Chapter 4

चतुर्थो ऽध्यायः अथ राधा-प्रश्न-कथनम् श्री-नारद उवाच— मन्त्रोपयुक्तꣳ ध्यानꣳ च तथा पूजा-विधानकम् । स्तवनꣳ कवचꣳ चैव वद वेद-विदाꣳ वर ॥१॥ श्री-भगवान् उवाच— ध्यानꣳ च श्रूयताꣳ वत्स साम-वेदोक्तम् एव च । श्री-कृष्णेन कृतꣳ पूर्वꣳ सर्वेषाम् अभिवाञ्छितम् ॥२॥ श्वेत-चम्पक-वर्णाभाꣳ चन्द्र-कोटि-सम-प्रभाम् । बिभ्रतीꣳ कवरी-भारꣳ मालती-माल्य-भूषितम् ॥३॥ वह्नि-शुद्धाꣳशुकाधानाꣳ रत्न-भूषण-भूषितम् । ईषद्धास्य-प्रसन्नास्याꣳ भक्तानुग्रह-कारिकाम् ॥४॥ ब्रह्म-स्वरूपाꣳ परमाꣳ कृष्ण-रामाꣳ मनोहराम् । कृष्ण-प्राणाधिकाꣳ देवीꣳ कृष्ण-वक्षः-स्थल-स्थिताम् ॥५॥ कृष्ण-स्तुताꣳ कृष्ण-कान्ताꣳ शान्ताꣳ सर्व-प्रदाꣳ सतीम् । निर्लिप्ताꣳ निर्गुणाꣳ नित्याꣳ सत्याꣳ शुद्धाꣳ सनातनीम् ॥६॥ गोलोक-वासिनीꣳ गोप्त्रीꣳ विधात्रीꣳ धातुर् एव ताम् । वृन्दाꣳ वृन्दावन-चरीꣳ वृन्दावन-विनोदिनीम् ॥७॥ तुलस्य्-अधिष्ठातृ-देवीꣳ गङ्गार्चित-पदाम्बुजाम् । सर्व-सिद्धि-प्रदाꣳ सिद्धाꣳ सिद्धेशीꣳ सिद्ध-योगिनीꣳ ॥८॥ सुयज्ञ-यज्ञाधिष्ठात्रीꣳ सुयज्ञाय महात्मने । वर-दात्रीꣳ च वरदाꣳ सर्व-सम्पत्-प्रदाꣳ सताम् ॥९॥ गोपीभिः सुप्रियाभिश् च सेविताꣳ श्वेत-चामरैः । रत्न-सिꣳहासन-स्थाꣳ च रत्न-दर्पण-धारिणीम् ॥१०॥ क्रीडा-पङ्कज-हस्ताभ्याꣳ पराꣳ कृष्ण-प्रियाꣳ भजे । ध्यात्वा शिरसि पुष्पꣳ च दात्वा प्रक्षाल्य हस्तकम् ॥११॥ पुनर् ध्यात्वा च भक्त्या च दद्यात् तस्यै प्रसूनकम् । ताꣳ षोडशोपचरेण सꣳपूज्य परमेश्वरीम् ॥१२॥ पुष्पाञ्जलि-त्रयꣳ दत्वा स्तुत्वा च कवचꣳ पठेत् । पूजा-क्रमꣳ परीहारꣳ वत्स मत्तो निशामय ॥१३॥ मन्त्रꣳ समुप-चाराणाꣳ शृण्व् अनुक्रमणेन च । पुनर् ध्यात्वा यथा देवी पुष्पाञ्जलि-युतो भवेत् ॥१४॥ इमꣳ मन्त्रꣳ परीहारꣳ कुरुते भक्ति-पूर्वकम् । नारायणि महा-माये विष्णु-माये सनातनि ॥१५॥ प्राणाधिदेवि कृष्णस्य माम् उद्धार भवार्णवात् । सꣳसार-सागरे घोरे भीतꣳ माꣳ शरणागतम् ॥१६॥ प्रपन्नꣳ पतितꣳ मातर् माꣳ उद्धार हरि-प्रिये । असꣳख्या-योनि-भ्रमणाद् अज्ञानान्ध-तमो ऽन्वितम् ॥१७॥ ज्वलद्भिर् ज्ञान-दीपैश् च माꣳ सुवर्त्म प्रदर्शय । सर्वेभ्यो ऽपि विनिर्मुक्तꣳ कुरु राधे सुरेश्वरि ॥१८॥ माꣳ भक्तानुरक्तꣳ च कातरꣳ यम-ताडनात् । त्वत्-पाद-पद्म-युगले पाद-पद्मालयार्चिते ॥१९॥ देहि मह्यꣳ पराꣳ भक्तिꣳ कृष्णेन परिसेविते । स्निग्ध-दूर्वाङ्कुरैः शुक्ल-पुष्पैः कुसुम-चन्दनैः ॥२०॥ कृष्ण-दत्तार्घ्य-शोभाढ्ये भक्ति-माध्वीक-सꣳकुले । आसनꣳ भास्वद्-उत्तुङ्गम-मूल्यꣳ रत्न-निर्मितम् ॥२१॥ मया निवेदितꣳ भक्त्या गृहाण परमेश्वरि । नाना-तीर्थोद्भवꣳ पुण्यꣳ शीतलꣳ च सुनिर्मलम् ॥२२॥ मया निवेदितꣳ भक्त्या पाद्यꣳ च प्रतिगृह्यताम् । स्निग्ध-दूर्वाक्षतꣳ शुक्ल-पुष्प-कुꣳकुम-चन्दनम् ॥२३॥ तीर्थ-तोयान्वितꣳ देवि गृहणार्घ्यꣳ सुरेश्वरि । वह्नि-शुद्धꣳ वस्त्र-युग्मम् अमूल्यम् अतुलꣳ परम् ॥२४॥ मया निवेदितꣳ भक्त्या गृहाण जगद्-अम्बिके । ग्रथितꣳ सूक्ष्म-सूत्रेण पारिजात-विनिर्मितम् ॥२५॥ जन्म-मृत्यु-जरा-व्याधि-हरे माल्यꣳ गृहाण मे । कस्तूरी-कुꣳकुमाक्तꣳ च सुगन्धि स्निग्ध-चन्दनम् ॥२६॥ राधे मातर् निराबोधे मद्-गृहाणानुलेपनम् । शुक्ल-पुष्प-समूहꣳ च सुगन्धि चन्दनान्वितम् ॥२७॥ मया निवेदितꣳ भक्त्या पुष्पꣳ देवि प्रतिगृह्यताम् । वनस्पति-रसो दिव्यो गन्ध-वस्तुभिर् अन्वितः ॥२८॥ मया निवेदितो भक्त्या धूतोपꣳ प्रतिगृह्यताम् । अन्ध-कार-भय-ध्वꣳसी माङ्गल्यो विश्व-पावनः ॥२९॥ मया निवेदितो भक्त्या दीपो ऽयꣳ प्रतिगृह्यताम् । सुधा-पूर्नꣳ रत्न-कुम्भꣳ शतकꣳ च सुदुर्लभम् ॥३०॥ माध्वीक-कुम्भ-लक्षꣳ च नैवेद्यꣳ देवि गृह्यताम् । मिष्टान्न-स्वस्तिकानाꣳ च लक्ष-पुञ्जꣳ मनोहरम् ॥३१॥ शर्करा-राशि-लक्षꣳ च नैवेद्यꣳ देवि गृह्यताꣳ । सꣳस्कृतꣳ पायसꣳ पिष्ठꣳ शाल्यन्नꣳ व्यञ्जनान्वितम् ॥३२॥ शर्करा-दधि-दुग्धाक्तꣳ नैवेद्यꣳ देवि गृह्यताम् । फलानाꣳ च सुपक्वानाम् आम्रादीनाꣳ त्रि-लक्षम् ॥३३॥ राशीनाꣳ च मया दत्तꣳ भक्त्या च देवि गृह्यताम् ॥ दधि-कुल्या-शतꣳ चैव मधु-कुल्याशतꣳ तथा ॥३४॥ घृत-कुल्या-शतꣳ चैव गृहाण परमेश्वरि । दुग्ध-कुल्या-शतꣳ रम्यꣳ गुड-कुल्या-शतꣳ तथा ॥३५॥ मया निवेदितꣳ भक्त्या गृहाण परमेश्वरि । नाना-तीर्थोद्भवꣳ रम्यꣳ सुगन्धि-वस्तु-वासितम् ॥३६॥ मया निवेदितꣳ भक्त्या शीत-तोयꣳ गृहाण मे । पयः-फेन-निभा शय्या रत्नेन्द्र-सार-निर्मिता ॥३७॥ मया निवेदिता भक्त्या ताꣳ गृहाण सुरेश्वरि । भूषणानि च रम्याणि सद्-रत्न-निर्मितानि च ॥३८॥ मया निवेदितानि भक्त्या गृहाण परमेश्वरि । ताम्बूलꣳ च परꣳ रम्यꣳ कर्पूरादि-सुवासितम् ॥३९॥ मया निवेदितꣳ भक्त्या गृहाण परमेश्वरि । सिन्दूरꣳ शोभनꣳ राधे योषिताꣳ सुप्रियꣳ सदा ॥४०॥ मया निवेदितꣳ भक्त्या सिन्दूरꣳ प्रतिगृह्यताम् । परꣳ सुपक्व-तैलꣳ च सुगन्धि-वस्तु-सꣳस्कृतम् ॥४१॥ मया निवेदितꣳ भक्त्या तैलꣳ च प्रतिगृह्यताम् । पुष्पाञ्जलि-त्रयꣳ दत्वा दासी-वर्गꣳ प्रपूजयेत् ॥४२॥ पाद्यादिकꣳ पृथग् दत्वा प्रणमेद् दण्डवद् भुवि । मालतीꣳ माधवीꣳ रक्ताꣳ रत्न-मालावतीꣳ सतीम् ॥४३॥ चम्पावतीꣳ मधुमतीꣳ सुशीलाꣳ वन-मालिकाम् । चन्द्र-वालीꣳ चन्द्र-मुखीꣳ पद्माꣳ पद्म-मुखीꣳ शुभाꣳ ॥४४॥ कमलाꣳ कालिकाꣳ कृष्ण-प्रियाꣳ विद्माधरीꣳ तथा । सम्पूज्य भक्त्या सर्वास् ता बटु-वर्गꣳ प्रपूजयेत् ॥४५॥ सानन्दꣳ परमानन्दꣳ सुमित्रꣳ सन्तनुꣳ तथा । एतान् सꣳपूज्य प्रत्येकꣳ स्तोत्रꣳ च कवचꣳ पठेत् ॥४६॥ जपेत् षड्-अक्षरीꣳ विद्याꣳ श्री-कृष्णेनैव सेविताम् । यथा-शक्ति भक्ति-युक्तो दण्डवत् प्रणमेत् सदा ॥४७॥ स्तोत्रꣳ च साम-वेदोक्तꣳ प्रपठेद् भक्ति-सम्युतः । राधा रसेश्वरी रम्या रामा च परमात्मनः ॥४८॥ रासोद्भवा कृष्ण-कान्ता कृष्ण-वक्षः-स्थल-स्थिता । कृष्ण-प्राणाधिदेवी च महा-विष्णोः प्रसूर् अपि ॥४९॥ सर्वाद्या विष्णु-माया च सत्या नित्या सनातनी । ब्रह्म-स्वरूपा परमा निर्लिप्ता निर्गुणा परा ॥५०॥ वृन्दा वृन्दावने सा च विरजा-तट-वासिनी । गोलोक-वासिनी गोपी गोपीशा गोप-मातृका ॥५१॥ सानन्दा परमानन्दा नन्द-नन्दन-कामिनी । वृषभानु-सुता शान्ता कान्ता पूर्णतमा च सा ॥५२॥ काम्या कलावती कन्या तीर्थ-पूता सती शुभा । सप्त-त्रिशच् च नामानि वेदोक्तानि शुभानि च ॥५३॥ सार-भुतानि पुण्यानि सर्व-नामसु नारद । यः पठेत् सꣳयुतः शुद्धो विष्णु-भक्तो जितेन्द्रियः ॥५४॥ इहैव निश्चलाꣳ लक्ष्मीꣳ लब्ध्वा याति हरेः पदम् । हरि-भक्तिꣳ हरेर् दास्यꣳ लभते नात्र सꣳशयः ॥५५॥ भक्तो लक्ष-जपेनैव स्तोत्र-सिद्धो भवेद् ध्रुवम् । सिद्ध-स्तोत्रो यदि भवेत् सर्व-सिद्धेश्वरो भवेत् ॥५६॥ वह्नि-स्तम्भꣳ जल-स्तम्भꣳ मन-स्तम्भꣳ ह्रदस् तथा । मनोयायित्वम् इष्टꣳ च लभते नात्र सꣳशयः ॥५७॥ स्तोत्र-स्मरण-मात्रेण जीवन्-मुक्तो भवेन् नरः । पदे पदे ऽश्व-मेधस्य लभते निश्चितꣳ फलम् ॥५८॥ कोटि-जन्मार्जितात् पापात् ब्रह्म-हत्या-शताद् अपि । स्तोत्र-स्मरण-मात्रेण मुच्यते नात्र सꣳशयः ॥५९॥ मृत-वत्सा काक-बन्ध्या महा-बन्ध्या प्रसूयते । शृणोति वर्षम् एकꣳ या शुद्धा स्विन्नन्न-भोजिनी ॥६०॥ शृणोति मासम् एकꣳ यः सर्वाभीष्टꣳ लभेन् नरः । साम-वेद-कुमारꣳ तम् इत्य् आह कमलोद्भवः ॥६१॥ इति श्री-नारद-पञ्च-रात्रे ज्ञानामृत-सारे द्वितीय-रात्रे हरि-भक्ति-ज्ञान-कथने राधा-प्रश्न-कथनꣳ नाम चतुर्थो ऽध्यायः ॥४॥ …

caturtho 'dhyāyaḥ atha rādhā-praśna-kathanam śrī-nārada uvāca— mantropayuktaṁ dhyānaṁ ca tathā pūjā-vidhānakam | stavanaṁ kavacaṁ caiva vada veda-vidāṁ vara ||1|| śrī-bhagavān uvāca— dhyānaṁ ca śrūyatāṁ vatsa sāma-vedoktam eva ca | śrī-kṛṣṇena kṛtaṁ pūrvaṁ sarveṣām abhivāñchitam ||2|| śveta-campaka-varṇābhāṁ candra-koṭi-sama-prabhām | bibhratīṁ kavarī-bhāraṁ mālatī-mālya-bhūṣitam ||3|| vahni-śuddhāṁśukādhānāṁ ratna-bhūṣaṇa-bhūṣitam | īṣaddhāsya-prasannāsyāṁ bhaktānugraha-kārikām ||4|| brahma-svarūpāṁ paramāṁ kṛṣṇa-rāmāṁ manoharām | kṛṣṇa-prāṇādhikāṁ devīṁ kṛṣṇa-vakṣaḥ-sthala-sthitām ||5|| kṛṣṇa-stutāṁ kṛṣṇa-kāntāṁ śāntāṁ sarva-pradāṁ satīm | nirliptāṁ nirguṇāṁ nityāṁ satyāṁ śuddhāṁ sanātanīm ||6|| goloka-vāsinīṁ goptrīṁ vidhātrīṁ dhātur eva tām | vṛndāṁ vṛndāvana-carīṁ vṛndāvana-vinodinīm ||7|| tulasy-adhiṣṭhātṛ-devīṁ gaṅgārcita-padāmbujām | sarva-siddhi-pradāṁ siddhāṁ siddheśīṁ siddha-yoginīṁ ||8|| suyajña-yajñādhiṣṭhātrīṁ suyajñāya mahātmane | vara-dātrīṁ ca varadāṁ sarva-sampat-pradāṁ satām ||9|| gopībhiḥ supriyābhiś ca sevitāṁ śveta-cāmaraiḥ | ratna-siṁhāsana-sthāṁ ca ratna-darpaṇa-dhāriṇīm ||10|| krīḍā-paṅkaja-hastābhyāṁ parāṁ kṛṣṇa-priyāṁ bhaje | dhyātvā śirasi puṣpaṁ ca dātvā prakṣālya hastakam ||11|| punar dhyātvā ca bhaktyā ca dadyāt tasyai prasūnakam | tāṁ ṣoḍaśopacareṇa saṁpūjya parameśvarīm ||12|| puṣpāñjali-trayaṁ datvā stutvā ca kavacaṁ paṭhet | pūjā-kramaṁ parīhāraṁ vatsa matto niśāmaya ||13|| mantraṁ samupa-cārāṇāṁ śṛṇv anukramaṇena ca | punar dhyātvā yathā devī puṣpāñjali-yuto bhavet ||14|| imaṁ mantraṁ parīhāraṁ kurute bhakti-pūrvakam | nārāyaṇi mahā-māye viṣṇu-māye sanātani ||15|| prāṇādhidevi kṛṣṇasya mām uddhāra bhavārṇavāt | saṁsāra-sāgare ghore bhītaṁ māṁ śaraṇāgatam ||16|| prapannaṁ patitaṁ mātar māṁ uddhāra hari-priye | asaṁkhyā-yoni-bhramaṇād ajñānāndha-tamo 'nvitam ||17|| jvaladbhir jñāna-dīpaiś ca māṁ suvartma pradarśaya | sarvebhyo 'pi vinirmuktaṁ kuru rādhe sureśvari ||18|| māṁ bhaktānuraktaṁ ca kātaraṁ yama-tāḍanāt | tvat-pāda-padma-yugale pāda-padmālayārcite ||19|| dehi mahyaṁ parāṁ bhaktiṁ kṛṣṇena parisevite | snigdha-dūrvāṅkuraiḥ śukla-puṣpaiḥ kusuma-candanaiḥ ||20|| kṛṣṇa-dattārghya-śobhāḍhye bhakti-mādhvīka-saṁkule | āsanaṁ bhāsvad-uttuṅgama-mūlyaṁ ratna-nirmitam ||21|| mayā niveditaṁ bhaktyā gṛhāṇa parameśvari | nānā-tīrthodbhavaṁ puṇyaṁ śītalaṁ ca sunirmalam ||22|| mayā niveditaṁ bhaktyā pādyaṁ ca pratigṛhyatām | snigdha-dūrvākṣataṁ śukla-puṣpa-kuṁkuma-candanam ||23|| tīrtha-toyānvitaṁ devi gṛhaṇārghyaṁ sureśvari | vahni-śuddhaṁ vastra-yugmam amūlyam atulaṁ param ||24|| mayā niveditaṁ bhaktyā gṛhāṇa jagad-ambike | grathitaṁ sūkṣma-sūtreṇa pārijāta-vinirmitam ||25|| janma-mṛtyu-jarā-vyādhi-hare mālyaṁ gṛhāṇa me | kastūrī-kuṁkumāktaṁ ca sugandhi snigdha-candanam ||26|| rādhe mātar nirābodhe mad-gṛhāṇānulepanam | śukla-puṣpa-samūhaṁ ca sugandhi candanānvitam ||27|| mayā niveditaṁ bhaktyā puṣpaṁ devi pratigṛhyatām | vanaspati-raso divyo gandha-vastubhir anvitaḥ ||28|| mayā nivedito bhaktyā dhūtopaṁ pratigṛhyatām | andha-kāra-bhaya-dhvaṁsī māṅgalyo viśva-pāvanaḥ ||29|| mayā nivedito bhaktyā dīpo 'yaṁ pratigṛhyatām | sudhā-pūrnaṁ ratna-kumbhaṁ śatakaṁ ca sudurlabham ||30|| mādhvīka-kumbha-lakṣaṁ ca naivedyaṁ devi gṛhyatām | miṣṭānna-svastikānāṁ ca lakṣa-puñjaṁ manoharam ||31|| śarkarā-rāśi-lakṣaṁ ca naivedyaṁ devi gṛhyatāṁ | saṁskṛtaṁ pāyasaṁ piṣṭhaṁ śālyannaṁ vyañjanānvitam ||32|| śarkarā-dadhi-dugdhāktaṁ naivedyaṁ devi gṛhyatām | phalānāṁ ca supakvānām āmrādīnāṁ tri-lakṣam ||33|| rāśīnāṁ ca mayā dattaṁ bhaktyā ca devi gṛhyatām || dadhi-kulyā-śataṁ caiva madhu-kulyāśataṁ tathā ||34|| ghṛta-kulyā-śataṁ caiva gṛhāṇa parameśvari | dugdha-kulyā-śataṁ ramyaṁ guḍa-kulyā-śataṁ tathā ||35|| mayā niveditaṁ bhaktyā gṛhāṇa parameśvari | nānā-tīrthodbhavaṁ ramyaṁ sugandhi-vastu-vāsitam ||36|| mayā niveditaṁ bhaktyā śīta-toyaṁ gṛhāṇa me | payaḥ-phena-nibhā śayyā ratnendra-sāra-nirmitā ||37|| mayā niveditā bhaktyā tāṁ gṛhāṇa sureśvari | bhūṣaṇāni ca ramyāṇi sad-ratna-nirmitāni ca ||38|| mayā niveditāni bhaktyā gṛhāṇa parameśvari | tāmbūlaṁ ca paraṁ ramyaṁ karpūrādi-suvāsitam ||39|| mayā niveditaṁ bhaktyā gṛhāṇa parameśvari | sindūraṁ śobhanaṁ rādhe yoṣitāṁ supriyaṁ sadā ||40|| mayā niveditaṁ bhaktyā sindūraṁ pratigṛhyatām | paraṁ supakva-tailaṁ ca sugandhi-vastu-saṁskṛtam ||41|| mayā niveditaṁ bhaktyā tailaṁ ca pratigṛhyatām | puṣpāñjali-trayaṁ datvā dāsī-vargaṁ prapūjayet ||42|| pādyādikaṁ pṛthag datvā praṇamed daṇḍavad bhuvi | mālatīṁ mādhavīṁ raktāṁ ratna-mālāvatīṁ satīm ||43|| campāvatīṁ madhumatīṁ suśīlāṁ vana-mālikām | candra-vālīṁ candra-mukhīṁ padmāṁ padma-mukhīṁ śubhāṁ ||44|| kamalāṁ kālikāṁ kṛṣṇa-priyāṁ vidmādharīṁ tathā | sampūjya bhaktyā sarvās tā baṭu-vargaṁ prapūjayet ||45|| sānandaṁ paramānandaṁ sumitraṁ santanuṁ tathā | etān saṁpūjya pratyekaṁ stotraṁ ca kavacaṁ paṭhet ||46|| japet ṣaḍ-akṣarīṁ vidyāṁ śrī-kṛṣṇenaiva sevitām | yathā-śakti bhakti-yukto daṇḍavat praṇamet sadā ||47|| stotraṁ ca sāma-vedoktaṁ prapaṭhed bhakti-samyutaḥ | rādhā raseśvarī ramyā rāmā ca paramātmanaḥ ||48|| rāsodbhavā kṛṣṇa-kāntā kṛṣṇa-vakṣaḥ-sthala-sthitā | kṛṣṇa-prāṇādhidevī ca mahā-viṣṇoḥ prasūr api ||49|| sarvādyā viṣṇu-māyā ca satyā nityā sanātanī | brahma-svarūpā paramā nirliptā nirguṇā parā ||50|| vṛndā vṛndāvane sā ca virajā-taṭa-vāsinī | goloka-vāsinī gopī gopīśā gopa-mātṛkā ||51|| sānandā paramānandā nanda-nandana-kāminī | vṛṣabhānu-sutā śāntā kāntā pūrṇatamā ca sā ||52|| kāmyā kalāvatī kanyā tīrtha-pūtā satī śubhā | sapta-triśac ca nāmāni vedoktāni śubhāni ca ||53|| sāra-bhutāni puṇyāni sarva-nāmasu nārada | yaḥ paṭhet saṁyutaḥ śuddho viṣṇu-bhakto jitendriyaḥ ||54|| ihaiva niścalāṁ lakṣmīṁ labdhvā yāti hareḥ padam | hari-bhaktiṁ harer dāsyaṁ labhate nātra saṁśayaḥ ||55|| bhakto lakṣa-japenaiva stotra-siddho bhaved dhruvam | siddha-stotro yadi bhavet sarva-siddheśvaro bhavet ||56|| vahni-stambhaṁ jala-stambhaṁ mana-stambhaṁ hradas tathā | manoyāyitvam iṣṭaṁ ca labhate nātra saṁśayaḥ ||57|| stotra-smaraṇa-mātreṇa jīvan-mukto bhaven naraḥ | pade pade 'śva-medhasya labhate niścitaṁ phalam ||58|| koṭi-janmārjitāt pāpāt brahma-hatyā-śatād api | stotra-smaraṇa-mātreṇa mucyate nātra saṁśayaḥ ||59|| mṛta-vatsā kāka-bandhyā mahā-bandhyā prasūyate | śṛṇoti varṣam ekaṁ yā śuddhā svinnanna-bhojinī ||60|| śṛṇoti māsam ekaṁ yaḥ sarvābhīṣṭaṁ labhen naraḥ | sāma-veda-kumāraṁ tam ity āha kamalodbhavaḥ ||61|| iti śrī-nārada-pañca-rātre jñānāmṛta-sāre dvitīya-rātre hari-bhakti-jñāna-kathane rādhā-praśna-kathanaṁ nāma caturtho 'dhyāyaḥ ||4|| …