Chapter 5

पञ्चमो ऽध्यायः मन्त्र-नाम-रहस्यम् श्री-पार्वत्य् उवाच— देव देव जगन्नाथ भक्तानुग्रहकारक । यद्य् अस्ति मयि कारुण्यꣳ मयि यद्य् अस्ति ते दया ॥१॥ यद् यत् त्वया प्रगदितꣳ तत् सर्वꣳ मे श्रुतꣳ प्रभो । गुह्याद् गुह्यतरꣳ यत् तु यत् ते मनसि काशते ॥२॥ त्वया न गदितꣳ यत् तु यस्मै कस्मै कदाचन । तन् माꣳ कथय देवेश सहस्रꣳ नाम चोत्तमम् ॥३॥ श्रीराधाया महादेव्या गोप्या भक्तिप्रसाधनम् । ब्रह्माण्डकर्त्री हर्त्री सा कथꣳ गोपीत्वम् आगता ॥४॥ श्रीमहादेव उवाच— शृणु देवि विचित्रार्थाꣳ कथाꣳ पापहराꣳ शुभाम् । नास्ति जन्मनि कर्माणि तस्या नूनꣳ महेश्वरि ॥५॥ यदा हरिश् चरित्राणि कुरुते कार्यगौरवात् । तदा विधातृरूपाणि हरिसान्निध्यसाधिनी ॥६॥ तस्या गोपीत्वभावस्य कारणꣳ गदितꣳ पुरा । इदानीꣳ शृणु देवेशि नाम्नाꣳ चैव सहस्रकम् ॥७॥ यन् मया कथितꣳ नैव तन्त्रेष्व् अपि कदापि न । तव स्नेहात् प्रवक्ष्यामि भक्त्या धार्यꣳ मुमुक्षुभिः ॥८॥ मम प्राणसमा विद्या भाव्यते मे त्व् अहर्निशम् । शृणुष्व गिरिजे नित्यꣳ पठस्व च यथामति ॥९॥ यस्याः प्रसादात् कृष्णास् तु गोलोकेशः परः प्रभुः । अस्या नामसहस्रकस्य ऋषिर् नारद एव च ॥१०॥ देवी राधा परा प्रोक्ता चतुर्वर्गप्रसाधिनी । श्रीराधा राधिका कृष्णवल्लभा कृष्णसꣳयुता ॥११॥ वृन्दावनेश्वरी कृष्णप्रिया मदनमोहिनी । श्रीमती कृष्णकान्ता च कृष्णानन्दप्रदायिनी ॥१२॥ यशस्विनी यशोगम्या यशोदानन्दवल्लभा । दामोदरप्रिया गोपी गोपानन्दकारी ॥१३॥ कृष्णाङ्गवासिनी हृद्या हरिकान्ता हरिप्रिया । प्रधानगोपिका गोपकन्या त्रैलोक्यसुन्दरी ॥१४॥ वृन्दावनविहारी च विकाशितमुखाम्बुजा । गोकुलानन्दकर्त्री गोकुलानददायिनी ॥१५॥ गतिप्रदा गीतगम्या गमनागमनप्रिया । विष्णुप्रिया विष्णुकान्ता विष्नोर् अङ्गनिवासिनी ॥१६॥ यशोदानन्दपत्नी चा यशोदानन्दगोहिनी । कामारिकान्ता कामेशी कामलालसविग्रहा ॥१७॥ जयप्रदा जया जीवा जीवानन्दप्रदायिनी । नन्दनन्दनपत्नी च वृषाभानुसुता शिवा ॥१८॥ गनाध्यक्षा गवाध्यक्षा गवाꣳ गतिर् उत्तमा । काञ्चनाभा हेमगात्रा काञ्चनाङ्गदधारिणी ॥१९॥ अशोका शोकरहिता वोशोका शोकनाशिनी । गायत्री वेदमाता च वेदातीता विदुत्तमा ॥२०॥ नीतिशास्त्रप्रिया नीतिगतिर् नतिर् अभीष्टदा । वेदप्रिया वेदगर्भा वेदमार्गप्रवर्धिनी ॥२१॥ वेदगम्या वेदपरा विचित्रकनकोज्ज्वला । तथोज्ज्वलप्रदा नित्या तथैवोज्ज्वलगात्रिका ॥२२॥ नन्दप्रिया नन्दसुताराध्यानन्दप्रदा शुभा । शुभाग्गी विमलाङ्गी च विलासिन्यपराजिता ॥२३॥ जननी जन्मशून्या च जन्ममृत्युजरापहा । गतिर् गतिमताꣳ धात्री धात्रानन्दप्रदायिनी ॥२४॥ जगन्नाथप्रिया शैलवासिनी हेमसुन्दरी । किशोरी कमला पद्मा पद्महस्ता पयोददा ॥२५॥ पयस्विनी पयोदात्री पवित्रा सर्वमङ्गला । महाजीवप्रदा कृष्णकान्ता कमलसुन्दरी ॥२६॥ विचित्रवासिनी चित्रवासिनी चित्ररूपिणी । निर्गुणा सुकुलीना च निष्कुलीना निराकुला ॥२७॥ गोकुलान्तरगेहा च योगानन्दकरी तथा । वेणुवाद्या वेणुरतिर् वेणुवाद्यप्रआयणा ॥२८॥ गोपालस्य प्रिया सौम्यरूपा सोम्यकुलोद्वहा । मोहामोहा विमोहा च गतिनिष्ठा गतिप्रदा ॥२९॥ गीर्वाणवन्द्या गीर्वाणा गीर्वाणगणसेविता । ललिता च विशोका च विशाखाचित्रमालिनी ॥३०॥ जितेन्द्रिया शुद्धसत्त्वा कुलीना कुलदीपिका । दीपप्रिया दीपदात्री विमला विमलोदका ॥३१॥ कान्तारवासिनी कृष्णा कृष्णचन्द्रप्रिया मतिः । अनुत्तरा दुःखहन्त्री दुःखकर्त्री कुलोद्वहा ॥३२॥ मतिर् लक्ष्मीर् धृतिर् लज्जा कान्तिः पुष्टिः स्मृतिः क्षमा । क्षीरोदशायिनी देवी देवारिकुलमर्दनी ॥३३॥ वैष्णवी च महालक्ष्मीः कुलपूज्या कुलप्रिया । सꣳहर्त्री सर्वदैत्यानाꣳ सावित्री वेदगामिनी ॥३४॥ वेदातीता निरलम्बा निरालम्बगणप्रिया । निरालम्बजनैः पूज्या निरालोका निराश्रया ॥३५॥ एकाङ्गा सर्वगा सेव्या ब्रह्मपत्नी सरस्वती । रासप्रिया रासगम्या रासाधिष्ठातृदेवता ॥३६॥ रसिका रसिकानन्दा स्वयꣳ रासेश्वरी परा । रासमण्डलमध्यस्था रासमण्डलशोभिता ॥३७॥ रासमण्डलसेव्या च रासक्रीडामनोहरा । पुन्दरीकाक्षनिलया पुन्दरीकाक्षगेहिनी ॥३८॥ पुन्दरीकाक्षसेव्या च पुन्दरीकाक्षबल्लभा । सर्वजीवेश्वरी सर्वजीववन्द्या परात् परा ॥३९॥ प्रकृतिः शम्भुकान्ता च सदाशिवमनोहरा । क्षुत्पिपासा दया निद्रा भ्रान्तिः श्रान्तिः क्षमाकुला ॥४०॥ वधूरूपा गोपपत्नी भारती सिद्धयोगिनी । सत्यरूपा नित्यरूपा नित्याङ्गी नित्यगेहिनी ॥४१॥ स्थानदात्री तथा धात्री महालक्ष्मीः स्वयꣳ प्रभा । सिन्धुकन्या स्थानदात्री द्वारकावासिनी तथा ॥४२॥ बुद्धिः स्थितिः स्थानरूपा सर्वकारणकारणा । भक्तिप्रिया भक्तगम्या भतानन्दप्रदायिनी ॥४३॥ भक्त-कल्प-द्रुमातीता तथातीत-गुणा तथा । मनो-ऽधिष्ठातृ-देवी च कृष्ण-प्रेम-परायणा ॥४४॥ निरामया सौम्य-दात्री तथा मदन-मोहिनी । एकानꣳशा शिवा क्षेमा दुर्गा दुर्गति-नाशिनी ॥४५॥ ईश्वरी सर्व-वन्द्या च गोपनीया शुभङ्करी । पालिनी सर्व-भूतानाꣳ तथा कामाङ्ग-हारिणी ॥४६॥ सद्यो-मुक्ति-प्रदा देवी वेद-सारा परात् परा । हिमालय-सुता सर्वा पार्वती गिरिजा सती ॥४७॥ दक्ष-कन्या देव-माता मन्द-लज्जा हरेस् तनुः । वृन्दारण्य-प्रिया वृन्दा वृन्दावन-विलासिनी ॥४८॥ विलासिनी वैष्णवी च ब्रह्मलोक-प्रतिष्ठिता । रुक्मिणी रेवती सत्यभामा जाम्बवती तथा ॥४९॥ सुलक्ष्मणा मित्रविन्दा कालिन्दी जह्नु-कन्य्का । परिपूर्णा पूर्णतरा तथा हैमवती गतिः ॥५०॥ अपूर्वा ब्रह्म-रूपा च ब्रह्माण्ड-परिपालिनी । ब्रह्माण्ड-भाण्ड-मद्ब्यस्था ब्रह्माण्ड-भाण्ड-रूपिणी ॥५१॥ अण्ड-रूपाण्ड-मध्यस्था तथाण्ड-परिपालिनी । अण्ड-बाह्याण्ड-सम्हर्त्री शिव-ब्रह्म-हरि-प्रिया ॥५२॥ महा-विष्णु-प्रिया कल्प-वृक्ष-रूपा निरन्तरा । सार-भूता स्थिरा गौरी गौराङ्गी शशि-शेखरा ॥५३॥ श्वेत-चम्पक-वर्णाभा शशि-कोटि-सम-प्रभा । मालती-माल्य-भूषाढ्या मालती-माल्य-धारिणी ॥५४॥ कृष्ण-स्तुता कृष्ण-कान्ता वृन्दावन-विलासिनी । तुलस्य्-अधिष्ठातृ-देवी सꣳसारार्णव-पार-दा ॥५५॥ सारदाहारदाम्भोदा यसोदा गोप-नन्दिनी । अतीत-गमना गौरी परानुग्रह-कारिणी ॥५६॥ करुणार्णव-सम्पुर्णा करुणार्णव-धारिणी । माधवी माधव-मनो-हारिणी श्याम-वल्लभा ॥५७॥ अन्धकार-भय-ध्वस्ता मङ्गल्या मङ्गल-प्रदा । श्री-गर्भा श्री-प्रदा श्रीशा श्री-निवासाच्युतप्रिया ॥५८॥ श्री-रूपा श्री-हरा श्रीदा श्री-कामा श्री-स्वरूपिणी । श्रीदामानन्द-दात्री च श्रीदामेश्वर-वल्लभा ॥५९॥ श्री-नितम्बा श्री-गणेशा श्री-स्वरूपाश्रिता श्रुतिः । श्री-क्रिया-रूपिणी श्रीला श्री-कृष्ण-भजनान्विता ॥६०॥ श्री-राधा श्रीमती श्रेष्ठा श्रेष्ठ-रूपा श्रुति-प्रिया । योगेशा योग-माता च योगातिता युग-प्रिया ॥६१॥ योग-प्रिया योग-गम्या योगिनी-गण-वन्दिता । जवा-कुसुम-सङ्कासा दाडिमी-कुसुमोपमा ॥६२॥ नीलाम्बरधरा धीरा धैर्य-रूप-धरा धृइतिः । रत्न-सिꣳहासन-स्था च रत्न-कुण्डल-भूषिता ॥६३॥ रत्नालङ्कार-सम्युक्ता रत्न-माल्य-धरा परा । रत्नेन्द्र-सार-हाराढ्या रत्न-माला-विभूषिता ॥६४॥ इन्द्रनील-मणि-न्यस्त-पाद-पद्म-शुभा शुचिः । कार्त्तिकी पौर्णमासी च अमावस्या भयापहा ॥६५॥ गोविन्द-राज-गृहिनी गोविन्द-गण-पूजिता । वैकुण्ठ-नाथ-गृहिणी वैकुण्ठ-परमालया ॥६६॥ वैकुण्ठदेव-देवाढ्या तथा वैकुण्ठ-सुन्दरी । महालसा वेदवती सीता साध्वी पति-व्रता ॥६७॥ अन्न-पूर्णा सदानन्द-रूपा कैवल्य-सुन्दरी । कैवल्य-दायिनी श्रेष्ठा गोपीनाथ-मनोहरा ॥६८॥ गोपीनाथेश्वरी चण्डी नायिका-नयनान्विता । नायिका नायक-प्रीता नायकानन्द-रूपिणी ॥६९॥ शेषा शेषवती शेष-रूपिणी जगद्-अम्बिका । गोपाल-पालिका माया जायानन्दप्रदा तथा ॥७०॥ कुमारी यौवनानन्दा युवती गोप-सुन्दरी । गोप-माता जानकी च जनकानन्द-कारिणी ॥७१॥ कैलास-वासिनी रम्भा वैराग्याकुल-दीपिका । कमला-कान्त-गृहिनी कमला कमलालया ॥७२॥ त्रैलोक्य-माता जगताम् अधिष्ठात्री प्रियाम्बिका । हर-कान्ता हर-रता हरानन्द-प्रदायिनी ॥७३॥ हर-पत्नी हर-प्रीत हर-तोशण-तत्परा । हरेश्वरी राम-रता रामा रामेश्वरी रमा ॥७४॥ श्यामला चित्र-लेखा च तथा भुवन-मोहिनी । सु-गोपी गोप-वनिता गोप-राज्य-प्रदा शुभा ॥७५॥ अङ्गावपूर्णा माहेयी मत्स्य-राज-सुता सती । कौमारी नारसिꣳही च वाराही नव-दुर्गिका ॥७६॥ चञ्चला चञ्चलामोदा नारी भुवन-सुन्दरी । दक्ष-यज्ञ-हरा दाक्षी दक्ष-कन्या सु-लोचना ॥७७॥ रति-रूपा रति-प्रीता रति-श्रेष्ठा रति-प्रदा । रतिर् लक्ष्मण-गेह-स्था विरजा भुवनेश्वरी ॥७८॥ शङ्खास्पदा हरेर् जाया जामातृ-कुल-वन्दिता । बकुला बकुलामोद- धारिणी यमुना जया ॥७९॥ विजया जय-पत्नी च यमलार्जुन-भञ्जिनी । वक्रेश्वरी वक्र-रूपा वक्र-वीक्षण-वीक्षिता ॥८०॥ Šअपराजिता जगन्नाथा जगन्नाथेश्वरी यतिः । खेचरी खेचर-सुता खेचरत्व-प्रदायिनी ॥८१॥ विष्णु-वक्षः-स्थल-स्था च विष्णु-भावन-तत्परा । चन्द्र-कोटि-सुगात्री च चन्द्रानन-मनोहरी ॥८२॥ सेवा-सेव्या शिवा क्षेमा तथा क्षेम-कारी वधूः । यादवेन्द्र-वधूः सेव्या शिव-भक्ता शिवान्विता ॥८३॥ केवला निष्फला सूक्ष्मा महा-भीमाभयप्रदा । जीमूत-रूपा जैमूती जितामित्र-प्रमोदिनी ॥८४॥ गोपाल-वनिता नन्दा कुलजेन्द्र-निवासिनी । जयन्ती यमुनाङ्गी च यमुना-तोष-कारिनी ॥८५॥ कलि-कल्मष-भङ्गा च कलि-कल्मष-नाशिनी । कलि-कल्मष-रूपा च नित्यानन्द-करी कृपा ॥८६॥ कृपावती कुलवती कैलासाचल-वासिनी । वाम-देवी वाम-भागा गोविन्द-प्रिय-कारिणी ॥८७॥ नगेन्द्र-कन्या योगेशी योगिनी योग-रूपिणी । योग-सिद्धा सिद्ध-रूपा सिद्ध-क्षेत्र-निवासिनी ॥८८॥ क्षेत्राधिष्ठातृ-रूपा च क्षेत्रातीता कुल-प्रदा । केशवानन्द-दात्री च केशवानन्द-दायिनी ॥८९॥ केशवा केशव-प्रीता केशवी केशव-प्रिया । रास-क्रीडा-करी रास- वासिनी रास-सुन्दरी ॥९०॥ गोकुलान्वित-देहा च गोकुलत्व-प्रदायिनी । लवङ्ग-नाम्नी नारङ्गी नारङ्ग-कुल-मण्डना ॥९१॥ एला-लवङ्ग-कर्पूर-मुख-वास-मुखान्विता । मुख्या मुख्य-प्रदा मुख्य- रूपा मुख्य-निवासिनी ॥९२॥ नारायणी क्रिपातीता करुणामय-कारिणी । कारुण्या करुणा कर्णा गोकर्णा नाग-कर्णिका ॥९३॥ सर्पिणी कौलिनी क्षेत्र-वासिनी जगद्-अन्वया । जटिला कुटिला नीला नीलाम्बरधरा शुभा ॥९४॥ नीलाम्बर-विधात्री च नीलकण्ठ-प्रिया तथा । भगिनी भागिनी भोग्या कृष्ण-भोग्या भगेश्वरी ॥९५॥ बलेश्वरी बलाराध्या कान्ता कान्त-नितम्बिनी । नितम्बिनी रूपवती युवती कृष्ण-पीवरी ॥९६॥ विभावरी वेत्रवती सङ्कटा कुटिलालका । नारायण-प्रिया शलिला सृक्कणी-परिमोहिता ॥९७॥ दृक्-पात-मोहिता प्रातर्-आशिनी नवनीतिका । नवीना नव-नारी च नारङ्ग-फल-शोभिता ॥९८॥ हैमी हेम-मुखी चन्द्र-मुखी शशि-सु-शोभना । अर्ध-चन्द्र-धरा चन्द्र-वल्लभा रोहिणी तमिः ॥९९॥ तिमिङ्ग्ल-कुलामोद-मत्स्य-रूपाङ्ग-हारिणी । कारणी सर्व-भूतानाꣳ कार्यातीता किशोरिणी ॥१००॥ किशोर-वल्लभा केश-कारिका काम-कारिका । कामेश्वरी काम-कला कालिन्दी-कूल-दीपिका ॥१०१॥ कलिन्दतनया-तीर-वासिनी तीर-गेहिनी । कादम्बरी-पान-परा कुसुमामोद-धारिणी ॥१०२॥ कुमुदा कुमुदानन्दा कृष्णेशी काम-वल्लभा । तर्काली वैजयन्ती च निम्ब-दाडिम-रूपिणी ॥१०३॥ बिल्व-वृक्ष-प्रिया कृष्णाम्बरा बिल्वोपम-स्तनी । बिल्वात्मिका बिल्व-वपुर् बिल्व-वृक्ष-निवासिनी ॥१०४॥ तुलसी-तोषिका तैति-लानन्द-परितोषिका । गज-मुक्ता महा-मुक्ता महा-मुक्ति-फल-प्रदा ॥१०५॥ अनङ्ग-मोहिनी शक्ति-रूपा शक्ति-स्वरूपिनी । पञ्च-शक्ति-स्वरूपा च शैशवानन्द-कारिनी ॥१०६॥ गजेन्द्र-गामिनी श्याम-लतानङ्ग-लता तथा । योषित्-शक्ति-स्वरूपा च योषिद्-आनन्द-कारिणी ॥१०७॥ प्रेम-प्रिया प्रेम-रूपा प्रेमानन्द-तरङ्गिणी । प्रेम-हारा प्रेम-दात्री प्रेम-शक्तिमयी तथा ॥१०८॥ कृष्ण-प्रेमवती धन्या कृष्ण-प्रेम-तरङ्गिणी । प्रेम-भक्ति-प्रदा प्रेमा प्रेमानन्द-तरङ्गिणी ॥१०९॥ प्रेम-क्रीडा-परीताङ्गी प्रेम-भक्ति-तरङ्गिणी । प्रेमार्थ-दायिणी सर्व- श्वेता नित्य-तरङ्गिणी ॥११०॥ हाव-भावान्विता रौद्रा रुद्रानन्द-प्रकाशिनी । कपिला शृङ्खला केश- पाश-सम्बन्धिनी घटी ॥१११॥ कुटीर-वासिनी धूम्रा धूम्र-केशा जलोदरी । ब्रह्माण्ड-गोचरा ब्रह्म- रूपिणी भाव-भाविनी ॥११२॥ सꣳसार-नाशिनी शैवा शैवलानन्द-दायिनी । शिशिरा हेम-रागाड्ब्या मेघ-रूपाति-सुन्दरी ॥११३॥ मनोरमा वेगवती वेगाढ्या वेद-वादिनी । दयान्विता दयाधारा दया-रूपा सुसेविनी ॥११४॥ किशोर-सङ्ग-सम्सर्गा गौर-चन्द्रानना कला । कलाधिनाथ-वदना कलानाथाधिरोहिणी ॥११५॥ विराग-कुशला हेम-पिङ्गला हेम-मण्डना । भाण्डीर-तालवन-गा कैवर्ती पीवरी शुकी ॥११६॥ शुकदेव-गुणातीता शुकदेव-प्रिया सखी । विकलोत्कर्षिणी कोषा कौषेयाम्बर-धारिणी ॥११७॥ कोषावरी कोष-रूपा जगद्-उत्पत्ति-कारिका । सृष्टि-स्थिति-करी सꣳहारिणी सꣳहार-कारिणी ॥११८॥ केश-शैवल-धात्री च चन्द्र-गात्री सु-कोमला । पद्माङ्गराग-सम्रागा विन्ध्याद्रि-परिवासिणी ॥११९॥ Šविन्ध्यालया श्याम-सखी सखी सꣳसार-रागिणी । भूता भविष्या भव्या च भव्य-गात्रा भवातिगा ॥१२०॥ भव-नाशान्त-कारिण्य् आकाश-रूपा सु-वेशिनी । रति-रङ्ग-परित्यागा रति-वेगा रति-प्रदा ॥१२१॥ तेजस्विनी तेजो-रूप कैवल्य-पथ-दा शुभा । मुक्ति-हेतुर् मुक्ति-हेतु- लङ्घिनी लङ्घन-क्षमा ॥१२२॥ विशाल-नेत्रा वैसाली विशाल-कुल-सम्भवा । विशाल-गृह-वासा च विशाल-वदरी रतिः ॥१२३॥ भक्त्य्-अतीता भक्त-गतिर् भक्तिका शिव-भक्ति-दा । शिव-शक्ति-स्वरूपा च शिवार्धाङ्ग-विहारिणी ॥१२४॥ शिरीष-कुसुमामोदा शिरीष-कुसुमोज्ज्वला । शिरीष-मृध्वी शैरीषि शिरीष-कुसुमाकृतिः ॥१२५॥ वामाङ्ग-हारिणी विष्णोः शिव-भक्ति-सुखान्विता । विजिता विजितामोदा गगना गण-तोषिता ॥१२६॥ हयास्या हेरम्ब-सुता गण-माता सुखेश्वरी । दुःख-हन्त्री दुःख-हरा सेवितेप्सित-सर्वदा ॥१२७॥ सर्वज्ञत्व-विधात्री च कुल-क्षेत्र-निवासिनी । लवङ्गा पाण्डव-सखी सखी-मध्य-निवासिनी ॥१२८॥ ग्राम्या गीता गया गम्या गमनातीत-निर्भरा । सर्वाङ्ग-सुन्दरी गङ्गा गङ्गा-जलमयी तथा ॥१२९॥ गङ्गेरिता पूत-गात्रा पवित्र-कुल-दीपिका । पवित्र-गुण-शीलाढ्या पवित्रानन्द-दायिनी ॥१३०॥ पवित्र-गुण-सीमाढ्या पवित्र-कुल-दिपनी । कम्पमाना कꣳस-हरा विन्ध्याचल-निवासिनी ॥१३१॥ गोवर्धनेश्वरी गोवर्धन-हास्या हयाकृतिः । मीनावतारा मिनेशी गगनेशी हया गजी ॥१३२॥ हरिणी हरिणी हार-धारिणी कनकाकृतिः । विद्युत्-प्रभा विप्र-माता गोप-माता गयेश्वरी ॥१३३॥ गवेश्वरी गवेशी च गवीशि गवि-वासिनी । गति-ज्ञा गीत-कुशला दनुजेन्द्र-निवारिणी ॥१३४॥ निर्वाण-दात्री नैर्वाणी हेतु-युक्ता गयोत्तरा । पर्वताधिनिवासा च निवास-कुशला तथा ॥१३५॥ सन्न्यास-धर्म-कुशला सन्न्यासेशी शरन्-मुखी । शरच्-चन्द्र-मुखी श्याम- हारा क्षेत्र-निवासिनी ॥१३६॥ वसन्त-राग-सम्रागा वसन्त-वसनाकृतिः । चतुर्-भुजा शड्-भुजा द्वि-भुजा गौर-विग्रहा ॥१३७॥ सहस्रास्या विहास्या च मुद्रास्या मद-दायिनी । प्राण-प्रिया प्राण-रूप प्राण-रूपिण्य् अपावृता ॥१३८॥ कृष्ण-प्रीता कृष्ण-रता कृष्ण-तोषण-तत्-परा । कृष्ण-प्रेम-रता कृष्ण-भक्ता भक्त-फल-प्रदा ॥१३९॥ कृष्ण-प्रेमा प्रेम-भक्ता हरि-भक्ति-प्रदायिनी । चैतन्य-रूपा चैतन्य-प्रिया चैतन्य-रूपिणी ॥१४०॥ उग्र-रूपा शिव-क्रोडा कृष्ण-क्रोडा जलोदरी । महोदरी महा-दुर्ग-कान्तार-सुस्थ-वासिणी ॥१४१॥ चन्द्रावली चन्द्र-केशी चन्द्र-प्रेम-तरङ्गिणी । समुद्र-मथनोद्भूता समुद्र-जल-वासिनी ॥१४२॥ समुद्रामृत-रुपा च समुद्र-जल-वासिका । केश-पाश-रता निद्रा क्षुधा प्रेम-तरङ्गिका ॥१४३॥ दूर्वा-दल-श्याम-तनुर् दूर्वा-दल-तनु-च्च्बविः । नागरा नागरि-रागा नागरानन्द-कारिणी ॥१४४॥ नागरालिङ्गन-परा नागराङ्गन-मङ्गला । उच्च-नीचा हैमवती प्रिया कृष्ण-तरङ्ग-दा ॥१४५॥ प्रेमालिङ्गन-सिद्धाङ्गी सिद्धा साध्य-विलासिका । मङ्गलामोद-जननी मेखलामोद-धारिणी ॥१४६॥ रत्न-मञ्जीर-भूषाङ्गी रत्न-भूषण-भूषणा । जम्बाल-मालिका कृष्ण- प्राणा प्राण-विमोचना ॥१४७॥ सत्य-प्रदा सत्यवती सेवकानन्द-दायिका । जगद्-योनिर् जगद्-बीजा विचित्र-मणि-भूषणा ॥१४८॥ राधा-रमण-कान्ता च राध्या राधन-रूपिणी । कैलास-वासिनी कृष्ण- प्राण-सर्वस्व-दायिनी ॥१४९॥ कृष्णावतार-निरता कृष्ण-भक्त-फलार्थिनी । याचकायाचकानन्द-कारिणी याचकोज्ज्वला ॥१५०॥ हरि-भूषण-भुषाढ्या-नन्द-युक्तार्द्र-पद-गा । है-है-ताल-धरा थै-थै-शब्द-शक्ति-प्रकाशिनी ॥१५१॥ हे-हे-शब्द-स्वरुपा च हि-हि-वाक्य-विशारदा । जगद्-आनन्द-कर्त्री च सान्द्रानन्द-विशारदा ॥१५२॥ पण्डिता पण्डित-गुणा पण्डितानन्द-कारिणी । परिपालन-कर्त्री च तथा स्थिति-विनोदिनी ॥१५३॥ तथा सम्हार-शब्दाढ्या विद्वज्-जन-मनोहरा । विदुषाꣳ प्रीति-जननी विद्वत्-प्रेम-विवर्धिनी ॥१५४॥ नादेशी नाद-रूपा च नाद-बिन्दु-विधारिणी । शून्य-स्थान-स्थिता शून्य- रूप-पादप-वासिनी ॥१५५॥ कार्त्तिक-व्रत-कर्त्री च वसना-हारिणी तथा । जल-शाया जल-तला शिला-तल-निवासिनी ॥१५६॥ क्षुद्र-कीटाङ्ग-सम्सर्गा सङ्ग-दोश-विनाशिनी । कोटि-कन्दर्प-लावण्या कन्दर्प-कोटि-सुन्दरी ॥१५७॥ कन्दर्प-कोटि-जननी काम-बीज-प्रदायिनी । काम-शास्त्र-विनोदा च काम-शास्त्र-प्रकाशिनी ॥१५८॥ काम-प्रकाशिका कामिन्य् अणिमाद्य्-अष्ट-सिद्धि-दा । यामिनी यामिनी-नाथ- वदना यामिनीश्वरी ॥१५९॥ याग-योग-हरा भुक्ति-मुक्ति-दात्री हिरण्य-दा । कपाल-मालिनी देवी धाम-रूपिण्य् अपूर्व-दा ॥१६०॥ कृपान्विता गुणा गौण्या गुणातीत-फल-प्रदा । कुष्माण्ड-भूत-वेताल-नाशिनी शरदान्विता ॥१६१॥ सीतला शवला हेला लीला लावण्य-मङ्गला । विद्यार्थिनी विद्यमाना विद्या विद्या-स्वरूपिणी ॥१६२॥ आन्वीक्षिकी शास्त्र-रूपा शास्त्र-सिद्धाण्ट-कारिणी । नागेन्द्रा नाग-माता च क्रीडा-कौतुक-रूपिणी ॥१६३॥ हरि-भावन-शीला च हरि-तोषण-तत्-परा । हरि-प्राणा हर-प्राणा शिव-प्राणा शिवान्विता ॥१६४॥ नरकार्णव-सꣳहन्त्री नरकार्णव-नाशिनी । नरेश्वरी नरातीता नर-सेव्या नराङ्गना ॥१६५॥ यशोदानन्दन-प्राण-वल्लभा हरि-वल्लभा । यशोदानन्दनारम्या यशोदानन्दनेश्वरी ॥१६६॥ यशोदानन्दनाक्रिडा यशोदा-क्रोड-वासिनी । यशोदानन्दन-प्राणा यशोदानन्दनार्थदा ॥१६७॥ वत्सला कौशला काला करुणार्णव-रूपिणी । स्वर्ग-लक्ष्मीर् भूमि-लक्ष्मीर् द्रौपदी पाण्डव-प्रिया ॥१६८॥ तथार्जुन-सखी भौमी भैमी भीम-कुलोद्वहा । भुवना मोहना क्षीणा पानासक्त-तरा तथा ॥१६९॥ पानार्थिनी पान-पात्रा पान-पानन्द-दायिनी । दुग्ध-मन्थन-कर्माढ्या दुग्ध-मन्थन-तत्-परा ॥१७०॥ दधि-भाण्डार्थिनी कृष्ण-क्रोधिनी नन्दनाङ्गना । घृत-लिप्ता तक्र-युक्ता यमुना-पार-कौतुका ॥१७१॥ विचित्र-कथका कृष्ण-हास्य-भाषण-तत्-परा । गोपाङ्गनावेष्टिता च कृष्ण-सङ्गार्थिनी तथा ॥१७२॥ रासासक्ता रास-रतिर् आसवासक्त-वासना । हरिद्रा हरिता हारिण्य् आनन्दार्पित-चेतना ॥१७३॥ निश्चैतन्या च निश्चेता तथा दारु-हरिद्रिका । सुबलस्य स्वसा कृष्ण-भार्या भाषाति-वेगिनी ॥१७४॥ श्रीदामस्य शखी दाम-दामिनी दाम-धारिणी । कैलासिनी केशिनी च हरिद्-अम्बर-धारिणी ॥१७५॥ हरि-सान्निध्य-दात्री च हरि-कौतुक-मङ्गला । हरि-प्रदा हरि-द्वारा यमुना-जल-वासिनी ॥१७६॥ जैत्र-प्रदा जितार्थी च चतुरा चातुरी तमी । तमिस्राऽऽताप-रूपा च रौद्र-रूपा यशो-ऽर्थिनी ॥१७७॥ कृष्णार्थिनी कृष्ण-कला कृष्णानन्द-विधायिनी । कृष्णार्थ-वासना कृष्ण-रागिनी भव-भाविनी ॥१७८॥ कृष्णार्थ-रहिता भक्ता भक्त-भुक्ति-शुभ-प्रदा । श्री-कृष्ण-रहिता दीना तथा विरहिणी हरेः ॥१७९॥ मथुरा मथुरा-राज-गेह-भावन-भावना । श्री-कृष्ण-भावनामोदा तथोऽऽन्माद-विधायिनी ॥१८०॥ कृष्णार्थ-व्याकुला कृष्ण-सार-चर्म-धरा शुभा । अलकेश्वर-पूज्या च कुवेरेश्वर-वल्लभा ॥१८१॥ धन-धान्य-विधात्री च जाया काया हया हयी । प्रणवा प्रणवेशी च प्रणवार्थ-स्वरूपिणी ॥१८२॥ ब्रह्म-विष्णु-शिवार्धाङ्ग- हारिणी शैव-शिꣳसपा । राक्षसी-नाशिनी भूत- प्रेत-प्राण-विनाशिनी ॥१८३॥ सकलेप्सित-दात्री च शची साध्वी अरुन्धती । पति-व्रता पति-प्राणा पति-वाक्य-विनोदिनी । अशेष-साधनी कल्प-वासिनी कल्प-रूपिणी ॥१८४॥ इति श्री-नारद-पञ्चरात्रे ज्ञानामृत-सारे पञ्चम-रात्रे पञ्चमो’ध्यायः ॥५॥ …

pañcamo 'dhyāyaḥ mantra-nāma-rahasyam śrī-pārvaty uvāca— deva deva jagannātha bhaktānugrahakāraka | yady asti mayi kāruṇyaṁ mayi yady asti te dayā ||1|| yad yat tvayā pragaditaṁ tat sarvaṁ me śrutaṁ prabho | guhyād guhyataraṁ yat tu yat te manasi kāśate ||2|| tvayā na gaditaṁ yat tu yasmai kasmai kadācana | tan māṁ kathaya deveśa sahasraṁ nāma cottamam ||3|| śrīrādhāyā mahādevyā gopyā bhaktiprasādhanam | brahmāṇḍakartrī hartrī sā kathaṁ gopītvam āgatā ||4|| śrīmahādeva uvāca— śṛṇu devi vicitrārthāṁ kathāṁ pāpaharāṁ śubhām | nāsti janmani karmāṇi tasyā nūnaṁ maheśvari ||5|| yadā hariś caritrāṇi kurute kāryagauravāt | tadā vidhātṛrūpāṇi harisānnidhyasādhinī ||6|| tasyā gopītvabhāvasya kāraṇaṁ gaditaṁ purā | idānīṁ śṛṇu deveśi nāmnāṁ caiva sahasrakam ||7|| yan mayā kathitaṁ naiva tantreṣv api kadāpi na | tava snehāt pravakṣyāmi bhaktyā dhāryaṁ mumukṣubhiḥ ||8|| mama prāṇasamā vidyā bhāvyate me tv aharniśam | śṛṇuṣva girije nityaṁ paṭhasva ca yathāmati ||9|| yasyāḥ prasādāt kṛṣṇās tu golokeśaḥ paraḥ prabhuḥ | asyā nāmasahasrakasya ṛṣir nārada eva ca ||10|| devī rādhā parā proktā caturvargaprasādhinī | śrīrādhā rādhikā kṛṣṇavallabhā kṛṣṇasaṁyutā ||11|| vṛndāvaneśvarī kṛṣṇapriyā madanamohinī | śrīmatī kṛṣṇakāntā ca kṛṣṇānandapradāyinī ||12|| yaśasvinī yaśogamyā yaśodānandavallabhā | dāmodarapriyā gopī gopānandakārī ||13|| kṛṣṇāṅgavāsinī hṛdyā harikāntā haripriyā | pradhānagopikā gopakanyā trailokyasundarī ||14|| vṛndāvanavihārī ca vikāśitamukhāmbujā | gokulānandakartrī gokulānadadāyinī ||15|| gatipradā gītagamyā gamanāgamanapriyā | viṣṇupriyā viṣṇukāntā viṣnor aṅganivāsinī ||16|| yaśodānandapatnī cā yaśodānandagohinī | kāmārikāntā kāmeśī kāmalālasavigrahā ||17|| jayapradā jayā jīvā jīvānandapradāyinī | nandanandanapatnī ca vṛṣābhānusutā śivā ||18|| ganādhyakṣā gavādhyakṣā gavāṁ gatir uttamā | kāñcanābhā hemagātrā kāñcanāṅgadadhāriṇī ||19|| aśokā śokarahitā vośokā śokanāśinī | gāyatrī vedamātā ca vedātītā viduttamā ||20|| nītiśāstrapriyā nītigatir natir abhīṣṭadā | vedapriyā vedagarbhā vedamārgapravardhinī ||21|| vedagamyā vedaparā vicitrakanakojjvalā | tathojjvalapradā nityā tathaivojjvalagātrikā ||22|| nandapriyā nandasutārādhyānandapradā śubhā | śubhāggī vimalāṅgī ca vilāsinyaparājitā ||23|| jananī janmaśūnyā ca janmamṛtyujarāpahā | gatir gatimatāṁ dhātrī dhātrānandapradāyinī ||24|| jagannāthapriyā śailavāsinī hemasundarī | kiśorī kamalā padmā padmahastā payodadā ||25|| payasvinī payodātrī pavitrā sarvamaṅgalā | mahājīvapradā kṛṣṇakāntā kamalasundarī ||26|| vicitravāsinī citravāsinī citrarūpiṇī | nirguṇā sukulīnā ca niṣkulīnā nirākulā ||27|| gokulāntaragehā ca yogānandakarī tathā | veṇuvādyā veṇuratir veṇuvādyapraāyaṇā ||28|| gopālasya priyā saumyarūpā somyakulodvahā | mohāmohā vimohā ca gatiniṣṭhā gatipradā ||29|| gīrvāṇavandyā gīrvāṇā gīrvāṇagaṇasevitā | lalitā ca viśokā ca viśākhācitramālinī ||30|| jitendriyā śuddhasattvā kulīnā kuladīpikā | dīpapriyā dīpadātrī vimalā vimalodakā ||31|| kāntāravāsinī kṛṣṇā kṛṣṇacandrapriyā matiḥ | anuttarā duḥkhahantrī duḥkhakartrī kulodvahā ||32|| matir lakṣmīr dhṛtir lajjā kāntiḥ puṣṭiḥ smṛtiḥ kṣamā | kṣīrodaśāyinī devī devārikulamardanī ||33|| vaiṣṇavī ca mahālakṣmīḥ kulapūjyā kulapriyā | saṁhartrī sarvadaityānāṁ sāvitrī vedagāminī ||34|| vedātītā niralambā nirālambagaṇapriyā | nirālambajanaiḥ pūjyā nirālokā nirāśrayā ||35|| ekāṅgā sarvagā sevyā brahmapatnī sarasvatī | rāsapriyā rāsagamyā rāsādhiṣṭhātṛdevatā ||36|| rasikā rasikānandā svayaṁ rāseśvarī parā | rāsamaṇḍalamadhyasthā rāsamaṇḍalaśobhitā ||37|| rāsamaṇḍalasevyā ca rāsakrīḍāmanoharā | pundarīkākṣanilayā pundarīkākṣagehinī ||38|| pundarīkākṣasevyā ca pundarīkākṣaballabhā | sarvajīveśvarī sarvajīvavandyā parāt parā ||39|| prakṛtiḥ śambhukāntā ca sadāśivamanoharā | kṣutpipāsā dayā nidrā bhrāntiḥ śrāntiḥ kṣamākulā ||40|| vadhūrūpā gopapatnī bhāratī siddhayoginī | satyarūpā nityarūpā nityāṅgī nityagehinī ||41|| sthānadātrī tathā dhātrī mahālakṣmīḥ svayaṁ prabhā | sindhukanyā sthānadātrī dvārakāvāsinī tathā ||42|| buddhiḥ sthitiḥ sthānarūpā sarvakāraṇakāraṇā | bhaktipriyā bhaktagamyā bhatānandapradāyinī ||43|| bhakta-kalpa-drumātītā tathātīta-guṇā tathā | mano-'dhiṣṭhātṛ-devī ca kṛṣṇa-prema-parāyaṇā ||44|| nirāmayā saumya-dātrī tathā madana-mohinī | ekānaṁśā śivā kṣemā durgā durgati-nāśinī ||45|| īśvarī sarva-vandyā ca gopanīyā śubhaṅkarī | pālinī sarva-bhūtānāṁ tathā kāmāṅga-hāriṇī ||46|| sadyo-mukti-pradā devī veda-sārā parāt parā | himālaya-sutā sarvā pārvatī girijā satī ||47|| dakṣa-kanyā deva-mātā manda-lajjā hares tanuḥ | vṛndāraṇya-priyā vṛndā vṛndāvana-vilāsinī ||48|| vilāsinī vaiṣṇavī ca brahmaloka-pratiṣṭhitā | rukmiṇī revatī satyabhāmā jāmbavatī tathā ||49|| sulakṣmaṇā mitravindā kālindī jahnu-kanykā | paripūrṇā pūrṇatarā tathā haimavatī gatiḥ ||50|| apūrvā brahma-rūpā ca brahmāṇḍa-paripālinī | brahmāṇḍa-bhāṇḍa-madbyasthā brahmāṇḍa-bhāṇḍa-rūpiṇī ||51|| aṇḍa-rūpāṇḍa-madhyasthā tathāṇḍa-paripālinī | aṇḍa-bāhyāṇḍa-samhartrī śiva-brahma-hari-priyā ||52|| mahā-viṣṇu-priyā kalpa-vṛkṣa-rūpā nirantarā | sāra-bhūtā sthirā gaurī gaurāṅgī śaśi-śekharā ||53|| śveta-campaka-varṇābhā śaśi-koṭi-sama-prabhā | mālatī-mālya-bhūṣāḍhyā mālatī-mālya-dhāriṇī ||54|| kṛṣṇa-stutā kṛṣṇa-kāntā vṛndāvana-vilāsinī | tulasy-adhiṣṭhātṛ-devī saṁsārārṇava-pāra-dā ||55|| sāradāhāradāmbhodā yasodā gopa-nandinī | atīta-gamanā gaurī parānugraha-kāriṇī ||56|| karuṇārṇava-sampurṇā karuṇārṇava-dhāriṇī | mādhavī mādhava-mano-hāriṇī śyāma-vallabhā ||57|| andhakāra-bhaya-dhvastā maṅgalyā maṅgala-pradā | śrī-garbhā śrī-pradā śrīśā śrī-nivāsācyutapriyā ||58|| śrī-rūpā śrī-harā śrīdā śrī-kāmā śrī-svarūpiṇī | śrīdāmānanda-dātrī ca śrīdāmeśvara-vallabhā ||59|| śrī-nitambā śrī-gaṇeśā śrī-svarūpāśritā śrutiḥ | śrī-kriyā-rūpiṇī śrīlā śrī-kṛṣṇa-bhajanānvitā ||60|| śrī-rādhā śrīmatī śreṣṭhā śreṣṭha-rūpā śruti-priyā | yogeśā yoga-mātā ca yogātitā yuga-priyā ||61|| yoga-priyā yoga-gamyā yoginī-gaṇa-vanditā | javā-kusuma-saṅkāsā dāḍimī-kusumopamā ||62|| nīlāmbaradharā dhīrā dhairya-rūpa-dharā dhṛitiḥ | ratna-siṁhāsana-sthā ca ratna-kuṇḍala-bhūṣitā ||63|| ratnālaṅkāra-samyuktā ratna-mālya-dharā parā | ratnendra-sāra-hārāḍhyā ratna-mālā-vibhūṣitā ||64|| indranīla-maṇi-nyasta-pāda-padma-śubhā śuciḥ | kārttikī paurṇamāsī ca amāvasyā bhayāpahā ||65|| govinda-rāja-gṛhinī govinda-gaṇa-pūjitā | vaikuṇṭha-nātha-gṛhiṇī vaikuṇṭha-paramālayā ||66|| vaikuṇṭhadeva-devāḍhyā tathā vaikuṇṭha-sundarī | mahālasā vedavatī sītā sādhvī pati-vratā ||67|| anna-pūrṇā sadānanda-rūpā kaivalya-sundarī | kaivalya-dāyinī śreṣṭhā gopīnātha-manoharā ||68|| gopīnātheśvarī caṇḍī nāyikā-nayanānvitā | nāyikā nāyaka-prītā nāyakānanda-rūpiṇī ||69|| śeṣā śeṣavatī śeṣa-rūpiṇī jagad-ambikā | gopāla-pālikā māyā jāyānandapradā tathā ||70|| kumārī yauvanānandā yuvatī gopa-sundarī | gopa-mātā jānakī ca janakānanda-kāriṇī ||71|| kailāsa-vāsinī rambhā vairāgyākula-dīpikā | kamalā-kānta-gṛhinī kamalā kamalālayā ||72|| trailokya-mātā jagatām adhiṣṭhātrī priyāmbikā | hara-kāntā hara-ratā harānanda-pradāyinī ||73|| hara-patnī hara-prīta hara-tośaṇa-tatparā | hareśvarī rāma-ratā rāmā rāmeśvarī ramā ||74|| śyāmalā citra-lekhā ca tathā bhuvana-mohinī | su-gopī gopa-vanitā gopa-rājya-pradā śubhā ||75|| aṅgāvapūrṇā māheyī matsya-rāja-sutā satī | kaumārī nārasiṁhī ca vārāhī nava-durgikā ||76|| cañcalā cañcalāmodā nārī bhuvana-sundarī | dakṣa-yajña-harā dākṣī dakṣa-kanyā su-locanā ||77|| rati-rūpā rati-prītā rati-śreṣṭhā rati-pradā | ratir lakṣmaṇa-geha-sthā virajā bhuvaneśvarī ||78|| śaṅkhāspadā harer jāyā jāmātṛ-kula-vanditā | bakulā bakulāmoda- dhāriṇī yamunā jayā ||79|| vijayā jaya-patnī ca yamalārjuna-bhañjinī | vakreśvarī vakra-rūpā vakra-vīkṣaṇa-vīkṣitā ||80|| Šaparājitā jagannāthā jagannātheśvarī yatiḥ | khecarī khecara-sutā khecaratva-pradāyinī ||81|| viṣṇu-vakṣaḥ-sthala-sthā ca viṣṇu-bhāvana-tatparā | candra-koṭi-sugātrī ca candrānana-manoharī ||82|| sevā-sevyā śivā kṣemā tathā kṣema-kārī vadhūḥ | yādavendra-vadhūḥ sevyā śiva-bhaktā śivānvitā ||83|| kevalā niṣphalā sūkṣmā mahā-bhīmābhayapradā | jīmūta-rūpā jaimūtī jitāmitra-pramodinī ||84|| gopāla-vanitā nandā kulajendra-nivāsinī | jayantī yamunāṅgī ca yamunā-toṣa-kārinī ||85|| kali-kalmaṣa-bhaṅgā ca kali-kalmaṣa-nāśinī | kali-kalmaṣa-rūpā ca nityānanda-karī kṛpā ||86|| kṛpāvatī kulavatī kailāsācala-vāsinī | vāma-devī vāma-bhāgā govinda-priya-kāriṇī ||87|| nagendra-kanyā yogeśī yoginī yoga-rūpiṇī | yoga-siddhā siddha-rūpā siddha-kṣetra-nivāsinī ||88|| kṣetrādhiṣṭhātṛ-rūpā ca kṣetrātītā kula-pradā | keśavānanda-dātrī ca keśavānanda-dāyinī ||89|| keśavā keśava-prītā keśavī keśava-priyā | rāsa-krīḍā-karī rāsa- vāsinī rāsa-sundarī ||90|| gokulānvita-dehā ca gokulatva-pradāyinī | lavaṅga-nāmnī nāraṅgī nāraṅga-kula-maṇḍanā ||91|| elā-lavaṅga-karpūra-mukha-vāsa-mukhānvitā | mukhyā mukhya-pradā mukhya- rūpā mukhya-nivāsinī ||92|| nārāyaṇī kripātītā karuṇāmaya-kāriṇī | kāruṇyā karuṇā karṇā gokarṇā nāga-karṇikā ||93|| sarpiṇī kaulinī kṣetra-vāsinī jagad-anvayā | jaṭilā kuṭilā nīlā nīlāmbaradharā śubhā ||94|| nīlāmbara-vidhātrī ca nīlakaṇṭha-priyā tathā | bhaginī bhāginī bhogyā kṛṣṇa-bhogyā bhageśvarī ||95|| baleśvarī balārādhyā kāntā kānta-nitambinī | nitambinī rūpavatī yuvatī kṛṣṇa-pīvarī ||96|| vibhāvarī vetravatī saṅkaṭā kuṭilālakā | nārāyaṇa-priyā śalilā sṛkkaṇī-parimohitā ||97|| dṛk-pāta-mohitā prātar-āśinī navanītikā | navīnā nava-nārī ca nāraṅga-phala-śobhitā ||98|| haimī hema-mukhī candra-mukhī śaśi-su-śobhanā | ardha-candra-dharā candra-vallabhā rohiṇī tamiḥ ||99|| timiṅgla-kulāmoda-matsya-rūpāṅga-hāriṇī | kāraṇī sarva-bhūtānāṁ kāryātītā kiśoriṇī ||100|| kiśora-vallabhā keśa-kārikā kāma-kārikā | kāmeśvarī kāma-kalā kālindī-kūla-dīpikā ||101|| kalindatanayā-tīra-vāsinī tīra-gehinī | kādambarī-pāna-parā kusumāmoda-dhāriṇī ||102|| kumudā kumudānandā kṛṣṇeśī kāma-vallabhā | tarkālī vaijayantī ca nimba-dāḍima-rūpiṇī ||103|| bilva-vṛkṣa-priyā kṛṣṇāmbarā bilvopama-stanī | bilvātmikā bilva-vapur bilva-vṛkṣa-nivāsinī ||104|| tulasī-toṣikā taiti-lānanda-paritoṣikā | gaja-muktā mahā-muktā mahā-mukti-phala-pradā ||105|| anaṅga-mohinī śakti-rūpā śakti-svarūpinī | pañca-śakti-svarūpā ca śaiśavānanda-kārinī ||106|| gajendra-gāminī śyāma-latānaṅga-latā tathā | yoṣit-śakti-svarūpā ca yoṣid-ānanda-kāriṇī ||107|| prema-priyā prema-rūpā premānanda-taraṅgiṇī | prema-hārā prema-dātrī prema-śaktimayī tathā ||108|| kṛṣṇa-premavatī dhanyā kṛṣṇa-prema-taraṅgiṇī | prema-bhakti-pradā premā premānanda-taraṅgiṇī ||109|| prema-krīḍā-parītāṅgī prema-bhakti-taraṅgiṇī | premārtha-dāyiṇī sarva- śvetā nitya-taraṅgiṇī ||110|| hāva-bhāvānvitā raudrā rudrānanda-prakāśinī | kapilā śṛṅkhalā keśa- pāśa-sambandhinī ghaṭī ||111|| kuṭīra-vāsinī dhūmrā dhūmra-keśā jalodarī | brahmāṇḍa-gocarā brahma- rūpiṇī bhāva-bhāvinī ||112|| saṁsāra-nāśinī śaivā śaivalānanda-dāyinī | śiśirā hema-rāgāḍbyā megha-rūpāti-sundarī ||113|| manoramā vegavatī vegāḍhyā veda-vādinī | dayānvitā dayādhārā dayā-rūpā susevinī ||114|| kiśora-saṅga-samsargā gaura-candrānanā kalā | kalādhinātha-vadanā kalānāthādhirohiṇī ||115|| virāga-kuśalā hema-piṅgalā hema-maṇḍanā | bhāṇḍīra-tālavana-gā kaivartī pīvarī śukī ||116|| śukadeva-guṇātītā śukadeva-priyā sakhī | vikalotkarṣiṇī koṣā kauṣeyāmbara-dhāriṇī ||117|| koṣāvarī koṣa-rūpā jagad-utpatti-kārikā | sṛṣṭi-sthiti-karī saṁhāriṇī saṁhāra-kāriṇī ||118|| keśa-śaivala-dhātrī ca candra-gātrī su-komalā | padmāṅgarāga-samrāgā vindhyādri-parivāsiṇī ||119|| Švindhyālayā śyāma-sakhī sakhī saṁsāra-rāgiṇī | bhūtā bhaviṣyā bhavyā ca bhavya-gātrā bhavātigā ||120|| bhava-nāśānta-kāriṇy ākāśa-rūpā su-veśinī | rati-raṅga-parityāgā rati-vegā rati-pradā ||121|| tejasvinī tejo-rūpa kaivalya-patha-dā śubhā | mukti-hetur mukti-hetu- laṅghinī laṅghana-kṣamā ||122|| viśāla-netrā vaisālī viśāla-kula-sambhavā | viśāla-gṛha-vāsā ca viśāla-vadarī ratiḥ ||123|| bhakty-atītā bhakta-gatir bhaktikā śiva-bhakti-dā | śiva-śakti-svarūpā ca śivārdhāṅga-vihāriṇī ||124|| śirīṣa-kusumāmodā śirīṣa-kusumojjvalā | śirīṣa-mṛdhvī śairīṣi śirīṣa-kusumākṛtiḥ ||125|| vāmāṅga-hāriṇī viṣṇoḥ śiva-bhakti-sukhānvitā | vijitā vijitāmodā gaganā gaṇa-toṣitā ||126|| hayāsyā heramba-sutā gaṇa-mātā sukheśvarī | duḥkha-hantrī duḥkha-harā sevitepsita-sarvadā ||127|| sarvajñatva-vidhātrī ca kula-kṣetra-nivāsinī | lavaṅgā pāṇḍava-sakhī sakhī-madhya-nivāsinī ||128|| grāmyā gītā gayā gamyā gamanātīta-nirbharā | sarvāṅga-sundarī gaṅgā gaṅgā-jalamayī tathā ||129|| gaṅgeritā pūta-gātrā pavitra-kula-dīpikā | pavitra-guṇa-śīlāḍhyā pavitrānanda-dāyinī ||130|| pavitra-guṇa-sīmāḍhyā pavitra-kula-dipanī | kampamānā kaṁsa-harā vindhyācala-nivāsinī ||131|| govardhaneśvarī govardhana-hāsyā hayākṛtiḥ | mīnāvatārā mineśī gaganeśī hayā gajī ||132|| hariṇī hariṇī hāra-dhāriṇī kanakākṛtiḥ | vidyut-prabhā vipra-mātā gopa-mātā gayeśvarī ||133|| gaveśvarī gaveśī ca gavīśi gavi-vāsinī | gati-jñā gīta-kuśalā danujendra-nivāriṇī ||134|| nirvāṇa-dātrī nairvāṇī hetu-yuktā gayottarā | parvatādhinivāsā ca nivāsa-kuśalā tathā ||135|| sannyāsa-dharma-kuśalā sannyāseśī śaran-mukhī | śarac-candra-mukhī śyāma- hārā kṣetra-nivāsinī ||136|| vasanta-rāga-samrāgā vasanta-vasanākṛtiḥ | catur-bhujā śaḍ-bhujā dvi-bhujā gaura-vigrahā ||137|| sahasrāsyā vihāsyā ca mudrāsyā mada-dāyinī | prāṇa-priyā prāṇa-rūpa prāṇa-rūpiṇy apāvṛtā ||138|| kṛṣṇa-prītā kṛṣṇa-ratā kṛṣṇa-toṣaṇa-tat-parā | kṛṣṇa-prema-ratā kṛṣṇa-bhaktā bhakta-phala-pradā ||139|| kṛṣṇa-premā prema-bhaktā hari-bhakti-pradāyinī | caitanya-rūpā caitanya-priyā caitanya-rūpiṇī ||140|| ugra-rūpā śiva-kroḍā kṛṣṇa-kroḍā jalodarī | mahodarī mahā-durga-kāntāra-sustha-vāsiṇī ||141|| candrāvalī candra-keśī candra-prema-taraṅgiṇī | samudra-mathanodbhūtā samudra-jala-vāsinī ||142|| samudrāmṛta-rupā ca samudra-jala-vāsikā | keśa-pāśa-ratā nidrā kṣudhā prema-taraṅgikā ||143|| dūrvā-dala-śyāma-tanur dūrvā-dala-tanu-ccbaviḥ | nāgarā nāgari-rāgā nāgarānanda-kāriṇī ||144|| nāgarāliṅgana-parā nāgarāṅgana-maṅgalā | ucca-nīcā haimavatī priyā kṛṣṇa-taraṅga-dā ||145|| premāliṅgana-siddhāṅgī siddhā sādhya-vilāsikā | maṅgalāmoda-jananī mekhalāmoda-dhāriṇī ||146|| ratna-mañjīra-bhūṣāṅgī ratna-bhūṣaṇa-bhūṣaṇā | jambāla-mālikā kṛṣṇa- prāṇā prāṇa-vimocanā ||147|| satya-pradā satyavatī sevakānanda-dāyikā | jagad-yonir jagad-bījā vicitra-maṇi-bhūṣaṇā ||148|| rādhā-ramaṇa-kāntā ca rādhyā rādhana-rūpiṇī | kailāsa-vāsinī kṛṣṇa- prāṇa-sarvasva-dāyinī ||149|| kṛṣṇāvatāra-niratā kṛṣṇa-bhakta-phalārthinī | yācakāyācakānanda-kāriṇī yācakojjvalā ||150|| hari-bhūṣaṇa-bhuṣāḍhyā-nanda-yuktārdra-pada-gā | hai-hai-tāla-dharā thai-thai-śabda-śakti-prakāśinī ||151|| he-he-śabda-svarupā ca hi-hi-vākya-viśāradā | jagad-ānanda-kartrī ca sāndrānanda-viśāradā ||152|| paṇḍitā paṇḍita-guṇā paṇḍitānanda-kāriṇī | paripālana-kartrī ca tathā sthiti-vinodinī ||153|| tathā samhāra-śabdāḍhyā vidvaj-jana-manoharā | viduṣāṁ prīti-jananī vidvat-prema-vivardhinī ||154|| nādeśī nāda-rūpā ca nāda-bindu-vidhāriṇī | śūnya-sthāna-sthitā śūnya- rūpa-pādapa-vāsinī ||155|| kārttika-vrata-kartrī ca vasanā-hāriṇī tathā | jala-śāyā jala-talā śilā-tala-nivāsinī ||156|| kṣudra-kīṭāṅga-samsargā saṅga-dośa-vināśinī | koṭi-kandarpa-lāvaṇyā kandarpa-koṭi-sundarī ||157|| kandarpa-koṭi-jananī kāma-bīja-pradāyinī | kāma-śāstra-vinodā ca kāma-śāstra-prakāśinī ||158|| kāma-prakāśikā kāminy aṇimādy-aṣṭa-siddhi-dā | yāminī yāminī-nātha- vadanā yāminīśvarī ||159|| yāga-yoga-harā bhukti-mukti-dātrī hiraṇya-dā | kapāla-mālinī devī dhāma-rūpiṇy apūrva-dā ||160|| kṛpānvitā guṇā gauṇyā guṇātīta-phala-pradā | kuṣmāṇḍa-bhūta-vetāla-nāśinī śaradānvitā ||161|| sītalā śavalā helā līlā lāvaṇya-maṅgalā | vidyārthinī vidyamānā vidyā vidyā-svarūpiṇī ||162|| ānvīkṣikī śāstra-rūpā śāstra-siddhāṇṭa-kāriṇī | nāgendrā nāga-mātā ca krīḍā-kautuka-rūpiṇī ||163|| hari-bhāvana-śīlā ca hari-toṣaṇa-tat-parā | hari-prāṇā hara-prāṇā śiva-prāṇā śivānvitā ||164|| narakārṇava-saṁhantrī narakārṇava-nāśinī | nareśvarī narātītā nara-sevyā narāṅganā ||165|| yaśodānandana-prāṇa-vallabhā hari-vallabhā | yaśodānandanāramyā yaśodānandaneśvarī ||166|| yaśodānandanākriḍā yaśodā-kroḍa-vāsinī | yaśodānandana-prāṇā yaśodānandanārthadā ||167|| vatsalā kauśalā kālā karuṇārṇava-rūpiṇī | svarga-lakṣmīr bhūmi-lakṣmīr draupadī pāṇḍava-priyā ||168|| tathārjuna-sakhī bhaumī bhaimī bhīma-kulodvahā | bhuvanā mohanā kṣīṇā pānāsakta-tarā tathā ||169|| pānārthinī pāna-pātrā pāna-pānanda-dāyinī | dugdha-manthana-karmāḍhyā dugdha-manthana-tat-parā ||170|| dadhi-bhāṇḍārthinī kṛṣṇa-krodhinī nandanāṅganā | ghṛta-liptā takra-yuktā yamunā-pāra-kautukā ||171|| vicitra-kathakā kṛṣṇa-hāsya-bhāṣaṇa-tat-parā | gopāṅganāveṣṭitā ca kṛṣṇa-saṅgārthinī tathā ||172|| rāsāsaktā rāsa-ratir āsavāsakta-vāsanā | haridrā haritā hāriṇy ānandārpita-cetanā ||173|| niścaitanyā ca niścetā tathā dāru-haridrikā | subalasya svasā kṛṣṇa-bhāryā bhāṣāti-veginī ||174|| śrīdāmasya śakhī dāma-dāminī dāma-dhāriṇī | kailāsinī keśinī ca harid-ambara-dhāriṇī ||175|| hari-sānnidhya-dātrī ca hari-kautuka-maṅgalā | hari-pradā hari-dvārā yamunā-jala-vāsinī ||176|| jaitra-pradā jitārthī ca caturā cāturī tamī | tamisrā''tāpa-rūpā ca raudra-rūpā yaśo-'rthinī ||177|| kṛṣṇārthinī kṛṣṇa-kalā kṛṣṇānanda-vidhāyinī | kṛṣṇārtha-vāsanā kṛṣṇa-rāginī bhava-bhāvinī ||178|| kṛṣṇārtha-rahitā bhaktā bhakta-bhukti-śubha-pradā | śrī-kṛṣṇa-rahitā dīnā tathā virahiṇī hareḥ ||179|| mathurā mathurā-rāja-geha-bhāvana-bhāvanā | śrī-kṛṣṇa-bhāvanāmodā tatho''nmāda-vidhāyinī ||180|| kṛṣṇārtha-vyākulā kṛṣṇa-sāra-carma-dharā śubhā | alakeśvara-pūjyā ca kuvereśvara-vallabhā ||181|| dhana-dhānya-vidhātrī ca jāyā kāyā hayā hayī | praṇavā praṇaveśī ca praṇavārtha-svarūpiṇī ||182|| brahma-viṣṇu-śivārdhāṅga- hāriṇī śaiva-śiṁsapā | rākṣasī-nāśinī bhūta- preta-prāṇa-vināśinī ||183|| sakalepsita-dātrī ca śacī sādhvī arundhatī | pati-vratā pati-prāṇā pati-vākya-vinodinī | aśeṣa-sādhanī kalpa-vāsinī kalpa-rūpiṇī ||184|| iti śrī-nārada-pañcarātre jñānāmṛta-sāre pañcama-rātre pañcamo’dhyāyaḥ ||5|| …