्च त्रिजन्मनि ॥ ४५ ॥ भार्याहीनो बन्धुहीनो वंशहीनस्ततः शुचिः । मित्रद्रोही च नकुलः कृतघ्नश्चापि गण्डकः ॥ ४६ ॥ विश्वासघाती व्याघ्रश्च सप्तजन्मसु भारते । मिथ्यासाक्षी च वक्तव्ये मण्डूकः सप्तजन्मसु ॥ ४७ ॥ पूर्वान्सप्तापरान्सप्त पुरुषान्हन्ति चात्मनः । नित्यक्रियाविहीनश्च जडत्वेन युतो द्विजः ॥ ४८ ॥ यस्यानास्था वेदवाक्ये मन्दं हसति संततम् । व्रतोपवासहीनश्च सद्वाक्यपरनिन्दकः ॥ ४९ ॥ धूम्रान्धे च वसेत्सोऽपि शताब्दं धूम्रभक्षकः । जलजन्तुर्भवेत्सोऽपि शतजन्मक्रमेण च ॥ ५० ॥ ततो नानाप्रकारश्च मत्स्यजातिस्ततः शुचिः । यः करोत्युपहासं च देवब्राह्मणयोर्धने ॥ ५१ ॥ पातयित्वा स पुरुषान्दशपूर्वान्दशापरान् । सोऽयं याति च धूम्रान्धं धूम्रध्वान्तसमन्वितम् ॥ ५२ ॥ धूम्रक्लिष्टो धूम्रभोजी वसेत्तत्र चतुर्गुणम् । ततो मूषकजातिश्च सप्तजन्मसु भारते ॥ ५३ ॥ ततो नानाविधाः पक्षिजातयः कृमिजातिभिः । ततो नानाविधा वृक्षा पशवश्च ततो नरः ॥ ५४ ॥ विप्रो दैवज्ञजीवी च वैद्यजीवी चिकित्सकः । लाक्षालोहादिव्यापारी रसादिविक्रयी च यः ॥ ५५ ॥ स याति नागवेष्टं च नागैर्वेष्टितमेव च । वसेत्स लोममानाब्दं तत्रैव नागपाशितः ॥ ५६ ॥ ततो नानाविधाः पक्षिजातयश्च ततो नरः । ततो भवेत्स गणको वैद्यश्च सप्तजन्मसु ॥ ५७ ॥ गोपश्च कर्मकारश्च रङ्गकारस्ततः शुचिः । प्रसिद्धानि च कुण्डानि कथितानि पतिव्रते ॥ ५८ ॥ अन्यानि चाप्रसिद्धानि क्षुद्राणि सन्ति तत्र वै । सन्ति पातकिनस्तेषु स्वकर्मफलभोगिनः । भ्रमन्ति नानायोनिं च किं भूयः श्रोतुमिच्छसि ॥ ५९ ॥
dharmarāja uvāca devasevāṃ vinā sādhvi na bhavetkarmakṛntanam | śuddhakarma śuddhabījaṃ narakaśca kukarmaṇā || 1 || puṃścalyannaṃ ca yo bhuṅkte yo'syāṃ gacchetpativrate | sa dvijaḥ kālasūtraṃ ca mṛto yāti sudurgamam || 2 || śatavarṣaṃ kālasūtre sthirībhūto bhaved dhruvam | tatra janmani rogī ca tataḥ śuddho bhaved dvijaḥ || 3 || pativratā caikapatau dvitīye kulaṭā smṛtā | tṛtīye dharṣiṇī jñeyā caturthe puṃścalītyapi || 4 || veśyā ca pañcame ṣaṣṭhe puṅgī ca saptame'ṣṭame | tata ūrdhvaṃ mahāveśyā sāspṛśyā sarvajātiṣu || 5 || yo dvijaḥ kulaṭāṃ gaccheddharṣiṇīṃ puṃścalīmapi | puṅgīṃ veśyāṃ mahāveśyāṃ matsyode yāti niścitam || 6 || śatābdaṃ kulaṭāgāmī dhṛṣṭāgāmī caturguṇam | ṣaḍguṇaṃ puṃścalīgāmī veśyāgāmī guṇāṣṭakam || 7 || puṅgīgāmī daśaguṇaṃ vasettatra na saṃśayaḥ | mahāveśyākāmukaśca tato daśaguṇaṃ vaset || 8 || tatraiva yātanāṃ bhuṅkte yamadūtena tāḍitaḥ | tittiriḥ kulaṭāgāmī dhṛṣṭāgāmī ca vāyasaḥ || 9 || kokilaḥ puṃścalīgāmī veśyāgāmī vṛkaḥ smṛtaḥ | puṅgīgāmī sūkaraśca saptajanmani bhārate || 10 || mahāveśyāpragāmī ca jāyate śālmalītaruḥ | yo bhuṅkte jñānahīnaśca grahaṇe candrasūryayoḥ || 11 || aruntudaṃ sa yātyevāpyannamānābdameva ca | tato bhavenmānavaścāpyudare rogapīḍitaḥ || 12 || gulmayuktaśca kāṇaśca dantahīnastataḥ śuciḥ | vākpradattāṃ svakanyāṃ ca yo'nyasmai pradadāti ca || 13 || sa vasetpāṃsukuṇḍe ca tadbhojī śatavatsaram | taddravyahārī yaḥ sādhvi pāṃsuveṣṭe śatābdakam || 14 || nivaseccharaśayyāyāṃ mama dūtena tāḍitaḥ | bhaktyā na pūjayedvipraḥ śivaliṅgaṃ ca pārthivam || 15 || sa yāti śūlinaḥ pāpācchūlaprotaṃ sudāruṇam | sthitvā śatābdaṃ tatraiva śvāpadaḥ saptajanmasu || 16 || tato bhaveddevalaśca saptajanma tataḥ śuciḥ | karoti kuṇṭhitaṃ vipraṃ yadbhiyā kampate dvijaḥ || 17 || prakampane vasetso'pi vipralomābdameva ca | prakopavadanā kopāt svāminaṃ yā ca paśyati || 18 || kaṭūktiṃ taṃ pravadati solmukaṃ samprayāti hi | ulkāṃ dadāti tadvaktre satataṃ mama kiṅkaraḥ || 19 || daṇḍena tāḍayenmūrdhni tallomābdapramāṇakam | tato bhavenmānavī ca vidhavā saptajanmasu || 20 || sā bhuktvā caiva vaidhavyaṃ vyādhiyuktā tataḥ śuciḥ | yā brāhmaṇī śūdrabhogyā cāndhakūpe prayāti sā || 21 || taptaśaucodake dhvānte tadāhārī divāniśam | nivasedatisantaptā mama dūtena tāḍitā || 22 || śaucodake nimagnā sā yāvadindrāścaturdaśa | kākī janmasahasrāṇi śatajanmāni sūkarī || 23 || śṛgālī śatajanmāni śatajanmāni kukkuṭī | pārāvatī saptajanma vānarī saptajanmasu || 24 || tato bhavetsā cāṇḍālī sarvabhogyā ca bhārate | tato bhavecca rajakī yakṣmagrastā ca puṃścalī || 25 || tataḥ kuṣṭhayutā tailakārī śuddhā bhavettataḥ | nivasedvedhane veśyā puṅgī ca daṇḍatāḍane || 26 || jalarandhre vasedveśyā kulaṭā dehacūrṇake | svairiṇī dalane caiva dhṛṣṭā ca śoṣaṇe tathā || 27 || nivasedyātanāyuktā mama dūtena tāḍitā | viṇmūtrabhakṣā satataṃ yāvanmanvantaraṃ sati || 28 || tato bhavedviṭkṛmiśca lakṣavarṣaṃ tataḥ śuciḥ | brāhmaṇo brāhmaṇīṃ gacchetkṣatriyāṃ vāpi kṣatriyaḥ || 29 || vaiśyo vaiśyāṃ ca śūdrā vā śūdraścāpi vrajedyadi | savarṇaparadāraiśca kaṣāyaṃ yānti te janāḥ || 30 || bhuktvā kaṣāyataptodaṃ nivasedvā śatābdakam | tato vipro bhavecchuddhastato vai kṣatriyādayaḥ || 31 || yoṣitaścāpi śuddhyantītyevamāha pitāmahaḥ | kṣatriyo brāhmaṇīṃ gacchedvaiśyo vāpi pativrate || 32 || mātṛgāmī bhavetso'pi śūrpe ca narake vaset | śūrpākāraiśca kṛmibhirbrāhmaṇyā saha bhakṣitaḥ || 33 || prataptamūtrabhojī ca mama dūtena tāḍitaḥ | tatraiva yātanāṃ bhuṅkte yāvadindrāścaturdaśa || 34 || saptajanma varāhaśca chāgalaśca tataḥ śuciḥ | kare dhṛtvā tu tulasīṃ pratijñāṃ yo na pālayet || 35 || mithyā vā śapathaṃ kuryātsa ca jvālāmukhaṃ vrajet | gaṅgātoyaṃ kare kṛtvā pratijñāṃ yo na pālayet || 36 || śilāṃ vā devapratimāṃ sa ca jvālāmukhaṃ vrajet | dattvā dakṣiṇahastaṃ ca pratijñāṃ yo na pālayet || 37 || sthitvā devagṛhe vāpi sa ca jvālāmukhaṃ vrajet | āspṛśya brāhmaṇaṃ gāṃ ca jvālāvahniṃ vrajed dvijaḥ || 38 || na pālayetpratijñāṃ ca sa ca jvālāmukhaṃ vrajet | mitradrohī kṛtaghnaśca yaśca viśvāsaghātakaḥ || 39 || mithyāsākṣyapradaścaiva sa ca jvālāmukhaṃ vrajet | ete tatra vasantyeva yāvadindrāścaturdaśa || 40 || tathāṅgārapradagdhāśca mama dūtena tāḍitāḥ | cāṇḍālastulasīṃ spṛṣṭvā saptajanma tataḥ śuciḥ || 41 || mleccho gaṅgājalasparśī pañcajanma tataḥ śuciḥ | śilāsparśī viṭkṛmiśca saptajanmasu sundari || 42 || arcāsparśī brahmakṛmiḥ saptajanma tataḥ śuci | dakṣahastapradātā ca sarpaśca saptajanmasu || 43 || tato bhaved brahmahīno mānavaśca tataḥ śuciḥ | mithyāvādī devagṛhe devalaḥ saptajanmasu || 44 || viprādisparśakārī ca vyāghrajātirbhaved dhruvam | tato bhavecca mūkaḥ sa badhiraśca trijanmani || 45 || bhāryāhīno bandhuhīno vaṃśahīnastataḥ śuciḥ | mitradrohī ca nakulaḥ kṛtaghnaścāpi gaṇḍakaḥ || 46 || viśvāsaghātī vyāghraśca saptajanmasu bhārate | mithyāsākṣī ca vaktavye maṇḍūkaḥ saptajanmasu || 47 || pūrvānsaptāparānsapta puruṣānhanti cātmanaḥ | nityakriyāvihīnaśca jaḍatvena yuto dvijaḥ || 48 || yasyānāsthā vedavākye mandaṃ hasati saṃtatam | vratopavāsahīnaśca sadvākyaparanindakaḥ || 49 || dhūmrāndhe ca vasetso'pi śatābdaṃ dhūmrabhakṣakaḥ | jalajanturbhavetso'pi śatajanmakrameṇa ca || 50 || tato nānāprakāraśca matsyajātistataḥ śuciḥ | yaḥ karotyupahāsaṃ ca devabrāhmaṇayordhane || 51 || pātayitvā sa puruṣāndaśapūrvāndaśāparān | so'yaṃ yāti ca dhūmrāndhaṃ dhūmradhvāntasamanvitam || 52 || dhūmrakliṣṭo dhūmrabhojī vasettatra caturguṇam | tato mūṣakajātiśca saptajanmasu bhārate || 53 || tato nānāvidhāḥ pakṣijātayaḥ kṛmijātibhiḥ | tato nānāvidhā vṛkṣā paśavaśca tato naraḥ || 54 || vipro daivajñajīvī ca vaidyajīvī cikitsakaḥ | lākṣālohādivyāpārī rasādivikrayī ca yaḥ || 55 || sa yāti nāgaveṣṭaṃ ca nāgairveṣṭitameva ca | vasetsa lomamānābdaṃ tatraiva nāgapāśitaḥ || 56 || tato nānāvidhāḥ pakṣijātayaśca tato naraḥ | tato bhavetsa gaṇako vaidyaśca saptajanmasu || 57 || gopaśca karmakāraśca raṅgakārastataḥ śuciḥ | prasiddhāni ca kuṇḍāni kathitāni pativrate || 58 || anyāni cāprasiddhāni kṣudrāṇi santi tatra vai | santi pātakinasteṣu svakarmaphalabhoginaḥ | bhramanti nānāyoniṃ ca kiṃ bhūyaḥ śrotumicchasi || 59 ||
English translation
1-44. Dharmarajan said O Chaste One! Without serving the Gods, the Karma ties can never be severed. The pure acts are the seeds of purities and the impure acts lead to impure seeds. If any Brahmana goes to any unchaste woman and eats her food, he will have to go ultimately to the Kalasutra hell. There he lives for one hundred years when ultimately he gets a human birth when he passes his times as a diseased man and ultimately he gets purified. Those women who are addicted to their (one) husbands only are called Pativratas.
Those addicted to two persons are named Kulatas; to three, are called Dharsinis; to four, called Pums’chalis; to five, six persons, called Ves’yas; to seven, eight, nine persons are called Pungis; and to more than these, are called Mahaves’yas. The Mahaves’yas are unfit to be touched by all the classes. If any Brahmana goes to Kulata, Dharsini, Pums’chali, Pungi, Ves’ya and Mahaves’yas, he will have to go to the Matsyoda Kunda. Those who go to Kulatas remain there for one hundred years; those who go to Dharsinis, remain for four hundred years, those who go to Pums’chalis for six hundred years; those who go to Ves’yas, for eight hundred years; those who go to Pungis, remain for one thousand years and those who go to Mahaves’yas remain in the Matsyoda Kunda for ten thousand years. My messengers chastise and beat and torment them very severely. And when their terms expire, the Kulata-goers become Tittiris (a bird), the Dharsini-goers become crows, the Pums’chali-mongers become cuckoos, the Ves’ya haunters become wolves; the Pungi-goers become for seven births boars. If any ignorant person eats food during the lunar and solar eclipses, he goes to Aruntuda Kunda for as many years as there are particles in that food. He then becomes born diseased with Gulma (a chronic enlargement of spleen) having no ears nor teeth, and after passing his time so, he becomes freed of his previous sin. If anybody makes a promise to give his daughter to one but he gives actually to a
different person, he goes to Pams’u Kunda where he eats ashes for one hundred years. Again if anybody sells his daughter, he sleeps on a bed of arrows in Pams’uvesta Kunda for one hundred years, chastised and beaten by My messengers. If any Brahmana does not worship with devotion the phallic emblem of S’iva, he goes to the dreadful S’ulaprota Kunda for that heinous sin. He remains there for one hundred years; then he becomes a quadruped animal for seven births and again he becomes born a Devala Brahmin for seven births when he becomes freed. If any Brahmana defeats another Brahmana in a bad useless argument and trifles him and makes him tremble, he goes to the Prakampana Kunda for as many years as there are hairs on his body. If any woman, being very furious with anger, chastises and uses harsh words to her husband, she goes to Ulkamukha Kunda for as many years as there are hairs on his body. My servants put fiery meteors or torches in her mouth and beat on her head. At the end of the term, she becomes a human being but she has to bear the torments of widowhood for seven births. Then she is again born as diseased; when at last she gets herself freed. The Brahmana woman, enjoyed by a S’udra, goes to the terrible dark Andhakupa hell, where she remains, day and night, immersed in the impure water and eats that for fourteen Indra’s life periods. Her pains are unbounded and My messengers beat her severely and incessantly.
At the expiry of the term in that hell, she becomes a female crow for thousand births, a female boar for one hundred births, a female fox for one hundred births, a hen for one hundred years, a female pigeon for seven births, and a female monkey for seven births. Then she becomes a ChandalT in this Bharata, enjoyed by all. Then she becomes an unchaste woman with the pthisis disease, a washerwoman, and then an oilwoman with leprosy when she becomes freed. O Fair One! The Ves’yas live in the Vedhana, and Jalarandhra hells; the Pungis live in the Dandatadana hell; the Kulatas live in the Dehachurna hells; the Svairinis live in the Dalana
hells; the Dharsinis live in S’osana hells. Their pains know no bounds at all those places. My messengers always beat and chastise them and they eat always the urine and faeces for one Manvantara. Then, at the expiry of their hell period, they become worms of faeces for one lakh years when they become freed. If a Brahmana goes to another Brahmana’s wife, if a Ksattriya, Vais’ya and S’udra do so, they go to the Kasaya hell. There they drink the hot Kasaya water for twelve years when they become purified. The lotus-born Brahma has said that the wives of Brahmins, Ksattriyas, etc., live in hells like Brahmins, Ksattriyas, etc., and they then get freed. If a Ksattriya or a Vais’ya goes to a Brahmin’s wife, he is involved in the sin of his going to his mother and goes and lives in the S’urpa hell. There the worms of the size of a S’urpa bite that Ksattriya, that Vais’ya and that Brahmana’s wife. My messengers chastise them and they have to eat the hot urine. Thus they suffer pains for fourteen Indra’s life periods. When they become boars for seven births and goats for seven births, when at last they are freed. Now if anybody makes a false promise or swears falsely, taking the Tulasi leaf in his hands, if anybody makes a false promise, taking the Ganges water, S’alagrama stone, or any other images of God in his hand; if anybody swears falsely, placing his right palm on the palm of another; if anybody swears falsely, being in a temple or touching a Brahmana or a cow; if anybody acts against his friends or others, if he be treacherous or if he gives a false evidence; then all these persons go to Jvala Mukha hell, and remain there for fourteen Indra’s life periods, chastised and beaten by My messengers and feeling pain as if one’s body is being burnt by red hot coal. One who gives a false evidence, with the Tulasi (holy basil) in his hand becomes a Chandala for seven births; one who makes a false promise with the Ganges water in his hand, becomes a MIechcha for five births; one who swears falsely while touching the S’alagrama stone, becomes a worm of the faeces for seven births; one who swears falsely, touching the image of the God, becomes a worm in a Brahmin’s house for seven births; one who gives a false evidence touching with the right hand, becomes a serpent for seven births; then he becomes born as a Brahmin, void of the knowledge of the
Vedas, when he becomes freed. One who speaks falsely, while in a temple, is born as a Devala for seven births.
45-59. If one swears falsely, touching a Brahmana, one becomes a tiger. Then he becomes dumb for three births, then for three births he becomes deaf, without wife, without friends, and his family becomes extinct. Then he becomes pure. Those that rebel against their friends, become mongoose; the treacherous persons become rhinoceroses; the hypocrite and treacherous persons become tigers and those who give false evidences become frogs. So much so, that their seven generations above and seven generations below go to hell. If any Brahmana does not perform his daily duties (Nitya Karma), he is reckoned as Jada (an inert matter). He has no faith in the Vedas. Rather he laughs at the Vedic customs. He does not observe vows and fastings; he blames others who give good advices. Such persons live in Dhumrandhakara hell where they eat dark smoke only. Then he roams about as an aquatic animal for one hundred births successively. Then he becomes born as various fishes when he is freed. If anybody jests at the wealth of a Deva or a Brahmana, then he with his ten generations above and below becomes fallen and he himself goes to the Dhumrandhakara hell, terribly dark and filled with smoke. There his pains know no bounds and he lives there for four hundred years, eating smoke only. Then he becomes a mouse for seven births, and he becomes various birds and worms, various trees and various animals when ultimately he gets a human birth. If a Brahmin earns his livelihood by being an astrologer or if he be a physician and lives thereby or if he sells lac, iron, or oil, etc., he goes to the Nagavstana Kunda hell where he lives for as many years as there are hairs on his body, tied up by snakes. Then he becomes born as various birds; ultimately he gets a human birth and becomes an astrologer for seven births and a physician for seven births. Then for sometime he becomes a cowherd (milkman), for sometimes a blacksmith; for sometimes a painter, when he becomes freed of his sin. O Chaste One! Thus I
have described to you all the famous Kundas or hells. Besides there are innumerable small Kundas. The sinners go there and suffer the fruits of their own Karmas and travel through various wombs. O Fair One! What more do you now want to hear? Say.
Here ends the Thirty-Fifth Chapter of the Ninth Book on the description of the various hells for the various sinners in the Maha Puranam S’ri Mad Devi Bhagavatam of 18,000 verses by Maharsi Veda Vyasa.
Complete chapter-aligned witnesses. Sanskrit Wikisource page 24530, revision 75176 (2016-07-27T13:50:39Z). English is Swami Vijñanananda’s complete 1921–23 public-domain translation, controlled against the archival OCR and its chapter page at https://sacred-texts.com/hin/db/bk09ch35.htm. Historic spelling and transliteration are lightly normalized; no verse-by-verse alignment is asserted.