Chapter 7

सप्तमोऽध्यायः श्रीपार्वत्युवाच— कैलासवासिन् भगवन् भक्तानुग्रहकारक । राधिकाकवचꣳ पुण्यꣳ कथयस्व मम प्रभो ॥१॥ यद्यस्ति करुणा नाथ त्राहि माꣳ दुःखतो भयात् त्वमेव शरणꣳ नाथ शूलपाणे पिनाकधृक् ॥२॥ श्री महादेव उवाच— शृणुष्व गिरिजे तुभ्यꣳ कवचꣳ पूर्वसूचितम् । सर्वरक्षाकरꣳ पुण्यꣳ सर्वहत्याहरꣳ परम् ॥३॥ हरिभक्तिप्रदꣳ साक्षात् भक्तिमुक्तिप्रसाधनम् । त्रैलोक्याकर्षणꣳ देवि हरिसान्निध्यकारकम् ॥४॥ सर्वत्र जयदꣳ देवि सर्वशत्रुभयावहम् । सर्वेषाꣳ चैव भूतानाꣳ मनोवृत्तिकरꣳ परम् ॥५॥ चतुर्धासुक्तिजनकꣳ सदानन्दकरꣳ परम् । राजसूयाश्वमेधानाꣳ यज्ञानाꣳ फलदायकम् ॥६॥ इदꣳ कवचमज्ञात्वा राधामन्त्रꣳ च यो जपेत् । स नाप्नोति फलꣳ तस्य विघ्नस्तस्य पदे पदे ॥७॥ ऋषिरस्य महादेवोऽनुष्टप्छन्दश्च कीर्तितः । राधास्य देवता प्रोक्ता राꣳ-बीजꣳ कीलकꣳ स्मृतम् ॥८॥ धर्मार्थकाममोक्षेषु विनियोगः प्रकीर्तितः । श्रीगधा से शिरः पातु ललाटꣳ राधिका तथा ॥९॥ श्रीमती नेत्रयुगलꣳ कर्णौ गोपेन्द्रनन्दिनी । हरिप्रिया नासिकाꣳ च भ्रूयुगꣳ शशिशोभना ॥१०॥ ओष्ठꣳ पातु कृपा देवी अधरꣳ गोपिका तथा । नषभानुसुता दन्तान् चिबुकꣳ गोपनन्दिनी ॥११॥ चन्द्रावली पातु गण्डꣳ जिह्वाꣳ कृष्णप्रिया तथा । कण्ठꣳ पातु हरिप्राणा हृदयꣳ विजया तथा ॥१२॥ बाहू द्वौ चन्द्रवदना उदरꣳ सुबलस्वसा । काओटियोगान्विता पातु पादौ सौभद्रिका तथा ॥१३॥ नखान् चन्द्रमुखी पातु गुल्फौ गोपालबल्लभा । नखान् विधुमुखी देवी गोपी पादतलꣳ तथा ॥१४॥ शुभप्रदा पातु पृष्ठꣳ कक्षा श्रीकान्तबल्लभा । जानुदेशꣳ जया पातु हरिणी पातु सर्वतः ॥१५॥ वाक्यꣳ वाणी सदा पातु धनागारꣳ धनेश्वरी । पूर्वादिशꣳ कृष्णरता कृष्णप्राणा च पश्चिमाम् ॥१६॥ उत्तराꣳ हरिता पातु दक्षिणाꣳ वृषभानुजा । चन्द्रावली नैशमेव दिवा श्वेडितमेखला ॥१७॥ सौभाग्यदा मध्यदिने सायाहे कामरूपिणी । रौद्री प्रातः पातु माꣳ हि गोपिनो रजनीक्षये ॥१८॥ हेतुदा सङ्गवे पातु केतुमाला दिवार्धके । शेषापराह्नसमये शमिता सर्वसꣳधिषु ॥१९॥ योगिनी भोगसमये रतौ रतिप्रदा सदा । कामेशी कौतुके नित्यꣳ योगे रत्नावली मम ॥२०॥ सर्वदा सर्वकार्येषु राधिका कृष्णमानसा । इत्येतत् कथितꣳ देवि कवचꣳ परमाद्भुतम् ॥२१॥ सर्वरक्षाकरꣳ नाम महारक्षाकरꣳ परम् । प्रातर्मध्याह्नसमये सायाह्ने प्रपठेद्यदि ॥२२॥ सर्वार्थसिद्धिस्तस्य स्यात् यद्यन्मनसि वर्तते । राजद्वारे सभायाꣳ च सꣳग्रामे शत्रुसꣳकटे ॥२३॥ प्राणार्यनाशसमये यः पठेत् प्रयतो नरः । तस्य सिद्धिर्भवेद्देवि न भयꣳ विद्यते क्वचित् ॥२४॥ आराधिता राधिका च तेन सत्यꣳ न सꣳशयः । गङ्गास्नानात् हरेर्नामग्रहणाद्यत् फलꣳ लभेत् ॥२५॥ तत् फलꣳ तस्य भवति यः पठेत् प्रयतः शुचिः । हरिद्रारोचनाचन्द्रमण्डितꣳ हरिचन्दनम् ॥२६॥ कृत्वा लिखित्वा भूर्जे च धारयेत् मस्तके भुजे । कण्ठे वा देवदेवेशि स हरिर्नात्र सꣳशयः ॥२७॥ कवचस्य प्रसादेन ब्रह्मा सृष्टिꣳ स्थितिꣳ हरिः । सꣳहार चाहꣳ नियतꣳ करोमि कुरुते तथा ॥२८॥ वैष्णवाय विशुद्धाय विरागगुणशालिने । दद्यात् कवचमव्यग्रमन्यथा नाशमाप्नुयात् ॥२९॥ इति श्रीनारदपञ्चरात्रे ज्ञानामृतसारे पञ्चमरात्रे सर्वरक्षाकरꣳ राधाकवचꣳ समाप्तꣳ सप्तमोऽध्यायः ॥७॥ …

saptamo'dhyāyaḥ śrīpārvatyuvāca— kailāsavāsin bhagavan bhaktānugrahakāraka | rādhikākavacaṁ puṇyaṁ kathayasva mama prabho ||1|| yadyasti karuṇā nātha trāhi māṁ duḥkhato bhayāt tvameva śaraṇaṁ nātha śūlapāṇe pinākadhṛk ||2|| śrī mahādeva uvāca— śṛṇuṣva girije tubhyaṁ kavacaṁ pūrvasūcitam | sarvarakṣākaraṁ puṇyaṁ sarvahatyāharaṁ param ||3|| haribhaktipradaṁ sākṣāt bhaktimuktiprasādhanam | trailokyākarṣaṇaṁ devi harisānnidhyakārakam ||4|| sarvatra jayadaṁ devi sarvaśatrubhayāvaham | sarveṣāṁ caiva bhūtānāṁ manovṛttikaraṁ param ||5|| caturdhāsuktijanakaṁ sadānandakaraṁ param | rājasūyāśvamedhānāṁ yajñānāṁ phaladāyakam ||6|| idaṁ kavacamajñātvā rādhāmantraṁ ca yo japet | sa nāpnoti phalaṁ tasya vighnastasya pade pade ||7|| ṛṣirasya mahādevo'nuṣṭapchandaśca kīrtitaḥ | rādhāsya devatā proktā rāṁ-bījaṁ kīlakaṁ smṛtam ||8|| dharmārthakāmamokṣeṣu viniyogaḥ prakīrtitaḥ | śrīgadhā se śiraḥ pātu lalāṭaṁ rādhikā tathā ||9|| śrīmatī netrayugalaṁ karṇau gopendranandinī | haripriyā nāsikāṁ ca bhrūyugaṁ śaśiśobhanā ||10|| oṣṭhaṁ pātu kṛpā devī adharaṁ gopikā tathā | naṣabhānusutā dantān cibukaṁ gopanandinī ||11|| candrāvalī pātu gaṇḍaṁ jihvāṁ kṛṣṇapriyā tathā | kaṇṭhaṁ pātu hariprāṇā hṛdayaṁ vijayā tathā ||12|| bāhū dvau candravadanā udaraṁ subalasvasā | kāoṭiyogānvitā pātu pādau saubhadrikā tathā ||13|| nakhān candramukhī pātu gulphau gopālaballabhā | nakhān vidhumukhī devī gopī pādatalaṁ tathā ||14|| śubhapradā pātu pṛṣṭhaṁ kakṣā śrīkāntaballabhā | jānudeśaṁ jayā pātu hariṇī pātu sarvataḥ ||15|| vākyaṁ vāṇī sadā pātu dhanāgāraṁ dhaneśvarī | pūrvādiśaṁ kṛṣṇaratā kṛṣṇaprāṇā ca paścimām ||16|| uttarāṁ haritā pātu dakṣiṇāṁ vṛṣabhānujā | candrāvalī naiśameva divā śveḍitamekhalā ||17|| saubhāgyadā madhyadine sāyāhe kāmarūpiṇī | raudrī prātaḥ pātu māṁ hi gopino rajanīkṣaye ||18|| hetudā saṅgave pātu ketumālā divārdhake | śeṣāparāhnasamaye śamitā sarvasaṁdhiṣu ||19|| yoginī bhogasamaye ratau ratipradā sadā | kāmeśī kautuke nityaṁ yoge ratnāvalī mama ||20|| sarvadā sarvakāryeṣu rādhikā kṛṣṇamānasā | ityetat kathitaṁ devi kavacaṁ paramādbhutam ||21|| sarvarakṣākaraṁ nāma mahārakṣākaraṁ param | prātarmadhyāhnasamaye sāyāhne prapaṭhedyadi ||22|| sarvārthasiddhistasya syāt yadyanmanasi vartate | rājadvāre sabhāyāṁ ca saṁgrāme śatrusaṁkaṭe ||23|| prāṇāryanāśasamaye yaḥ paṭhet prayato naraḥ | tasya siddhirbhaveddevi na bhayaṁ vidyate kvacit ||24|| ārādhitā rādhikā ca tena satyaṁ na saṁśayaḥ | gaṅgāsnānāt harernāmagrahaṇādyat phalaṁ labhet ||25|| tat phalaṁ tasya bhavati yaḥ paṭhet prayataḥ śuciḥ | haridrārocanācandramaṇḍitaṁ haricandanam ||26|| kṛtvā likhitvā bhūrje ca dhārayet mastake bhuje | kaṇṭhe vā devadeveśi sa harirnātra saṁśayaḥ ||27|| kavacasya prasādena brahmā sṛṣṭiṁ sthitiṁ hariḥ | saṁhāra cāhaṁ niyataṁ karomi kurute tathā ||28|| vaiṣṇavāya viśuddhāya virāgaguṇaśāline | dadyāt kavacamavyagramanyathā nāśamāpnuyāt ||29|| iti śrīnāradapañcarātre jñānāmṛtasāre pañcamarātre sarvarakṣākaraṁ rādhākavacaṁ samāptaṁ saptamo'dhyāyaḥ ||7|| …