Chapter 5

पञ्चमोऽध्यायः त्रैलोक्यमङ्गल कवचम् श्रीनारद उवाच— भगवन् सर्वधर्मज्ञ कवचꣳ यत्प्रकाशितम् । त्रैलोक्यमङ्गलꣳ नाम कृपया कथय प्रभो ॥१॥ श्रीसनत्कुमार उवाच— शृणु वक्ष्यामि विप्रेन्द्र कवचꣳ परमाद्भुतम् । नारायणेन कथितꣳ कृपया ब्रह्मणे पुरा ॥२॥ बह्मणा कथितꣳ मह्यꣳ परꣳ स्नेहाद्वदामि ते । अतिगुह्यतरꣳ तत्त्वꣳ ब्रह्ममन्त्रौघविग्रहम् ॥३॥ यद्धृत्वा पठनाद्ब्रह्मा सृष्टिꣳ वितनुते ध्रुवम् । यद्धृत्वा पठनात्पाति महालक्ष्मीर्जगत्त्रयम् ॥४॥ पठनाद्धारणात् शम्भुः सꣳहर्ता सर्वमन्त्रवित् । त्रैलोक्यजननी दुर्गा महिषादिमहासुरान् ॥५॥ वरदृप्तान् जघानैव पठनाद्धारणाद्यतः । एवमिन्द्रादय सर्वे सर्वेश्वर्यमवाप्नुयुः ॥६॥ इदꣳ कवचमत्यन्तगुप्तꣳ कुत्रापि नो वदेत् । शिष्याय भक्तियुक्ताय साधकाय प्रकाशयेत् ॥७॥ शठाय परशिष्याय दत्त्वा मृत्युमवाप्नुयात् । विनियोगः— त्रैलोक्यमङ्गलस्यास्य कवचस्य प्रजापतिः ॥८॥ ऋषिश्छन्दश्च गायत्री देवो नारायणः स्वयम् । धर्मार्थकाममोक्षेषु विनियोगः प्रकीर्तितः ॥९॥ प्रणवो मे शिरः पातु नमो नारायणाय च । भालꣳ मे नेत्रयुगलमष्टार्णो भक्तिमुक्तिदः ॥१०॥ क्लीꣳ पायाच्छ्रोत्रयुग्मꣳ चैकाक्षरः सर्वमोहन । क्लीꣳकृष्णाय सदा घ्राणꣳ गोविन्दायेनि जिह्निकाम् ॥११॥ गोपीजनपदꣳ वल्लभाय स्वाहाननꣳ मम । अष्टादशाक्षरो मन्त्रः कण्ठꣳ पातु दशाक्षरः ॥१२॥ गोपीजनपदꣳ वल्लभाय स्वाहा भुजद्वयम् । क्लीꣳ ग्लौꣳ क्लीꣳ श्यामलाङ्गाय नमःस्कन्धौदशाक्षरः ॥१३॥ क्लीꣳ कृष्ण क्लीꣳ करौ पायात् क्लीꣳ कृष्णायाङ्गतोऽवतु । हृदयꣳ भुवनेशानी क्लीꣳ कृष्णाय क्लीꣳ स्तनौ मम ॥१४॥ गोपालायाग्निजायान्तꣳ कुक्षियुग्मꣳ सदावतु । क्लीꣳ कृष्णाय सदा पातु पार्श्वयुग्ममन्यत्तमः ॥१५॥ कृष्णगोविन्दकौ पातु स्मराद्यौ डेयुतौ मनुः । अष्टाक्षरः पातु नाभि कृष्णेति द्व्यक्षरोऽवतु ॥१६॥ पृष्ठꣳ क्लीꣳ कृष्ण कड्कालꣳ क्लीꣳ कृष्णाय द्विठान्तकः । शक्थिनी सततꣳ पातु श्रीꣳ ह्रीꣳ क्लीꣳ कृष्णठद्वयम् ॥१७॥ ऊरू सप्ताक्षरः पायात् त्रयोदशाक्षरोऽवतु । श्रीꣳ ह्रीꣳ क्लीꣳ पदतो गोपीजनवल्लभदन्ततः ॥१८॥ भया स्वाहेति पायूꣳ वै क्लीꣳ ह्रीꣳ श्रीꣳ सदशार्णकः । जानुनी च सदा पातु ह्रीꣳ श्रीꣳ क्लीꣳ च दशाक्षरः ॥१९॥ त्रयोदशाक्षरः पातु जङ्घे चक्राद्यूदायुधः । अष्टादशाक्षरो ह्रीꣳ श्रीꣳ पूर्वको विꣳशदर्णकः ॥२०॥ सर्वाङ्गꣳ मे सदा पातु द्वारकानायको बली । नमो भग्वते पश्चाद्वासुदेवाय तत्परम् ॥२१॥ ताराद्यो द्वादशार्णोऽयꣳ प्राच्याꣳ माꣳ सर्वदावतु । श्रीꣳ ह्रीꣳ क्लीꣳ च दशार्णस्तु क्लीꣳ ह्रीꣳ श्रीꣳ षोडशार्णकः ॥२२॥ गदाद्युदायुधो विष्णुर्मामग्नेर्दिशि रक्षतु । ह्रीꣳ श्रीꣳ दशाक्षरो मन्त्रो दक्षिणे माꣳ सदावतु ॥२३॥ तारो नमो भगवते रुक्मिणीवल्लभाय च । स्वाहेति षोडशार्णोऽयꣳ नैऋत्याꣳ दिशि रक्षतु ॥२४॥ क्लीꣳ हृषीकेपदꣳ शाय नमो माꣳ वारुणेवतु । अष्टादशार्णः कामान्तो वायव्ये माꣳ सदावतु ॥२५॥ श्री माया काम कृष्णाय गोविन्दाय द्विठो मनुः । द्वादशात्मको विष्णुरुत्तरे माꣳ सदावतु ॥२६॥ वाग्भवꣳ कामꣳ कृष्णाय ह्रीꣳ गोविन्दाय तत्परम् । श्री गोपीजनवल्लभान्ते भाय स्वाहा हसौस्ततः ॥२७॥ द्वाविꣳशत्यक्षरो मन्त्री मामैशान्ये सदावतु । कालियस्य फणामध्ये दिव्यꣳ नृत्यꣳ करोति तम् ॥२८॥ नमामि देवकीपुत्रꣳ नृत्यराजानमच्युतम् । द्वात्रिꣳशदक्षरो मन्त्रोऽप्यधो माꣳ सर्वदावतु ॥२९॥ कामदेवाय विद्महे पुष्पबाणाय धीमहि । तन्नोऽनङ्गः प्रचोदयादेषा माꣳ पातु चोर्ध्वतः ॥३०॥ इति ते कथितꣳ विप्र ब्रह्ममन्त्रौघविग्रहम् । त्रैलोक्यमङ्गलꣳ नाम कवचꣳ ब्रह्मरूपकम् ॥३१॥ ब्रह्मणा कथितꣳ पूर्वꣳ नारायणमुखाच्छुतम् । तव स्नेहान्मयाख्यातꣳ प्रवक्तव्यꣳ न कस्यचित् ॥३२॥ गुरुꣳ प्रणम्य विधिवत् कवचꣳ प्रपठेत्ततः । सकृद्विस्त्रिर्यथाज्ञानꣳ सोऽपि सर्वतपोमयः ॥३३॥ मन्त्रेषु सकलेष्वेव देशिको नात्र सꣳशयः । शतमष्टोत्तरꣳ चास्य पुरश्चर्याविधिः स्मृतः ॥३४॥ हवनादीन्दशाꣳशेन कृत्वा तत्साधयेत् ध्रुवम् । यदि स्यात् सिद्धिकवचो विष्णुरेव भवेत् स्वयम् ॥३५॥ मन्त्रसिद्धिर्भवेत् तस्य पुरश्चर्याविधानतः । स्पर्धामुद्भूय सततꣳ लक्ष्मीर्वाणी वसेत्ततः ॥३६॥ पुष्पाञ्जल्यष्टकꣳ दत्त्वा मूलेनैव पठेत्सकृत् । दशावर्षसहस्राणाꣳ पूजायाः फलमाप्नुयात् ॥३७॥ भूर्जे विलिख्य गुलिकाꣳ स्वर्णस्थाꣳ धारयेद्यदि । कण्ठे वा दक्षिणे बाहौ सोऽपि विष्णुर्न सꣳशयः ॥३८॥ अश्वमेधसहस्राणि वाजपेयशतानि च । महादानादि यान्यव प्रादक्षिण्यꣳ भुवस्तथा ॥३९॥ कलाꣳ नार्हन्ति तान्येव सकृदुच्चारणात्ततः । कवचस्य प्रसादेन जीवन्मुक्तो भवेन्नरः ॥४०॥ त्रैलोक्य क्षोभयत्येव त्रैलोक्यविजयी भवेत् । इदꣳ कवचमज्ञात्वा यजेद्यः पुरुषोत्तमम् । शतलक्षप्रजप्तोऽपि नस्य मन्त्रस्त सिध्यति ॥४१॥ इति श्रीनारदपञ्चरात्रे ज्ञानामृतसारे चतुर्थरात्रे त्रैलोक्यमङ्गलꣳ कवचꣳ नाम पञ्चमोऽध्यायः समाप्तः ॥५॥ …

pañcamo'dhyāyaḥ trailokyamaṅgala kavacam śrīnārada uvāca— bhagavan sarvadharmajña kavacaṁ yatprakāśitam | trailokyamaṅgalaṁ nāma kṛpayā kathaya prabho ||1|| śrīsanatkumāra uvāca— śṛṇu vakṣyāmi viprendra kavacaṁ paramādbhutam | nārāyaṇena kathitaṁ kṛpayā brahmaṇe purā ||2|| bahmaṇā kathitaṁ mahyaṁ paraṁ snehādvadāmi te | atiguhyataraṁ tattvaṁ brahmamantraughavigraham ||3|| yaddhṛtvā paṭhanādbrahmā sṛṣṭiṁ vitanute dhruvam | yaddhṛtvā paṭhanātpāti mahālakṣmīrjagattrayam ||4|| paṭhanāddhāraṇāt śambhuḥ saṁhartā sarvamantravit | trailokyajananī durgā mahiṣādimahāsurān ||5|| varadṛptān jaghānaiva paṭhanāddhāraṇādyataḥ | evamindrādaya sarve sarveśvaryamavāpnuyuḥ ||6|| idaṁ kavacamatyantaguptaṁ kutrāpi no vadet | śiṣyāya bhaktiyuktāya sādhakāya prakāśayet ||7|| śaṭhāya paraśiṣyāya dattvā mṛtyumavāpnuyāt | viniyogaḥ— trailokyamaṅgalasyāsya kavacasya prajāpatiḥ ||8|| ṛṣiśchandaśca gāyatrī devo nārāyaṇaḥ svayam | dharmārthakāmamokṣeṣu viniyogaḥ prakīrtitaḥ ||9|| praṇavo me śiraḥ pātu namo nārāyaṇāya ca | bhālaṁ me netrayugalamaṣṭārṇo bhaktimuktidaḥ ||10|| klīṁ pāyācchrotrayugmaṁ caikākṣaraḥ sarvamohana | klīṁkṛṣṇāya sadā ghrāṇaṁ govindāyeni jihnikām ||11|| gopījanapadaṁ vallabhāya svāhānanaṁ mama | aṣṭādaśākṣaro mantraḥ kaṇṭhaṁ pātu daśākṣaraḥ ||12|| gopījanapadaṁ vallabhāya svāhā bhujadvayam | klīṁ glauṁ klīṁ śyāmalāṅgāya namaḥskandhaudaśākṣaraḥ ||13|| klīṁ kṛṣṇa klīṁ karau pāyāt klīṁ kṛṣṇāyāṅgato'vatu | hṛdayaṁ bhuvaneśānī klīṁ kṛṣṇāya klīṁ stanau mama ||14|| gopālāyāgnijāyāntaṁ kukṣiyugmaṁ sadāvatu | klīṁ kṛṣṇāya sadā pātu pārśvayugmamanyattamaḥ ||15|| kṛṣṇagovindakau pātu smarādyau ḍeyutau manuḥ | aṣṭākṣaraḥ pātu nābhi kṛṣṇeti dvyakṣaro'vatu ||16|| pṛṣṭhaṁ klīṁ kṛṣṇa kaḍkālaṁ klīṁ kṛṣṇāya dviṭhāntakaḥ | śakthinī satataṁ pātu śrīṁ hrīṁ klīṁ kṛṣṇaṭhadvayam ||17|| ūrū saptākṣaraḥ pāyāt trayodaśākṣaro'vatu | śrīṁ hrīṁ klīṁ padato gopījanavallabhadantataḥ ||18|| bhayā svāheti pāyūṁ vai klīṁ hrīṁ śrīṁ sadaśārṇakaḥ | jānunī ca sadā pātu hrīṁ śrīṁ klīṁ ca daśākṣaraḥ ||19|| trayodaśākṣaraḥ pātu jaṅghe cakrādyūdāyudhaḥ | aṣṭādaśākṣaro hrīṁ śrīṁ pūrvako viṁśadarṇakaḥ ||20|| sarvāṅgaṁ me sadā pātu dvārakānāyako balī | namo bhagvate paścādvāsudevāya tatparam ||21|| tārādyo dvādaśārṇo'yaṁ prācyāṁ māṁ sarvadāvatu | śrīṁ hrīṁ klīṁ ca daśārṇastu klīṁ hrīṁ śrīṁ ṣoḍaśārṇakaḥ ||22|| gadādyudāyudho viṣṇurmāmagnerdiśi rakṣatu | hrīṁ śrīṁ daśākṣaro mantro dakṣiṇe māṁ sadāvatu ||23|| tāro namo bhagavate rukmiṇīvallabhāya ca | svāheti ṣoḍaśārṇo'yaṁ naiṛtyāṁ diśi rakṣatu ||24|| klīṁ hṛṣīkepadaṁ śāya namo māṁ vāruṇevatu | aṣṭādaśārṇaḥ kāmānto vāyavye māṁ sadāvatu ||25|| śrī māyā kāma kṛṣṇāya govindāya dviṭho manuḥ | dvādaśātmako viṣṇuruttare māṁ sadāvatu ||26|| vāgbhavaṁ kāmaṁ kṛṣṇāya hrīṁ govindāya tatparam | śrī gopījanavallabhānte bhāya svāhā hasaustataḥ ||27|| dvāviṁśatyakṣaro mantrī māmaiśānye sadāvatu | kāliyasya phaṇāmadhye divyaṁ nṛtyaṁ karoti tam ||28|| namāmi devakīputraṁ nṛtyarājānamacyutam | dvātriṁśadakṣaro mantro'pyadho māṁ sarvadāvatu ||29|| kāmadevāya vidmahe puṣpabāṇāya dhīmahi | tanno'naṅgaḥ pracodayādeṣā māṁ pātu cordhvataḥ ||30|| iti te kathitaṁ vipra brahmamantraughavigraham | trailokyamaṅgalaṁ nāma kavacaṁ brahmarūpakam ||31|| brahmaṇā kathitaṁ pūrvaṁ nārāyaṇamukhācchutam | tava snehānmayākhyātaṁ pravaktavyaṁ na kasyacit ||32|| guruṁ praṇamya vidhivat kavacaṁ prapaṭhettataḥ | sakṛdvistriryathājñānaṁ so'pi sarvatapomayaḥ ||33|| mantreṣu sakaleṣveva deśiko nātra saṁśayaḥ | śatamaṣṭottaraṁ cāsya puraścaryāvidhiḥ smṛtaḥ ||34|| havanādīndaśāṁśena kṛtvā tatsādhayet dhruvam | yadi syāt siddhikavaco viṣṇureva bhavet svayam ||35|| mantrasiddhirbhavet tasya puraścaryāvidhānataḥ | spardhāmudbhūya satataṁ lakṣmīrvāṇī vasettataḥ ||36|| puṣpāñjalyaṣṭakaṁ dattvā mūlenaiva paṭhetsakṛt | daśāvarṣasahasrāṇāṁ pūjāyāḥ phalamāpnuyāt ||37|| bhūrje vilikhya gulikāṁ svarṇasthāṁ dhārayedyadi | kaṇṭhe vā dakṣiṇe bāhau so'pi viṣṇurna saṁśayaḥ ||38|| aśvamedhasahasrāṇi vājapeyaśatāni ca | mahādānādi yānyava prādakṣiṇyaṁ bhuvastathā ||39|| kalāṁ nārhanti tānyeva sakṛduccāraṇāttataḥ | kavacasya prasādena jīvanmukto bhavennaraḥ ||40|| trailokya kṣobhayatyeva trailokyavijayī bhavet | idaṁ kavacamajñātvā yajedyaḥ puruṣottamam | śatalakṣaprajapto'pi nasya mantrasta sidhyati ||41|| iti śrīnāradapañcarātre jñānāmṛtasāre caturtharātre trailokyamaṅgalaṁ kavacaṁ nāma pañcamo'dhyāyaḥ samāptaḥ ||5|| …