Sixth Skandha · Chapter 5
Sourceव्यास उवाच तथा चिन्तातुरान्वीक्ष्य सर्वान्मर्वार्थतत्त्ववित् । प्राह प्रेमभरोद्भ्रान्तान्माधवो मेदिनीपते ॥ १ ॥ विष्णुरुवाच किं मौनमाश्रिता यूयं ब्रुवन्तु कारणं सुराः । सदसद्वापि यच्छ्रुत्वा यतिष्ये तन्निवारणे ॥ २ ॥ देवा ऊचुः किमज्ञातं तव विभो त्रिषु लोकेषु वर्तते । सर्वं वेद भवान्कार्यं किं पृच्छसि पुनः पुनः ॥ ३ ॥ त्वया पूर्वं बलिर्बद्धः शक्रो देवाधिपः कृतः । वामनं वपुरास्थाय क्रान्तं त्रिभुवनं पदैः ॥ ४ ॥ अमृतं त्वाहृतं विष्णो दैत्याश्च विनिपातिताः । त्वं प्रभुः सर्वदेवानां सर्वापद्विनिवारणे ॥ ५ ॥ विष्णुरुवाच न भेतव्यं सुरवरा वेद्म्युपायं सुसम्मतम् । तद्वधाय प्रवक्ष्यामि येन सौख्यं भविष्यति ॥ ६ ॥ अवश्यं करणीयं मे भवतां हितमात्मना । बुद्ध्या बलेन चार्थेन येन केनच्छलेन वा ॥ ७ ॥ उपायाः खलु चत्वारः कथितास्तत्त्वदर्शिभिः । सामादयः सुहृत्स्वेव दुर्हृदेषु विशेषतः ॥ ८ ॥ ब्रह्मणास्य वरो दत्तस्तपसाऽऽराधितेन च । दुर्जयत्वं च सम्प्राप्तं वरदानप्रभावतः ॥ ९ ॥ अजेयः सर्वभूतानां त्वष्ट्रा समुपपादितः । ततो बलेन वृद्धिं स प्राप्तः परपुरञ्जयः ॥ १० ॥ दुःसाध्योऽसौ सुराः शत्रुर्विना सामप्रतारणम् । प्रलोभ्य वशमानेयो हन्तव्यस्तु ततः परम् ॥ ११ ॥ गच्छध्वं सर्वगन्धर्वा यत्रास्ति बलवत्तरः । साम तस्य प्रयुञ्जध्वं तत एनं विजेष्यथ ॥ १२ ॥ सङ्गम्य शपथात्कृत्वा विश्वास्य समयेन हि । मित्रत्वं च समाधाय हन्तव्यः प्रबलो रिपुः ॥ १३ ॥ अदृश्यः सम्प्रवेक्ष्यामि वज्रमस्य वरायुधम् । साहाय्यं च करिष्यामि शक्रस्याहं सुरोत्तमाः ॥ १४ ॥ समयं च प्रतीक्षध्वं सर्वथैवायुषः क्षये । मरणं विबुधास्तस्य नान्यथा सम्भविष्यति ॥ १५ ॥ गच्छध्वमृषिभिः सार्धं गन्धर्वाः कपटावृताः । इन्द्रेण सह मित्रत्वं कुरुध्वं वाक्यदानतः ॥ १६ ॥ यथा स याति विश्वासं तथा कार्यं प्रतारणम् । गुप्तोऽहं सम्प्रवेक्ष्यामि पविं सञ्छादितं दृढम् ॥ १७ ॥ विश्वस्तं मघवा शत्रुं हनिष्यति न चान्यथा । विश्वासस्य कृते पापं कृत्वा शक्रस्तु पृष्ठतः ॥ १८ ॥ मत्सहायोऽथ वज्रेण शातयिष्यति पापिनम् । न दोषोऽत्र शठे शत्रौ शाठ्यमेव प्रकुर्वतः ॥ १९ ॥ नान्यथा बलवान्वध्यः शूरधर्मेण जायते । वामनं रूपमाधाय मयायं वञ्चितो बलिः ॥ २० ॥ कृत्वा च मोहिनीवेषं दैत्याः सर्वेऽपिवञ्चिताः । भवन्तः सहिताः सर्वे देवीं भगवतीं शिवाम् ॥ २१ ॥ गच्छध्वं शरणं भावैः स्तोत्रमन्त्रैः सुरोत्तमाः । साहाय्यं सा योगमाया भवतां संविधास्यति ॥ २२ ॥ वन्दामहे सदा देवीं सात्त्विकीं प्रकृतिं पराम् । सिद्धिदां कामदां कामां दुरापामकृतात्मभिः ॥ २३ ॥ इन्द्रोऽपि तां समाराध्य हनिष्यति रिपुं रणे । मोहिनी सा महामाया मोहयिष्यति दानवम् ॥ २४ ॥ मोहितो मायया वृत्रः सुखसाध्यो भविष्यति । प्रसन्नायां पराम्बायां सर्वं साध्यं भविष्यति ॥ २५ ॥ नोचेन्मनोरथावाप्तिर्न कस्यापि भविष्यति । अन्तर्यामिस्वरूपा सा सर्वकारणकारणा ॥ २६ ॥ तस्मात्तां विश्वजननीं प्रकृतिं परमादृताः । भजध्वं सात्त्विकैर्भावैः शत्रुनाशाय सत्तमाः ॥ २७ ॥ पुरा मयापि संग्रामं कृत्वा परमदारुणम् । पञ्चवर्षसहस्राणि निहतौ मधुकैटभौ ॥ २८ ॥ स्तुता मया तदात्यर्थं प्रसन्ना प्रकृतिः परा । मोहितौ तौ तदा दैत्यौ छलेन च मया हतौ ॥ २९ ॥ विप्रलब्धौ महाबाहू दानवौ मदगर्वितौ । तथा कुरुध्वं प्रकृतेर्भजनं भावसंयुताः ॥ ३० ॥ सर्वथा कार्यसिद्धिं सा करिष्यति सुरोत्तमाः । एवं ते दत्तमतयो विष्णुना प्रभविष्णुना ॥ ३१ ॥ जग्मुस्ते मेरुशिखरं मन्दारद्रुममण्डितम् । एकान्ते संस्थिता देवाः कृत्वा ध्यानं जपं तपः ॥ ३२ ॥ तुष्टुवुर्जगतां धात्रीं सृष्टिसंहारकारिणीम् । भक्तकामदुघामम्बां संसारक्लेशनाशिनीम् ॥ ३३ ॥ देवा ऊचुः देवि प्रसीद परिपाहि सुरान्प्रतप्तान् वृत्रासुरेण समरे परिपीडितांश्च । दीनार्तिनाशनपरे परमार्थतत्त्वे प्राप्तांस्त्वदङ्घ्रिकमलं शरणं सदैव ॥ ३४ ॥ त्वं सर्वविश्वजननी परिपालयास्मान् पुत्रानिवातिपतितान् रिपुसङ्कटेऽस्मिन् । मातर्न तेऽस्त्यविदितं भुवनत्रयेऽपि कस्मादुपेक्षसि सुरानसुरप्रतप्तान् ॥ ३५ ॥ त्रैलोक्यमेतदखिलं विहितं त्वयैव ब्रह्मा हरिः पशुपतिस्तव वासनोत्थाः । कुर्वन्ति कार्यमखिलं स्ववशा न ते ते भ्रूभङ्गचालनवशाद्विहरन्ति कामम् ॥ ३६ ॥ माता सुतान्परिभवात्परिपाति दीनान् रीतिस्त्वयैव रचिता प्रकटापराधान् । कस्मान्न पालयसि देवि विनापराधा- नस्मांस्त्वदङ्घ्रिशरणान्करुणारसाब्धे ॥ ३७ ॥ नूनं मदङ्घ्रिभजनाप्तपदाः किलैते भक्तिं विहाय विभवे सुखभोगलुब्धाः । नेमे कटाक्षविषया इति चेन्न चैषा रीतिः सुते जननकर्तरि चापि दृष्टा ॥ ३८ ॥ दोषो न नोऽत्र जननि प्रतिभाति चित्ते यत्ते विहाय भजनं विभवे निमग्नाः । मोहस्त्वया विरचितः प्रभवत्यसौ न- स्तस्मात्स्वभावकरुणे दयसे कथं न ॥ ३९ ॥ पूर्वं त्वया जननि दैत्यपतिर्बलिष्ठो व्यापादितो महिषरूपधरः किलाजौ । अस्मत्कृते सकललोकभयावहोऽसौ वृत्रं कथं न भयदं विधुनोषि मातः ॥ ४० ॥ शुम्भस्तथातिबलवाननुजो निशुम्भ- स्तौ भ्रातरौ तदनुगा निहता हतौ च । वृत्रं तथा जहि खलं प्रबलं दयार्द्रे मत्तं विमोहय तथा न भवेद्यथासौ ॥ ४१ ॥ त्वं पालयाद्य विबुधानसुरेण मातः सन्तापितानतितरां भयविह्वलांश्च । नान्योऽस्ति कोऽपि भुवनेषु सुरार्तिहन्ता यः क्लेशजालमखिलं निदहेत्स्वशक्त्या ॥ ४२ ॥ वृत्रे दया तव यदि प्रथिता तथापि जह्येनमाशु जनदुःखकरं खलं च । पापात्समुद्धर भवानि शरैः पुनाना नोचेत्प्रयास्यति तमो ननु दुष्टबुद्धिः ॥ ४३ ॥ ते प्रापिताः सुरवनं विबुधारयो ये हत्वा रणेऽपि विशिखैः किल पावितास्ते । त्राता न किं निरयपातभयाद्दयार्द्रे यच्छत्रवोऽपि न हि किं विनिहंसि वृत्रम् ॥ ४४ ॥ जानीमहे रिपुरसौ तव सेवको न प्रायेण पीडयति नः किल पापबुद्धिः । यस्तावकस्त्विह भवेदमरानसौ किं त्वत्पादपङ्कजरतान्ननु पीडयेद्वा ॥ ४५ ॥ कुर्मः कथं जननि पूजनमद्य तेऽम्ब पुष्पादिकं तव विनिर्मितमेव यस्मात् । मन्त्रा वयं च सकलं परशक्तिरूपं तस्माद्भवानि चरणे प्रणताः स्म नूनम् ॥ ४६ ॥ धन्यास्त एव मनुजा हि भजन्ति भक्त्या पादाम्बुजं तव भवाब्धिजलेषु पोतम् । यं योगिनोऽपि मनसा सततं स्मरन्ति मोक्षार्थिनो विगतरागविकारमोहाः ॥ ४७ ॥ ये याज्ञिकाः सकलवेदविदोऽपि नूनं त्वां संस्मरन्ति सततं किल होमकाले । स्वाहां तु तृप्तिजननीममरेश्वराणां भूयः स्वधां पितृगणस्य च तृप्तिहेतुम् ॥ ४८ ॥ मेधासि कान्तिरसि शान्तिरपि प्रसिद्धा बुद्धिस्त्वमेव विशदार्थकरी नराणाम् । सर्वं त्वमेव विभवं भुवनत्रयेऽस्मि- न्कृत्वा ददासि भजतां कृपया सदैव ॥ ४९ ॥ व्यास उवाच एवं स्तुता सुरैर्देवी प्रत्यक्षा साभवत्तदा । चारुरूपधरा तन्वी सर्वाभरणभूषिता ॥ ५० ॥ पाशांकुशवराभीतिलसद्बाहुचतुष्टया । रणत्किङ्किणिकाजालरसनाबद्धसत्कटिः ॥ ५१ ॥ कलकण्ठीरवा कान्ता क्वणत्कङ्कणनूपुरा । चन्द्रखण्डसमाबद्धरत्नमौलिविराजिता ॥ ५२ ॥ मन्दस्मितारविन्दास्या नेत्रत्रयविभूषिता । पारिजातप्रसूनाच्छनालवर्णसमप्रभा ॥ ५३ ॥ रक्ताम्बरपरीधाना रक्तचन्दनचर्चिता । प्रसादसुमुखी देवी करुणारससागरा ॥ ५४ ॥ सर्वशृङ्गारवेषाढ्या सर्वद्वैतारणिः परा । सर्वज्ञा सर्वकर्त्री च सर्वाधिष्ठानरूपिणी ॥ ५५ ॥ सर्ववेदान्तसंसिद्धा सच्चिदानन्दरूपिणी । प्रणेमुस्तां समालोक्य सुरा देवीं पुरःस्थिताम् ॥ ५६ ॥ तानाह प्रणतानम्बा किं वः कार्यं ब्रुवन्तु माम् । देवा ऊचुः मोहयैनं रिपुं वृत्रं देवानामतिदुःखदम् ॥ ५७ ॥ यथा विश्वसते देवांस्तथा कुरु विमोहितम् । आयुधे च बलं देहि हतः स्याद्येन वा रिपुः ॥ ५८ ॥ व्यास उवाच तथेत्युक्त्वा भगवती तत्रैवान्तरधीयत । स्वानि स्वानि निकेतानि जग्मुर्देवा मुदान्विताः ॥ ५९ ॥
vyāsa uvāca tathā cintāturānvīkṣya sarvānmarvārthatattvavit | prāha premabharodbhrāntānmādhavo medinīpate || 1 || viṣṇuruvāca kiṃ maunamāśritā yūyaṃ bruvantu kāraṇaṃ surāḥ | sadasadvāpi yacchrutvā yatiṣye tannivāraṇe || 2 || devā ūcuḥ kimajñātaṃ tava vibho triṣu lokeṣu vartate | sarvaṃ veda bhavānkāryaṃ kiṃ pṛcchasi punaḥ punaḥ || 3 || tvayā pūrvaṃ balirbaddhaḥ śakro devādhipaḥ kṛtaḥ | vāmanaṃ vapurāsthāya krāntaṃ tribhuvanaṃ padaiḥ || 4 || amṛtaṃ tvāhṛtaṃ viṣṇo daityāśca vinipātitāḥ | tvaṃ prabhuḥ sarvadevānāṃ sarvāpadvinivāraṇe || 5 || viṣṇuruvāca na bhetavyaṃ suravarā vedmyupāyaṃ susammatam | tadvadhāya pravakṣyāmi yena saukhyaṃ bhaviṣyati || 6 || avaśyaṃ karaṇīyaṃ me bhavatāṃ hitamātmanā | buddhyā balena cārthena yena kenacchalena vā || 7 || upāyāḥ khalu catvāraḥ kathitāstattvadarśibhiḥ | sāmādayaḥ suhṛtsveva durhṛdeṣu viśeṣataḥ || 8 || brahmaṇāsya varo dattastapasā''rādhitena ca | durjayatvaṃ ca samprāptaṃ varadānaprabhāvataḥ || 9 || ajeyaḥ sarvabhūtānāṃ tvaṣṭrā samupapāditaḥ | tato balena vṛddhiṃ sa prāptaḥ parapurañjayaḥ || 10 || duḥsādhyo'sau surāḥ śatrurvinā sāmapratāraṇam | pralobhya vaśamāneyo hantavyastu tataḥ param || 11 || gacchadhvaṃ sarvagandharvā yatrāsti balavattaraḥ | sāma tasya prayuñjadhvaṃ tata enaṃ vijeṣyatha || 12 || saṅgamya śapathātkṛtvā viśvāsya samayena hi | mitratvaṃ ca samādhāya hantavyaḥ prabalo ripuḥ || 13 || adṛśyaḥ sampravekṣyāmi vajramasya varāyudham | sāhāyyaṃ ca kariṣyāmi śakrasyāhaṃ surottamāḥ || 14 || samayaṃ ca pratīkṣadhvaṃ sarvathaivāyuṣaḥ kṣaye | maraṇaṃ vibudhāstasya nānyathā sambhaviṣyati || 15 || gacchadhvamṛṣibhiḥ sārdhaṃ gandharvāḥ kapaṭāvṛtāḥ | indreṇa saha mitratvaṃ kurudhvaṃ vākyadānataḥ || 16 || yathā sa yāti viśvāsaṃ tathā kāryaṃ pratāraṇam | gupto'haṃ sampravekṣyāmi paviṃ sañchāditaṃ dṛḍham || 17 || viśvastaṃ maghavā śatruṃ haniṣyati na cānyathā | viśvāsasya kṛte pāpaṃ kṛtvā śakrastu pṛṣṭhataḥ || 18 || matsahāyo'tha vajreṇa śātayiṣyati pāpinam | na doṣo'tra śaṭhe śatrau śāṭhyameva prakurvataḥ || 19 || nānyathā balavānvadhyaḥ śūradharmeṇa jāyate | vāmanaṃ rūpamādhāya mayāyaṃ vañcito baliḥ || 20 || kṛtvā ca mohinīveṣaṃ daityāḥ sarve'pivañcitāḥ | bhavantaḥ sahitāḥ sarve devīṃ bhagavatīṃ śivām || 21 || gacchadhvaṃ śaraṇaṃ bhāvaiḥ stotramantraiḥ surottamāḥ | sāhāyyaṃ sā yogamāyā bhavatāṃ saṃvidhāsyati || 22 || vandāmahe sadā devīṃ sāttvikīṃ prakṛtiṃ parām | siddhidāṃ kāmadāṃ kāmāṃ durāpāmakṛtātmabhiḥ || 23 || indro'pi tāṃ samārādhya haniṣyati ripuṃ raṇe | mohinī sā mahāmāyā mohayiṣyati dānavam || 24 || mohito māyayā vṛtraḥ sukhasādhyo bhaviṣyati | prasannāyāṃ parāmbāyāṃ sarvaṃ sādhyaṃ bhaviṣyati || 25 || nocenmanorathāvāptirna kasyāpi bhaviṣyati | antaryāmisvarūpā sā sarvakāraṇakāraṇā || 26 || tasmāttāṃ viśvajananīṃ prakṛtiṃ paramādṛtāḥ | bhajadhvaṃ sāttvikairbhāvaiḥ śatrunāśāya sattamāḥ || 27 || purā mayāpi saṃgrāmaṃ kṛtvā paramadāruṇam | pañcavarṣasahasrāṇi nihatau madhukaiṭabhau || 28 || stutā mayā tadātyarthaṃ prasannā prakṛtiḥ parā | mohitau tau tadā daityau chalena ca mayā hatau || 29 || vipralabdhau mahābāhū dānavau madagarvitau | tathā kurudhvaṃ prakṛterbhajanaṃ bhāvasaṃyutāḥ || 30 || sarvathā kāryasiddhiṃ sā kariṣyati surottamāḥ | evaṃ te dattamatayo viṣṇunā prabhaviṣṇunā || 31 || jagmuste meruśikharaṃ mandāradrumamaṇḍitam | ekānte saṃsthitā devāḥ kṛtvā dhyānaṃ japaṃ tapaḥ || 32 || tuṣṭuvurjagatāṃ dhātrīṃ sṛṣṭisaṃhārakāriṇīm | bhaktakāmadughāmambāṃ saṃsārakleśanāśinīm || 33 || devā ūcuḥ devi prasīda paripāhi surānprataptān vṛtrāsureṇa samare paripīḍitāṃśca | dīnārtināśanapare paramārthatattve prāptāṃstvadaṅghrikamalaṃ śaraṇaṃ sadaiva || 34 || tvaṃ sarvaviśvajananī paripālayāsmān putrānivātipatitān ripusaṅkaṭe'smin | mātarna te'styaviditaṃ bhuvanatraye'pi kasmādupekṣasi surānasuraprataptān || 35 || trailokyametadakhilaṃ vihitaṃ tvayaiva brahmā hariḥ paśupatistava vāsanotthāḥ | kurvanti kāryamakhilaṃ svavaśā na te te bhrūbhaṅgacālanavaśādviharanti kāmam || 36 || mātā sutānparibhavātparipāti dīnān rītistvayaiva racitā prakaṭāparādhān | kasmānna pālayasi devi vināparādhā- nasmāṃstvadaṅghriśaraṇānkaruṇārasābdhe || 37 || nūnaṃ madaṅghribhajanāptapadāḥ kilaite bhaktiṃ vihāya vibhave sukhabhogalubdhāḥ | neme kaṭākṣaviṣayā iti cenna caiṣā rītiḥ sute jananakartari cāpi dṛṣṭā || 38 || doṣo na no'tra janani pratibhāti citte yatte vihāya bhajanaṃ vibhave nimagnāḥ | mohastvayā viracitaḥ prabhavatyasau na- stasmātsvabhāvakaruṇe dayase kathaṃ na || 39 || pūrvaṃ tvayā janani daityapatirbaliṣṭho vyāpādito mahiṣarūpadharaḥ kilājau | asmatkṛte sakalalokabhayāvaho'sau vṛtraṃ kathaṃ na bhayadaṃ vidhunoṣi mātaḥ || 40 || śumbhastathātibalavānanujo niśumbha- stau bhrātarau tadanugā nihatā hatau ca | vṛtraṃ tathā jahi khalaṃ prabalaṃ dayārdre mattaṃ vimohaya tathā na bhavedyathāsau || 41 || tvaṃ pālayādya vibudhānasureṇa mātaḥ santāpitānatitarāṃ bhayavihvalāṃśca | nānyo'sti ko'pi bhuvaneṣu surārtihantā yaḥ kleśajālamakhilaṃ nidahetsvaśaktyā || 42 || vṛtre dayā tava yadi prathitā tathāpi jahyenamāśu janaduḥkhakaraṃ khalaṃ ca | pāpātsamuddhara bhavāni śaraiḥ punānā nocetprayāsyati tamo nanu duṣṭabuddhiḥ || 43 || te prāpitāḥ suravanaṃ vibudhārayo ye hatvā raṇe'pi viśikhaiḥ kila pāvitāste | trātā na kiṃ nirayapātabhayāddayārdre yacchatravo'pi na hi kiṃ vinihaṃsi vṛtram || 44 || jānīmahe ripurasau tava sevako na prāyeṇa pīḍayati naḥ kila pāpabuddhiḥ | yastāvakastviha bhavedamarānasau kiṃ tvatpādapaṅkajaratānnanu pīḍayedvā || 45 || kurmaḥ kathaṃ janani pūjanamadya te'mba puṣpādikaṃ tava vinirmitameva yasmāt | mantrā vayaṃ ca sakalaṃ paraśaktirūpaṃ tasmādbhavāni caraṇe praṇatāḥ sma nūnam || 46 || dhanyāsta eva manujā hi bhajanti bhaktyā pādāmbujaṃ tava bhavābdhijaleṣu potam | yaṃ yogino'pi manasā satataṃ smaranti mokṣārthino vigatarāgavikāramohāḥ || 47 || ye yājñikāḥ sakalavedavido'pi nūnaṃ tvāṃ saṃsmaranti satataṃ kila homakāle | svāhāṃ tu tṛptijananīmamareśvarāṇāṃ bhūyaḥ svadhāṃ pitṛgaṇasya ca tṛptihetum || 48 || medhāsi kāntirasi śāntirapi prasiddhā buddhistvameva viśadārthakarī narāṇām | sarvaṃ tvameva vibhavaṃ bhuvanatraye'smi- nkṛtvā dadāsi bhajatāṃ kṛpayā sadaiva || 49 || vyāsa uvāca evaṃ stutā surairdevī pratyakṣā sābhavattadā | cārurūpadharā tanvī sarvābharaṇabhūṣitā || 50 || pāśāṃkuśavarābhītilasadbāhucatuṣṭayā | raṇatkiṅkiṇikājālarasanābaddhasatkaṭiḥ || 51 || kalakaṇṭhīravā kāntā kvaṇatkaṅkaṇanūpurā | candrakhaṇḍasamābaddharatnamaulivirājitā || 52 || mandasmitāravindāsyā netratrayavibhūṣitā | pārijātaprasūnācchanālavarṇasamaprabhā || 53 || raktāmbaraparīdhānā raktacandanacarcitā | prasādasumukhī devī karuṇārasasāgarā || 54 || sarvaśṛṅgāraveṣāḍhyā sarvadvaitāraṇiḥ parā | sarvajñā sarvakartrī ca sarvādhiṣṭhānarūpiṇī || 55 || sarvavedāntasaṃsiddhā saccidānandarūpiṇī | praṇemustāṃ samālokya surā devīṃ puraḥsthitām || 56 || tānāha praṇatānambā kiṃ vaḥ kāryaṃ bruvantu mām | devā ūcuḥ mohayainaṃ ripuṃ vṛtraṃ devānāmatiduḥkhadam || 57 || yathā viśvasate devāṃstathā kuru vimohitam | āyudhe ca balaṃ dehi hataḥ syādyena vā ripuḥ || 58 || vyāsa uvāca tathetyuktvā bhagavatī tatraivāntaradhīyata | svāni svāni niketāni jagmurdevā mudānvitāḥ || 59 ||
English translation
1-5. Vyasa said O King! Narayana, the Lord of Laksmi, and Knower of the essences of all subjects, seeing the Devas extremely attached to him and anxious, spoke to them thus O Suras! Why have you kept silent? Tell me why you have all come, let it be good or bad, tell me; I will try to remove your miseries. The Devas said O Lord! Is there anything unknown to you in this Triloki; You know everything; why then art Thou asking us again and again? In ancient times You in your Dwarf incarnation overspread the three worlds by Your three feet and thus bound the King Vali in his own premises and gave over the sovereignty over the Devas to Indra. O All Pervading One! It is You who deluded the Daityas and procured nectar for the Devas, and it is You who sent them to the house of Death.
Therefore, O Lord! You are the one and only one that is capable in warding off all the evils that befall on the Devas.
6-31. Thus hearing the Devas' words, Visnu said “O Suras! You need not fear; I know one remedy, approved by all, by which that Daitya might be killed so that you would be happy. I am now giving out to you. Your welfare, your benefit must be looked at by me whether by the exercise of my intelligence or by using my prowess, by wealth pretext or by any other means whatsoever. Four means, viz., conciliation, gifts, sowing discord, or punishment are mentioned by the wise statesmen to be applied to friends and specially to the enemies. Brahma was worshipped by Vritra with severe austerities and He granted boons and it is due to the influence of that favour that this Asura has become indomitable. The more so that Vis'vakarma created him from the sacrificial fire; it is through all these causes that the Demon Vritrasura, conqueror of the enemies' stronghold, has grown up so very powerful that he can hardly be conquered by any being. O Suras! First peace must be negotiated with him; then deceive him, otherwise the enemy will be very difficult
to conquer. First entice hinn and bring hinn under control; then kill hinn. Now take the Risis and Gandharbas with you and go where the powerful enemy Vritrasura is residing and make a treaty with him; thus he will be conquered. Swear on oath and accede to the terms he proposes and thus create faith in him; then cultivate friendship with him; lastly, when time will come, kill that powerful enemy. O Suras! I will also enter, unseen by anybody, into the excellent weapon of Indra, his thunderbolt and will help him in due time. Wait till the period of his longevity expires; otherwise his death will never take place. Now go to that Asura, with Gandharbas and Risis and cunningly cultivate friendship between him and Indra, by conciliatory words; when he begins thus to put his confidence, then deceive him.
I will enter hiddenly into the strong well covered thunderbolt. When Indra will come to know that the Demon has put complete faith in him, he will hurl his thunderbolt against him and thus the enemy will be killed and not otherwise. O Lord of the Devas! Do not consider for the present the act of treachery that you will commit: take my help and kill that wicked Demon with thunderbolt. To practise hypocrisy with an hypocrite is not considered a sin; specially no powerful enemy can be killed only by the well known rules applicable to warriors, without any deceit. I also deceived, before, Vali, with my dwarf body and again I deceived all the Demons by showing myself as a beautiful woman; therefore to practise deceit with a strong deceitful enemy is never considered a sin. Know this. O Devas! Now you all conjointly worship the Devi Bhagavati with Mantras and prayers and take Her shelter; the Yoga Maya, then, will help you.
We, too, worship that Devi, the Highest Prakriti, the Incarnate of pure Sattva Guna, Who grants success, bestows us all our desires. Who is Herself the object of desires, and Who is never realised by any except by those Yogis, self-controlled pure men. Indra, too, will certainly be able to kill his enemy in battle if he worships Her; for the Maha Maya, the Creatrix of Delusion, will, when worshipped, delude that Demon. Thus deluded by Her Maya, Vritrasura will easily be killed by him; there is no doubt in this, what more do you want than this that everything will be successfully accomplished when the Devi Ambika is propitiated and gets well pleased. She regulates the
hearts of all and is the Cause of all causes. Without Her worship no one's desires can be expected to be accomplished. Therefore, O Best of Suras! Worship the Universal Mother, the Prakrit! Devi with greatest devotion and with greatest purity for the destruction of your enemy. Seel In days of yore, I fought for five thousand years, dreadfully with the two Demons Madhu and Kaitabha and then killed them. I worshipped, then, the Maha Maya, the Highest Prakrit!; She was thus pleased and deluded the two Asuras; thus the two powerful Asuras puffed up with vanity were deluded and thus I could kill those terrible Daityas under a pretext. Therefore, O Suras! You, too, worship that Highest Prakrit! with the greatest devotion; She will then surely fulfill your desires.
32-49. O King! When the intelligent Visnu enlightened thus the Devas, they went to the top of the Mount Sumeru, adorned with the Mandara trees, and, remaining at a secluded place, recited slowly Her Mantrams and thus engaged in asceticism and meditation, began to chant hymns and praise that Universal Mother, the Holder of the world, the Remover of all world ailings, and the Creatrix, Preservatrix and Destructrix of the world and the Bestower of all desires to Her devotees. The Devas said “O Devi! Be graciously pleased unto us! O Thou, the Destructrix of the afflictions of the distressed! We have taken refuge unto Thy lotus-feet. We have been defeated by Vritrasura in the battle, we are very much oppressed and afflicted. O Thou, the Highest Reality! O Thou, the Mother of the whole Universe! Protect us as a Mother protects her child; we are fallen into this difficulty arising from our enemies. O Mother! Nothing is hidden from Thy knowledge in the three worlds. Why art Thou taking no notice of us, that are being tormented by the Asuras! O Mother! Thou createst, preservest, and destroyest the three worlds; Brahma, Visnu and Mahes’a are created by Thy mere will and are doing all Thy works. Mother! They are not independent; by the contraction of Thy eye-brows, they are directed and enjoy all the pleasures. The Mother protects her sons afflicted with various
difficulties and dangers, even when they are found guilty of various offences. It is Thou that hast made this rule; then why, O Merciful! Art Thou not protecting us who are quite innocent and whom Thou dost know as having taken refuge unto Thy lotus-feet. O Devi! If Thou thinkest that we forget Thee, being too much attracted by the enjoyments that Thou hast been pleased to confer unto us and therefore we are proper not to be looked upon with Thy merciful eyes, we would say that this is quite true; but, O Mother! Nowhere is seen a feeling of a Mother to Her child; we are no doubt, objects of Thy mercy and favour always. Besides there is no fault of us in this matter, O Mother! that we do not worship Thee and become immersed in sensual enjoyments; for Thy creation, the Moha (delusion) is very powerful and deludes us. O Mother! Thou art naturally Merciful! Knowing these, why art Thou not showing mercy unto us. O Devi! Thou hadst killed before in battle, for our sake, the powerful Daitya Chief Mahis'asura, very terrible to all the beings. Then why art not Thou, O Mother! killing this dreadful Vritrasura? O Mother! Thou hadst killed the two brother Daityas, S'umbha and Nis'umbha, extraordinarily powerful, and the other Daityas that followed them; O Thou, the embodiment of mercy! Similarly destroy now this deceitful strong Vritrasura. O Mother! Delude this proud Asura so that he could not manifest, in the least, his power. We are very much troubled by the Asuras and overwhelmed with terror from them; Thou savest us; for there is no other in the three worlds that can by his own force remove the sorrows and sufferings of the Devas. O Mother! Though Thou hast shown favour towards Vritra, now dost kill him soon, whose nature is cruel and tormenting to others. O Bhavani! Better dost Thou save him from sin by Thy holy arrows. Otherwise that vicious Asura will surely enter into the hideous Hell. It is for his welfare that Thou oughtest to kill him. Those that had been before enemies of the Gods, Thou didst purify them by weapons in the battle-field and hadst sent them to the Nandana Garden in the Heavens. O Thou, the Mercy personified! Was it not that Thou didst not save them from hell? Then why art not Thou killing this Vritrasura! We know this for certain that the Asura is Thy enemy, not Thy servant; for that mischievous soul is giving us
trouble. O Mother! How can he be Thy servant and devotee who torments the Devas that are always engaged in worshipping Thy lotus feet. O Mother! How can we perform Thy worship? The flowers and other articles used in worship all are created by Thee; especially we and the Mantras, in fact, everything is the manifestation of Thy power. Therefore, O Bhavani! We worship Thee by laying ourselves prostrate on Thy feet. Be'st Thou pleased. Those men are blessed that worship with devotion Thy lotus feet for crossing this ocean of world. O Devi! Those Yogins that want final liberation and forsake therefore all attachments, vikaras and delusions, even they attain success then only when they meditate Thy lotus feet. Those that are great Sacrificers and know best the essence of the Vedas, even they when they offer oblations to the sacrifice, utter “Svaha” that is cheering to the Devas and “Svadha” very consoling to the Pitris; thus they always think of Thee (for Svaha and Svadha are Thy names only). O Mother! Thou art the retentive power and memory. Thou art the beauty. Thou art the peace. Thou art the Buddhi (intellect) well known to clarify men's minds; and Thou art the prosperity and wealth of all these three worlds. O Devi! Those that worship Thee, Thou givest them, out of mercy, those wealth in some way or other.
50-57. Vyasa said O King! Thus worshipped by the Devas, the Devi Bhagavati appeared before them in a very beautiful form, thin, adorned with all ornaments. Her two hands holding a noose, and goad, and the other two hands making signs to discard all fear and ready to grant boons; Her loins very beautiful, girdled with a gold band with small bells pending and making sweet tinkling sounds; Her feet with anklets (ornaments) making sweet sonorous sounds with tiny tinkling bells. Her voice was exceedingly sweet and lovely. Her forehead was adorned with the crescent of the Moon and on Her head was glittering a diadem of jewels. Her lotus-face adorned with sweet soft smiles and with Her three beauteous lotus-eyes looking like Indibaras. Her body was of a red colour like the Parijata flowers and Her limbs were marked with red sandal-paste. She was dressed
in a red attire. The Devi looked well pleased, like an ocean of infinite mercy, wearing complete dress suited to happy interviews, the Creatrix of all this Cosmos, the Highest, the Knower of all, the Directrix of all, and the Great Upholder of all. She looked like an embodiment of the Truth of all Vedantas and the Incarnate of ever Existence, Intelligence, Bliss, the Maha Devi Bhagavati BhuvanesVari. The Devas all bowed down before Her standing in front of them. The Mother then spoke “What business have you got here? Speak to Me.”
58-59. The Devas said “O Bhagavati! Vritrasura is tormenting much the Devas; Bewitch him. O Devi! Do such as he can trust the Devas; and impart then strength on our weapons such as he can be killed.” Vyasa said “O King! That will be done.” Saying thus, the Devi departed then and there. The Devas became very glad and returned respectively to their abodes.
Here ends the Fifth Chapter of the Sixth Book on the praising of the Devi by the Devas in S'ri Mad Devi Bhagavatam of 18,000 verses by Maharsi Veda Vyasa.
Complete chapter-aligned witnesses. Sanskrit Wikisource page 25320, revision 76778 (2016-08-27T22:22:19Z). English is Swami Vijñanananda’s complete 1921–23 public-domain translation, controlled against the archival OCR and its chapter page at https://sacred-texts.com/hin/db/bk06ch05.htm. Historic spelling and transliteration are lightly normalized; no verse-by-verse alignment is asserted.