Seventh Skandha · Chapter 1
Sourceसूत उवाच - श्रुत्वैतां तापसाद्दिव्यां कथां राजा मुदान्वितः । व्यासं पप्रच्छ धर्मात्मा परीक्षितसुतः पुनः ॥ १ ॥ जनमेजय उवाच - स्वामिन् सूर्यान्वयानां च राज्ञां वंशस्य विस्तरम् । तथा सोमान्वयानां च श्रोतुकामोऽस्मि सर्वथा ॥ २ ॥ कथयानघ सर्वज्ञ कथां पापप्रणाशिनीम् । चरितं भूपतीनां च विस्तराद्वंशयोर्द्वयोः ॥ ३ ॥ ते हि सर्वे पराशक्तिभक्ता इति मया श्रुतम् । देवीभक्तस्य चरितं शृण्वन्कोऽस्ति विरक्तिभाक् ॥ ४ ॥ इति राजर्षिणा पृष्टो व्यासः सत्यवतीसुतः । तमुवाच मुनिश्रेष्ठः प्रसन्नवदनो मुनिः ॥ ५ ॥ व्यास उवाच - निशामय महाराज विस्तराद्गदतो मम । सोमसूर्यान्वयानां च तथान्येषां समुद्भवम् ॥ ६ ॥ विष्णोर्नाभिसरोजाद्वै ब्रह्माभूच्चतुराननः । तपस्तप्त्वा समाराध्य महादेवीं सुदुर्गमाम् ॥ ७ ॥ तया दत्तवरो धाता जगत्कर्तुं समुद्यतः । नाशकन्मानुषीं सृष्टिं कर्तुं लोकपितामहः ॥ ८ ॥ विचिन्त्य बहुधा चित्ते सृष्ट्यर्थं चतुराननः । न विस्तारं जगामाशु रचितापि महात्मना ॥ ९ ॥ (ससर्ज मानसान्पुत्रान्सप्तसंख्यान्प्रजापतिः) मरीचिरङ्गिरात्रिश्च वसिष्ठः पुलहः क्रतुः । पुलस्त्यश्चेति विख्याताः सप्तैते मानसाः सुताः ॥ १० ॥ रुद्रो रोषात्समुत्पन्नोऽप्युत्सङ्गान्नारदोऽभवत् । दक्षोऽङ्गुष्ठात्तथान्येऽपि मानसाः सनकादयः ॥ ११ ॥ वामाङ्गुष्ठाद्दक्षपत्नी जाता सर्वाङ्गसुन्दरी । वीरिणी नाम विख्याता पुराणेषु महीपते ॥ १२ ॥ असिक्नीति च नाम्ना सा यस्यां जातोऽथ नारदः । देवर्षिप्रवरः कामं ब्रह्मणो मानसः सुतः ॥ १३ ॥ जनमेजय उवाच - अत्र मे संशयो ब्रह्मन् यदुक्तं भवता वचः । वीरिण्यां नारदो जातो दक्षादिति महातपाः ॥ १४ ॥ कथं दक्षस्य पत्न्यां तु वीरिण्यां नारदो मुनिः । जातो हि ब्रह्मणः पुत्रो धर्मज्ञस्तापसोत्तमः ॥ १५ ॥ विचित्रमिदमाख्यातं भवता नारदस्य च । दक्षाज्जन्मास्य भार्यायां तद्वदस्व सविस्तरम् ॥ १६ ॥ पूर्वदेहः कथं मुक्तः शापात्कस्य महामना । नारदेन बहुज्ञेन कस्माज्जन्म कृतं मुने ॥ १७ ॥ व्यास उवाच - ब्रह्मणासौ समादिष्टो दक्षः सृष्ट्यर्थमादितः । प्रजाः सृजेति सुभृशं वृद्धिहेतोः स्वयम्भुवा ॥ १८ ॥ ततः पञ्चसहस्रांश्च जनयामास वीर्यवान् । दक्षः प्रजापतिः पुत्रान् वीरिण्यां बलवत्तरान् ॥ १९ ॥ दृष्ट्वा तान्नारदः पुत्रान्सर्वान्वर्धयिषून्प्रजाः । उवाच प्रहसन्वाचं देवर्षिः कालनोदितः ॥ २० ॥ भुवः प्रमाणमज्ञात्वा स्रष्टुकामाः प्रजाः कथम् । लोकानां हास्यतां यूयं गमिष्यथ न संशयः ॥ २१ ॥ पृथिव्या वै प्रमाणं तु ज्ञात्वा कार्यः समुद्यमः । कृत्तोऽसौ सिद्धिमायाति नान्यथेति विनिश्चयः ॥ २२ ॥ बालिशा बत यूयं वै यदज्ञात्वा भुवस्तलम् । समुद्यताः प्रजाः कर्तुं कथं सिद्धिर्भविष्यति ॥ २३ ॥ व्यास उवाच - नारदेनैवमुक्तास्ते हर्यश्वा दैवयोगतः । अन्योन्यमूचुः सहसा सम्यगाह मुनिः किल ॥ २४ ॥ ज्ञात्व प्रमाणमुर्व्यास्तु सुखं स्रक्ष्यामहे प्रजाः । इति सञ्चिन्त्य ते सर्वे प्रयाताः प्रेक्षितुं भुवः ॥ २५ ॥ तलं सर्वं परिज्ञातुं वचनान्नारदस्य च । प्राच्यां केचिद्गताः कामं दक्षिणस्यां तथापरे ॥ २६ ॥ प्रतीच्यामुत्तरस्यां तु कृतोत्साहाः समन्ततः । दक्षः पुत्रान्गतान्दृष्ट्वा पीडितस्तु शुचा भृशम् ॥ २७ ॥ अन्यानुत्पादयामास प्रजार्थं कृतनिश्चयः । तेऽपि तत्रोद्यताः कर्तुं प्रजार्थमुद्यमं सुताः ॥ २८ ॥ नारदः प्राह तान्दृष्ट्वा पूर्वं यद्वचनं मुनिः । बालिशा बत यूयं वै यदज्ञात्वा भुवः किल ॥ २९ ॥ प्रमाणं तु प्रजाः कर्तुं प्रवृत्ताः केन हेतुना । श्रुत्वा वाक्यं मुनेस्तेऽपि मत्वा सत्यं विमोहिताः ॥ ३० ॥ जग्मुः सर्वे यथापूर्वं भ्रातरश्चलितास्तथा । तान्सुतान्प्रस्थितान्दृष्ट्वा दक्षः कोपसमवितः ॥ ३१ ॥ शशाप नारदं कोपात् पुत्रशोकसमुद्भवात् । दक्ष उवाच - नाशिता मे सुता यस्मात् तस्मान्नाशमवाप्नुहि ॥ ३२ ॥ पापेनानेन दुर्बुद्धे गर्भवासं व्रजेति च । पुत्रो मे भव कामं त्वं यतो मे भ्रंशिताः सुताः ॥ ३३ ॥ इति शप्तस्ततो जातो वीरिण्यां नारदो मुनिः । षष्टिर्भूयोऽसृजत्कन्या वीरिण्यामिति नः श्रुतम् ॥ ३४ ॥ शोकं विहाय पुत्राणां दक्षः परमधर्मवित् । तासां त्रयोदश प्रादात्कश्यपाय महात्मने ॥ ३५ ॥ दश धर्माय सोमाय सप्तविंशति भूपते । द्वे चैव भृगवे प्रादाच्चतस्रोऽरिष्टनेमिने ॥ ३६ ॥ द्वे चैवाङ्गिरसे कन्ये तथैवाङ्गिरसे पुनः । तासां पुत्राश्च पौत्राश्च देवाश्च दानवास्तथा ॥ ३७ ॥ जाता बलसमायुक्ताः परस्परविरोधकाः । रागद्वेषान्विताः सर्वे परस्परविरोधिनः । सर्वे मोहावृताः शूरा ह्यभवन्नतिमायिनः ॥ ३८ ॥
sūta uvāca - śrutvaitāṃ tāpasāddivyāṃ kathāṃ rājā mudānvitaḥ | vyāsaṃ papraccha dharmātmā parīkṣitasutaḥ punaḥ || 1 || janamejaya uvāca - svāmin sūryānvayānāṃ ca rājñāṃ vaṃśasya vistaram | tathā somānvayānāṃ ca śrotukāmo'smi sarvathā || 2 || kathayānagha sarvajña kathāṃ pāpapraṇāśinīm | caritaṃ bhūpatīnāṃ ca vistarādvaṃśayordvayoḥ || 3 || te hi sarve parāśaktibhaktā iti mayā śrutam | devībhaktasya caritaṃ śṛṇvanko'sti viraktibhāk || 4 || iti rājarṣiṇā pṛṣṭo vyāsaḥ satyavatīsutaḥ | tamuvāca muniśreṣṭhaḥ prasannavadano muniḥ || 5 || vyāsa uvāca - niśāmaya mahārāja vistarādgadato mama | somasūryānvayānāṃ ca tathānyeṣāṃ samudbhavam || 6 || viṣṇornābhisarojādvai brahmābhūccaturānanaḥ | tapastaptvā samārādhya mahādevīṃ sudurgamām || 7 || tayā dattavaro dhātā jagatkartuṃ samudyataḥ | nāśakanmānuṣīṃ sṛṣṭiṃ kartuṃ lokapitāmahaḥ || 8 || vicintya bahudhā citte sṛṣṭyarthaṃ caturānanaḥ | na vistāraṃ jagāmāśu racitāpi mahātmanā || 9 || (sasarja mānasānputrānsaptasaṃkhyānprajāpatiḥ) marīciraṅgirātriśca vasiṣṭhaḥ pulahaḥ kratuḥ | pulastyaśceti vikhyātāḥ saptaite mānasāḥ sutāḥ || 10 || rudro roṣātsamutpanno'pyutsaṅgānnārado'bhavat | dakṣo'ṅguṣṭhāttathānye'pi mānasāḥ sanakādayaḥ || 11 || vāmāṅguṣṭhāddakṣapatnī jātā sarvāṅgasundarī | vīriṇī nāma vikhyātā purāṇeṣu mahīpate || 12 || asiknīti ca nāmnā sā yasyāṃ jāto'tha nāradaḥ | devarṣipravaraḥ kāmaṃ brahmaṇo mānasaḥ sutaḥ || 13 || janamejaya uvāca - atra me saṃśayo brahman yaduktaṃ bhavatā vacaḥ | vīriṇyāṃ nārado jāto dakṣāditi mahātapāḥ || 14 || kathaṃ dakṣasya patnyāṃ tu vīriṇyāṃ nārado muniḥ | jāto hi brahmaṇaḥ putro dharmajñastāpasottamaḥ || 15 || vicitramidamākhyātaṃ bhavatā nāradasya ca | dakṣājjanmāsya bhāryāyāṃ tadvadasva savistaram || 16 || pūrvadehaḥ kathaṃ muktaḥ śāpātkasya mahāmanā | nāradena bahujñena kasmājjanma kṛtaṃ mune || 17 || vyāsa uvāca - brahmaṇāsau samādiṣṭo dakṣaḥ sṛṣṭyarthamāditaḥ | prajāḥ sṛjeti subhṛśaṃ vṛddhihetoḥ svayambhuvā || 18 || tataḥ pañcasahasrāṃśca janayāmāsa vīryavān | dakṣaḥ prajāpatiḥ putrān vīriṇyāṃ balavattarān || 19 || dṛṣṭvā tānnāradaḥ putrānsarvānvardhayiṣūnprajāḥ | uvāca prahasanvācaṃ devarṣiḥ kālanoditaḥ || 20 || bhuvaḥ pramāṇamajñātvā sraṣṭukāmāḥ prajāḥ katham | lokānāṃ hāsyatāṃ yūyaṃ gamiṣyatha na saṃśayaḥ || 21 || pṛthivyā vai pramāṇaṃ tu jñātvā kāryaḥ samudyamaḥ | kṛtto'sau siddhimāyāti nānyatheti viniścayaḥ || 22 || bāliśā bata yūyaṃ vai yadajñātvā bhuvastalam | samudyatāḥ prajāḥ kartuṃ kathaṃ siddhirbhaviṣyati || 23 || vyāsa uvāca - nāradenaivamuktāste haryaśvā daivayogataḥ | anyonyamūcuḥ sahasā samyagāha muniḥ kila || 24 || jñātva pramāṇamurvyāstu sukhaṃ srakṣyāmahe prajāḥ | iti sañcintya te sarve prayātāḥ prekṣituṃ bhuvaḥ || 25 || talaṃ sarvaṃ parijñātuṃ vacanānnāradasya ca | prācyāṃ kecidgatāḥ kāmaṃ dakṣiṇasyāṃ tathāpare || 26 || pratīcyāmuttarasyāṃ tu kṛtotsāhāḥ samantataḥ | dakṣaḥ putrāngatāndṛṣṭvā pīḍitastu śucā bhṛśam || 27 || anyānutpādayāmāsa prajārthaṃ kṛtaniścayaḥ | te'pi tatrodyatāḥ kartuṃ prajārthamudyamaṃ sutāḥ || 28 || nāradaḥ prāha tāndṛṣṭvā pūrvaṃ yadvacanaṃ muniḥ | bāliśā bata yūyaṃ vai yadajñātvā bhuvaḥ kila || 29 || pramāṇaṃ tu prajāḥ kartuṃ pravṛttāḥ kena hetunā | śrutvā vākyaṃ muneste'pi matvā satyaṃ vimohitāḥ || 30 || jagmuḥ sarve yathāpūrvaṃ bhrātaraścalitāstathā | tānsutānprasthitāndṛṣṭvā dakṣaḥ kopasamavitaḥ || 31 || śaśāpa nāradaṃ kopāt putraśokasamudbhavāt | dakṣa uvāca - nāśitā me sutā yasmāt tasmānnāśamavāpnuhi || 32 || pāpenānena durbuddhe garbhavāsaṃ vrajeti ca | putro me bhava kāmaṃ tvaṃ yato me bhraṃśitāḥ sutāḥ || 33 || iti śaptastato jāto vīriṇyāṃ nārado muniḥ | ṣaṣṭirbhūyo'sṛjatkanyā vīriṇyāmiti naḥ śrutam || 34 || śokaṃ vihāya putrāṇāṃ dakṣaḥ paramadharmavit | tāsāṃ trayodaśa prādātkaśyapāya mahātmane || 35 || daśa dharmāya somāya saptaviṃśati bhūpate | dve caiva bhṛgave prādāccatasro'riṣṭanemine || 36 || dve caivāṅgirase kanye tathaivāṅgirase punaḥ | tāsāṃ putrāśca pautrāśca devāśca dānavāstathā || 37 || jātā balasamāyuktāḥ parasparavirodhakāḥ | rāgadveṣānvitāḥ sarve parasparavirodhinaḥ | sarve mohāvṛtāḥ śūrā hyabhavannatimāyinaḥ || 38 ||
English translation
1-5. Suta said Glad to hear the excellent divine stories of the Solar and Lunar races, the virtuous King Janamejaya, the son of ParTksit, again asked “O Lord! I am now very eager to hear the increase of the two lines of Kings. O Sinless One! You know everything. So kindly describe, in detail, the pure histories, capable to destroy sins, of the kings and their characters. The kings of the Lunar and the Solar races were great Bhaktas of the Highest S'akti, S'ri Bhagavati Devi; this I have heard. O Muni! Who wants not to hear further on the glorious anecdotes of the Bhaktas of the S'ri Devi?” When the Rajarsi asked thus, the Muni Krisna Dvaipayan, the son of Satyavati began to narrate gladly the several deeds of the Kings.
6-13. O King! I am now narrating to you in detail the origin, etc., of the Lunar and the Solar dynasties as well as of other kings in their connection. Hear attentively. The four-faced Brahma sprang from the navel of Visnu; engaged in practising Tapasya, he began to worship the Maha Devi Durga, extremely hard to conceive. Maha Devi, pleased at his worship, granted boon to Brahma; Brahma, the Grandsire of all the Lokas on thus getting the boon, became ready to create the world; but he could not create all on a sudden the human beings. Though the creation was eternally fashioned by the Pramatma Bhagavati, the four-faced Brahma thinking over in his mind variously, could not quickly spread it out and accomplish it as a veritable fact. Therefore He, the Prajapati, first created mentally the seven mind-born sons. These were known by the names of Marichi, Atri, Angira, Pulastya, Pulaha, Kratu and Vais'istha. Next sprang Rudra from the anger of Prajapati, Narada from his lap; Daksa from his right thumb. Thus Sanaka and the other Risis were also his mind- born sons. O King! The wife of Daksa was born from the left thumb of Prajapati; this all-beautiful daughter is well known in all the
Puranas by the name of Virini and Asikni. Narada, the chief of the Devarsis, was born, on some other occasion in her womb.
14-17. Janamejaya said “O Brahman! A great doubt arises in me to hear that the great ascetic Narada was born of Daksa in the womb of Virini. The Muni Narada indeed, was the son of Brahma; moreover be was the foremost of the ascetics and especially endowed with the knowledge of Dharma; how, then, can he be born of the womb of the Daksha's wife Virini. Well, if that be so, then describe, in detail, that wonderful story of the birth of Narada in the womb of Virini.
18-31. O Muni! Under whose curse, the high-souled Narada though very wise, had to leave his first body and be born again.” Vyasa said O King, Brahma, the Self-born, with a view to create offspring, ordered first Daksa “Go and multiply innumerable children for the increase of the world.” Thus ordered by his father the Prajapati Daksa produced five thousand powerful and heroic sons in the womb of Virini. Seeing all the sons of Daksa, desirous to multiply, the Devarsi Narada urged on, as it were, by Fate, began to laugh at them. How do you desire to multiply when you know not the dimensions and capacity of earth; so you will, no doubt, be put to ridicule and laughter. Rather, if you proceed on work, knowing beforehand the earth's capacity, your efforts will be fruitful. Otherwise, your attempt will no doubt, end in failures. Alas! You are awfully illiterate! Not knowing the dimensions of the world, you are ready to multiply your progeny; how, then, can you meet with success! Vyasa said O King! Hearing, all on a sudden, these words, Haryas'va and other sons began to speak with each other, “What this Muni has told, is very true. Let us then ascertain the earth's dimensions; we can easily multiply afterwards.” Thus saying, they all went out to reconnoitre the earth. Thus excited at Narada's words, some went eastward, some southwards, some towards the
north and some went to west all simultaneously and, as they liked, to make a survey of the earth. When the sons went away, Daksa became exceedingly sorry on their absence. Bent again on multiplying, he begat other sons; those sons again wanted to procreate. Seeing them, Narada again laughed and said:--Alas! What fools are you! Not knowing the dimensions of the earth, why are you ready to procreate? They were deluded by Narada's words, took them as true, and went out as their elder brothers did. Not being able to see those sons, Prajapati Daksa became very sorrowful for them and cursed Narada in rage.
32-38. Daksa said “O Evil-minded One! You have destroyed my sons; so be yourself destroyed; you will have to be born in the womb for your sin in causing the death of my sons; you have caused my sons to go abroad; so you must be born as my son.” Thus cursed by Daksa, Narada had to take his birth in the womb of Virini. I heard also that the Prajapati Daksa begat afterwards sixty daughters in her womb. O King! Daksa, the great knower of Dharma, then gave up the sorrows for his sons and married his thirteen daughters to the high-souled Kas'yapa, ten daughters to Dharma, twenty-seven daughters to the Moon, two to Bhrigu, four to Aristanemi, two to Kris'as'va and the remaining two to Angira. Their sons and grandsons, the Devas and Danavas, became powerful but antagonistic towards each other. All of them were heroes and very Mayavis; so, deluded by their greed and jealousy, they quarrelled amongst each other.
Here ends the First Chapter in the Seventh Book on the beginning of the narrative of the Solar and the Lunar lines of kings in the Maha Puranam S'ri Mad Devi Bhagavatam of 18,000 verses by Maharsi Veda Vyasa.
Complete chapter-aligned witnesses. Sanskrit Wikisource page 25097, revision 76162 (2016-08-16T23:40:18Z). English is Swami Vijñanananda’s complete 1921–23 public-domain translation, controlled against the archival OCR and its chapter page at https://sacred-texts.com/hin/db/bk07ch01.htm. Historic spelling and transliteration are lightly normalized; no verse-by-verse alignment is asserted.