Chapter 9

नवमोऽध्यायः पूजाद्रव्यविधानम् श्री महादेव उवाच— परिभाषामथो वक्ष्ये उपचारविधौ हरेः । द्रव्याणाꣳ यावती सङ्ख्या पात्राणाꣳ द्रव्यसꣳगतिः ॥१॥ हाटकꣳ राजतꣳ ताम्रमारकूटमृगादिना । उपचारविधावेतत् द्रव्यमाहुर्मनीषिणः ॥२॥ आसने पञ्च पुष्पाणि स्वागते षट् चतुष्पलम् । जलꣳ श्यामाकदूर्वाब्जविष्णुक्रान्ताभिरीरितम् ॥३॥ पाद्ये चार्ध्ये जलꣳ तावद्गन्धपुष्पाक्षतान्वितम् । दूर्वास्तिलाक्षतꣳ चैव कुशाग्रश्वेतसर्षपाः ॥४॥ जातीफलꣳ लवङ्गꣳ च कक्कोलꣳ तोयषट्पलम् । प्रोक्तमाचमनꣳ काꣳस्ये मधुपर्कꣳ घृतꣳ मधु ॥५॥ दध्ना सह पलैकꣳ तु शुद्धꣳ वारि तथाचमे । परिमाणन्तु पञ्चाशत् पलꣳ वा शुद्धमम्भसः ॥६॥ निर्मलेनोदकेनाथ सर्वत्र परिपूर्णता । सलिलꣳ गर्हितꣳ सर्वꣳ त्यजेत्पूजाविधौ हरेः ॥७॥ वितस्तिमात्रादधिकꣳ मूलमूर्धन्यपत्रकम् । स्वर्णाद्याभरणान्येव मुक्तारत्नयुतानि च ॥८॥ चन्दनागुरुकर्पूरपद्मगन्धपलावधि । नानाविधानि पुष्पाणि पञ्चाशदधिकानि च ॥९॥ काꣳस्यादिनिर्मिते पात्रे धूपगुग्गुलुकर्मभाक् । यावद्भक्ष्यꣳ भवेत् पुꣳसस्तावद्दद्याज्जनार्दने ॥१०॥ नैवेद्यꣳ यत्तु भक्ष्यꣳ च तदादिकचतुर्विधम् । कर्पूरादिघृतावृत्तिः सा च कार्पासनिर्मिता ॥११॥ सप्तावृत्तया सुसꣳजप्तो दीपः स्याच्चतुरङ्गुलः । शिलापिष्टꣳ वन्दनायाꣳ सप्तधावर्णयेन्नरः ॥१२॥ कार्या ताम्रादिपात्रे तत् प्रीतये हरिमेधसः । दूर्वक्षितप्रमाणꣳ तु विज्ञेयꣳ तु शताधिकम् ॥१३॥ तत्त्वतोऽयꣳ विधिः प्रोक्तो विभवे सति सर्वदा । एषामभावे सर्वेषाꣳ यथा शक्त्यभिपूजयेत् । सर्वभोगान्वितो भूत्वा व्रजेदन्ते हरेः पुरम् ॥१४॥ इति श्रीनारदपञ्चरात्रे चतुर्थरात्रे पूजाद्रव्यविधानꣳ नवमोऽध्यायः ॥९॥ …

navamo'dhyāyaḥ pūjādravyavidhānam śrī mahādeva uvāca— paribhāṣāmatho vakṣye upacāravidhau hareḥ | dravyāṇāṁ yāvatī saṅkhyā pātrāṇāṁ dravyasaṁgatiḥ ||1|| hāṭakaṁ rājataṁ tāmramārakūṭamṛgādinā | upacāravidhāvetat dravyamāhurmanīṣiṇaḥ ||2|| āsane pañca puṣpāṇi svāgate ṣaṭ catuṣpalam | jalaṁ śyāmākadūrvābjaviṣṇukrāntābhirīritam ||3|| pādye cārdhye jalaṁ tāvadgandhapuṣpākṣatānvitam | dūrvāstilākṣataṁ caiva kuśāgraśvetasarṣapāḥ ||4|| jātīphalaṁ lavaṅgaṁ ca kakkolaṁ toyaṣaṭpalam | proktamācamanaṁ kāṁsye madhuparkaṁ ghṛtaṁ madhu ||5|| dadhnā saha palaikaṁ tu śuddhaṁ vāri tathācame | parimāṇantu pañcāśat palaṁ vā śuddhamambhasaḥ ||6|| nirmalenodakenātha sarvatra paripūrṇatā | salilaṁ garhitaṁ sarvaṁ tyajetpūjāvidhau hareḥ ||7|| vitastimātrādadhikaṁ mūlamūrdhanyapatrakam | svarṇādyābharaṇānyeva muktāratnayutāni ca ||8|| candanāgurukarpūrapadmagandhapalāvadhi | nānāvidhāni puṣpāṇi pañcāśadadhikāni ca ||9|| kāṁsyādinirmite pātre dhūpaguggulukarmabhāk | yāvadbhakṣyaṁ bhavet puṁsastāvaddadyājjanārdane ||10|| naivedyaṁ yattu bhakṣyaṁ ca tadādikacaturvidham | karpūrādighṛtāvṛttiḥ sā ca kārpāsanirmitā ||11|| saptāvṛttayā susaṁjapto dīpaḥ syāccaturaṅgulaḥ | śilāpiṣṭaṁ vandanāyāṁ saptadhāvarṇayennaraḥ ||12|| kāryā tāmrādipātre tat prītaye harimedhasaḥ | dūrvakṣitapramāṇaṁ tu vijñeyaṁ tu śatādhikam ||13|| tattvato'yaṁ vidhiḥ prokto vibhave sati sarvadā | eṣāmabhāve sarveṣāṁ yathā śaktyabhipūjayet | sarvabhogānvito bhūtvā vrajedante hareḥ puram ||14|| iti śrīnāradapañcarātre caturtharātre pūjādravyavidhānaṁ navamo'dhyāyaḥ ||9|| …